هل وجدت في حياتك من يفهمك؟؟

[احلى رورو]

هل وجدت في حياتك من يفهمك؟؟

هل فعلا يوجد من يفهمك ويشعر بك ويحس بما تحس به و يفهم ويتفهم ما تقول

بدون ان ياخذ كلامك على الوجه السيئ يقف بجانبك ويشد ازرك

هل هناك شخص تشعر بانه يفهمك من دون ان تتكلم و يقدر ما انت فيه عندما

تكون في حاله غير مستقره و يشاطرك افراحك و احزانك

و يتجاوب معك بدون ان تطلب منه

صدقوني لو وجد هذا الشخص لاصبح للحياة طعم اخر ..

كنز ثمين نحتاجه دوما بقربنا ..نظل نبحث عنه ولا نجده وقد نجده

فالسؤال هنا :

هل وجدته ؟ ومن هو قريب ام صديق ام من عموم الناس ؟؟؟؟

اتمنى ان يكون الموضوع نال استحسانكم

وبانتظار مشاركاتكم

تقبلو مني احلى تحيه واحترام

[احلى رورو]

انا لاء

[فلســرولاــطين]

مشكورة كتير رورو على الموضوع الحلو
على فكرة انا كمان بينادولي رورو

المهم مش موضوعنا

انا لقيت هو لا صديق ولا قريب
هو زميل هون بالجامعة وشب مش بنت
يعني والله من يوم ما صرت افهم بالدنيا وانا في اشياء كتيرة نفسي اعبر عنها
وعرفت ناس كتير بالمدرسة وبالجامعة وبنشاطات كتير بس عنجد ما لقيت الشخص اللي اعبرلو
بس من سنة يمكن تعرفت على هالانسن وبجد ما في بيناتنا شي
بس ارتحتلو كتير وحسيت انو بيفهمني ومع هالشي ما حكيت كل اللي نفسي احكيه
وهلا هو راح لانو شغلو فرض عليه هيك

يعني هلا ما في حد
مع انو انا اكتر شي بحبو بالحياة اني اسمع للناس لانو دايما بحس فيهم
بحط حالي محل اللي بيحكيلي القصة وبحكي رايي والحمد لله دايما الناس بيرتاحولي وانا برتاح لما هم يرتاحو
وانا هون بالبلد معروفة من زمان انو اللي بيحكي معي بيرتاح
بعمل دعاية لحالي ههههههههه


يسلمو كتير على الموضوع

[Twin]

لئيته من يوم ما نولدت .. شكرا ع الموضوع الحلوووو

[rame]

والله بتمنى

مش متأكد انا ازا كان لقيتو ولا لأ
في شخص يشاطرني احزاني وافراحي
بس مش متأكد ازا كان بيفهمني ولا لأ

[صاحبة القلم الحزين]

وجدتها..... وجدتها.... يوريكا

الحمد لله اولا و اخيرا اني لقيت الانسانة اللي حكيتي مواصفاتها
انسانة اكتر من رائعة بنظري
هي صديقة بل اكثر من ذلك
روحي ترخص لأجلها
الله يخليلي اياها يا رب

مشكوووورة حبيبتي لطرح الموضوع
يسلمووووووووووووو

[نور الهدى]

انا لا

[جيفارا*نابلس]

وانا لاء اكيد

[بنت الرملة]

اه طبــــــعا لقيتـــها وهي موجودة معي من 5 سنيني والله لا يفرقنا يارب...

صديقتي وصديقة عمــــــري شيمووو...

بتفهمنـــــــي لأبـــعد الحدود ما بكــــون مدايقه إلا بتــــــكون جمبي...

الله لا يحــــــرمني منها ويخليلي يـــــاها يـــــارب...

[.:.!دموع الرحيل!.:.]

وأنـا كمـان الحمـدلله ،،

الله أنعم عليي بصحبــــات مش وحده بـس

يمـكن 3 او 4 من صحباتي

بحسهم نفس تفكيري ونفس طبعي ونفسيتي

وكـل الناس خير وبركة

يمـكن اشياء بتفق فيها مع شخص ما اتفق فيها مع التانيه

والعكس صحيح

الدنيا ما بتخلى

وبيرجع الواحـد بيقول

الأخوة في الله بتهيأ كل صديق مخلص

وأخ مخلص

الحمـدلله

مشكووورة حبيبـتي

[هلــون]

الحمد الله ,, كان عندي وزادو ^^

عندي 3 ,, بفهموني وانا ساكته


وهنود اختي ,, بتعرفني من عيوني ^^ دايما بنكشف

يسلمو يا عسل


http://files.shabab.ps/img-upload/uploads/724162c82f.gif

[do3aa]

بارك الله فيكي وجزاكي الله خيراً

[مؤيد]

للأسف لأ
ما لقيت حدا يفهمني


ويسلمو الك أحلى رورو وأهلا بعودتك من جديد

[Banbon]

أنا عندي سته بيفهموني كتير .... و منهم شخص واحدبس بيعرفني اكتر من ما بعرف حالي ..
كتير مهم عندي وجود هالاشخاص ... لاني ما بتكلم مع اي حدا ... مع انه صحباتي كتااااار بس في ناس بضلوا غير و بيفهموني اكتر من غيرهم ... الله يخليلي اياهم يا رب ... ما بعرف شو بدي اعمل بلاهم ....

اذا فرحت بيفرحولي و اذا حزنت بيواسوني و بيزعلوا عزعلي و اذا غلطت بينبهوني ..


شكراً عالموضوع الحلو .... ^_^

[سمى فلسطين]

اه الحمد لله لقيت حد يفهمني ...

بس خايفه اخسرو :(

[سنا القمر]

نعم وجدته ..
انه صديقة لي .. من أيام الطفولة .. لم أكن صديقتها في ذلك الوقت ولكن علاقتي بها الان قوية جدا جدا

وهي تفهمني وأنا أفهمها .. أفهم ما تريد قوله من نبرة صوتها .. وهي كذلك

ولكن المشكلة أني لا أراها كثيرا

شكرا خيتو على الموضوع الحلو

[ameera]

لا مالقيت بالمرة وقاطعة الامل كمان اني الاقي لانووووووو ........؟

[حوارى الخلود]

يس

[نور اليقين]

نــــــــــــــو

^^!

أصلا أنـــــــا ما بنفهم
من كترة غموضي ما حدا راح يقدر يفهمني

^^!

[فتى الأزهر]

انا لاء


طيب انت ما لقيتي حد يفهمك


السؤال الذي يطرح نفسه



انت فاهمة نفسك أصلا ؟ ؟

هنا مربط الفرس يا اخوان


مش مهم الاقي حد يفهمني ويهتم فيني

ازا انا اصلا مش عامل هيك

وازا والله انا فاهم حالي ومية المية خلص شو بدي من هيك بشر ؟؟؟؟؟؟؟؟؟؟


تمنياتي بالسعادة يا مقدسية

[*قسامية*]

الحمد لله عندي 4صحبات على قلبي احلى من العسل
بس في وحدة حبااااااااااااااااااااااااااااااااا بة وهي اكتر وحدة بتفهمنييي



يسلمو احلى رورو ع الموضوووع

[نور اليقين]

قلت كلام جميل
الانسان لازم يفهم نفسو الاول
انا معاك في دي
و معاك كمان انها حاجة صعبة
و هي اس اغلب المشاكل اللي اي حد بيعاني منها الايام دي
مش عارف نفسو , مش عارف هو عايز ايه , مش عارف قدراتو و لا طموحاتو , و بالتالي مش عارف يطور من نفسو
بس عايزة اقول حاجة
فرضا اني عارفة نفسي مليون بالمية
و عارفة انا مين كانسانة
ده هينفعني بايه لما اكون زعلانة
مش المفروض الاقي حد يواسيني
مش عايزاه عشان يلاقيلي حل , اصلا محدش هيقدر يلاقي حل غير صاحب المشكلة
بس محتاج حد يخليكي تعيط , تنزل دمعة تخفف عنك همومك
و لما لما اكون فرحانة
فرحي هيفدني بايه لو فرحت بيني و بين نفسي
كوني الاقي حد معايا هيخلي فرحي اكبر ميت مرة
كمان حاجة
لما تلاقي حد يفهمك زي لما تلاقي سند ليك في الدنيا دي
عصايا تتكي عليها
تسندك
و تحمي ضهرك

[احلى رورو]

[quote][طيب انت ما لقيتي حد يفهمك


السؤال الذي يطرح نفسه



انت فاهمة نفسك أصلا ؟ ؟

هنا مربط الفرس يا اخوان


مش مهم الاقي حد يفهمني ويهتم فيني

ازا انا اصلا مش عامل هيك

وازا والله انا فاهم حالي ومية المية خلص شو بدي من هيك بشر ؟؟؟؟؟؟؟؟؟؟


تمنياتي بالسعادة يا مقدسية
/quote]

ههههههههههه مشكور فتى الانبار عالمداخلة

بس ازا عالصحبات تلات ارباع بنات القدس صحباتي

وانا من النوع الاجتماعيه بحب اختلط مع الناس وارم واعبر عن كل اشي


بس انو السؤال ازا في حدا بفهمني فالجواب لااء

عارفين ليه لانو الكل منافق او تسعة وتسعين بالمية من العالم منافق

ادامك بحبك ومن وراك بحكي عليك

فعشان هيك انا بدي حدا يا يفهمني عنجد يا بلاش

وبدونو بكون احسن واريح :))

[أنين]

أنا لسى ما لئيت
يمكن زمان كنت مفكره اني لئيت
بس .....
زي ما حكيتي




((عارفين ليه لانو الكل منافق او تسعة وتسعين بالمية من العالم منافق

ادامك بحبك ومن وراك بحكي عليك

فعشان هيك انا بدي حدا يا يفهمني عنجد يا بلاش

وبدونو بكون احسن واريح : )))

[احلى رورو]

هههههههههههه

نورررررررررررررتي انين