شوفوا المنتديات التانيه إيش تسوي ........

[jikoo]

السلام عليكم ورحمة الله وبركاته

كيف الحال شباب ؟

أنا في هالاسبوعين خشيت على منتديات لبرامج هكر وبرامج مسنجر وبرامج والله حلوة كتير

ارووح على المنتدى ما أقدر أشوف ولا شي غير لازم أسجل ( علشان يجلبوا أعضاء )

وعلشان تقدر تحمل المرفق حتى مع إنك مسجل وداخل كعضوا لازم تشارك في الموضوع علشان تقدر تحمل

وعلشان تقدر ترد لازم بين كل رد على ما أظن 30 ثانيه

والله والحمد لله ما في هادا الكلام في المنتدى الحبيب ( شباب فلسطين )

وهادي الطريقه لجديدة للمنتديات علشان تجلب زوار وتجلب مشاركات كبيرة

وفي منتديات المواضيع تعتها ما شاء الله تزهق وإنتا تقلب برامج ومنوعات وبرامج هكر وبرامج مسنجر

عادا أنا خشيت برامج هكر وبرامج مسنجر وما لقيت غير هالبرامج ومواضيع للبرامج كتيرررة

قعدت أخش على كل موضوع ألاقي بيجي 10 روابط للتحميل ( والله ما يشتغل ولا واحد إلا من رحم ربك )

والمرفقات في الموضوع أحملها وأفك الضغط تبعها يجيبلي في خطأ

والمهم بعد ما لفيت كل المواضيع وشاركت وسجلت غصبن عني علشان أحمل البرامج يلي في المنتدى

ما لقيت في المنتدى كلوووا غير 10 برامج من 1000 كويسه والاصح شغال الرابط تبعها

يعني منتدى دون ما يجي حد وراك يشوف مشاركتك بس كلوو شكرا ويسلموووا

ههههههههههههه إنتهى .......... شو رأيكم ... لا ونصها منتديات فلسطينيه من دون ذكر أسماء ؟ ! !

[محمود]

ههههههههههههه

بعين الله جيكو

منور اليوم

بعينك الله باقيلك كم من امتحان

[أبو فادي]

تسلم على الاطراء الحلو

وبعدين انت اللي شايفه ولا حاجة

الحين معظم المنتديات بتنشر مواضيع بعناوين فاضحة ولا فيها حياء

والله المعين

ربنا يوفقنا و يوفقكم لكل خير

[~ | Mazaj]

هههههههههههههههه ..

انا المنتديات اللي متل هيـك بسيبها ..

تعقيب على هادي المســاوئ

في منتدى كنت مسجلة في ..

في يوم من الايام لقيت جاي على الايميل انو حدا بعتلي رسالة ..

روحت اشوف شو هي .. لهوا ما رضي يدخلني اشوفها .. قال شو لازم يكونون مشاركاتي اكتر من 50 مشاركة ..

وانا ما كانت اللي ولا مشاركة والحمد لله .. لا والمصيبة انهم بيكونوا قصدين هادي الحركة عشان يشاركو الاعضاء ..

ولا وراسهم مش اتنح من راسي .. سبت الهم المنتدى ولغيت اشتراكي ..

اتمنى اني ما اكون طولت عليكم ..

ويسلمو اخي جيكــو موضوع مفيــد ورائع ..

آسفــة للمطــولة

[اسلام]

الله يجزيك الخير اخي جيكو
الله يعطيك العافية
موضوع مهم ومفيد
انا الحمد لله كنت مشاركة في منتدى وتركته لاني مش فاضية
بس منشان منتدانا الجميل احلى منتدى

[anos]

هههههههههههههههه

ما الك الى شباب فلسطين حبيبي (بالخط العريض)

[Abu Shadi]

ههههههههههههههههههه
وجهك علي شباب فلسطين بكفل في كل حاجه عايزها
معلومات لو طلبتها بنجيبها مساعدتك في اي مشكله بنحلها اي مساعده احنا جهازين اخي مشكووور الك

[جيفاره الفلسطيني]

مشكووور اخي علي الموضوع الرائعه الفنتاستك
مرسي الك اخي

[jikoo]

مشكووووووورين الجميع على المرور وآسف في الـتأخير بالرد

وأنا تعرضت لحالة إغراء

مراقب شات في منتدى ( مراقب أزرق ) هادا بالاضافه للإغراءات الأخرى

هههههههه

أكيد فش غير منتديات شباب فلسطين بالخط العريض

بعين الله شباب

[العار على العرب]

للمدير جيكو
عذرا ولكن ليس كل ما قلته صحيح بتعرف ليش؟؟
انا من ساعة ما دخلت منتداكم وشايفة بس اهم شي عندكم قصائد مدح لعرفات!!! :eek:
وكلنا عارفين تاريخه الي بلاش احكي فيه :pirata:
يعني مسح جوخ متل ما بنحكي :showoff:

[محمود]

ههههههههههههههههههه ،،

حرية تعبيــــــــــــــر والك الرأي كله أخي الكريم ^^


ولكـــــــــن أبو عمـــــــــــــار شمعة من شموع الوطن ،، يكفينا فخرا انه الرئيس الذي صنع المجد لهذه الأمة

[العار على العرب]

انا مبسوطة انو الاخ محمود اخد الموضوع باسلوب هادىء بس فيك تفهمني شو هالمجد الي صنعه؟؟وبحكي جد؟؟

[anos]

ادا بدكو تناقشوا الموضع ناقشوه بس بتمنى بدون اي غلط على اي واحد

تقبلوا فائق تحياتي

[العار على العرب]

له يا انوس مين غلط؟؟ما حدى
وانا بطلب من اي واحد فيكم ضالع بتاريخ هالشخص يجي يناقشني وانا مستعدة وبكل احترام لاراءكم

[محمود]

أختي الكريمة ،، اطلعي فوق سطح بيتكم

واتذكري غزة قبل عشرة سنوات

وقارنيها باليوم وشوفي الفـــرق

أختــــــــــي فضــل أبو عمار علينا كبير مهما غلــط

ما راح يأثر على فضله علينا ( نقطة حبر ما بتأثر على بحر )

وشوفي النعمـــة الي انتي فيها هــلأ ،،

صار فيه اشي اسمـــه انترنت ، ولولا أبو عمار ما صار

كبرنا في هذا المجال وصرنا تاني دولة عربية تقدم خدمة adsl

وكبرنا أكتر وصرنا أول دولة في الشرق الأوسط تقدم خدمة الانترنت عن طريق الكهرباء

وهذا في مجال واحد ، وتقدري تطبقي هذا المثال على جميع مجالات الحياة

وما تنسى انو أبو عمار ضحى بحياته عشان يرفع علم فلسطين عالى

ضحى بشبابه من دولة لدولة عربية يعرض القضية الفلسطينية ويكافح لأجلها

وهــذه مش طباع انسان خائن ،بالعكس هذا عمل انسان مناضل ..

ومين الرئيس الي برضى بالحصــــار والذل حتى ما يتنازل عن القدس لمدة لا تقل عن سنتين ؟؟؟

أختي راجعي حالك كويس وخلينا نكون شوي صادقين مع حالنا ،، ولا تجوز على الميت الا الرحمة !!


عشت بطلا ومت بطلا ومازلت بطلا

وشكرا االكم

[anos]

انا ما حكيت انو في حدا غلط (انا قلت انو ناقشوا بدون غلط)

كل واحد اله رأيه الخاص فيه

[العار على العرب]

اخي الكريم محمود..بداية لست من غزة الحبيبة ولكني اعتبر نفسي ابنتها كوني ابنة فلسطين كلها
اخي لا انكر ما قدمه عرفات ولكن هناك نقاط لا تخفى على ابسط شخص في شعبنا

هل كان من الضروري ان يقبل ايدي المأفونة اولبرايت لتحصل غزة على خدمة الانترنت؟؟
هل كان من الضروري عمل سلام زائف مع قتلة شعبنا؟؟
هل كان من الضروري اثناء حصاره الذي ذكرته انت ان يضحي بخيرة ابناء شعبنا اثناء حصار الكنيسة ويشتتهم في انحاء المعمورة!!وكلنا يعرف تلك الصفقة!!

انتظر اخي محمود اجابة على كل تلك الاسئلة وعندي المزيد


وانا التي ادعوك لتكون صادقا مع نفسك وكفانا شعارات ذبحتنا وستذبح الجيل المقبل

[محمود]

انا قد أجبت عن سؤالك هذا في موضوع اخر ولحظه لارسل اليك رابط الموضوع !!

[محمود]

http://www.shabab.ps/vb/showthread.php?p=49266#post49266

[العار على العرب]

طيب وين كاتب الموضوع هذا؟؟ليش ما بيرد؟؟ :icon9:

[ديما الحب]

ههههههههههههههههههه الحمد لله انو احنا مسجلين بحلى منتدى في كل النت
وشكرا

[jikoo]

اسف اسف شباب

انا كتبت وانسيت الموضوع

والشباب أدري ببعضها

وانتوا ادري بالدنيا

نسيت أرد عليكم

سامحوني

وانا شايف الموضوع تغير عن الموضوع يلي حاطوا انا

ههههههههههههه

وانا سمعت حد بيقول أبو عمار مش نافع

هادا وكر فتح

ههههههههههههههههههه

[عذراء فلسطين]

هههه اول مرة بشوف فلسطينية بتكره وبتنتقد انسان متوفي وبتحكي عليه وكمان مين بكون رئيس فلسطين واللي ضحى بحياته كرمالها انتي اكيد مش فلسطينية

[العار على العرب]

فعلا يا جيكو هو وكر للفتحاوية انا هيك شايفة للاسف
ويا شمعة حب لو سمحتي ما تكبري حكي ما حدى ضحى بحياته كرمالي فاهمة؟؟؟
لا هو ولا الي اكبر منو
ما عاشو ولا كانو
وانا فلسطينية غصب عن الكل
انتو الي مغمضين
بشفق عليكو والله
وفعلا بكره ولما بشوف صورته بستفرغ!!!

[محمود]

أختي العار على العرب

انا مش فتحاوي

ولا انتمي لحركة فتح البته

لكن انا ابن فلسطين

ورئيسي ابا عمار

[gold_quest]

فعلا يا جيكو هو وكر للفتحاوية انا هيك شايفة للاسف
ويا شمعة حب لو سمحتي ما تكبري حكي ما حدى ضحى بحياته كرمالي فاهمة؟؟؟
لا هو ولا الي اكبر منو
ما عاشو ولا كانو
وانا فلسطينية غصب عن الكل
انتو الي مغمضين
بشفق عليكو والله
وفعلا بكره ولما بشوف صورته بستفرغ!!!


شكرا للكلام الى ببين درجة تعليمك
واشكر صاحب الموضوع

[العار على العرب]

اخي محمود كل احترامي لردك في قولك (انا ابن فلسطين) لعل هذه الكلمة انتظرتها من احد منكم وها انت قلتها الان
ففلاسف الدم الحامي في شعبنا يجعل منه يحمل عصبية قبلية نهى عنها الله
مين عرفات ومين فلان وعلان لحتى نمجدهم ونعملهم ابطال؟؟
سبحان الله فيكم

بالنسبة لجولد فالحمدلله درجة تعليمي تفوق الكثيرين شكرا!!!

[دمــ فلسطينية ــوع]

هو صح في منتديات كثير فيها قلت ادب بس لو دورت مليح تلاقي منتديات كويسة
انا مشتركة بكمان مندى وهو كثير منيح الحمد لله
هو اغلب المنتديات متل بعض كلوا بيفوت وبلطش مواضيع
وهيك بتفوت تشوف كلوا متل بعض

[.+* فتاة فلسطين *+.]

هههههههههههههههههههههه

عن جد اشي بيضحّك

مش مشكله الله بيعين

و احلى منتدى ( شباب فلسطين ) خدمة 5 نجوم :showoff:

شكرا :icon31: