اسلامي ... ام ... شيطاني [الأرشيف] - منتديات شباب فلسطين

خيـرَ أُمـة

01-26-2007, 09:57 AM

كل واحد منا اخواني الكرام وأخواتي الكريمات في يوم من الأيام "حيتأهل" ... وذلك بالزواج :showoff: .. أسأل اللـه العلي القدير ان يرزقنا الزوجات الصالحات .. وأن يرزق أخواتنا في المنتدى الأزواج الصالحين :icon31: ...

لكن هناك سؤال يدور في بالي .. وفي الحقيقة لقد حزمتُ أمري بالاختيار لكني احب ان ارى وجهات نظر اخواني وأخاويت في منتدى شباب فلسطين ...

فالأفراح نوعان منها ما هو اسلامي ويكون شعبي في معظم الأحيان و منها ما هو شيطاني باستعمال الاغاني والطرب الماجن :wacko: ...

أيهما تفضل الموضوع للنقاش ؟؟؟!!!

وفي النهاية ...
:s (43): عريس الزين يتهنى يطلب علينا ويتمنى :s (43):
:icon11:

نور الهدى

01-26-2007, 10:21 AM

هههههههه

جاي تخيرنا بين الحق و الباطل

افضل الاسلامي و لا ارضى بالشيطاني

لكن اظن انه هالموضوع ما يحتاج نقاش الحق بين و الباطل بين !

لكن عندي سؤال

لو حدا عزمك على عرس بالطريقة الشيطانية و هالشخص من قرايبك هل تحضر

شخصيا لا

خيـرَ أُمـة

01-26-2007, 10:32 AM

لكن يا نور معظم الأفراح التي تحصل شيطانية .. لذلك وجب مناقشة الموضوع :))

وأرجو الصراحة من الجميع .. لأن الأفراح الشيطانية أكثر من الاسلامية في مجتمعاتنا .. هذا للأسف ..

ونحن هنا في منتدى شباب فلسطين نعتبر نموذج مصغر للمجتمع الفلسطيني بشكل خاص والعربي بشكل عام ...

نور الهدى

01-26-2007, 10:41 AM

و الله انا في عمري يا دوب حضرت 4-5 افراح

3 منهم في الجزائر بس كنت صغيرة ... كان فعلا شيطاني

بس هون في فرنسا حضرت عرسين من اروع ما يكون ... اسلامي بحت

سبحان الله ... الله نجاني لانه طول هالفترة قرايبي في الجزائر عملوا افراح طبعا موسيقى و كلام فاضي ... و في الصيف رح ننزل للجزائر ان شاء الله و في عرس و الله يستر !!!

بس اعتقد انه قلة الايمان اله دور لانه الملتزم ما رح يعمل عرس شيطاني .... لازم يكون في توعية

واحد مش ملتزم لا تستنى منه انه يعمل عرس اسلامي

لانه اصلا ما بيعرف انه هالشي حرام

ABU-NOUR

01-26-2007, 10:42 AM

ههههههههههههه
بجد هذا الموضوع حلو بجد ..
احنا ان شاء الله بدنا نزوج اخويا على الصيف هذا ان شاء المولى ...
فاحنا سألنا امي وابي .. بدكم تعملو حفلة ولا لع ..
قالو والله على خاطر اخوك اذا بده يعمل حفلة بنعمل واذا ما بدو هو حر بس الغداء لازم كل واحد بدو يتجوز فيكم لازم نعملو غداء هذا الاساس وبعدين الي بدو حفلة بنعمل والي ما بدو بنعمل ...

وا شاء الله بدنا نعمل حفلة وغداء وتكون على خير يارب ...
حفلة اسلامية ان شاء الله ..

بالتوفيق للكرام ..

في عرسى بدي اعزمكم

rame

01-26-2007, 11:01 AM

هههههههههههه
انا بفضل ما اعمل عرس اصلا
والاسلامي افضل طبعا
بس النسوان وعقولهم بتفضل الشيطاني طبعا
عشان الرقص والخلع ههههههههه

وبيزعلو ازا ما نانسي غنت فيه

اصلا لو العروسين بيحبو بعض ما بيهمهم كيف شكل العرس

وهادة رأي

ومشكور يا مان على الموضوع

نور الهدى

01-26-2007, 11:07 AM

بس النسوان وعقولهم بتفضل الشيطاني طبعا

للاسف ... كلامك صحيح

الله يهدي نساء المسلمين

جيفارا*نابلس

01-26-2007, 11:55 AM

انا براي

اترك اهلك همي الي يحديدو

لانها فرحتهم اول شي

والعرس الاسلامي بحياتي ماشفت حدىسمعت فيه
بس اظن انو العرس من حقق تفرح في يعني ماوصل التعقيد لهدرجه

عاشق الحرية

01-26-2007, 01:55 PM

من يقبـل أن تبدأ حياته الزوجية الطويلة بعون الله .بالمعصية؟

دمتم

خيـرَ أُمـة

01-26-2007, 02:13 PM

شكرا لجميع الأخوة والأخوات الي شاركو في الموضوع

انا بعتقد ان الزواج أول مشروع يقوم به الزوجان شراكة فليس يكون في معصية الله ..

الواحد فينا بيتقرب الى الله بالزواج باختيار الزوجة الصالحة ومعاملتها أحسن معاملة .. بتعرفو يا اخوتي انو أعظم صدقة كما صح عن رسول الله .. هي لقمة يضعها الزوج في فم زوجته .. تصوروا

يعني الزواج أمرو مش بسيط وهوي باب للسعادة والحسنات والالتزام وطلب رضى الله .. فليش ابدا بمعصية ..

للأسف مثل ما ذكر رامي انو اذا مافي نانسي ما بتزبط الأمور

لمتى هاد الفكر عند كثير من الناس ؟؟!!

أول مشروع مشترك نبدا بمعصية ...

بتصور انو لازم نوعي الناس لهاد الأشي .. مش الحثالة مثل نانسي وهيفا وغيرهم همي الي ممكن يحي هيك فرحي .. في عنا تراث واناشيد خاصة فينا كشعوب بدون موسيقى وبدون طرب وجميلة جدا ...

مالها الدحة هلا بطلت تمشي حالها هههه

بيني وبينكم أكثر ما يحزنني تمسك اليهود بعادات الزواج التي عندهم اما نحن .. سلامتكو .. بدنا انقلد الغرب وخلص ..

خيـرَ أُمـة

01-26-2007, 02:17 PM

احنا ان شاء الله بدنا نزوج اخويا على الصيف هذا ان شاء المولى ...

ان شاء الله ريتو الف مبروك ..

قالو والله على خاطر اخوك اذا بده يعمل حفلة بنعمل واذا ما بدو هو حر بس الغداء لازم كل واحد بدو يتجوز فيكم لازم نعملو غداء هذا الاساس وبعدين الي بدو حفلة بنعمل والي ما بدو بنعمل ...

موضوع الغدا هاد أهم اشي ولا انا شو حستفيد :P .. أهم اشي الغدا :))

بعدين مين أخوك ليكون ابن فلسطين .. اذا ابن فلسطين فانا بخاف لا اسلامي ولا شيطاني .. انا بخاف يطلب من أهلك يعملو ديسكو .... كملت ... بمزح :p

خيـرَ أُمـة

01-26-2007, 02:24 PM

والعرس الاسلامي بحياتي ماشفت حدىسمعت في

الأفراح الشعبية في منها اسلامي .. هلا بطلت تنفع !!!

بس اظن انو العرس من حقق تفرح في يعني ماوصل التعقيد لهدرجه
امتنا ماكلة هوا والعرب والمسلمين فكل مكان بنضربو بالجزمة بعيد عنكو .. وبدنا نحتفل بنانسي عُكرم ولا هيفاء وهفي ...

يا رجل بعز ما كانت بيروت تقصف والصوريخ على بيروت مثل المطر كانت هيفاء وهبي بتبوس الواوا ...!!

احنا في وضع الان ما النا ملجأ غير انقرب من ربنا .. مافي مجال غير هيك ...

انا بذكر لما كنت في الأردن بشتغل صادفت بعد وفاة الشيخ أحمد ياسين بكذا يوم عرس ابن عمتي .. ومع هيك أصرو يعملو شيطاني وأغاني ومسخرة .. يعني لا حياء ولا أخلاق .. رجل عظيم مات ومع هيك ولا كأنهم في الدنيا ..

في حديث عن الرسول صلى الله عليه وسلم في قمة الروعة ... "مثل المؤمنين في توادهم وتراحمهم وتعاطفهم .. كمثل الجسد الواحد ان اشتكى منه عضو تداعى له سائر الجسد بالسهر والحمى" صدق رسول الله ..

يعني لو مسلم في الصين انهان بدي أحس بانو اه صح في شيء ناقصنا في مسلم انهان ..

يا جماعة احنا ايام ما كان عنا كرامة ... ايام ما كان .. كانت جيوش المسلمين تمشي الاف الكيلو مترات عشان أسير واحد ... اما الان سلامتكو وتعيشو ..

بدنا انبوس الواوا

امة بدها تبوس الواوا ..

كبر عليها ثلاث وسلم ..

خيـرَ أُمـة

01-26-2007, 02:26 PM

انا بفضل ما اعمل عرس اصل

بيني وبينك أوفر كمان :))

الشب هاد بحبو لانو بفكر مثلي ههههه

تسلم يا رامي على رايك الصريح

جيفارا*نابلس

01-26-2007, 02:57 PM

احمد

العرس الاسلامي شو هو ممكن تفهمني؟؟

مجرد بيت عزاء

اذا ايام الرسول كانو النسوان يحتفلو وكان في قرع طبول والرسول ما نهى عن هيك

بصراحه انا ازا تزووجت

رح اعمل شي ولا بحياتي عملتو لانو هاد يوم بعمري وما بدي اندم عليه

اما اذا اتزوجت اجنبيه كما هي حياتي تمضي الان

طبعا اول شي دينها مو زي ديني

وتاني شي الاجانب بيربطها علاقتها مجرد الخاتم

وهاد بيوفر عليي كتيير

اما اذا رح تقلي وولاد

فرح اجاوبك

بديش اخلف واجيب ولاد

يتحسرو على امتهم

شكرا الك

خيـرَ أُمـة

01-26-2007, 03:10 PM

ههههههه

عجبتني بديش أخلف .. لا يا زلمة شو هالحكي بدنا انشوف خلفتك ..

عموما كلامك مش دقيق ..

أول اشي العرس الاسلامي لا يعني عزاء لكنو يعني احتفال باهازيج وأناشيد شعبية ..
وعليى فكرة صدقني انها أحلى من اصوات الموسيقى وضجتها ..
لكن التقليد الأعمى ..!!!

اما موضوع الطبل الطبل ما انسمح بيه لكن انسمح بشيء اخر وللنساء فقط وهو الدف ..

جيفارا انت من قبل ذكرت انك ما مر عليك عرس اسلامي .. فكيف حكمت عليه انو عزاء .. والله يا جيفارا انو فرح كامل متكامل وفي دحة لو حبيت .. وفي كمان يا صلاة العنبي :)) وطير وغرد يا حمام .. ويا حماما يا حمام يا رسول السلام ..

وبالمناسبة في حاليا فرق خاصة بالأناشيد للأفراح وجدا مميزة و والله أصوات مرتبه وكمان كلمات بترضي ربنا ...

احنا لما نتكلم عن الاغاني مش بنحكي بس عن الموسيقى الي فيها احنا كمان بنحكي عن الكلمات .. والا بالله عليك بوس الواوا هاد حكي .. ولا اه وبص حكي .. أي والله ما الهم علاقة بالدنيا ..

اما بالنسبة للأجنبية .. فهي كلمة بدي أحكيلك اياها حيكيفن عليها البنات في المنتدى وهي انو ما رح يفهمك ويقدرك مثل بنت بلدك .. طبعا الصبايا كيفن ..

يا زلمة لو الكل فكر بهيك طريقة خواتي وخواتك بعنسو خلينا انكون صريحين ...

الله يهدينا جماعا يا رب ..

جيفارا*نابلس

01-26-2007, 03:16 PM

لكل امريء ما هوى يا احمدكس

خيـرَ أُمـة

01-26-2007, 03:19 PM

لكل امريء ما هوى يا احمدكس

أكلنى هوى يا جيفارا :icon6:

جيفارا*نابلس

01-26-2007, 03:22 PM

مو قصه اكلنا هوى او شي

هلء انا حبيت اجنبيه واكيد هي مو على ديني واكيد رافضه تدخل على ديني

بس مابقدر احكيلها الله معك

بتعرف ليش

لانو قلبي اختارها

وصعب اتخلى عن قلبي

وبالنسبه لبنات العرب اكيد مافي عوانس ماشالله عنهم

بديرو حالهم ابن عمها ابن خالها

يعني الله ما بيقطع نصيب حد

ههههههههههه

بعدين هلا وقفت عليي

نغوم

01-26-2007, 04:14 PM

فلسطينى رافع الراس

01-26-2007, 05:34 PM

مؤيد

01-26-2007, 10:18 PM

صاحبة القلم الحزين

01-26-2007, 10:36 PM

موضوع جميل للنقاش
تسلم ايديك أخي أحمد

قال تعالى في سورة التوبة: " أفمن أسس بنيانه على تقوى من الله ورضوان خير أم من أسس بنيانه على شفا جرف هار فانهار به في نار جهنم والله لا يهدي القوم الظالمين ﴿109﴾ " صدق الله العظيم

و الحياة الزوجية بناء
و الفرح أو حفلة الزفاف أو العرس
أيا كان اسمها
تٌعد من أساس هذا البناء
فاللي بحب انه يكون بناؤه متين
بأسسه بشكل صحيح و شرعي عشان الله يباركله فيه

فأنا برأيي انه العرس الاسلامي
احلى و اجمل و مبارك اكثر و بكفي انه غير مخالف للشرع
و بعدين متل ما اتفضلتوا في هالايام في كثير اناشيد اسلامية للأفراح
و اناشيد حلوة كثير و عصرية ومناسبه _ للي بحب الموضة يعني_ و بنفس الوقت غير مخالفه للدين

أنا هذا رأيي
واسفه للإطاله
مشكووور أخي مجددا

جيفارا*نابلس

01-27-2007, 12:41 AM

ولكن احمد برايي الموضوع غير راجع لك في الاول او الاخير

لا تنسى راي صاحبة الشان الفتاة فهو زفافها ومن حقها ان تختار ما تشاء

اما اظن انه في فتاة بتنسى هاد اليوم وما بتحب يكون احلى يوم بحياتها

aBo SaLeeM

01-27-2007, 12:51 AM

اكييد العرس الاسلامي

نرمين

01-27-2007, 12:52 AM

اما بالنسبة الي فنحن قد صار لدينا عرس

في الصيف الماضي وتحديدا في شهر 8 ميلادي

وكان اغلبه اسلامي وانا شخصيا بفضل العرس الإسلامي

ومن هوووووووون لما يحن وقت عرسي بتكونوا اول الحاضرين اوكي

مشكور يا اخ احمد اكس على هالموضوع اللي فعلا مهم وضروري

دمت في حفظ المولى ورعـــــــــــــــــــــــــــايتــ ــــــــــــــــــــــه

خيـرَ أُمـة

01-27-2007, 02:20 PM

انا من ثلاث اشهر او اكتر كنت ما بحب الافراح الاسلامية لانى

كنت بسمع كلام مستهتر فى حق الافراح الاسلامية

وانا مع الاسف ما حاضرة افراح اسلامية

بس جد بعد الان انا من محبى الافراح الاسلامية

وكفانا الله من شر الافراح الشيطانية بكل بذوبها ومعاصيها

بارك اللـه فيك فلسطيني مرفوع الراس .. مثل ما انت رافع راسك بفلسطين .. ان شاء الله فلسطين رافعة الراس بيك :))

خيـرَ أُمـة

01-27-2007, 02:22 PM

قال تعالى في سورة التوبة: " أفمن أسس بنيانه على تقوى من الله ورضوان خير أم من أسس بنيانه على شفا جرف هار فانهار به في نار جهنم والله لا يهدي القوم الظالمين ﴿109﴾ " صدق الله العظيم

بارك اللـه فيكي .. والله فاتتني هاي الاية .. بارك الله فيكي أختي صاحبة القلم الحزين

خيـرَ أُمـة

01-27-2007, 02:24 PM

موضوع شيق للنقاش
و طبعا ما في بعد الاعراس الشعبية و الواحد عم ببلش حياة جديدة فا متل ما حكيت احمد ليش الانسان يبداها بمعصية ربه
بس في ناس كتير جاهلين بهل موضوع
و شي تاني بطلت توقع على اعراس اسلامية و لا الاعراس الي بتكون فيها موسيقى صار العرس ما بحلى الا اذا كان مختلط
و ربنا يهدي الجميع
تقبل مروري

طول عمرك عاقلة يا نغم

بالنسبة لمشكلة المختلطة فهاي قصة ثانية .. ومصيبة ثانية

وربنا يهدي الجميع

تقبل مروري
قبلنا :matrix:

تسلمي على رمورك نغم
بارك الله فيكي

خيـرَ أُمـة

01-27-2007, 02:26 PM

صحيح
يعني حتى في مدينة الخليل ، الي هي بعتبروها محافظة ، وليست أكثر تدين ، لكنها محافظة على التقاليد ، بصير فيها أفراح بحطو أغاني نانسي وشلتها ،،، لكن ما يميز أفراح الخليل انها مش مختلطة نسوان مع رجال ، بس نسوان ... مش متل المدن التانية ..... طبعا ً أهل العروس بدخلوا خمس دقائق عندها وبطلعو من العرس ..

وأنا حضرت حفلات اسلامية للرجال ، كتير حلوة صراحة ، بكفي بنسمعها وضميرنا مرتاح ،،،،

يسلمو عالموضوع أحمد اكس

موضوع طيب

فعلا معروف انو الخليل محافظة نوعا .. لكن للأسف قضية اغاني وما أغاني الان مرتبطة بالدين وليس بالمحافظة ..

انا شاهدت في الاردن الكثير من العوائل المحافظة لكن اعراسهم باغاني ورقص ووو .. يعني مش ضايل غير يجيبو رقاصة وأرجيلة .. هاد الي ناقص

اللـه يهدي الجميع

تسلم على مرورك يا غالي

خيـرَ أُمـة

01-27-2007, 02:31 PM

ولكن احمد برايي الموضوع غير راجع لك في الاول او الاخير

لا تنسى راي صاحبة الشان الفتاة فهو زفافها ومن حقها ان تختار ما تشاء

اذا على هيك شغلة ما قدرنا نتفق انا وياها فعلى شو بدنا نتفق ؟؟!!!

اما الي بدها فرح شيطاني فأنا فبيت أهلي وهي في بيت أهلها وكفى اللـه المؤمنين شر القتال ..

في اكثير بنات بحبن يكون فرحهن في مرضاة ربنا :))

اما اظن انه في فتاة بتنسى هاد اليوم وما بتحب يكون احلى يوم بحياتها
فعلا كلام سليم .. فان كان الشيطان مسيطر عليها حتطلب يكون شيطاني

لكن ان كان الدين مسيطر عليها وحب ربنا فأكيد حتختار مرضاة ربنا والفوز برضاه في هيك يوم مميز .. يوم لن يتكرر عند معظمنا .. باذن الله طبعا

بعدين ليش مزعل حالك يا زلمة هاي كل الصبايا الي شاركن في الموضوع مؤيدات للأفراح الاسلامية :showoff: ورافضات الشيطانية ..
أكيد هناك صصبايا بدهن اغاني ونانسي وبوس الواوا .. لكن بندعيلهن بالهداية .. ربنا يهديهن ..
ويهدي الشـبــــــــــــاب ... ويرخص الكبــــــاب ..

خيـرَ أُمـة

01-27-2007, 02:32 PM

اكييد العرس الاسلامي

ابو سليم طول عمرك عاقل ورزين

بارك الله فيك من هون ليوم الدين

جيفارا*نابلس

01-27-2007, 02:37 PM

بهذا الموضوع مستحيل نتفق انا وانتا

شكرا الك

في مثل بيحكي

لكل زمان دوله ورجال

خيـرَ أُمـة

01-27-2007, 03:08 PM

لكل زمان دوله ورجال

قل ان صلاتي و نسكي ومحيــــــــــاي ومماتي لله رب العـالمين ..

المسلمممه

01-27-2007, 04:08 PM

والله الصراحه الصراحه ...انا اهلي كلهم على العروس الشيطانيه...كل جمعه وكل شهر..ماشاء الله..

بس انا حالفه مااسويها ....

بس يااخ جيفارا الاسلام مو متشدد زي ماانت متصور ..لا ..

بالعكس العرورس الا سلاميه لها اجابيات كثيره منها...

1- النساء يقدرون ياخدون حريتهم باللبس وبالتبرج..

2_ تنخطب البنت بسرعه...

3- تقدر تاكل على راحتها ههه..

__________________________________

طبعا انا افضل العروس الاسلاميه ..مافيها لاتشدد ولا هم يحزنون ...هذا هو ..الدف ..وهذه الاناشيد الشريفه ..اللي مافيها غزل...واحنا في السعوديه عندنا طقاقات ..<< يعني حريم زنجيات يجون لعروس الحريم ..ومايكون في رجال ابدا ...ويقعدون يضربون على الدف ..وبس ..ولا فيه لاتعقيد ولا تشدد...

جيفارا*نابلس

01-27-2007, 04:11 PM

مسلممه انا ماحكيت تشدد

بس شو ما احلاني رايح اتزوج عند اجانب احكيلهم بدي العرس اسلامي

رح يفكروني بن لادن

المسلمممه

01-27-2007, 04:19 PM

ياجيفارا لا زم تخلي خطيبتك اللي راح تتزوجها تعتنق الدين الاسلامي ولا ترى يصر زواجك باطل...!!!!

الحياه والزواج مو لعبه ؟؟؟ جيفارا انا انصحك ..اتزوج غربيه معليش ..بس مو نصرانيه ...اكيد فاهم عليا..

المسلمممه

01-27-2007, 04:21 PM

((معليش تحول محور حديثنا ...من العروس الى خطيبه جيفارا)) ^^

خيـرَ أُمـة

01-27-2007, 04:23 PM

المسلمممة بصير نتجوز من اهل الكتاب يعني نصارى أو يهود لكن ربنا يقول ((ولأمة مؤمنة خير من مشركة ولو أعجبتكم)) صدق الله العظيم ...

لكن يفترض انك يا جيفارا تحاول تعلمها الدين مستقبلا وتحببها للدين .. لانها ام اولادك حتكون ..

احلى رورو

01-27-2007, 04:25 PM

مشكووور اخووي

والله بالقدس ما بعملو غير اعراس شيطانية

وقليل ما يعملووو اعراس اسلامية

وزي ما قال مؤيد بميز انو الاعراس عنا مش مختلطة

الرجال لحال والنسوان لحال

بس حفلات الرجال بتكونن شعبيه على اسلامية على وطنية

بس النسوان بتكون حفلات شيطانية

وقليل ما يعملو اعراس اسلامية

مشكووور احمد

خيـرَ أُمـة

01-27-2007, 04:28 PM

والله بالقدس ما بعملو غير اعراس شيطانية

اجرى من عنا مش عارفين نحرر القدس :(("""

لا يغير الله ما بقوم حتى يغيرو ما بانفسهم

الله يهديهم ...

بس حفلات الرجال بتكونن شعبيه على اسلامية على وطنية

بس النسوان بتكون حفلات شيطانية

اجرى من عنو أغلب أهل النار من النساء :p

الله يهديهن ..

جيفارا*نابلس

01-27-2007, 04:32 PM

جلطونييي

لا تسموها اعراس شيطانيه

بلشت احس حالي ابليس

والله العرس حتى لو كان بموسيقا غربيه او عربيه مافي من الي بتحكو عنه

الاختطلاط مابيكون مثل ما انتو متصوريين

انا شايف انو عرس عادي بيكون واكيد تقدم نحو التحضر والانفتاح

خيـرَ أُمـة

01-27-2007, 04:42 PM

انا شايف انو عرس عادي بيكون واكيد تقدم نحو التحضر والانفتا

الانفتاح مش معنا انو نتخلى عن عاداتنا وعن تقاليدنا .. وعن أهم شيء عنا والي هوي دينا ..

الرسول صلى اللـه عليه وسلم قالها قبل أكثر من 1400 سنة ... "تتبعن سنن من كان قبلكم حذو القذة بالقذة، حتى لو دخلو جحر ضب لدخلتموه" صدق رسول اللـه ..

وللأسف يا جماعة هذا الي حاصل ..

كان عنا تراث وكان عنا عادات وتقاليد .. وكان دينا الاسلام متوج هاي العادات والتقاليد .. الجيد منها أبقى عليه .. والشيء منها لغاه ..

شغلة ثانية
جيفارا احنا لانا بنحبك بنحكي هيك وبنحب ننصح وبنحب تكون سعيد .. ان كان في أمر زواجك من غربية خير الك فاحنا أكثر الناس الي بتمنو الخير الك .. لكن الواجب عليك انك تعرفها بدينك وتنقلو الها بصورة حسنة وصورة حقيقة ..

الله يهدي الجميع ..

المسلمممه

01-27-2007, 04:48 PM

انت حر ياجيفارا ؟؟

خيـرَ أُمـة

01-27-2007, 05:08 PM

انت حر ياجيفارا ؟؟

خلص المسلممة لعيونك .. ان شاء الله ليوم بنفتح موضوع الزواج من غير المسلمات .. بقصد أهل الكتاب :))

بس ذكريني ..

وأهم اشي يكون أخونا وصاحبنا جيفارا موجود ههههه

نور الهدى

01-27-2007, 05:21 PM

سبحان الله

هون في شباب غربيين ما بدهم يتزوجوا غير عربية مسلمة و اعتنقوا الاسلام لانهم عرفوا عاداتنا و ديننا و مبادئنا

بينما في المجتمعات السلامية في شباب راحوا للغربية و تركوا المسلمة

الله المستعان

براءة

01-27-2007, 05:36 PM

معلش نور لا تعصبي خيتو بعين الله

جيفارا لازم تغير معتقداتك خيو ما بينفع والله هيك

مش احنا يلي بنغضب ربنا حتي ولو مشانو يوم واحد بالعمر

احمد اكس يسملووو ايديك لطرح الموضوع واسفة للتأخير

وعقبال ما اشوفكم عرسان يا رب وافرح فيكم هههههه
.
.
.

جيفارا*نابلس

01-27-2007, 05:49 PM

احمدكس انا بانتظار موضوعك الجديد

خيـرَ أُمـة

01-28-2007, 05:55 PM

معك حق يا نور

انا بعرف واحد امريكي لما أسلم أصر يوخد مسلمة .. وفعلا اتجوز مسلمة

الواحد فينا الأصل يدور على الي تعينو على الطاعةوالعبادة ...

براءة

تيلمو اختي على مرورك الكريم

وعقبال ما انشوف الجميع عرسان يا رب ... ونزفهم بافراح اسلامية وعلى راسهم حبيبي جيفارا :))

جيفارا
مش صار الحكي اتسافر انا مستني ترجع عشان نفتح هيك سيرة :))

جيفارا*نابلس

01-28-2007, 06:16 PM

احمدكس سفري اجلتو شوي

نزل موضوعك

نبض الأقصى

01-28-2007, 09:52 PM

السلام عليكم ورحمة الله وبركاته
شكراً أخي على هذا الموضوع المهم
أولاً أنا كفتاة مسلمة مقتنعة جداً بالعرس الأسلامي ...لأنه الشيء الأصح وأيضاً يكفي أنه لا يغضب الله عز وجل وهذا الأمر الأهم
ومن جهة أخرى الحمد لله الآن يوجد وعي وأغلب الناس لم تعد تعمل أعراس مختلطة
وأصبحت أعراس منفصلة لكن وللأسف تكون الأعراس على أنغام نانسي والعديد من الأغنيات التي ليس لها معنى ...
وكثير منهم يقولون أن العرس الأسلامي فيه أغاني ..نعم يوجد به لكن أناشيد أفراح ذات معاني قيمة ولا تغضب الباري ...يكفي أن النفس تكون مطمئنة.......

خيـرَ أُمـة

01-28-2007, 09:56 PM

بارك اللـه فيكي أختي نبض الأقصى

كلام سليم وربنا يهدي الجميع ..

لولو اليبناوية

01-29-2007, 03:29 AM

مممممممممممممممم
اكيد الله ببارك اكتر بالعرس الاسلامي...
بس في ببالغو بحكاية العرس الاسلامي..
يعني على قولة القرضاوي..
مرة اسمعتو بحكي انو مش والله نحط بالعرس اناشيد بتحكي يا عروس حجي بيت الله
وامني بالرسول وما بعرف شو...
لا يعني يا عروس يا مقطقطة يا مشمشة .........ههههههههه
يسلموووووو الك احمديكس

خيـرَ أُمـة

01-29-2007, 02:18 PM

مرة اسمعتو بحكي انو مش والله نحط بالعرس اناشيد بتحكي يا عروس حجي بيت الله
وامني بالرسول وما بعرف شو...
لا يعني يا عروس يا مقطقطة يا مشمشة .........ههههههههه

هههههههههههههه

مش طبيعي

أكيد مش حجي ولا صومي

على انا حدور على اناشيد اعراس واحطها .. والي عندو ما يبخل علينا :))

شكرا على رايك لولو يا أصيلة ..

احلى رورو

01-29-2007, 06:43 PM

جيفااارا انتا تفكيرك غريب !

وردرودك اغرب ههههههههههههه

جيفارا*نابلس

01-29-2007, 06:48 PM

جيفااارا انتا تفكيرك غريب !

وردرودك اغرب ههههههههههههه

مو مشكل انا هيك مرتاح

بس انا حاسس العكس

احلى رورو

01-29-2007, 08:08 PM

كيف يعني بالعكس

منقوول ابيض بتقول اسود

منقول اسود بتقول ابيض

مع احترامي خيوو

جيفارا*نابلس

01-29-2007, 08:30 PM

كيف يعني بالعكس

منقوول ابيض بتقول اسود

منقول اسود بتقول ابيض

مع احترامي خيوو

المهم انا راضي عن نفسي

ممكن انا غلط وانتو الصح

وممكن انا صح وانتو الغلط

يعني حياتي احتمالات

وانتو احدى الاحتمالات :icon9:

خيـرَ أُمـة

01-29-2007, 08:46 PM

انا بشكر كل الي مرو وعبرو عن رايهم ..

جيفارا كلنا بنحبك وبنحب تكون صح .. والي نصحوك نصحوك من باب حبهم الك ..

لن تجد متدين ترك الدين وتوجه الى الطرب والاغاني
لكنك ستجد الكثير ممن كانت الأغاني همهم وهدفهم لكنهم تابو وكلما تذكرو تلك الايام تجد الحسرة في قلوبهم على الوقت الذي ضاع ..

في هذه الايام نشهد حتى بعض المغنيين يتحولون الى دعاة .. وان سألتهم عن ايام الفن والطرب لقالو بانها اسوأ يايم مرت عليهم وانهم لا يتمنون عودتها ..

انا كنت اسمع الاغاني وكنت من المغرمين بكاظم الساهر وماجدة الرومي كان ذوقي في الكلام الفصيح .. اما الان وبعد ان هداني الله وصرت اسمع القران والاناشيد التي لا تغضب الله صدقني ان سمعت اغنية يضيق صدري ..

فلا يمكن ان يتسع القلب للغناء والقران معا .. هذا شيء مستحيل ..

ربنا يوفق الجميع ويهدينا جميعا ... امين يا رب

ABU-NOUR

01-29-2007, 09:22 PM

ان شاء الله ريتو الف مبروك ..

موضوع الغدا هاد أهم اشي ولا انا شو حستفيد :P .. أهم اشي الغدا :))

بعدين مين أخوك ليكون ابن فلسطين .. اذا ابن فلسطين فانا بخاف لا اسلامي ولا شيطاني .. انا بخاف يطلب من أهلك يعملو ديسكو .... كملت ... بمزح :p

هههههههههههههههه
على الاخر ديسكو بدو يعملو ابن فلسطين ,,

لا مش ابن فلسطين لا واحد تاني في الامارات الان وعلى الصيف ان شاء المولى نازل لنخطبلو ,,

يلا مين عندو بنات ليتزوجو ,, يلا بدنا نقيلو وحدة من هنا ,,
بعدين هو اصغر مدير في العالم ,, مدير شركة موانئ دبي ,, بجد ما بمزح ...

يلا استعدووو ,,,,,,,,,,,,,,,:wacko: :wacko: :icon11: :icon11:

خيـرَ أُمـة

01-29-2007, 09:29 PM

ABU-NOUR

01-29-2007, 09:41 PM

ريتو الف مبروك يا رب ...

مخلاص حلقولهم الأمريكان وما اعطوهم المواني :p

بعدين وينك انا كنت مدير قسم تدريب وعمري 22 ههههههه

بس حسيت انو بدري وتركت الشركة خخخ

عمرك شفت اتيس من هيك هههههه

الله بعين

على العموم بندورلو ولا يهمك :))

وان شاء الله ربنا يرزقو الزوجة الصالحة الي تعينو على الطاعة ..
امين يا رب ..

اميــــــــــن يا رب العالميــــــــــــن ..

ههههههههههههه
بعين الله ,,
يلا اعمللك موضوع يطلب عروسة ... :showoff:

وبعدين ابن فلسطين كمان بيدور على عروسة ,, في حوليكم عروسة زيو ,, .. ههههههههه