مذكراتك اليوميه هنا ....

[رأفت]

خطرت على بالي هالفكرة و انشاء الله انها تعجبكم ...

في ناس منا ما عندهم وقت او ما بتذكروا انهم يكتبو شو صار معهم بيومهم ...

اكتب شو بصير معاك كل يوم هون ... يمكن في يوم من الايام تحب تجمعها ...

يمكن تنسى تاريخ حدث ..بتلاقيه هون ..

و انتا مش ملزم ... اكتب اللي بدك اياه و اترك اللي بدك اياه ... و اكتب ما شئت مما يحصل معك ..

انجازاتك .. بشو نجحت ..مواقف ... مشاكل (اختياري) .. الخ الخ

و لا تنسى تكتب التاريخ ... التاريخ مهم جدا ..

و انشاء الله انو الموضوع يلاقي اقبال .. حتى يتثبت ...

و انا رح ابدأ..

احم .. اليوم 31/1/2007

مسكين ابن اختي فادي اليوم الصبح اتاخرت عليه .. و كان في عندو مشوار مهم الساعة 9 الصبح انا اجيتلو الساعة 9:45 .. اجيت لقيتو فاقعة معو .. بس طبعا ما بقدر يحكي معي ... ههههههه

بعدها رحت على مستشفى الوردية باربد عشان آخد تقرير عن حالتي .. و بعدين رجعت على المحل ..

و عملونا بالبيت معجنات اما شو اشي بهبل ...

و بعدني طبعا بالمحل .. فاتح على المنتدى بقرأ بمواضيع الاعضاء ..

و سلامتكم ... يلا خلينا نشوف مذكراتكم ...

ارجو من الادارة تثبيت الموضوع اذا عجبكم ..

تحياتي للجميع ...

[رأفت]

وين تفاعلكم ...؟؟؟؟؟؟؟؟؟؟؟؟

[سارة]

اليوم 31/1

متل العاده من الصبح رحت على الجامعه على8:30

بعدين رحت افطرت انا واختي وصاحبتي على 11:15

بعدين قعدت ساعد صاحبتي بفهم الرياضيات لانه عنده امتحان

بعدين كان عندي امتحان عربي

بعدين كان عندي محاضرة دين بس ما احضرتها لانه الاستاذوزع العلامات فانا من قهري قلتلو انا ما بدي احضر المحاضره
وبعدين رحت على البيت

[~ | Mazaj]

يسلمــو ع الفكرة ..

بالنسبة اللي اليوم الموافق 31/1

صحيت من النوم الساعة 12:15 الضهر ..

رتبت البيت وعملت سلطة واتغديت ..

وبعد هيك قعدت ع النت شوي ..

وبعدين عملت كعك مع امي ..

وهلقيت هيني هون .. عم برد بالموضوع

يعطيك العافيــــــــة

[الأمير]

هههههههههههه فكرة حلوة ولله بس هذا بكون مكشوف يعني الكل بقرأ إلي نكتبه وننفضح لوووووول هههههههه


30 / 1

أمس يعني

طلعنا مسيرة كبييييييييييييييييييرة بمناسبة فوز منتخبنا وكان نفسي ولله أصورها بس من الفرحة نسيت

ولله سكرو الشارع وكل السير سكروووو وكروزر تقعد تحمس وتلف يا الله روووعة

إلي في الإمارات أكيد شافها نمرت قطر كانت

ولله حدث ولا في التاريخ

[لانيا]

اليوم 13 / 1
اصحيت من النوم الساعه 9 ونص او يمكن عشره بهاي الحدود

وعملت الاحليب لابن اختي لصغير وفطرت معاه

بعدين رحت اضب غرفتي

ورحت سعدت ماما اشوي في المطبخ

لانوا احنا ماشاء الله 6 في البيت يعني ماما لازم تعمل وليمه الهم

وبعد الغدى قريت اشوي في قصه الأجنحه المتكسره (والحمد الله اليوم خلصتها )

وهيني الحين على النت

انشاء الله ما اتكون نمتو

[جيفارا*نابلس]

طبعا اليوم مذكراتي مضغوطه

لاني من الصبح بحضر للسفر بكرا انشالله عشان هيك ناسي كل شي

شكرا رافت موضوعك حلو كثير

[سارة]

انسيت شي انه طبعا طول الليل امبارح ما نمنا من الاحتفالات


بس عنجد احتفالات رهيبه

[رأفت]

1/2/2007

اليوم بالنسبة الي لغاية الآن يوم عادي ما في اشي جديد يعني من البيت على المحل و كان في عندي ..

حنفية في المحل خربانة .. بدلتها بوحدة جديدة .. .

اجا عندي ابن خالتي قعدنا نتخوث شوي بعدين روح ...

و هيني الساعة هلا 2:05 بعد الظهر فاتح المنتدى و برد على المواضيع ..

بس انا مش شايف تفاعل من باقي الاعضاء ..

كل الشكر للكل على المرور ....

[رأفت]

طبعا اليوم مذكراتي مضغوطه

لاني من الصبح بحضر للسفر بكرا انشالله عشان هيك ناسي كل شي

شكرا رافت موضوعك حلو كثير

تروح و ترجع بالسلامة انشاء الله ...

و موضوعي بحلا اكتر بوجودك حبيبي ..

تحياتي لك .....

[رأفت]

وين مذكراتكو يا شباب ....

بلكي ثبتولنا الموضوع ...

[رأفت]

الظاهر انو الفكرة ما عجبتكم ...

[Banbon]

ممممم اليوم 3/2
ما عرفت أنام منيح ... لاني مريضه و تعبانه كتير صحيت الفجر وضليت قاعده .... لحد ما انعست ^_^

و لما اصحيت ...لقيت انه الغدا راح علي... جهزت شنتة المدرسه ...لانه بكرا الدوام للأسف

و اتسليت بالمنتدى شوي ...و بعدين اتفرجت عالتلفزيون ...و رحت انام مره تانيه .... الله يقطع الرشح ....

و بعدين بعتت مسج لصاحبتي .. the best اللي كانت بالاردن (عمان) و هيه جايه اليوم و

سالتها وينها و ايمتى رح توصل و قالتلي انها هلأ بدبي ... يعني رح توصل عندي كمان
شوي ...و مبسوطه كتير بهالخبر ^_^ .....

و هلأ عم بكتب مذكراتي بموضوع رافت الحلو كتييير ...عجبني

بس مقهوره لانه المدرسه بكرا ....و الحصه الاولى علينا فيزيا ...و انا بكره المدرسه بااااايخه

[رأفت]

اليوم 3/2/2007

مش عارف انا شو صاير بالبلد ...

و الله اليوم انقهرت كثير كثير ...

كان اليوم عادي زي اي يوم ... لغاية المغرب ...

اجاني خبر ازعجني كثير ...

شب بيشتغل معي ... خمس شباب بسيارة نازلين ضاربينو و هاربين ...

هيك بدون سبب ... الله لا يوفقهم ... و هو لحد الان ما بيعرف مين همي و شو السبب

اشي بحط العقل بالكف .

و هو هلا الحمد لله كويس و حالته منيحة ...

هلا الساعة 11:45 مسا رح اروح على البيت انشاء الله كمان شوي .. قرفوني الشباب بالمحل بتناقرو على مباراة الوحدات و الفيصلي ..

هاد بقول الوحدات كان لعبو احسن و هاد بقول لا الفيصلي كان كان احسن...

و المشكلة انو اللي استفاد من التعادل ... البقعة

و انا بدكو الصراحة مقهور عشان اتعادلو ... يلا بنشوف بالاياب شو بدهم يعملو ..

و بس...

[جيفارا*نابلس]

اليوم 3*2*2007

اكيد طول نهاري بالشغل

بس بكرا طالع على رام الله ضروري

والجو برد كثير ومطر مش عارف كيف بدي اطلع

وانشالله الله بهونها