سؤال مهم جدا ...........لازم تجاوبوني عليه

[جيفارا*نابلس]

:icon28: :icon9: :icon28:

مرحبا شباب وصبايا


سؤالي هو كالتالي


عمره تكرر معكم موقف انتو عشتو؟؟؟

مافهمتو قصدي بعرف

شوفو

انا اليوم كنت مع اصحابي وكنا قاعدين بكفتيريا وحسيت انه الموقف هاد انا عشته قبل هيك

والله نفس الشعور ونفس الجو

وحكيت بمخي ازا هلء بيدخل امجد (صديق) رح اكون اما بحلم او اني بعالم اخر

ودخل الشب

وانا انجنيت

لانها كثير احينا بحس هيك شعور

شباب انتو والصبايا جاوبوني اذا صارت معكم

بلاش اكون بأنفصام شخصيه


شكرا الكم :icon9:

[حوارى الخلود]

انا والله العظيم بصير معى كتير هادا الشى وبعتقد انا انى حلمت بهادا الشى قبل
والله اعلم
يا اخى اكيد انت ما معك انفصام بالشخصية لا تفول على حالك
حياك الله وبارك فيك ونفع بك

[جيفارا*نابلس]

شكرا لمرورك

[احلى رورو]

هههههههههههههههه

ولككككككككككككككككككككككك انا زيك


انا اوقات بشوووف اشياء وتاني يوم بتسير نفسهااا


اقسم بالله وكتير مش شووووي

يوميا بتسير معي هاي الشغله

يعني مش بس انت

وهادا مش انفصام بالشخصية خخخخخ

بس عنجد خدها ايزي جيفاراااا

ابسررر شو قصة هاي الشغله

بس انا كتير بتسير معي

[أبنة حماس]

مرحبا

مش لحالك كلنا هيك بصير معنا

حتى مش شطر اشوفه يا بتصل

[جيفارا*نابلس]

طيب فش حد يعطينا حل


وينك يا احمدكس


شكرا لمروركم الجميل

[عاشق البندقية]

والله ما انا عارف يا عبوود ,,

يمكن ربنا قربت ترجعلو امانته..

هههههههههههههه

-------

لالا بمزح , انا مرات بحلو انها بتسير معي مواقف,و

فعلا بتصير..

والله اعلم ما بعرف كيف وليش,,

ويسلمو للطرح يا حلو..

^^

[جيفارا*نابلس]

حبيبي ياتورنيدو منور

[العيون السود]

هههههههه
يوووووووو
تسألش دايما بتصير
بس يا ريت الاشياء الحلوة تتكرر هيك وبس
شكرا الك جيفارا

[جيفارا*نابلس]

هلا عيون منوره

[خضر الندى]

مرحبا يا رفيق جيفارا
انا ما صار معي موقف بس اذا بحلم حلم بصراحة بتحقق انا حلمت بستشهادي والأدي وتحقق الحلم وكمان صديق الي احلمت انة استشهد وصار واحلمت اني راح اعتقل وصار بجوز هوس ولكن اصبح حقيقة ..



مع انة اصبحنا معدومين الاحاسيس .....
اشكرك يا رفيقي

[جيفارا*نابلس]

العفو رفيق خضر

ممكن الاحلام تكون احيانا هي حقيقه

وبالنسبه لوالدك الف رحمه عليه والله يعدو من الشهداء يارب ويفك اسر صديقك

[أحلى مايا]

يييييييييييييييي اديش بتصير وممكن كمان اوئات بنفس اليوم
مش بيوم تاني هادا شي طبيعي وشكرا الك

[جيفارا*نابلس]

شكرا احلى مايا

لهلا ماحد اعطاني تفسير علمي او طبي مو الي بس عشان الواحد يكون عنده علم

[صاحبة القلم الحزين]

اه والله
كتيييييييييير بتصير معي
وبعدها بصير احكي مع حالي
بحس حالي مجنونه

عنجد انا نفسي اعرف شو تفسير هالظاهرة الغريبة
يا ريت اللي بيعرف يفيدنا

و مشكووووووووور يا جيفارا لطرح الموضوع

[جيفارا*نابلس]

منوره صاحبه القلم السعيد

[صاحبة القلم الحزين]

الله يسعدك ياااااااا رب

[المسلمممه]

[QUOTE=عاشق البندقية;464715]والله ما انا عارف يا عبوود ,,

يمكن ربنا قربت ترجعلو امانته..

كيف يعني؟؟؟؟فسرلي؟؟؟

[المسلمممه]

اه والله
كتيييييييييير بتصير معي
وبعدها بصير احكي مع حالي
بحس حالي مجنونه

عنجد انا نفسي اعرف شو تفسير هالظاهرة الغريبة
يا ريت اللي بيعرف يفيدنا

و مشكووووووووور يا جيفارا لطرح الموضوع

فعلا غريب سبحان الله...
يقولون انو مخ الانسان مقسوم لقسمين ايمن وايسر...والنظر متعلق بالمخ ...فانت لما تشوفين منظر قدامك او اي موقف بعيونك ..العيون ترسل اشارات للقسم الايمن من المخ اولا ..بعدين بعد 10 ثواني تنتقل للقسم الايسر من المخ ....فبيتذكر القسم الايسر انو شاف هالموقف من قبل ..وهالقبل بالقسم الايمن ....



وانا عندي تفسير استنتجته ..الحين الصغير الرضيع لمن ينام بيحلم اكيد ..بس مايعرف ايش حلم ..الا بهذه الظاهر اللي تصير معاه في الكبر ...يمكن كل شي جايز.....والله اعلم...

[.:.!دموع الرحيل!.:.]

هههههههههههههههه

يقطع شرك يا جيفارا انفصام قال

على هالحاله كلنا بيكون عنا انفصام

انا دايما بتصير معي ،،

بس انا وصغيرة اكتر من هلأ

كنت انجن من هالشغله وصارعه اهلي فيها

كنت فكر اني وليه ومرفوع عني الحجاب ههههههههههههههههههههههه

وشكرا عالتفسير يا المسلمة اول مرة بعرفو والله ..

ويعطيك الف عافيه اخي جيفارا

[نهال]

يا اخي زي ما قالولك الكل
بتحصل كتير
وانا منهم
وما عندي تفسير
وشكرا على الموضوع

[هلــون]

لا جيفارا ,, مضبوط ..

انا كتير مواقف بحلم فيها ,, وبحس تاني يوم او بعد فترة بتصير

جد بخاف وقتها .. بعدين سألت دكتور حكالي كتير اشياء ,, بس اكيد انسيتها ,,, بس في اشي منها عن التفكير الباطني :)



http://files.shabab.ps/img-upload/uploads/724162c82f.gif

[جيفارا*نابلس]

فعلا غريب سبحان الله...
يقولون انو مخ الانسان مقسوم لقسمين ايمن وايسر...والنظر متعلق بالمخ ...فانت لما تشوفين منظر قدامك او اي موقف بعيونك ..العيون ترسل اشارات للقسم الايمن من المخ اولا ..بعدين بعد 10 ثواني تنتقل للقسم الايسر من المخ ....فبيتذكر القسم الايسر انو شاف هالموقف من قبل ..وهالقبل بالقسم الايمن ....



وانا عندي تفسير استنتجته ..الحين الصغير الرضيع لمن ينام بيحلم اكيد ..بس مايعرف ايش حلم ..الا بهذه الظاهر اللي تصير معاه في الكبر ...يمكن كل شي جايز.....والله اعلم...



اختي مسلممه

شكرا على التفسير العلمي الجميل

اللع يعطيك الف عافيه

[جيفارا*نابلس]

هههههههههههههههه

يقطع شرك يا جيفارا انفصام قال

على هالحاله كلنا بيكون عنا انفصام

انا دايما بتصير معي ،،

بس انا وصغيرة اكتر من هلأ

كنت انجن من هالشغله وصارعه اهلي فيها

كنت فكر اني وليه ومرفوع عني الحجاب ههههههههههههههههههههههه

وشكرا عالتفسير يا المسلمة اول مرة بعرفو والله ..

ويعطيك الف عافيه اخي جيفارا


هههههههههه

دموع بركاتك ياستي الشيخه

شكرا على مرورك الرائع

[جيفارا*نابلس]

يا اخي زي ما قالولك الكل
بتحصل كتير
وانا منهم
وما عندي تفسير
وشكرا على الموضوع


شكرا اخت نهال على مرورك

[جيفارا*نابلس]

لا جيفارا ,, مضبوط ..

انا كتير مواقف بحلم فيها ,, وبحس تاني يوم او بعد فترة بتصير

جد بخاف وقتها .. بعدين سألت دكتور حكالي كتير اشياء ,, بس اكيد انسيتها ,,, بس في اشي منها عن التفكير الباطني :)



http://files.shabab.ps/img-upload/uploads/724162c82f.gif

شكرا ياقطه المنتدى على مرورك

بس ماتكوني حلمت بالبسس

[دالية الخليل]

على مهلك يا جييفارا انفصام مرة واحدة هههههههههههه

فعلا كتير شغلات بتصير هيك يعني يا اما حلم او شغلة انتا بتفكر فيها بتكون وببتوقعها بس انا بحكيلك اكيد كنت تحلم وتحقق هادا الحلم يلا مادام احلامك بتتحقق بدي اوصيك على كم شغلة تحلملي فيها ههههههه

[جيفارا*نابلس]

ولا يهمك داليه الخليل انتي وصي واخوك الصغير جيفارا حاضر

شكرا لمرورك

[do3aa]

بارك الله فيك اختى

شكرا على التحليل العلمى

جزاك الله كل خير

[ابنة الشتات]

أخي جيفارا هاي اسمها حاسة سادسه
يعني انت بتكون بتفكر بالشي بس هيك يعني مثلا بيجيك هاجس عن شي وانتا ما بتهتم للمر بس بعدين بصير
بتحكي يا لطييييييييييييييييييف بس موانفصاااااااااااام!!

بس حلو يصير هيك مع الواحد
انا بحب لما يصيلي هيك صح بنجلط بس حلوو ^^

موفق اخي

[do3aa]

نفس الشي بيصير معي كتير

[love_king]

اة اخى بتصير كتير خاصة لما تكون مع ناس مقربين لالك او معاك فى اغلب اللحظات

(love_king)

[نسيم الروح]

بعينك الله على هاد الاحساس
ازا بدك بيسير كتير بس الي اكتر منه انه يسير موقف مع حد بعيد
وانت ما حضرته ويجي بده يقلك يا تلاقي حالك انت الي قلته
بصراحه هي اصعب
لانه بيكون نفسك تسمع شي انت مو عارفه
على كل حال الله بعين

[ابتسامة الحياة]

عادي يا جيفارا خد الامر ريلاكس هههههههههههه
و لو معك انفصام بردو هاد شي حلو
لانك رح تكون غير عن الناس اللي حواليك
وحلو يكون الواحد مختلف هههههههههههههه
لا بمزح معك بعيد الشر عنك
وانشالله عدوينك يا رب
بس والله هاد الاشي عادي بصير يعني
شو السبب بالزبط والله ما بعرف
بس هو احساس حلو
شوف هو انا حكيت كتير
بس ما بعرف ازا في اشي من اللي حكيته مفيد ههههههههههههههه
هو الاغلب انه ما في اشي مفيد
بس حبيت اعلق عالموضوع واطمنك على حالك
وااااسفة كتير على الحكي

[saher_145]

أنا مش فاهم حاجة......

بس مشكور جيفارا ع الموضوع........

[جيفارا*نابلس]

نورتونا جميعا

هههههههههه

ساهر بس تصحى من النوم بتفهم

[عاشقة فلسطين]

انا بيصير معي هيك كثير

بيحكو انه شريط حياة الانسان كله بيمر عليه وهو جنين

و الله اعلم صح ولا غلط .

[جيفارا*نابلس]

شكرا اختي عاشقه فلسطين

على مرورك الجميل

[تـولين]

انا بصير معى انه
حلمت حلم فى المدرسة و المعلمة بتشرح و انا منتبهة للدرس و كل شى
بعد فترة بلاقى الحلم نفسه صار على الحقيقة بنهبل
وممكن انا و صاحباتى بحلم فيهم و وحدة بتطلع و وحدة بتيجى و نفس الحلم بصير على الطبيعة
عااادى جدا

[جيفارا*نابلس]

اهلا وسهلا توليين منوره

ما بعرف شو القصه انا

[رأفت]

لا تخاف لا انفصام بالشخصية ولا شي ..

كثير من الناس بتصير معهم

و انا كانت كثير تصير معي .. لكن هلا ما بعرف زمان ما صارت معي

الله اعلم شو هادا الشعور .. و شو تفسيرو .. لكن اكيد الو علاقة بالعقل الباطن..

تحياتي حبيبي جيفارا ..

[جيفارا*نابلس]

شكرا اخ رافت على مرورك العطر

لك تحياتي واجمل امنياتي

[قسامي غزة]

صحيح
انا كمان يصير معي هاد الشئ
انا اظن انوا يصير عند الجميع

[حبيبة السماء]

السلام عليكم ورحمة الله وبركاته


نعم ،،، تحصل معي في كثيير من الاحيان

وقد قرأت ذات مرة تفسير لهذه الظاهرة الغريبة


تفسير علمي

ولكن الذاكرة خانتني الان

ربما اتذكره

فاخبركم به

[بيســان]

مممممم انا بتصير معي بس مش متل ما بتحكوا انتوا

انا ما بحلم بالشي وانا نايمــــة ...

بس بعض المواقف واللقطات اللي بتمر علي بيومي ,,

بجيني احساس غريب اني سبق وعشـــت نفس هالموقف

احساس ما بدوم الا دقائق معدودة

وفي احد الشيوخ فسر هالشي

على انه الانسان عاش حياة قبل هالحياة وانتهـــت ورجعـــت بدأت من جديد ...

طبعـــاً كلام الحادي اشك بصحته

يعطيك العافية جيفارا

مع ودي

[أم الشهداء فلسطين]

شكرا اخ رافت على مرورك العطر

لك تحياتي واجمل امنياتي

[ashrafo]

يااااااا خيي جيفـــارا نابلس الله يعينك لا هو انفصام ولا شي الكل بصير معاه هيك مستحيل ماصارت مع بشر الكل مر عليه هيك موقف..
انا شخصيا مر علي هاد لموقف وسألت عليه دكتورة علم نفس وسلوك وياريتني ما سألتها يمكن عشان بتقربلي جاي تتفلسف علي انا من كتر الحكي العلمي والمصطلحات والفلسفة واسماء علمية دوختني منها ..
لكن حكتلي شي وهاد الي متذكره انو في العقل احيانا بتكون هناك كهرباء زياده في قسم المخ الايمن من خلف الدماغ بيرسل اشارات مكررة وبسرعة معينة فالعقل المسؤول عن ترجمة هذه المعلومة بتأخر في ترجمتها الى عقل الانسان الحسي والواقعي فتترجم الى العقل الباطن في داخل الانسان ..
فا يشعر الانسان انو فعلا شاف هيك موقف صار معاه في الماضي ولكن هو بالواقع صار معاه فعلا في هاي اللحظة الي هو بفكر فيها ..!!

وهااد الشي سبحاااااان الله كلو ما بيااااااخد الا 10000 الاااف جزء من الثاااانية فقط واحنا بنفكرو صاار من زمن كتيير بعيد ..
وانشاالله اكون وصلتلك المعلووومة ..!!:icon9:

[احلى رورو]

ها شففففت

الكل بيسير معااه هيك

خخخخ


يعني مش بس انتااا

[سيد الظلام]

كثير بصير مع اي واحد هذا الكلام

عادي جدا وليش انت معصب بس

[**< the best >**]

ههههههههههه احلى شي انا مره كان علي امتحان ماث ( رياضيات) وامتحان فاينل بالجامعه وبليل احلمت وتاني يوم بطلع عالورقه تبعت الاسئلي وسبحان الله نفس الي شفتو بالمنام ... شي كتير حلو ازا الي شفتو شي منيح بس ازا لأ بتمنا اني ما اشوفو


وشكرا جيفارا نابلس عالموضوع الحلو ..

[حنان16]

السلام عليكم
كتير بيصير معي هيك ومشكور اخي عالموضوع الروعة

[حورية الحريّة]

لا كتير كتير صارت معي...والله بجد شي بخوف...بس انا سألت استاذة شريعة اسلامية عن هاد الاشي و حكت كتير بس فهمت بشكل عام انو الزمن بيمشي مو متل ما احنا بنفكر على الساعة و بس..غريب حكيها بس ما فهمتو و بستى لأكبرلي كم من سنة زيادة و يعدين برد اسأل و اذا شخصتي حالك و طلع عندك انفصام بالشخصية اذا لازم شوفلي دكتورة انا كمان :)

[جيفارا*نابلس]

شكرا لمروركم الكريم

[وردة حماه]

و لله كتييير بتصير معي ... سبحان الله ..الله يجزيك لخير ع الموضوع

[احمد ابو غنام]

كل يوم.

[الحلوة]

كتييير بتحصل معانا
فيه ناس بيقولو انو عندك الحاسه السادسه
وفيه ناس بيقولو مثلا يعني انت والشخص الي فكرت فيه واجاك عندكو تواصل احاسيس
انت طبيعي .. هههههه
يسلمو ايديك

[الطالب المجتهد]

اه والله صارت معاي مشكور اخي العزيز على سؤالك الرائع

[شوق الحنين]

بسير معي كتير وبقلوا علشان اول ماتنولدي بنعرض عليك كل شريط حياتك علشان هيك بتحسي انوا هادا الموقف اتكرر