من يعلن بالبداية..؟

[العيون السود]

الحب في الشّرق يعلنه الرّجال........
لقد استوقفتني هذه الجملة عندما كنت
أقرأ احدى المجلات...
فاردت أن أسألكم عن رأيكم
في هذا الموضوع...
هل فعلا ونحن في القرن الواحد والعشرون
لا زال اعلان الحب متوقّفا
على الرّجال؟؟؟....
وهل لا يحق للمرأة ان تبوح بمشاعرها...
وتعلن الحب؟؟...
ما رأيكم أصدقائي؟؟...

[جيفارا*نابلس]

بصراحه

انا احيانا كنت اخاف اعلن دون مؤشرات من الفتاه يلي قبالي

اما اليوم لاء كلحت وصارو يحكولي الزير

برضو ال يعني اذا البنت حكتها بتحس حاها راميه حالها شوفي هالتخلف

بصراح احلى من انها تطلع فجاه من كلا الطرفين مافي

شكرا الك

[العيون السود]

انا بالنسبة الي___لما احب بعد عمر طويل__ اذا حسيت انه الشعور متبادل ما بيهمني مين اللي بيصارح بالاول

[جيفارا*نابلس]

يالطيف ليش بعد عمر طويل

عفكره الحب نار ويجب على الجميع المرور بها وان لم يمر بها لا يعرف معنا للمشاعره

مع احترامي الك

Gracias, la señora

[ادهم اللداوي]

انا اعتقد ان البنت مهما كانت درجة تعلقها بالشب لا تسطيع ان تعلن عن ما في صدرها
لانها تخاف من عواقب الامور اكتر
اما الشاب فلا يكترث كثيرا ولهذا السبب هو الذي يبدا دائما بالمبادرة
يسلمو
بس ما بعرفك بتحبي هاي المواضيع

[العيون السود]

جيفارا فعلا الحب لما ييجي ما حدا بيقدر يمنعه

ادهم ..اي مواضيع.؟؟؟؟؟؟؟

[ادهم اللداوي]

مواضيع الحب والغرام

[جيفارا*نابلس]

ادهم ربما فقط الفتاه في مجتمعنا العربي او الشرثي هيك

اما ببلاد غير العرب اظن الها كل الحريه في التعبير والكلام مع من تعجب او تحب

[العيون السود]

يا ادهم انا بحكي فيها لأنها الها علاقة مباشرة بحياتنا سواء كنا شباب او صبايا
فليش نتهرب

[ادهم اللداوي]

يروحو يغورو
الغرب ولا الي في الشرق الاقصى
احنا بنحكي على منطقتنا العربية

[جيفارا*نابلس]

طيب مهو احنا ماحكينا عن الشرق لسه بتعرف ليش

لانا رح ندخل بحقل موحل اسمه العادات والتقاليد

[العيون السود]

يا ادهم مو مهم مين يبدا
المهم كيف يكملوا..

[جيفارا*نابلس]

عيون براي مو المهم مين يبدا

المهم الاستمرار

[العيون السود]

صح الاستمرار والاخلاص

[جيفارا*نابلس]

لانو الاستمرا هو يلي ببرهن مدى الحب داخل كل شخص

[العيون السود]

يا عيني عليك
بس المصيبة انهم يستمروا صح بس القدر يباعدهم عن بعض

[جيفارا*نابلس]

لا بالعكس

المشاكل اثناء الحياه الزوجيه هي من تعطي للحب متعه

اذا كيف بدو يصارحها بشعور جديد بدون تتشات

زي مابحكو بهارات الحياه

[العيون السود]

احببته حتى جن جنوني..فقلت من اجله ادفنوني
شرط ان يكون اخر من تراه عيوني

[جيفارا*نابلس]

مالي اراك قلبتي الامر شاعرتا السنا في صلاب الحب مذكور

احببتها بقدر حب اهل الارض للاموال بل اكثر ونهايه قولها اذب فانت مدحور

[ادهم اللداوي]

بس انا من وجهة نظري لو جاتني بنت وقلتلي انا بحبك
على طول بتسقط من عيني
لاني باعتبرها قليلة ادب

[جيفارا*نابلس]

بس انا من وجهة نظري لو جاتني بنت وقلتلي انا بحبك
على طول بتسقط من عيني
لاني باعتبرها قليلة ادب

لاء ادهم مع احترامي الك انتا غلطان

لاتخلي المجتمع اللداوي يؤثر عبليك

وين الحريه وين الديموقراطيه

[ادهم اللداوي]

هاي الشغلة ما فيها ديمقراطية
يعني هي ما حصلت ولا راح تحصل
بس لو حصلت مش راح اضربها للبنت اكيد بقدر موقفها بس بتكون سقطت من عيني

[جيفارا*نابلس]

ولا سقطت ولا شي انا شب وانتا شب

بس يمكن انتا مو مجرب بعد

بس لما تجرب رح تغير منطقك كليا

[ادهم اللداوي]

ما راح غير
انا ممكن اسال البنات هل ممكن انها تبدا انا اشك الا اذا كانت خفيفة
وساعتها خليها تولي
ولا شو رايك؟؟

[جيفارا*نابلس]

راي انو عالم البنات غامض

بتعرف نزار قباني شو حكى

دخلت عالم النساء اربعين عاما ولكني خرجت اجهل ماهي المراه وكيف تفكر

[سارة]

له له شو هاي البنت اتقول لشب انها بتحبو عيب

اصلا الحب عيب

[جيفارا*نابلس]

له له شو هاي البنت اتقول لشب انها بتحبو عيب

اصلا الحب عيب

الحب عيبّّّّّّّّّّّّّّّّّّّّّّّّ!!!!!!!! !!!!!!!!!!!!!!!!!!!!!!!!!!!!!!!!!!! !!!!!!!!!!!


وكيف شرفتي انتي على الدنيا ياساره

لولا الحب كان ماعرفناك

[العيون السود]

الحب عيب؟؟؟؟؟؟
للأسف هاي الفكرة غلط..معناته كيف شعورك لأمك ل والدك
طيب بلاش..الشخص اللي راح ترتبطي فيه ما راح تحبيه؟؟؟؟؟؟؟؟؟

[- أبوالوليد]

يبدو انو راح أحبك أنا يا عيون السود من كلامك الجميل :showoff:

ههههههههههههههههههههههههههههههههههه هههه

انا معك في كل كلمة قلتيها في ردودك

[جيفارا*نابلس]

يبدو انو راح أحبك أنا يا عيون السود من كلامك الجميل :showoff:

ههههههههههههههههههههههههههههههههههه هههه

انا معك في كل كلمة قلتيها في ردودك

!!!!!!!!!!!!!!!!!!!!!!!!!!!!!!!!!!! !!!!!!!!!!!!!

انتبه الموضوع للنقاش

[العيون السود]

هههههههههههههه
تسلم ابو الوليد لمرورك

[خيـرَ أُمـة]

الموضوع انطرح اكثر من مرة ...

لكن بعناوين مختلفة ..

على العموم ..

الحب فيم نو حلال وفي حرام .. والحب للاسف معظمنا ما بعرف معنا الحب .. وما بفرق بين الحب والاعجاب ..

الي بتحكو عنو اعجاب مش حب .. لانو الحب بيجي بالزواج ... العشرة والمودة .. افراح بتشاركو فيها واهموم بتقاسموها ..
اما غير هيك فهوي مجرد اعجاب بدليل انو الواحد ممكن يعجب بكثير بنات .. انا شخصيا معجب في كذا بنت في المنتدى بأخلاقهن وتعاملهن فهل هاد معناه حب ..

وعلى فكرة في اية صريحة بالقران الكريم " ولا متخذات أخذان" .. صدق الله العظيم .. والمقصود فيها الحبيب ..

وصدقوني الشباب الي بستسهلو هيك كلمة وبحكيها للبنت بكون 99% منهم كذابين .. لانو لو كان صادق وبدو اياها . بيت أهلها مفتوح :))
لكن الي بدو يتسلى وبدو الحرام هوي الي بدور على منفذ مثل هيك وبوهمها بهاد الاشي ..

اتقوا اللـه يا شباب واتذكروا حديث الرسول "كما تكونو يولى عليكم" .. واتذكرو ا شو كانو كبارنا يحكو "كما تدين تدان" ... واتذكروا انو الكم خوات بتخافو عليهن مثل ما الناس بخافو على بناتهم ..

[العيون السود]

شكرا لك احمد على رأيك الصريح

[خيـرَ أُمـة]

على العموم حلقتنا الجاي في احياء امة عن الحب :))

يريت تسمعوها ..

نقطة ثانية اخواني اخواتي ..

الحب عامل مثل بئر ماء .. الزواج مثل المطر .. يعني بدون زواج الحب حتخلص ميتو .. وحيصير المحب او المحبة جافين من جوا .. مافي مشاعر .. خلص انتهت ..

لكن الزواج حيكون مثل المطر الي عمرو ما حيخلي البئر هاد يجف .. وحضل على طول عمران بالماء .. لانو الزواج في مودة ورحمة وعاطفة ربنا بدخلها في قلب الزوجين ..

عيون بتمنى تحضري الحلقة الجاي بالمنتدى الاسلامي ..

أخوكي أحمد :))