من أي جنسية تتمنى أن تكون زوجتك؟

[الخليلي]

مرحبا كيف الحال انشاء الله تمام
عندي لكل عضو وعضوة سؤال أرجو الرد عليه

للشباب: من أي بلد تتمنى أن تكون شريكة حياتك ؟ ولماذا
للبنات: من أي بلد تتمنين أن يكون رفيق دربك وشريك حياتك وفارس أحلامك؟ ولماذا

انا بنسبه الي ما راح اتزوج بدي اريح راسي

[سيد الظلام]

لا والله الصحيح انا فكرت فيها قلت بدي ادرس البكلورياس بغزة ومتاكد ان شاء الله اني راح ادرس الماجستير بسوريا

انا افضل السوريات بعدين الفلسطينيات

مشكور اخي.

[المسلمممه]

افضل اخذ سعودي

السبب
نظرا لعاداتنا وتقاليدنا المتقاربه ..


شكرا عالموضوع الحلو

[عبوووش]

فلسطينية وبس مكشور اخي الخليلي ع الموضوع

[أحلى مايا]

فلسطيني اكييييييييييييد

يسلمو

[الخليلي]

مشكورين يا جماعه على المرور الجميل بس اذا انا فكرت اتزوج باخد امريكيه طبعا علشان الجنسيه

[جيفارا*نابلس]

ارجنتينيه اكيد

لاني عايش هناك هلء وما بقدر اضلني رايح جاي على الضفه

[rame]

انا بفضل فلسطيني
وبنت شعبي وبلدي ووطني
لانو عاداتنا راح تكون متقاربة وما راح اتغلب معها
وهي راح تكون فاهماني وانا فاهمها
واكيد راح نكون سعداء
وما راح تعارضني لو عملت شغلات لو واحدة ثانية من غير جنسية فلسطينية
او تكون غير فلسطينية
مش مشكلة لو كانت فلسطينية وعاشت بلبنان او اي مكان تاني
المهم تكون فلسطينية


سيد الظلام :
لا والله الصحيح انا فكرت فيها قلت بدي ادرس البكلورياس بغزة ومتاكد ان شاء الله اني راح ادرس الماجستير بسوريا

انا افضل السوريات بعدين الفلسطينيات وللمسلسلات الدور الاكبر في هذا الاقناع ههههههههههههههههههههههه


يقطع شرك عينيك زايغين يا ولد
خطرت على بالي هالفكرة
بس الواحد ما بيعرف شو الظروف والقدر مخبيلو



ساره :
انا افضل الهندي

السبب عشان يفسري الافلام الهنديه الي بحضرها


يا سلاااااااااااااااااااااااااااا ام
طيب فيكي تتعلمي هندي
طيب ممكن زوجك يتعلم الهندي
ههههههههههههههههههه

[نور]

احنا بطبيعة البلد مو مسموح للمرأة غير من بلدها
أما الرجل فيجوز له ولكن ب............

[سارة]

خلص جاي على بالي واحد غير الهندي

ممكن فلسطيني

[نور الهدى]

مش مهم الجنسية

المهم الخلق و الدين

[مؤيد]

خليلية ، أو على الأقل امها خليلية

يسلمو عالموضوع

[قسامي غزة]

انا افضل من الهنولولو
يعني من وين
الواحد يوخد من بنات جلدته
افضل الفلسطينية
وكمان بيكون احسن لو من حارتنا

[نور الهدى]

بس غريب يعني الخلق و الدين هما الاهم

شو دخل الجنسية في النص ???

[روحي فلسطين]

انا مع الاخت نور
اهم شي الدين و الخلق

و لكن بعد مهم انه يكون من نفس جنسيتي

اول الافكار و العادات تكون متقاربة
ثانيا : مسألة الاطفال في المستقبل و كيف راح تكون وضعيتهم
ثالثا : انا راح اغترب او هو راح يغترب و هذا الشي صعب

فاقول افضل خليجي اماراتي

[نور الهدى]

اول الافكار و العادات تكون متقاربة
ثانيا : مسألة الاطفال في المستقبل و كيف راح تكون وضعيتهم
ثالثا : انا راح اغترب او هو راح يغترب و هذا الشي صعب

انا بصراحة لا اعترف باي عادات و تقاليد ازا مش من الاسلام

و لو انها في اطار الشرع عادي ان شاء الله تكون عادات القطب الجنوبي

بعدين الزوجة ايا كانت جنسيتها بتتبع الزوج

و ازا ع الغربة ياما في ازواج من نفس العيلة اتغربوا عن بعض مع انه في ازواج واحد من الشرق و التاني من الغرب ما حصل شي فرقهم

المهم يكون في تفاهم و التزام بالشرع و المسالة تنحل

هادا رايي

[روحي فلسطين]

اختي العزيزة نور

لنكن واقعيين ..

اذا جاء شخص مسلم يخطبك من امريكا .. و تربى و تعلم هناك

و في المقابل جاء شخص من نفس مدينتك و جنسيتك يخطبك

و كلاهما حسن الخلق و الدين .. فمن ستختارين ؟

بالتأكيد ابن مديتنك ..


بالنسبة للغربة .. قد لا نفترق نعم .. و لكن ستكون الحياة صعبة

مجتمع مختلف و بيئة مختلفة و افكار و عادات و غيرها

ما الذي يجبرني على الاغتراب و باستطاعتي العيش في بلدي ..


في الاخير عزيزتي اختلاف الرأي لا يفسد في ود القضية :)

تحيتي و تقديري

[نور الهدى]

اذا جاء شخص مسلم يخطبك من امريكا .. و تربى و تعلم هناك

و في المقابل جاء شخص من نفس مدينتك و جنسيتك يخطبك

و كلاهما حسن الخلق و الدين .. فمن ستختارين؟


بالتأكيد ابن مديتنك ..

لا والله ...

لا فرق بينهما بالنسبة الي و بعمل استخارة و بختار الي برتاحله اكتر و الي واعي و مثقف اكتر

زد على ذلك اني بحب اتعرف على ثقافات غيري يعني ما ادخل الجنسية في النص و ما عندها اي قيمة عندي

و في الاخير كل واحد و شخصيته و رايه ^^

[سنا القمر]

أنا بتمنى زوجي يكون غزاوي ..

يعني بتمنى اسافر على غزة ..
يعني انا جنسيي غزاوية بس ولا بعمري شفت غزة ..

فبتمنى اروح هناك ويكون زوجي من هناك باذن الله ..
وازا ما نفع
يكون غزاوي عايش في الاردن

[سيدرا الاموره]

انا بفضل يكون اردني او فلسطيني اردني

[**< the best >**]

ليش بنفكر اول شي بجنسيتو ... وازا فلسطيني غزاوي ولا ضفاوي ؟!!!!!!!!
اهم شي يكون محترم وبعرف الله منيح .... مو مهم اصلو لا فصلو ولا وين ساكن ولا من وين جاي !!!!

[ameera]

اي نعم منيح وعلى خلق ودين بس انا برفض الزواج من غير ابن بلدي ابن بلدي افضل بكتييييييييييييييير من الي برا عالقليلة عايشين بالظروف نفسها

[deeco]

انا شايف انو الموضوع قلب لتمييز بين الغزازوه وبين اهل الضفه يا شباب ويا صبايا كلنا اهل فلسطين فش فرق بينا
وتاني اشي لما يحين موعد الزواج الواحد بفكر فيه ,
في مسؤليات اكثر في الوضع الحالى اكثر من التفكير في الزواج
واخيرا كل بنات فلسطين خير وبركه وكل شباب فلسطين برضو خير وبركه

[الخليلي]

والله انك بتفهم يا ديكو يا ابن عمي ولكن انا في النهايه فضل امريكيه علشان اطلع واعيش هناك

[**< the best >**]

واللله مو هيك القصه ... وانا من النوع الي ما بميز بس لاني بشوف ناس كتير هيك وهالشي لفت نظري وحبيت احكي عنو ... والاتنين على راسي اكيد وكلنا فلسطينيه بالنهايي ... حبيت اوضح كلامي ازا في حدا فهمو غلط

[دالية الخليل]

انا افضل بصراحة عشان اريح راسي موزمبيقي لانو شكلهم مش اكلييييييييييييين لحمة
هههههههههههه

لا بمزح طبعا فلسطيني اكيد

[وردة حماه]

سارة احسنلك الهندي بطعميكي كيما و بيعملك صالونة كل شوي ...خخخخخخ انا راضية باللي قسملي ياه رب العالمين و الحمد لله مبسوطة معو لإبن بلدي

[وردة حماه]

فعلا نور .. و سدقني أخي لو الدين و الأخلاق انوجدت رح تحل باقي كل المشاكل الثانوية اللي بتسببها العادات و التقاليد و بيمشوا على اللي بيملي عليهم دينهم و بس ... بس بتعرفي نور قليل ليتفقوا تنين من جنسيات مختلفة سبحان الله هيك نحنا العرب و كل واحد ماسك ببلدو و بيعتز فيها و بدو منها و بس ... و بالأخير ما حدا بياخد غير نصيبو

[نور الهدى]

شوفي

يمكن انا ما عشت هالاختلاف لاني في بلد غربي ... و ما في تفريق بيننا " جزائريين و مغربيين و تونسيين " بالاخص

الا بين كباااار السن ... بس هادا مش مهم لانهم في النهاية ما بيعترضوا

بس لفت انتباهي التمسك الرهيب بالعادات و التقاليد و ما بعرف شو كمان ... في رايي انا ما رح امشي على عادات و تقاليد بل على كتاب الله و سنة النبي صلى الله عليه و سلم و بس

اما العادات و التقاليد هاي ما بلفت نظري الها لانها اشياء ثانوية و ياما في صديقات الي اتزوجوا من اشخاص من غير بلهم و في وحدة تونسية اتزوجت واحد اصله من جزر القمر !!! اي و الله و عايشين في خير و نعمة الحمد لله ... بس متدينين ... يعني منهجهم كتاب و سنة ... غيرو ما في


و في النهاية كل واحد حر باختياره

[احمد ابو غنام]

شو اهدف منة السؤال؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

["بنت الأمارات"]

اممم

بحكم العادات والتقاليد في الأمارات

طبعا مانقدر نتزوج غير من الأمارات

وانا افظل الامااراتي وطبعا على خلق ودين هذا اهم شي ..
سمحوولية

تحياتي

بنت الأمارات

[الأنيق2020]

فاظفر بذات الدين تربت يداك

ذاك هو الأهم

[أبو يقين]

أهاااا

طبعا فلسطينية

بنت بلادي

[asia]

انا اكيد بختار فلسطني (بدوي) لاني انا بدويه من فلسطين

[Twin]

من طين بلادك حط ع خدودك .. متل ما بيقول المثل (-:


يعطيك عافيه

[صدى الحب]

للبنات: من أي بلد تتمنين أن يكون رفيق دربك وشريك حياتك وفارس أحلامك؟ ولماذا؟

اكيد فلسطيني وبالتحديد من الخليل طبعا عشانو ابن بلدي وبعرف عاداتي وتقاليدي

وكمان عشان اضل قريبة من اهلي وقرايبي


يسلمو خيو ع الموضوع الحلووو

سلاموو

[Anonymous Gril]

بالنسبة لي يا خيوو

يكون فلسطيني و غزاوي :: شجاعي - رفحاوي - خانيونسي - نصيراتي - غزة بشكل عام ::

و ذلك لأنـــي أريـــد أن أكوووون في غ ـــزة و لأن أهل وشباب غ ــزة أرحم من شباب الضفة ..

و لأني أود أن أتعرف أكثر على أهل غزة و غزة ..

بس طبعاً قبل هاد كله

الصلاة و الأخلاق و الدين ..

***

بعدين أنـــآ بديشـ أتزوج من أســآسهـ

بس لو الله رآد سيكون كما ذكرت أعلــآهـ


~.*

[فديتني والله]

انا يعني اكيييييييد ماراح اخد الا من فلسطين[لانو بنكون عارفين بعض وما بنستحي ولاشي هههه....طبعا العكس صحييح

[ام يزن]

انا ما بقبل غير واحد فلسطينى ويكون غزاوى واهم شرط يكون قسامى عنيد
ما يرضى يفرط بحقوقه

[،،عـيـون الوجـد،،]

بدي شيشاني :icon26:

واذا ماحصل أكيد سعودي هههههه

[الحان الحرية]

احم

هالموضوع قديم ما بعرف كيف طلع فوق هههههه

المهم ,,

فلسطيني من اي مكان بفلسطين =) بس اهم شي الدين و الاخلاق

و بلاش التفرقة يا شطّار

كلنا فلسطينية ^.*

[فارس الوطن]

فلسطينية .. بنت بلدي احسن وغير هيك استحالة

[.!. وردة الأقصى .!.]

فلسطينـــي طبعــاً ,, ومابرضــى بــأي جنسيـة تانيــة :icon11:

[أسيرة الجراح]

مرحبا كيف الحال انشاء الله تمام
عندي لكل عضو وعضوة سؤال أرجو الرد عليه

للشباب: من أي بلد تتمنى أن تكون شريكة حياتك ؟ ولماذا
للبنات: من أي بلد تتمنين أن يكون رفيق دربك وشريك حياتك وفارس أحلامك؟ ولماذا

انا بنسبه الي ما راح اتزوج بدي اريح راسي

هههههههههههههههه مريح حالك يعني تيب

بالنسبة الي اكيد بحب يكون شريك حياتي فلسطيني لا غير
ليش حتى يكون معي فهمان ومن نفس المجتمع والعادات والتقاليد وحتى ما نختلف
وبسسسسسسسسسسسسس

[شوق الحنين]

مبكريييين

[haya-jor]

أردني او فلسطيني