وش وش وش وش وش

[شاعرة الاحزان]

السلام عليكم روحمه الله وبركاته

الرئيس مبـارك لقـى فانـوس سحـري قام دعكـه فطلعلـه منـه

ابليـس

قاله

شبيـك لبيـك تطلـب ايه؟


قاله

الرئيس: بـص بقـى يا عـم ابليـس انا عمـلت فى الشعـب بتاعـي


كل


حاجـة..قوللي بقى علـى حاجـة جديـدة اعملـها

ابليس قاله: بس كـده..بسيطـة..هـات ودنـك..وش وش وش وش وش


قام الرئيس قاله: ايه ياعـم لعـب العيـال ده..ده كـلام برضـه
؟؟؟؟؟؟؟

>>> قام ابليس قاله: بـلاش دي..هـات ودنـك...وش وش وش وش وش

قام الرئيس قاله: إيه يا عـم ده ...انـت شكـلك ابليـس نص كـمّ

ولاّ ايه ؟

ابليس قاله : معقـول الفكـرة دي مـش عاجبـاك؟!..طـب خـد دي

بقى..وش وش وش وش


قام الرئيس قاله : ياعم انت شكـلك كـده لا ليـك في العفـرته

ولا حاجة..هات ودنـك بقـى أقـولك أنا باعمـل إيه في الشعـب
بتاعي....وش وش وش وش وش


قام ابليس وشه إصفرّ و قاله : يا راجـل اتّـقي الله

[صمت السنين]

ههههههههههههههههههه
تصدقى
حلوه
بس لو على اى حد تانى
وبعدين الريس بتاعنا
احسن من ناس كتير
الواحد بيقول عليه حلو
عشان انا مش عارف اللى هيجاى بعده هيعمل فينا ايه
اهو احسن من غيره
بعد اذنك ماليكش دعوه بالمصرين
ولا ريس ولا شعب
اوك
على العموم تسلمى على الموضوع

[سنا القمر]

مالك عصبت يا وهم .. محرد نكتة ..

[نهال]

اه يا سنا هي مجرد نكتة
بس هي فيها تجريح للشعب المصري
بالذات لما يكون في الاخر يقول اتقي الله
وده معناها واضح

[العيون السود]

على راسنا اهل مصر كلهم

بس ليش الحكي حلوة

[صرخة أنثى]

ههههههههههههههههههههههههههههههههههه ههههههههه بس الحكام التانيين مش ارحم يعني

[منار إبراهيم]

السلام عليكم جميعا ...

هي النكته قديمه وسمعناها قبل كده .

بس على فكرا يا وهم مبارك مش احسن من غيره ولا حاجه وبلاش نضحك على نفسنا بس فى نفس الوقت انا مينفعش اتكلم عن مثلا ياسر عرفات ايام ما كان رئيس او اتكلم عن محمود عباس او اي رئيس عدي على فلسطين احتراما لمشاعر اخوانا الفلسطينيين فى المنتدي .. علشان كده احنا نستحق معامله بالمثل واكيد احنا كلنا اخوات هنا فى المنتدي وتوقع حسن النيه ان اختنا مكنش قصدها تجرحنا وكانت نكته وعدت يا سيدي .

عموما المووضوع من البدايه ملوش لزمه .. سلامي للجميع

[أحلى مايا]

ههههههههههههههه له له له يا جماعة الشغلة بس نكته وخلص لا تزعلة هي بتصتاصد المزح يعني بالعربي اي رئيس عربي احسن من غيرو ويسلمو

[صمت السنين]

الهزار مش يوتصل لدرجه دى
ماله مبارك يا منار
اهو احسن من غيروا
على الاقل الواحد بينام مطمن
مش خايف لا اى دول تهجم عليه
اهووووووووو
حامى البلد من حاجات كتير
والحمد الله على كل شى
وبعدين فى حديث نبوى بيقول
قال رسول الله صلى اله عليه وسلم
اذا غضب الله على قوم صلت عليهم حاكمهم
صدق رسول الله (ص)
مش هقول حاجه تانيه

[منار إبراهيم]

وهم مش عارفه مش ان كان من اللايق اننا نتكلم عن مبارك هنا بما اننا احنا الاتنين مصريين .

انا شايفه ان احنا مش المفروض كعرب نعاير بعض فى حكايه الحكام دي لان ما انيل من ستى الا سيدي وبما انك اتكلمت فى السياسه فانا مش بقدر اوقف نفسي فى الموضوع ده بالذات .

تعرف يا وهم انت ليه مش نفسك ان حد يمسك الحكم من بعدو غيرو او مش شايف حد ينفع لكده لانه اصلا مداش فرصه لاي حد يظهر على الساحه والدليل على كده ايمن نور

وعموما يا سيدي انا شايفه ان اللى انت شايفه امان ده الصمت اللى قبل العاصفه اللى حتاخدنا كلنا انشا الله
وبلاش تحكي عن الامان لان دي الحاجه الوحيده اللى مش موجوده عندنا انت ممكن وانت قاعد فى بيتكوا دلوقت وفى امان الله حد يدخل عليك وياخدك على الحبس من غير سبب ومن غير اي تهمه ولا تقدر تفتح بوئك علشان كده بقولك بلاش والنبي تقول امان دي تانى على مبارك بالذات

عموما انا عارفه انت بتتكلم من اي منطلق انك مصري وغيور على بلدك ومنفسكش حد يتكلم وحش عليها بس الحق لازم يتقال وانا اعتراضي على النكته حاجتيين اولا اشمعنا مصر مع ان وضعها زي كل الدول العربيه و ثانيا اتكلموا عن مبارك بس بلاش الشعب لان اللى الشعب عايزه الستر وبس

انا بس عيزاك تفتح عنيك يا وهم وبلاش التلفزيون المصري تتفرج عليه من هنا ورايح هههههههه

اوعي تزعل منى بس الكلمتين وقفوا معايا وكان لازم اقولهم

[شاعرة الاحزان]

علفكره يا منار اللى انتى متعرفيهوش انى مصريه برضه ومن الاسكندريه كمان
وانا قلت النكته دى لانها فعلا متداوله والموضوع كان بهدف الترويح
اما لو اتكلمنا فى السياسه فحسنى مبارك مش الرئيس اللى يساهل اننا ندافع عنه
لان الرسول برضه قال ان المسلين كالجسد الواحد يشد بعضهم بعضا يعنى اما نلاقى فلسطين والعراق واللى بيحصلهم
واحنا هه عملين معاهده سلام والدور هييجى علينا لان الزمن ده برضه الرسول اتكلم عنه انه هييجى زمان وهيبقى القاده مستضعفين فى الارض
والصحابه سئلوا انهم هيبقول قله قام قالهم انهم هيبقوا كثره وايضا مستضعفين
دى القصه بالعامى لانى مش فاكراها باللغه العربيه اوى
بس ده مجملها ,,,,وبعدين يا اخت منار انا حطيت الموضوع بهدف الضحك لكن لو فتحتى فى السياسه انا مستعده ارد على اى كلمه لانى مقتنعه بكل كلمه قلتها
تقبلى ارق تحياتى
شاعرة الاحزان مع العلم انى مصريه واسكندرانيه

[منار إبراهيم]

طيب احنا طلعنا بلديات بعض انا من اسكندريه برده

الفكره ان مش انا اللى اعترضت لو تاخدي بالك هو اللى اتمسك بالحكايه اوي هو وهم وده علشان غيرته على بلده واتضح لنا كمان حبه لمبارك بس اانا الصراحه متفقه معاكي فى الكلام اللى قلتيه عن الحكام طبعا ولو تلاحظي انا كنت برد على وهم وعموما انا سعيده انى اتناقشت معاكم وعلى فكرا انا بكرهه مبارك برده وده رأيي واكيد وهم مش حيزعل من رأيي ولا ايه ؟

[شاعرة الاحزان]

اخ وهم باذن الله مش هيزعل لان الاختلاف فى الراى لا يفسد للود قضيه
وهو يقنعنى برايه وانا اقنعه برايى من غير زعل يعنى
كويس والله ان احنا بلديات مع بعض هههههههه
تحياتى منار وربنا يخليكى يارب
اختك
شاعره الاحزان

[أبو نضارة]

هههههههههههههههههههههههههههه

[صمت السنين]

انا جيت اهوووووووووو
جالك الموت يا تارك الصلاه
هههههههههههههههههههههههه
انا مش مع مبارك والله
انا مع الحق
هو فعلا يستاهل ان الواحد يدفع عنه
رجل مساك البلد واقتصاد البلد كان زى الزفت
عمل حاجات كتير حلو
وبرود بقول هو عمل حاجات كتير وحشه
يا جماعه يلا بتكلمو عن الحرب
وفلسطين والعراق
انا معاكو
بس مبارك هيحرب لوحده
مش مبارك بس
مش ينفع ان مبارك يحرب امريكا واسرائيل لوحده
لوحارب لوحده هنخسر واقتصاد الدوله هيكون زى الزقت اكتر من الاول
بلاش الحاجات دى
انا ماليش اصلا فى السياسه
انا بكلم ان من الاحترام والزوق والواجب
ان مفيش حد يجرح حد من اعضاء المنتدى
يعنى تعالى مثلا
النكته دى لو نزلت على محمود عباس
اانا بقول مثلاااااااااا
شوفى اللى فى المنتدى هيعملو ايه فى اللى هينزال النكته دى
كل واحد عنده امتناء لبلده اوى لحاكم البلد دى
حته لو هو ايه
او عامل فيهم ايه
وادفع عنه ده من حقى
هو ده قصدى
لكن انا مش حد
يولع مبارك
اعمله ايه
بس من الواجب مش اكتر
وشكررررررررررا
ياريت تفهموا كلامى
وجهه نظرى
مش اكتر

[منار إبراهيم]

انا فهماك يا وهم بس بحاول انى زي ما تقول نتناقش معاك فى حاجه مفيده علشان منكونش مغيبيين ومبارك واتباعه بيلعبوا من ورانا

من الاخر انت يمكن الوحيد فى البلد دي اللى بيحب الراجل ده .

انا شايفه انه معملش اي حاجه و ان كان فى ايده حاجات كتير يعملها ومعملهاش .

يا راجل ده اخر اقتحام كانوا جايبينوا على الجزيره مش فاكره فى اي مكان فى فلسطين و فى نفس الوقت الحج مبارك بيقابل اولمرت .. يا اخي والله لو طرد الراجل الحيوان ده كان ايه اللى خسره على الاقل كان كسب احترام اهل بلده وكل العرب .

وبعديين حروب ايه هو كان مين ممكن يتخيل ان سينا ترجع ؟ اصلا اسرائيل دي ولا حاجه تخيل انت موجوده وسط اعدائها من كل مكان الصراحه انا شايفه لو كل مسلم .. بلاش مسلم لو كل عربي لو كل مصري_ اكتر من 70 مليون _ تف على اسرائيل 0بصق 0 خلاص اسرائيل حتبقى بح

عموما سيبك انت من الكلام الكتير ده كله بس انا نفسي نكون عندنا وعي من اللى بيحصل ورا ضهرنا احنا كمصريين ومن اللى بيحصل للمتظاهريين والصحفيين واللى مرميين فى السجون من غير ذنب .

سلامي للجميع .