*||كرســــــــــــــــــي الاعتـــــــــراااااف ||* [الأرشيف]

ريما الفلسطينيه

01-14-2007, 02:42 PM

مرحبــــــــــــــــــــــــــااااا ..

زمااااان عن كرسي الاعتراااف ..وكان اخر الضحيا انــــــــوس :showoff:

وحبيت نرجع نفتح هالموضوع بس مع ضحيه جديده ...

اخترت ""ايـــــــــــمن"" يكون الضحيه هاي المره ..

وياريت ما حد يرحمو ..:icon7: :icon7:

رح ابلش انا بالاسئله ...

1- شو رايك بالمنتدى ؟؟

2- موقف اتندمت عليه ؟؟

3-شو امنيتك يلي نفسك تتحقق؟؟

واخر شي شو رايك بهالاعضاء ..

* دمــــــوع الرحيــــل ::

* نسريــــنا ::

* شهــــد ::

* بنت الرمله ::

* مجهول ::

* محمود ::

* بوهبه ::

* انوس::

* ساره ::

والنا رجعــــــــــه..^^

ayman

01-14-2007, 03:40 PM

اول شي مشكورة يا ريما ....ما القيتي غير انا اكون ضحية ههههه....

1- شو رايك بالمنتدى ؟؟

منتدى مفيد وبيجمع شمل شباب فلسطين من الداخل والخارج .

2- موقف اتندمت عليه ؟؟

كتير في مواقف بتندم عليها ...لكن ما في شي محدد.

3-شو امنيتك يلي نفسك تتحقق؟؟

امنيتي ادخل فلسطين .....وانشالله بالقريب العاجل راح تتحقق.

واخر شي شو رايك بهالاعضاء ..

* دمــــــوع الرحيــــل ::

مشرفة قديرة تستحق الثقة والاحترام.

* نسريــــنا ::

مشرفة دائما مع الحق وبعيدة عن التصنع وتستحق الاحترام.
* شهــــد ::

مشرفة اماراتية بنعتز بوجودها بينا ولها كل التقدير .

* بنت الرمله ::

مشرفة على قدر عالي من المسؤولية وتستحق التقدير والثناء.

* مجهول ::

عضو مشتاقله خيرات الله ومن زمان عنه ...من اطيب واروع الاعضاء...وطمني عنك يا خالد .

* محمود ::

مدير بيتعب مع الاعضاء واله كل الاحترام ....الله يرضى عليك ..

* بوهبه ::

عضو مهذب ويحترم من هو اكبر منه سنا ...وله مني كل الاحترام ..

* انوس::

عضو من اذكى من عرفت ...وله مستقبل زاهر ...واتمنى له التوفيق باذن الله .

* ساره ::

عضوة محترمة وتحب الاخرين وروحها مرحة ...الله يوفقها.

والنا رجعــــــــــه..^^

بتشرفي بأي وقت .

سارة

01-14-2007, 07:58 PM

ايمن انا عندي فضول اعرف ليش اخر مره قلتلها لريما ما اتخربي الاهدائات

تاريخ ميلادك

الدول الي انت زرتها ؟؟؟ اجمل دوله زرتها؟؟؟

فراشة

01-15-2007, 01:10 PM

السلام عليكم ... منور الكرسي اخي ايمن ...

عندي شوية اسئلة ويارب ما اتئل عليك ...

اول شي ايش اكتر شي ما بيعجبك بالمنتدى ؟؟

تاني شي مين قدوتك بالحياه بعد الله ورسولة ؟؟

واخر شي من اكتر عضو بتحبو وبتعجبك افكارو بالمنتدى ؟؟

يعطيك العافية ...

ayman

01-15-2007, 01:24 PM

ايمن انا عندي فضول اعرف ليش اخر مره قلتلها لريما ما اتخربي الاهدائات

اهلا سارة ...لانه الاهداءات صارت للحكي الفاضي وطق الحنك ووصلت مرحلة لبعض الاعضاء يكتب قصة حياته عن طريق الاهداءات ..ولانه الاهداءات واجهة شباب فلسطين فمن المفروض تكون هاي الواجهة مشرفة للجميع .

تاريخ ميلادك
12/6/1980

الدول الي انت زرتها ؟؟؟

كندا....فرنسا......المانيا ...الامارات ....العراق...سوريا ....مصر ...تركيا ....ليبيا ....لبنان ....السعودية .الصين ..امريكا ..

اجمل دوله زرتها؟؟؟

كندا .

هلــون

01-15-2007, 01:29 PM

اولا كيفك وشو اخبارك ^^

سؤالي دايما للجميع ..

بتحب القطط ولا لأ ؟؟؟

ayman

01-15-2007, 01:30 PM

السلام عليكم ... منور الكرسي اخي ايمن ...

عندي شوية اسئلة ويارب ما اتئل عليك ...

وعليكم السلام والاكرام اهلا وسهلا فراشة ...حللت اهلا ووطئت سهلا ..

اول شي ايش اكتر شي ما بيعجبك بالمنتدى ؟؟

كثرة الدردشة في المواضيع والاهداءات.في كتير مواضيع بدخلها بتكون دردشة علنا ...

تاني شي مين قدوتك بالحياه بعد الله ورسولة ؟؟

بكل صراحة ما في حدا .

واخر شي من اكتر عضو بتحبو وبتعجبك افكارو بالمنتدى ؟؟

كل الاعضاء خير وبركة وكلهم تقريبا متل بعض .[/B]

ayman

01-15-2007, 01:34 PM

اولا كيفك وشو اخبارك ^^

اهلا هيلن ...انا الحمدلله بخير واموري تمام ..

سؤالي دايما للجميع ..

بتحب القطط ولا لأ ؟؟؟

لا

ريما الفلسطينيه

01-15-2007, 01:49 PM

وانا كمان عندي سؤال...بتحب الكلاب !!!!

وازا حد طلب منك كلب بتجيبلو!!!..:showoff:

وشو اكتر شي بتكرهو بهالدنيي؟؟؟

Banbon

01-15-2007, 09:54 PM

مـــــــــــرحبا

كيفــــك ؟؟
انشالله تكون بخيــــــر ...

أكتر صفه سيئه و بتكرهها عند الاشخاص ؟؟؟

شو رأيك ...
اي المجالين أفضل ..... (((( علمي ... أو ..... ادبي ))))
و السبب ؟؟؟

ما هو مجال دراستك ..... و ماذا تعمل ؟؟

شو هدفك بالحياه (( الدنياويه فقط ))) ؟؟؟

شو هيه اكتر المواضيع اللي ما عجبتك بالمنتدى ؟؟
((((عندي احساس اني عارفيتهم ...بس بدي اتاكد))) ^_*

alaa_sabbah

01-15-2007, 09:58 PM

انا بشوف يا بنبون العلمي افضل
لكن بحس ايمن ادبي
لانه شاعر

نونو الحلوة

01-15-2007, 10:16 PM

شو هالحلا يا أيمن منور الكرسي
انا ما بحب اسأل كتير، هو بس سؤال واحد
* كيف بتنظر للفلسطينية اللي بعيشوا برا فلسطين؟؟؟
ويعطيك العافية

قمر الخليل

01-15-2007, 10:56 PM

ايييييييييييييمن

ههههههههههههه

اول سؤال

ايمتى اخر مرة رحت فيها عالجاردنز؟؟ واكلت كنافة من السهل الاخضر من هناك؟؟ واشتريت خبز من مخابز غيث

هههههههههههههههههههههههههههه

كيفك؟؟ ان شالله تماموووووووو وقعت وما حدا سما عليك

شو اكتر شي بتحبو؟؟

شو درست؟؟

كيف بلشت مشوارك مع الشغل؟؟

شو بتشتغل بالشركة؟؟

وليش لما اجيت عالامارات ما جبتلي كنافة معك هههههههههه

نورت الكرسي

برجعلك بعدين اييييييييييمن

بحسك جنتل ماااااااان كتير كتير شخصيتك حلوة

هلــون

01-16-2007, 10:46 AM

كنت حابه اسئلك .. بطلت ..

ليش ما بتحب البسس؟؟؟؟؟؟؟؟؟؟؟؟؟؟؟؟؟

نرمين

01-16-2007, 11:18 AM

مرحبا اخ ايمن

عندي الك كم سؤال عالسريع والي رجعة مرة تانية

1- اسمك الحقيقي ايمن ولا هوا اسم مستعار؟
2- ماهي هواياتك المفضلة؟
3- اكتر صفة بتحب انك تشوفها في جميع الأشخاص اللي بتعرفهم واللي ما بتعرفهم؟
هل انت بتدرس بالجامعة وازا كان الجواب اه باي سنة وايش تخصصك؟
كم اخ واخت الك؟
6- هل انت اكبر اخوانك ؟

الي رجعة ولكن بعد بكرة ( يعني هيك الصبحيات ان شاء الله هاااااااااد ازا ماسافرت عالسعودية _ لأنه من المحتمل انه نسافر يوم الاربعاء او الخميس على هوى فتح المعبر)

اتمنى انه ما اكون ثئلت عليك بالاسئلة

دمتم في حفظ المولى ورعايته

rame

01-16-2007, 11:31 AM

اهلا ايمن منور يا مان

انا عندي شوية اسألة هي يللي خطرت على بالي
1 : شو شعورك تجاه الفئران
2 : متى اخر مرة اكلت فيها بهدلة
3 : كم صديق الك
4 : شو اكتر حاجة بتحب تعمليها
5 : بتحب البحر ولا لأ وليش
6 : لو شفت يهودي شو بيكون شعورك تجاهو

ayman

01-16-2007, 01:32 PM

وانا كمان عندي سؤال...بتحب الكلاب !!!!
لا

وازا حد طلب منك كلب بتجيبلو!!!..
لا

وشو اكتر شي بتكرهو بهالدنيي؟؟؟

الانسان المتكبر ..واللي شايف حاله على خلق الله ..

ayman

01-16-2007, 02:01 PM

مـــــــــــرحبا

كيفــــك ؟؟
انشالله تكون بخيــــــر ...

اهلا بنبون ...الحمدلله على السلامة ..طولت الغيبة ...
انا الحمدلله بخير وعافية .

أكتر صفه سيئه و بتكرهها عند الاشخاص ؟؟؟

التعالي والتكبر على الاخرين ...وخاصة اذا شعر انه الاخرين مهتمين فيه .

شو رأيك ...
اي المجالين أفضل ..... (((( علمي ... أو ..... ادبي ))))
و السبب ؟؟؟

كل مجال له حسناته وسيئاته ...ولكن المجال العلمي يتميز بالسعة ، يعني مجاله اوسع من ناحية التخصصات.

ما هو مجال دراستك ..... و ماذا تعمل ؟؟
بكالوريوس محاسبة ...ماجستير ادارة اعمال .........مدير شركة (انا مالكها ) والملك لله وحده.

شو هدفك بالحياه (( الدنياويه فقط ))) ؟؟؟

افتح سوق خاص بعملي في الوطن العربي ...والحمدلله تم فتح سوق بامارة رأس الخيمة وفي الاشهر القادمة سيتم نقله لامارة ابو ظبي لانها اكتر امارة عجبتني وحبيتها .وانشالله في القريب العاجل في مصر .

شو هيه اكتر المواضيع اللي ما عجبتك بالمنتدى ؟؟
((((عندي احساس اني عارفيتهم ...بس بدي اتاكد))) ^_*

المواضيع اللي ما الها لا طعم ولا لون ولا رائحة ...وانا متاكد انه احساسك بمكانه ..

ayman

01-16-2007, 02:07 PM

انا بشوف يا بنبون العلمي افضل
لكن بحس ايمن ادبي
لانه شاعر

اهلا علاء ...شو رايك تيجي تقعد مكاني هههه....
لا شاعر ولا شي يا علاء ...كل الاحترام لشخصك الكريم .

ayman

01-16-2007, 02:20 PM

شو هالحلا يا أيمن منور الكرسي
انا ما بحب اسأل كتير، هو بس سؤال واحد
* كيف بتنظر للفلسطينية اللي بعيشوا برا فلسطين؟؟؟
ويعطيك العافية

تسلمي نونو الحلوة ...منور بوجودك ..

الشعب الفلسطيني خارج فلسطين ...شعب مكافح ومناضل من الطراز الاول ..عانى الكثير الكثير وما زال يعاني من حرمان لوطنه ومن استبداد الانظمة العربية له ..هذا باختصار شديد ..وفي نفس الوقت العالم كله يقف احتراما واجلالا لما يقدمه الشعب الفلسطيني في الخارج لنفسه ..وكيف استطاع ان يقف على قدميه شامخا رافعا راسه ..الكلام في هذا السياق طويل جدا ..ومهما كتبت لن اوفي بحق الشعب الفلسطيني المحروم من وطنه .

والله يعافيك.

ayman

01-16-2007, 02:38 PM

ايييييييييييييمن

ههههههههههههه

اول سؤال

ايمتى اخر مرة رحت فيها عالجاردنز؟؟ واكلت كنافة من السهل الاخضر من هناك؟؟ واشتريت خبز من مخابز غيث

هههههههههههههههههههههههههههه

اهلا وسهلا قمر الخليل ....شرفتي .
من مدة طويلة ما رحت ..ضروري تزكريني ، هلا جاي على بالي اكل كنافة نابلسية هههههههه..

كيفك؟؟ ان شالله تماموووووووو وقعت وما حدا سما عليك

شو اكتر شي بتحبو؟؟

الحمدلله ...الحق على ريما ..ما لقيت غيري ..ههه.

اكتر شي بحبه ...راحة البال .

شو درست؟؟

بكالوريوس محاسبة ..ماجستير ادارة اعمال .

كيف بلشت مشوارك مع الشغل؟؟

اتخرجت من الجامعة بكالوريوس ومباشرة كملت ماجستير ..واستلمت مدير لشركة ..وبعدين صار شغلي الخاص .

شو بتشتغل بالشركة؟؟

مدير عام ..

وليش لما اجيت عالامارات ما جبتلي كنافة معك هههههههههه

حقك علي ...في الي كمان طلعة على الامارات ..بجيبلك معي ..ههههههه ..تكرمي .

نورت الكرسي

برجعلك بعدين اييييييييييمن

بحسك جنتل ماااااااان كتير كتير شخصيتك حلوة

منور بوجودك ..بتشرفي بأي وقت ...وهادا من ذوقك الرفيع ..شكرا .

ayman

01-16-2007, 02:41 PM

كنت حابه اسئلك .. بطلت ..

ليش ما بتحب البسس؟؟؟؟؟؟؟؟؟؟؟؟؟؟؟؟؟

هههههههههه ...لانه البسس اللي في الاردن مش مبين عليهم بسس ..مبين عليهم كلاب من كتر كبرهم ..
واهلا وسهلا هيلن بتشرفي بأي وقت .

نونو الحلوة

01-16-2007, 09:32 PM

أيــــــــــــــــــــــــــــــــو ا يا أيمن
انت أدها وأدود للكرسي
هههههههههههههههههههههه

قمر الخليل

01-16-2007, 10:02 PM

ايييييييييييييييمن

سؤال

شو ناوي تعمل هلأ؟.؟

اتضلك مدير ..؟؟؟ ووين ناوي تسكن؟؟

وهل ناوي تشتغل برا

واديش عمرك؟؟

وكنت شاطر بالمدرسة والا لا هههههههههههههههه

هل بتنصحني اكمل جامعة بالاردن او الامارات او بالخليل؟؟ مع العلم انوووووووو حابة الجامعة الاردنية

Banbon

01-17-2007, 10:01 AM

صحيح .... اما كمان بدي أسالك.. متل ما سألتك (( قمر الخليل ))
شو الاحسن ...أدرس بالامارات .. ولا بعمَان
صح انه موضوع بكير علي ...يعني بعد سنتين....بس لانه انا عم بفكر كتير بالمستقبل ..
انت شــــــــــــو رأيك ؟؟

و في كمان أسئله من عندي

انت من أي بلد بفلسطين ؟؟؟

شو رايك بوضع فلسطين هالايام ؟؟

شخصيه مشهوره بتحبها ؟؟ و السبب ؟؟

وين و بشو بتقضي وقت فراغك .و الاجازات.؟؟

وين مقيم بالاردن؟ شو رايك بالاردن ؟؟ شو اكتر شي بيعجبك فيها؟؟ ^_*

شو أكلتك المفضله ؟؟

برنامجك التلفزيوني المفضل ؟؟

موقع الكتروني مفضل ؟؟

وشكراً ..........و اسفه اذا تقلت عليك ....

بنت الناصرة

01-17-2007, 10:31 AM

:s (12): وانا كمان حاابه اشارك بالموضوع مع اني ما بعرف حد هون بس ان شاء الله مع الايام بنعرفكم

عندي كم سؤال :icon9:

* أكتر صفه محبوبه فيك ؟
* اكتر صفه غير محبوبه فيك ؟
* شو بتعني الك الكلمات التاليه :
الأم .. الأب .. الوطن .. الصديق .. الفراق .. الحب .. الذكرى .. الدنيا .. الأمل .. الأيام .. القلوب .. القدر .. الحرية و اخيراا نفسك :icon31:

خلصت الاسئله
بتمنى اني ما اكون ثقلت عليك

احترامي و تقديري

anos

01-17-2007, 04:32 PM

والله منور الكرسي يا عسل

سؤالي صغير

من وين اصلك بالزبط بفلسطين ؟؟

شهد الحياة

01-17-2007, 04:44 PM

مسااء الخير ،، منور أيمن

شو اكثر مكان بالإمارات عجبك وأكثر إماره حبيتها ؟؟

ayman

01-18-2007, 10:57 AM

مرحبا اخ ايمن

عندي الك كم سؤال عالسريع والي رجعة مرة تانية

اهلا نرمين ..شرفتي .

- اسمك الحقيقي ايمن ولا هوا اسم مستعار؟

هادا اسمي الحقيقي .

2- ماهي هواياتك المفضلة؟

السباحة.

3- اكتر صفة بتحب انك تشوفها في جميع الأشخاص اللي بتعرفهم واللي ما بتعرفهم؟

التواضع مع حب الاخرين .

هل انت بتدرس بالجامعة وازا كان الجواب اه باي سنة وايش تخصصك؟

لا .انهيت دراستي .

6- هل انت اكبر اخوانك ؟

لا .

الي رجعة ولكن بعد بكرة ( يعني هيك الصبحيات ان شاء الله هاااااااااد ازا ماسافرت عالسعودية _ لأنه من المحتمل انه نسافر يوم الاربعاء او الخميس على هوى فتح المعبر)

اتمنى انه ما اكون ثئلت عليك بالاسئلة

دمتم في حفظ المولى ورعايته

تروحي وترجعي بالسلامة والله معك..وبتشرفي بأي وقت .

ayman

01-18-2007, 11:09 AM

اهلا ايمن منور يا مان

انا عندي شوية اسألة هي يللي خطرت على بالي

يا هلا رامي ...منور بوجودك .

: شو شعورك تجاه الفئران

شي مقزز.

2 : متى اخر مرة اكلت فيها بهدلة

من مدة طويلة .

3 : كم صديق الك
3

4 : شو اكتر حاجة بتحب تعملها
المشي.

5 : بتحب البحر ولا لأ وليش

انا بعشق البحر ...البحر بيساعدني على الراحة وبشعر من خلاله بالطمانينة والسكينة والهدوء ..

: لو شفت يهودي شو بيكون شعورك تجاهو

عادي جدا ..شفت يهود في دول اخرى ..وشعوري عادي لانه انسان متلي متله حتى لو اختلفنا بالديانة لكن من واجبي اعامله كانسان اله احترامه ومكانته ، ...عدا عن ذلك في منهم رافضين اللي بيصير في فلسطين ...

ayman

01-18-2007, 11:13 AM

أيــــــــــــــــــــــــــــ ــــو ا يا أيمن
انت أدها وأدود للكرسي
هههههههههههههههههههههه

مشكورة نونو الحلوة ..

ayman

01-18-2007, 11:23 AM

ايييييييييييييييمن

سؤال

شو ناوي تعمل هلأ؟.؟

اتضلك مدير ..؟؟؟ ووين ناوي تسكن؟؟

نعم راح اضلني ....راح اضل بالاردن ..

وهل ناوي تشتغل برا

في الي شغلي الخاص برا .

واديش عمرك؟؟

26 سنة .

وكنت شاطر بالمدرسة والا لا هههههههههههههههه

يعني ...ههه

هل بتنصحني اكمل جامعة بالاردن او الامارات او بالخليل؟؟ مع العلم انوووووووو حابة الجامعة الاردنية

تعتبر الجامعات الاردنية من اقوى الجامعات في الوطن العربي ،وخاصة الجامعة الاردنية ..وانا بنصحك تكملي بالاردن ..لكن كل شخص عنده ظروفه ..وعلى فكرة انا خريج الجامعة الاردنية .

ayman

01-18-2007, 11:56 AM

صحيح .... اما كمان بدي أسالك.. متل ما سألتك (( قمر الخليل ))
شو الاحسن ...أدرس بالامارات .. ولا بعمَان
صح انه موضوع بكير علي ...يعني بعد سنتين....بس لانه انا عم بفكر كتير بالمستقبل ..
انت شــــــــــــو رأيك ؟؟

التفكير بالمستقبل يعتبر من الضروريات لكي يستطيع الفرد ان يضع اهدافه التي عليه تحقيقها .
وانا بنصحك انك تكملي بالاردن ...لكن متل ما حكيت قبل كل شخص اله ظروفه ...

و في كمان أسئله من عندي

انت من أي بلد بفلسطين ؟؟؟

من الرملة .

شو رايك بوضع فلسطين هالايام ؟؟

ما يجري على الارض الفلسطينية ،ينذر بمنحنى خطير لم يسبق لهذه القضية المركزية ان بلغته في تاريخها ، فالفلسطينيون لم ينقسموا على هذه الصورة التناحرية منذ وعد بلفور وحتى صعود حماس المفاجئ والكاسح بعد تاسيسها عام 1988م ...الكارثة التي تنتظر الفلسطينين هي الاستراتيجية التي بدات اسرائيل بتنفيذها وهي خلق كيانين منفصلين احدهما في الضفة الغربية تحت سلطة فتح والثاني في غزة بقيادة حماس مما يجهض عمليا حلم الدولة الفلسطينية التي التزمت بها اسرائيل بموجب خطة خارطة الطريق المدعومة من الولايات المتحدة الامريكية ولاخراج هذا السناريو ،فقد فرضت اسرائيل انفصال غزة الجغرافي عن الضفة وطوقتها بسياج ثم اقامت جدارا عازلا حول الضفة وجعلت العبور بينهما شبه مستحيل ، مما فرض عزلة اقتصادية اضافة للعزلة الجغرافية ، ثم زاد الطين بله العزلة السياسية التي التي فرضت على غزة باعتبار حماس حصنها الحصين .
واذا لم يتم الاتفاق بين القوى الوطنية الفلسطينية فان الكارثة اصبحت مؤكدة الوقوع ..ويكون ضحيتها الشعب .

شخصيه مشهوره بتحبها ؟؟ و السبب ؟؟

بمعزل عن الدين ....احب شخصية المناضل د. جورج حبش (القائد السابق للجبهة الشعبية لتحرير فلسطين )
ضحى في سبيل القضية الفلسطينية ..وقدم الكثير الكثير للشعب الفلسطيني الداخل والخارج ..

وين و بشو بتقضي وقت فراغك .و الاجازات.؟؟
ما في شي محدد.

وين مقيم بالاردن؟ شو رايك بالاردن ؟؟ شو اكتر شي بيعجبك فيها؟؟ ^_*

عمان ........ما في شي بيعجبني فيها ..

شو أكلتك المفضله ؟؟
المقلوبة .

برنامجك التلفزيوني المفضل ؟؟

ما في برنامج ...لكن باستمرار بكون اتابع الجزيرة .

موقع الكتروني مفضل ؟؟
ما في ..

وشكراً ..........و اسفه اذا تقلت عليك ....
العفو ...ابدا ..بتشرفي بأي وقت .

ayman

01-18-2007, 01:24 PM

وانا كمان حاابه اشارك بالموضوع مع اني ما بعرف حد هون بس ان شاء الله مع الايام بنعرفكم

عندي كم سؤال
اهلا وسهلا بنت الناصرة ..

* أكتر صفه محبوبه فيك ؟
صدقا ما بعرف ..

* اكتر صفه غير محبوبه فيك ؟

العصبية ..
* شو بتعني الك الكلمات التاليه :

الأم ..
حينما انحني لاقبل يديها، واسكب دموع ضعفي فوق صدرها ، و استجدي نظرات الرضا من عينيها. .حينها فقط . . اشعر باكتمال رجولتي..

الأب ..
على عيونه رسمت حروف الامل والاماني ، وعزفت رموشه اغلى انشودة حلم ما لها ثاني .

الوطن ..
وطني ،ذلك الحب الذي لايتوقف وذلك العطاءالذي لاينضب ايها الوطن المترامي الاطراف ايها الوطن المستطون في القلوب انت فقط من يبقى حبه وانت فقط من نحب.....وطني ارجو العذر ان خانتني حروفي وارجو العفو ان انقصت قدرا فما انا الا عاشقا احاول ان يتغنى بــ بحب هذا الوطن..

الصديق ..

هو الذي يكون معك في السراء و الضراء و في
الفرح و الحزن و في السعة و الضيق و في الغنى و الفقر...

الفراق ..
حزن كلهيب الشمس يبخر الذكريات من القلب ليسمو بها الى عليائها فتجيبه العيون بنثر مائها ..لتطفئ لهيب الذكريات ..

الحب ..
بدون تعليق..

الذكرى ..
ماض نحب استرجاعه ..

الدنيا ..
سجن المؤمن وجنة الكافر..

الأمل ..

الامل هو الطريق الطويل المغمور بالطموح المستقبلي عند الانسان ...

الأيام ..

دولاب متحرك ..لا يمكن ايقافه ..

القلوب ..

هي قوة لا تبقى على حال، انها تتحول باستمرار وتتقلب باستمرار..

القدر ..

الايمان بقدر الله سبحانه وقدرته ومشيئته ، ومعرفتنا بعجزنا، وحاجتنا الى خالقنا ، نكون صادقين في توكلنا عليه ناخذ بالاسباب التي قدر الله اقدارها ، ونطلب من ربنا العون على ما نعجزه ، ونردد في يقين قول الله : ( قل لن يصيبنا الا ما كتب الله لنا هو مولانا وعلى الله فليتوكل المؤمنون)..

الحرية

الحرية ان تؤمن بحريتك وتعترف بحدودها .. والاجمل ان يستشعر الانسان قيمة حريته..

و اخيراا نفسك

كباقي الناس ..

خلصت الاسئله
بتمنى اني ما اكون ثقلت عليك

احترامي و تقديري
اهلا وسهلا ...ما في اي غلبة ..

ayman

01-18-2007, 01:27 PM

والله منور الكرسي يا عسل

سؤالي صغير

من وين اصلك بالزبط بفلسطين ؟؟

اهلا انوس ...منور بوجودك ...

اصلي من الرملة ..

سارة

01-18-2007, 01:29 PM

السلام عليكم

ايمن شو اسم الشركه الي انت صاحبها ؟؟؟؟

من وجهة نظرك مجال البزنس هل له مستقبل بالامارات؟؟؟؟

ayman

01-18-2007, 01:30 PM

مسااء الخير ،، منور أيمن

شو اكثر مكان بالإمارات عجبك وأكثر إماره حبيتها ؟؟

مساء النور ..اهلا شهد الحياة ..

اكتر مكان عجبني (المبزرة ) .......واكتر امارة ( ابوظبي والعين ) نفس الشي ..

ayman

01-18-2007, 01:32 PM

السلام عليكم
وعليكم السلام والاكرام سارة ..شرفتي ..

ايمن شو اسم الشركه الي انت صاحبها ؟؟؟؟

شركة رماح ..

من وجهة نظرك مجال البزنس هل له مستقبل بالامارات؟؟؟؟
اكيد اله مستقبل ...وبدون حدود ..

سارة

01-18-2007, 01:52 PM

ايمن يعني اي مجال بالبزنس بتفضل ؟؟؟

نرمين

01-18-2007, 02:22 PM

رجعت الكم مرة تانية

المعبر لسه ما فتحش

بدي اكمل الاسلة اللي عندي

1- شو كان تخصصك بالجامعة؟
2- اكبر اخوانك او اخواتك بتكون شبولا بنت)؟ عذرا على هيك سؤال
3-هوايتك المفضلة فقط السباحة_ ماعندك اي هواية تانية؟
4-هل تؤمن بالحب عن طريق الانترنت؟ولماذا؟
5- ماذا يعني لك المنتدى وجميع الاعضاء الموجدين فيه؟
6- ماهو شعورك عندما تجد احد الحالات التالية:
1- عندما لاتجد رودودا على مشاركتك؟
2- عندما تكتب موضوعا وتتعب فيه وفي النهاية لاتجدهااااااااد الموضوع؟
3- عندما يصدر احدا من اللي تعرفهم حكم غير مسلم عليك؟ 4- عندما يبهدلك شخصا لم تفعل معه الا كل خير؟
ودمت في حفظ المولى ورعايته

نرمين

01-18-2007, 02:26 PM

نسيت ان اكتب اخر سؤال:

7- شو رايك اكمل بجامعة القدس المفتوحة ادارة اعمال؟ ولا لاء واذكر الاسباب مع العلم انني بفكر بالموضوع ولكن انه بعد شي سنة او سنتين ما رايك انت؟ وشكرا

ayman

01-18-2007, 03:24 PM

ايمن يعني اي مجال بالبزنس بتفضل ؟؟؟
مجال التجارة ..

ayman

01-18-2007, 03:34 PM

رجعت الكم مرة تانية

المعبر لسه ما فتحش

بدي اكمل الاسلة اللي عندي

اهلا وسهلا..

1- شو كان تخصصك بالجامعة؟
محاسبة ..

- اكبر اخوانك او اخواتك بتكون شبولا بنت)؟ عذرا على هيك سؤال

شاب ...لا ابدا عادي .

3-هوايتك المفضلة فقط السباحة_ ماعندك اي هواية تانية؟

ركوب الخيل ..

4-هل تؤمن بالحب عن طريق الانترنت؟ولماذا؟
نعم اؤمن بالحب عن طريق الانترنت ..لانه في كتير ناس صادقين في تعاملهم ..ولكن بقصد الزواج ..

5- ماذا يعني لك المنتدى وجميع الاعضاء الموجدين فيه؟

المنتدى مفيد ....وجميع الاعضاء اخواني ..

6- ماهو شعورك عندما تجد احد الحالات التالية:
1- عندما لاتجد رودودا على مشاركتك؟

عادي جدا ،ولكن بتاثر بشكل بسيط جدا .والاهم اني اكون راضي عن نفسي ..ولا يهمني اي شخص اخر .

2- عندما تكتب موضوعا وتتعب فيه وفي النهاية لاتجدهااااااااد الموضوع؟
اعتقد انه راح يكون سبب لحذفه ..لانه لا يتم حذف اي موضوع الا لسبب ما ..وما واجهت شي متل هيك ..

3- عندما يصدر احدا من اللي تعرفهم حكم غير مسلم عليك؟

حقه... ولكن بعد الاثباتات والبراهين ..ولا يتعدى حدوده ..

4- عندما يبهدلك شخصا لم تفعل معه الا كل خير؟

ما حدا بيسترجي ..

ودمت في حفظ المولى ورعايته
مشكورة ..

ayman

01-18-2007, 03:38 PM

7- شو رايك اكمل بجامعة القدس المفتوحة ادارة اعمال؟ ولا لاء واذكر الاسباب مع العلم انني بفكر بالموضوع ولكن انه بعد شي سنة او سنتين ما رايك انت؟ وشكرا

بالنسبة للجامعة ...اعتقد انها جامعة ممتازة ...ولكن بالنسبة للتخصص ما بنصحك فيه نهائيا ..بسبب مجتمعنا الذكوري الذي يفضل مثل هذه التخصصات للذكور بدلا من الاناث ..هادا بعد التخرج ..
انا بنصح اي بنت بدها تتعلم وتدرس جامعة تبعد عن اي شي يتعلق بالاقتصاد والعلوم الادارية والمالية وادارة الاعمال ..لا لشئ فقط لانها اقرب للذكورية ..

قمر الخليل

01-18-2007, 04:57 PM

يااااااااي ايمن بدي اجي على هالشركة بدي اتشغلني عندك هههههههههه

نرجع للأسئلة

اول شييييييييييي

شو بعنيييييييييلك اللون الزهري؟؟ بتحبو والا لا؟

عمرك زرت فلسطين؟؟؟

كم عدد اخوتك؟؟

وهلأ شو رأيك باللي بسير بوقتنا الحالي؟؟ من فساد وحروب؟؟

وبرأيك رح تنزل اسعار الاراضي والشقق بالاردن والا رح اتضلها هيييييييييك ( شوف هالسؤال هادا ههههه)

شو اكتر اكلة بتحبها؟؟

كيف عرفت شباب فلسطين؟؟

وشو رأيك بالحب بعدين الزواج؟؟ مع العلم انو كتير ناس بقولو انو اعجاب وبروح بعد الزواج او مش ممكن يستمر

واخيرا

نصيحة لاختك الزغيرة قمووورة

والي رجعة لا اتخاااااف

بقترح عليهم يسموك جنتل مان المنتدى ( ماشالله عليك)

لولو اليبناوية

01-18-2007, 05:12 PM

دالية الخليل

01-18-2007, 08:44 PM

ayman

01-21-2007, 12:09 PM

يااااااااي ايمن بدي اجي على هالشركة بدي اتشغلني عندك هههههههههه

بتشرفي بأي وقت ..

نرجع للأسئلة

اول شييييييييييي

شو بعنيييييييييلك اللون الزهري؟؟ بتحبو والا لا؟
عادي ...متله متل باقي الالوان ..

عمرك زرت فلسطين؟؟؟

لا ..

كيف عرفت شباب فلسطين؟؟

صدفة ..

وهلأ شو رأيك باللي بسير بوقتنا الحالي؟؟ من فساد وحروب؟؟

هاي من علامات الساعة ...الله ينجينا

وبرأيك رح تنزل اسعار الاراضي والشقق بالاردن والا رح اتضلها هيييييييييك ( شوف هالسؤال هادا ههههه)

ما راح تنزل نهائيا ...بالعكس راح تستمر بالارتفاع ..

وشو رأيك بالحب بعدين الزواج؟؟ مع العلم انو كتير ناس بقولو انو اعجاب وبروح بعد الزواج او مش ممكن يستمر

لا تعليق .....وبنفس الوقت في حب دائم ومستمر للابد ..

واخيرا

نصيحة لاختك الزغيرة قمووورة

هاي راح تكون برسالة خاصة ..

والي رجعة لا اتخاااااف

اهلا وسهلا ...

ayman

01-21-2007, 12:20 PM

بدي اسئلك اخي ايمن....
بما انك مدير عام...
وبتهيئلي بتفهم بسوق العمل بالامارات...والمطلوب فيه ...
شو رايك بمجال الصحافة والاعلام...
لان الواحد يتخصص فيه...
عليه طلب ولا لا ...؟؟!!

اهلا لولو اليبناوية شرفتي ...

الجميع قبل ما يختار التخصص ...بينظر لسوق العمل وشو بيطلب ...بالنسبة للصحافة والاعلام تخصص قليل الطلب عليه ولا يوجد فيه التعددية ....(ويعتبر هادا التخصص من ارقى التخصصات) ...لكن من الصعوبة بمكان انك تلاقي عمل فيه بكل سهولة ، لانه دائما الشباب اولى في هيك تخصصات ..هادا واقع المجتمع ...وكونك بنت راح اضلي محاصرة من جميع الجهات ،لكن ازا انت حابة هادا التخصص وحاسة حالك راح تبدعي ، اتوكلي على الله ولا تهابي ..وبتمنى الك التخصص الي ترتاحي فيه وتبدعي انشالله ..

ayman

01-21-2007, 12:30 PM

اهلا يا ايمن شوف انا مارح اتعبك لانو اختي قموورة تعبتك وجننتك بالاسئله اظن كفت ووفت هههههههه

بس بدي اسألك واتأكد من شغلة انا بدرس صيدلة وضايلي سنة انشالله . كيف الشغل هناك والمرتب بس برضو بفكر اكمل دراستي بالجامعة الاردنية

اهلا دالية الخليل ....شغل الصيدلة هون نفس شغل الاطباء ...ما بيوقف ومرتباتهم عالية جدا جدا ...
وتكرمي اختي لما اتخلصي ببعتلك اسم شركة تشتغلي فيها وبمرتب عالي ..وانشالله خير ..
وتفكيرك سليم بالنسبة لدراستك بالجامعة الاردنية ..
واهلا وسهلا ..

ريما الفلسطينيه

01-21-2007, 01:08 PM

بعرف انك ما بدك تشوف خلقتي بهاي الصفحه ...بس عندي كم سؤال!!:s (16):

اول شي:: انتقدي وما تخاف ...^^

تاني شي :: اسمين بتحبهم (اسم بنت واسم ولد)..

تالت سؤال والاخير :: اوصف حالك بكلمه !!

ورح ارجع:b:

Banbon

01-21-2007, 03:27 PM

أنا جيت مره تانيه ...:showoff:

بس في سؤال واحد عندي

شو رأيك باالرسائل الخاصة بالمنتدى ؟؟ :icon9:

نرمين

01-22-2007, 12:20 AM

انا راح اسالك كم اسئلة ولكن في وقت لاحق

الي رجعة لأنه ما عندي اشءلة حاليا موجهة اليك؟

دمت في حفظ المولى ورعايته

ayman

01-22-2007, 12:11 PM

بعرف انك ما بدك تشوف خلقتي بهاي الصفحه ...بس عندي كم سؤال!!
عادي ..اهلا وسهلا ..

اول شي:: انتقدني وما تخاف ...^^
من مين بدي اخاف ...مرات بتدخلي في مشاكل انت بغنى عنها (حشرية ) ...

تاني شي :: اسمين بتحبهم (اسم بنت واسم ولد)..
ما في ..

تالت سؤال والاخير :: اوصف حالك بكلمه !!
متلي متل غيري ..

ورح ارجع

اهلا وسهلا ..

ayman

01-22-2007, 12:16 PM

أنا جيت مره تانيه ...

اهلا وسهلا بنبون..

بس في سؤال واحد عندي

شو رأيك باالرسائل الخاصة بالمنتدى ؟؟

بتعمل ترابط بين الاعضاء...عملية اطمئنان وابداء الراي والنصح والمشورة ..وفي نفس الوقت الها سلبياتها ..

ayman

01-22-2007, 12:17 PM

انا راح اسالك كم اسئلة ولكن في وقت لاحق

الي رجعة لأنه ما عندي اشءلة حاليا موجهة اليك؟

دمت في حفظ المولى ورعايته

اهلا وسهلا ..بتشرفي..

ريما الفلسطينيه

01-28-2007, 04:08 PM

ايـــــــــــمن ..

شو رايك بيلي بيخلف وعدو !!

لو يوم من الايام اجا حد لعندك وحكالك انت مغرور..شو بترد عليه !!

شو رايك بالاهداءات هاي الايام !!

شو رايك فيي!!بصراحه..

واخيرا .. ازا شفت شي غلط بانسان بتحبو كيف بتتصرف معو مع العلم انك بتعرف انو صعب يغير هالشي !!

وراجعين..^^

ayman

01-31-2007, 02:00 PM

ايـــــــــــمن ..

شو رايك بيلي بيخلف وعدو !!

حسابه عند ربه

لو يوم من الايام اجا حد لعندك وحكالك انت مغرور..شو بترد عليه !!

رايه الشخصي ...وما بياثر في شخصيتي بنسبة 1%

شو رايك بالاهداءات هاي الايام !!

تصلح لعمل سلطة او عصير كوكتيل ...

شو رايك فيي!!بصراحه..

جاوبتك عليه ...

واخيرا .. ازا شفت شي غلط بانسان بتحبو كيف بتتصرف معو مع العلم انك بتعرف انو صعب يغير هالشي !!
بستعمل معه عدة اساليب ....لانه لازم يكون اله مدخل ...

وراجعين..^^

وبتشرفي ريما بأي وقت ..