مفـــــــــــــــتول...مفــــــــــ ـتول..مفتــــــول..مفتول

[بنت الرملة]

الســلام عليكم ورحمه الله وبركـــــــاته..

:sh94:

طبعـــا موضــــــــوع زي هـــــــــا د لازم أحطــــــــو بمنتدى حـــــــواء

بس بما إنــــــــو المنتدى بس بخـــــص الصبايا :ja40: :ja40:

قلت حــــــرام خلي الكل يشوفو وبالتالي حطـــــــــيتو بالعـــــــــــام...

طبعا الموضوع مبين من عنوانا ((مفــــتول )) حابه بهالموضوع ...

احكيلكم عن المـــفتول اشوي ...:dribble: :36_1_51[1

بس أشياء عجيبه حتطلعـــو كلكم من هون وإنتم أساتزة مفـــتول ... :showoff: :showoff:

يالله ما بدي أطــــول عليكم رح نبلش...


http://www.files.shabab.ps/vb/imagestore/2/16570.imgcache.jpg


أولـــــاـــ:

تعـــــــريف المـــــــــفتول ..::

المفتول: وهو عبارة عن كرات صغيرة جدا تصنع من العجين بعد ان يخمر ثم يطبخ على البخار يضاف له السمن ومحلول العصفر يقدم الى جانبه يخني البصل وهو البصل المحمر قليلا لا يحمر بالسمن يضاف اليه الحمص الذي يسلق بعد ان ينقع مع الدجاج المسلوق يوضع المفتول بعد ان ينضح على البخار وذلك بوضعه بمصفاة مشخلة توضع فوق قدر اليخني حتى يتشرب المفتول رائحة البصل والدجاج والبهارات ....

تعريف أخر للمفتول:يعتبر المفتول من أهم الأكلات الشعبية الشائعة والمحبوبة في قرى فلسطين الجنوبية، ويفتل من طحين القمح الجيد و يهبل على بخار اليخنة ويتبل بزيت الزيتون والسمن وقبل ذلك تدق الجرادة والفلفل والبصل وتوضع الدقة بين حبات المفتول أثناء التهبيل ثم ينزل من المصفاة في وعاء واسع ويغرف عليه اليخنة المكونة من البصل و البندورة والقرع والحمص وقطع اللحم


ثـــــــــانيا :

أصـــــل المـــــــفتول ..::

يقول القيسي((القيسي رئيس الوفد الفلسطيني الذي شارك بمهرجان المفتول السادس))، إن اصل المفتول هو بلاد الشام، ويعود تاريخ هذه الاكلة إلى أكثر من 1700عام قبل الميلاد، وانتشرت من هذه البلاد إلى ما يعرف الآن دول المغرب العربي. ونفى القيسي أن يكون نسب هذه الأكلة لبلاد الشام ومنها فلسطين نوعا من التعصب، قائلا إن معلوماته التاريخية هذه تستند إلى أبحاث لجامعات مغربية. ويستخدم في هذا الطبق ما يسمى في فلسطين السميد، وهو القمح المطحون وتعمل عليه النساء حتى يصبح دوائر صغيرة


ثــــــــــالثا:

طــــــــريقة صنع المــــــــفتول..::


http://www.files.shabab.ps/vb/imagestore/2/16571.imgcache.jpg

***المقادير

كيلو برغل بر ناعم
كيلو دقيق برمع كيلو دقيق أبيض يخلطان معا
ماء مذاب فيه ملح
طشت بلاستيك أو ستانل ستيل واسع مثل طشت الغسيل


الطريقة

1-نضع ربع كمية البرغل في الطشت ثم نرش عليها قليل من الماء المملح ملىءفنجان قهوه
ونحركها باليد براحة اليد مع تخليل الاصابع بحركه دائريه

2-نرش كبشه من الدقيق ونكرر الحركه الدائريه

3- نستمر في رررش الماء ثم الدقيق بالتبادل مع الحركه بخفه وسرعه

4-تبدأحبات البرغل تكبر لانهاتتحمل بالدقيق مع مراعاة تنقيتها من الحبات التي تلتصق وحجمها يتميز بالعشوائيه
5-عندما يصبح حجمها بحجم حبات الخرز توضع في مصفاه وتهز حتى ينزل الدقيق الزائد

6-تكرر العمليه حتى نحصل على الكميه المطلوبه مع مراعاة وضعها في تبسي كبير حتى لا تلتصق ببعضها

7-نحضرالقدر الخاص بالمفتول واذا لم يتوفر يمكن أي قدر عندك تركب على فوهته يعني بابه مصفاه يوضع في القدر ماء مغلي وماجي مكعبات وملح وبصل وطماطم مقطعه



8-تدهن المصفاه بزيت زيتون ويوضع المفتول فيها وترفع فوق القدر واذا كانت تسرب بخار يمكن وضع شريط عجين حول المصفاه مع باب القدر فيمنع تسريب البخار ويمكن استخدام قدر المنتو يصلح وهو رائع

9-تتطحن بصلتان كبيرتان ناعم جدا وتخلط بفلفل اسود وزيت زيتون وتعمل حفره وسط المفتول تدفن فيها البصل ويسوى الوجه وتترك علىالنار لمدة ساعه أو ساعه وربع يبدأ الاطراف تفصل

10-ترفع وتقلب في اناء واسع وعميق ممكن نفس الطشت اللي عملتيها فيه ويوضع عليه اما زيت زيتون أو زبده سايحه أو سمن حسب الرغبه الكيلو برغل يحتاج حوالي 2كوب

11- تفرك بمضرب سللك كبير لانها ساخنه ولا يمكن استعمال اليد حتى تتفكك جيدا وتتاخذ الزبد او الزيت ويمكن استعمالها فورا او حفظها في الفريزر لحين الحاجه

12-وطريقة اعدادها بتشريبها مرق لحم أودجاج وتركها لمدة نصف ساعه حتى تتشرب جيدا مع اضافة المرق اذا كانت جافه نوعا

31-يزين الوجه بالخضار المسلوق في مرق اللحم(قرع وجزر وكوسه وباذنجان) ((اليخني ))وذلك بعد تغطية الوجه تماما بالحمص الناضج جيدا ثم يرص اللحم فوق

طريقة عمل اليخني

اليخني

***المقادير
5 حبة بندورة مقشر ومقطع
2 راس بصل مقطع شرائح
350جرام قرع احمر ( دبة )
كاسة صغيرة زيت
2 ملعقة سمن بلدي
1 ملعقة زنجبيل مطحون
1 ملعقة فلفل مطحون
قليل من زعفران حر
ملح
***الطريقة

في قدر المحتوي على المرقة اللحم أو الدجاج تضاف حبات القرع المقطعة مربعات والبندورة أو الكوسة حسب الرغبةويضاف البصل والبهارات وتترك على نار هادئة حتى تنضج ومن ثم تسكب فوق المفتول ويوضع اللحم أو الدجاج


ويمكن الحصول على المفتول من بعض محلات السوبر ماركت ويكون محضر ولا يلزم إلا رش قليل من المرق الغلي فوق((ترنيخه)) ومن ثم تحضير اليخني ووضع اللحم

وألف صحة وعافية

:sh94:


بس كــــــــــــــيف مــــــــــفتول يعنــــــــــي مفـــــــتول ..

ويا مزكــــــــا المفتول مع لحم لعجــــــــــــــــول..

[محمود]

والله اليوم انا ونشات مرينا على مطعم للمفتول


والناس الي بتحبه مرحبابها في العزومة ..

وهي صور ..


http://rooosana.ps/uploading/d5fd6a628d.jpg


http://rooosana.ps/uploading/d584dfa82f.jpg

اه مين بحب المفتول على حسابي ^^

[ZaMorANo]

http://www.shabab.ps/vb/images/smilies/dribble.gif http://www.shabab.ps/vb/images/smilies/dribble.gif
شكرا خيتو على المفتوووول الرائع ,.,



محمود بكرة معزوم على حسابك يا امير .. ^^



دمتمـ ..

[وردة حماه]

وااااااااااااااااااااااااو ... مفتول مرة وحدي يا جماعة اللي بيعرف يعملوا فيكم ما يقصر بحقنا ... محمود رايح من ورانا اعزمنا أنا كتييير بحب المفتول .. و الله أكلة مرتبة و متعوب عليها .... يسلمو بنت الرملة ع الموضوع تؤبري البي شو بتحبي بطنك يماا حتى المنتدى بدك تعديهم وتعمليهم متلك

[بنت الرملة]

:يييييييييييييييييييي شو هــــــــــــاد يا محمــــــــود

المطـــعم المغربي للمفتول واللللللله روعه ..

اسمع في عندي صحبات توأم بحبــــــو المفتول مـــــــــوت ...

يعني حنعزبك معنا مش حتدفع لوحدي حتدفع لتنين :showoff: :showoff: ...

وصحيح يفضل لو يكــــــــون المطعم البدرساوي للمفـــــتول ...


أصلو بسمع إنهم بيعمـــــــلو بفن وإتقان ...

وكل جمعه عندهم عيدين ((عيد المسلمين + وعيد المفتول))...

وإزا مرت جمعه ما أكلو مفتول ابصر إيش بصير في راسهم بصدع يا عيني :wacko: :wacko:

مشكور محمود عالمرور وعالصور..

[haya]

مفتوووووووووووووووووووووووول :ja52: ................ لا ما بسير هيك جوعت كتيييييير





:sh97:

[لولو اليبناوية]

واااااااااااااااااااااااو
الله يقطعك يا بنت الرملة.....
بشهي...
اااخ ما احلاه المطعم يلي بغزة...يا ريت عنا هيك مطاعم بتعمل مفتول..
امي اخلى مطعم ما شالله عليها خخخخخخخخ
ميسلموش بنت الرملة

[.:.!دموع الرحيل!.:.]

http://www.files.shabab.ps/vb/imagestore/2/16570.imgcache.jpg

http://www.shabab.ps/vb/images/ehdaa_smilies/eh_s(2).gifhttp://www.shabab.ps/vb/images/ehdaa_smilies/eh_s(2).gif

مـا بدي الطريقه .. بدي الصينيه تجـي لعـندي هـيك جـاهزة

يا ويلي ،،

بدك قتله يا بنت فتحـتي نـفسـي

هيني طلبت من مـامـا تعملنـا ياها نفسـها

بس نحن اسمها هون مغربية مش مفتول ..

يسـلـمو يمـا ،،

ويسـلمو يما يـا محـمود كمـان

بكرة رح تلاقي مظاهرات حاشـدة عند المطعم هههههه

[محمود]

خلاص يلا بكرة الساعه اربعه اتجمعوا في المطهم ومن عيوني ^^

[ABU-NOUR]

يم يم يم !!

شو لذيذ ,,
بحبو انا ..

يسلموو يا حجة
عشمتيني

[بنت الرملة]

هــــــــــــي صورة جديده جبتلكم ياها لمطعم بيعمــــــــل مفتول ...

http://rooosana.ps/uploading/bfefd77e97.jpg

بس على ما أعتقد انو الطعم أجود من مطعم محمود... ^ ^

[ABU-NOUR]

ههههههههه ,,
ليش علشان الصورة منك !!

[**< the best >**]

يمي يمي ... رح اخلي ماما تعمل مفتول يوم الجمعه ... ميرسي

[بو هبه]

ول ول ول شو الجماعه شوي وهتموت

ولك المفتوول خفيف عالمعده


ايه



هاد تسليكة سنان هههههههه


اي والله لمن خالتي تعملوا المكان الي اكت فييه بنام فييه هههههه


عطول فش كلام


بكون عندي فرح

وبقبلش الا تلات صحوون والله



يسلموو بنت الرمله



ويعطيكي الف عافيه يا حجه

سلامي لكي

[نسيم الروح]

انا يوم الجمعه اكلت مفتول
بس شهتيني بدي كمان
وميرسي الك على الطريقه بس انا ما بدي اعمله بدي اكله

[ameera]

يالله اديش بحب المفتول والله ياجماعة مافي بعد المفتول مممممممممممم

[نسرينا الفلسطينيه]

يااااي

مفتــــــــول

أحلى مفتـــول :36_3_9[1]

يسلمو هالايدين بنـــــت الــرملـــه

محمود ما رح اقدر أروح معك ع المطعم المغربي

رح أروح مع بنت الرمله ع المطعم البدرساوي للمفتول

أجود متل ما حكــت :p

[ادهم اللداوي]

يا جماعة يلي حابب ياكل مفتول انا راح اعزمو يوم
ستي الله يطول عمرها عم تاكلنا مفتول حاجة بتجنن
ودايما البابا بيطلب منها تعملنا
بس هي طبعا بتتال علينا
وهي من اهل البلاد يعن ي لداوية اصلية

وما بينعز عليكم راح اترجاها الكم؟؟
ولا يهمكم

[ريما الفلسطينيه]

ههههههههههههههههههههههههههههههههههه هههههههههههههههههه


علفكره يا بنت الرمله .. المطعم يلي بتحكي عنو ما بستقبل الا البدراسويين ..

او يلي عندهم واسطه ... فروحي على مطعم محمود ما تذلي حالك ,,

رح تنطردي ^^

بعدها نفسيتي مش اوكي

[بنت الرملة]

يه بالله ريمـــــــا :icon6: :icon6: :icon6:

بس بدخل بدرســـــاويه؟؟؟

طيب انا راسي كبير ممكن يفكروني بدرساويه ويدخلوني ..

شفتي كيف واسطـــة غير شكـــل؟؟:showoff: :showoff: ..

بس لمصيبه إزا كــــان دخول المطعم على حسب الجواز وسعتها يعرفو اني

يبناويه :icon6: :icon6: ..

يارب يكون على حجم الروس :matrix: :matrix:

[ريما الفلسطينيه]

هههههههههههههههههههههههههه

يقطع شرك ..

انا رح افتن عنك .. انا علطول بصدقوني ^^

[ادهم اللداوي]

شو يا بنت الرملة بجد راسك كبير؟؟

يعني انت مش يبناوية اصلية ؟؟

[aBo SaLeeM]

بنت الرملة يسلمو الايدين

[~ | Mazaj]

ههههههههههههههههههههههههههههههههههه ه ..

انا بحبو للمفتول .. بس مش لدرجة العشق

بس شكلها بشهي ..

وين اليخني .. مش حاطة عليها بندورة وقرع ليش ..؟؟؟!

لكن انتي حطاها بالمقادير :icon11:

يسلمو ايديكي يا عسل ..

وصحتين على قلبك وقلب ريما ونوسي .. ورولينـــــــــــــا

الله يخليكن لبعض يارب

[سنا القمر]

مفتوووول مفتوووول
يوم الجمعة انعزمنا عند دار جدو على مفتول ...

شكرا بنت الرملة
ولو اني مش ماكلة مفتول عن قريب كان ابصر شو صااار ,,,

[صرخة أنثى]

ممممممممممممممممممممم جبتيه عبالي يلا بدي طبخة هلااااااااااااااااااااااااااااااااا ااااااااااااااااء


يسلمووو

[AnGeLa]

يمــــــــــــي .. يمــــــــــــــــــــي

لزيـــــــــــــــــز المفتووووول .. بحبــو وبحب ياللي بحبــوه

فــديتهم البــدراسوية شو بحبــــــــــــو المفتول ^^

أول مرة يا ميمي تعمــلي مشاركة زي الخــلق

من يوم ما فتي ع المنتــدى ومشاركاتك ما بتعبي عيني :P

هههههه بتمسخر .. فديتــك والله يا اصيــلة يا مبــــــــــــــــدعة

والله يديمـــك يا رب انتي وهبـــــــــــــــلك وخفة دمـــك يا عسل

هههههههههههههه فجر بتصرخ فيي .. بتقلي بكفي .. شو بتعملي بتكتبي مجــلد انتي

بس انا مطنشــاها ههههههههههههههههههههههه

و ههههههههههههههههههههههههههههههههه << نكاية بفجر ^^

ممممممممم .. وشو كمــان ..

ونسرينـــا حبيبة قلبي هيي وريما ورولينـــا صحتيــــــن يا رب ع قلبــهن

مطــرح ما يســــــــــــــــــري يمــــــــــــــــــــري

وخلــص .. رح استحي ع دمي واسكــت : )

بس كلمة اخيرة :P

يســــــــــــلمو ايديكي يا رب

[أحلى مايا]

امممممممممممممممممممممممممممممم يسلمووووووووووووووو الك مفتووووووووووول والله الصنية اهم شي واخي محمود ياريت تعطينا عنوانو عشان لما انزل على فلسطين ان شاء الله نروحلو يسلمو

[بنت الرملة]

يييييييي والله إنكم روعــــة وكل إلي مرو..

مشكــــــــــورين ومـــــــاقصرتو..

وجد مروركم أسعدني..

أنجـــــــــيلا انا من فتت المنتدى للحين كلك ما دبيتي عيني هههههههههههههه..

زنخه وبدي ارجع أأكد عالمدير إنو يحظرك ...


هههههههههههههههههههههه فديتها والله ..

[AnGeLa]

أنجـــــــــيلا انا من فتت المنتدى للحين كلك ما دبيتي عيني هههههههههههههه..

زنخه وبدي ارجع أأكد عالمدير إنو يحظرك ...

ههههههههههههههههههههههههههههههههههه هههههههههههههههههههههههههه

ياااااااااا ربي شو فــــــرطت ضحــــــــــك .. عنجــد قاعدة بطــلع بمشــاركاتــك

وفرطــانة ضحــــــــك .. مسخسخـــــة ههههههههههههههههههه ..

يلا كلها كم يوم وبصيــر مديرة .. بـــدي اعمــلك بــلوك ساعتها :p

[ريما الفلسطينيه]

ونسرينـــا حبيبة قلبي هيي وريما ورولينـــا صحتيــــــن يا رب ع قلبــهن





وصحتين على قلبك وقلب ريما ونوسي .. ورولينـــــــــــــا

الله يخليكن لبعض يارب


ليش يعني انا ونسرينا ورولينا ... اصلا ما بنحبو ..

وانا كرهتو من بنت الرمله
مافي علسانها غير هاي الاكله
كانو مافي غيرها بالدنيي...:icon31:

[شهد الحياة]

واخيرا شفت المفتول هههههههههههههههه وتعرفنا عليه :showoff:

ونسرينا صدعت رأسي من كثر ماتتكلم عنه :wacko: ودايما تعشمني فيه ولا مره جابت لي

صح خاطري أعرف شو السر في اكل المفتول يوم الجمعه ؟:icon9:

يلا ميمي خلينا نشوفج شاطر بالطبخ ولا لا وسوي لنا وجيبيه .. طيب ياعسل :icon11:

[AnGeLa]

ليش يعني انا ونسرينا ورولينا ... اصلا ما بنحبو ..

وانا كرهتو من بنت الرمله
مافي علسانها غير هاي الاكله
كانو مافي غيرها بالدنيي...:icon31:

لأنـــــــكم بدراســوية :icon11:

روســكم كبيــــــــرة .. فديتها يختي :icon11: :icon11: :icon11:

وبعدين ممنوع تكرهيهــــــــــــا .. سامعة ولي :icon28:

ميمي .. خفي عليهن يختي شوي :icon11: :icon11:

[فراشة]

يييييييييييييييييي بنت الرملة هلكنا مفتول بفلسطين كل عزومه مفتول هههههه

تسلمي يا عسل لسة اليوم تغدينا مفتوول

[حنووو اليبناوية]

استنوووووووووووووني وانا انتو ما بيجي عبالكوم اتحطو المواضيع الحلوة غير في الدوام يقطع شرك يا ميمي او بالاحرى يقطع شررررررررررررررك يا محمــــــــــــــــــــــــــــــــ ـــووووووووود
على العموم يسمنوووو مع اني شبعانة لانو انا وميمي ولولو كنا بنتعشى برا ولو شفتو منظر ميمي والفلبينية بتجيب بالفاتورة وميمي بتحسب بما انها زكية بالرياضيات يعني

[بنت الرملة]

ههههههههههههههههههههههههههههههههههه هههههههههههههههههههههههههه

ياااااااااا ربي شو فــــــرطت ضحــــــــــك .. عنجــد قاعدة بطــلع بمشــاركاتــك

وفرطــانة ضحــــــــك .. مسخسخـــــة ههههههههههههههههههه ..

يلا كلها كم يوم وبصيــر مديرة .. بـــدي اعمــلك بــلوك ساعتها :p


اه يختي فرطــــي ضحك ...

بدك تصيري مديره بعد أكم يوم ؟؟؟؟؟ ...إنتي صيري مديره من هان

وانا حطلع من المنتدى من هان.. يا شيخ روحي دوريلك عبسه وإلعبي معها ..

مش أنجيلا إلي تنحط مديره ... الله يستر عبنات الناس بديش احكي كمان

بخاف الله يبليني وصير متلك ..

اصلا انا اكم من يوم وصير مديره بس بستنى محمود يرجع من الحج وان شاء بعد رمضان

بخليني مديره بس هوي بستنى بإجازة الصيف :icon8: ..بالله فهمتي إشي :icon6:

المهم الخلاصه إني حصير مديره

[بنت الرملة]

ليش يعني انا ونسرينا ورولينا ... اصلا ما بنحبو ..

وانا كرهتو من بنت الرمله
مافي علسانها غير هاي الاكله
كانو مافي غيرها بالدنيي...:icon31:

اه انتي وبنات عمتك بتحبنش المفتول ..اهاااااااا قلتيلي:icon8: :icon8:

لا والأسخم إنو مافي عالساني غير هالاكله ؟؟ مش يعني كأنو إنتو إلي ما بتحكو غير فيها

طيب بدي احكي شغله والله العظيم صارت هاد ياجماعه الجمعه الماضيه لما فتحت المسن

نطت ريما وكتبت عملنا مفتوووووووووووووووووول ...المهم بعد شويه بتفتح نسرينا بتقلي

اليوم ماما ماعملت مفتول صحينا متأخرين وما لحقنا :icon5: :icon5: ..والبنت نفسيتها تعبانه

المهم اجا تاني يوم ولا أول ما فتحت المسن نطت نسرينا ميميييييييييي اكلنا مفتوووووووووووول

والبنت مسخسخه من الفرحه ..بعد شوي إتصلت فيهم ردت رولينا بتقلي ولك انا اليوم مبسوووووووطه

اكلنا مفتول يا ميمي :wacko: :wacko: :wacko: ..واخر اشي بتقولي ريما ما بنحبها ؟؟؟

وفش علساني غيرها ... الله يهديكم يا بدرساويه ويصغر روسكم يارب:icon11: :icon11: ...

مشكورة عالمرور يا عسوووله...

[بنت الرملة]

يييييييييييييييييي بنت الرملة هلكنا مفتول بفلسطين كل عزومه مفتول هههههه

تسلمي يا عسل لسة اليوم تغدينا مفتوول

هلا والله بالغـــــــــوالي منورين الموضوع ...

كل يوم كلي مفتول مش غلط بس هاد إن دل بدل إنك مش بدرساويه لأنك بتوكلي كل يوم

وهمي مابكلو إلا يوم الجمعه طلعتي براءه :showoff: :showoff:

يسلمو عالمرور يا عسل...

[بنت الرملة]

واخيرا شفت المفتول هههههههههههههههه وتعرفنا عليه :showoff:

ونسرينا صدعت رأسي من كثر ماتتكلم عنه :wacko: ودايما تعشمني فيه ولا مره جابت لي

صح خاطري أعرف شو السر في اكل المفتول يوم الجمعه ؟:icon9:

يلا ميمي خلينا نشوفج شاطر بالطبخ ولا لا وسوي لنا وجيبيه .. طيب ياعسل :icon11:


ههههههههههههههههههه ..

شفتـــــــي يختي بس كيف بجنن صح ..

ولك ما حتشوفي بحياتك لانو ما بنفع تجيبلك ياه غير يوم الجمعه ..

وإنتي يوم الجمعه ما بتكوني عندها ..

وهمي عندهم إعتقاد إنو إزا أكلت المفتول بغير يوم الجمعه ممكن يصير إشي مش منيح في راسك :wacko:

بنجمو ماشاءالله عنهم ...

فلهيك إعمليلهم زياره يوم الجمعه لأنو غير هيك ما حتشوفي..

[ابنة الشتات]

قولكم أحكي لأمي أو لستي تطبخلي إياه ؟!!!

يسلمو اديك عالمفتولاااات الطيبات
انا أزكى مرة أكلت المفتول بحياتي كانت عزيمة من جيران دار سيدي بالأردن
عنجد كان زاكي ^^

يسلمو كمان مرة حبيبتي

[أبو معاذ]

كويس كتير


ستي بتعملو إلنا كل جمعة وبتبعتلنا اياه

يسلمو دياتك يا ست

[نسرينا الفلسطينيه]

ولك ما حتشوفي بحياتك لانو ما بنفع تجيبلك ياه غير يوم الجمعه ..

وإنتي يوم الجمعه ما بتكوني عندها ..

وهمي عندهم إعتقاد إنو إزا أكلت المفتول بغير يوم الجمعه ممكن يصير إشي مش منيح في راسك :wacko:

بنجمو ماشاءالله عنهم ...

فلهيك إعمليلهم زياره يوم الجمعه لأنو غير هيك ما حتشوفي..

ههههههههه

دبـــة

طيب يا ميمي انا بفرجيكي :icon28: :icon28:

[بنت الرملة]

شامه ريحة مفـــــتول انا ؟؟؟؟؟؟؟؟؟

يييييييييييييييي نسرينا هير ...

منــــــــــــــورة والله مرة تانيه ...

وانا بقول شامه ريحه مفتول ...

قلت صار الموضوع ريحه وصورة خخخخخخخخخخخ...

[عبوووش]

يا عيني مشكورة خيتي ع الموضوع
امي ابل كم يوم عملتنا مفتول بشهي بس انا كان عئلي مش بالمفتول بمئصوفة العمر اللي كانت جاية لعنا وبدها تروح ع الاردن:icon5: :icon5: :icon5: :icon5: :icon5:
اشتقتلها
ويسلمو ايدين امي عملت مفتول من الاخر ويا الله شو شاطرة بعمل الاكل:showoff: :showoff: الله يخليلي اياكي يا امي يا رب وضل تاج راسي:icon31:
تحياتي ليكم

[سيد الظلام]

احم احم


انتم سيبوا المجادلة يتفننوا بالمفتول

انا عني ما بحب المفتول نهائيا

وعلى فكرة اختي شو رايك نحطك طباخة المنتدى بدل السفاحة بصير قلق على الاخر

وتشكري على الوصفة الرائعة

[بنت الرملة]

ممممممممم مش غريب عليه يا مجدلاوي قلق

احم احم ؟؟ خخخخخخ...

بس يالله مرسي عالمرور...

[شهد الحياة]

شامه ريحة مفـــــتول انا ؟؟؟؟؟؟؟؟؟

يييييييييييييييي نسرينا هير ...

منــــــــــــــورة والله مرة تانيه ...

وانا بقول شامه ريحه مفتول ...

قلت صار الموضوع ريحه وصورة خخخخخخخخخخخ...

ميمي :icon7: :icon7: خلي نوسي بحالها

[بنت الرملة]

شفففففففففففففففففف...

انا مالي ومالها هيه تسيبني بحـــــــالي ...


طــــــــيري انتي وننوستك ههههههههه...

[sa7er_aloyone]

ههههههههههههههههههههههههه موضوعك كتير رائع بس بدي طلب ضغير يريت تجيبي وصفة الخبيزةهههههههه والبيسارة

[بنت الرملة]

يخـــــــــــتي ..البيسارا والخبيزة هدول بدهنش إشي ...

طريقتهم وحدي وإلي هيه بتحطيهم عالنار وبس تستوي بتكليها خخخخخخخخ...

منــــورة سحر العيون ...:)

[ادهم اللداوي]

شو هاي الاكلات يلي اندثرت واكل عليها الزمان وشرب بيبسي

[do3aa]

السلام عليكم

مشكورة أختي ميمي كتير

المفتول أكيد لزيز


يسلمو ايديكي

[بنت الرملة]

مــــشكـورين عالــــمرور ^^...

[فارس فلسطين]

انا بموت في حاجة اسمها مفتول بس ما بحب البصل الي عليه
عشان هيك قلت لأمي وهي جاية تزورني تعملي مفتول وتجيبه معها قالتلي حاضر بس تيجي في القريب لانكو فتحتوا نفسي والله
بنت الرملة عمرك ما تنزلي مواضيع عن الأكل في العام نزلي في حواء عشان ما تفتحي نفسنا وما نلاقي حاجة ناكلها

[بنت الرملة]

ياهلا بالبدرساويه :p

أكيد بتموت بالمفتول يافارس ولا ما بتكون بدرساوي أصيل ههههههههه...

انا منزلالكم ياه عمدا هون مش بحوا عشان اشهيكم ... :)

يالله مشكـــــور عالمرور ...

[شهد الحياة]

اونهـا البنت تتفلسف :D