الى كل من يرد حل الصراع الفلسطينين الي بصير حالين

[ياسر الكاسر]

يا اخواني الكرام ارجو منكم التعليق الورد على الموضوع الذي اريد طرحه




يا اخواناي اقول ان بدل هل الفلتان الامني الي بصير في الشارع الفلسطينين.........


بين الاخوان حماس وفتح والصراع الي بنشوفو كل يوم ........



ليش ما ايصير انتخابات جديدة وتنحل المشكلة الي احنا فيها
وترجع المياه الى مجاريها
بدل ما احنا قاعدين بنقتل في بعض

ارجو من اخواني المشرفين والعضاء وكل من يشترك في المنتدى
ان يرد ويعلق على الموضوع هاد
مشكوين يا اخواني

[روحي فلسطين]

السؤال الاهم :
منو وصّل الامر الى هذا الحد ؟؟

و لو صارت انتخابات و فازت حماس
راح يتكرر نفس السيناريو مرة اخرى .. صح ؟؟


اذا المطلوب : ازاحة حماس عن السطة الى الابد ..

و للأسف الشديد في قوى داخلية تريد هالشي

و تسعى له ..


و الشي غير معلن عنه

قيام حرب اهلية .. لا سمح الله لضياع القضية الفلسطينية اكثر

بعد ما ضاعت عند اتفاقية اوسلو


شو سر القاعدة العسكرية اللي تبنيها امريكا بمساعدة اسرائلية

لتدريب قوات فتح ؟؟

و قبل كم يوم امريكا اعطت فتح 86 مليون دولار امريكي كمساعدات

و الرئيس ابو مازن برر مساعدة امريكا على انها من توصيات اللجنة الرباعية

لكن امريكا ما راح اتقول هالحجة الواهية .. لكن و بصريح العبارة على لسان وزيرة خارجيتها

كونداليزا رايس قالت : نحن نساعد ابو مازن للقضا على حماس .

!!!!!!!! و الف علامة تعجب

هل معقول ان امريكا تعطي هالفلوس مساعدة لفتح او تقوية الجهاز الامني التابع لها

بدون ما تاخذ وعود منها من عدم ايذاء ابنتها اسرائل ؟؟

سؤال محير اوجهه لحركة فتح ..

ماذا بعد الحرب الاهلية التي تريدين اشعالها بالوكالة عن امريكا و اسرائيل ؟


اخي شو تفيد الانتخابات ؟؟

اتكون الحكومة الجاية معترفة باسرائيل

خاضعة للقوى الخارجية ؟؟

هذا اللي يريده العدو ..

فهل تريدون نفس الشي ؟؟


الوحدة الوطنية يا شعب فلسطين .. الوحدة الوطنية و لا شي اخر

[فتى الأزهر]

يا حلوين

انا انظر للانتخابات من منظور مغاير ارجو من الله ان يكون صائبا

هسا احنا بعد ما فازت حماس صرنا براسين راس فتحاوي واخر حمساوي

يعني الانتخابات انا اؤيدها من ناحية انو نصير راس واحد لانو شيء براسين ما بمشي

شو رايكم

وازا اخدت حماس الحكومة والرئاسة الف مبروووووووووووووووووووووووووووووووو ووك

[مؤيد]

الأخ روحي فلسطين

بوركت على ردك

ولك مني جزيل الشكر

ماذا إن فازت حماس مرة أخرى ؟؟؟؟ ..... ماذا ستفعل فتح ؟؟

الفلتان الأمني هو من تخطيط صهيوني والمنفذ هو عملائها من الفلسطينين اللذين يريدون إسقاط الحكومة الشرعية المنتخبة ... لأن العملاء والصهاينة ليس من صالحهم أن تحرز الحكومة الفلسطينية أي تقدم وأي نجاح .. لأنها أتت بشعار محاربة الفلتان الأمني ... فشرعت ميليشات متصهينة بإثارة الفتن وإطلاق النار وحرق المحلات وإغلاق الطرقات ... حتى يقولوا للناس هي حماس جابت الدمار للبلد .

فلجأ هؤلاء إلى الفلتان الأمني ،كي يفشلوا حماس في حفظ الأمن ، فينقلب عليها الشعب ..

لجأ هؤلاء إلى وين الراتب فش فش ، ونزلوا حرق وتكسير وسرقة محلات ، عشان يثبتوا إن حماس فاشلة ولازم تسقط هي وحكومتها ويتنقلب عليها الشعب ..واستغلوا معاناة الموظفين استغلال يندي له الجبين ... تحكموا بالموظفين وحركوهم كالدمى ..

لجأ هؤلاء إلى الاستفتاء على وثيفة البرغوثي ، فوافقت عليها حماس بتعديلات وتصبح وثيفة للحوار الوطني ،، ففشل مشروع هؤلاء في الانقلاب على الحكومة الشرعية المتخبة ...

وعزف هؤلاءعلى وتر حماس اعترفت ، ثم تبددت أكاذيبهم ، عزفوا على وتر عزيز دويك سرق وعمل ، وتبددت أكاذيبهم وتبين لهم أنه انسان شريف يقبع الآن في الزنازين وكاد أن يفارق الحياة في زنزانته قبل فترة .. وتدهوت صحته ..

" ويمكرون ويمكر الله ، والله خير الماكرين " ... صدق الله العظيم

الموضوع قد يعرض للحذف ، إذا ساءت الأمور هنا .. وسأطلب من المدير ذلك ..

[aBo SaLeeM]

والله يا اخي انا بشوف انه الحكومة مش قادرة تسير امور الحياة

بغض النظر عن الحرب الى قايمه بين الاخوة

لكن ايش الحل ؟؟؟؟؟؟؟؟

[ياسر الكاسر]

يا اخي مؤيد
ارجو توضيح كلامك ..........(هؤلاء ) ماشي اخي
واحنا وما بنوجه اي اتهام لاي شخص كان في ( في اثارت الفلاتان الاماني )
ونرجو من الاخوة الكرام بان لا يغلقو الموضوع
وانا بذات يا اخوان ....... طلبات وضع اقتراح او حل للمشكلة الي احنا بنوجها في الوقت الحالي الي هي وضع حماس وفتح .
مشكورين يا اخواني .

[روحي فلسطين]

مؤيد

لا شكر على واجب اخي الكريم

و لكن انا فتاة :)

..................


مشرفنا ابوسالم


حماس بعد ان تولت الحكومة

قطعوا المساعدات التي كانوا يقدمونها للحكومة السابقة بسبب رفضها الاعتراف بالكيان المحتل ..

و لهذا السبب هي الان تعاني من قلة الموارد و لا تستطيع الصرف على الشعب ..


سؤال لكم ايها الشعب الفلسطيني العظيم ..

هل تريدون الاعتراف بوجود هذا الكيان الصهيوني المحتل مقابل قطعة من الخبز ؟؟


لو افترضنا اجراء الانتخابات المبكرة .. و جاءت حكومة اعترفت باسرائيل مثل ما يريده الغرب و خاضعة لهم

فالذي سيحصل .. انهم سيمدونكم بالمساعدات ..

أهذا ما تريدونه ؟؟

والله لو كنت مكان اي فلسطيني -و اتمنى ذلك -

فلن اعترف بالكيان الصهيوني و لو مُت جوعا و عطشا ..


مثل ما قلت ما هو الحل ؟؟


اتمنى مشاركة البقية و اثراء هذا الموضوع

لاننا بالفعل نحتاج لتقارب و تبادل الاراء بين جميع الشعب الفلسطيني

باختلاف فصائله و انتماءاته في هذا الوقت بالتحديد ..

[aBo SaLeeM]

أختي روحي فلسطين

اوكي انا معك انه الحصار عمل قله الموارد

ولكن حماس ببرنامحها السياسي حكت انه فش اعتراف

وبعدين حكت اطمنو لدينا مواردنا الخاصة لتغطية الرواتب و و وو و و و

والان لما نرى شيئا

وبعدين يا اختي انقطعت الموراد شو يعني بدنا نعمل انضل لحد ما نموت من الجوع

والله لتشوفي الناس في الشوراع بتحزني عليهم من قله الفلوس

الناس انهدت وكل واحد كان محوشلو قرشين صرفهم

وانا بعرف كتير شباب كانو بيتعلموا بالخارج وهيهم رجعوا وراحت عليهم سنين على ايشي فاضي

وكل هادا ما في عند اهلهم فولس يبعتولهم مصروف

شو الحل اه ؟! احكيلي

[.:.!دموع الرحيل!.:.]

يعني اذا لاقينا الحل

هو الي رح يصير

ويطبقو كلامنــا !!

علينا ندعي الله يلهم

قوادنا الي فيه الخير لوطننا وقضيتنا

اما الكلام هيك متل الكتابة على الماء

وكل الي رح نطلع منو هالموضوع

مشكلة ونفور بين الأعضاء

يا ريت مشرف القسم يغلق الموضوع

قبل ما تكبر القصة متل كل مرة ^^

[فلسطيني حتى النخاع]

انا الصراحة معالك

بس الاعتراف بهذا الكيان امر وارد

ولازم ولا حد ينكر هيك يعني السيد خالد مشعل اعترف بهذا الكيان

على اساس فك الحصار .......
على شعبنا المغلوب على امره ..........

[خيـرَ أُمـة]

قبل أن يغلق الموضوع

بارك اللـه فيكي أختي روحي فلسطين .. كنت اتمنى ان أرى كل شباب فلسطين بهذا الادراك الاتي من خارج فلسطين .. بارك اللـه فيكي أختي ..

طيب فالنكن صريحين .. هل القضية انتخابات جديدة ام قضية ازاحة حماس من الشلطة ...؟؟؟

اخواني الكرام القضية ازاحة حكومة اسلامية وصلت للحكم بانتخابات نزيهة وشرعية .. في ظني الجميع متفق على ذلك ..

مسألة ان الحكومة كما صرح أحد الاخوة "مش عارفة اتدبر حالها" .. يا أخي العزيز الحكومة اوصلت ملايين الدولارات لكن كان هناك من يمنع .. اليهود منعو والخونة والعملاء في الداخل منعو وبعض الاشقاء العرب منعو ...
اذا الحكومة بامكانها ان "تدبر حالها" ... لكن البعض ابى ذلك ..

مسألة اموال الروباعية والدعم الذي كانو يقدمونه .. فاليكن بعلم الجميع انها كانت على حساب القرار السياسي .. يعني بهذه الاموال لا سيادة لك .. وما قطعت عن حماس الا لانها خرجت عن القرار السياسي الاوروبي ..
بالعبري لو اعترفت حماس باسرائيل .. المشكلة انحلت .. لأن هذا مطلب الروباعية مقابل الرواتب ..

أعطيني مفتي ممكن يسمح بهكذا اموال .. وان شاء الله بنتعلق برقبتو يوم القيامة ...

اذا القضية ليست مجرد قضية انتخابات .. والاخوة في حماس كانو على قدر من المسأولية ... هذا ما كنت اريد اثباته ...

مسألة اخرى .. وهي ان انتخابات تعني ميزانية .. وميزانية ضخمة وفي تصوري ان تصرف هذه الاموال في الرواتب أفضل وأنفع ..
فالميزانية لا تتحمل ...


المشكلة الان والتي تحدث عنها أحد الاخوة .. فتح و حماس بتصور سهل ان تحل
لان المشكلة في بعض رجالات فتح والذين تبرء منهم شرفاء فتح ..

وانا جد استغرب الخطاب السياسي الذي طرحه دحلان .. والذي كنت اتمنى ان اسمع منه مثل هذا الحماس والكلام على اليهود .. المتابع للخطاب السياسي الفلسطيني لن يجد أقذر مما تفوه به دحلان منذ 42 سنة .. يعني من وقت ما صار النا خط سياسي فلسطيني ..

أرجو من الاخوة من فتح التبرأ من أمثال ها الرجل .. لأنهم موجودون بيننا للفتنة ..

اذا الحل بسيط .. وهو ازاحة العملاء من بيننا .. على الاقل الواضحة عمالتهم ..

انا اسف على هذا الكلام .. لكن صدقوني لا احمل اي ضغينة لفتح بل على العكس انا والدي كان من أبطال فتح في شبابه وانا اكن كل الاحترام والتقدير للاخوة في فتح ولتضحياتهم ... لكن مثل هكذا رجال يسيئون لفتح .. وبتصور لازم التخلص منهم ...

اسف على الاطالة ...

[ياسر الكاسر]

يا عالم انا بس بدي افهم ؟ ليش بدكم ايسكر الموضوع...........


وهذه كلامك يا اخي (ahmadix)

( المشكلة الان والتي تحدث عنها أحد الاخوة .. فتح و حماس بتصور سهل ان تحل
لان المشكلة في بعض رجالات فتح والذين تبرء منهم شرفاء فتح .. )


قبل ما اعلق على كلامك اخي ( ahmadix )

انا يا اخي فتحاوي وابن فتح

وبعدين هلاء صارت فتح هي المشكلة ............. اه يا اخي
ويعني الاخوان الي من حماس ما في عليهم اي مشكلة وانا بفهم من كلمك يا اخي انا المشكلة بين حماس وفتح اساسها فتح .
لا يا اخي بتكون غلطان برضو الاخوان بيعملو مشاكل واهمها اغتيال محمد غريب الي من غزة وهو بين اولادو هاده شو بتسمي ولا ما بتتسمع الاخبار يا اخي وغيرو وغيرو ........واواو ما بدي احكي شو في كمان .... .




هذا كلام اخي (ahmadix)

وانا جد استغرب الخطاب السياسي الذي طرحه دحلان .. والذي كنت اتمنى ان اسمع منه مثل هذا الحماس والكلام على اليهود .. المتابع للخطاب السياسي الفلسطيني لن يجد أقذر مما تفوه به دحلان منذ 42 سنة .. يعني من وقت ما صار النا خط سياسي فلسطيني ..

أرجو من الاخوة من فتح التبرأ من أمثال ها الرجل .. لأنهم موجودون بيننا للفتنة ..

اذا الحل بسيط .. وهو ازاحة العملاء من بيننا .. على الاقل الواضحة عمالتهم ..


يا اخي ( ahmadix ) بدي احطك في الواقع يا اخي واو في الصورة.... .
تخايل نفسك انته يا اخي انك في احد الفصائل وكونت انته القائد حلو .
وانته كل يوم بتشوف عناصرك عم تتعرض لطلاق النار والغتيال من قبل فصيل اخر
شو بدك اتقول يا اخي يعني ما ارح ايكون ردك مثل ما قال الاخ محمد دحلان



ولا يحق لك يا اخي ان تتهم اي مخلوق كان في فتح (بالعميل ) والجاسوس
وعدم رمي الكلام بدون ما اتفكر شو بدك اتقول
وهلقيت هي وقفت على محمد دحلان يعني عشان حكا الخطاب الي الو ..وههدد ......... وصرح وتوعد
صار عميل يااخي ولا يحق لك التكلم بهذه الكلام الذي لا يوجد لهو اي دلايل
وبعدين عشان صار اطلاق نار على رائيس الوزراء اسماعيل هنية (ابو العبد)
وتم اتهام محمد دحلان ......... قال هو : الي مسوال عن عمليات الغتيال التي اتعرض لها ريس الوزراء اسماعيل هنية .
وبعيدين بلاشت الخوان من حماس في تنزيل البيانات والقاء الخطبات وتتوعد لمحمد دحلان وبصوفها محمد دحلان ببعض الكلام الذي لا اريد ان اذكره .


وارجو من اخواني الرد على الكلام الذي تكلمته فيها وتحكيم فيها اذا كان على خطأ ام صح
ومشكورن يا اخواني على الردود

[.:.!دموع الرحيل!.:.]

لا حول ولا قوة الا بالله ..

والله ما في فايدة من الأخد والعطي

الله يهدي الكل

ادعو لقوادنا ووطنا والله أحسن

الموضوع مغلق

مش ناقصين مشاكل

لو سمحتو هيك مواضيع ما منها فايده

وكل الي بتعملو انها تفرق بدل ما تجمع

يا ريت بلا منها

يعطيكم العافيه