ادخلو بسرعة اغنية راب فلسطينية مين ارهابي

[عاشقة فلسطين 212]

بسم الله الرحمن الرحيم

هذا اغنية راب فلسطيني عن معاناة الشعب الفلسطيني ومخاطبا للصهاينة والأمريكان .. هل نحن أرهابيون .. أم هم الإرهابيون.. وردوا علي هل نحن إرهابيون إم الصهاينة والأمريكان هم الإرهابيون..






مين ارهابي؟!!!



مين ارهابي مين ارهابي....

TN



مين ارهابي ؟! انا ارهابي ؟!

كيف ارهابي وانا عايش في بلادي؟!!

مين ارهابي ؟! انت ارهابي!

ماكلني وانا عايش في بلادي!!!!



قاتلني زي ما قتلت جدادي

اتجه للقانون ?! عالفاضي مانت يا عدو

بتلعب دور الشاهد المحامي والقاضي

علي قاضي بنهايتي بادي

حلمك نقل فوق ماحنا اقلية

حلمك الأقلية تصير في المقابر اكترية

ديموقراطية ؟! والله انكم نازية

من كتر ماغتصبتوا النفس العربية

حبلت , ولدت ولد اسمو عملية انفجارية

وهين ناديتنا ارهابية

يعني ضربتني وبكيت , سبقتني واشتكيت

لما ذكرتك انك بديت ,نطيت وحكيت

"مانتوا بتخلوا ولاد صغار يرمو حجار ,ملهمش اهل

يضبوهم في الدار؟!" ايش؟؟

كنو نسيت انو سلاحك ضب الأهل تحت الحجار؟!

وهلأ لما وجعي ثار بتناديني ارهابي؟!!



JOKER



مين ارهابي ؟انا ارهابي ؟!

كيف ارهابي وانا عايش في بلادي؟!

مين ارهابي ؟! انت ارهابي !

ماكلني وانا عايش في بلادي!!



ليش ارهابي ؟! علشان دمي مش هادي , حامي ؟!

علشان رافع راسي وارض بلادي

قتلوا حبايبي , انا لحالي

اهلي تشردوا , راح اضلني انادي

انا مش ضد السلام , السلام ضدي

علي بدو يقضي ,تراثي بدو يمحي

واللي بحكي كلمة بشد ورى همة

بكون زلمة!!بتعملوا منو رمة!

ومين انتو؟!لسا ايمتا كبرتو؟!

اتطلعو اديش اتلتو واديش يتمتو

امياتنا ببكو , ابياتنا بشكو

اراضينا بختفو انا بألكم مين انتو

انت كبرت بدلع احنا كبرنا بفقر

مين كبر في وسع؟! ومين كبر في جحر؟!

صار فدائي , عملتو منو اجرامي

وانت يا ارهابي بتناديني ارهابي





SU



مين ارهابي ؟ انا ارهابي؟!

كيف ارهابي وانا عايش في بلادي؟!

مين ارهابي ؟ انت ارهابي !

ماكلني وانا عايش في بلادي!!



ايمتا ببطل ارهابي ؟! (اه)
لمل تضربني كف واعطيك خدي التاني؟
كيف تتوقع مني اشكر الي اذاني؟

تعرف ايش؟! انت اولي كيف بدك اياني!!!!!

راكع على ركبي وادي مربطات؟!

عيون في الأرض وجثث مزتتات ؟

بيوت مهدومة عائلات مشردات؟

اطفال يتيمة ,حرية كلبشات ؟!

انت اامر , انت ااتل احنا بنأبر

ما علينا بنصبر وجعنا بنستر.

اهم اشي انك تحس بامان

اتريح وسيبلنا الآلام مهو دمنا

دم كلاب , حتى لأ - لما الكلب يموت , في الرفق بالحيوان

يعني دمنا ارخص من دم لكلاب؟!!!!

لأ! دمي غالي وراح ادافع عن حالي

لو تناديني ارهابييييي..



مين ارهابي.......
انت ارهابي.

(منقول)
:s (43): :s (43): :s (43):

[جيفارا*نابلس]

هلا عمي

شكرا على الراب

[عاشق البندقية]

يسلمو خيتي.

^^

[دانة]

مررحبا شو هالاغنية الحلوة
بتجنن
بس لو كانت ملحنة بتصير احلى واحلى
عسولة فلسطين

[WaSeEm.K]

اهاااا رااائعة


بس ما بحب الرااااب

[aBo SaLeeM]

مشكووور خيتوو ع الاغنية

[عبوووش]

لا حلوة بس لو الاغنية نفسها كانت احلى حاولي تحصلي عليها خيتي ومشكووورة جدا

[.:.!دموع الرحيل!.:.]

روعــه

أنـا عنـدي يـاها بتجنن

بس الشباب بيكيفو عليها أكتر

اخوي حبهـا كتير

وكلماتها قوية ..

يسلمو حبيبتي

[Abu Shadi]

انا اسمعتها في حفلة لصاحب الي صحفي
واسمعتها في حفلة عيد ميلاد كانو بغنوها الشباب نفسهم بس في اغنيه صوت الموت معهم
تحيتي الك عاشقة على الكلمات

[barbie]

يسلمووووووو أختي على كلمات الأغنية ،،،، بس يا ريت لو كانت أغنية ،،،،

[بنت الرملة]

أمـــــــــوت عالراب ياناس..

بس لـــــو ملحــــنة بتطلع رهيـــــــبه...

مشــــــــكورة خــــــــيتو...

[.:.!دموع الرحيل!.:.]

هيها يا جمـاعة

مين إرهابي (http://up.9q9q.net/up/index.php?f=sQqiJFOOo)

حملوها من هون ..

لطشتها من قسم الأناشيد

[خيـرَ أُمـة]

عاشقة فلسطين شكرا على الي كتبتي


بس الراب لا من عاداتنا ولا من دينا

معقول مابيعرفو يعبرو عن حبهم لفلسطين غير بطريقة الغرب الي هوي صادق على بيعه فلسطين ..

في أناشيد اسلامية احلى من هيك وكلماتها بترضي ربنا وبدون الحان ولا تقليد للغرب ..

يعطيكي العافية ...

[خيـرَ أُمـة]

الراب صار اسمو اناشيد

يا مثبت العقل والدين يا رب ...

الله يصلحكم ...

[بنت الرملة]

دمــــــــــــــــــــــــــــ ـوع مشكــــــــــــــــــــورة حبيبتي والله روعـــــــــــه روعــــــــــــه..

كنـــــــــــت مقهــــــــــورة ليه موجـــــــــوده الكلمـــــــــات من غير الأنشــــــــــــودة..

مشــــــــكورة حبيبتي كمــــــــــان مـــــــــرة..

[عاشقة فلسطين 212]

يسلمو كتير على مروركم بس بحب احكي ل .:.!دموع الرحيل!.:. اني انا ما بلطش اش طيب و انا ما بعرف هادا الرابط

[خيـرَ أُمـة]

يسلمو كتير على مروركم بس بحب احكي ل .:.!دموع الرحيل!.:. اني انا ما بلطش اش طيب و انا ما بعرف هادا الرابط

البنت بتحكي لطشتها يعني هي الي لطشتها مش انت .. بتحكي عن حالها انها لطشتها

فتحي يا بنتي الله يهديكي ... مش بكفي ناقلالنا اشي ما برضي ربنا ..

[ABU-NOUR]

احمد
http://www.shabab.ps/vb/showthread.php?t=34372

[بنت الرملة]

يسلمو كتير على مروركم بس بحب احكي ل .:.!دموع الرحيل!.:. اني انا ما بلطش اش طيب و انا ما بعرف هادا الرابط


شو مالك حبيبتي ؟؟؟؟

إنتي فاهمة دمــــــوع شو عمـــــلت.؟؟؟؟؟؟؟؟

الله يهديكي يا بنتي ...دموع قصدها تخلينا نسمعها يعني لأنو شافت أنها عجبت كتير من الأعضاء

فقالت تعمل خير فيهم وتحطها صوت وكلمات؟؟؟

بس لا تهمتك إنك سرقتي ولا لطشتي ؟؟؟

إقرأي منيح وبتفهمي شو قصدها ...:icon31: