يلا نتعرف ع حجابك هل هو ممتاز .جيد .غير مقبول بس شاركينا [الأرشيف]

مشاهدة النسخة كاملة : يلا نتعرف ع حجابك هل هو ممتاز .جيد .غير مقبول بس شاركينا

اسلام

01-31-2007, 10:56 PM

بسم الله الرحمن الرحيم..
السلام عليكم ورحمة الله وبركاته....

الموضوع نقلته لانه بغاية الجمال ولكن اضفت اليه بعض الاشياء التي ستفيدكم

حجابك ممتاز درجة ما او متوسط او غير مقبول يلا نشوف وبتمنى تقرأو كل الموضوع
وتشاركونا بارائكم كمان

صفي حجابك ( متحجبة مع جلباب)

(متحجبة من دون جلباب )

(متحجبة بعباءة مزركشة )

( متحجبة بعباءة جيدة وغير شافة )

(حجابك ملون )

(حجابك ابيض غير ملفت )

نتمنى ان تكوني قوية وتجيبي

حتى نقدم لك ولنا النصح والارشاد ومعدل نجاح حجابك اقرأي التالي اولا

هل انتي قوية....؟؟؟؟
هل انتي من أمة محمد صلى الله عليه وسلم..؟؟؟
هل انتي عفيفة؟؟؟هل انتي من حفيدات سمية واخوات الزهراء..؟؟؟؟
اسئلة إجاباتها بلا شك.....!!!!.....
نعم انا تلك القويه التي ستحفر في التاريخ اسمها...!!!
أكيد انا من امة محمد ياحبيبي يارسولي...لكم بكيت شوقاً إليك,,...!!!!!
عفيفة نعم عفيفة بحجابي وعزتي التي فرضتها على العالم....
نعم انا هي انا حفيدة سمية تلك الفاضلة التي قهرت الرجال...
انا اخت الزهراء التي لحقها حيائها حتى في قبرها!!!
من كانت إجاباتها مثل هذه فلتفرح ولتشاركنا في كسب الاجر...
اما من كانت إجاباتها غير ذلك فلتفرح ايضاً انها وجدت حفيدات سميه واخوات الزهراء...
ولتسلك طريقهم كي تصبح مثلهم..............
إذاً بما ان لك إحدى هذه النماذج في الاجابة فاانتي بلا شك تهميني....لذا شاركيني... /

/

/
احبك... نعم حبيبتي احبك ولو لم احبك ولم اتعود على مطالعتك ومتابعتك
في هذا المنتدى المبارك.... لم اتعب نفسي لااجلك!!!
حبيبتي والله اني خائفة عليك....
لاتقولي ليس من شانك !!؟؟؟
بل من صميم شاني حبيبتي في هذا الزمن الفاسد
من صميم شأني في زمن تحريك الشيطان لنا باصبعين ..
من صميم شاني ياقلبي مادمتي اختي ومادمت احبك .....حبيبتي...
مادمت وجدت طريق الراحه والسعاده فمن الانانيه ان لا اصف لكي هذا الطريق كي نكمله سوياً وإذا تفارقنا في نصف الطريق نتقابل في آخره ...

حبيتي....
عبائتك ..!! نعم عبائتك!!
كيف حالها كيف هو شكلها...؟؟
حبيبتي قلبي في هذا الموضوع لانريد الروتين الدائم بل نريد تكنولوجيا بنات الاسلام نريد تكنولوجيا بنات أمة
محمد(صلى الله عليه وسلم) ....نريد هذه التكنولوجيا تصنع منا بنات متفقات على حجاب واحد نريد نصنع منها طريق يسير للآخرة...

لذا اطلبك بل اسألك بالله ان تكونين صريحة معي قدر امكانك وضحي لنا
شكل عبائتك ولما هذه عبائتك ... وضحي لنا من يهمك رضا ربك أم رضا الشيطان...؟؟؟
حبيبتي لم اطلب منك الصراحة في موضوع ليلة الدخلة حتى تتحرجين منا بل كل ماطلبته منك ياجوهرتي وصف لعبائتك ... ولما هي هكذا؟؟؟ ......

أريد منك الصراحه لااسباب كثيرة ...للاتعاظ بك... للاستفادة من تجربتك... لتغيير عبائتك او حجابك او جلبابك ... لمساعدتك على رضا ربك...لمساعدتك للحصول على الزي الاسلامي الذي يكون ممتاز لكي نثبت للعالم الآخر(الجنس الآخر) اننا بنات حواء اننا حفيدات سمية واخوات العفيفة فاطمة..((رضي الله عنهن)).. نريد من يرانا يقول نعم اني حقاً في اطهر بقاع الارض ... نريد من يرانا لايجرو على النظر إلينا من هيبتنا وعزتنا...
حبيبتي لاتترددي ابداً في أي شي يدور في قلبك اخبرينا به ... اخبرينا ان كنا نطلبك المستحيـــــــــل !!!
ياجوهرتي هذا الموضوع سيتجدد كل يوم بارائك وسيتشرف بدخول امثالك إليه ورفعه كي يكون نصب أعيننا ...
فلا تحرمين نفسك من تطويرها بالدخول لهذا الموضوع ورؤية مابه من جديد ...فكل يوم باذن الله سيتجدد هدف وستعلو همة وستتغير احدانا وتذكر لنا ذلك.كي نتعظ بها تأخذ هي وحدها...أجرنــــــــــا؟؟؟
ياللـــــــــه ماأسهل طريق الخير وكسب الحسنات......

فنبدأ.....
من ....من ....من............................؟ ؟؟؟؟
من تبدأ لتكلمنا عن حجابها
ونتمنى تكلمنا كيف تحجبت والتزمت بحجابها ولماذا وكم كان عمرها وهل هي سعيدة وما فائدته ؟؟؟؟ ؟ يلا مين تبدأ ؟؟؟

بس قبل ما اقلكم ع حجابي رح اعطيكم الحجاب الفعال الذي يرضي الله كيف يكون

الحجاب الذي يكون مائة بالمائة تقريبا % يعني تقريبا ممتاز

1_ ان يكون من اعلى الراس حتى اسفل القدم وذلك يعني الحجاب ع الرأس والجلباب على باقي الجسد

2- ان يكون الحجاب (الشالة ) غير ملفته للنظر يعني مزركشة وملونة بشكل كبير وتكون مغطية الرقبة وتكون غير شفافة لتظهر لون الشعر او شكله والاهم ان تغطي الاذنين

3_ من الافضل ان تغطي الشالة منطقة الصدر

4- منيجي للجلباب يكون لونه من االوان الهادئة اسود زيتي بني كحلي ونحاول الابتعاد عن اللون الاحمر والازرق الملفت

5- الجلباب طويل ومغطي اخمص القدمين مش قصير ويبين الرجلين تحته

6- الجلباب والحجاب غير معطر ين تماما 7- لايشف ولاديق ولا ملفت ولا يظهر مفاتن الجسد

7- ان يكون النية بالحجاب هو لله ولارضاء الله وللاقتضاء بزوجات الحبيب محمد صلى الله عليه وسلم

8- ان يكون المظهر لائقا بحجابك وجلبابك وان يكون غير مشبه بالكافرات

9- الاتصاف بالاخلاق الحميدة لانه لافائدة للحجاب دون اخلاق فهي شيء اساسي

10- ان لايقف حجابك عندك فقط بل ان ترشدي غيرك للحجاب وكيفية الحصول ع درجة عالية فيه فهم مسؤليتك

منيجي هلا للمعدل الي بياخد 50 %

1- الجلباب يكون عادي او ان لاتكون ترتدي حجاب ولكن شيء طويل غير ديق ولا ملفت ولا مشف

2 حجاب ملون او مزركش بشكل خفيف زي حجاب الاميرة بحيث يكون غير مشف ومغطي للرقبة والاذن

3- ان تكون متصفة بالاخلاق الحميدة

4_ ان تكون الاخت لها نية في ستر نفسها في حجابها وارضاء ربها

5- ان تكون فيه غير مدوامة يعني بالصيف تلبس جلباب وبالشتا شي طويل جاكيت بس بردو يكون كما يصف

سيئات هذه الطريقة بلبس الزي الاسلامي

1- غير معزز بالنفس يعني باليف بلبسه وبالشتا بشلحه

2- لا يخفي منطقة الصدر

3- انه يكون فيه بعض من حب الدنيا عندما اتماشى مع الموضة بالوان ومزركشات وانسى ان حجابي هو من ربي وعلي ان التزم به كما هو فيوم مع يوم تكبر حبي للموضة وانسى هدفي الاساسي في لبس الحجاب وهو ارضاء الله

منيجي هلا للحجاب الي اقل من 50 % اللهم ابعدنا عنه

1- الزي الحجاب والجلبا ب معطر

2_ الحجاب يظهر الرقبة او الاذنين

3_ اخراج السنسال من فوق الشالة ليظهر للناش وهلا كمان صار حلق بيخرج من الشالة وكمان خلخال ع الرجل بيسمع الرجال والشباب صوته وهي ماشية بتتمختر

4_ الجلباب مفتوح نصه من دون زرار مهو هلا هيك الموضة

5_ في ناس بتلبس جلباب ع قد الجسم وهي ماشية ببين كل المفاتن استغفر الله يعني الجلباب ماعصها معص

6- الجلباب يكون ملون بالوان ملفته والشالة كذلك

7- المناكير ع اليد وع الرجل الي بيجعلك غير طاهرة وكمان بيلفت النظر والمكياج وعمل الحواجب (لان الوجه هو الشيء الاول الي ينظر اليه )

8- البعض يلبس في الصيف الجلباب ع صندل او زنوبة مفتوح وتبينلك اصابع رجليها وبكونو منكرين ماشاء الله الا اذا ما كان في خلخال ع الرجل

9_ الاخلاق الغير جيدة كالصوت العالي بالشارع ومضغ اليدن لانه شو الفائدة من حجابك اذا اخلاقك مو منيحة

10 _ وهي اهم نقطة عدم الاخلاص في النية فبعضهم يلبس الشالة والجلباب ع الموضة وللموضة والبعض بلبسها غصب عنو والبعض بلبسها رفع عتب وناشين الشي المهم والي هو انها فرض ومن ربنا وكمانهي عفة وطهارة المراة

وهي هي الاسباب بتمنى تكونو استفدتو منها وقدرتو حالكم من انهي جهة انتو

وهذه الصفات تتصف بالزي الاسلامي الذي نحصل عند التزامنا به على مائة بالمائة ان شاء الله

اسلام

01-31-2007, 10:59 PM

بسم الله

رح ابدأ انا عشان تتشجعو تحكو

بصراحة بدنا نتكلم

رح ابدأ بسم الله

وصف حجابي :

حجابي عبارة عن جلباب بحمد الله لايشف ولاديق واسع وحجابي عبارة عن شالة بيضاء ايضا لاتشف ولاتلفت

متى لبسته :

لبست الحجاب وانا في الصف الخامس والجلباب وانا في الصف السابع والتزمت بالحجاب الاسلامي بالصف التاسع

لماذا ارتديته :
لله تعالى وللعفة والطهارة وزيادة ايماني بالله

ارتديدته لان رغبتي كانت كبيرة في ارتداءه ولان اختي الاكبر مني كانت سعيدة فيه ...

ما فائدته :

استفدت اني ارضيت ربي ومرتاحا نفسيا وغير هيك بقدر البس اي شي تحت الجلباب وهو بيستر لما يبقى في مناسبة وغير هيك انو بعطيني الحرية وعدم التقيد وبكفي انه كانت نساء الرسول صلى الله عليه وسلم متجلببات

هل اا سعيدة فيه :

وانا بحمد الله سعيدة جدا جدا به وادعو الله لي ولكم الثبات

ويلا بستنا تشاركونا بصراحة

ذكريات

02-02-2007, 01:52 PM

الحمد لله
بالنسبة لي انا محجبة وكمان لابسة جلباب الحمد لله
الحجاب لبسته من الصف الثامن بس الجلباب بالصف الحادي عشر
ان شالله ربنا بيهدي الجميع
ومشكورة

أحلى مايا

02-02-2007, 03:07 PM

فلســرولاــطين

02-02-2007, 03:28 PM

Banbon

02-02-2007, 06:13 PM

انا بلبس شيله مع ملابس عاديه
ما بلبس جلباب او عبايه ... ممكن بالمستقبل البس عبايه بس مو دايماً

موضوعك حلو كتير ... و الله يهدي بنات المسلمين كلهم ..

Banbon

02-02-2007, 06:16 PM

الحجاب حلو كتير ...و بجيب راحه نفسيه

بس احلى شي بس امر قدام واحد اجنبي ...بصير يبحلق فيي كاني جايه من المريخ
ههههههههه خخخخ.....شي روعه ... ^_^
و طبعاً بكون مستغرب كتيير ...لانه ممكن يكون بفكر بالشي اللي مخليني البس هيك

قمر الخليل

02-02-2007, 07:50 PM

~ | Mazaj

02-02-2007, 10:55 PM

الســلام عليكم ورحمة الله وبركاته ..

رح ابدا بحل الاسئلة ^^

وصف حجابي :

حجابي عبارة عن شيلة بتغير لونها بحسب الطلعة او المناسبة .. بس بابتعد قدر الامكان عن الالوان الزاهية والفاقعة .. وجلباب .. واحيانا بطلع ببالطو طويل ^^

متى لبسته :

كنت بحب البسو من وانا صغير ة.. تقريبا وانا بصف ثالث بديت البسو لانو كنت اروح ع المسجد احفظ قرآن .. وبعد هيك بديت اروح فيه ع المدرسة بالصف السادس .. التزمت فيه في الصف السابع ع الدوام .. والجلباب الصف الثامن ..

لماذا ارتديته :

كنت بحب كتير الحجاب .. وبعتبر المحجبات جواهر .. وكمان لانو كانت ميولي دينية .. بس هلقيت مش متل زمان :b:

ما فائدته :

اول شي الحفاظ على النفس .. تاني شي رضا ربي .. كمان ارضيت رغباتي فيه

هل اا سعيدة فيه :

اكيــد .. حتى ايام بتجيني نهفات البس الحجاب بالبيت وامشي فيه ..

وبارك الله فيــكِ ويعطيك العافية يارب ..

وفي ميزان حسناتك ان شاء الله ..

وعنجد الحجاب شي رائع .. وبخليكي فتاة مميزة ..

ربنا يهدي اخواتنا .. وجميع نساء المؤمنين ..

اسلام

02-03-2007, 11:38 AM

الحمد لله
بالنسبة لي انا محجبة وكمان لابسة جلباب الحمد لله
الحجاب لبسته من الصف الثامن بس الجلباب بالصف الحادي عشر
ان شالله ربنا بيهدي الجميع
ومشكورة

بسم الله الرحمن الرحيم

السلام عليكم ورحمة الله وبركاته

شكرا لكم جميعا لمشاركتكم الرائعة والفعالة

نبدأفي اختي ذكريات :.....

بارك الله فيكي لمرورك الجميل والله زيدنا هداية ويثبتنا ع طريق الحق يارب

والله يوفقك لما يحبه ويرضاه ويثبتك على ما انت فيه

اسلام

02-03-2007, 11:39 AM

بنسبي الي متحجبة بس بدون جلباب ولا عباية يعني على تنورة وبلوزة او بنطلون وبلوزة طويلة والشيلة بلبسها ملونة يعني بلون اللبس ولبست الحجاب بالصف 7 بس التزمت اوكي فيه ب 9 وان شاء الله الله يهدينا ونلبس الجلباب والعاباية

ويسلمو الك كتيير على هالموضوع

اهلا وسهلا بك اختي احلى مايا

الله يهديكي ويهدينا يارب ويوفقك للالتزام بالجلباب والتقيد بشروط الزي الاسلامي وبتمنالك التوفيق لما يحبه ويرضاه الله

وان شاء الله عن قريب منسمع اخبار طيبة عن لبسك للجلباب والتزامك به ان شاء الله

واهم شي المحافظة عليهوالتقيد به

وبارك الله فيك للصراحة والمشاركة

اسلام

02-03-2007, 11:43 AM

موضوعك حلو كتير ومميز

بس انا برأيي انو العبرة مش بالجلباب

انا الحجاب لبسته اول ما دخلت الجامعة يعني من سنتين

بصراحة انا بلبس الحجاب على الموضة

كل موضة بتنزل بجربها
بالنسبة للجلباب برمضان الماضي لبست جلباب
بس ضليت اسبوعين وما قدرت اكمل

لانو شايفة انو لو ما لبست الجلباب المهم اكون محافظة على اخلاقي

وكمان مرة شكرا كتير على الموضوع

فلســـــ رولا ___طين

مرورك الاروع اختي
اختي في الله قبل الجلباب الاخلاق الحميدة

قال تعالى :"يا ايها النبي قل لازواجك وبناتك ونساء المؤمنين يدنين عليهن من جلابيبهن ذلك ادنى ان يعرفن فلا يؤذين وكان الله غفورا رحيما " صدق الله العظيم

اختي في الله المقصود هنا في قوله جلابيبهن
هو انه ليس من الشرط ان يكون الجلباب كما نعرفه انما ان يكون اللباس ساترا لايشف وغير ملفت للنظر وفضفاض لا يبين مفاتن الجسد

قال تعالى " وقرن في بيوتكن ولا تبرجن تبرج الجاهلية الاولى " صدق الله العظيم

وهذه الاية لها معنى كبير ومعناها
1_ لاتخرجن من بيوتكن الا للحاجة
2- لاتظهرن محاسنكن
3- كلمة الجاهلية الاولى تعني ان النساء كن يضعن الحجاب فقط على الرأس وتبقى الرقبة ظاهرة فسمي تبرج الجاهلية الاولى

اي ان الحجاب الساتر هو يغطي الراس والرقبة وكامل الجسد
وهاي ان شاء الله متوفرة بس بالنسبة للحجاب الموض
والله صعب لانو هالايام صار الحجاب بس موضة وبطل يسير شي من الداخل نحنا منلبس الحجاب منشان نرضي ربنا ولكن اذا استمرينا في لبسه ع اساس الموضة رح تتغير عنا النية لانو منسير مهتمين بمتابعة الحجاب ع اساس الموضة شو ماكانت ونتبعها زي ما بتقلي بتجربيها فالحجاب هالايام مو اسمه حجاب كيف سارت حجاب ببين الاذن ؟؟؟؟وحجاب بينزل حلق؟؟؟؟ وحجاب ع برموضة ؟؟؟ من تحته وحجاب بخايل وحجاب كل الوان قوس قزح داخله وحجاب ع القصير والديق ؟ وحجاب بينزل منو غرة ؟؟؟؟ ؟؟!!!!!

حسب مايقول شيوخ الدين ان الحجاب هو الذي لايشف ولا يلفت والنية فيه ارضاء الله لا اتباع الموضة

اختي انت كبيرة واكبر مني واكيد اخبر مني بالحجاب لانو الغطاء الي نازل هالايام ع السوق هو من الغرب واتباع اعداء الدين في ارتداءه وليس اهل الدين الاسلامي

راجعي نفسك واكسبي واغتنمي رضا الله وانا متأكدة انك اقوى من الموضة لانك تريدين الله ورضاه ان شاء الله

اسلام

02-03-2007, 11:48 AM

انا بلبس شيله مع ملابس عاديه
ما بلبس جلباب او عبايه ... ممكن بالمستقبل البس عبايه بس مو دايماً

موضوعك حلو كتير ... و الله يهدي بنات المسلمين كلهم ..

الحجاب حلو كتير ...و بجيب راحه نفسيه

بس احلى شي بس امر قدام واحد اجنبي ...بصير يبحلق فيي كاني جايه من المريخ
ههههههههه خخخخ.....شي روعه ... ^_^
و طبعاً بكون مستغرب كتيير ...لانه ممكن يكون بفكر بالشي اللي مخليني البس هيك

حياك الله اختي بون بون

مرور جميل

الله يثبتك يارب ويثبتنا ويهدينا ويهديكي لما يحبه ويرضاه

اختي انا حابة تقرأي الكلام الي كتبته للاخت فلســــــــــ رولا ـــــطين

لانه في معلومات ممكن تفيدك ان شاء الله

والله يسعدك كمان وكمان
ونحن نفتخر امام الجميع بعزة اسلامنا وبزينا الاسلامي امام اي احد سواء عربي او اجنبي يكفي انه من الله وفيه ارضاء لله وارضاء للنفس ايضا

واتمنى نسمع ان شاء الله اخبار حلوة عن التزامك بالجباب الاسلامي

وربنا يكون معك ويسدد خطاك

اسلام

02-03-2007, 11:55 AM

مممممممم

انا الحمد لله متحجبة واواعي عادية تنورة وبلوزة او بنطلون وقميص طويل احيانا بلبس العباية لما ما يجي عبالي البس لبس طلعة ههههههههههه

ممم لبست الحجاب من الصف 7 تقريبا والتزمت فيه تماممم بالصف التاسع :::

يسلمووووووو كتير عالموضوع

بسم الله

اهلا بك اختي قمر الخليل في هذه الصفحة اسعدتنا بوجودك
الحمد لله

بس بحب اقلك ان الفتاة المسلمة تميز الفتاة الاخرى حيث تميز الفتاة في الشارع او اي مكان من لبسها واحتشامها بحيث الملتزمة بالزي الاسلامي تظهر هيبتها يعني لما تلتزمي فيه تظهر هيبتك ودليل انك راجعي نفسك اذا شفتي بنت لابسة زي اسلامي كامل من الجلباب والحجاب كيف ستنظرين لها ؟ اكيد رح تنظريلها بالهيبة وعزة الدين والالتزام ...
وانت كذلك ينظر الناس اليكي هكذا والمهم الاخلاق باخلاقك رح يتكمل زيك الاسلامي
فتخيلي يااختي كيف ربنا رح ينظرلك انك متحجبة ولكن ليس كما يريد فحاولي ان تحصلي على اعلى المراتب في حجابك لتقتربي الى الله

ملاحظة : من بين الامور التي تجعل حجابك 100% هو اخلاقك وهي مذكورة وفي الباقي من الصفات طبعا

انا واثقة انك ستميزين بين لباسك هذا ولباسك الاسلامي ان شاء الله

ويسلم دياتك للمرور الجميل والصراحة الحلوة

اسلام

02-03-2007, 11:58 AM

ماري

02-04-2007, 06:10 PM

شكرا الك على هالموضوع وانا راح احكي بصراحة بس بظن انو ما راح يعجب دينا
انا بلبس الحجاب بلا جلباب بس مرة وحدة البستو بالطلعة وبلبسو على المدرسة بالمدرسة عنا لازم منديل بدون زركشة ابيض سادة
بس بالبيت والطلعة الخاصة باللبس ملون مزركش بنطال
دايما لبلوزة قصيرة

ماري

02-04-2007, 06:12 PM

نـوّارة

02-06-2007, 06:21 PM

اممممممم

انا حجابي شاله وبلوزة او قميص طويل مع بنطلون ..

او مرات تنووره مع بلوزة ..

لوون الشاله ملون حسـب الي انا بلبسه ..

بس ببتعـد عن الالوان الفاقعه ..

ومفكره بالعبـاي تاني اكم سنــه ان شالله ..

لانـو بعدني صغيرة ..

وبالنسبه لسعـــادتي ،، فانا مبســووطه كتير فيه ..

واذا صحلي اشيلوو ما برضــى ..

يسلمـــوو اسلام ..

بجد مـوضوع روعــــــه ..

وهادف كمان ..

والله يهدي الجميع يا رب ..

^^

عبق الشهادة

02-07-2007, 01:58 AM

السلام عليكم ورحمة الله وبركاته

أختي الحبيبة إسلام

أسال الله العلي القدير

أن يجزيك كل خير

بنسبة لحجابي..

وصف حجابي :

حجابي عبارة عن تنورة أو بنطلون وقميص لتحت الركبة لايشف ولاديق واسع. والشال متناسق مع ألوان اللباس. هذا في بلاد الغرب..
ولكن عندنا أكون في بلد اسلامية فاكيد انه الجلباب.. فهل يوجد أستر من الجلباب؟؟

متى لبسته :

لبست الحجاب وانا في الصف الرابع .

والتزمت بالحجاب الاسلامي بالصف السابع

لماذا ارتديته :

ارتديدته لأني شعرت أن الحجاب هو وقاية من كل الفتن التي تحدث.. ولأنه فرض علي كل مسلمة.

ما فائدته :

فائدته أنه يضبط تحركاتي.. ويضبط تصرفاتي.. لأنني عبارة عن إسلام متحرك في بلاد الغرب

هل سعيدة فيه :

أنا أسعد إنسانة بالكون به

ولكن أسال الله العلي القدير.. أن أنهي تعليمي لكي تكتمل فرحتي برتداء الجلباب والمنديل..

لأنني بوجودي في الغرب يصعب علي فعل ذلك.

أختكم المحبة لكم في الله

عبق الشهادة

ابنة الشتات

02-07-2007, 02:21 AM

السلام عليكم....

انا الحمد لله تحجبت بالصف أول اعدادي او سابع متل ما بتحكو
ومن لما تحجبت لهلأ نفس الشي حجابي يعني التزام

انا بصراحة بطلع مرات بعباي مرات لأ ينطلون وبلوزة طويلة
بس هلأ قررت انو ان ما أشلح العباي
بس بحكي الله يثبتي طبعا السبب بهاد القرار
اني رحت على العمرة قبل اسبوع ونص
وتبعون الأمر بالمعروف والنهي عن المنكر
مع بحسسوك انك مش لا بسة شي
مع انو عبايتي كتير مسترة
............
يارب يثبتيني بس
احكي لما اكون هون بالبحرين ما بتفرق يعني ان شاء الله بضل ثابته على العباي
بس لما اروح ع الاردن :wacko: يارب أثبت يارب

اسلام

02-07-2007, 04:27 PM

بسم الله

اخواتي في الله ابنة الشات وعبق الشهادة ونوارة وماري الله يثبتكم جميعا لما يرضي الله وللافضل وعقبال ما تلبسو الزي الاسلامي الكامل

اختي ماري يا ماري

الله يبارك فيكي لصراحتك

والله يثبتك للافضل ان شاء الله

اختي بجد انت لازم تكوني حازمة اكثر من هيك مع نفسك لانو اسلامنا اعطانا شي رائع وميزنا بميزة ولا اي دين اعطاها للفتاة فنحن بحجابنا وزينا الاسلامي نكيد المحتلين والكافرين ونرضي رب العالمين ونتمسك باسلامنا اكثر ونكون اقوى واقدر لمواجهة المصاعب اكيد بتعرفي شو فوائد الزي الاسلامي

وبحب اقلك انتي بالمدرسة لازم تلبسي حجاب ابيض ومش مزركش وخارج المدرسة بتلبسي مزركش ؟!!!!!

ليش منمشي زي ما بتمشينا الدنيا ؟ بنتقيد بالمدرسة بس عشان ما نتبهدل من المعلمة يعني مش منشان ربنا

وخارج المدرسة ما خفتي من ربنا ؟؟؟ خفتي بهدلة المعلمة وما خفتي من ربنا ليش يااختي انتي انسانة رائعة

لبسك انت يااختي نوارة من كلامك فهمت انو طويل والشالة بتلبسيها مش الوان فاقعة بس حسب الملابس

اختاه بتمنى ماتدايقي من كلامي
بس الفتاة تتميز عن الفتيات الاخريات اولا بزيها الاسلامي طبعا هاد اول شي يعني تخيلي نفسك ماشية في الشارع وانت لابسة الشالة والجلباب والشالة اللون الهاديء الغير ملفت بشكل يظهر هيبة اسلامنا وتميزنا عن غيرنا بهذا الزي وتقيدنا به اكيد ااجانب الي رح يشوفوك مثلا رح ينظرو لك بشكل غريب لانهم ماعندهم هاد الشي

وتخيلي نفسك لما تلبسي الجلباب انك بترضي ربنا احنا مابدنا من هالدنيا شي لا الموضة والا الدنيا ولا الشهوات بدنا رضا ربنا علينا

وانت اذا ارضيتي ربنا اكيد كمان رح ترضي الرسول صلى الله عليه وسلم ورح ترضي نفسك لانك ارضيتيهم

والله يااختي الجلباب والشالة افضل ما بالوجود لصون الفتاة من اذية الاخرين .

اختي عبق الشهادة

ادامك الله والله يوفقك يارب وترجعي لبلادك وارضك

اختي بحب اعلقلك بشغلة
هلأ انتي بتلبسي ملابس عادية ساترة في بلاد الغرب مزبوط وما بتلبسي جلباب

بس يااختي الفتاة ما بسير تتأثر بالغرب وتمشي زي ما بدهم لانو ما بيقبلو لازم تمشي زيهم ليش ؟؟؟؟ لازم انتي الي تمشيهم مش همه انت معك اقوى شي ؤمعك ربنا معك اسلامك وهمه ما معهم شي

لازم تكوني اقوى وتواجيهي وتتحملي عشان ربنا والاسلام واياكي اختاه تنساقس لالهم مرة مع مرة بجروكي

خلي ايمانك بربنا قوي وربنا معك ان شاء الله

وانت قوية وباسلامك اقوى ان شاء الله بارك الله فيكي لصراحتك ومرورك الرائع

اختي ابنت الشات

عمرة مقبولة ان شاء الله

الله يثبتك يااختي في كل مكان

وشدي همتك وقوي ايمانك وخلي املك بربنا كبير
وتذكري انو عملك بلبسك الزي الاسلامي برضي ربنا اكيد رح تستمري وتثبتي
والله يثبتنا جميعا

اختي نوارة بارك الله فيكي
بحب اقلك واضيف كمان شغلة انك انسانة قوية بس انت قوي حالك اكثر ع ابليس وشدي همتك وما تخلي في بينك وبين الجلباب زمن ما تقولي ان شاء الله بعد سنتين او سنة او ....
الله يطول بعمرك الواحد مش ضامن عمرو يمكن هلا نموت
انتي احسبي هالحساب وكوني سباقة لعمل الخير وشدي الهمة بهاالايام وما تحطي سنين واشهر ما تأجلي

والله يبارك فيكم جميعا يارب

صرخة أنثى

02-07-2007, 05:25 PM

الصراحة موضوع رائع ورح احكي الصراحة لانه اذا كذبت بضحك عحالي

انا متحجبة الحمد لله وبالصيف بلبس عبايات وجلابيب والحمد لله عادية يعني
بالشتا بلبس كبابيد طوال والحمد لله حجابي مابيشف

الله يهديني كمان وادعولي

عبق الشهادة

02-07-2007, 10:00 PM

اختي بحب اعلقلك بشغلة
هلأ انتي بتلبسي ملابس عادية ساترة في بلاد الغرب مزبوط وما بتلبسي جلباب

بس يااختي الفتاة ما بسير تتأثر بالغرب وتمشي زي ما بدهم لانو ما بيقبلو لازم تمشي زيهم ليش ؟؟؟؟ لازم انتي الي تمشيهم مش همه انت معك اقوى شي ؤمعك ربنا معك اسلامك وهمه ما معهم شي

لازم تكوني اقوى وتواجيهي وتتحملي عشان ربنا والاسلام واياكي اختاه تنساقس لالهم مرة مع مرة بجروكي

خلي ايمانك بربنا قوي وربنا معك ان شاء الله

وانت قوية وباسلامك اقوى ان شاء الله بارك الله فيكي لصراحتك ومرورك الرائع

السلام عليكم ورحمة الله وبركاته

أختي الكريمة جزاك الله خيرا علي غيرتك علينا

احب ان اعلق علي كلامك

الحمد لله انني لن ولم اتاثر بالغرب.. مع العلم ااني منذ ولادة اعيش في بلاد الغرب.
الجلباب ليس هو فقط اللباس الوحيد للاسلام
بالعكس لما يكون اللبس الي لابستوا مستور وفيه كل الاوصاف التي تصف اللباس الشرعي.. فهو لباس شرعي..
غض النظر اذا هو بنطلون او تنورة او جلباب المهم يكون واسع فضفاض ولا يشف...

نسيم الشام

02-10-2007, 12:21 PM

اللهم لك الحمد كما ينبغي لجلال وجهك وعظيم سلطانك

اهلين اسلام منورة ... مميزة دائما الله يخليكي للمنتدى :s (43):

ويجزيكٍ عنا كل الخير ................................

بالنسبة لالي بفضل الله انو البيئة يالي نشأت فيها صالحة ولا ما كنت هيك

والحمد لله ..... انا لبستو في الرابع للحجاب والتزمت في الخامس

والجلباب في الثامن .... ان شاء الله الزي شرعي كامل نسأل الله الثبات

ادعولنا :b: والله يجزيكي الخير اسلام انتي وفجر ويثبتكو وبنات المنتدى:showoff:

نسيم الروح

02-25-2007, 12:59 PM

انا متحجبه بس ما بلبس جلباب
بلبس شيله بنفس لون ملابسي
تحجبت وانا بالاول تانوي
والتزمت في من سنه تقريبا

موضوعك علا رائع والله يعطيكي العافيه

-|| تقى ||-

02-27-2007, 02:01 AM

صفي حجابك

متحبه ومتجلببه الحمـد لله

حجابي مره ابيض ومره ملون

بس كلا الحالين اللون ساده عالاغلب

جلبابي الحمد لله فضفاض ويناسب الشرع

يمكن وصفه بالزي الاسلامي

حجابي غير شاف

وان كان كذلك الوربه تحت الشاله بتغطيه

لبست الجلباب اول الشتويه

ناويه التزم فيه عطول ان شاء الله

يسلموو اسلام

موضوع اكثر من مميز

لولو اليبناوية

03-28-2007, 04:26 PM

وصف حجابي :
حجابي تنورة وبلوزة فضفاضين اشوي..
او عباية وشيلة ملونة

متى لبسته :
اصفالسادس- السابع

لماذا ارتديته :
لانو خلص لازم البسو..وصرت احس حالي هيك بمشي بشعري...شي غلط يعني

ما فائدته :
اكيد عند الله الاجر...وقدام الناس نظرتهم للمتحجبة انسانة عفيفة..وماحد بدايقها او بقرب عليها

هل اا سعيدة فيه :
اكيد والحمد لله......وبستغرب اكتير من البنات الي مش متحجبين كيف برضو عحالهم هيك *__*

يسلمو اكتيييير الك اخت اسلام عالموضوع الرووووعة

الاماني الفلسطنية

06-11-2007, 11:58 AM

يسلموووو اختي اسلام علا موضوعك الرائع و يعطيكي العافية .. انا الحمد لله اتحجبت من الصف السابع ... ملابسي الحمد لله مستورة , يعني لما اطلع بلبس تنورة واميص وشيلة علا نفس لونهم بس بتجنب انو يكون لونها فاقع .. او بلوزة للركبة وواسعة تكون عليها بنطلون ... والله يهدينا ماما من جديد جابتلي جلباب جينز وسرت البسو احيانا... واكيييد انو مرتاحة ومبسوطة فيه ... تسلميلي يا عسل اسلام :)

ريماوية

06-14-2007, 02:54 PM

انا حجاب بدون جلباب الله يهدينا

اسلام

06-16-2007, 08:29 PM

بسم الله
والله زمان على الموووضوع

:icon31: :icon31: :icon31: :icon31: :icon31: :icon31: :icon31: :icon26: :icon15: :icon11: :icon31:

عاشقة الفيروز الصراحة موضوع رائع ورح احكي الصراحة لانه اذا كذبت بضحك عحالي

انا متحجبة الحمد لله وبالصيف بلبس عبايات وجلابيب والحمد لله عادية يعني
بالشتا بلبس كبابيد طوال والحمد لله حجابي مابيشف

الله يهديني كمان وادعولي

اختي عاشقة الفيروز منورانا
الحمد لله الله يثبتك يارب
والله يثبتنا ويهدينا ياالله

السلام عليكم ورحمة الله وبركاته

أختي الكريمة جزاك الله خيرا علي غيرتك علينا

احب ان اعلق علي كلامك

الحمد لله انني لن ولم اتاثر بالغرب.. مع العلم ااني منذ ولادة اعيش في بلاد الغرب.
الجلباب ليس هو فقط اللباس الوحيد للاسلام
بالعكس لما يكون اللبس الي لابستوا مستور وفيه كل الاوصاف التي تصف اللباس الشرعي.. فهو لباس شرعي..
غض النظر اذا هو بنطلون او تنورة او جلباب المهم يكون واسع فضفاض ولا يشف...

اختي عبق الشهادة ياهلا فيكي

الحمد لله
الله يثبتك ويهديكي ويهدينا كمان وكمان

اللهم لك الحمد كما ينبغي لجلال وجهك وعظيم سلطانك

اهلين اسلام منورة ... مميزة دائما الله يخليكي للمنتدى

ويجزيكٍ عنا كل الخير ................................

بالنسبة لالي بفضل الله انو البيئة يالي نشأت فيها صالحة ولا ما كنت هيك

والحمد لله ..... انا لبستو في الرابع للحجاب والتزمت في الخامس

والجلباب في الثامن .... ان شاء الله الزي شرعي كامل نسأل الله الثبات

ادعولنا والله يجزيكي الخير اسلام انتي وفجر ويثبتكو وبنات المنتدى

ياهلا اختي دلوعة الشام
انتي نورتي الموضوع بوجودك
الله يخليكي يارب ويثبتك ويثبتنا ويهدينا كمان وكمان
الله يوفقك يارب

انا متحجبه بس ما بلبس جلباب
بلبس شيله بنفس لون ملابسي
تحجبت وانا بالاول تانوي
والتزمت في من سنه تقريبا

موضوعك علا رائع والله يعطيكي العافيه

نسيم الروح
بترد الروح
ياهلا والله منورانا في الموضوع

الحمد لله الله يخليكي ويثبتك ويوفقك يارب
الله يعافيكي
مرورك الاروع

صفي حجابك

متحبه ومتجلببه الحمـد لله

حجابي مره ابيض ومره ملون

بس كلا الحالين اللون ساده عالاغلب

جلبابي الحمد لله فضفاض ويناسب الشرع

يمكن وصفه بالزي الاسلامي

حجابي غير شاف

وان كان كذلك الوربه تحت الشاله بتغطيه

لبست الجلباب اول الشتويه

ناويه التزم فيه عطول ان شاء الله

يسلموو اسلام

موضوع اكثر من مميز

اختي رينوكس
ياهلا فيكي اختي
الله يسلمك
مرورك المميز
الله يوفقك ويهديكي يارب ويهدينا

وصف حجابي :
حجابي تنورة وبلوزة فضفاضين اشوي..
او عباية وشيلة ملونة

متى لبسته :
اصفالسادس- السابع

لماذا ارتديته :
لانو خلص لازم البسو..وصرت احس حالي هيك بمشي بشعري...شي غلط يعني

ما فائدته :
اكيد عند الله الاجر...وقدام الناس نظرتهم للمتحجبة انسانة عفيفة..وماحد بدايقها او بقرب عليها

هل اا سعيدة فيه :
اكيد والحمد لله......وبستغرب اكتير من البنات الي مش متحجبين كيف برضو عحالهم هيك *__*

يسلمو اكتيييير الك اخت اسلام عالموضوع الرووووعة

ياهلا لولو
نورتينا بطلتك الحلوة ياهلا بكل انواع الغلا الورد والقرنفل والياسمين
مرورك الاروع
الله يثبتك ويهديكي كمان وكمان يارب ويهدينا
ان شاء الله عقبال الجلباب او العباية الاسلامية

يسلموووو اختي اسلام علا موضوعك الرائع و يعطيكي العافية .. انا الحمد لله اتحجبت من الصف السابع ... ملابسي الحمد لله مستورة , يعني لما اطلع بلبس تنورة واميص وشيلة علا نفس لونهم بس بتجنب انو يكون لونها فاقع .. او بلوزة للركبة وواسعة تكون عليها بنطلون ... والله يهدينا ماما من جديد جابتلي جلباب جينز وسرت البسو احيانا... واكيييد انو مرتاحة ومبسوطة فيه ... تسلميلي يا عسل اسلام :)

ياهلا بالعسل كله والورد والقرنفل والياسمين والزنبق
ياهلا
الله يهديكي كمان يارب ويثبتك
ويوفقك لما يحبه ويرضاه
الى الامام وبالتوفيق ان شاء الله

انا حجاب بدون جلباب الله يهدينا

ياهلا خيتي ريماوية
امين الله يهديكي ويهدينا ويثبتنا على الايمان
مافي احلى من الزي الاسلامي

اخواتي والله لا اجمل ولا اروع من حجاب اسلامي كامل تكسبين فيه رضا الله
خصوصا وقت الصيف فش اجمل من الاخت وهي ملتزمة رغم شدة حرارة الجو لان الله سيزيل عنها حرارة الاخرة
الله يجيرنا
اللهم ثبتنا واهدنا وكن معنا
الحمد لله الحمد لله الحمد لله

*قسامية*

06-17-2007, 08:08 AM

بسم الله الرحمن الرحيم

بارك الله فيك اختي اسلام عالموضوع الراااائع والرااائع جدا

في ميزان حسناتك ان شاء الله

بداية انا اليوم بس شفت الموضوع

بس مش مشكلة راح احكي

وصف حجابي

الحمد لله انا متحجبة وبجلباب والحمد لله حجابي شرعي تماما

فهو لا يشف ولا يصف

متى وكيف لبسته

لبسته من الصف الرابع تقريبا لاني كنت احفظ قران في المسجد وكان معظم البنات اللي بيحفظوا يلبسن جلبابات وحجاب فانا كنت اروح ابكي لامي ولابي بدي متلهن

والحمد لله تحجبت من الصف الرابع

التزمت بالجلباب من الصف الخامس تقريبا

لماذا ارتديته

ارتديته والحمد لله اني ارتديته لارضي ربي ولاني اشعر فيه براحة نفسية كبيرة لدرجة اني قبل ان التزم به اذا خرجت بدونه او بالاشارب دون جلباب اشعر بانه في شيء مش طبيعي فكان ارتداؤه يكسبني راحة نفسية

ثم اني رغبت رغبة شديدة جدا في ارتدائه

ما فائدته

بما ان الله امرنا به فهاذا اكبر دليل على فائدته
الاجر من الله والثواب

الراحة النفسية

صون الفتاة وحفظها كما تحفظ اللؤلؤة

النظرة الرائعة للفتاة المتحجبة الملتزمة من قبل المجتمع المسلم

هل انت سعيدة فيه

وهذا ما لا شك فيه

فانا اسعد انسانة بحجابي

ولا استطيع ابدا ان اتخلى عنه

بارك الله فيك غاليتي اسلام عالموضوع الرووووعة

اسلام

06-17-2007, 11:54 AM

ياهلا بالورد والريحان ولانرجس وكلو ع بعض
منورة ياعسل

الله يحفظك يارب ويوفقك ويثبتك على الايمان يارب

9ada al 2lam

06-17-2007, 03:51 PM

اسلام

06-17-2007, 05:00 PM

لبست الحجاب من السابع بس على المدرسة

وصرت البسو لما اطلع بشهر 2

ما بلبس عباية ولا جلباب بس احيانا بلبس عباية لما يكون في عرس عشان الفساتين يلي بكون لابسيتهم

الاشار ما بحب كتير هالموضة تاعت الاشارات والشالات بعملو موديل بس ما بكون لا رئبتي ولا شعري مبين

الفائدة منه اني ارتحت نفسياُ لانو كانت تيجيني كوبيس في الليل مشان الصلاة والحجاب وكنت اصحى مرعوبة بس الحمد لله تحجبت وكلهم انصدمو بس عرفو

مش قدام الكل متحجة يعني ازا بيجي عنا اولاد عمتي خالتي اقارب ما بكون لابسه

الله يهديني واسير البس الحجاب على الكل

الله يحماكي يارب يااختيي
والله يهديكي ويثبتك
مشكورة لصراحتك
ولكن :icon5: :icon5: :icon9: :icon6: :icon6: مش قدام الكل متحجة يعني ازا بيجي عنا اولاد عمتي خالتي اقارب ما بكون لابسه :icon6: :icon6: :icon6:
:icon5: :icon5: :icon5: اختي انتي اكيد بتعرفي انوهاد حرام

قال تعالى‎:
‎
‏(وَقُل لّلْمُؤْمِنَاتِ يَغْضُضْنَ مِنْ أَبْصَارِهِنّ‎ ‎وَيَحْفَظْنَ فُرُوجَهُنّ وَلاَ يُبْدِينَ زِينَتَهُنّ إِلاّ مَا ظَهَرَ مِنْهَا‎ ‎وَلْيَضْرِبْنَ بِخُمُرِهِنّ ‏عَلَىَ جُيُوبِهِنّ‎ ‎وَلاَ‎ ‎يُبْدِينَ زِينَتَهُنّ إِلاّ لِبُعُولَتِهِنّ أَوْ آبَآئِهِنّ أَوْ آبَآءِ‎ ‎بُعُولَتِهِنّ أَوْ أَبْنَآئِهِنّ أَوْ أَبْنَآءِ بُعُولَتِهِنّ أَوْ إِخْوَانِهِنّ‎ ‎أَوْ ‏بَنِيَ إِخْوَانِهِنّ أَوْ بَنِي أَخَوَاتِهِنّ أَوْ ‏نِسَآئِهِنّ أَوْ مَا‎ ‎مَلَكَتْ أَيْمَانُهُنّ أَوِ التّابِعِينَ غَيْرِ أُوْلِي الإِرْبَةِ مِنَ‏‎ ‎الرّجَالِ أَوِ الطّفْلِ ‏الّذِينَ لَمْ يَظْهَرُواْ عَلَىَ عَوْرَاتِ‎ ‎النّسَآءِ وَلاَ يَضْرِبْنَ ‏بِأَرْجُلِهِنّ لِيُعْلَمَ مَا يُخْفِينَ مِن‎ ‎زِينَتِهِنّ وَتُوبُوَاْ إِلَى اللّهِ جَمِيعاً أَيّهَا ‏الْمُؤْمِنُونَ لَعَلّكُمْ‎ ‎تُفْلِحُونَ )‏، آية 31 من سورة النور‏‎.
‎
‎
هذه هى الأصناف التى حددها‎ ‎سبحانه وتعالى بالإطلاع على زينة المرأة

يعني ابن العم وابن الخال ...
لايجوز ان تظهري زينتك امامهم
اختي انتي اخت كتير حبابة وطيوبة وماشاء الله عنك فهمانة
الله يهدينا يارب
ان شاء الله رح انزل موضوع كامل وواسع لكل اسئلة الفتاة بالنسبة للحجاب
بتمنى تقرأيه رح انزله ان شاء الله بعد شوي :icon31:

انا بنت اختها لخالتي

06-29-2007, 05:32 AM

انا بلبس عباية وشيله مش شرط تكون بيضه بس غالبا بلبس الألوان الغامقه
تسلمي حبيبتي على الموضوع الحلو
الله يهدي الجميع يــــــــــــــــارب

اسلام

07-01-2007, 01:32 PM

مشكورة اختي لمرورك ومشاركتك القيمة
الله يثبتك ويثبتنا يارب

ابتسامة فلسطين

07-27-2007, 01:37 PM

انا عمري 13 البست الحجاب هادي السنة وانا مني لابسة جلباب والحجاب بلبسهعادي متل الناس يعني تقريبا على الموضة بس ما بطلع داني وبلبس حلق وما بعرف شو لا عادي لبسة وبلس معو بنطلون وبلوزة متل اي لبس

سنا القمر

07-28-2007, 05:49 PM

اسفة انا هلأ بس شفت الموضوع

طيب أنا حجابي

عبارة عن جلباب الحمد لله واسع مش ديق بس مراتا بلبس الوان فاتحة .. فستقي مثلا او بني فاتح (كباتشينو) بس ما بلبس عباية لاني بحسها مش شرعية متل الجلباب

الله يهديني
بس ما بلبس عباية لاني بحسها مش شرعية متل الجلباب
والشالة بتكون الجزء الاول منها على لون الجلباب اما الجزء التاني ابيض او سكري

بس مرات بلبس الوان بس هاي الفترة بطلت ... الحمدلله

اما متى لبسته

أنا لبست الحجاب بنهاية الصف الخامس لاني كتير بحبوو

والجلباب بعيد الفطر هادي السنة بس كنت قبل هيك البسه مرة اه مرة لأ عشان اتعود

والسؤال الاخير هل انا مبسوطة فيه

طبعا

لانه بحس حالي مش سلعة رخيصة زي بقية هالبنات معروضة للرايح والجاي
لأ انا غالة وغالية جدا

لدرجة انو اذا واحد من ولاد عماتي او خالاتي شافني بالغلط ببدا بدي أبكي ...

لاني بحس انو شاف اغلى اشي عندي

والله يهدينا كلنا

يسلموا اسلام الموضوع جدا رائع

زهراء المغرب

08-10-2007, 03:20 PM

مشكرورة على الموضوع الجميل
والله مفيد اوي
جزاك الله خيرا
http://files.shabab.ps/vb/images_cash/up5/0803090724203rky.jpg
http://files.shabab.ps/vb/images_cash/up5/0803090724202Ke3.gif

الحان الحرية

08-19-2007, 11:24 PM

انا الحمد لله بلبس عباية مزركشة شوي و شيلة ملونه
اتحجبت بالصف السادس و لبست العباية بالصف الثامن
و الله يهدي الجميع تسلميلي اختي عالموضوع الجرئ

اسلام

08-27-2007, 11:54 AM

مشكورين جميعكم لمروركم الروععععععة
والله يهدينا ويثبتنا

وردة غزة

09-29-2007, 06:10 AM

يسلمووووووووووووو كتير
بالنسبة الىلبست الحجاب بالتامن وبلبس عليه كل ما اجى على بالى بس الاغلب تنورة وحاليا ممكن عبايةبس مو مزكرشة حلوة على الموضة وعادية
يلا الله يهدى الجميع

نسيم الشام

10-18-2007, 11:50 PM

:s (43):

عدت مرة اخرى

اختي اسلام سوال يحيرني كثيراا

هل صحيح ان لبس البنطلون تشبه حتى تحت الجلباب :icon8:

جزيتي خيراا:s (43):

بنت السعوديه

10-27-2007, 04:07 PM

الحجاب اكيد ستر وعفه للمرأه

وبالنسبه للحجاب في السعوديه

عباءه واسعه لونها اسود مع غطاء ونقاب بنفس اللون

وطبعا سعيديين وفخوريين فيه

يعطيك العافبه

جبل ما يهزه ريح

11-05-2007, 08:57 PM

انا بصراحة لبست الحجاب بالتاسع بس التزمت فيه بالعاشر وما كنت البس لا جلباب ولا عباية
كنت البس بنطلون وبلوزة طويلة وشيلة ملونة
بس هلا انا بلبس العباية والشالة لونها اسمر ونقاب كمان يعني
(خمار) والحمد لله على كل شي:s (43):
ونسال الله ان يرضى عنا جميعا:s (43)::s (43):

بنت المخييم

11-19-2007, 05:14 PM

انا الحمد لله لابسة جلباب ومرتاحة فيه كتيييير وحاسة حالي ملكة نفسي فيه

sweet soul

11-19-2007, 05:43 PM

انا بتحجب بس على ملابس

Twin

12-14-2007, 06:05 PM

الحمد لله محجبه من زمان وبلبس جلباب كمان ... بس الشيل ملونه عادي يعني متل كل البنات مو ملفت

وبصراحه لبستو اول ما جيت فلسطين يعني من سنه تقريبا ... فرحانه اني صرت البس جلباب والله

ربنا يهدي كل البنات يارب ... يسلمووو ع الموضوع الحلووو

القريني

12-16-2007, 06:50 PM

بارك الله بك اختي وجزاكي عنا كل خير
الحمد لله حجابي هو جلباب وشاله ولا يصف ولا يشف
جزاكي الله كل خير

زهراء المغرب

12-17-2007, 02:10 PM

لك انا زي ما انتو عارفين اني جديده في الحجاب
بس عن جد ما برتدي جلباب وما بحبو اصلا ولا حتى عبايا
بلبس للبس عادي
سراويل وحجات طويل يعني
مستوره والحمد لله
لسى ما بعرف اللبس كويس للبس الحجاب
طول عمري للبسي تجينز
الي يلاقيلنا للبس يقول بس غير العبايه والجلباب ما اللبسهم انا

DaRk FlOwEr

12-18-2007, 05:30 PM

وصف حجابي

متحجبه بعبايه

متى وكيف لبسته

مابعرف

لماذا ارتديته

لأنو ماما حكتلي

ما فائدته

.................مالبعرف

هل انت سعيدة فيه

يعني ما بعرف اوكى منيح

مرسي على الموضوع

شهيدة الاقصى

01-05-2008, 02:28 PM

السلام عليكم ورحمة الله وبركاته
بالنسبة الي انا بلبس مرات عباية ساترة ومرات بلبس بلوزه وتنورة محترمين الحمد لله
بس بلبس عباية اكتر بصراحة

.!. وردة الأقصى .!.

01-06-2008, 09:11 PM

بصراحة أنآ بلبس عباية بس مزركشة

بس مابلبس نقاب بتلثم بس

لبست الحجاب وأنآ عمري 12 سنة

خخخخخخخخخخخخخخ

الحجاب شي مكمل للبنت

بس في شغلات أهم وهيي الدين والاخلاق

شو الفايدة اذا كانت البنت محجبة وماعندها أخلاق

بتشوه سمعة الحجاب والمسلمين بهاي الطريئة

يسلمووو ع الموضوع

تحياتي

نابلسية كححح

01-12-2008, 02:38 PM

الســلام عليكم ورحمة الله وبركاته ..

وصف حجابي :

حجاب عادي جدا غير ملفت للنظر والحمد لله لارقبه طالعه ولا أدنين ولا شعره ... لونه .. الوان عادي كل الألوان غير الأحمر و الأرانج .طبعا يعني الوان هادئه عاديه

اما الجلباب بصف تامن وبكون الجلباب جينز

متى لبسته :

لبسته بالصف السادس و من بدايتها التومت فيه و الحمد لله ..
لماذا ارتديته :

اولا انا بحب الحجاب تانيا لانه فرض ثالثا عشان ربي يرضى عني

ما فائدته :

الستر ورضى الله سبحانه وتعالى

هل اا سعيدة فيه :

اه طبعا والحمد لله ..

الحجاب شي رائع .. ويخلي الواحد واثق من نفسه انه على الصواب

الله يسعدك يارب ويكتبوو بميزان حسناتك .. ويهدي جميع بنات المسلمييين

اسلام

10-31-2008, 11:59 AM

هلا اخواتي منورين بتواجدكم ورددودكم

والله يهدينا كمان وكمان ويثبتنا ع الاخلاص

فلسطينيه وأفتخر

11-07-2008, 09:34 AM

يسلمو على الموضوع حلو كتير
انا قبل 3 شهور تحجبت اولها كان صعب شوي بس هلأ الحمد لله كتير حلو وبرضو اشتريت 3عبايات البستهم 3 ايام ورا بعض وبدين صرت اكسل البسهم يعني حسب
وان شاء الله ببئى مستمره على حجابي