المساعد الشخصي الرقمي

مشاهدة النسخة كاملة : .:. هدايــا منــي لأعضــاء المنتــدى .:.

محبة الأقصى
02-04-2007, 08:55 PM
http://rooosana.ps/uploading/a7326f3f9e.gif

كيفكم يــا اعضاء يا حلوين

بما اني غبت عنكم فترة ورجعتلكم ...حبيت اقدم هدايا لبعض الاعضاء اللي اسمائهم ما نسيتها ولا رح انساها

ودايما بذكرهم بالخير ....والله بتستاهلو الطوشة اللي كنت اعملها كل يوم لحتى يرجع النت و ارجعلكم:showoff: :showoff: :showoff:

يلا نبدا....

واكيد رح نبدا بالصبايا.....

واول وحدة حبيبة قلبي:icon26: :icon26: انجيلا
هاي هديتك ويا رب تعجبك
http://rooosana.ps/uploading/062751b1df.jpg
وهادا العقد كمان الك
http://rooosana.ps/uploading/b6634de082.jpg

والهدية التانية للمدعوة فجر الحياة الامورة :s (43): :s (43):
http://rooosana.ps/uploading/3ce415a126.jpg
بعرف انك بتحبي الساعات :icon11:

هلأ دور...
ريما حبيبة قلبي التانية هوى انا بقدر استغني
حبيتلك هالشنطة شوفي ما احلاها
http://rooosana.ps/uploading/4a5ad93749.jpg

واكيييييييييد هلون
هادي شنطة على شكل قطة
http://rooosana.ps/uploading/6d4d8182ea.jpg
وهادي بسة حقيقية كمان:showoff: :showoff:
http://rooosana.ps/uploading/37429ea3bc.jpg

والدبه قمر الخليل
لاني بعرف انك بتحبي الدببه وبتحبي اللون الزهري كمان
جبتلك هالدبدوب مع انو في دببه كتير بلون زهري بس مش عارفة ليش انقرضو وما ضل الا هالفصيلة
http://rooosana.ps/uploading/afe43c73af.jpg

وما بنسى رينوكس 2 كمان
حلق ذهب شو بك احلى من هيك :icon31:
http://rooosana.ps/uploading/1be3172e10.jpg

ونسرينا الفلسطينة
الله اعلم وين مخفية
هادي هديتك ميك اب:showoff:
http://rooosana.ps/uploading/702d78afae.jpg
http://rooosana.ps/uploading/1fcee71ba6.jpg

وهلا دور الطيبة دموووع الرحيل
هديتك ثوب فلاحي فلسطيني اصلي
http://rooosana.ps/uploading/c9786f6872.jpg

وهدول كمشة هدايا لمغرمة فلسطين اللي من حد ما رجعت ما شفتها وصدى الصمت
بتتقاسمو الهدايا من غير ما تتقاتلو:icon28: :wacko:
http://rooosana.ps/uploading/21931d28c0.jpg

وهادا للمسة وردة ...ان شا الله تكون بخير وترجعلنا عن قريب
http://rooosana.ps/uploading/164bc649dc.jpg

وهاي فردة حفاي وحدة لاحلى رورو
بس ديري بالك هاي للسجاد مش تدخلي فيها عالحمام :b: :b:
http://rooosana.ps/uploading/369275f6d7.jpg


وهادي الهدية لشذى الياسمين
http://rooosana.ps/uploading/65feba98ae.jpg

هدية بنت الرملة
مجموعة عطور لعيونك يا عسل
اتفضلي
http://rooosana.ps/uploading/2be75c146b.jpg


وهادا الخاتم مصنوع خصيصا للولو اليبناوية
http://rooosana.ps/uploading/0103ab1b7c.jpg

وهاي الاسوارة لسارة
http://rooosana.ps/uploading/ec5f4b399f.jpg

عاشقة فلسطين هاد الحلق هدية الك
يا رب يعجبك
http://rooosana.ps/uploading/8703c125b1.jpg

وهي الفراشة للفراشة
http://rooosana.ps/uploading/c0dd68d5b7.jpg

ودموع فلسطين المختفية دايما
وما بتشارك الا ما ندر...كمان هي الها هدية
http://rooosana.ps/uploading/a2050bd0a1.jpg


وهادا البنطلون الجينز مخصوص لبانبون
بعرف انك بتحبي الجينز ودايما لابستيه :icon27: :icon27:
http://rooosana.ps/uploading/efc5323adc.jpg

وهاي باقة الشوكلاته لنهال
لانها بتحب الشوكلاته كتير ودايما قاعدة عالنت وصحون صحون شوكلاه قدامها :showoff: :showoff:
http://rooosana.ps/uploading/54a4a32bad.jpg


وهلأ دور الشباب

في مين نبدا يا ترى....

بدي ابدى بأصغر واحد في المنتدى

فلسطيني الدم
وهديتك بسكليت
http://rooosana.ps/uploading/d0c3490b1a.bmp

وهاي الساعة هدية للاخ ايمن
http://rooosana.ps/uploading/6c503324ea.jpg


وهدول مجموعة العطور للاخ مؤيد
http://rooosana.ps/uploading/1329919be8.jpg

وهاي البارودة لعاشق البندقية
على فكرة هاي بندقية قناص يلا فرجينا شطارتك :showoff: http://rooosana.ps/uploading/64c74c8fbf.jpg

وهادا المتسيكل او المطور ما بعرف شو بتحكولو
لابن فلسطين الثرثار :wacko: :wacko:
http://rooosana.ps/uploading/4ffe213994.jpg


وهدول مجموعة بلفونات للاخ فلسطيني وافتخر
مع انو موديلهم قديم شوي بس ماشي حالهم
http://rooosana.ps/uploading/c5b429ca69.jpg

وهالنظارة الشمسية لعاشق الوطن
ما بعرف ازا لساتو في المنتدى والا تركو :icon9: ؟؟؟؟؟
http://rooosana.ps/uploading/24342a7a4e.jpg

وهادا الخاتم لمحامي المنتدى ابو خضر
http://rooosana.ps/uploading/904e8a03a2.bmp

وفنان فلسطين الو هدية كمان
وهي احلى بوت رياضة الك خيوو
http://rooosana.ps/uploading/e57314ca29.jpg

وهاي الهدية المتواضعة لشاعر المنتدى
ابن الجليل
http://rooosana.ps/uploading/2ceb06fbb6.jpg

اما هدية انوس فهي لاب توب شفاف
بس بدك الصراحة ما عجبني :b:
بس ان شا الله يعجبك
http://rooosana.ps/uploading/63096dce59.jpg

ومين ضل كمان
ممممممممممممممممممم

اه قسامي غزة
وهاي الطاقية الك
http://rooosana.ps/uploading/aff9dfe1d8.jpg

ووليف الدمعة
الك هادا الجزدان انا بقلو (دزدان) :b:
اتفضل
http://rooosana.ps/uploading/412828c46a.jpg

وخلصو الاعضاء يا رب يعجبوكو الهدايا
0
0
0
0
0
0
0
0
0

0
0
0

0
0

لحظة لحظة
انسيت اكبر تلات دببه في المنتدى :icon11: :icon11:
المدير محمود
والمشرف عاشق الحور
والجنرال ابو نور
يعني ما تزعلو اكيد الكو هدايا كمان
ولو معقول انساكو برضو
وهاي السيارة الكم مخصوص انتو التلاتة
بتتقاسموها بينكم ومن غير مقاتلات
يعني كل يوم واحد بياخد مفاتيحها وبصيع على كيفو:icon28:
شوفو ما احلاها

http://rooosana.ps/uploading/b14a5f8814.jpg


خلص انا فلست ما ضل معي ولا شيكل :icon5: :icon5:


يا رب الهدايا يعجبوكو وتدعولي :icon31:

سلااااااااااااااااااااااااااااااااا ااام

واي عضو ما الو هدية يسامحني
المرة الجاي ان شالله
لولو اليبناوية
02-04-2007, 09:02 PM
ياااااااااااااي هاي دبلة...^^
http://rooosana.ps/uploading/0103ab1b7c.jpg
يسلمووووووووو يا عسل:s (43): :s (43):
~ | Mazaj
02-04-2007, 09:02 PM
ههههههههههههههههههههههههههههههههههه هه

شوفو .. وانا بحكي ليش ملزقة بالمنتدى ..

ياي .. هدايا رووعة يا عسل ..

هديتي حلوة متلــي :$

يعطيــكِ العافية حبــي ..

ويخليكي النا .. ويخليني الك :p

بالتوفيق
محبة الأقصى
02-04-2007, 09:10 PM
حبيبتي لولو ..زبستاهليها الدبلة يا عسل

يلا خلينا نقولك مبروووووووك
العيون السود
02-04-2007, 09:12 PM
يييييييييييييي
وانا ما الي اشي...
فكرتك راح تهديني طنجرة دوالي
محبة الأقصى
02-04-2007, 09:13 PM
ههههههههههههههههههههههههههههههههههه هه

شوفو .. وانا بحكي ليش ملزقة بالمنتدى ..

ياي .. هدايا رووعة يا عسل ..

هديتي حلوة متلــي :$

يعطيــكِ العافية حبــي ..

ويخليكي النا .. ويخليني الك :p

بالتوفيق


انتي العسل والله

والله يعافيك يارب...

ومشكورة عالمرور الزوق

سلمات
عاشق الحور
02-04-2007, 09:16 PM
انا ما بارضى اشارك حدا

:(
محبة الأقصى
02-04-2007, 09:16 PM
يييييييييييييي
وانا ما الي اشي...
فكرتك راح تهديني طنجرة دوالي

ههههههههههههههههههههههههه

اصلا انا حاكية في اول الموضع هدايا لبعض الاعضاء
و انتي لما سجلتي انا ما كنت بالمنتدى

ان شا المرة الجاي اول هدية رح تكون الك
ومشكورة على مرورك
محبة الأقصى
02-04-2007, 09:17 PM
انا ما بارضى اشارك حدا

:(


ما في بدك ترضى

من وين بدي اضل اخترع هدايا يعني:icon28: :icon28:
.:.!دموع الرحيل!.:.
02-04-2007, 09:19 PM
يــــختي عليـها العسـل ،،

رجعتك لحالها أحـلى هديه والله ..

http://rooosana.ps/uploading/c9786f6872.jpg

وهديتك أحلى هديه كمـان

والله عرفتـي شو تختاري

والله زوق يا عسـل

يخليلنا يـاكي يا رب

وما ننحرم منك ولا من هداياكِ :P

يسلمو حبيبتــــــــي
عاشق الحور
02-04-2007, 09:22 PM
بطلت العب

بديششششششششششششششششش
لولو اليبناوية
02-04-2007, 09:24 PM
أحلــــــــــى هديـــــــــــــة وأقيـــم هديه هديتي ... هع هع هع

http://rooosana.ps/uploading/2be75c146b.jpg

فديتها والله محـــــبة والله انك زوق يا شيخ .... :)

مشكـــــــــورة حبيبي والله نبسطت عليها ..
انا بنت الرملللللللللللللللللللللللللل لة ..بس ناسيه أطلع من عضويه لولو :( استني رجعالك
اميرة الامراء
02-04-2007, 09:25 PM
واااااااااااااااااااو

تسلمي اختي الغاليه

شي ررهيب جدا

تحياتي لعيونك
بنت الرملة
02-04-2007, 09:29 PM
احم احم شغال المايك احشي ؟؟

اه شغال هيني بدي احشي...

كيفك يامحبه ايش خبارك شو عامله انا مليحه والله واهلي كلهم بسلمو :)

هع هع هع


مشـــــــــكورة حبيبتي انا كتبت فوق بس لما خلصت وبعتت لقيت حالي ناسيه ادخل من عضويتي ...

والله نبسطت كتــــــــير عالهديه فش احلى منها
محبة الأقصى
02-04-2007, 09:30 PM
يــــختي عليـها العسـل ،،

رجعتك لحالها أحـلى هديه والله ..


وهديتك أحلى هديه كمـان

والله عرفتـي شو تختاري

والله زوق يا عسـل

يخليلنا يـاكي يا رب

وما ننحرم منك ولا من هداياكِ :P

يسلمو حبيبتــــــــي



الله يسلم قلبك يا رب دموع

الحمدلله انو الهدية عجبتك

وان شا الله الهدية الكبيرة النا انك تيجي تزورينا في فلسطين

مشكورة عالمرور والرد الحلو متلك
محبة الأقصى
02-04-2007, 09:34 PM
بطلت العب

بديششششششششششششششششش

هههههههههههههههههههه

طيب روح العب بعيد يا شاطر

قلتلك بدك تقبلها

انت ليش زعلان

يوم انت بتاخد الشيارة ويوم محمود يوم الدب التالت ابو نور

^4^
محبة الأقصى
02-04-2007, 09:36 PM
واااااااااااااااااااو

تسلمي اختي الغاليه

شي ررهيب جدا

تحياتي لعيونك

الله يسلم قلبك

نورتي الصفحة

ومشكورة ع المرور
محبة الأقصى
02-04-2007, 09:38 PM
احم احم شغال المايك احشي ؟؟

اه شغال هيني بدي احشي...

كيفك يامحبه ايش خبارك شو عامله انا مليحه والله واهلي كلهم بسلمو :)

هع هع هع


مشـــــــــكورة حبيبتي انا كتبت فوق بس لما خلصت وبعتت لقيت حالي ناسيه ادخل من عضويتي ...

والله نبسطت كتــــــــير عالهديه فش احلى منها

ههههههههههههههههههههههههههههههه

بالله شو

شحاد وبطلب اردني

احمدي ربك اني اتزكرتك :icon11: :icon11:

اه صح
انا منيحة ومشتاقة
وابقي سلميلي على حنوووو

سلام
عاشق الحور
02-04-2007, 09:40 PM
ما بدي

:(
*قسامية*
02-04-2007, 09:41 PM
أنا أدين وأشجب وأستنكر

عفوا عفوا أجت بالغلط
هههههههههههههههههه


بس انا زعلااااااااااااااااااااانة

وين هديتي ؟؟؟؟؟؟؟؟؟؟
هيك يا بخيلة
طيب انا راح ورجيكي
لما أفكر ....لما أفكر أجيب لاعضاء المنتدى هدايا



راح أكون أكرم منك وراح تكوني أول وحدة بجيبلها هدية




لما أفكر
هههههههههه
aBo SaLeeM
02-04-2007, 11:29 PM
مبرووكين هالهدايا
عاشقة فلسطين
02-04-2007, 11:53 PM
شكرااااااااااااااااااااا من هان لبكرة
اول مرة حد يتذكرني بهدية:showoff:
يسلموو محبة الاقصى
شكرا كمان مرة :icon15:
محمود
02-05-2007, 12:00 AM
يسلمو ايديك هدايا بجننوا ..
ABU-NOUR
02-05-2007, 12:10 AM
له له له ,, والله ازعلت انا ,,

قلت كنو نسيوني ولا شو
واجيت بدي اطفي الموضوع صراحة ,, ههههههههه

بس لو ما انزلت لتحت اشوية ,,


يسلمووو على السيارة الحلوة يا عمتووو ....
بجد يسلمووو وكويس انك تزكرتيني قلت يبدو اني انا ملغي من القائمة !! :(

بس طلعتي اصيلة وبنت اصيل :)
لطفي الياسيني
02-05-2007, 12:11 AM
شكرا لك يا اختاه على كل الهدايا والاعضاء الكرام بستحقوها عن جدارة دام عزك ودمت ذخرا لمنتدانا

العريق وعلى راسه اخي الفاضل المدير محمود وابو النور نوارة منتدانا وابو خضر محامينا ورافع لوانا

وانت مشكورة للمرة المليون ما قصرت هدايا بتشرح الصدر ان شاء الله بنقدملك هدية تليق بمقامك

في اقرب مناسبة سعيدة على قلبك دمت بخير ودي لك
صدى الصمت
02-05-2007, 12:13 AM
http://rooosana.ps/uploading/21931d28c0.jpg

يييييييييييييي

يسلموووووووو يا عســـــــــل

يخليلنا اياكي يا رب

ومدام انا و هنوووي مع بعض يعني انسي الموضوع

رح نقظي عليها


ويسلمووو كمان مرة ^^
عاشق الحور
02-05-2007, 12:17 AM
يسلمو ايديك هدايا بجننوا ..

طيب طيب ... بس عينكم بعيد عن السيارة ماشي

:icon28: :icon28: :icon28:


له له له ,, والله ازعلت انا ,,

قلت كنو نسيوني ولا شو
واجيت بدي اطفي الموضوع صراحة ,, ههههههههه

بس لو ما انزلت لتحت اشوية ,,


يسلمووو على السيارة الحلوة يا عمتووو ....
بجد يسلمووو وكويس انك تزكرتيني قلت يبدو اني انا ملغي من القائمة !! :(

بس طلعتي اصيلة وبنت اصيل :)

شف .... لو بدك تموت ما انت ماخذها

ماشي والا

:icon28: :icon28: :icon28:
ABU-NOUR
02-05-2007, 12:21 AM
شف .... لو بدك تموت ما انت ماخذها

ماشي والا

:icon28: :icon28: :icon28:


هههههههههههه ,,
روح طير يا حبيب القلب انسى الموضوع ,, هذه هدية ومن مواصفات الهدية (لا تباع ولا تهدى ولا تسترد ) هههههههههه


انسى الموضوع السيارة يوم الخميس مطلوبة الي !! :icon28: :icon28: :icon28: :icon28:
انا بدي اخذها معي رخصة سواقة ,,
Abu Shadi
02-05-2007, 02:37 AM
http://rooosana.ps/uploading/a7326f3f9e.gif

وهادا المتسيكل او المطور ما بعرف شو بتحكولو
لابن فلسطين الثرثار :wacko: :wacko:
http://rooosana.ps/uploading/4ffe213994.jpg

[/SIZE][/COLOR][/FONT]

المطصيكل طاعي روعه بجد حلو ويعدين بحب المطصيكلاط كنط ايام المدارص اول ما اروح من المدرصة اطأجرلي مطصيكل والف فيه هههههههههههه
طصلميلي يا محبة الاقصى علي الهدية الروعه امطى اجي اخدها
بشوف من اولها طوشه مع ابو النور وعاشق الحور ومحمود ههههههههههه
نرمين
02-05-2007, 03:14 AM
شو يا محبة الأقصى انا وين هديتي

انا بنت مش شب واسمي نرمين

ويلا احردت انا ما بدي هدايا من حدا

خلص انستوني وانا بينكم ولساتني ما تركت المنتدى ونسيتوني

كيف لو تركت المنتدى شو راح تعملوا

عصبت انا دمتم بود وسلالام
Abu Shadi
02-05-2007, 03:22 AM
شو يا محبة الأقصى انا وين هديتي

انا بنت مش شب واسمي نرمين

ويلا احردت انا ما بدي هدايا من حدا

خلص انستوني وانا بينكم ولساتني ما تركت المنتدى ونسيتوني

كيف لو تركت المنتدى شو راح تعملوا

عصبت انا دمتم بود وسلالام

لا خلص ما طقلقي الك مني هدية وبدي اطششك على المطصيكل بص يصلني
نرمين
02-05-2007, 03:39 AM
يسلمو ابن فلسطين على تعاطفك معاي

وعلى فكرة انا مريضة يعني لو بدك تطششني

راح نروح اول مشوار على العيادة اطمن على نفسي

وبعد هيك بنروح انا وانت وكم عضو او عضوة معانا على البحر

ههههههههههههههههههههه - بمزح - وحرديت ومابدي هدايا وزعلت من جميع الأعضاء الا من ابن فلسطين لأنه بدو يطششني على المطصيكل تاعه بس لما يوصل عنده

دمتم في حفظ المولى ورعايته
Abu Shadi
02-05-2007, 03:59 AM
يسلمو ابن فلسطين على تعاطفك معاي

وعلى فكرة انا مريضة يعني لو بدك تطششني

راح نروح اول مشوار على العيادة اطمن على نفسي

وبعد هيك بنروح انا وانت وكم عضو او عضوة معانا على البحر

ههههههههههههههههههههه - بمزح - وحرديت ومابدي هدايا وزعلت من جميع الأعضاء الا من ابن فلسطين لأنه بدو يطششني على المطصيكل تاعه بس لما يوصل عنده

دمتم في حفظ المولى ورعايته

ههههههههههههههههههههههه
بص يصل الحمد لله على صلامطك يا بنط من وين ولك انطي
AnGeLa
02-05-2007, 07:40 AM
روعـــــــــــــــــــــة يا محبـــــــــــــة ^^

مبــارح كنت متنحــة .. ما كنت بدي ارد بالموضوع :p

ياللــــــه شو جنــان هــديتي .. والله إنــك زوووووووء يا زووووء :s (43): :s (43):

تســــــــلميـــلي يااااااا رب والله لا يحــرمني منــك : ) :icon26:

إيه صحيح .. ما اتنحي عند ردي وتعطيني كانســل (( تطنيشة من الآخر )) :matrix: ..

ساااااااامعة بشنقك على اقرب شجرة :p

وتســـــــــــــلميــــــــــــلي يـــــا أحــــــــــلى محبـــــــــــــة :icon26: :icon26: :icon26: :icon26:
رأفت
02-05-2007, 10:19 AM
بحبشت و دورت الاقي الي اشي ما لقيت ...

ولا حتى جوز جرابات ؟؟؟؟؟؟؟؟؟؟؟

بلا مباركة عليكم الهدايا ....
محبة الأقصى
02-05-2007, 11:43 AM
أنا أدين وأشجب وأستنكر

عفوا عفوا أجت بالغلط
هههههههههههههههههه


بس انا زعلااااااااااااااااااااانة

وين هديتي ؟؟؟؟؟؟؟؟؟؟
هيك يا بخيلة
طيب انا راح ورجيكي
لما أفكر ....لما أفكر أجيب لاعضاء المنتدى هدايا



راح أكون أكرم منك وراح تكوني أول وحدة بجيبلها هدية




لما أفكر
هههههههههه


ههههههههههههههههههههههههههههههههههه ههههههههه

بتموني قسامية

ولك شو بدي اتزكر لاتزكر منيح انو طلع معي هدول الاعضاء

خلص تزعليش خيتو المرة الجاي الك احلى هدية

ازا كان في مرة جاي اصلا :b: هههههههههههههه

مشكورة على طلتك الحلوة
محبة الأقصى
02-05-2007, 11:51 AM
شكرااااااااااااااااااااا من هان لبكرة
اول مرة حد يتذكرني بهدية:showoff:
يسلموو محبة الاقصى
شكرا كمان مرة :icon15:

ولو عاشقة

معقول انساكي برضو

مشكورة عالمرور الحلو
محبة الأقصى
02-05-2007, 12:00 PM
يسلمو ايديك هدايا بجننوا ..

محمود شكلك ما انتبهت على هديتك

هيها تحت اخر شي

:icon5: :icon5: :icon5:
محبة الأقصى
02-05-2007, 12:04 PM
له له له ,, والله ازعلت انا ,,

قلت كنو نسيوني ولا شو
واجيت بدي اطفي الموضوع صراحة ,, ههههههههه

بس لو ما انزلت لتحت اشوية ,,


يسلمووو على السيارة الحلوة يا عمتووو ....
بجد يسلمووو وكويس انك تزكرتيني قلت يبدو اني انا ملغي من القائمة !! :(

بس طلعتي اصيلة وبنت اصيل :)


ههههههههههههههههههههه
يعني معقول برضو انساك يا خالوووووو

بس انا حبيت اتقل دمي شوي :icon11:

وكمان انا ما نسيت عيديتي منكوقت العيد الوفات بس كلهم انصرفو حق هدايا
:icon5: :icon5: :icon5: :icon5:
محبة الأقصى
02-05-2007, 12:35 PM
شكرا لك يا اختاه على كل الهدايا والاعضاء الكرام بستحقوها عن جدارة دام عزك ودمت ذخرا لمنتدانا

العريق وعلى راسه اخي الفاضل المدير محمود وابو النور نوارة منتدانا وابو خضر محامينا ورافع لوانا

وانت مشكورة للمرة المليون ما قصرت هدايا بتشرح الصدر ان شاء الله بنقدملك هدية تليق بمقامك

في اقرب مناسبة سعيدة على قلبك دمت بخير ودي لك

اخي لطفي ياسين

شكرا الك وعلى ردك الطيب

بارك الله فيك





طيب طيب ... بس عينكم بعيد عن السيارة ماشي

:icon28: :icon28: :icon28:




شف .... لو بدك تموت ما انت ماخذها

ماشي والا

:icon28: :icon28: :icon28:

هههههههههههه ,,
روح طير يا حبيب القلب انسى الموضوع ,, هذه هدية ومن مواصفات الهدية (لا تباع ولا تهدى ولا تسترد ) هههههههههه


انسى الموضوع السيارة يوم الخميس مطلوبة الي !! :icon28: :icon28: :icon28: :icon28:
انا بدي اخذها معي رخصة سواقة ,,

شو هادا :icon28: :icon28:
بشوفكو بلشتو تتقاتلو :icon28:
هادا اللي وصيتكو يعني :icon28:
خلص بدي اخدها منكو وارجعها محل ما جبتها
على فكرة هاي موديل مرسيدس700
يعني من مقام محمود وبس :icon29: :icon29: :icon29:

المطصيكل طاعي روعه بجد حلو ويعدين بحب المطصيكلاط كنط ايام المدارص اول ما اروح من المدرصة اطأجرلي مطصيكل والف فيه هههههههههههه
طصلميلي يا محبة الاقصى علي الهدية الروعه امطى اجي اخدها
بشوف من اولها طوشه مع ابو النور وعاشق الحور ومحمود ههههههههههه

ههههههههههههههههههههههههههه
بس من غير ط تبعتك هاي ...حولتني
وانت لسه ما اخدتو المتسيكل شو مستني يعني :icon28:

ومشكور عالمرور




روعـــــــــــــــــــــة يا محبـــــــــــــة ^^

مبــارح كنت متنحــة .. ما كنت بدي ارد بالموضوع :p

ياللــــــه شو جنــان هــديتي .. والله إنــك زوووووووء يا زووووء :s (43): :s (43):

تســــــــلميـــلي يااااااا رب والله لا يحــرمني منــك : ) :icon26:

إيه صحيح .. ما اتنحي عند ردي وتعطيني كانســل (( تطنيشة من الآخر )) :matrix: ..

ساااااااامعة بشنقك على اقرب شجرة :p

وتســـــــــــــلميـــــــــــ ـلي يـــــا أحــــــــــلى محبـــــــــــــة :icon26: :icon26: :icon26: :icon26:

انجليتا هووووووووووووووون
بقول ليش الصفحة منورة
لا تخافي انا احسن منك...شايفة ما تنحت عند ردك
ومبروكة عليكي الهدية
انتي ملاحظة شغلة
كل عضو الو هدية الا انتي هديتين .......عشان تعرفي بس معزتك
:s (43): :s (43): :s (43):


بحبشت و دورت الاقي الي اشي ما لقيت ...

ولا حتى جوز جرابات ؟؟؟؟؟؟؟؟؟؟؟

بلا مباركة عليكم الهدايا ....


ههههههههههههههههههههه

المرة الجاي ان شالله رأفت

والله يبارك فيك يا رب
نورت
ريما الفلسطينيه
02-05-2007, 01:04 PM
بديــــــــــــــــــــــــــــــــ ــــــــــــــــــــــــــــش. .. :(

ما بدي شنته بدي كلب ...

عالعموم يسلمووووووو ... بس بعدني مصره عالكلب..
محبة الأقصى
02-05-2007, 01:07 PM
ولى ريماااااااااااااااااااااااااااا

شو بدك بالكلب نفسي اعرف :icon9: :icon9:

يعني في حدا بهدي التاني كلب ......شو هالنكسه يا رب :wacko:

بدك تقبلي الشنتة وما في كلب :icon28: :icon28:
ريما الفلسطينيه
02-05-2007, 01:20 PM
ولى ريماااااااااااااااااااااااااااا

شو بدك بالكلب نفسي اعرف :icon9: :icon9:

يعني في حدا بهدي التاني كلب ......شو هالنكسه يا رب :wacko:

بدك تقبلي الشنتة وما في كلب :icon28: :icon28:

:icon5: :icon5: :icon5: :icon5: :icon5: :icon5:

طيب :icon5:
ادهم اللداوي
02-05-2007, 01:51 PM
خيتي ريما ولا يهمك
الكلبة عندنا خلفت تلات صغار يالله ما احلاهم

بس كل واحد من اخواني الصغار حجز واحد
راح اترجالك الصغير في اخواني يعطيني كلبه ولو تشوفيه لونه ابيض وعليه نقط بني يجنن
وراح وصلو لعند باب بيتكم ولو خيتي انتي تتمني بس
ayman
02-05-2007, 05:19 PM
روعة الساعة ....
يسلمو ايديك محبة الاقصى ...
ولا اتطولي الغيبة مرة تانية ...
وفعلا هدية محرزة
نسرينا الفلسطينيه
02-05-2007, 09:09 PM
يااااااي

ميك أب

كيف عرفتي إني بحب الميك أب :p

ههههههه

يسلمو ايديكي يا زووووووء
ABU-NOUR
02-05-2007, 09:17 PM
شو هادا :icon28: :icon28:
بشوفكو بلشتو تتقاتلو :icon28:
هادا اللي وصيتكو يعني :icon28:
خلص بدي اخدها منكو وارجعها محل ما جبتها
على فكرة هاي موديل مرسيدس700
يعني من مقام محمود وبس :icon29: :icon29: :icon29:
[/CENTER][/COLOR]


شف شف شف ,,

انسي الموضوع الهدية لا تسترد ,,
وبعدين انا متنازل عنها لمحمود ,,
القلب النابض
02-05-2007, 09:56 PM
عز وانا ولا اي اشي يسلموووووووو كتير حلوين
هلــون
02-06-2007, 12:34 PM
واكيييييييييد هلون
هادي شنطة على شكل قطة
http://rooosana.ps/uploading/6d4d8182ea.jpg
وهادي بسة حقيقية كمان:showoff: :showoff:
http://rooosana.ps/uploading/37429ea3bc.jpg






شو هلحلاوة هااااااااااااااي

تسلميلي يا قلبي :icon26: :icon26:

كلك زوووووء .. والله الشنطة ما عندي مثلها :icon5: رح الفلف الدنيا لالائيها ههههههههههههه

يسلمو مرة تانيه ,, ومبرووووووك هدايا الجميع ,, هيدي من محبة الاقصى مو حياالله ديروبالكم عليهم :s (43): :s (43): :s (43):





http://files.shabab.ps/img-upload/uploads/724162c82f.gif
محبة الأقصى
02-06-2007, 02:48 PM
روعة الساعة ....
يسلمو ايديك محبة الاقصى ...
ولا اتطولي الغيبة مرة تانية ...
وفعلا هدية محرزة

الله يسلم قلبك يا رب ايمن
وما تقلق هادي اخر مرة بغيب عنكم
والحمدلله انو الهدية عجبتك

يااااااي

ميك أب

كيف عرفتي إني بحب الميك أب :p

ههههههه

يسلمو ايديكي يا زووووووء

هههههههههههههههههههه
عرفت قلت اكيد بتحبيه ...شايفة كيف انا بقرأ افكارك
خلص كل مرة رح اهديك ميك اب

شف شف شف ,,

انسي الموضوع الهدية لا تسترد ,,
وبعدين انا متنازل عنها لمحمود ,,

لاااااااا..ليش تتنازل عنها لمحمود وعاشق بعدين بطير عقلو
انا عندي حل
محمود بسوق السيارة وانت بتركب جمبو وعاشق الحور بدفع كل مصريفها وبنضفها كمان
هيك عدل



شو هلحلاوة هااااااااااااااي

تسلميلي يا قلبي :icon26: :icon26:

كلك زوووووء .. والله الشنطة ما عندي مثلها :icon5: رح الفلف الدنيا لالائيها ههههههههههههه

يسلمو مرة تانيه ,, ومبرووووووك هدايا الجميع ,, هيدي من محبة الاقصى مو حياالله ديروبالكم عليهم :s (43): :s (43): :s (43):






الله يسلمك يا رب هلوووووووووووون

والله انتي الزوق بردك الحلو هادا

وانا كنت متاكدة انو الهدية رح تعجبك

سلمات يا عسل
صرخة أنثى
02-06-2007, 03:42 PM
ياعيني مااحلاهم وانا ماطلعلي اشي لاني يمكن لما سجلت ماعرفتك كتير ياعسل
نـوّارة
02-06-2007, 04:16 PM
يسلمــــــــوو محبـــــــــــه ..

مبــرووكـ لكل الاعضـــــاء العســـــــل ..

كلهم بستــــــاهلوو والله :) ..

^^
محبة الأقصى
02-06-2007, 05:08 PM
ياعيني مااحلاهم وانا ماطلعلي اشي لاني يمكن لما سجلت ماعرفتك كتير ياعسل

والله انتي العسل
وانا كمان ما عرفتك منيح...وبشرفني اعرفك
نورتي الموضوع .....والمرة الجاي الك مني احلى هدية

يسلمــــــــوو محبـــــــــــه ..

مبــرووكـ لكل الاعضـــــاء العســـــــل ..

كلهم بستــــــاهلوو والله :) ..

^^

الله يسلمك يا رب نوارة

نورتي الصفحة بطلتك
ABU-NOUR
02-06-2007, 05:18 PM
لاااااااا..ليش تتنازل عنها لمحمود وعاشق بعدين بطير عقلو
انا عندي حل
محمود بسوق السيارة وانت بتركب جمبو وعاشق الحور بدفع كل مصريفها وبنضفها كمان
هيك عدل
[/CENTER]

هههههههههههه ,,
لا يختو !!
اذا محمود معو رخصة سواقة للسيارة انا موافق اما اذا ما كان معو انا معي فانا بسوقها وهو يركب جنبي وعاشق ينضفها كل يوم ويدفع كل اشي تصليح او بنزين او شو ما كان ,,,,


هيك عدل [/SIZE][/COLOR]
محبة الأقصى
02-06-2007, 05:46 PM
اها

يعني انت معك رخصة سواقة..طيب كتير منيح انت بتسوقها محمود جمبك

وعاشق الحور بكمل الباقي

انا موافقة

خلص انا والجنرال حلينا مشكلة الشرق الاوسط
دمـوع فلسطين
02-06-2007, 07:26 PM
ودموع فلسطين المختفية دايما
وما بتشارك الا ما ندر...كمان هي الها هدية
http://rooosana.ps/uploading/a2050bd0a1.jpg




هههههههههههههه ..
ياااااي .. احلى هدية من أغلى عضووة .. :icon26:
تسلميــــلي والله يا مزوووءة ^^ ..
روووعة ..
عقبال ما نردلك ياها :icon11: :icon11:
ورود نابلسية
02-06-2007, 09:37 PM
ياعيني ع الهدايا نيالهم

والله

هدايا زوء

منك يازوء محبة الاقصى
محبة الأقصى
02-07-2007, 10:18 AM
هههههههههههههه ..
ياااااي .. احلى هدية من أغلى عضووة .. :icon26:
تسلميــــلي والله يا مزوووءة ^^ ..
روووعة ..
عقبال ما نردلك ياها :icon11: :icon11:

انتي الاغلى والله
والله يسلمك يا رب
ومنيح اني شفتك ........لازم اسميكي العضو المخفي او الغامض او المجهول :wacko:
اللي بدك اياه
مشكورة عالطلة الحلوة

ياعيني ع الهدايا نيالهم

والله

هدايا زوء

منك يازوء محبة الاقصى

اهلا ورود

نورتي الصفحة

تسلمي عالرد الحلو متلك
قسامي غزة
02-07-2007, 10:22 AM
انا شفت هديتي متاخر شوي
يسلمواا يديكي اختي
وهاحتفظ بيها ان شاء الله
مرة تانية يسلموا ايديكي
بو هبه
02-07-2007, 10:24 AM
ههههههههههههههههه


عنجد فلستي




بس اكيد مش خساره بالحلويين


بستاهلوا واكتر


فيكي الخير يا حجه


بس اخر هديه بتقطم الظهر هههههههههههههه




سلاامي
محبة الأقصى
02-07-2007, 10:25 AM
الله يسلمك قسامي

انا قلت الطقية احسن شي عشان تداري صلعتك

بالشتا بالصيف مش مهم .....المهم الصلعة
محبة الأقصى
02-07-2007, 10:26 AM
ههههههههههههههههههههه

بوهيه

والله انا مش عارفة كيف انسيتك

انت لازم اول واحد يكون في الك هدية

خلص هيني رايحة ع السوق اشتريلك شغلة

سلااااااااام
بو هبه
02-07-2007, 10:49 AM
ينساكي الموت

تعالي تعالي يا حجه

خلص اعتبريها واصلالي يا حجه


هههههههههه


ولا يهمك يختي
محبة الأقصى
02-07-2007, 10:56 AM
هههههههههههههههههه

طيب خلص ريحتني من الزحمة ومن وقفت لسواق

ووفرت علي كمان :icon29: :icon29:
بو هبه
02-07-2007, 11:19 AM
ههههههههههه


شايفه بوهبه كييف مفيد


عشان تعرفي


والحمد لله وفرنا عليكي


سلملميشن
لولو اليبناوية
02-07-2007, 11:28 AM
اقتباس:
المشاركة الأصلية كتبت بواسطة عاشق الحور
انا ما بارضى اشارك حدا

:(


ما في بدك ترضى

من وين بدي اضل اخترع هدايا يعني



خخخخخخخخخخخخخخخخخخخخخخخخخخخخخخ(تعيش وتاكل غيرها) ^^
لولو اليبناوية
02-07-2007, 11:29 AM
ينساكي الموت

تعالي تعالي يا حجه

خلص اعتبريها واصلالي يا حجه


هههههههههه


ولا يهمك يختي

له له يا بو هبة كل الهدايا الك انت :s (43): :s (43): :s (43):
محبة الأقصى
02-07-2007, 01:12 PM
لولو شو جابك

مش اخدتي هديتك

يلا طيري
-|| تقى ||-
02-09-2007, 02:03 PM
http://rooosana.ps/uploading/1be3172e10.jpg

ما بدي احسن من هيك

يسلموو دبه

كتير حلوو

http://rooosana.ps/uploading/64c74c8fbf.jpg

بقلك ععععععععععععععععععععععععععععع

يعني حلوووووووه

ال اسمها .. والله ما بعرف شو حكى

اسم غريب عجيب

المهم حلوه كتير

والسياره الي للتلاته واللاب توب الي لانوس انا بدي اياهم

وهما ياخدو الحلق
لمسة وردة
02-09-2007, 02:44 PM
واااااااااااااااااااااااااااااااااا ااااااااااااااو
ياااااااااااااااااااااااااااااااااا ااااااااااااااااااااااااااااااي
شو حلو
تسلم هالايدين يا قمر كلك زوء

تنك يو كتير حلو بيجنن يا عسل
وتنك يو لانك اتذكرتيني
انا الحمد لله رجعت
تسلمي حبيبتي محبة

http://rooosana.ps/uploading/164bc649dc.jpg

كتير عجبني
محبة الأقصى
02-09-2007, 02:57 PM
http://rooosana.ps/uploading/1be3172e10.jpg

ما بدي احسن من هيك

يسلموو دبه

كتير حلوو



بقلك ععععععععععععععععععععععععععععع

يعني حلوووووووه

ال اسمها .. والله ما بعرف شو حكى

اسم غريب عجيب

المهم حلوه كتير

والسياره الي للتلاته واللاب توب الي لانوس انا بدي اياهم

وهما ياخدو الحلق

هههههههههههههههههههههه

ما في رينوكس

كل واحد هديتو ع اسمو
شئت ام ابيت:s (55): :s (55):
وكمان الحلق للبنان مش للشباب

واااااااااااااااااااااااااااااااااا ااااااااااااااو
ياااااااااااااااااااااااااااااااااا ااااااااااااااااااااااااااااااي
شو حلو
تسلم هالايدين يا قمر كلك زوء

تنك يو كتير حلو بيجنن يا عسل
وتنك يو لانك اتذكرتيني
انا الحمد لله رجعت
تسلمي حبيبتي محبة




الله يسلم قلبك

ولك وين هالغيبة الي زمان ما شفتك

يلا ان شالله خير المهم انك ارجعتيلنا
وسلمي على هنوي
فراشة
02-10-2007, 08:50 PM
http://rooosana.ps/uploading/a7326f3f9e.gif

وهي الفراشة للفراشة
http://rooosana.ps/uploading/c0dd68d5b7.jpg


الله شو ناعم بجنن ... تسلميلي يا عسووله والله انك مزوئه :s (43):
احلى رورو
02-11-2007, 08:17 PM
ههههههههههههههههههه


يسلمووووووو يا عسسسسسل


على فردة الحفااااااااي

كريمة والله هههههههههه

لدرجة انو اعطيتيني فردة وحدددة
محبة الأقصى
02-11-2007, 08:24 PM
الله شو ناعم بجنن ... تسلميلي يا عسووله والله انك مزوئه :s (43):

الله يسلمك فراشة

بتستاهلي واكتر كمانههههههههههههههههههه


يسلمووووووو يا عسسسسسل


على فردة الحفااااااااي

كريمة والله هههههههههه

لدرجة انو اعطيتيني فردة وحدددة

هههههههههههههههههههههههههههههه

ليكون مش عجباكي ست رورو

ولك لفيت السند والهند لحتى لاقيتها
كلهم نمرهم زغيرة وهاي الوحيدة اللي ع مقاس رجلك 40:icon11:
وما في غيرها ...قلت اجيبلك اياها بلاش تزعلي:icon31: