بمن تضحي بأهلك ام بحبيبتك ؟ بصراحه

[اسيرة النجوم]

بمن تضحي بأهلك ام بحبيبتك ؟


أيها الشاب وياأيتها الشابه

ايهما تختارون؟


ايها الشاب لو احببت يوما ما فتاة واهلك لم يقبلوا بها زوجه واصرو على الرفض فماذا تفعل ؟


وانتي ايتها الفتاة لو احببتي شخصا واهلك لم يتقتنعو به زوجا ماذا تفعلين هل تتركينه من اجل اهلك ام تضحين باهلك من اجل من تحبين

[صرخة أنثى]

سؤال صعب كتير بس مش مستعدة اعيش طول عمري مغضوبة الوالدين
بس بضحي بكتير اشياء عشان الحبيب وبالنهاية الله كاتب كل اشي



ويسلمو ياعسلللللل

[أحلى مايا]

سؤال صعب وخاصة لسا ما جربنا نحب يعني بس ما اتوقع اضحي باهلي مجرد انسان مابعرف اخرتو منيح ولا لا وكل شي نصيب يسلمو كتييييييير

[صاحبة القلم الحزين]

و لا مرة أضحي بأهلي او ابعد عنهم او اغضبهم
و لا عشان اي شي بالدنيا
اما بالنسبة للحبيب
فكل شي قسمة و نصيب
و اذا كان من نصيبي
غصب عني و عن اهلي و عن الكل الدنيا
راح يكون الي

[WaSeEm.K]

سؤال طلعا كثير صععععب


بس بالأخر اكيد رح اختار اهلي

[نهال]

تصدق يا اختي والله العظيم اني لسة كنت من شوي بحكي مع صديقتي في ها الموضوع
وقالتلي انه خايفة ابوها يرفضوا حبيبها
قلتلها لو انتي فعلا بتحبيه دافعي عن حبك لاله
بس انا لما قلتلها ها الكلام
قلتلها اياه وانا مقتنعة بكلامي لانه ابوها شديد عليها زيادة عن اللزوم
بس على العموم لو هي فعلا نصيبها فيه رح تتزوجه رغم العالم كله
ولو مش نصيبها فهي مهما عملت ما رح يكون من نصيبها
بس الانسان بيعمل وبالباقي على الله
وانا بصراحة لو كنت مكانها كنت عملت زي ما قلت بس لما اواجه اهلي رح اواجه بعقل مش بغباء
وشكرا اختي ونعتذر عن الاطالة

[العيون السود]

شكرا الك على الموضوع

بالنسبة الي اذا احببت هذا الشخص اكيد راح احاول اقنع الاهل
بس اذا ما رضيوا ما راح اخالفهم
بس اكيد راح يكون الوضع صعب

[بنت الاقصى]

بصراحة تامة انا مع الاخت نهال فى كل ما تقول
واتمنى من صديقتك ان تفعل كما قلتى

[جيفارا*نابلس]

مش مستعد اضحي ولا بحد ولا اضحي عشان حد

لان لا احد بيستاهل التضحبه

اهلي على عيني وراسي

ولكن نحن في زمن اللهم نفسي اللهم نفسي

[رأفت]

اسباب الرفض يجب ان تكون مقنعة ... و وجهة النظر يجب ان اقتنع بها ..

فان اقتنعت بالاسباب ووجهة النظر ... سافكر بالموضوع ..

و ان لم اقتنع ... لن اضحي بمن احببت من اجل اسباب او وجهات نظر استبدادية ..

و الاهل بالنهاية رح يرضو ...

و ما في حد بالدنيا بكره سعادة ابنو ...

تحياتي الك ....

[دالية الخليل]

بصراحة التضحيه لما تكون من عند البنت غير عن الولد لان الولد بحسو مستعد يضحي عشان الي بدو اياه لانو بالاخير اهلو رح يرضو ابنهم هاد بس من ناحية البنت بحسها صعبة وفعلا انو اول اشي ببتفاهم مع الاهل ليش مثلا رفضو او مش راضيين وتشرح وضعهها وفي النهاية لا هي رح تقرر ولا اهلي الي الله كاتبو رح يصير وكل واحد بياخد نصيبو بهالدنيا وطبعا ما بننسى الدعاء

[خيـرَ أُمـة]

http://www.shabab.ps/vb/showthread.php?t=33176

[وردة حماه]

شكرا ع الموضوع و بصراحة فعلا الموضوع صعب شوي يعني بهي الحالة ا لحبيب غالي و الاهل غاليين و لو صرلي فرصة أضحي بنفسي لأسعدهم لأني ما بقدر أتخيل حياتي من دون ناسي الغالية اللي هن أهلي و حبابي ...

[خيـرَ أُمـة]

اللـه يهديكو

[قمر الخليل]

وانتي ايتها الفتاة لو احببتي شخصا واهلك لم يتقتنعو به زوجا ماذا تفعلين هل تتركينه من اجل اهلك ام تضحين باهلك من اجل من تحبين

ممكن اضحي بأشياء كتيرة بس

لا ما بضحي بأهلي ولا مرة ...

ازا حبيت حدا بحاول اقنعهم فيه وبأفكاري ... ازا ما وافقو خلص قسمة ونصيب

ولو كان من نصيبي ولا قوة بتمنعو انو نكون لبعض وغصبن عن الكل بدي اخد نصيبي ... الي كاتبو الله

يسلمو كتير حبيبتي

[احلى رورو]

بديش اجاوب ههههه

[نسيم الروح]

سبئ وضحيت باغلي شي كان بحياتي ما رح احكي بمين
بينهم بس المهم اني ضحيت
بس الطبيعي انه التضحيه للبنت كتير صعبه اصعب من الي عند الولد
متل ما زكرتوا قبل
حتى لو وصلت لاعلى درجه من درجات الحب ببقى صعب
انا يمكن ضحيت وما ندمت لاني رجعت للي ضحيت في بالبدايه ويمكن لو الي صار ما صار
ما كنت برجع او حتى بحاول
المهم انه شو ما كان الواحد ما لازم يضحي باهله لانه ممكن يحب مرة تانيه
بس اكيد ما بينسى الحب الاول
بس ما بيلاقي بدل اهله حد وما بلاقي اهل تانين