طلب مساعدة

[الاجئ الفلسطيني]

السلام عليكم ورحمة الله

بدي اسال شو يعني كويكز
او رسائل الكويكز
يسمح للكويكز
وهاي الاشياء


مين عنده الاجابة

[محمود]

الكويكز هاي نظام في عالم الانترنت

لتخزيين معلومات خاصة من صفحة معينة في جهاز المستخدم

حتى كل مرة فيها بزور الصفحة يتم التعريف على هوية المستخدم

مثلا هون في المنتدى بتم استخدام النظام في حفظ تسجيل دخول العضو

واعطاءه كافة صلاحياته من خلال الكويكز بتم لانو المنتدى بخزن في جهازك

معلومات عضويتك في ملف كويكز وكل مرة بستعديها وبعرف هويتك

وصلاحياتك كعضو ،، وهيك الحال في كل ما يتعلق في الكويكز ..

بدون الكويكز او السيشن نظام مماثل بصير عالم الانترنت بطئ وردئ جدا

حتى انك ما بتقدر تشارك في منتدى حتى ..

مسح الكويكز من الجهاز ،، بحذف معلومات الاتصال الخاصة في المواقع

وامكانية الربط بمعلوماتك بمالمواقع الي سجلت في جهازك كويكز ,,,

والها اكثر من استراتيجية ... والية تعامل

بتقدر تمسحهم من خيارات الانترنت ^^

كل التحية ..

[anos]

هي الملفات اللي بتحفظ اثار تصفحك على الانترنت
يعني اذا سجلت باسمك ودخلت المنتدى وحطيت اشارة صح
على حفظ معلومات التسجيل
هيك بيتم حفظ رموز وشيفرات في ملف من نوع تكست بهادا المجلد
C:Documents and Settingsuser nameCookies
وهادا بسااعد انو ما تدخل معلوماتك مرة تانية لما بدك تفوت
وهالمثال بينطبق على كل شي بيتعلق بالكوكز

وبتقدر تحذفهم والافضل هو حذفهم
لانو بصرااحة هاي الملفات بتوخد من الذاكرة مسااحة
وحذفهم بسااعد على تسريع النظام

ودي ..

[الاجئ الفلسطيني]

شكرا كتير الكم
لاني كنت كل ما اسمعها بتعقد منها
مشكووووووورين