استفتاء [الأرشيف] - منتديات شباب فلسطين

مشاهدة النسخة كاملة : استفتاء

ameera

02-22-2007, 06:51 PM

أيهما أهم في حياة الفتاة .. الزواج أم إكمال الدراسة " إستفتاء "
اكمال الدراسه أم الزواج ..!! أيهما فى مصلحة الفتاه..؟؟
الكثير من العوائل ترفض تزويج بناتها فى مرحلة الدراسه فالدراسه أولا ومن ثم الزواج ..هل وجهة نظرهم صحيحه ؟؟
أم ان الدراسه لاتمثل عائقا لزواج الفتاه حيث انها تستطيع التوفيق بينهما ؟؟
هل الشهاده الدراسيه اكثر ضمانا لمستقبل الفتاه من الزواج ؟؟
هل الزواج فى سن مبكره السبب لحالات الطلاق حيث يكون الزوجان غير مهيئين لتحمل المسؤليه وحل المشاكل ،كذلك أنشغال الفتاه فى الدراسه قد يلهيها عن واجباتها اتجاه زوجها وبيتها ،، فيحدث الأنفصل من أول مشكله أو خلاف..؟؟

في وجهة نظري انا اكمال الدراسة افضل للفتاة من الزواج لانو بالنهاية الفتاة سوف تتزوج بعد اكمال دراستها وبالتالي ستكون ايضا واعية جدا من الناحية العقلية والجسمانية باتالي سوف يكون لها قدرة على تحمل المسؤولية وشغلة تانية انو المراة لاسمح الله اذا توفى زوجها وكانت قد انجبت فليس لها سوى تعليمها وشهادتها للعمل وتحمل المسؤولية فالشهادة كما يقولون واقول انا سلاح المراة هذا رايي

ارجو منكم الاجابة واعطاء اراؤكم انا بانتظار الاراء

ameera

02-22-2007, 07:01 PM

بس كمان اذ ممكن كمان الشباب يعطووووووا ارائهم لنشوف ونكون عادلين

Banbon

02-22-2007, 07:01 PM

انا بقول انه ما في داعي للعجله ... يعني الزواج مو طاير ... كلها اربع خمس سنين دراسه ...
بتاخد البنت فيها شهاده و علم و خبره بالحياه ....
و بعد هيك تتزوج متل ما بدها ....

و اذا كان ممكن و الها القدره انها توفق بين الدراسه و الزواج .... ممكن انها تتزوج و تدرس بنفس الوقت .
أهم شي انها يكون معها شهاده ... لانه هلأ الواحد بكون معاه شهادات و بالموووووت حتى يلاقي شغل
فكيف لما ما يكون في شهاده اصلاً ؟؟!!
يعني مهما كان الوضع منيح و كل شي ماشي ... لازم ييجي يوم نحتاج فيه للشهاده ...

شكراً عالموضوع الحلو .. ^_*

حوارى الخلود

02-22-2007, 07:02 PM

على فكرةانا صحبيتى خطبت بتانية اعدادى وتزوجت بتالتةاعدادى وكان عمرها15 وعريسها30 سنة وهيها ولدت قبل 3 اسابيع واحنا الحين بتانية ثانوى

متل ابوية موراضى يزوج تولين مع انه بيجيها شباب منيحين كتار وانا لوعليا لكان زوجتها زمااااااااان

ameera

02-22-2007, 07:08 PM

مشكوووووووووورة بان كتير ومشكوووووووورة حواري منورين صفحتي

سنا القمر

02-22-2007, 07:09 PM

أختــي أميرة ..

أنا مكن رأيي ان الدراسة قبل الزواج أفضل ..
فتخيلي معي اذا كانت المرأة تدرس وهي متزوجة .. وكانت حامل .. وأنجبت .. ستضطر للتغيب عن الكثير من المحاضرات وتقل تدراستها بشكل ملحوظ .. ولن تؤدي دراستها الهدف المرجو منها

شكرا أختنا أميرة على الموضوع الرائع

دمتِ بود ..

اختك

ameera

02-22-2007, 07:10 PM

مشكوووووووووووووووووووورة اختي سنا كتير منورة الصفحة

المسلمممه

02-22-2007, 07:30 PM

انا برأي البنت اذا حبت تتزوج اللي تحب ..تتزوج..وبايد عمر 20 سنه .مش لما تخلص الجامعه وتخلص الماجستير

تفكر بالزواج ..لا موحلو يكون عمرها راح .....براي عمر 20 هو انسب عمر للزواج....وشكرا عالمووع المفيد اميره...

سيد الظلام

02-22-2007, 07:39 PM

احنا الان عايشين بزمن يتطلب من الفتاة انها تكمل دراستها والشباب بصورة عامة صاروا يبحثوا عن الدارسات والموظفات

اعتقد انه لمصلحة الفتاة انها تكمل الدراسة وان شاء الله ربنا يوفق الجميع

أحلى مايا

02-22-2007, 08:16 PM

طبعاااااااااا الشهاااااادة اهم شي للبنت ابل الزواج صحيح الزواج مهم وسترة بس الوحدة مابتعرف شو كاتبلها القدر وش ممكن يغدر فيها والشهادة بالنسبة للبنت سلاااااح
وبايد انو البنت تاخد شهاتها وبعدين الزواج

يسلمو الك كتييييييير على هالموضوع الحلو

عاشق البندقية

02-22-2007, 10:33 PM

المسلمممه

02-23-2007, 07:30 AM

السلام عليكم ,,

انا مش بس من رايي,,

كمان العلم قالـــ البنت ما بيجوز تتجوز قبل 18 ,,

لانها بتترتب على هاد الزواج مشاكل كثيره ,, لانو افتاه ما بتكون مستعده لا جسديا ولا نفسيا,

هاد الشي بيسير كتيير بدول الخليج والعسعودية,,

بتكون البنت 15 سنه والعريس 60 سنه ما شاء الله..

اما بالنسبة للتعليم,,

انا برايي البنت تكون مخيره ,, وما نغفل اهمية التعليم بهالعصر,

ومشكورة اختي.

لا يااخي ليش هالهجوم عالخليج والسعوديه بالذااات؟؟؟؟

بالعكس نص نساء الخليج عوانس ...ارتفعت نسبه العنوسه عندنا ..كلوا عشان الدراسه والوظيفه والماجستير
والدراسه في الخارج ..وراح عمرهم وبالتالي مااتزوجوا....

وانا اشوف السوريات والمصريات هم اللي يزوجوا بناتهم بعمر 15 و17 ...نظرا للحاجه ...

نور الهدى

02-23-2007, 08:35 AM

السلام عليكم

بغض النظر عن اي دولة و عن عاداتها و تقاليدها ... من رايي انه الدراسة مهمة جدا و من ضروريات العصر حتى و ان ما اشتغلت المراة ... لانه رح تربي اجيال و رح تحتاج ثقافتها و وعيها في تنشاة اولادها

لكن ما اقلل من قيمة الزواج لانه النبي صلى الله عليه و سلم اوصى الشباب بالزواج في سن مبكرة .... طبعا ما رح احكي انه البنت تتزوج في 9 سنين لانه مقاييس هداك الزمان غير هالمقاييس ... البنات في هداك العصر كانوا يكبروا بسرعة , ما نروح لبعيد ... جدتي و جدتك اتزوجوا في 12 - 13 سنة لانهم كانوا نساء !!!

اما هلا فروحي شوفي بنت في سن 10-11-12 ... مجرد كائن حي يدب على الارض !!! هاي رح نزوجها ؟؟؟! قطعا لا ...

فكل شي نسبي ... و كل عصر اله اسس و ضروريات و مقايس .

نرجع لاصل الموضوع

الزواج او الدراسة ؟؟؟

اذا بلغت البنت سن الزواج و هو 18 - 19 فانا احبذ الزواج ... لييييش ؟

اولا تكمل نصف دينها و تحصن نفسها و تقلل نسبة عنوستها ... في العالم العربي عندنا ملايين العوانس !!! بارقام مهولة .... و هذا بسبب تاخير الزواج و غلاء المهور الخ ...

فانتشر الزنا و الفساد و البنات صاروا يعملوا علاقات غير شرعية ... و بالله عليكو البنت الي عنست بسبب الدراسة شو رح تنفعها دراستها اه ؟ عندنا ملايين من الرجال عاطلين عن العمل و بشهادات عليا ... هلا هي رح تلقى شغل و هما لا ؟ و لشو رح تشتغل ؟

بعدين الرسول اوصانا ..." إذا جائكم من ترضون دينه و خلقه فزوجوه ، إلا تفعلوا تكن فتنة في الأرض و فساد عريض " .... و ها نحن نجني اشواك اعراضنا عن سنة النبي صلى الله عليه و سلم ...

ثم ليش التفريق بين الدراسة و الزواج ... ليش ما تدرس و تهتم بزوجها مع مساعدته لها .. و ازا ما قدرت توفيق بينهم فزوجها اولى ... و يكفي انها ساعدت باصلاح المجتمع و تطبيق امر النبي صلى الله عليه و سلم .

و بارك الله فيكم