الحـلقة الـثـامـنـة... مشـروع احيـاء أمة ... "مـن روائـع الحـضـارة الإسـلامية"

[خيـرَ أُمـة]

بسـم اللـه الرحـمـن الرحـيـم

أعتذر عن التأخر عن متابعة المحاضرات

لكن كما يقولون .. تأخيرة من ورائها خيرة ان شاء اللـه

كنت قد وعدتم اخواني وأخواتي بسلسلة خاصة في الأخلاق .. لكن سنؤجلها قليلا ..

أو ربما نجعل لها مشروعا خاصا بها .. فأرجو ان تعينوني على اتخاذ القرار .. ان احببتم زرعناها في مشروعنا هذا أو نجعلها بمشروع مستقل بها خاص بالأخلاق ..

أما لهذا اليوم فمحاضرتنا جميلة جدا وقد سمعتها منذ قليل فكان لها وقع الأثر علي ..

المحاضرة تتحدث عن تاريخنا وروائع من حضارتنا .. الحضارة التي بناها المسلمون

في رأسي الكثير من الأفكار لكن اسمحولي ان اتركها لمناقشة الموضوع معكم

فأسأل الله العلي القدير ان يرزقنا خير هذا العمل .. وان يعيد لنا امجادنا
اللـهم اميــن

المحاضرة بعنوان "مـن روائـع الحـضـارة الإسـلاميـة"
للأستاذ الداعية "عـمرو خـالـد"

للتحميل بجودة عادية من هنا
بالزر اليمين وحفظ باسم (http://server4.amrkhaled.net/files/audio/ar/hedaya/hadarah.rm)

للتحميل بجودة عالية من هنا
بالزر اليمين وحفظ باسم (http://server4.amrkhaled.net/uploads/203/hadarah.mp3)

بالتوفيق اخوتي :s (43):

أخوكم المحب
:icon26: أحمد :icon26:

[سنا القمر]

جار التحميل

[سنا القمر]

جزاك الله خيرا أخي احمد

[Twin]

ان شالله بسمعها وشكرا الك .. جاري التحميل

[خيـرَ أُمـة]

سنا بارك الله فيكي ..

توين من غزة الصمود بارك الله فيكي .. كنا عارفين انك مش حتعرفي تغيبي :p

[محمود]

وقيد التحميل &

[AnGeLa]

بطلنا محتارين ..

بنزل فيها هلا ^^

[نرمين]

اما بالنسبة الي وقبل ما اسمعها بعرف انها حلوة

بكفي انها من اخونا احمد اكس وانا فعلا كنت متشوقة للإستكمال هااااااااد المشروع على احر من الجمر

اما بالنسبة لموضوع الأخلاق بقول انه تخصص اله قسم منفصل عن المشروووع هااااااااد ازا بهمكوووو رايي

لأني شايفة راي ما اله اي قيمة وعلى فكرة هيني قاعدة بسمع في المحاضرة هلأ ودمتم في حفظ المولى ورعايته

[المسلمممه]

راح اسمعها ان شاء وجاري التحميل .....ولو اني مااحب عمرو خالد...بس راح اسمعها^^

شكرا عالمجهود الرائع......

[المسلمممه]

روعه المحاضره ...وانا احب الاثار جداا ..ونفسي الف العالم واكتشف كل اثار القدما ْْْء وحضارتهم وخصوصا التي خلفها العرب والمسلمون ورائهم....بالفعل تجربه رائعه....

الحين اللي يشوف العرب مايصدق انهم عرب لان العرب سابقا ومنذ ان ولد الاسلام في ارضهم ..


كانوا تحفه الامم ..وكانوا كل العالم ماخذيلهم اعتبار ببطولاتهم وفتوحاتهم وخصوصا الاندلس اللي هي

اسبانيا حاليا ..ماراح تصدقوا لو اقلكواا ان العرب منذ عهد الامويين استطاعوا ان يفتحوا اسبانيا وان

يحكموها لمده 700 سنه نعم 700 سنه تخيلوا ...بدأوها الامويين منذ عهد معاويه بن ابي سفيان رضي

الله عنه. عندما ارسل عقبه بن نا.فع الى شمال افريقيا لكي يفتحها واستمرت الفتوحات وصولا الى الاندلس .. معاويه المفترى عليه من قبل الشيعه .....

[نور الهدى]

ولو اني مااحب عمرو خالد

بصراحة ... ما بحبه كتير بس اله تاثير على الشباب

[المسلمممه]

اذا تسمحلي اخ احمد اني انزل صور ....عن الحضاره الاسلاميه العربيه....

الحين هادا هو مسجد القيروان اللي تأسس عندما عين القائد عقبه بن نافع واليا على المغرب ..شوفوا كيف

التصميم الدقيق ..ماشاء الله...

http://rooosana.ps/uploading/999fa1d8f1.jpg



http://rooosana.ps/uploading/5009bdadef.jpg


http://rooosana.ps/uploading/5ae534e04a.gif


صراحه لي الفخر اني مسلمه وعربيه ......

[نور الهدى]

محاضرة روعة

الكثير اسلموا لما عرفوا حضارتنا و اسلامنا

لكن اللوم علينا ... فنحن لم نظهر اسلامنا بصورته

فكل من يرى واقعنا لا يصدق اننا احفاد بن الوليد و عقبة بن نافع و عمر بن العاص ...

[إسراء الفلسطينية]

جاري الاستماع

يسلمو اخي احمد

[خيـرَ أُمـة]

محمود ... انجيلا ... اسراء

مستنين رايكو يا حلوين :))


المسلمممة ... نور

عمرو خالد مش شيخ .. عمرو خالد روائي وقصصي .. هاي شغلتو ..

وهوي فقيه بهاي الشغلة .. والفقه انواعو ما بتنعد بالمناسبة .. في فقيه بالحديث في الفقيه بالقران في الفقيه بالتجويد وووو طيب انا فقيه بادارة الشبكات .. ومحمود فقيه في البرمجة ..

كلمة فقيه تطلق على أي شخص متميز بشيء معين ومتخصص به .. لذلك شيوخنا الكبار أطلقو على عمرو خالد انو فقيه قصصي ..

الرجل عمرو ما أفتى وعمرو ما فسر ايه من منظورو الشخصي وانما يعود لكتب وعلماء يأخذ العلم من كتبهم ..

البرنامج الأخير الي عملو انا شخصيا انتقدت البرنامج في منتدى عمرو خالد .. وما عجبني انا انقلد ستار اكاديمي بهيك برنامج .. لكن الرجل يخطئ ويصيب .. وصدقوني نيته الاصابة ..

وعموما يكفينا انه استيقظ الكثير من الشباب بسبب مشروع صناع الحياة .. طيب بتعرفو انو في بنتين اتحجبن في المنتدى بسبب الحلقة الي نزلناها عن الحجاب .. وهناك الكثير تحجبن بسببها ..

الرجل مميز وله اسلوب راقي في طرح القضايا ..

[خيـرَ أُمـة]

نرمين بالنسبة لمحاضرا ت الأخلاق

ان شاء اللـه حيكون لها موضوع لحال .. كبنا محتاجين نربط اخلاقنا بدينا .. وكل واحد فينا في صفة بتنقصو .. انا مثلا عندي مشكلة التسرع وعندي نقصان مش طبيعي بصفة الحلم ... ومحتاج اضبطها لانها بتفلت مني مرات ...

كلنا محتاجين حلقات عن الأخلاق ويمكن أنا أكثر واحد فيكو محتاجها ..

عموما ان شاء الله حتكون لحال محاضرات الأخلاق .. وربنا يجيب الي فيه الخير ..

[المسلمممه]

((اخي ماتخلي احد ياثر عليك ...واصل مشوارك بتفاؤل وعزم وعدم يأس))

واحنا من المتابعين ان شاء الله

[خيـرَ أُمـة]

يسلمو يا المسلممة على الصور

بس بتعرفي .. الحضارة قبل كل شيء محتاجة الانسان ... قبل المباني العالية والزخارف وووو

الرسول صلى الله عليه وسلم أول ما بنى في المجتمع بنى الانسان .. حول ناس من الخمارات و وأد النات ولزنا والفحش حولهم لناس بقمة الاخلاق وحفظة للقران وصحابة كرام ..

من هنا بدأت حضارتنا .. تصوري يا المسلمممة اول 100 سنة من حكم الاسلام يعني بعد فتح مكة ما قام الحد غير 6 مرات .. يعني حد الزنا او السرقة او القتل ... فقط 6 مرات

مع العلم انو قبل فتح مكة كان في بيوت خاصة عليها اعلام حمراء معروف انها بيوت للفاحشة .. ايا بيت عليه عرم احمد معروف انو بيت فاحشة .. وكانت مكلة وليانة من هيك بيوت ..
خلال سنوات قليلة حولهم الرسول من الظلمات الى النور

يعني الرسول صلى الله عليه وسلم بنى الانسان ولا شيء غير الانسان في البداية .. ونتيجة هذا البناء الشامخ صارت الفتوحات والحضارة والتقدم في الطب والفلك والهندسة و حتى في صناعة السلاح ..

يعني اكثر اشي احنا محتاجينو في ظني انا نبني الانسان لازم نبني الشباب ...

الموضوع للنقاش

[خيـرَ أُمـة]

((اخي ماتخلي احد ياثر عليك ...واصل مشوارك بتفاؤل وعزم وعدم يأس))

واحنا من المتابعين ان شاء الله

بسيطة يا المسلمممة لكن عزت بنفسي اني انقذفت .. رمتني بشغلة عمرها ما خطرت في بالي

عشان هيك فقدت اعصابي

الله يسامحها ويهديها ..

[نور الهدى]

عمرو خالد مش شيخ .. عمرو خالد روائي وقصصي .. هاي شغلتو ..

يا اخي انت فاهم غلط

مش لاني حكيت اني ما بحبه كتير اني بكرهه ... لاني عارفة انه شغلته مش الافتاء او المشيخة

بس انا تابعت بعض اراؤو و كتير مرات افتى

بس بعدين الشيخ وجدي غنيم زبط الامر

فكرة اني ما بحبه كتير هي بالنسبة لاراؤو ... اما بالنسبة للقصص و التاثير في الشباب هاي شغلة ما عليها غبار و ما حدا يحكي فيها

و بارك الله فيك

عشان هيك فقدت اعصابي

الله يسامحها ويهديها

خير ؟؟؟؟

[خيـرَ أُمـة]

سمعتو قصة عمر ابن عبد العزيز مع اموال الزكاة .. قمة الرقي والحضارة شيء صعب العرب والغرب الان يتخيلوه ....

بتعرفو انو خلف ساحات البيت الأبيض في امريكا هناك مشردين والحكومة حتى مش مستعدة تلتفت اليهم .. هاي الي هية أكبر دولة في العالم ..

حتى فرنسا الأزمة الاخيرة الي صارت واحراق السيارات كشف الزيف الي بدهم يوهمونا فيه بانو مساوة وانو الجميع عايش بنعيم وعز .. اتضح انو العز والديموقراطية والحرية لناس وناس .. مافي شيء اسمو سواسية ...

أمريكا الي هي أكبر دولة في العالم سنويا برمو الاف الاطنان من الذرة والتفاح .. برموها في البحر عشان يتخلصو من الضرائب .. وأفريقيا الناس فيها بموتو جوع ..

هاي أمثلة بسيطة وهناك الكثير وما خفي اعظم ..

شايفين كيف لما حكمنا الأرض كيف كان في عدل وخير .. وكيف لما همي حكمو انتشر الظلم والشر ..

احنا أولى منهم انا نحكم الأرض وان شاء الله حنرجع نحكم ..

[المسلمممه]

نور ..الاخ احمد يقول الله يهديها ويسامحها ..مو ليكي ...للاخت ريما ..لانو هو وهي صار بيناتهم على الاهداءات.. شويه خلاف بسيط ...بس عدت على خير ..^^

[خيـرَ أُمـة]

نور أكيد مش عنك بحكي :))

يريت الكل مثل نور ..

[نور الهدى]

نور أكيد مش عنك بحكي :))

ههههه

مشكور على المجاملة

بس انا اصلا ما حسيت حالي مستهدفة خخخخ

حبيت بس افهم ههههه

[نرمين]

احم احم احم

هل هناك خلاف ونرمين هوووووووون _ ههههههههههههههه_

لاوجود للخلافات ونحن هوووووووووون بس نطلع من هوووووووووون بصير خير

هههههههههههههههه - بمزح ماحدا يصدق

على فكرة انا من النوع اللي بشك بسرررررررعة غير طبيعية

على العموم ربنا يجيب اللي فيه الخير ويبعد عنا شر الخلافات وشر العصبية

افرح يا اخ احمد - الدنيا مش مستاهلة اشي - يالله حسن الختااام ( ختيرت انا ____ههههههه)

اخ احمد انا بكتب هيك على سبيل ادخال جو المرح والفكاهة بقى النا زمان ما ضحكنا وفرفشنا

لكن الواحد من اجراء الوضع الحالي مش قادر انه يضحك او حتى يفرفش عن نفسه بس بدو يبكي على الناس اللي بتموت من غير زنب - الله يهدي ويصلح قلوووووووب الناس

بعرف حكيت كتير ( يعني على قولتنا براااااااااااامة يعني كتيرة حكي ) واكيد وجعت الك راسك وراس كل الأعضاء _بمزح هههههههههههههههه
دمتم في حفظ المولى ورعايته

ملاحظة بسيطة: اعجبتني المحاضرة كتير لدرجة اني بسمعها في اليوم اكتر من مرة يسلمو عن جد يسلمو على متل هيك محاضرات

[خيـرَ أُمـة]

على العموم ربنا يجيب اللي فيه الخير ويبعد عنا شر الخلافات وشر العصبية

امين يا رب ...


اخ احمد انا بكتب هيك على سبيل ادخال جو المرح والفكاهة بقى النا زمان ما ضحكنا وفرفشنا
دايما لازم نضحك ونفرفش :))



ملاحظة بسيطة: اعجبتني المحاضرة كتير لدرجة اني بسمعها في اليوم اكتر من مرة يسلمو عن جد يسلمو على متل هيك محاضرات



يا عيني يا عيني ..

شكلها حفظت المحاضرة ..

[احلى رورو]

جاري التحميل

مشكور اخوي

[روحي فلسطين]

السلام عليكم و رحمه الله و بركاته للجميـع


ahmadix

بداية .. محاضرة رائعة جدا

توفقت في اختياره من جميع النواحي ( الموضوع و المحاضر )

فشكرا ..

.. .. .. .. ..

ثانيا

حضارتنا الاسلامية من اعظم الحضارات التي شهدها التاريخ بلا شك

( في هذا الموضوع ) و لست مع من يقول ان لكل شي بداية و نهاية

لان حضارتنا تستمد قوتها و عظمتها من الاسلام .. و تستند الى تعاليمها


و لكن في هذه الحقبة من الزمن .. لم نعد مثل ما كنا

و اظن انها اسوأ مرحلة تاريخية تمر بنا نحن كمسلمين من كافة النواحي ..


لكن الاهم من ذلك ..

لماذا وصلنا الى هذه المرحلة ؟

و كيف نستطيع اعادة بناء ما هُـدِم من حضارتنا ؟؟

و ما هو دورنا نحن كشباب ؟؟

و اظن ان هذا المشروع الاكثر من رائع .. هي اول خطوة لذلك :showoff:

بارك الله فيك اخي احمد

[احلى رورو]

مشكوووور محاضرة كتير روعة

وبتعكس روائع الحضارة الاسلامية

فعلا الحضارة الاسلامية ما حطت عبرة للون

ما بميز بين الناس الا بالتقوى ...سبحان الله


وما كان في فقراء بل كانو المسلمين من الاغنياء في هديك الازماان


بس للاسف هادا الزمن مش عم منشووف اي نموذج للاسلام

لا في تعاون لا في دين كلو تمييز كلو حروب كلو مشاكل كلو فقر .,...


قال تعالى ان الله لا يغير ما بقوم حتى يغيرو ما بأنفسهم صدق الله العظيم

هادا الاية بدل على سنن الله في المجتمعات فالله لا يغير المجتمعاات من الضعف للقوة من التخلف للتقدم الا ازا عرفو اسباب التقدمم والقوة تصبح الدول اقوى ومتقدمة اكتر

لهادا السبب كانت الحضارة الاسلامية متميزة



كاااانو الحيوانااات يهتمو فيهم بس هلاء للاسف ما في قيمة حتى للبشر

كااااااااااان البعير ينسالو عنها كيف الانسااان

لو عقرت بغله في العراق لسالني الله عنها يوم القيامة ... قاله عمر بن الخطاب

اهتم الاسلام بذوي الاحتياجات الخاصة .. المعاقين

قال تعالى يا ايها الذين امنو لا يسخر قوم من قوم عسى ان يكونو خير منهم ولا نساء من نساء عسى ان يكن خيرا منهن ولا تلمزو انفسكم ولا تنابزو بالالقاب بئس الاسم الفسوق بعد الايمان ومن لم يتب فأولثك هم الظالمون صدق الله العظيم

دعا الاسلام انو انساوي بينهم :)


وكمان الاسلام نظم النظام الاقتصاادي فأمر بتوزيع الثروات بين جميع الناس

قال تعالى والذين يكنزون الذهب والفضة ولا ينفقوها في سبيل الله فبشرهم بعذاب اليم صدق الله العظيم

ودعا الاسلام انو نعدل في الانفاق قال تعالى والذين اذا انفقو لم يسرفو ولم يقترو وكان بين ذلك قواما صدق الله العظيم

ابعدنا الاسلام عن الربا عن الزنا عن كل اشي في ضرر للفرد والمجتمع

قال تعالى واحل الله البيع وحرم الربا صدق الله العظيم

حتىى الحاكم لما كانو يختاروو كانو يختاروه على اسس

فعن الرسول عليه الصلاة والسسلام قال يا عبد الرحمن بن سمرة لا تسال الامارة فانك ان اوتيتها عن مساله وكلت اليها وان اوتيتها عن غير مساله اعلنت عليها


الرسول عليه الصلاة والسلام المفروض يكون قدوتنا وحبينااا
نتمسك بسنته ونتمسك بالقران الكريم حتى تنتج حضارة اسلامية متميزة من كل النواحي


والسلام ختام :s (43): :s (43):

[خيـرَ أُمـة]

روحي فلسطين

مشاركة مميزة وربنا يجعلها في ميزان حسناتك ..

اول اشي اختي الكريمة ذكرتي اننا نمر باسواء فترة للمسلمين ..
لكن صدقيني اختي مرت علينا فترات أسواء من هذه لذلك احنا بنحكي انو الفرج اقترب ان شاء الله ...

في عهد صلاح الدين كان المسلمون أكثر من خمسين دولة .. حمص كانت دولة وحماة دولة ودمشق دولة .. يعني كنا مفككين بشكل يصعب تخيله ..

مع ذلك سخر الله اناسا تربو على الدين الحق وقادو الامة .. بقصد هنا نور الدين زنكي وصلاح الدين والظاهر بيبرز وقطز ووو ..

وهؤلاء الرجال الأبطال كانو نتيجة صحوة اسلامية في ذلك العصر استمرت عشرات الأعوام حتى انتجت امثالهم ممن قادو النصر ..

طيب انتو عارفين يا اخواني يا اخواتي ان هذه الصحو الان موجودة في عصرنا .. وقد بدأت في مطلع الاربعينات من القرن الماضي ..
جميع الحركات الاسلامية في الشرق الاوسط والشرق الاقصى كانت نتيجة صحوة دينية بدأة في بداية الاربعينات .. لكن الصحوة تحتاج لوقت التغيير يحتاج لوقت .. صلاح الدين حرر الأقصى بعد اكثر من 90 عام من بداء الدعوة وتجديد الدين في عقول الناس .. والان نجد حركات اسلامية تربت على الجهاد والعزة وكل هذا نتيجة صحوة دينية بدأت منذ ستين عاما ..

التغيير يحتاج لوقت ..

وفي النهاية ربنا حينصرنا ان شاء الله .. وهذا وعد اللـه

وصدقوني يا اخواني يا اخواتي انه لا يوجد هدف من هذه الحلقات الا ان يكون لنا يد في هذا التغيير .. لانه حاصل حاصل باذن اللـه .. ونرجو اللـه ان يكون لنا الشرف في المساهمة بهذا التغيير الذي يعز الاسلام والمسلمين ..

و لست مع من يقول ان لكل شي بداية و نهاية

لان حضارتنا تستمد قوتها و عظمتها من الاسلام .. و تستند الى تعاليم
عجبتني هاي الكلمة الي حكتها الأخت روحي فلسطين ..

اختي الكريمة فعلا نحن امة تمرض ولا تموت .. مهما ضعفنا ومهما حصل معنا من انتكاسات امة الاسلام لا تموت ..

[خيـرَ أُمـة]

بارك الله فيكي أحلى رورو

لخصتي المحاضرة انا خايف الشباب و الصبايا يقراو ردك وما يسمعوها اختصارا للوقت
ههههه

يعطيكي العافية احلى رورو :))

[نرمين]

يا عيني يا عيني ..

شكلها حفظت المحاضرة

ازا ما حفظتها غصب علي لازم احفظها

تعرف ليش ؟! لأنه بكفي انها منك وانا عارفة ذوقك في متل هيك محاضرات

هو انت بتنزل مشروع حلو وما بدك ايانا نحفظه

مش حلوة منا كأعضاء بالمنتدى - هههههههههههههه - ربنا يجيب اللي فيه الخير

دمتم بود

[نرمين]

اخ احمد اكس بدي اياك ضروري تفوت على الماسنجر

ازا بتقدر ضروري كتير انا بقعد على الايميل بعد الساعة

12 ليلا كتير ضروري اشوفك على الايميل لا تنسى اوك

انا بعتذر اني بكتب هالكلام هووووون ولكن ماذا افعل

الرسايل وقد تم منعها والاهداءات وما بحب اكتب اهداء لأنه بعرف

انه راح ينحذف على العموم : لاتنسى انك تفوت على الايميل كتير ضروري اوك

دمت في حفظ المولى ورعايته

[احلى رورو]

ههههههههه

هادا مش كلو من المحاضرة

في اشياء من عقلي عموووو

[فراشة]

هيني بسمع فيها هلالالا واسفه ع التاخير .. بس والله هاي الحضاره ما بتتعوض المفروض تسميها من روائع التراث الاسلامي لانوو ما عاد في منووو هاالايام ...

[خيـرَ أُمـة]

نرمين ابعتيلي ايميل وان شاء الله برد عليه باقرب وقت .. ولا يهمك اختي

أحلى رورو ... حقك علي ما انتبهت خخخ ..

فراشة ... ولا يهمك سمعنا عن معاناة المعبر الي عانيتيها انت وتوين .. اللـه يهونها عليكو يا رب .. وشكلكو عملتو اشتراك نت :))
وبالنسبة للحضارة ان شاء الله اذا بنينا الانسان مثل ما حكيت من قبل رح ترجع وغصبن عن الغرب وعن الكل ..

أهم اشي نستشعر المسأولية وان شاء الله احنا قدها ..

صحيح شو سجلتي وشو سجلة توين .. ايا تخصص ؟؟

ربنا يوفقكم جميعا ..
امين يا رب ..

[خيـرَ أُمـة]

بدنا همتكم يا جماعة ..

الجمعة الجاي ان شاء اللـه الحلقة الأخيرة من احياء امة ..

همتكم يا جماعة ..

وان شاء اللـه حيكون فيها مصارحة ومكاشفة ...

دعواتـكـم ..

[نرمين]

شو يا اخ احمد الجمعة الجاي اخر محاضرة

ليش شو صار المشروع كتير حلو ومستمتعين

فيه اتمنى انه تكون في حلقات جديدة كمان

دمت بود وسلالام وسعادة

[aBo SaLeeM]

جاري التحميييل

[روحي فلسطين]

اعترااااض

اعتاراااااااااااااض

اعتراااااااااااااااااااااااااض


كيف يعني الجمعة اخر حلقة ..

نبي انكمل ..

نبي نحيي امة بأكبرها .. ما تكفي هذه المواضيع و بس

في مواضيع ثانية لازم نلف نظر الشباب لها

هذا مشروع كبير و يحتاج فترة اطول من جذي بوااااااايد

شو هي خطتك يا ريت اتقول لنا ..

و السمووحة .. والله حاطة املي بهذا المشروع

[خيـرَ أُمـة]

نرمين .. روحي فلسطين

ان شاء اللـه حنستمر .. بس بدنا نعمل حلقات خاصة بالأخلاق .. وللان محتارأنزلها مع المشروع ولا مشروع لحال .. مستني اقتراحاتكم ..

ابو سليم ..
حياك اللـه يا غالي .. ومستنين رايك بالي سمعتو وتدخل معنا بالنقاش ..

بارك اللـه فيكم ..
.

[روحي فلسطين]

تنفستُ الصعداء الان :smile:

... ... ... ...

برأيي الحلقات الخاصة للاخلاق من الافضل ان تكون جزء من هذا المشروع

مشروع " احياء امة " ..

لان الاخلاق تبني الانسان .. و الانسان يبني الامم

... ... ...

اريد ان اضيف ايضا ..

اذا اردنا ان نحيي امة ..

علينا ان نبني شخصية الانسان .. شخصية تطمح للافضل و لا ترضى بالشي اليسير

اقصد نحتاج حلقات للتنمية الذاتية .. و حلقات الاخلاق هي البداية

هذا رأيي و لك القرار

و احييك على هذه الشخصية العظيمة ..

لو لدينا مئة مثلك لتغير الحال ..

الف شكر

[خيـرَ أُمـة]

بارك اللـه فيكي اختي روحي فلسطين

ويريت لو ترجعي للحلقات الأولى لانها يمكن ترضي جزء ولو يسير من طموحك :))

كان في حلفة عن صناعة الذات .. وكان لها تأثير كبير وهي الأولى ..

ححطلك الرابط ان شاء اللـه للحلقات السابقة ..

ومستني اراء بقية الأخوة والأخوات في موضوع حلقات الأخلاق ..

بارك اللـه فيكي أختي ..

[لولو اليبناوية]

يسلموووووو ايديك احمديكس عالمحاضرة الرائعة...
اكيد الحضارة الاسلامية هية اساس الحضارات التانية واول الحضارات...
وللاسف الغزو الفكري الغربي اثر علينا
لدرجة انو صرنا نفكر انو الحضارة هية حضارة الغرب ونجري وراها...
:s (43):

[ملكة الإحساس]

جاااااااري التحميييل
...
ولي رجعة انشااااللله .. .. راح انضم لكم فيها .. للنقااش ..
والمكتوب مبين من عنوانو .."حضارتنا الاسلااامية " ..
وانشااالله يكووون عندي وقت قريباا للتعليق .. لاني حاليا مشغووولة بالامتحنااات..:b: :b:

..
اما بالنسبة لمحاضرات الاخلاق فانا من رأي تكون بمشرووع مستقل .. لانو الاخلاااق مجالها كتيير كبيير
ومحتاجة لاكتر من محاضرة .. يعني محاضرة لوحدها مو كفاية لحتى الانساان يستوعبها ..
...
ومشكوووورييين
..
والله معكم

[إسراء الفلسطينية]

السلام عليييكم و رحمة الله و بركاااته

انا كتيير متاسفه على التاخييير :b:

المحاضرة كانت كتييير حلوي و مفيدة

.....

انا الصراااحه ما عارفه كييف بدي اعلق على المحاضرة

بس رح اعلق على كيييف انا هوون شايفه الحضااره الاسلاميه !

الحضاره الاسلاميه جدا رائعة

بس للاسف في كتيير منا اليووم نسيو شو هيي الحضارة الاسلامية

او حتى يمكن كماان ما اهتموا يعرفوا شو هيي!!!

انا بقول انو الحضاره الاسلاميه مهمه جدا و مهم انو كل انسان مسلم يعرف شو هيي الحضاره الاسلاميه عشان

يعرف تااريخ دينه و "تقاليد دينه"

لانو والله هون بجيييك اساله من قبل الغربيين لا بتخطر على البال ولا على الخاطر

و اعتقد انو بكوون امر محرج جدا اذا اجااك سؤال عن الحضاره الاسلامية و ما عرفت تجاوب عليه

و الحضاره الاسلاميه والله فيها روائع كتييرة

بس المهم انو الواحد يفهمها!!!

[خيـرَ أُمـة]

لولو .. ان شاءا لله بترجع الحضارة النا .. ربنا قال ((وتلك الأيام نداولها بين الناس)) صدق اللـه العظيم

يعني اذا اليوم الغرب الان مسيطر على العالم فاحنا كنا بيوم من الايام مسيطرين .. وان شاء الله حتنقلب الايام وتتغير الاحوال من حال الى حال ..

ملكة الأحساس .. ان شاء اللـه ربنا يوفقك في امتحاناتك يا رب .. واقتراحك الي بعتيلي اياه زمان على البال .. لكن بعد تفكير ما حبيت اعطي الموضوع طابع اكاديمي :))
مستني تحكي كلمتك في الحلقة ..

اسراء
ان شاء الله الحضارة بتعود واحنا هنا بنحكي عن الحضارة والقصد انا انكون مثل اسلافنا الي صنعو الحضارة .. لانها الحضارة ما بتنصنع من حالها لكن وراها رجال ونساء صنعوها ..
بعدين الي بحاول يتمسخر عليكي احكيلو انتو حضارتكو بقرة وجبنة كيري وحليب نيدو ههههه

[اسلام]

بسم الله

السام عليكم ورحمة الله وبركاته

بارك الله فيك موضوع بغاية الاهمية والافادة

ان شاء الله في ميزان حسناتك وبارك الله فيك

بس بجد هاي الحلقة روعة كتير

[نور اليقين]

بنزل فيها
تواني و هقول رايي
احم احم
على اساس انكو بتستنوه على احر من الجمر
هههههههههههههههههه

[نرمين]

السلام عليكم ورحمة الله وبركاته

اخ احمد اكس بالنسبة اى رايي

في محاضرات الاخلاق فهو انه

بقول ازا بتخصص الها جزء او محاضرات

او انه يكون الها جزء مستقل بذاتها

هو صحيح انه الأخلاق اساسية للإنسان

بس انه لو نزلت بحالها احسن انا هيك وجهة نظري

والك حرية الإختيار اخ احمد اكس كل محاضراتك جميلة والها هدف في نفس الإنسان

اقصد انه محاضرات دينية وكتير الها اهداف دينية

دمت بود وسلالام

[خيـرَ أُمـة]

اسلام بارك اللـه فيكي واللـه يجزيكي الخير .. وان شاء اللـه تكون دراستك وامتحاناتك تمام ..

نور .. واللـه فعلا مستنين رايك لكن انتي بتغيبي كثير لظروف نجهلها .. اللـه يهونها عليكا وان شاء اللـه يكون المانع خيـر ..

نرمين .. حنشوف اراء أكثر وان شاء اللـه خير ..

[نرمين]

اوك بالتوفيق ان شاء الله

وكل تاخيرة وفيها خيرة

لاعدمناك وشكرا لك

على المواضيع الحلوة

دمت بود وسلالام

[~ | Mazaj]

السلام عليكم ورحمة الله وبركاته ..

انتا بتحكيلي احضري هالمحاضرة .. رح يروح اكتئابك .. بس والله لما حضرتها زاد

مقارنات يتخلي الواحد يغلي غلي .. الله يكون بالعون ويصلح الامة العربية الإســـــــــــــلاميـــــــــة ..

رح اكتبلك يلي استفدتو وعرفتو منها .. بس ما اظن انو بشكل مختصر :)

الشعور بالافتخار لاننا مسلمين ..

ضرورة تثقيف الشباب والأطفال حول الحضارة الاسلامية بدل الالتفاف على حضارة اخرى قد تسئ للمسلمين وتعمل على انحراف الشباب كالحضارات الغربية ..

حتى مع تقدم الحضارات والدخول في القرن الحادي والعشرين الا ان التمييز بين الأبيض والأسود ما زال قائم .. وهاد دلالة على تخلفهم مع انهم الان في مقدمة العالم ..

الا ان افتخارنا بالاسلام لم يكن هباء .. ولم يكن ثقة عمياء فقط لمجرد الاباء والامهات .. الخلافة الاسلامية والحضارة الاسلامية من بداية نشأتها قضت على كل ما يدعم التمييز ويفرق بين الطبقات في المجتمع و لديها العديد من الأمثلة والمواقف التي تدعم عدم التمييز بين الاجناس والبشر .. والعدل والمساواة في كل المواقف من الأمثلة عليها قول رسول الله صلى الله عليه وسلم " لا فضل لعربي على اعجمي .. ولا ابيض على اسود الا بالتقوى " .. فتح عمر بن العاص لمصر ويحيط بحصن نابليون المنيع .. الا ان عزيمة المسلمين والمؤمنين تختلف عنها في الوقت الحالي .. فالقوة الايمانية والثقة بالله تجعل كل شيء منيع سهل وسلسل عندهم .. اما الان فان كلمة المسلمين قد تكون اشبه بتقليل قيمة الاسلام عند اطلاق هاد الاسم عليهم .. (مفارقة ليس لها علاقة بالموضوع .. لكن بتعصب الواحد ) المهم نرجع طبعا اتصل المقوقس ملك مصر برسالة يقول له ارسل اللي من اتفاوض معهم .. ويرسل العاص عشرة من المؤمنين .. واميرهم عبادة بن الصامت اسود .. ويذهبو للمقوقس وكان لديه ميزة العنصرية .. وامتنع عن الحديث مع عبادة .. الا ان اخيرا تحدث معه .. الا اخر الحديث .
كانت المقارنة بين البيض والزنوج .. اما بالنسبة للعربي والاعجمي .. فالامام البخاري .. الذي حفظ سنة رسول الله .. وهو اعجمي .. والامام مسلم من بشقند .. والترمذي والنسائي ..

التسامح الديني وكيف يتعامل غير المسلمين مع المسلمين .. وجميعا نرى كيف انتهكوا اعراض المسلمين في ابو غريب .. وكيف يقتلون المسلمين في غوانتنامو .. بعكس المسلمين تماما ..
من الأمثلة عليها كقصة القبطي مع ابن العاص .. وكما هو معروف عن عدل الخطاب .. ذهب والتجأ القبطي لعمر بن الخطاب رضي الله عنه .. ويعدل بينهم .. هكذا كان الاسلام .. فأين الاسلام في وقتنا الحاضر ..؟؟؟
وهنــاك الكثيــر من الأمثلـة تم ذكرها ..!
ايضا بخصوص الجزية التي يدفعها غير المسلمين الذي يعيشون في حماية الدولة الاسلامية .. في يوم كان عمر يتجول في الطريق .. فرأى يهودي يتسول فقال له عمر رضي الله عنه .. مالك يا شيخ .. فقال علي الجزية واتسول لكي ادفعها .. فقال عمر رضي الله عنه ما انصافك .. فأعطاه عمر رضي الله عنه من بيت المسلمين مالا ..

القوة الاقتصادية وما تتمتع به الدول العربية الآن والحمد لله ..!!!!!
والله اضحكت وانا بسمع فيها .. في ايام الخلافة الراشدة ما كان نقص بالاموال وما كان فقراء .. تعال شوف الوقت الحاضر وكيف الدول العربية قاعدة بتطلب المال .. الفلسطينية وعذرهم معهم وتحت احتلال .. وما في اي وسيلة لانهم ينّموا أموالهم المصانع بتنقصف .. طيب والدول العربية الاسلامية (للأسف لحتى الآن بطلق عليها اسلامية ) وين قوتهم الاقتصادية .. النفط متل الاغبياء بيصدروا خام لدول الغربية .. طبعا المادة وهيي خام ارخص ومن هيي مصنعة .. وهيك بيصير .. حيجي يوم يزول فيه النفط وتصير برضو تشـــــــحــــــــد ..!

الأخلاق الحربية .. بعرف معناها بس مش قادرة اعبر .. يعني المحارب ما يتعدى عن خطوط الحرب مثلا كإنو يقاتل مع يلي بقاتلو وما يتعدى عن العزّل .. وما يتعدى ع الطبيعة ويقتلع الاشجار واكبر مثال اليهود يلي ولا شجرة زيتون سلمت من جرافاتهم .. كمان ما يتعدو على يلي بيتعبد برضو اكبر مثال والحمد لله المرة هاي رح نضربو بالفلسطينية يلي قتلو شيخ وامام مسجد وهوي طالع منو .. اه كمان شغلة ما يروحو يقصفو بيت من الفجر .. ويقتلو عيلة كاملة ما في ببيتها ولا قطعة سلاح .. وين المسلمين .. وينهم يالله .. الظلم بتشوفو قدامك ومش قادر تعمل اشي .. يارب صبرنــــــــــــــــــــــــــــا ..

الرفق بالحيوان .. يلي بيعملوا حالهم بيعطفوا عليهم .. طيب والله الفلسطينية والعراقيين وافغانستان وباكستان والصومال والدول التانية انهم يعطفوا عليهم ..
بس الحمد لله المسلمين زمـــــــــــــــان عدلوا بهادي الشغلة حافظوا على الحيوان .. وعلى المسلميين ..

اخيرا .. الطريقة الوحيدة لرجوع الاسلام متل ما كان زمن الرسول صلى الله عليه وسلم وزمن الخلفاء الراشدين رضي الله عنهم ..
الافتخـــــــــــــــــــــار بالاسلام .. وبأنك مسلم تنطق الشهادتين وتطيع اوامر الله ورسوله وتجتنب نواهيه ..
انك تنجح بحيـاتــك .. وتصل ارفع المراتب ..
انك تتمتع بالقوة الدينية الايمانية يلي بتخلي المسلم واثق من نفسو ..
سبحانك اللهم وبحمدك ... استغفرك واتوب اليك ..

[خيـرَ أُمـة]

الله ينور عليكي يا فجر

بس الغرض كان انا نرجع مثل اول .. والطريق الوحيدة انا نرجع لربنا :))

نحن قوم اعزنا اللـه بالاسلام .. افن ابتغينا الع
زة بغير الاسلام اذلنا اللـه

وهاد الي حاصل الان

اليوم يا اخواني يا اخاوتي حلقة جديدة وجدا مهمة .. والي بدو يفهمني يسمعها .. وان شاء الله الصورة حتضح لكل الي رموني والي حكو عامل شيخ :(

سلامي للجميع ..

[خيـرَ أُمـة]

انا اسف انسيت اعلن عن الحلقة الجديدة والتي بدأت بالامس

http://www.shabab.ps/vb/showthread.php?t=35626

ارجو المشاركة بتفاعل اخوتي

بارك اللـه فيكم ..

[ملكة الإحساس]

بسم الله الرحمن الرحيم
المحاضرة في غاية الروعة كونها تتحدث عن أعظم تاريخ للمسلمين
وعزة الحضارة الإسلامية .. وعدالة الإسلام
وعظم المسلمين وتسامحهم وتعاونهم ووحدتهم ورحمتهم
..
وفرق شاسع سبحان الله مابين الماضي والحاضر .. سبحان الله
الآن وللأسف لم يعد يذكر المسلمين حضارتهم الا من رحم ربي
والمؤسف ان شباب المسلمين وبناتهم يفتخرون بحضارات الغرب .. ويتحدثون عنها .. ويتباهون فيها وبعلمائهم وقوانينهم
ويسخرون من حضارة الإسلام ..
...

...
أشد ما أعجبني ..
عمر بن الخطاب رضي الله عنه .. يسير يوما في الطريق فيرى رجلا يتسول عجوز في المدينة المنورة .. فسأله ما بك يا شيخ .. فقال الرجل عليا الجزية .. أتسول لأدفع الجزية
وانا يهودي .. فقال عمر والله ما أنصفناك .. نأخذها منك شابا .. ثم نضيعك شيخا .. والله لأعطينك من بيت مال المسلمين ..

همسة ..
لن يصل المسلمون إلى شيء مالم يتواجد عندهم أمران:
1. نجاح في الحياة
2. وعاطفة شديدة تجاه الإسلام

...
كثرة الدعاء
...

[خيـرَ أُمـة]

بارك اللـه بكي اختي

مشاركاتك مميزة كالعادة


أحمد

[sanae]

السلام عليكم
لم استمع بعد الى المحاضرتين لكن من خلال الردود استشف جمالها