الحـلقة الـسـابـعـة. مشـروع احيـاء أمة ... "قـصـة حــب" [الأرشيف]

خيـرَ أُمـة

01-12-2007, 06:18 PM

بســم اللـه الرحمــن الرحــيم

موضـوع اليوم يا اخواني يا أخواتي .. موضـوع حسـاس ... موضوع يقع فيه الكثير من شبابنا وفتياتنا .. موضوع شغل الكثير عن طاعة اللـه هذا ان وظف في غير محله ..

هل أكشف الستار عن موضوعنا .. أم أن الموضوع بان من العنوان ..

أعتقد أن الجميع فهم عن ماذا نتحدث .. نتحدث عن "قصة حب" .. الكثير من الشباب والفتيات وقعو بها .. والكثير تألمو لها .. ومنهم من بكى الدم لا الدموع .. ومنهم من تجرع مرارة القهر واليأس .. ومنهم من وصل به الحال الى اكتئاب .. ومنهم والعياذ باللـه من وقعو بالحرام فابتلاهم اللـه بالمرض والموت البطيء ...

محاضرتنا اليوم بعنوان "قصـة حـب" .. لفضيلة الشيخ نبيـل العوضي بارك اللـه فيه ..

بالزر اليمين وحفظ باسـم (http://www.emanway.com/multimedia/droos/nabeel/love_story.rm)

سنحاول ان نجمع قصص شاهدناها في حياتنا أو ربما سمعنا بها .. قصص حب .. وسنتكلم عن امثلة واقعة في المجتمع .. وان شاء اللـه الفائدة تعم ..

واللـه من وراء القصد ..

بـارك اللـه فيكم ..

أخوكم المحـب

أحمد :s (43):

Twin

01-12-2007, 06:27 PM

شكرا احمدايكس عالمحاضره هيووو بيحمل ..

كتير بحب محاضراتووو وكتبوو نبيل العوضي .. تسلم

خيـرَ أُمـة

01-12-2007, 06:29 PM

أهلين توين .. وان شاء الله نسمع منك قصص وعبر شفتيها .. عشان الكل يستفيد منها ..

انا مدطر امسي هلا .. دلي الصبايا الي بتعرفيهن الله يخليكي اوكيييي

سلام

AnGeLa

01-12-2007, 06:38 PM

حـــــلو كتير

هلا قاعدة بحمـــــــل في ^^

إلي رجعـــــــة

والله يعطيك العافية .. ويجزيك كل خيييييييير

سالي بنت فلسطين

01-12-2007, 07:10 PM

اختيار رائع احمد

جاري التحميل بس بدنا عن السحر والرقيه الشرعيه ازا سمحت

يسلمو كتير

نور الهدى

01-12-2007, 07:40 PM

جاري التحميل

بـارك اللـه فيك

فراشة

01-13-2007, 04:52 PM

السلام عليكم.... المحاضرة كتير روعة .... ونفسي احكي كلام كل البنوتات يسمعوني ..
اول شي تعليقي عن انو لازم نحب كل شي بالله ونصفي نيتنا ابل كل شي .. حتى لما يتزوج الشخص طبيعي الحب موجود لكن لازم يكون لله سبحان الله حتى ذكر بالقران انو وجعلنا بينكم مودة ورحمة يعني الحب موجود قبل العالمين وعاش عمرا قبلنا ...

( اذا احب الله عبدا دعا جبريل فقال : ياجبريل اني احبة فأحبة فيحبة جبريل ثم ينادي جبريل في اهل السماء ان الله يحب فلانا فأحبوه فيحبة اهل السماء ثم يوضع له القبول في الارض )

هلا نيجي للشباب (اقصد بنات واولاد ) ... للاسف هالايام خربو معنى الحب وشوهوه هلا البنت مفكرة انو بس تعجب بواحد معناها هية بتحبو وهوه ممكن يلعب فيها وسبحان الله كتير في قصص صارت امامي وبصديقاتي و ستفدت منها وكونت فكرة كتير كبيرة وقوية عن الموضوع هادا.. صح انصدمت بالاول بس بضل تعليمه ونفسي احكيلكو عشان تتعلمو منهم ...
لي عودة ان شاء الله ...
تحياتي لك احمد ايكس موضوع مهم ..

خيـرَ أُمـة

01-13-2007, 05:03 PM

بارك اللـه فيكي فراشة ... وفعلا واللـه شوهو الحب ..

الله يهديهم ..

اليوم ان شاء الله حذكر قصة حصلت مع صديق الي ايام الجامعة .. بس أخلص شغل ..
والي عندو قصة ما يتردد ويحكي .. ربنا استعمل في القران اسلوب القصص لكي يتعظ اصحاب العقول .. واحنا منهم ان شاء الله ..

خيـرَ أُمـة

01-13-2007, 05:09 PM

من بعد اذنك فراشة حبيت أحط نص الحديث كامل :))

عن ابي هريرة رضي الله عنه قال : قال رسول الله صلى الله عليه وسلم
إن الله إذا أحب عبدا دعا جبريل عليه السلام ، فقال اني أحب فلانا فأحبه قال : فيحبه جبريل ، ثم ينادي فى السماء فيقول : أن الله يحب فلانا فأحبوه ، فيحبه أهل السماء قال يوضع له القبول فى الارض واذا أبغض الله عبدا دعا جبريل فيقول اني أبغض فلانا فأبغضه فيبغضه جبريل ثم ينادي فى أهل السماء : ان الله يبغض فلانا ، فابغضوه . قال : فيبغضونه ، ثم توضع له البغضاء فى الارض
رواه مسلم وكذلك البخاري ومالك والترمذى
------

بارك اللـه فيكي فراشة .. وين باقي الردود .. بدنا نسمع قصص يا جماعة ..

فراشة

01-13-2007, 05:27 PM

يلا بما انكو عايزين تسمعو قصص فما عندي مانع اذكر قصص صارت مع صديقاتي ... والحمد لله كانت دروس الي ...ونصحت منهم ئد ما ائدر ...

عندي صديقة لبنانية وكتير قريبة مني ومتدينة هية وبتعرف الله منيح ... بمرة اجت تحكيلي انو تعرفت عواحد عالموبايل وما عمرها شافتووو وهوة من السعودية وهية من الامارات ... ومسج منو ومسج منها وبعد شوي مكالمات وئصص وتوهمو انهم بحبو بعض ... المهم كنت دائما افهمها واحكيلها يا حبيبتي مش هوة الشخص اللي بتحلمي فيه واللي بتستحقيه بعدك زغيرة وحيضل يعايرك فيها طول عمرك لو حصل نصيب وهوه كان حرام ابن حلال ومحترم ... المهم ما سمعتلي وبموسم الحج اللي فات راحت تحج مع اهلها وراحو يباتو بيوم عند دار عمتها فبتتصلو عشات تحكيلو وصلت عالسعودية بالسلامة الا وموبايل ابن عمتها برن !!!! طلع ابن عمتها اللي بتحبو وتعرفت عليه عالموبايل وطبعا انفضحت ادام عيلتها والولد لما شاف الئصة صارت جد طبعا انسحب ... فسعيتها فهمتني لما كنت احكيلها انو مهما حبيتو بعض لما بدو الشب يرتبط ببنت بيتزوج وحدة بتنئيها اموو وتكون ما الها سوابق بالحب والكلام الفاضي ..
هاي اهون شي حكيتو هلا .. بس انشالله رح اضل متواصلة معكوو عطول الموضوع لانو خطير ومهم كتير ...

نور الهدى

01-13-2007, 05:30 PM

محاضرة مؤثرة جدا جدا

انا كانت الي صديقة من بعيد لبعيد بس سمعت بقصتها

المهم هالبنت كان الها علاقة باحد الشباب و للاسف كان عليه مظاهر التدين ... ! يعني اطلق اللحية و هيك اشياء ... "طبعا انا ما بقصد انه الكل هيك بس للعبرة فقط "

هالبنت كان بدها تلتزم و هالشاب وعدها بالزواج و عمل حاله داعية بس في كل مرة تكتشف فيه شي مريب .. بس ما شككت فيه من الاول لانها وثقت فيه ثقة عمياء كونه "متدين ظاهرا"

و يوم بعد يوم وصل به الحال انه بدا يقترب منها و يلامسها و يلاطفها .. البنت تخوفت شوي .. بس بعدين تعودت ...و اخيرا وقعوا في الزنا !!! و البنت فقدت شرفها و الشاب هجرها و راح خطب بنت تانية !!! بس الحمد لله البنت التانية عرفت القصة و ما رضيت فيه "يستاهل"

رجع الها مرة تانية و حكالها خبري اهلك .. المسكينة صدقت ... و خبرت اهلها .. اهلها عملولها مشاكل .. و هالشاب غدر بيها واستهزا بيها و حكالها انا ما بدي واحدة تسمح لشاب يهتك عرضها !

هلا سمعتها في الطين و المسكينة مش عارفة شو تعمل ..

فراشة

01-13-2007, 05:35 PM

والله يا نور هاي مشكله البنات انهم بيسمحو لحالهم يصلو لهيك ...
انا الي نفسي كل البنات يفهمو انو مهما حب الشب بنت وكانت تسمحلوووو بانو يقرب عليها مستحيل يرجع ويفكر يتجوزها ويختارها ام لاولادوووو ...

نور الهدى

01-13-2007, 05:37 PM

sanae

01-13-2007, 05:38 PM

لم استمع بعد رايي سيتاخر

نور الهدى

01-13-2007, 05:39 PM

لم استمع بعد رايي سيتاخر

خودي راحتك اختي

احنا هوووووون

بس وين راي الشباب ؟

خيـرَ أُمـة

01-13-2007, 05:41 PM

خيـرَ أُمـة

01-13-2007, 05:45 PM

سناء مستنين تسمعي وتعلقي ...

والله الي حكيتي صح يا نور .. لكن انتبهو يا بنات القضية مش قضية متدين او لاء .. هاي المسألة بنفكر فيها لما يطلبها من أهلها .. لانو قبل هيك دينو لنفسو مش الك اختي الكريمة .. لما يطلبك من أهلك وقتها اعرفي انو الشب جدي في الموضوع ..

بس جد في شباب بسيئو لسمعة الدين .. اللـه يهديهم ..
وهدول الي بنخاف منهم ..

خيـرَ أُمـة

01-13-2007, 05:46 PM

الشباب يا نور هجرونا :((

نور الهدى

01-13-2007, 05:49 PM

قصة جد مدهشة يا فراشة ...

بس تعليق صغير موضوع امو تنقيها ؟؟؟ ليش مش الشب الي ينقي !!!

احنا مش ضد انو الواحد يطلب بنت لكن ضد انو يلف ويدور ويلعب بعواطفها .. احنا مع انو الواحد يطرق البيت من الباب .. مش يتشعبط من الشباك ههه مثل اكثير شباب اللـه يهديهم ..
قال تعالى: ( واتو البيوت من ابوابها ) صدق اللـه العظيم ...

انا مش ضد الزواج التقليدي بالعكس احنا هيك خطبنا لاخوي .. بس شو المانع من اني انا اختار وبعدين امي .. ليش امي بالاول وبعدين انا ؟؟!!!

نقضة حوار جديدة .. وبهمني أعرف راي الاخوة و الاخوات فيها ..

و الله يا اخي لو الشباب يشاركو شوي بكون احسن

لانه الحوار على هاي النقطة بالذات لازم تكون من طرفين

احمدxi عدل توقيعك و بدل ما تكتب " همتكم يا شباب ... همتكن يا صبايا" اكتب "همتكن يا صبايا " و بسسسسسس ههههه

الزواج التقليدي ناجح في هالايام بس الشباب ما بتقبلوا الفكرة بسهولة ....

و بصراحة انا بتفهمهم ... لانه هالبنت هو الي رح يعيش معها مش امه و كمان الظروف اتغيرت و اماكن الاختلاط كالجامعة مثلا بثسمح بلقائهم فممكن كتير الشب يعجب ببنت امه ما كانت رح تعرفها !!!

بس انا ضد العلاقات المحرمة .. ازا هو نقى بنت يروح على طول يطلب ايدها من ابوها و ما يلف و يدوووووووور

فراشة

01-13-2007, 05:49 PM

خيـرَ أُمـة

01-13-2007, 05:54 PM

سوري فراشة بس فهمتك غلط :))

أكيد الام بهمها انو ابنها يوخد احسن اشي ..

بس والله في امهات بدورن على الشكل وبس .. وانا بتدايق من هيك امهات ..
يعني لو البنت عندها مرض لا سمح اللـه .. خلص الام بتحط اكس عليها .. وما بتفكر فيها ..

مع انو الرسول قال فاظفر بذات الدين تربت يداك ...

للأسف أحيانا الامهات بظلمن ..!!

خيـرَ أُمـة

01-13-2007, 05:56 PM

نور شو أعمل .. واللـه بعتت رسايل خاصة -ايام ما كان فيه رسايل خاصة- .. وغير هيك الاهدائات حطينا فيها .. يعني مش ضايل غير انزل السوق استأجر عمال هنود وبكستانين يجو يشاركو معنا :((

اللـه يهدي الشباب ..

على العموم لا زال هناك أمل وان شاء الله حيشاركو ..

نور الهدى

01-13-2007, 06:04 PM

ان شاء الله

خيـرَ أُمـة

01-13-2007, 06:56 PM

أول ما دخلت الجامعة واتعرفت على شباب .. فكان بينهم شب اسمو عُدي .. طبعا كانت هذه المجموعة من طلاب السنة الثانية .. يعني سبقوني بسنة وكانو من تخصص اخر غير تخصصي .. كان عدي قد وقع في الحب من فترة بسيطة ..

طبعا سألت واحد من الشباب كيف صار هاد الاشي
فحكولي بين يوم وليلة .. البنت ما كانت على بال صاحبنا وفجأة صارت في بالو .. وهوي نايم بيحلم فيها .. وهو صاحي بفكر فيها .. وضع صاحبنا كان مأساوي ..

طيب كيف دخلت البنت راس هذا الشاب .. بكل بساطة اصحالو عملو معاه مقلب -الصحبة الصالحة مهمة يا جماعة- ... المهم ..

المقلب كان عبارة عن اتصال هاتفي .. اتصلو في بيوم من الايام .. رد صاحبنا عدي مين .. واحد من الشباب عمل حالو بنت .. يعني تكلم بصوت بنت وحكا لعدي انا نيفين زميلتك في الجامعة وانا بحبك :icon26: وانهت المكالمة !!!

طبعا عدي انصدم اولها :icon6: لكن للأسف من وقتها دخلت البنت راس صاحبنا ..

وثاني يوم من الحادثة فهمو اصحابو انهم همي الي كلمو مش نيفين .. لكن لا حياة لمن تنادي الشي اتعلق بحبال الهوى :b:

طول سنين الجامعة والشب بعاني .. اتدمر نفسيا وعاطفيا وجسديا حتى .. كان من أحسن الشباب في تخصصو .. كان مبدع .. لكن تعلقو في البنت والي بدايتو بسبب أصحابو كان هوي الي دمرو ..

طيب كان ممكن انحل المشكلة بانا نطلب نيفين لعدي ... لكن المصيبة يا جماعة انها نيفين نصرانية .. يعني هل اهلها برضة يعطوها لعدي .. ما أظن ..

أذكر اني مرة سألتو يعني مستعد تغير دينك عشانها فجاوبني ليش لاء .. طبعا انا اكثير انزعجت من كلامو .. لكن بعد فترة فهمني انو كان بمزح ..

لكن صدقوني احيانا الحب بعمي القلب والعقل ..

والمصيبة انهم مصدقين انو حب .. مش دارين انو اعجاب .. واعجاب وصل لمرحلة الهوس ...

القصة هاي الفائدة منها انو نعرف نختار اصحابنا .. نختار الناس الي تعينا عل ىالخير .. مش الي اتدمرنا ..

طبعا صحبتي معهم استمرت أول فصل بالجامعة .. والسيناريو الي عملو مع عدي حاولو يعملو معي سناريو مشابه تقريبا لسناريو عدي .. والمصيبة مع كمان بنت نصرانية ... تقولو بنات المسلمين انعدمو ههه لكن الحمد لله ربنا نجاني ..

لي عودة بقصة جديدة ان شاء اللـه ..

نور الهدى

01-13-2007, 07:01 PM

طب و بعدين نساها ولا لأ ؟

خيـرَ أُمـة

01-13-2007, 07:06 PM

مش عارف ...

بس طول ال 3 سنين الي كانو ضايلين الو بالجامعة ... وهو يفكر فيها ..

أكيد الان ولا على بالو .. لكن بعد ما خسر كثير !!

خيـرَ أُمـة

01-13-2007, 07:09 PM

انا أكثر قصة استغربتها من القصص الي ذكرها الشيخ .. قصة الشب الي تنصر وهو على فراش الموت والبنت شهدت الشهادة وهي على فراش الموت .. سبحان اللـه ربنا فرقهم بالدنيا والاخرة بعكس ما كانو بدهم ..

جد قصة مؤثرة جدا ...

الحب وصل صاحبو للكفر .. وصدقوني عرفت ناس كانو على استعداد يكفرو عشان الحبيبة ..

وفي قصة للشيخ محمد العوضي وهو علامة معروف في الكويت .. ان بعض الشباب طلبوه ليقنع صديقهم الذي ذهب لامريكا على ما اعتقد للدراسة وهناك تنصر .. فبحكي الشيخ اكتشفت ان سبب تنصره ليس قناعة بدينهم وانما انه أحب فتاة واراد الزواج منها فاشترطت ان يدخل بدينها .. فالشب دخل بكل تفاهة وسذاجة ...

يعني ممكن الوصول للكفر ؟؟ نعم ممكن ..

خيـرَ أُمـة

01-13-2007, 07:12 PM

انا عارف البعض حيستغرب .. معقول من التلفون هيك الشي صار فيه ..

يا جماعة في ناس قلوبها ضعيفة ورهيفة ... أضف الى ذلك ضعف في الدين .. وهاي اكبر مشكلة ...

انو معظم الشباب والفتيات بعاد عن ربنا .. فسهل الوقوع ... لانو حب الله مش طاغي على القلب ..

Twin

01-13-2007, 08:00 PM

والله انووو من فتره صاحب بابا كانت تحبووو وحده يهوديه متل ما حكيت لدرجه الهوس .. ومن شده حبها اله حكتلووو مستعده اغير ديني للاسلام عشانك ( عشانوو مش عشان ربنا ) حكالها انا ولادي يكونوا خوالهم يهود ، ما بتلزميني .. يعني حبها اله مش في الله حبها اله لشخصووو وهاد اكيد بنسميه مش حب خالص لوجه الله ..

في حديث شريف لازم الكل يقتني فيه .. مش رح اكتبوو كلووو بس الي بهم موضوعنا فيه ..

قال رسول الله عليه الصلاه والسلام ..

( سبعه يظلهم الله في ظله يوم لا ظل الا ظله .. ..... رجلان تحابا في الله اجتمعا عليه وافترقا عليه .. ...... ورجل دعته امراه ذات منصب وجمال فقال اني اخاف الله رب العالمين )

قال رسول الله عليه الصلاه والسلام ..

( ان الله يقول يوم القيامه .. اين المتحابون بجلالي .. اليوم اظلهم في ظلي يوم لا ظل الا ظلي ) اكيد الحب في الله سبب في دخول الجنه .. مش حافظه الحديث مزبوط ..

يعني انا حفوت الجنه ان شاء الله لاني بحبكوو كلكوو في الله (-:

خيـرَ أُمـة

01-13-2007, 08:03 PM

بارك اللـه فيكي توين

وانا كمان بحبكو كلكو في اللـه .. ويشهد اللـه اني بعاملكن وبخاف عليكن مثل ما بعامل وبخاف على خواتي ...

الله يوفقك يا رب ...

شكلك بتجهزي شنط السفر ... وانا بكره السفر على فكرة .. لانو الرسول حكى عن السفر "قطعة من عذاب" .. مع انو سفرهم زمان مش مثل سفرنا الان .. لكن بضل اسمو قطعة من عذاب :))

بارك اللـه فيكي ..

Twin

01-13-2007, 08:18 PM

هههههههههههه لا انا سفري بعتبروو متل سفر ايام زمان .. معبر غزه قطعه من جهنم .. الله يبعدوو عنك ..

خيـرَ أُمـة

01-13-2007, 08:20 PM

اه والله يا توين معبر غزة مصيبة .. اللـه يهونها عليكو يا رب :((

Twin

01-14-2007, 12:07 AM

رح اذكرلكووو قصه بس الي المره .. ما يروح فكركوو لبعيد .. كان عمري 16 سنه
المهم ، كان في موئف لباص المدرسه بننتظرووو كل يوم الصبح عالشارع العام وكان عنا جيران بس صحابنا كتير .. عندهم بنت برضووو بتستنى الباص معنا كانت توجيهي ، المهم مره بيوم كنا وائفين سوا الا مرت سيارة والا شب رمى هديه كبيره عالارض ولما وئعت عالارض نفتحت وتكبب الي فيها المهم كان مذكور اسم البنت هاي فيها رح افرض اسمها (هند) ، المهم اخدت الي عالارض وحكتلنا بدي اوديهم للاداره ، ال يعني عمين بتكزب ..

ونحنا جايين بنفس اليوم من المدرسه بابا كان يجيبنا احنا وهيه من المدرسه ، اول ما دخلت السياره الا بتحكي لبابا ( عمووو احكي لبناتك مش اول ما حد يرمي شي عالارض يروحو يجروو وياخدوه ، ومش اي كلمه حلوه يسمعوها ويسدئوها ) شوفوو الظلم والافترى !! اعدنا نبكي انا وفراشه وندافع بس هيه كانت خدوهم بالصوت ليغلبوكووو .. ايش فكركوو بابا عمل ؟؟

ابتسم (-: وصار يحكيلنا نصائح ويوصينا ، بس وصلنا البيت حضنا وحكالنا ماتحكولي ولا كلمه عالموضوع انا عارف ايش ربيت وواثق ..
شو بدي اكتر من هيك ؟؟

المهم تاني يوم برضوو نفس الشي رمى لها هديه ههههههه وحاله ...
في وحده من الي كانوو في الموئف معنا فسدت عنها والاداره اجوو فتشوو شنتتها ونكشفت ..
ياحرام .. الي حزنت عليه من الئصه اهلها الي نفضحوو وتبهدلووو لانوو نفصلت مده من المدرسه ونئلوها مدرسه تانيه لحسن السيره والسلوك (-:

الخلاصه يابنات ما تكسروو ثقه اهلكوو فيكووو وتئعدوهم بحسرتهم ، هاي مني الكووو ..
http://rooosana.ps/uploading/b500ddd2d0.gif
والله لو بدي ازكرلكوو ئصص بعبيلكووو عشر صفحات بس رئفه باحمدايكس صار عندوو عئده من الصبايا .. شكرا الك احمدايكس ما بتئصر معنا ..

إسراء الفلسطينية

01-14-2007, 12:50 AM

السلام عليييكم

عفوا على التاخيييير :b:

جااري الاستمااع

و لي عوده ان شااء الله

لولو اليبناوية

01-14-2007, 01:00 AM

جاري الاستماع اخي احمد...
وبعتذر اني ما احضرت محاضراتك الي قبل بسبب الامتحانات عنا ...
ان شالله يومين وبنخلص....
يسملو ايديك ^__*

لولو اليبناوية

01-14-2007, 01:16 AM

بس حبيت اعلق من خلال قصصكم....
انو اول شي الزواج قسمة ونصيب..
ومن اول ما انولدنا الله اختار لكل بنت شريك العمر...
شو مصار وين ما رحنا شو ما عملنا...فتحية لفتحي...:icon11: ومديحة لممدوح..:icon11:
طيب ليش احنا نتعب حالنا ونحب وانموت حالنا وابصر شو..؟؟؟
هاد غير الغلط الي بنوقع فيه..وونخون اهلنا..:icon6:
طيب ...في اكتير بقولو خلينا نتسلى اشوي...:wacko:
طيب بعد هالتسلاية هاي.... اخرتها حنرجع ونتوب ونندم..صح...!!
طيب ليش احط حالي بهاد الموقف...؟؟
ليش اخلي صفحات سودا بملفي..؟؟
يعني ما نخلي تفكيرنا محدود....مجرد انو بدي احب وخلص...
لا نفكر شو راح يجينا ورا هالحب..
وشو راح نستقيد؟؟؟!!
بعدين...
اثبتت الدراسات انو الزواج الناتج عن طريق الاهل ناجح اكتر من زواج الحب...
لانو الزواج الي عن طريق الاهل ....
اول شي كان اختيار الاهل..
ناتي شي زواج عقلاني..ما بتدخل العاطفة فيه
بعكس الزواج الي عن حب...الي هوة ناتج من اختار الشاب او الفتاه..والي هوي عن عاطفة..
وبالنسبة لقصتك توين...
فعلا انا اكتيييييي كنت اقرف من بنات المدرسة بسبب هالشغلات..
ونادرا لما الاقي بنت بعيدة عن هالقصص..
بس...
يسلمووووو ايديك اكتييييير احمديكس عالمحاضرة
والله يجازيك كل خير
:s (43):

نرمين

01-14-2007, 02:36 PM

مشكور اخ احمد

هيو قاعد بيحمل

وبعدين انا معاكم من بداية المشروع الى نهايته

عذرا على التاخير وانتم تعرفون الظروف القاهرة التي امر بها

الي تعليق اخر عندما اسمع المحاضرة كاملة

الي عودة قريبا ودمتم في حفظ المولى ورعايته

جيفارا*نابلس

01-14-2007, 05:22 PM

جاري التحميل..................... ....................... ...................................

مشكور احمد الله يجزيك الخير

خيـرَ أُمـة

01-14-2007, 05:42 PM

والله يا توين قصتك قصة

فعلا في بنات بتصرفن بتصرفات غريبة ..

وبكيدن لبعض .. ان كيدهن عظيم .. طبعا مش الكل :))

لكن لفتت نظري ثقة ابوكن فيكن .. والحمد لله الثقة في مكانها :))

----

لولو الزواج التقليدي وانها الام اتروح وتختار .. ويمكن اتطول اللوزة وتخليها تفقشها (مسلسل سوري صار ههه) ... ويروحو يشوفوها ..

يعني كل واحد الو طريقتو .. بس انا ما بدي هيك طريقة :))

الزوجة هاي بدها تجلس معي عمر .. والام الها نظرة لكن نظرتي انا هي الاهم ..

خيـرَ أُمـة

01-14-2007, 05:42 PM

نرمين .. جيفارا ..

مستني ردكم على المحاضرة

موفقين يا رب :))

خيـرَ أُمـة

01-14-2007, 05:47 PM

gold_quest

01-14-2007, 05:56 PM

السلام عليكم ورحمت الله

موضوع رائع

جزاك الله اخي احمد

بالفعل الغرب يعيشون حياة تأنف الحيوانات منها ليس لديهم
دين ينظم حياتهم وشهواتهم
احلوا المحرمات واصبحوا يعشون من اجل الماده

وشهوات وللاسف

وجزاكم الله خير واسكنكم فسيح جنانه

لولو اليبناوية

01-14-2007, 06:08 PM

هههههههههههه
اها...يعني فش مجال دايما x
عشان هيك احمد x
بمزح...لا بس جد
قوللي...يعني اتكون بتعرفها احسن..؟؟

نرمين

01-14-2007, 06:28 PM

مشكوراخ احمد فعلا محاضرة كتير حلوة وانا عندي هيك اشي حابة اقوله الكم كتعليق اخر ولكن نظرا للظروف القاهرة التي امر بها الان لااستطيع ان اكتب اي تعليق

يعني ردودكي كلها وتعليقاتي اللي انتم بتعرفوها راح تكون بعد انتهاء هاااااااااي الفترة لأنه وبصراحة انا حاليا بفكر في اشيا كتيرة

دمتم في حفظ المولى ورعايته

نرمين

01-14-2007, 06:30 PM

وعلى فكرة قريبا جدا راح اكون بالسعودية باذن الله وراح نرمين تتغير تغيير كلي

ولكن بتمنى تقبلوني بالتغيير الجديد ( يعني توقيعي يتغير وانا ما اتغير_هههههههههههههههه)

دمت في حفظ المولى ورعايته

sanae

01-14-2007, 06:48 PM

جيفارا*نابلس

01-14-2007, 07:02 PM

اخي احمد سأكون معك صريحا جدا

هذه المره هي اول مره اقدم على سماع درس دين

في حياتي كلها

ربما الفضول هو ما لاجعلني اقدم على مثل هذا العمل

انا لا اعرف الايمان او اي شيء يدل عليه ولكني اعيش على فطرتي وهي ان هناك اله وهناك رسل وعلينا احترامهم

هذه هي الفكره المحضه الموجوده داخل رأسي

ولم اتطرق يوما الى اناقش احدا بمشروع الدين او العقيده

موضوعك جميل ويتكلم عن العاطفه والحب وايضا القصص ممتعه قصه سيدنا يوسف عليه السلام وغيره

مثل الصحابي

ولكن هل انت تعني بموضوعكك الابتعاد عن الحب بجميع اتجاهاته ام الحب الحرام

اذا كان الحب الحرام والجنس فلا اظن ان هناك من يرفض منك نصيحه

اما الحب العادي الذي نمر به بحياتنا العاديه اليوميه فلا ارى به التباس او شك

فا لحمد لله اخلاقنا لا تسمح لنا باي شيء حرام حتى وانا في بلد غير عربي وغير مسلمي بل يحمل شعار الشيوعيه

وجزاك الله خيرا على دروسك وانشاء الله بها الفائده لجميع المسلمين

مشكور اخي احمد

خيـرَ أُمـة

01-14-2007, 07:04 PM

حياك اللـه أخي جولد .. وان شاء الله تكون استفدت من الحلقة .. وبتمنى تشاركنا الحوار ..

----

لولو تعالي هون ..
يعني معرفة البنت ما بتكون غير معرفة شر ؟؟!!!

في معرفة خير مثل مافي معرفة شر ..

يعني اضربك مثال لما كنت في الاردن بالجامعة كنت من جماعة صناع الحياة وجماعة ثانية ما كنت منضملها اسمها حماة المستقبل .. انا كنت مع عصابة اللهو الخفي .. المهم

جماعة حماة المستقبل رئيسهم كان صديقي والغريب انو خطب وحدة من البنات الي في الجماعة معهم .. وفي واحد ثاني برضو جديد خطب وحدة .. هاي انا بعتبرها معرفة خير

وفي شباب من الجامعة اتجوزو بنات .. أهم اشي انهم يختارو الطريقة الصح .. وهي التوجه للباااااااااب مش الشباك كما ذكرنا سابقا ...

وما تكون القصة مثل ما كنا انشوف بالجامعات من مواعدات في اماكن مشبوهة ... وعلاقات حرام ... واجتماعات كلها كلام فاضي ..

gold_quest

01-14-2007, 07:10 PM

السلام عليكم
اود ان اسال
لماذاا عندما يقع احد في حب شخص اخر يتاثر به كثيرا حتى ان شخصيته تنصهر بشخصية الاخر بكل عيوبها و مساوئها
و يفعل كل شيء لارضائه حتى و لو كان على حساب اهله.
حتى بالنسبة للازواج هناك مجموعة تؤثر سلبا حتى على العلاقة بين الاهل

وعليكم السلام ورحمت الله

نعم هذا الكلام صحيح ولذلك قيل علاج الحب حب اكبر منه

ومثال ذلك الصحاب رضي الله عنهم وارضاهم

حين احبو الله ورسوله صلى الله عليه وسلم بذلوا اروع التضحيات فلقد ضحوا بانفسهم من اجل الدين

اما لماذا فانها غريس وضعت في الانسان فيستطيع توجيه هذه الغريس الى حب الله

هذا والله اعلم

خيـرَ أُمـة

01-14-2007, 07:13 PM

نرمين
هذا خبر مفرح :)) .. ويا عيني على التغيير يا عيني :))

سناء
انا بعتلكم رسالة خاصة فكرتك ما انتبهتي للحلقة .. :))

المحبُ لمن يُحبُ مطيعُ ... حبنا لله هو الذي يجعلنا ننفذ ما امرنا به دون مناقشة .. فان طغى حب على حب اللـه .. وقتها مصيبة لانو الحبيب حيتحكم بمن يحبه وهنا اسمو هوس مش مجرد حب عادي ..

جيفارا ..
انا سعيد بمشاركتك معانا .. وطبعا احنا بنتكلم عن الحب الحرام ...
وانا لي نظر في الحب يمكن تختلف قليلا مع الشيخ نبيل العوضي (المحاضر) فانا اعتبر الحب الحقيقي يأتي بعد الزواج لما يكون في الزواج من تالف ومودة ورحمة بين الزوجين اللـه يضعها فيهم ... اما ما قبل الزواج فهو اعجاب ..

وللأسف الكثير من شبابنا وفتياتنا يخلطون بين الحب والاعجاب.. ولا يميزون بينهما ..

انا ان تقدمت لخطبة فتاة معينة فهو لاعجابي بها بأخلاقها وعقلها وجمالها ... وغيره من الاسباب التي توصلني الى مرحلة الاعجاب ..

للأسف بفترة من الفترات أخذ علينا نحن العرب على الانتر نت اننا نحب .. وهذا كان في بدايات دخول الانترنت الى الوطن العربي ..
بذكر كنت في غرفة دردشة .. هذا الكلام في ال 99 يعني قبل 7 او 8 سنوات ... وعندما علمو باني عربي بدأو يكتبون لي "نحن نحبك نحن نحبك ... " هههههه
حقيقة صدمت وعندما سألت اتضح انهم يأخذون فكرة عن العرب بانهم على النت عندما تعجبهم فتاة يرسلون لها "i love u" ...

ههههههه شر البلية ما يضحك ...

لولو اليبناوية

01-14-2007, 07:18 PM

لولو تعالي هون ..
يعني معرفة البنت ما بتكون غير معرفة شر ؟؟!!!

في معرفة خير مثل مافي معرفة شر ..

يعني اضربك مثال لما كنت في الاردن بالجامعة كنت من جماعة صناع الحياة وجماعة ثانية ما كنت منضملها اسمها حماة المستقبل .. انا كنت مع عصابة اللهو الخفي .. المهم

جماعة حماة المستقبل رئيسهم كان صديقي والغريب انو خطب وحدة من البنات الي في الجماعة معهم .. وفي واحد ثاني برضو جديد خطب وحدة .. هاي انا بعتبرها معرفة خير

وفي شباب من الجامعة اتجوزو بنات .. أهم اشي انهم يختارو الطريقة الصح .. وهي التوجه للباااااااااب مش الشباك كما ذكرنا سابقا ...

وما تكون القصة مثل ما كنا انشوف بالجامعات من مواعدات في اماكن مشبوهة ... وعلاقات حرام ... واجتماعات كلها كلام فاضي ..

اها اها رائع...
لا هيك مزبوط...
وممكن احمديكس يكون اختيار الام..
لانو بعد اختيار الام راح يكون اختيار الشب..
بانو يشوفها ويتعرف عليها اكتر...
يعني صدقتني بتطلع نفسها...
عالعموم يسلمووووووو

جيفارا*نابلس

01-14-2007, 07:24 PM

احمد انا معك

ممكن انتا نظرتك للحب بعد الزواج هو الافضل

بس انا بفضل قبل الزواج ولكن بشروط

اول شي انه يكون عند المحب رغبه بالزواج فعلا مو حكي ضحك على اللحى

وثاني شي البنت بتقدر تتاكد من ذلك ازا عرفت هل هو قادر على فتح بيت او الالتزام بالمسؤليه

والحياه بالغرب والله مو زي ما انتو متصورينها يعني بعبع

بتعرف انا بسافر كتير وبشوف كتير

يمكن من النظره الفكريه الاولى بتصورلك انه شوارع الغرب مليانه عاهرات وبنات ليل

لا اخي احمد والله في بعض الاجانب حتى الاغلب محافظين اكثر منا في فلسطين واسالني انا

فبنظري انو الحب اكيد شي حلو ولكن ان تكون النيه سليمه

ولا تنسى الشافعي على سبيل المثال شو تكلم

لسانك لاتذكر به عورة امريء فكلك عورات وللناس السن

يعني كل واحد بيفكر تفكير سيء باي بنت لا بد ان يسترد من بيته
يعني ما ابعدنا عن قاعدة كما تدين تدان

gold_quest

01-14-2007, 07:38 PM

اخي احمد سأكون معك صريحا جدا

هذه المره هي اول مره اقدم على سماع درس دين

في حياتي كلها

ربما الفضول هو ما لاجعلني اقدم على مثل هذا العمل

اخي الكريم
اسمح لقلمي المتواضع ان اكتب لك بعض جملي

هل سمعت اخي ان بدايه الهدايه هي بسبب الفضول

بل ليس الفضول هي نبضات قلبك التي تدلك الى الطريق الصحيح

اتمنى اخي ان تكون الاول وليست الاخيره

اما الايمان هي مرتبه متقدمه من الاسلام
وهناك مراتب اعلى من الايمان مثل الاحسان والصديقين
اما وجود الله والانبياء فهو حق لاشك فيه
واحترامهم لا يكفي
يجب تصديقم واتباع اوامرهم والامنتناع عن النواهي

(قل ان صلاتي ونسكي ومحياي ومماتي لله رب العالمين لا شريك له وبذلك امرت وانا اول المسلمين ) ......

ولذلك يجب ان نضع الدين هو امرنا ويجب ان نعمل لاجله
واتمنى لي ولك الهدايه والجنه

جيفارا*نابلس

01-14-2007, 07:41 PM

شكرا الك ايها الضيف الذهبي على كلماتك والله يهدينا جميعا

خيـرَ أُمـة

01-14-2007, 07:42 PM

"اذا شئت ان تحيا سليما من الاذى ..

....وذنبك مغفورٌ وعرضك صين ُ

لسانك لاتذكر به عورة امريء..

....فكلك عورات وللناس ألسن ُ"

الشافعي رحمه اللـه

لكن أخي الكريم انا بتكلم عن ظاهرة في الغرب منتشرة .. ظاهرة صنعها اليهود وهي التعايش دون زواج .. نعم هناك عوائل محافظة لكن كم النسبة .. قلة قليلة .. اما السواد الاعظم من المجتمعات الغربية فهي تعتمد هكذا مبدأ ...

قبل سنوات كنت أقرأ احصائيات في الغرب عن حالات الانجاب دون زواج ..
وخلينا نحكي بلغة الارقام .. السويد كانت رقم واحد 50% من الاطفال دون زواج .. من أب غير شرعي وهناك دول اخرى ما بين ال 40 الى 50 %

الرقم ليس سهلا ... تصور نصف الاطفال في السويط ابناء غير شرعيين !!! وهذه كانت احصائية عام 97 يعني قبل عشر سنوات .. طيب لوين وصلو الان ..

خلينا نعترف جيفارا انهم وصلو لمرحلة كبيرة من الانحطاط والتفكك الاسري .. والذي يبدو جليا في حالات الحمل الغير شرعي وحالات السفاح وحالات الانتحار ....

انا كل كلامي لم يكن عن العهر بالشوارع .. اناأتكلم عن رذيلة منظمة ..

موظف وموظفة هو يعمل وهي تعمل ويلتقيان في المساء شهر شهران ثلاثة ثم يتركها ويتوجه الى أخرى ...
وربما لا يتركها ... فنكمل السيناريو .. ينجبان الطفل الاول .. ثم الثاني وا الثانية ثم ماذا .. يفكران بالزواج .. لاحظ انهما يفكران .. لم يتخذا القرار بعد .. التفكير يأخد سنة او أكثر ربما .. ثم يفترقان .. وربما يزفان ... والمضحك المبكي ان من يزفهم هم ابنائهم :))

هذا ما يحصل في الغرب ... وان كان الكلام عن الغرب فصدقوني يا اخواني يا اخواتي .. لن تجدو اي احترام للمراة هناك .. فى مجتمع مادي لا احترام لها ..
انما عليها ان تعمل .. والمراة صارت سلعة .. اي اله وكيلكم علبة كبريت لا تباع الا وعليها صورة امراة ..
صارت سلعة عندهم ..

الحديث عن المراة في الغرب طويل ...

ويكفيني صرخة اطلقتها رئيسة جمعية امهات صغيرات في أمريكا .. ان قالت : انتبهو ايها الشرق يريدون ان تصلو الى ما وصلنا اليه ...

خيـرَ أُمـة

01-14-2007, 07:46 PM

الحكم هنا نور في فرنسا واسراء في الدانيمرك

نور كلمينا عن الوضع في فرنسا .. ربنا يحميكي

واسراء كلمينا عن الوضع في الدانيمرك .. الله يوفقك

جيفارا*نابلس

01-14-2007, 07:54 PM

ممكن الارجنتين لانهم شوي محافظين ما وجدت الا القليل هو في هيك حكي زواج دون عقد

ولكن هم ليسو على دييننا ولهم دينهم الذي يبرر ذلك

خيـرَ أُمـة

01-14-2007, 10:46 PM

معظمكم بعرف اني فترة العيد قضيت كذا يوم بين أهلي ... وعندما عدت للعمل
سألني زملائي ومعظمهم غير مسلمين اما شيوعين ملحدين بالله ولا يؤمنون بوجوده او نصارى عباد صليب ......... وا ن شاء الله في الايام القادمة ساتي لكم بأخبار مفرحة لكن اكثروا من الدعاء لنا ...

المهم بعدما عدت للعمل .. بدأو يسألوني كيف قضيت الاجازة (كلها 4 ايام عاد) .. ومن اسالتهم كيف صديقتك (جيرل فرند) وهل قضيت وقتا ممتعاً هناك معها :icon6:

طبعا اجبتهم اننا نحن المسلمين نحترم المراة وأن العلاقة لا تكون هكذا وانما الرابط في ديننا هو الزواج .. طبعا في البداية استغربو .. شيء جديد عليهم لكن بعد حوار اقتنعو ان المراة عندنا ليست للتسلية .. وانها لها حرمتها وهي خط أحمر في ديننا لا يجوز لأحد التعدي عليه .. ولها احترامها ..

العلاقات الحرام يا اخوتي لها الكثير من المفاسد والتي لو تكلمنا عنها لن ننتهي . فهي فيها مفاسد اجتماعية واخلاقية ودينية ... وأضف الى ذلك صحية ..

وان شاء الله ساحاول الكتابة عن هذا غدا :))

ملكة الإحساس

01-14-2007, 11:26 PM

جاري التحميل
جزاك الله كل خير اخي احمد
الله ينور عليك دنيا واخرة

سارة

01-14-2007, 11:40 PM

احمدكس المحاضره رائعه

نسيم الشام

01-14-2007, 11:40 PM

روعة ........ اسمعتها

الله يجزيك كل الخير اخي احمد اكس

مجهود رائع .... الله يبارك فيك .

إسراء الفلسطينية

01-14-2007, 11:41 PM

انسينا اسراء :))

مستنين كلمتك اسراء .. وبهمنا نعرف وضع الحب عندكو في الدانمرك ... انا بتصور وحسب معايشتي للغربيين في الشغل .. انهم بنظرو للمراة نظرة جسدية .. الروح عندهم شيء ثانوي ..

حياة التحرر الي همي فيها وصلتهم لمفهوم غلط في العلاقات الزوجية .. لدرجة انو صارت نسبة ابناء من غير زواج عندهم جدا عالية ... و صارو بعد ما يخلفو ولد و تنين يفكرو يتجوزو بعض .. تصورو !!! ...

بصراحة هاي حياة القطط ... مافي التزامات بينهم والتقو بحاوية اجلكم اللـه ..

السلام عليكم اخي احمد

كلامك والله كلو صحييح
اه والله صارت نسية ابنااء من غييير زواااج عاليه كتيييييير
حتى انا مره اتفاجئت من كلام و حده دنمركيه من صفي
مره اجت على المدرسه و قلتلي اسرااء بتعرفي انو انا بكرة رايحه على عرس
قلتله عرس مييين قلتلي عرس امي و ابووي
انا ما صدقت قلت اكييييد هاي هبله
قلتلي لا عنجد انا رايحه بكره على عرس امي و ابوووي و كان وقته عمره هااي البنت شي 11 السنه
و هديييك المره قلتلي اسراااء امي و ابووي تطلقوا

و على فكره هييييك حياتهم اغلبيتهم بحبو بعضهم بيخلفوا بيتزوجوا و بعدييين بيطلقوا
و النتيجه ضياااع كل العيله

نرمين

01-15-2007, 12:48 PM

اخي احمد

انا بعرف بنت من عندنا من الكلية

بتحب واحد معها في الكلية والهم اكتر من سنة ونص وهما بحبوا بعض ولكن علشاان الشب بدوي

اهل البنت رافضين وبدهم يزوجوها ابن عمها او ابن خالتها ( يعني قريبها ) وهي رافضة نهائيا ومتمسكة بالشب اللي بتحبوا
والى الان كل ما تتكلم معانا تلاقي دمعة نازلة من عينها

وبعرف بنت عندنا في الكلية وبيجب هدايا للشب وكل ما يزعل منها هي بتجيب اله هاية وبتعقد معاه في نص الكلية وبتحكي انها مستعدة تتحدى كل العالم ختى اهلها وتتجوزوه

دمتم في حفظ المولى ورعايته

ملكة الإحساس

01-15-2007, 03:18 PM

بسم الله الرحمن الرحيم
...
بداية .. الشكر والتقدير لأخينا أحمد
محاضرة رائع .. اختيار رائع
جزآك الله كل خير .. وكثر من أمثالك
..
أخواني .. أخواتي ..
نبذة مختصرة عما تحويه المحاضرة " قصة حب "

...
( واللذين أمنوا أشد حبا لله )

* قصة حب زائفة ... نهايتها .. حسرة .. الم .. ندم
* قصة حب في القرآن .. أعظم قصة .. "يوسف عليه السلام "
* قصة حب .. لشاب مراهق .. صحبة سيئة .. فتاة عاهرة .. نتيجتها ..
سبحان الله .. مازال الايمان .. خدعة للنجاة .. فماذا حدث ... ..
قصة نهايتها الدمار .. الخزي والعار
" والذين هم لفروجهم حافظون إلا على أزواجهم او ما ملكت أيمانهم فإنهم غير ملومين "

الزمن .. فتن .. عرضت في كل مكان
الزواج .. الحلال .. العفة .. الطهارة ..

* قصة حب فتى عابد لجارية ... منذ زمن .. في البصرة ..
خطبها فرفضت ... لا تريد الحلال ..!!!
مرة وتانية وتالثة .. تريده بلا زواج
رد عليها ..

وأسألها الحلال وتدعو قلبي إلى مالا أريد من الحرام ِ
كداعي آل فرعون إليه وهم يدعونه إلى الآثامِِ ِ
فضل منعما في الخلد يسعى وضلوا في الجحيم والسقام ِ

*قصة حقيقية لشاب في مقهى ... لامرأة .. جميلة .. أكبره سنا .. ثرية .. مطلقة .. خدعته ..

" يا أيها الذين أمنوا لا تتبعوا خطوات الشيطان "
" ولا تقربوا الزنا انه كان فاحشة وساء سبيلا"

.. حادث سيارة .. اخيه مصاب .. يحتاج دم .. يتبرع لأخيه .. فحص .. الدم مصاب بالايدز ..

* قصة حب لصحابي جليل اسمه : مرسد ابن ابي مرثد .. قيل الإسلام .. فجاء الإسلام فأسلم .. بطلا من أبطال الصحابة
.. عشيقته السابقة عناق .. أرادته الزنا .. فرفض .. فأوشت به .. كشف امره .. فأنقذه الله .. سبحان الله ..

...
وما في الأرض أشقى من محب .. وان وجد الهوى حلو المذاق
تراه باكيا في كل حال .. مخافة فرقة أو لاشتياق
فيبكي ان او شوقا اليهم .. ويبكي ان او حذر الفراق
..
*قصة حب لفتاة محافظة من أسرة محافظة .. عبر الانترنت

بدأت بالدعوة لشاب .. دخل الشيطان ..
" سنستدرجهم من حيث لا يعلمون "

أسئلة .. فأجوبة .. أيام .. فشهور .. صورتها .. اللقاء .. الفاحشة ...

*قصة حب لفتاة .. لابن عمها .. لم تحدثه .. دعت الله .. فخطبها .. عقد عليها القران ..
لكن .. للاسف ..
لكل شيئ اذا ما تم نقصان .. فلا يغر بطيب العيش انسان
موعد الزواج بعد ايام
هاتف .. عظم الله اجراك .. مات
سبحان الله .. حب بالحلال .. لكن كتب الله له الموت
...
سألت المحبين الذين تحملوا .. تباريح هذا الحب من سالف الدهر
فقلت لهم ما يذهب الحب بعدما.. تبوء ما بين الجوانح والصدر
فقالوا شفاء الحب حبا يزيله .. لآخر أو لان طويل على الهجر

...
*قصة حب لفتى ..
*الأصمعي شاعر لغوي مر على صخرة في الحجاز فقرأ
أيا معشر العشاق بالله خبروا .. اذا احل عشق بالفتى كيف يصنعوا

فأجاب عليه بشعره ..
يداري هواه ثم يكتم سره .. ويخشع في كل الأمور ويخضع

حوار رائع .. النهاية .. موت الفتى

...

مات بعض الناس فانتحر العشاق
قصة فتاة ارادت الانتحاار

..* الحب احيانا يؤدي الى سوء الخاتمة ..
...
*من أقوال ابي عبدالله اللغوي .. عن الخاتمة
*قصة شاب .. وقعت عينه على فتاة .. فأحبها.. وتعلق بها .. فكلمها .. عشقها .. وكانت نصرانية
أراد زواجها فمنعته القبيلة كلها .. يريدها .. وتريده .. النهاية .. مرض الاثنان .. مات الشاب .. !!! لكن كيف ؟؟
ماتت الفتاة ..!!! لكن كيف ؟؟؟

* قصة حب .. عمير بن الهمام لكن لمن .؟ لله سبحانه وتعالى ..

" ومن الناس من يشري نفسه ابتغاء مرضاة الله والله رءوف بالعباد "

*المجتمع يعيش قصص حب منها .. الحلال .. الحرام

*آخر قصة .. قصة حب بالكوفة ..

...

وصلى الله وسلم على نبينا محمد وعلى آله وصحبه أجمعين
...
سبحانك اللهم وبحمدك .. أشهد أن لا اله إلا أنت.. أستغفرك وأتوب اليك

خيـرَ أُمـة

01-15-2007, 03:24 PM

دلوعة الشام ان شاء الله تكوني استفدتي منها .. احنا املنا فيكو كبير ..

خيـرَ أُمـة

01-15-2007, 03:27 PM

اسراء ..

كلامك كلو صحيح

والنقطة الي انسيت اذكرها وانت ذكرتيها انو اخرتهم الطلاق .. لانها العلاقة بدأت غلط .. فشيء طبيعي هيك نتيجة ..

الطلاق في امريكا وصل 50% يا جماعة .. اذا في اشي غلط بحياتهم في تفكك اسري في انحلال أخلاقي ..

طبعا معظمنا بيتبادر لذهنو كلام وهو ان المنحلين أخلاقيا والمفككين اسريا تفوقو علينا ..
اذا همي صح واحنا غلط ..!!

ان شاء الله اليوم حنتكلم عن هذا الشيء ..

ربنا يوفقنا جميعا يا رب ..

خيـرَ أُمـة

01-15-2007, 03:32 PM

نرمين

البنت حتخسر اهلها عشان الحبيب ...

شوفو ايش رح خسرت . وايش رح تكسب ..

الله يهدي بنات المسلمين

اما البنت الثانية .. مش خايفة على سمعتها .. طيب لو تركها ايش مصيرها ؟!!

الله يهديها ..

انصيحيهم يا نرمين .. هلا مافي رسل واحنا المسلمين خلفاء الرسل في هذا الزمان .. ادعيهم و وعيهم .. واذا قدرتي اسحبيهم للمنتدى او سمعيهم المحاضرة ..

جيفارا*نابلس

01-15-2007, 03:38 PM

مشكور احمد الارهابي

جد موضوع قييم

سارة

01-15-2007, 03:51 PM

بدكم الصراحه انا مقتنعه انه ما في حب بهالزمن

خيـرَ أُمـة

01-15-2007, 03:57 PM

ملكة الاحساس

ما شاء الله عليكي .. لخصتي المحاضرة

اللـه يجعلها في ميزان حسناتك يا رب ..

نرمين

01-15-2007, 04:31 PM

بيني وبينك اخ احمد

انا وكم بنت قعدنا مع البنت الاولى اللي ( اهلها بدهم يزوجوها قريبها وهي رافضة)

وسمعنا قصتها وحكينا الها اللي ربنا كاتبه لازم يصير

وانت فكري بعقلك ما تخلي قلبك يتحكم فيكي وللأسف تاني يوم رجعت متل اول للحبيب ويوميا معاه سواء بالجوال او التليفون او عن الإيميل او الرسايل

اما البنت الثانية لسا ما قعدنا معاها وبعدين هاااي البنت سيرتها على كل لسان

وبعرف بينتين صديقاتي واحدة جابت هديةلحبيبها( الذبلة) والتانية بتحكي انه هي اللي جابت الذبلة لحبيب صديقتها والشب زعل من البنتين فالبنت الاولى حكت لصديقتها انه ليش هيك عملتي وانت الحين مبسوطة من اللي صار

ردت عليها صديقتها انه اه هيك انا ارتحت لانه كان لازم يصير هيك من زمان

الله يبعد عنا شر الحب وسنبنه وبعدين انا مقتنعة 100000000 % انه الحب في هااااااااد الزمن مش حب صادق وبنية صادقة بالعكس تماما ( نحن بزمن لايؤتمن اليس كذلك)
دمتم في حفظ المولى ورعايته

نور الهدى

01-15-2007, 04:32 PM

الحكم هنا نور في فرنسا واسراء في الدانيمرك

نور كلمينا عن الوضع في فرنسا .. ربنا يحميكي

واسراء كلمينا عن الوضع في الدانيمرك .. الله يوفقك

طيب و اعتذر على التاخير

و الله انا بتزكر لما كنت بالمدرسة كانت في زميلة صاحبت 10 شباب في عام واحد ... لا تستغربوا في ارقام قياسية اكبر ...

المهم

بتزكر انها صاحبت واحد في المدرسة ... ضلوا مع بعض مدة شهر ... بعدين ملت ... ترتكتو و بعد اسبوع صاحبت واحد كان في نفس صفنا ...

طبعا انا كنت بحكيلها انهم بستغلوها و انهم بضحكوا عليها ... لكن اتفاجات انها كمان بتتسلى !!!

و والله سمعت باذني صاحبها الاول يحكي لصاحبها التاني قبل ما تصاحبو " خذها و صاحبها .. صدقني انها لزيزة "!!!

لما سمعت هيك تركتها و ما عدت حكيت معها ... و قبل ما اقطع صلتي فيها حكيتلها شو قال ... قالتلي "صحيح ؟ انا بفرجيه "

احزروا شو عملت

صاحبت واحد تاني هههههههههههههههههههههه

معظم البنات الغير مسلمات هيك

بس كمان في بنات مسلمات انا بعرفهم ... و شخصيا مريت بتجربة

مرة في واحد تقدملي " يعني بشكل شرعي لاهلي"... فكرتو ذا خلق و دين ... بس في الي "صديقة" كانت بتتصل عليه و يتصل عليها و هيك و دخلوا في قصص يعني ...و ما حدا كان بيعرف الا صديقتها القديمة

انا كنت زي الاطرش في الزفة

و كانت هالبنت دايما تجيني و تحكيلي انتي ما بلزمك واحد زيو و هو مش كويس و هيك شغلات ... بعدين عرفت قصتهم من صديقتها و رفضت هالشب

هالشب عرف اني عرفت .. قام هجر هالبنت ... و هالبنت ما عرفت اني عرفت ...

انا رفضته نهائيا ... قام عشان ينتقم منها وعدها انه يتزوجها ..بس بعدين بهدلها و صارت سمعتهم زي الزفت

و الله انا بكره هالقصص .. الله لا يبلانا

و الله يهديهم و يصلح الاحوال

خيـرَ أُمـة

01-15-2007, 04:48 PM

وبعرف بينتين صديقاتي واحدة جابت هديةلحبيبها( الذبلة) والتانية بتحكي انه هي اللي جابت الذبلة لحبيب صديقتها والشب زعل من البنتين فالبنت الاولى حكت لصديقتها انه ليش هيك عملتي وانت الحين مبسوطة من اللي صار

تصرفات صبيانية ..

هذا أكبر دليل انهم ل ايعرفون معنى الحب .. جد تصرفات صبيانية وطفولية ..

مثل طفلتين تتشاجران على لعبة ..

نرمين بما انها تستعمل الانترنت .. حاولي ان تدرليها على صفحتنا هذه ..

مين عارف يمكن الهداية تكون على يد هذه الصفحات وكل من شارك بها ..

ربنا يجيب الي فيه الخير ..

Twin

01-15-2007, 07:27 PM

هههههههههه والله شر البلية ما يضحك عؤلتك .. بس ليش رايحيين بعيد هيووو مليان عنا متل هيك .. يعني ليش بتتناقشووو بقضيه كفره .. ليس بعد الكفر ذنب .. شووفوو المسلمين شوو صارووو يعملوو اكتر من هيك والله ..
وكمان حابه احكي انووو مره سمعت انوو الغرب مصدومين من النسبه القليله من الانتحار عند العرب ، بالمقارنه فيهم ، لانهم ماعندهم ربنا يلجأولووو بالمصاعب ، اول ما تضيق فيهم الدنيا بنتحرووو اما المسلم بصبر وبيحتسب وبوكلها لربووو .. لهيك همه مصدومين ...

خلوكوو بالعرب لانوو الغرب مش رح تستفيدوو منهم شي

احلى رورو

01-15-2007, 07:31 PM

امممممممممممم

بعد الامتحانات بسمعهاااا

لانو ازا بسمعها هلاء بتبخر الامتحان هههههه

ثااااااااانكس عمو

خيـرَ أُمـة

01-16-2007, 07:00 PM

مهوي يا توين احنى خايفين شبابنا يمشو على خطاهم

الشباب والصبايا للأسف شايفين الجانب الجميل من حياة الغرب مع العلم انهم هناك بعانو من تفكك اسري ومشاكل اجتماعية الها أول ما الها اخر .. لذلك بنحب نستشهد بالغرب وبالبلاوي الي عندو عشان ما نوصل لمرحلتهم ..

صحيح عنا فساد لكن لم يصل 10% من الفساد في الغرب ..

أحلى رورو لما تخلصي منتظرين مشاركتك معنا ..

هلــون

01-17-2007, 03:01 PM

محاضرة نص حلوة .. مش لانو هيي مش حلوة .. لاني سمعتها مئطعه .. ما بعرف شو قصتها

مش واضحه عندي .. هاي المحاضرة التايه الي ما سمعتهم مضبوط

..^^...

http://files.shabab.ps/img-upload/uploads/724162c82f.gif

خيـرَ أُمـة

01-17-2007, 06:51 PM

بسيطة يا هيلين

بدك تزبطي خط النت عندك :))

----

انا طرحت سؤال انو بما ان الغرب عندهم تفكك اجتماعي و تخلف أخلاقي فلماذا ما زال الغرب أفضل منا في الحضارة .. لماذا ؟؟؟ سؤال يطرح نفسه ؟؟

نور الهدى

01-17-2007, 10:45 PM

بما ان الغرب عندهم تفكك اجتماعي و تخلف أخلاقي فلماذا ما زال الغرب أفضل منا في الحضارة .. لماذا ؟؟؟ سؤال يطرح نفسه ؟؟

صحيح انه عنهم تفكك اخلاقي و غيره

لكن عنهم ثقافة العمل

وقت العمل ما بضيع ... في نظاام

احنا لما نقلد الغرب بستار اكاديمي .. بنقلد فيهم يوم في الاسبوع ... او يومين " week-end "

بس لما يجي الجد ... ما حدا يعمل زيهم

هادا الي مخليهم متفوقين علينا

خيـرَ أُمـة

01-19-2007, 02:33 PM

ما فهمتي المقصود من السؤال نور

عموما انا حوضح

خبراء وعلماء الحضارات .. يقولون بأن انكسار وزوال أي حضارة يحتاج لسببين اثنين

الأول... هو التخلف الاخلاقي .. وهذا حاصل في الغرب

والثاني .... وجود حضارة منازعة لهذه الحضارة

يعني لو قرانا التاريخ سنجد أن الفرس والروم كان لديهم التخلف الاخلاقي لكن لم يسقطو الا بعد ما ان كان هناك حضارة نازعتهم والتي هي الاسلام ..

حضارة الفرس والروم يا اخواني بنيت بالاف السنين .. وكان عندهم حضارة ضخمة وعلم وادب ..
ومع ذلك الاسلام هدم هذه الحضارات في بضع سنين :))

ما أريد الوصول اليه .. ان حضارة الغرب اليوم قابلة للسقوط لوجود التخلف الاخلاقي .. لكن ينقصها للسقوط وجود حضارة تنازعهم .. وللأسف لا يوجد

اذا في الوقت الذي سننازع به الغرب صدقوني سيسقط ..

ولا تقولو الفارق كبير بين الامس واليوم .. صدقوني كانالفارق بين حضارة روما وحضارة العرب قبل ان يعزنا الله بالاسلام .. كان أكبر من الفارق بيننا وبين الغرب اليوم ..

اذا نتيجة .. يجب ان نكون حضارة منازعة .. وان نتحلى بالاخلاق .. وقتها لن تقدر علينا اي حضارة لأنها جميعها مدمرة داخليا .. وبيوت خربة من الداخل ..

ينقصنا المباردة يا اخواني يا أخواتي ..

وما كان هدف هذه الحلقات السابقة والقادمة الا حشد العزم والهمم .. وازالة فكرة اننا لا نقدر
..

بارك الله فيكم جميعا ..

خيـرَ أُمـة

01-21-2007, 09:18 PM

كتاب The Death of The West بالعربي موت الغرب .. اقراوا هذا الكتاب يا اخوتي لتعرفو حقيقة ما وصل اليه الغرب ..

الكتاب جديد للمؤلف بوكانون المرشح الثالث لرئاسة الولايات المتحدة ..

بوكانون رجل مفكر وفيلسوف ودبلماسي .. يعني ليس بالرجل العادي ..

قريبا سأشتري الكتاب وسأحاول ان الخص ما كتب فيه للفائدة ..

لكن من بعض المقاطع التي قراتها في المواقع عن الكتاب انه ذكر سبب موت الغرب ان ثقافة اللذة طغت عليه وأصبحت هي المعيار الذي لا يستطيعون مخالفته

دعواتكم أحبتي ..

أبو المهند

01-21-2007, 11:01 PM

بارك الله فيك أخي أحمداكس

جاري التحميل .........

المسلمممه

01-22-2007, 02:10 AM

المسلمممه

01-22-2007, 02:34 AM

.... بالنسبه للحب ...والله ياجماعه لو اقولكوا على شي ماراح تصدقوا......
قصه غريبه عجيبه صارت باحدى الدول العربيه..
وهالحب صار منتشر بكثره هالايام والله المستعان .....وصار موضه منتشره في المدارس اكثر شي...وهذا دليل قاطع على اننا في زمن العجايب واننا في اخر الدنيا بلا شك.......

الرسول صلى الله عليه وسلم يقول لا تقوم الساعه حتى يستحل الناس مايفعله قوم لوط .......

القصه ومافيها ........انه ياريت الحب بين الولد والبنت يمكن هادي صارت موضه قديمه ....الحين صار الحب بين البنت والبنت.....

القصه........

كانت هناك فتاه عربيه اسمها على مااظن ايلاف ..كانت قمه في الجمال والانوثه لدرجه انها اذا مشت في المدرسه بات الكل يحدق بجمالها..المهم انو كان عندهم مدرسه عصبيه ..كانت تعصب على كل بنات الفصل الا هذه البنت الجميله فقد كانت تعاملها برقه ..في يوم من الايام تعرفوا المدرسه والفتاه على بعض واخدوا ارقام بعض ..وتطورت العلاقه واصبحت بينهم نظرات غريبه الا ان قررت هذه المدرسه العزباء ان تعزم هذه الفتاه الى بيتها ...فعزمتها في الساعه 8 ليلا ..وطبعا على اساس الدلال لم يكن هناك رقابه...وعندما اختلت هذه الطالبه بمعلمتها ..توقعوا ماذا حدث والله المستعان ..نعم هو اللي في بالك...وطبعا بعد حين اخذتهم علامات الندم واحتقار النفس.ووووو لن اكمل الباقي ...

لكن انا تجرات وطرحت هذه القصه لاني فعلا انا مستعجبه ..يعني لمن امشي بالمدرسه ..تقول اللي معاي ((ياي انا خايفه ....واسالها من ايش خايفه بتقول لي....من هذيك ووو ..وبعدين تقولي شوفي شعري مرتب ..وانا صراحه هذا اللي مخليني في حيره .....وكانها مستنيه خطيبها؟؟؟؟؟

طب سؤال ؟ يعني الرجال اختفوا عشان تروحين تحبين البنت ..؟؟؟ سؤال هالظاهره عمرها صارت الا في هذا القرن ......لا تقولوا لي اعجاب ...انا اعتبر هادي الحالات المنتشره صراحه نفس مايصير مع قوم لوط ...ولا انتوا ايش رايكو؟؟؟؟

خيـرَ أُمـة

01-22-2007, 04:56 PM

أبو المهند في انتظار مشاركتك يا الغالي

المسلمممة .. عنا في المجتمع الفلسطيني هذه الظاهرة غير موجودة ولله الحمد . لل>أسف هي انتشرت بشكل كبير في الخليج وبالتحديد الكويت حتى انهم يسمونهم هناك ب "البويات" مأخوذة من كلمة بوي "boy" بالانجليزي وأضافو لها تاء المؤنث .. ويسموهم أيضا بالمسترجلات .. وبالعربي الفصيح هذا ما نسميه بالسحاق والعياذ بالله ..

فتاه تحب فتاة وتبدأ الفاحشة .. وللأسف الظاهرة موجودة بين الشباب وهذا ما يسمى باللواط نسبة الى قوم لوط وما كانو يقومون به والعياذ باللـه ..

وهذا يعتبر من كبائر الذنوب لما فيه من تغير لخلقة اللـه والفطرة التي خلق اللـه الناس عليها .. حتى ان علمائنا حكمو بقتل من يفعل فعل قوم لوط وذلك برميه من اعلى منطقة في المدينة التي هو فيها .. يعني لو في الرياض من برج المملكة :p .. والله وقتها بيتقطع ههه لكن اللـه لا يردو ..

حاليا وبحسب ما سمعت من اخواننا في الكويت ان بعض الفتيات بدان بعمل قصات تشابه الرجال بل وحتى في اللبس منهن من بدأت تلبس ملابس الرجال والعياذ باللـه ..

بل منهن من بدات تخرج للبلاد المتقدمة طبيا لعمل عمليات تجميلية حتى تصبح رجلا !!

بالمناسبة أكثر دولة في الشرق الاوسط يحدث بها هذا الشيء هي ايران .. خصوصا بعد ما افتى علمائهم الضالون بجواز هذه العمليات !! .. ومن وقتها والشواذ هناك منتشرون ..

نحن هنا لا نتكلم عن الشواذ خلقيا .. اي عند خلقته وهذا يحله الطب منذ البداية .. نحن نتكلم عن رجال يصبحون نساء ونساء يصرن رجال ..

وقد لعن الرسول الكريم صلى الله عليه وسلم المتشبهين من الرجال بالنساء والمتشبهات من النساء بالرجال ..

يجب الوقوف أخذ موقف من هذه الظاهرة ..

شكرا المسلمممة على المداخلة الرائعة وأهلا بعودتك معنا ..

المسلمممه

01-23-2007, 12:14 PM

ايوه صحيح الكويت اكتر شي ..للاسف ....وايران كمان .....

على فكره لفتني بحديثك الرمي من اعلى مكان مرتفع عقابا للشاذ...

يقال انو صدام حسين الله يرحمه عملها ....يقولون انو كان فيه 3 عراقيين وكلهم شواذ ..ودخلوا عليهم وهم بوضع مخل جددا بالاخلاق......قام صدام حسين حكم عليهم بالاعدام رميا من اعلا عماره ...وفعلا هادا الللي حدث تم رميهم تلاتهم من اعلى عماره ..واللافت في الموضوع انهم ماماتوا الا بعد 4 رميات ..بس يستاهلوا ...الله لايردهم

المسلمممه

01-23-2007, 12:32 PM

يعني في بنات للاسف نفسهم ضعيفه..والولد كمان ضعيف يمككن اضعف من البنت.

حتى لو كان متدين او متزمت .....وهذا شي معروف ...بس هنا الغلط على البنت

مو على الولد لانة البنت هي اللي تفتح المجال للواحد انو يتجرأ عليها ....

اما لوصارت الفتاه صارمه وشديده وقويه وماتهتم باحد ..هنا الرجال مايسترجي

يقرب عليها .واصلا الرجال يكره البنت اللي شخصيتها قويه. وصدقوني راح يبعد عنها
...مو اللي تطلع للسوق والجامعه وحاطه في وجهها انواع المكياج ..مهررج ... وحتى اللي تلبس

عبايه ..يمكن تكون عبايتها مزخرفه ومنقشه ..وهذا اللي يخلي الولد يتجرأ ....اما البنت اللي تطلع

وتلبس اخس عبايه عندها وتكون فضفاضه ...هادي ما احد راح يسترجي يقرب منها.هادا اللي انا استنتجته..

انتم ايش رايكم ؟؟

Banbon

01-23-2007, 02:08 PM

كلام حلو ....و قصص مفيده (( بتخوف :b: ))

بس بدكم الصراحه :icon9:

أنا بكره انه حدا يجيب سيرة الحب :angry:

... لاني ما بفهمه بالمره ... او بالأحرى ... بحتار فيه
مره بشوففه صح ... و مرات بشوفه بين الصح و بين الغلط ...و مرات تانيه بشوفه غلط

يعني .... مشان الله ...ارسولنا على بر !!
كل قصه بسمعها بتحكي شكل ...مره نهايه سعيده و مره نهايه بتخزي ..
و انا عارفه انه حرام
(( مش حرام من ناحية الشعور ...حرااام من ناحية الافعال اللي بتنتج من هالشعور))

و عشان هيك ....

أناا هلأ يئست من أفكاري حول هالموضوع .... و قررت اني ما احاول حتى أفهمه
في شغلات اهم :victory:

بس في عندي رأي ...
انه اذا بدك تحب ... لازم تتحمل المسؤوليه ... ولا تلعب بالموضوع ..
لانه جدي ....مو بس يومين و تلاته ...و بعدين مصيبه ... وخلـــــــص
لا لا لا ...
يعني لازم هالمخ يشتغل شوي ...و ما نخلي العواطف و المشاعر تسحبنا و احنا مو حاسين
و بعدين اي حب هدفه شي غير الزواج فاااااااااااااااااااااااااااااااااش ــــــــــل
انهي القصه من اول ثانيه ..

شكراً عالموضوع و ىسفه عالاطاله :icon31:

خيـرَ أُمـة

01-23-2007, 02:16 PM

بنبون الحب منو حلال ومنو حرام ... مثل ايا شيء ممكن نحولو لحلال ولحرام.. حسب الاستعمال ..

عموما انا الي نظرة بانو ايا شيء قبل الزواج هوي اعجاب وان الحب لا يأتي الا بعد الزواج ..

لكن اذا صار ومر عليكي يوم واجاكي شب وحكالك .. بحبك يا بونبون .. احكيلو بيت أهلي مفتوح او ردي اذا ما كان طموحك لشخص مثلو .. :))

سهلة الشغلة .. صح

Banbon

01-23-2007, 02:49 PM

اكيييد صح ....

يلا وحده بوحده ^_* هههه .... رد على هالموضوع
http://www.shabab.ps/vb/showthread.php?t=34060

خيـرَ أُمـة

01-24-2007, 09:08 PM

شطورة يا بنبون ..

:))

خيـرَ أُمـة

01-24-2007, 10:52 PM

انا اسف اخواني اخواتي على التوقف عن وضع حلقات جديدة

لكن ان شاء الله الاسبوع القادم سنتابع

وحيكون عنا حلقات خاصة بالأخلاق :))

دعواتكم

المسلمممه

01-25-2007, 06:53 AM

الله يسهلك .....وياريت يكون موضوع الحلقه الجايه ..عن جرائم الروافض الشيعه....دمت

خيـرَ أُمـة

01-25-2007, 10:22 AM

يا مسلمممة الروافض انا خصصتلهم موضوع خاص

وان شاء الله حيكون في حلقات قادمة عنهم

ربنا يجيب الي فيه الخير

خيـرَ أُمـة

01-25-2007, 10:25 AM

وموضيع الرواض كثرت وقبل يويمن كان في نقاش حاد هنا
http://www.shabab.ps/vb/showthread.php?t=34028

والموضوع اغلق ههه

WaSeEm.K

01-25-2007, 11:51 AM

بجددد روووووعة والله

على خير

كل التحية

نغوم

01-26-2007, 09:26 PM

رجعت انضمتلكم لكن للاسف تاخرت شوي بسبب امتحاناتي و كنت حابة اتفاعل معكم بهاي الحلقة
لكن بعد ما سمعتها و قرات جميع الردود حابة ضيف شي بسيط........
كلمة انذكرت سابقا الحب لا ياتي الا من خلال المعاملة فبتالي الحب ياتي بعد الزواج اما قبل يكون فقط اعجاب
و قبل فترة قرأت احصائية بخصوص هاد الموضوع فكانت معظم قصص الحب تنتهي بالفشل و بتسبب خسارة لاحد الطرفين سواء مادية او معنوية و نسبة قليلية بتصل لمرحلة الزواج و لكن بكون زواج مليئ بالمشاكل و الاغلب بنتهي بالانفصال لو فكرنا بالسبب بنلاقي معظم قصص الحب بكون فيها كذب خداع سواء على الشخص القابل او على الاهل فبتكون بعيدة كل العبد عن رضى الله سبحانه
و شي تاني اي شخصين ما بطلعو على سيئات بعض على الاشياء الي ممكن تحقق السعادة بعد الزواج فاي الاشياء بكون مغمضين عينهم عنها
و لو جينا للشباب ما في شب بيرضى يرتبط في بنت طلع و اجى معها ولو كان بحبها لانه ما في شخص برضى لنفسة انه تكون زوجته طلعت معه و احتمال طلعت مع غيرة من غير وجود رابط شرعي
لكن برجع بقول انه احتمال انت تعجب بشكل شخص او بشخصيته بطبيعته هاد بضل اسمه اعجاب مش حب الحب بيجي من خلال التعامل مع الشخص بشكل دائم

تقبلو مروري المتأخر
تحياتي
نغم

احلى رورو

01-27-2007, 09:52 AM

المحااضرة مش راضيه تشتغل عندي :(

لانو ما عندي ريال بليرر

ومش راضيه تشتغل عالويندز ميديا بلير لمرا تانية بسمعهاا

مشكووور احمد

بس بدي ادخل مداخلة بسيطة :)

وبس اسمع المحاضرة بدخل وبناقشها

الحب هاي الاياام صار مفهومه غلط

ما في اعظم من الحب اللي بكون متباادل بين صديقين صديقتين زوجين اخين اختين وغيرة

الحب احترام ..الحب اجلال..الحب تقدير..الحب تضحية

بس للاسف هاي الايام بطل الحب حب

صاار الحب مصالح بس اتخلص مصلحتك من التاني

بتبطل تطلع عليه

بس اكيد هادا غلط

واكيد المسلم لامزم يحب اخوه المسلم حب بالله

وهلاء صااار فيه حب النت مع هالتقدم

وانا بقول انو تلات ارباع اللي بقعدو عالنت جربووه

وخلص انا خايفة اكون احكي اشي خارج موضوع المحاضرة

بس اسمع المحاضرة برجعلكم :)

خيـرَ أُمـة

01-27-2007, 02:13 PM

شكرا على مروركن يا صبايا ..

تعليق على الي حكتو نغم .. للأسف الاعجاب صارو يسمو حب .. وهنا المشكلة الأساسية

يا جماعة الاعجاب مسموح والحب ممنوع والرزق على اللـه :))

احيانا البنت لما تحس انو فلان عاجبها في قرارة تنفسها بتحس بالذنب .. وكانها عملة معصية مع العلم انو هاد شيء طبيعي وموجود في البشر ... لكن الغلط انها اتصرح والصح انها تدعو ربنا وترجو انو يرزقها بهاد الشب او واحد مثلو او احسن منو .. مش غلط

أحلى رورو ..
حاولي تسمعيها لانها حلوة ..

اليوم في عنا موضوع جديد .. حنبلش سلسلة الأخلاق .. وبدنا نربطها بدينا عشان نبين انو دينا دين الأخلاق .. قال عليه الصلاة والسلام "انما بعثت لئتمم مكارم الأخلاق" ..

من هون لأربع او خمس سعات بتكون المحاضرة الأولى نازلة وحتكون عبارة عن مقدمة ..

السلسلة حتكون للأستاذ عمرو خالد ..

بالتوفيق اخوتي

دعواتكم ..