إلى كل المشرفين ومعهم المدير ...

[عاشق الحور]

بسم الله الرحمن الرحيم

الموضوع وباختصار

حذف المواضيع شي بيخص الادارة صحيح

بس برضو ... من حق كل عضو يعرف ليش انحذف موضوعو

والسبب كلمة الوحدة الوطنية وما بدك مشاكل

هذا عذر موضوع مسبقا لكل شي بدو يصير

انا باقول ...

يا أستاذ يا اللي حذفت المواضيع ..

لو أن رصاص المرتدين هذا جاء في حضن اخيك أو زوجك او ابنك

لما استكفيت بالمواضيع الهادفة

======

ما ذنب كل الفلسطينيين في الخارج .. لا يعلمون ما يحدث

ينظرون إلى شاشات التلفاز دماء تراق

ظانين أنها لأجل دنيا

ولكن لا يعلمون ما حقيقة الاحداث

اللي حذف الموضوع انا باعتبرو متستر مين ما كان يكون على هذه الجرائم

وساهم في التغية عليها

والله اللي بيدايق من شغلة بيكون الو ضلع فيها

وللأسف انا من رأيي على المنتدى الموقر

انو بلاش قسم الاخبار ... ولا القسم الفلسطيني

لانو ما دام نقل الحقيقة صار جريمة وخارج عن القوانين

فأنا مع احترامي لجميع

ما في قوانين ... بتمنعني اقول كلمة الحق ولو على رقبتي مو بس على عضويتي

سلامـ

[عاشق الحور]

ما حدا يغلب حالو بالرد ..

لانكم الكلام العسل المسموم

منتشر كتير هالايام

وباتمنى على كل واحد ... انو يضع نفسو في مكاني

وبعدين يحكم

اعز اصحابي راحو بدون سبب

الا انو في طرف حقير متعامل مرتد اجى على بالو يخلق حرب اهلية

وللاسف نجد من يتساوق معهم او يدافع عنهم ولو حتى بالانحناء

ومن لم يقف مع الحق كان مع الباطل

وفي الأرض رايتان فاختر احدهما

راية الحق وراية الباطل

[محمود]

والله المنتدى مش منبر اعلامي حمساوي

ولا منبر اعلامي فتحاوي

حماس بتجيب الاخبار الي على كيفها

وفتح بتجيب الاخبار الي على كيفها

اذن العدل مش موجود ،،

ولو على حساب عضويتك انتا حر ..

وبعدين الخبر الي بدهم اياه ازا بده يسمعوه فتحاوي

مواقع ومنتديات فتح كثيرة ..

وكمان ازا بدهم يسمعوه حمساوي

مواقع ومنتديات حماس كثيرة ..

المنتدى هنا فلسطيني ..

ما بحق الك التشهير في اي حدا ..

[محمود]

والله يا نشأت او يا عاشق الحور ..

بتعرف انو اولاد عمي الاثنين انضروا باحداث الفتنة القائمة

وواحد ما زال مرمي في المستشفى لليوم بعد ما شالو

اله الطحال والكلية والبنكرياس ضارب :)

والطخ كان متبادل في الشارع بين فتح وحماس

يعني هلقيت مين الي بعرف انو انطخ من ابن فتح ولا بن حماس ..

راحت عليه والي بموت منهم كمان بتروح عليه ..

وفي النهاية الحقيقة مبينة للكل ..

[عاشق الحور]

طيب ما دامك حريص

هات اخبارك يا سيادة المدير العام

ولا اراقة الدماء

وتهديم الجامعات

واغتيال المجاهدين

ما بيستحق من شباب فلسطين وقفة ؟؟؟

طيب والناس والاهل والاخوة في الخارج

شو ذنبهم انو ينضحك عليهم باعلام هابط كاذب ؟؟

وين صوت الحقيقة ...

ما في حدا ما بيعرف الصح ...

الان صار التشهعير بالحقير محمد دحلان سبب فتنة ؟؟!!!

المهم ...

الساكت عن الحق شيطان أخرس

[قسامي غزة]

ايش الدعوة يا جماعة
شكلوا في ازمة بين الحكومة والرئاسة
شو القصة يا محمود وانت يا نشات انتم اصحاب واحباب واولاد حارة وحدة ومسجد واحد ودايما مع بعض
اذا كل واحد بدو يحكي هيك ما بيصير
يا جماعة الامور لا تحل الا بالتفاهم ولا تحل هكذا بتوجيه الاتهامات علي الاخر
يعني القصة مش مستاهلة انتم شو ما صار بتضلوا اصحاب واحباب
يا جماعة لازم نعمل مباردة لحل الاشكالية بين الحكومة والرئاسة او المدير ونائبه
يلا يا نشات بتروح علي محمود وبتشرب عندو كاسة شاي وبتخلصوا الامور
وطبعا المباردة بدها طرف تالت يلاانا مستعد اجيكم من رفح مشان ارعي هذه المباردة
ويا جماعة القصة مش مستاهلة

[محمود]

الساكت عن الحق شيطان اخرس ..

صحيح بستحق وقفة .. لكن وقفة سليمة مبنية على أسس سليمة

تحتاج لأدلة مقنعه من الطرفين ومصادر موثوقة غير محسوبة لفتح او حماس ..

لانو ابن حماس ما بدور الا على العاطل في ابن فتح

وابن فتح ما بدور الا على العاطل في ابن حماس ..

ولا انسيت موضوع اسمه ..

هالمرة بدنا وحدة وعنجد :)

شو يعني مرة ابن فتح بدك تحط ايديك بايده وتعمل وحدة ..

اما هلقيت ابن فتح كافر ودمه مباح ..

وطالما انو ما في حدا ما بعرف الصح على حد قولك ..

يبقى مش لازم نشهر في حدا ،، والي بدور على الخبر بلاقي مية خبر قدامه منهم الصالح والطالح

ومنهم بتكون اخبارك في النهاية كل واحد بياخد الخبر الي على مقاسه ..

منتدى شباب فلسطين مش راح يتحول لمنتدى حزبي او سياسي ..

منتدى شباب فلسطين لازم يكون المكان الفلسطيني الوحيد الخالي من الخلافات السياسية ..

انا وين مكان صرت اسمع سيرة فتح وحماس ...

حتى انو الناس بطلت تعرف تلفظ اسم فلسطين منيح ..

البعض بقول اسمها فلسحماس والثاني بقول فلسفتح ..

بكرة بشيلو الفلس وبتصير اسمها حماس وفتح ..

المهم قولت الك الاعلام الكاذب في نظرك الجميع كاذب ..

والاعلام الحمساوي كمان معروف

والفتحاوي معروف ..

احنا بدنا اعلام فلسطيني بحته ..

ما في تشهير ولا تهشير ,,

وبس ^^

[محمود]

قسامي غزة ..

ما تقلق ياحب ..

انا ونشأت مهما يصير بينا ما رح نزعل من بعض ..

في المنتدى هوي اله توجه وسياسة المنتدى الها توجه آخر ..

يعني الموضوع ما فيه زعل ..

والله نشأت بقدر ينزل مواضيع دينية توعي العالم ..

ومن خلال فهمها تكون مصدر لتوضيح الحقيقة للناس ..

مع انو الناس مش محتاجة تفيهم ..

[عاشق الحور]

ولا انسيت موضوع اسمه ..

هالمرة بدنا وحدة وعنجد :)



ابدا ما نسيت يا سيادة المدير ..

بس للأسف الوحدة اللي كنا بدنا اياها ما لقيناها

والكل وقف معي بكلامي ..

والان كما قال تعالى

(( فإن بغت احداهما على الأخرى فقاتلوا التي تبغي حتى تفيء ))



وطالما انو ما في حدا ما بعرف الصح على حد قولك ..

يبقى مش لازم نشهر في حدا ،، والي بدور على الخبر بلاقي مية خبر قدامه منهم الصالح والطالح



لا يا اخي لازم التشهير ...

وما دامك عارف الصح متل ما بتحكي ....

اقف معاه بدل ما تسكت



ومنهم بتكون اخبارك في النهاية كل واحد بياخد الخبر الي على مقاسه ..



انت خذ الصح ما طلببت منك غير هيك ..

ولو بتقدر تجيب خبر من اللي انا نزلتهم كذب من حقك

بعدين في غير الاخبار تصاميم

ولا محمد دحلان رجع رمز يا محمود ؟؟



منتدى شباب فلسطين مش راح يتحول لمنتدى حزبي او سياسي ..



لازم يكون فلسطيني صادق ...

يظهر الحق لرواده

وانت بتعرف انو في كتير في المنتدى ما بيعرفو الحقيقة فليش نتركهم في الضلال



منتدى شباب فلسطين لازم يكون المكان الفلسطيني الوحيد الخالي من الخلافات السياسية ..



بس هذا غير مبرر انو يحجب نور الحق ...

وانت حكيت بالاول الساكت عن الحق شيطان أخرس



احنا بدنا اعلام فلسطيني بحته ..

ما في تشهير ولا تهشير ,,




اعلام فلسطيني بس صادق ..

لانو انت حكيت في اعلام حمساوي ... يشرف

واعلام فتحاوي كاذب

هو هذاك الاعلام اللي كفر اسماعيل هنية يا محمود

وانا شايف انو ما في اعلام يظهر حقيقة الاحداث

بدي اسألك ..... وين الاعلام ومنتدى شباب فلسطين من هذه الاحداث

الحاجة الوحيدة اللي لقيتك موافق عليها ...

بدنا وحدة وطنية ...

ولكن للأسف ما دافعت عن الفكرة ..

قلتلك من الأول انتو بتجرو وراء مسميات

وينك انت ووين المنتدى من حرق الجامعة الاسلامية ؟؟

وين المنتدى من تهريب سلاح الدمار على فلسطين

وين المنتدى من مجزرة مسجد الهداية

يا سيدي اعتبرني ما كتبت شي ... وين الاعلام الفلسطيني المسلم

اللي بينتفض لدين الله

لما اعتدوا الدنمارك على الرسول ... صارت ثورة وسكربتات ومنتدى خاص للرسول

بس لما تط
اول الحقير عزام الاحمد على رب الرسول ... شو صار

انحذف الموضوع ؟؟!!!

مفارقة عجيبة صح ؟؟!

ومجزرة مسجد الهداية ... لو كانت من اليهود لغرق المنتدى تصاميم

بس من العرب .. واجب نسكت مشان الوحدة الوطنية ...

اخي انتر لدين الله ولا تكن مع حماس ... ولكن انتصر

انتصر لمساجد الله التي تدنس ,,,

واعلم ان ظلم بني جلدتنا اشد وقعا من ظلم الاحتلال

الاحتلال بيكفي انو احتلال وعمل مجزرة الحرم الابراهيمي

بس الكلاب العرب ..... فاقو التوقعات وبدل المجزرة اثنتين ..

وتمــ حذف الموضوع ؟؟




وبس ^^





الله يكرمك ما قصرت .... وانتبه قبل ان يغزو الباطل عقلك .. بسبب (( ما بدنا مشاكل ))

على هيك كان ينتنازل عن فلسطين ما بدنا مشاكل وما بدنا مجازر

ويلا نلاحق المجاهدين ونغتالهم وما بدنا مشاكل

ونغطي على المرتدين لانو ما بدنا مشاكل

وفي الاخير ..... الحق على الجميع .. ليش ؟؟

لانو اللي عليه الحق فنان في صياغة الاكاذيب واعلامه قوي ..

اما اللي معاه الحق فللأسف محارب من الجميع واغلقت في وجهه الابواب

وكلمة الحق .. بتعمل مشاكل فبلا منها

وبس ^_^

[عاشق الحور]

نعتبر الموضوع انتهى هون

وما ترد لانو بهيك راح يكون استغلال لعدم وجودي يا محمود

سلامـ ^^

[قسامي غزة]

قسامي غزة ..

ما تقلق ياحب ..

انا ونشأت مهما يصير بينا ما رح نزعل من بعض ..

في المنتدى هوي اله توجه وسياسة المنتدى الها توجه آخر ..

يعني الموضوع ما فيه زعل ..

والله نشأت بقدر ينزل مواضيع دينية توعي العالم ..

ومن خلال فهمها تكون مصدر لتوضيح الحقيقة للناس ..

مع انو الناس مش محتاجة تفيهم ..




هذا ما اتمناه يا اخ محمود
وان شاء الله بتضلكم احباب واصحاب ان شاء الله
كلامك صحيح يا حج محمود
نسال الله ان يجنبنا الفتن ما ظهر منها وما بطن
وبعتذر يا محمود اذا تدخلت في امور بينكم
بس انا غرضي خير

[محمود]

والله منتدى شباب فلسطين

ما غفل عن شي ..

والظلال في نظرك صواب في نظر غيرك

والصواب في نظرك ضلال في نظر غيرك ..

يعني هلقيت جاي تقولي حماس وفتح !!

والله الباطل معروف يا نشأت والحمد لله انا بعيد عنه أميال :)

ازا ما كنت معاك فأذن انا ضدك .. هاي القاعدة شاذة بالنسبة الي ..

مساجد محتاجة لتطهير يا نشات واكيد شفتها طوش وصلت فيها للسلاح

مشان يكون هالمسجد باسم حماس او باسم فتح او باسم الجهاد الاسلامي

وهاد الحكي صار قدام عيني بمصلى الامام علي .. المسجد مصدر الدين والهداية ..

مش مدرسة ابتدائية لحزب معين الي بتخرج منها ما برجع الها الا ازا كان فيه الخير ..

اصلح نفسك ثم جاهد ،، مش تجاهد في فسادك ربنا ما بنصرك ..

بتعرف انا اول مرة اعرف انو في تنظيم معين منزل من السماء ما بغلط

وكل شي في نظركم اله مبررات ..

يعني هلا اي شي بخرج من بوتقة حماس بكون صح ..

معقول حماس ما بتغلط يعني ؟؟

يا عمي حماس عرفت انو منصور شلايل الي فجر الجيب العسكر خلال ساعتين

ما بعرف كيف ..

بس الي قتلو اطفال ثلاثة بسيارتين بطول وعرض وعددهم سبعه لحد الان ما في خبر

حتى عنهم او حتى ما حدا مترحم على الاطفال الا وكالة معا الاخبارية !!

ياسيدي انا طول عمري راح اقف سند مع الحكومة ..

لكن عمري ما رح اقف سند مع هالاوضاع المتوترة في الشارع ..

والي سببها مش فتح او حماس

بالعكس سببها حقد حماس على فتح

واعتبراها عدوها الوحيد في الساحة الفلسطينية .,,

والاختلاف الي بينهم ادى الى تدهور الاوضاع ..

وكمان سببها بنفس الوقت حقد ابن فتح الفاضح لحماس ..

بهيك حاقدين اثنين على بعض راح يخربوا ديارنا ..

اشتقت اني اسمع صواريخ القسام تلعلع في السما يا زلمة ..

هلقيت بنسمع صوت قذائف الياسين في دار فلان وعلان

وابن فتح بعده مش مقصر ولا ابن حماس كمان مش مقصر ..

في النهاية تهدئة والي راحت عليه راحت ..

يعني كانت صواريخ القسام مقدسة بالنسبة للشارع الفلسطيني ؟؟

واحنا بنقول الجهاد في سبيل الله ..

ليش ما نوجه بندقيتنا في صدر العدو ..

يعني هيني بكتب الك وسامع اصوات قذائف وطخ ..

قلي هاد برضيك ؟؟

والله الي بصير ازا ماكان بصير والامر مأسوف عليه ..

لكن انتو مبسوطين بالي بصير .. وبدكم ممسك ضد فتح وتشهروا فيه ..

وفتح مش ملاقية ممسك بتروح تألف ممسك من عندها وازا لقت شي ما بتقصر كمان ..

ههههههههههههههههههه

يعني الطاقة البشرية الفلسطينية انهدرت في سطل سلاح فاضي ..

يا عمي قضيتها فاشلة ..

ازا ما تحلينا بالصبر والايمان عمرنا ما نبني السور الي انهدم اليوم في المسجد الاقصى ..

يا عيني علينا اليهود مكيفين علينا هلقيت ^^

ما حدا سائل عنهم .. وماخدين حريتهم ..

بس الحمد لله اجت العملية الاخيرة قالت الهم انو احنا لسا ما انسناكم

رجعت النا الامل والله..

نفسنا يرجع زمن الاحمد الياسين وعبد العزيز الرنتيسي ..

الي نسمع فيه صوت الاسد لما يقول لا للاحتلال ..

مش نسمع صوت الاسد يقول لا لفتح

والثاني يقول لا لحماس ..

قضيتنا صارت فتح وحماس ,,

ٍوالوطن في الجيبة .,,

تصبح على خير

[خيـرَ أُمـة]

اذا كانت الفتنة واقعة لا محالة ورحاهى بدأت تلوح ... على الأقل فالنكف السنتنا عن الحديث بها ...

الحرب الأهلية جوعت الصومال ودمرت أفريقيا وحرقت لبنان

افلا نتعظ

واللـه كل واحد فينا حينسأل عند ربنا عن كل كلمة قالها في هذه الأيام
وأنا أولكم

ربنا يهدي الجميع

(( ولا تنازعوا فتفشلوا فتذهب ريحكم ))
صدق اللـه العظيم

[ayman]

انا راح اكتفي هون بكتابة خطبة الوداع لسيد الخلق محمد صلى الله وعليه وسلم كاملة ...

ألقاها الرسول صلى الله عليه وسلم في حجة الوداع يوم عرفة من جبل الرحمة وقد نزل فيه الوحي مبشراً أنه "اليوم أكملت لكم دينكم وأتممت عليكم نعمتي ورضيت لكم الإسلام ديناً"
الحمد لله نحمده ونستعينه ونستغفره ونتوب إليه، ونعوذ بالله من شرور أنفسنا ومن سيئات أعمالنا من يهده الله فلا مضل له ومن يضلل فلا هادي له، وأشهد أن لا إله إلا الله وحده لا شريك له وأشهد أن محمداً عبده ورسوله.
أوصيكم عباد الله بتقوى الله وأحثكم على طاعته وأستفتح بالذي هو خير. أما بعد أيها الناس اسمعوا مني أبين لكم فإني لا أدري لعلى لا ألقاكم بعد عامي هذا في موقفي هذا.
أيها الناس إن دماءكم وأعراضكم حرام عليكم إلى أن تلقوا ربكم كحرمة يومكم هذا في شهركم هذا في بلدكم هذا – ألا هل بلغت اللهم فاشهد، فمن كانت عنده أمانة فليؤدها إلى من ائتمنه عليها.
وإن ربا الجاهلية موضوع ولكن لكم رؤوس أموالكم لا تظلمون ولا تظلمون وقضى الله أنه لا ربا. وإن أول ربا أبدأ به عمي العباس بن عبد المطلب.
وإن دماء الجاهلية موضوعة، وإن أول دم نبدأ به دم عامر بن ربيعة بن الحارث بن عبد المطلب وإن مآثر الجاهلية موضوعة غير السدانة والسقاية والعمد قود وشبه العمد ما قتل بالعصا والحجر وفيه مائة بعير، فمن زاد فهو من أهل الجاهلية – ألا هل بلغت اللهم فاشهد.
أما بعد أيها الناس إن الشيطان قد يئس أن يعبد في أرضكم هذه، ولكنه قد رضي أن يطاع فيما سوى ذلك مما تحرقون من أعمالكم فاحذروه على دينكم، أيها الناس إنما النسئ زيادة في الكفر يضل به الذين كفروا يحلونه عاماً ويحرمونه عاماً ليوطئوا عدة ما حرم الله فيحلوا ما حرم الله ويحرموا ما أحل الله. وإن الزمان قد استدار كهيئته يوم خلق الله السماوات والأرض، وإن عدة الشهور عند الله اثنا عشر شهراً في كتاب الله يوم خلق الله السماوات والأرض، منها أربعة حرم ثلاثة متواليات وواحد فرد: ذو القعدة وذو الحجة والمحرم ورجب مضر الذي بين جمادى وشعبان – ألا هل بلغت اللهم فاشهد.
أما بعد أيها الناس إن لنسائكم عليكم حقاً ولكم عليهن حق. لكم أن لا يواطئن فرشهم غيركم، ولا يدخلن أحداً تكرهونه بيوتكم إلا بإذنكم ولا يأتين بفاحشة، فإن فعلن فإن الله قد أذن لكم أن تعضلوهن وتهجروهن في المضاجع وتضربوهن ضرباً غير مبرح، فإن انتهين وأطعنكم فعليكم رزقهن وكسوتهن بالمعروف، واستوصوا بالنساء خيراً، فإنهن عندكم عوان لا يملكن لأنفسهن شيئاً، وإنكم إنما أخذتموهن بأمانة الله واستحللتم فروجهن بكلمة الله فاتقوا الله في النساء واستوصوا بهن خيراً – ألا هل بلغت....اللهم فاشهد.
أيها الناس إنما المؤمنون إخوة ولا يحل لامرئ مال لأخيه إلا عن طيب نفس منه – ألا هل بلغت اللهم فاشهد.
فلا ترجعن بعدى كافراً يضرب بعضكم رقاب بعض، فإني قد تركت فيكم ما إن أخذتم به لن تضلوا بعده: كتاب الله وسنة نبيه، ألا هل بلغت ... اللهم فاشهد.
أيها الناس إن ربكم واحد وإن أباكم واحد كلكم لآدم وآدم من تراب أكرمكم عند الله اتقاكم، وليس لعربي على عجمي فضل إلا بالتقوى – ألا هل بلغت....اللهم فاشهد قالوا نعم – قال فليبلغ الشاهد الغائب.
أيها الناس إن الله قد قسم لكل وارث نصيبه من الميراث ولا يجوز لوارث وصية، ولا يجوز وصية في أكثر من ثلث، والولد للفراش وللعاهر الحجر. من ادعى إلى غير أبيه أو تولى غير مواليه فعليه لعنة الله والملائكة والناس أجمعين لا يقبل منه صرف ولا عدل.
والسلام عليكم.

[سنا القمر]

كلام كل منكما مقنع ...

ولكن كل منا يجب أن يحكم عقله فيما يفعل ...

............................

بصراعة لا تعليق اخر

[مؤيد]

لا أعرف يعني ،، لكن إذا كانت الحقيقة تصب في صالح حماس غالبا ً ، فهل معنى ذلك أن نحجب الحقيقة ونمنعها لإنها تقف مع حماس وليس ضدها ...

لكن لن أطيل ، وسأقول لكل الأعضاء ، إذا أردتم أن تعرفوا الحقيقة ....
فراقبو أمريكا وإسرائيل من تدعم على الساحة الفلسطينية ، إذا عرفتم هذا ، ستعرفون الحقيقة ، والحقيقة سهل الوصول إليها في ظل عصر المعلوماتية والإعلام ..

إذا دعمت أمريكا وإسرائيل يوما ً حماس بسلاح واحد ، لكنت أنا أول من يترك مناصرة هذه الحركة ... بل ولن أسكت عنها ....

ما أريد أن أقوله كثير ، لكنني أريد الاختصار .

[aBo SaLeeM]

اعلام فلسطيني بس صادق ..

لانو انت حكيت في اعلام حمساوي ... يشرف

واعلام فتحاوي كاذب




اخي عاشق الحور انا بحكيلك كل اعلام بدو يخلي حركته انها ما بتخطئ

لكن بحكيلك عيب عليك انك تتهم الكل

وبالنسبة لمحمد دحلان انا اول واحد بتنمى واحد متل دحلان انه يموووت
لأنه هوا سبب كل المشاكل الى احنا فيها

لكن يا اخ عاشق انك تغلط على كل ولاد فتح وتتهم بكل شسي هادا ما بنفع

وانا من الاول حكيتها انه دحلان لازم يموت لأنه هوا الى بيقتل بالبشر


كل التحية لك