الحـلقة الـخـمـسـة .. مشـروع احيـاء أمة ... "الحـجـاب"

[خيـرَ أُمـة]

لماذا فرض الحجاب على المراة المسلمة .. ؟؟

ما الحكمة من الحجاب ...؟؟

هل ديننا فرضه حبا ام تسلطا وكبتا للحريات كما يدعي الغرب ؟ .. لماذا أصبح الحجاب هو الشغل الشاغل للغرب ؟.. فصارو يحاربونا من خلاله ..

هل الحجاب له دور في نصرة الامة ... والاصلاح منها ؟؟

كل هذا سنتعرف عليه اليوم في حلقة احياء امة ..

المحاضر الاستاذ عمرو خالد ..

للتنزيل الملف بجودة عادية .. بالزر اليومين وحفظ باسم
>>> الحـجـاب <<< (http://server4.amrkhaled.net/uploads/91/hegab_al.rm)

للتنزيل الملف بجودة عالية .. بالزر اليومين وحفظ باسم
>>> الحـجـاب <<< (http://server4.amrkhaled.net/uploads/91/hegab.mp3)


كـل عام وانـتـم بخــير أحـبـتي :s (43):

[نور الهدى]

جاري الاستماع و لي عودة ان شاء الله

[سارة]

احمدكس المحاضره اكتير حلوة

انا وعم اسمع المحاضره اتذكرت مس الدين كانت اتقللنا انه البنت متل اللؤلؤ

والحجاب لحماية الؤلؤه

انا الحمدلله محجبه بس ما بلبس جلباب ولا عبايه
بس الحمدلله

[هلــون]

انا نزلتها ..

لي عودة ..
يعطيك العافيه مقدما ..

[نور الهدى]

المحاضرة مهمة جدا

لكن لي تعليق حول ما قاله يعني يمكن للبنت ان تبدا في تقويم اخلاقها ثم تمر للحجاب .. اعتقد ان الحجاب هو من يقوم اخلاقها و يعينها على ذلك

اما عن بقية كلامه فانا اوافقه 100 % جزاه ربي كل الخير

ايضا انا اريد التحدث عن شكل الحجاب الشرعي

كثرت المحجبات باشكال و الوان و موديلات مختلفة .. فهذه الوان صارخة و هذا بنطلون ضيق الخ ...

الاستاذ لم يتطرق كثيرا لهذا الموضوع .. لم يتكلم عنه كثيرا

بل تكلم عن شكل الحجاب بصفة عامة فقط

[نغوم]

السلام عليكم

المحاضر هاي سمعت عدة مرات و رح اسمعها كمان مرة ان شاء الله
بس اول مرة سمعت المحاضرة أثرت فيه كتير وما كنت متحجبة و الحمد لله ربنا هداني
في البداية كنت اسمع تعليقات و كانت توصل كلام جارح بس الحمد لله كنت كتير مرتاحه وبنفس الوقت مبسوطة

بس في شي حابه اشير اله انه في نسبة كبيرة بتسئ للحجاب من خلال اخلاقهم و البس الي بلبسو مع الحجاب و هاد عم بأثر على غير المحجبة.... فما ناخد انه كل فتاه محجبة انها قدوة لنا
و ربنا يهدي الجميع الى طريق الخير و الصلاح

وبارك الله فيك احمد

[احلى رورو]

جاري التحميل

يسلموووووووووووووووووووو

[فراشة]

جاري التحميل .. الله يسعدك احمد اكس

[فراشة]

سمعتها محاضرة كتير حلوة ...

اول شي توقيعي بهديه لكل بنت بتخاف عحجابها ودينها ونفسها .... ( كوني ..ناطحة سحاب ،،ناطحة قول المرتاب ،،قائلة بشموخ يعلو ،،بكتابي بحجابي اسمو واهاب )

الله لانوو بخاف علينا اكرمنا وفرض علينا الحجاب مش تقييد لحريتنا زي ما بعتقدوا بعض البنات ..
و سبحان الله جميع الكائنات الحية متحجبة حتى الشجر والحيوان والبشر ؟؟!!
* فالسيف يحفظ داخل غمده والقلم يجف ازا ما اغلق ويصبح بلا فائده والنباتات تحاط باغشية بخلاياها والاوراق تحاط بطبقات من الشمع وغيرها عشان تحميها ..والصدف في وسط البحر يحمي الؤلؤ من المخاطر حتى الفراشة في اطوار حياتها تكون مغلفة حتى تحميها اثناء نموها ..
وبالاخر البنت كتلة من الخجل والحياء لازم تكون متمسكة بدينها عشان يدلها عالصح ...
( يعيش المرء ما استحيا بخير ،،،،، ويبقى العود ما بقي اللحاء )
( فلا والله مافـــي العيش خير ،،،،، ولا الدـنيا اذا ذهـب الحـياء )

تسلم احمد والله اني بتزكر يوم ما تحجبت كانت فرحتي كبيرة ولحالي قررت من غير اهلي ما يتدخلوو ويومها بابا من فرحتوو عشان يشجعنا طلعنا واشترالنا ال هدية هدوم وشيل للمحجبين والحمد لله كنت من النوع اللي مستحيل يرجع بقراره او يشيلوو تاني ...
يعطيك الف عافية ..

[إسراء الفلسطينية]

جاري الاستمااع
يسلمو اخي احمد
و لي عوده ان شااء الله

[خيـرَ أُمـة]

سـارة
الحمد لله على نعمة الهداية .. وخلي الك هدف انو ما بكفي تكوني مهتدية لهيك طاعة .. وانو تدعي غيرك لهيك طاعة و تقنعيهم بيها ..


نور
العبادة تقود للاخلاق وهدفها الاخلاق ... بدليل ان معظم الايات في القران المتعلقة بالاعبادات تقودنا الى نهايتها الى الاخلاق ..

مثل قوله تعالى .. ((وأقم الصلاة ان الصلاة تنهى عن الفحشاء والمنكر)) .. صدق اللـه العظيم ..
طيب من لم تنهه الصلاة عن الفحشاء والمنكر ... هل صلى ام لا .. اللـه أعلم ..

لكن الهدف من الصلاة لم يتحقق ان لم يقم بضبط اخلاقه .. لذلك الاخلاق مهمة ..

هنا حديث قدسي سأبحث عنه على النت ..لحظة.. >>> وجدته طويل شوية لكن تحملوني قليلا ..

يقول الله تعالى بالحديث القدسي ... "ليس كل مصل يصلي انما اتقبل الصلاة ممن تواضع لعظمتي وكف شهواته عن محارمي ولم يصر علي معصيتي وآوي الغريب
كل ذلك وعزتي وجلالي ان نور وجهه لاضوا عندي من نور الشمس علي ان اجعل الجهالة له علما والظلمة نورا يدعوني فالبية ويسالني فاعطيه ويقسم علي فابره اكلؤه بقوتي واستحفظه ملائكتيمثله عندي كمثل الفردوس لا يتسني ثمرها ولا يتغير حالها"

بختصار الصلاة ان لم تكن مدعاة لحسن الخلق فلا قيمة لها .. والله أعلم ...

والدليل على ان الصلاة ليس بالضرورة ان تؤدي بئصحابها الى حسن الخلق اننا نجد بيننا من يصلي وأخلاقه ذميمة ... فهل حقق الهدف من الصلاة ..

اللـه أعلم ..

مثال اخر ساضيفه .. وهو عن الصدقة ..

قوله تعالى ((خذ من اموالهم صدقة تطهرهم وتزكيهم))
اذا الهدف من الصدقة تطهير النفس ... والتزكية ..
التزكية ... مصطلح يعني التربي على حسن الخلق ..
فالصدقة تعلمنا الكرم والرحمة والعطف ... اذا ادت الى اخلاق ..

لا يوجد عبادة الا هدفها الاخلاق ..

للاسف نجد في ايامنا هذه محجبات سيئات الاخلاق .. طبعا هذا لا يسيء للحجاب .. وانما يسيء للشخص نفسه ..
هل ادى الحجاب وقتها الهدف المرجو منه .. وهو ان تكون مستورة خجولة لؤلؤة مكنونة ... تخيلو محجبة .. والجميع يسمع صوتها ان ضحكت وكأنها .... -مقص الرقابه- :))

لذلك مسألة الموازاة بين العبادة والخلق مسألة اساسية ..

بارك اللـه فيكي نور .. مداخلة مميزة ..


نغوم
فكرة الحجاابات النص كم الي تكلمتي عنها انت والاخت نور للاسف موجودة ..
اذكر اني رايت كركتير عن مراحل الحجاب .... م الحجاب الشرعي ثم المزركش ثو الطاقية ثم فك الحجاب ..
المعصية احيانا تأتي بالتدريج فيسهل على المتلقي لها فعلها ..

وهذا ما يريده اعداء الدين يريدون من المراة ان تفسد في مجتمعاتنا .. لمعرفتهم ان هذا اسهل طريق لتدمير اي مجتمع خصوصا مجتمعاتنا الاسلامية .. فالامراة لها الدور الابرز في مجتمعاتنا ..
لانهم يعرفون ان المراة عندهم نصف المحتمع اما عندنا هي المجتمع باسره لانها النصف وتربي النصف الاخر ..


فراشة
جد والدك مثال للوالد العاقل الي عرف يزين الطاعة لبنتو .. وكان موقفو ايجابي .. وانا بحب مثل هذا النوع من الرجال .. وللاسف في نوع اخر بحكيلك "لسا صغيرة" .. بصير عمرها 20 سنة وبضل يحكي صغيرة :wacko: سبحان اللـه .. لسا صغيرة .. اصلا هي البنت دايما صغيرة بعين أبوها لو يصير عندها اولاد بتضل صغيرة ...
اللـه يهديهم


هيلين .. أحلى رورو .. اسراء
مستني ردودكن :))

[إسراء الفلسطينية]

السلام عليكم
سمعت المحاضره و كانت كتيير حلوي

المهم انا رايي انو الحجاب كتيير مهم للبنات بحس انو الحجاب بيحمينا
انا الحمد لله متحجبه و ما حد غصبني على لبسه و هلا الي شي سنتين و نصف متحجبه و الحمد لله

كتيير مرات بشوف بناات ال لابسيين حجاب و الضيق و المكيااج و الخ
والله بحزن عليهن يعني لشو لابسين الحجاب
بس عشان يقولوا انا متحجبه!!
ما بحزن عليهن عشان لابسيين الحجاب لا بس ليش يلبسوا و هني بيعملوا بحالهن هل عمايل
طيب ما نحنا ليش لابسين الحجاب ما لابسينو عشان نلفت النظر
بس يا خساره في ناس هييك فاهميين الحجاب!!

نحنا عنا هون في كتيير من اماكن الشغل ممنوع تشتغل فيه المحجبات
و كتيير مراات بتناقش انا و الدنمركيين يلي هون عشان هاي الشغله
بس من دون نتييجه
بس بدي افهم لييش ممنوع يعني البنت بس تتحجب
بينقصها اجر ولا ايد عشاان هيك ما بيقبلوها
مشان هل شغله كمان في كتيير ما بيقبلوا يتحجبوا
بس انا ما بيهمني لانو يمكن الاقي شغل احسن من هاي الشغله بميت مره
مدام انا متحجبه لارضي ربي !! الله ان شاء الله بيسرلي امري

ولي الله بيريدو بدو يصير !

[خيـرَ أُمـة]

بعض الكريكيترات في الموضوع ...

http://www.files.shabab.ps/vb/imgcaches/4119.imgcache.jpg


http://www.files.shabab.ps/vb/imgcaches/4120.imgcache.jpg

[خيـرَ أُمـة]

نحنا عنا هون في كتيير من اماكن الشغل ممنوع تشتغل فيه المحجبات
و كتيير مراات بتناقش انا و الدنمركيين يلي هون عشان هاي الشغله
بس من دون نتييجه
بس بدي افهم لييش ممنوع يعني البنت بس تتحجب
بينقصها اجر ولا ايد عشاان هيك ما بيقبلوها
مشان هل شغله كمان في كتيير ما بيقبلوا يتحجبوا

للاسف لو هندوسي يكون لابس الطربوش تاعهم على راسو بهمش .. وبناتهم يلبسن اللبس تاعهم مافي مشكلة .. ولو النصراني حط سلسال عليه صليب بهمش .. اي حتى عندهم الشذاذ بشتغلو والهم حقوق وبعتبروها حرية.. اما انسانة مسلمة حبت اتكون مطيعة لربها واتحط قطعة قماش على راسها .. هنا بتصير قضية كبيرة ..

بحكو عن حرية وديموقراطية .. وهمي أصغر انواع الحريات الي هي الحرية الشخصية ممنوعة عندهم .. سبحان اللـه ..

عندهم بتصير مظاهرات "عري" .. سامحوني على هاي الكلمة وانا اسف اذا جرحت الحياء .. لكن فعلا بتصير مظاهرات ناس عاريين .. ديموقراطية ..
اما لو صارت مظاهرة محجبات بطالبن بحقوقهن .. فهون بنضربن وبنهانن مثل ما حصل بفرنسا وتركيا الي محسوبة على انها دولة اسلامية ..

القضية واضحة ومكشوفة .. ومش مسألة حجاب او قطعة قماش ..
القضية قضية دين .. واذلال لاصحاب الدين .. وطمس لمعالم هذا الدين ..

بس انا ما بيهمني لانو يمكن الاقي شغل احسن من هاي الشغله بميت مره
مدام انا متحجبه لارضي ربي !! الله ان شاء الله بيسرلي امري

ولي الله بيريدو بدو يصير !
عجبني كلام اسراء هنا .. وكانو لسان حالها بحكي "من ترك شيئا لله عوضه الله خيرا منه" ..

بارك اللـه فيكي سارة واتأكدي انو ربنا حيعوضك خير .. لانك اخترتي ربنا ..

[نور الهدى]

بالنسبة لكلام الاخت اسراء

هون في فرنسا ممنوع تدخلي المدرسة بالحجاب !!!

يعني ازا انتي محجبة و ما بدك تفكي الحجاب قدام باب المدرسة يحرموكي من التعليم ...

عشان هيك في كتير اولياء امور بغصبوا بناتهم على خلع الحجاب لما يروحوا ع المدرسة .. الله المستعان

في كتير من صديقاتي ذاقوا الويل من اهاليهم من جهة .. و من جهة تانية من المدرسة .. و في وحدة وصل بيها الحال للمستشفى من شدة الظغط .. و في منن اخوانهم ضربوهم ضرب مبرح عشان يتنازلوا عن الحجاب في المدرسة ... و للاسف اضطروا يفكوه قدام باب الكلية ...

العام الماضي في رمضان مريت بهل التجربة .. و عن جد عن جد صعبة كتير ... و الظغط النفسي شديد .. بس الحمد لله عدت على خير و ماا فكيته و هلا بدرس بالبيت بالمراسلة .. بس لازم ادبر حالي بحالي ما في مدرس يشرحلك الدرس و لا في حدا يساعدك .. بس من ترك شيئا لله عوضه الله خيرا منه

ادعوا لاخواتكم بالثبات ارجوكم

و يا رب يثبتكن كلكن و يهدي بنات المسلمين

[نرمين]

والله كتير حلوة

انا قاعدة عم بسمع فيها

الي عودة

يسلمو اخ احمد على متل هيك محاضرات ويعيطك الف عافية

الي تعليق اخر ولكن في مرة مقبلة ودمت في حفظ المولى ورعايته

[نغوم]

واسمحولي ضيف شي على موضوع الحجاب

كتير من الدول العربية بتفضل الفتاه الغير محجبة للعمل و هاد الشي بخدوه الفتايات كحجج
بس لو سالت ليش؟؟؟ بقولك انه الفتاه الغير محجبة ممكن تسطقب زبائن اكتر كونها غير محجبة كونها شكلها رح يكون اجمل فبرفضوالفتاةالي بتكون محافظة على نفسها و ادينها
فسؤالي هل من فتاة برتضى لنفسها انها تستخدم كوسيلة لكسب الزبائن؟؟
وتذكروا: من ترك شيئا لله عوضه الله خيرا منه



و سؤال اخر
من منا تحب ان تكون سبب في دخول اهلها نار جهنم و العياذ بالله؟؟؟
فابتحجبنا تكون رحمة و رئفة بموالدينا

[Twin]

حبيت اذكر شغله بتلفت انتباهي عفئه من المحجبات .. متلا بتكون لابسه ديئ وحالتها حاله وحاطه عراسها .. بالله هاي بصفتها شوو بدنا نحكي عنها محجبه !! او حتى المكياج ..

اول ما تمر وحده متل هدول والله اول كلمه بنحكيها وين اهلها الي ما عرفوو يربوها .. برئيي الي بدها تتحجب لازم تاخد قرار يابدها تلتزم مزبوط يا امى ما الووو لازمه ..
وكمان فئه تانيه كتير بستاء لما اشوفهم وهدول اغغلب شي شفتووو .. بتكون الوحده بالبت ادام امها وابوها محجبه وملتزمه وبس تطلع من البيت .............
كيف بيرضيها ضميرها تعمل هيك والله الوحده لما اهلها يحطوو فيها ثقه مش لازم تخونها وتكون قد هل ثقه ،، اهلها مش شايفينها بس في ربنا شايف وعارف ..
وكمان مثال خطرلي .. وحده من صديقاتي ، معارف عائليه ، والله انو لما اكون رايحه عندها بتبئ لابسه قفازات وشربات سوده برجلها ومتحجبه ادام اعده صبايا ، بنصير نحكيلها مش لهدرجه نحنا بنات متلك ومش هيك التشدد .. ودايما تتعجب علبسنا ما بيصير تنوره ومابيصير كزا كزا .. بس كبرنا شوي من كتر التشدد انقلب عليها ، صرت اشوفها تحط ميك اب بس تطلع وورا الدردشات ماشيه وحاله .. طيب ليش هيك يعني !!
طولت عليكووو بس المحاضره كتير عجبتني ومهمه ومبسوطه لانوو صديقتي تحجبت :-)

[خيـرَ أُمـة]

والله يا نور الموضوع معقد ..

من جهة بدنا تكونو هناك صورة حلوة النا احنا المسلمين وتكونو بهيك دعوة لدينا .. اكن من جهة ثانية ما بدنا تجبرو على هيك اشياء .. اشياء من اصول دينا ..

انا شخصيا بفضل انه ترجعو وربنا بعوضكم خير "من ترك شيئا لله عوضه اللـه خيرا منه" ...
انا شخصيا عندي تجربة قبل سنة ونص .. مع اني كنت جدا متشجع اروح اوروبا .. ولما جائت الفرصة تركتها وكان من الاسباب ارضاء الوالدين كونهم ما حبو اروح بلد اجنبي الدين فيه مغيب الا مع من رحم ربي .. وغير هيك اسباب دينية وخوف على العقيدة .. واسباب ثانية ..
والحمد لله ربنا عوضني خير ..

انا عارف انو في كثير ناس صعب يتركو الغرب ويرجعو بلادهم .. مثل الجزائر وسوريا وغيرها من البلاد الي فيها مشاكل سياسية .. والي اغلب المغتربين منهم في اروبا بكونو اسلامين مطاردين من دولهم ..

الموضوع فعلا معقد ..

احنا عنا القابض على دينه كالقابض على الجمر .. فما بالنا في الغرب ؟؟!!

الله المستعان ..

[خيـرَ أُمـة]

نرمين مستني ردك ...

[المسلمممه]

مع انو ما سمعت المحاضره ..عيت تشتغل معايا مو عارفه ليش. بس راح اعلق تعليق بسيط.

في بعض النساء بيعرفوا ان مفهوم الحجاب عندهم هو تغطيه الشعر فقط ..اما الرقبه فتكون مكشوفه والمكياج كاااامل ..ولابسه بنطلون كمان وضيق ..يعني بس ابغ افهم هادي ايش وضعها ..؟؟؟وقفت على الشعر بس؟؟؟ عجبي...

لا واللي يثبت اننا في آخر الدنيا انو ..الممثلات يطلعوا بالتلفزون ويقولوا يوووو انا اتحجبت انا اتحجبت ؟؟؟؟ وتمثل مع الرجال ؟؟؟؟ياعيني ؟؟وانتو ا شفتوا الملاك الزاهده ..حنان ترك..كيف اتحجبت واختلطت بالتمثيل مع الرجال واللمس ووووووووووووووووووووو .الخ ........سبحان الله...


وفي حاجه كمان ابغ اعلق عليها وهي العررس ..يعني في البنات لما يتزوجوا .في ليله الزواج يكون العرس مختلط .فبتنهبل وتفصخ الحجاب ..وفي بعضهم مايفصخووه بس يكون مع زينه مما يجذب نظر الرجال ...للاسف .
يعني احنا عندنا في العرووس الرجال في قاعه والحريم في قاعه عشان كل واحد يقدر ياخد راحته ...ولا انا غلطانه..

اكيد اكيد اكيد في كتير بهادا المنتدى يحسبوني متشدده .ههههههه .والاعضاء اعرفهم كويس يحليلهم ولاحظت في تعليقاتهم كمان وفي منهم يقول عني . غريبه ؟..بس ابغ اقول انو انا صريحه وعندي غيره على ديني .يعني ممكن اجرررح اي شخص قدامي حتى لو اعرفه عز المعرفه لمجرد سهوه بسيطه على الدين..

شكرا احمد عالمجهود الرااااائع والمتعوب عليه فعلا ..وكل الحلقات ماشاء الله لاقت نجاح كبير ... الى الامام دائما.

[leilafst]

اريد ان اعبر عن اسفي لما ال اليه الحجااب في هدا الزمان من لباس مخالف للشريعة والوان زاهية فاتنة

[خيـرَ أُمـة]

وكمان مثال خطرلي .. وحده من صديقاتي ، معارف عائليه ، والله انو لما اكون رايحه عندها بتبئ لابسه قفازات وشربات سوده برجلها ومتحجبه ادام اعده صبايا ، بنصير نحكيلها مش لهدرجه نحنا بنات متلك ومش هيك التشدد .. ودايما تتعجب علبسنا ما بيصير تنوره ومابيصير كزا كزا .. بس كبرنا شوي من كتر التشدد انقلب عليها ، صرت اشوفها تحط ميك اب بس تطلع وورا الدردشات ماشيه وحاله .. طيب ليش هيك يعني !!

للاسف يا توين ..

مرات العبادة بتصير عادة .. مجرد عادة ..

بعملها الواحد وهوي غير مقتنع فيها .. وهنا سهل انو يتخلى عن هاد الاشي .
بذكر ايام الجامعة مر علي 3 بنات فكن الحجاب .. قبل ما يفكن كانت أخلاقهن سيئة جدا .. وبعدين فكو الحجاب ..
بصراحة ما حسيت بزعل عليهن .. لانهم من قبل كانو فعلا مسيئات للحجاب .. ما اعطن الطاعة هاي حقها ..
الحجاب مش مجرد حجاب للراس .. وين حجاب الاخلاق .

لازم الموازنة بين الثنتين ..
تخيلو لاعب كرة قدم لابس لبلوزة فريق و الشورت فريق ثاني .. كيف حتكون الصورة .. أكيد مش مزبوطة ..

الانسانة المحجبة لازم يعنعكس حجابها على أخلاقها .. وان كانت اخلاقها سيئة فهي بتسيء لنفسها مش للحجاب ..

[نور الهدى]

والله يا نور الموضوع معقد ..

من جهة بدنا تكونو هناك صورة حلوة النا احنا المسلمين وتكونو بهيك دعوة لدينا .. اكن من جهة ثانية ما بدنا تجبرو على هيك اشياء .. اشياء من اصول دينا ..

انا شخصيا بفضل انه ترجعو وربنا بعوضكم خير "من ترك شيئا لله عوضه اللـه خيرا منه" ...
انا شخصيا عندي تجربة قبل سنة ونص .. مع اني كنت جدا متشجع اروح اوروبا .. ولما جائت الفرصة تركتها وكان من الاسباب ارضاء الوالدين كونهم ما حبو اروح بلد اجنبي الدين فيه مغيب الا مع من رحم ربي .. وغير هيك اسباب دينية وخوف على العقيدة .. واسباب ثانية ..
والحمد لله ربنا عوضني خير ..

انا عارف انو في كثير ناس صعب يتركو الغرب ويرجعو بلادهم .. مثل الجزائر وسوريا وغيرها من البلاد الي فيها مشاكل سياسية .. والي اغلب المغتربين منهم في اروبا بكونو اسلامين مطاردين من دولهم ..

الموضوع فعلا معقد ..

احنا عنا القابض على دينه كالقابض على الجمر .. فما بالنا في الغرب ؟؟!!

الله المستعان ..

نعم الله المستعان

هذا الموضوع له صلة بموضوع الحلقة السابقه "بين الاندماج و الانغلاق"

هذه المشاكل التي تعترض المسلم في الغرب و الضغط النفسي الذي يتعرض له الشباب المسلم هو ما يؤدي الى انغلاقه و تقوقعه على نفسه ..

لذا فانا لا اعتب على المنغلقين على انفسهم خاصة من فئة الشباب فهم مرفوضون اين ما ذهبوا ... و لن ترضى عنك اليهود و لا النصارى حتى تتبع ملتهم !!

تاتي الان قضية العودة الى الوطن

اؤيد هذه الفكرة .. لكن .. هناك الكثير من الصعوبات .. ليست السياسية لكن الوضع الاجتماعي لن يسمح مع انني اعتقد ان المسلم ما عليه الا ان يتوكل على الله و ان يفر بدينه .. امنيتي هي العيش في اي بلاد اسلامية مهما كانت ...

حل المشكلة موجود بالنسبة للعرب ...

ماذا عن المسلمين الغربيين ؟

ماذا عن الذين اعتنقوا الاسلام و ليس لهم وطن سوى هذا الوطن الذي يحارب كل رموز الاسلام ؟؟؟

و خاصة البنات اين ستذهبن ؟؟؟

[خيـرَ أُمـة]

والله يا نور انا سمعت على لسان وزير في احدى الدول الاوروبية .. لما اتوه المسلمين وطالبوه ببعض الطلبات .. قال لهم لماذا انتم مستعجلون .. بعد 20 عام ستكونون معظم اوروبا .. لانهم ينجبون أكثر من الغربين النصارى .. كناية عن كثرة الخلفة اقصد .. مر عليكي هذا الكلام ؟؟
وهل هوي حقيقي .. حاليا في 20 او 22 مليون مسلم باروبا .. بتصور الرقم صغير جدا ..

[نور الهدى]

والله يا نور انا سمعت على لسان وزير في احدى الدول الاوروبية .. لما اتوه المسلمين وطالبوه ببعض الطلبات .. قال لهم لماذا انتم مستعجلون .. بعد 20 عام ستكونون معظم اوروبا .. لانهم ينجبون أكثر من الغربين النصارى .. كناية عن كثرة الخلفة اقصد .. مر عليكي هذا الكلام ؟؟
وهل هوي حقيقي .. حاليا في 20 او 22 مليون مسلم باروبا .. بتصور الرقم صغير جدا ..



لا ما مر علي هالكلام اول مرة اسمع فيه

بس شو فايدة كثرة العدد ازا رح يلاقي كل هالصعوبات .. و شو فايدة انه يكونو معظم اوروبا عن اسم فقط

احنا بدنا شباب واعي... شباب ما ينجر خلف الثقافة الغربية... بدنا شباب يحمل كل معاني الاسلام .. بدنا قران يمشي على الارض ... بدنا شباب مؤثر في المجتمع و مميز .. صدقني مهما كثر العدد لن تكون له فائدة ان لم يقم على اسس اسلامية صحيحة

المسلمين لما حكموا الارض و اقاموا العدل لم يكونو مليار و نص المليار ... لكن كان عندهم يقين و عزة و تمسك بالدين ... كانوا خطابيين .. ربانيين

لكن تعال هلا و شوف الشباب هاليومين.. بجروا ورا الدردشات و البنات .. و البنات كمان تغري الشب بالتميع بعدين تشتكي مع انه الحل بايدها ...كمان في شي

احنا هلا نحكي عن الحجاب .. بعدين تجي وحدة و بكل بساطة تحطلنا توقيع بنت متبرجة كاسية عارية ههههه و الله مهزلة !!

ازا كان هادا الحال في بلاد العرب ... شو بدنا نحكي عن الغرب ؟

ازا الواحد يترك بلاد الغرب عشان يروح لبلاد عربية بحثا عن الدين و يلاقي كل هالبلاوي ... يبقى يصبر في الغرب احسن !!!

الصورة البشعة عن المسلمين في الغرب ناتجة عن المجتمعات العربية هلا ... اي و الله

و ما خفي اعظم

بجد شي بيقهر

الله بعين .... الله بعين

[نغوم]

بس بدي افهم لييش ممنوع يعني البنت بس تتحجب
بينقصها اجر ولا ايد عشاان هيك ما بيقبلوها
مشان هل شغله كمان في كتيير ما بيقبلوا يتحجبوا
!


حبيبتي اسراء و هاد الشي بطل واقف على الدول الغربية بل انتشر لدول العربية و على سبيل المثال تونس من اكثر الدول المعاديه للحجاب عم تمنع الحجاب بالمدارس بالمؤسسات....
ومنيح اذا بقتصر على هيك

بس للاسف برضو للاهل اعتراض عندي اكتر من صاحبه مش متحجيات مش عشان همه ما بدهم
عشان اهلهم مانعينهم و مرات بتعرضو لتهديد انهم يحرموهم من اكمال تعليمهم او غيرو من الاشياء اذا اصرو على موقفهم و اهلهم مسلمين و عايشين في دولة عربية

يعني الي حبت اوصله انه مش فقط الدول الغربية معادية للحجاب بل الدول العربية و الاهل الي همه احسن قدوا بعيون ابناءهم

وربنا يهدي الجميع لخير و صلاح الامة

[إسراء الفلسطينية]

يعني الي حبت اوصله انه مش فقط الدول الغربية معادية للحجاب بل الدول العربية و الاهل الي همه احسن قدوا بعيون ابناءهم

اه والله يا نغم للاسف كلامك صح حتى الدول العربيه و المسلمه صاارت تمنع الحجاب
يعني اذا الواحد بدو يتحاور مع الغربيين بخصوص منع الحجاب
رح يقولوا روحوا اول شوفوا ببلادكو العربيه لييش مانعيين الحجااب
لا حول ولا قوة الا بالله
وربنا يهدي الجميع !!!

[Twin]

طيب وفي هاي الحاله شو ممكن البت تعمل ؟؟

[أبو المهند]

الموضوع لنساء فقط

ول شو رايك

[نغوم]

طيب وفي هاي الحاله شو ممكن البت تعمل ؟؟

ممكن من خلال زيادة ثقافة الشرعية بالقراءة والفهم حتى تتمكن من المناقشة الهادئة الواعية الي ممكن توصل لاقناعهم...........

بالاضافة انها تشتري كل فترة ملابس لايقه بالحجاب وبتحقق الشروط الاسلامية والبدء بالحشمة قدر المستطاع

و الدعاء:
اللهم افتح بيني وبين قومي بالحق وكذلك اللهم سخر لي قلب من احوجتني اليه

و ان شاء الله الله حافظ لهدول الفتيات وهو من سيعينهم حقا

[نور الهدى]

لا طاعة لمخلوق في معصية الخالق

الاهل على الراس و العين .. لكن "وان جاهداك على ان تشرك بي ماليس لك به علم فلا تطعهما و صاحبهما في الدنيا معروفا"

هادا رايي

[نغوم]

معكي حق نور وكلامك 100%
لكن في فتيات ما بقدر ياجهو اهليهم و لو كانوا على حق بالاضافة عندك الاهل المصير على رايهم بخصوص هاد الموضوع ممكن يستخدموا عدة وسائل ان اصر على رايهم
يعني الي بدي احكي انه في كتير فتيات بضعفو قدام اهلهم و لو كان على حق

و ربنا يهدي الجميع

[خيـرَ أُمـة]

الموضوع لنساء فقط

ول شو رايك

هاي الحلقة الوحيدة الي بتخص المراة وبس ..

لكن صدقني هي بتخصنا كلنا .. المراة ام وأخت وازوجة وبنت للرجل .. وصلاحها الو دور كبير بصلاح الرجال .. والمجتمع ..

فالمحاضرة للكل :))

والمحاضرة الجاي ان شاء الله حتكون بتخص الجميع والي حتنزل بكرة او بعدو ان شاء الله ..

[خيـرَ أُمـة]

حبيبتي اسراء و هاد الشي بطل واقف على الدول الغربية بل انتشر لدول العربية و على سبيل المثال تونس من اكثر الدول المعاديه للحجاب عم تمنع الحجاب بالمدارس بالمؤسسات....
ومنيح اذا بقتصر على هيك

فعلا في تونس زودوها ... و والله غير ربنا يجزيهم على الي بعملو ..

قبل فترة انتشرت صورة بنت وهي داخلة المدرسة او الجامعة وكان في ضابط بجبرها تنزع الحجاب .. صار همهم وشغلهم الشاغل انهم البنات ما يتحجبن ... وكل هذا ارضاء لاسيادهم في اروبا ..

والاغبياء مش عارفين انهم لو اشعلو لاوروبا اصابعهم العشرة نار مش حترضى عنهم ..
والدليل تركيا الي عملت وذللت حالها للاتحاد الاوروبي على مر سنوات وحاربة ايا ظاهرة بتدعو للاسلام في مجتمعاتهم ارضائا للغرب ... ومع هيك ما اعطوهم عضوية في الاتحاد الاوروبي .. اللهم اعوهم عضوية كرة قدم في الاتحاد الاوروبي ههه
بالعربي ضحكو عليهم وما اعطوهم شيء يذكر ..

والان مؤخرا بدانا نسمع اصواتفي مصر .. ومن مين ؟؟!! من ناس يفترض انهم مثقفين وبفهمو بثقافة الحريات ... وزير الثقافة ؟؟!
تخيلو مثل الكلام الي قيل يطلع من وزير ثقافة .. ان الحجاب غير معاصر وانه جاهلية .. سبحان الله هو متطور يعني الاخ ..

لا وشوفو المهزلة .. لما قال: انو الفتاة لازم تكون مكشوفة الراس كالوردة ...
بدو يشمها الاخ يعني ..

فعلا قمة الانحطاط عنده وعند امثاله ..

اذا كان حابب هيك مجتمع يعيش في على راحتو .. لكن ما ينتقد مجتمعاتنا بانتقادات هدامة .. وما ينقل افكارو السخيفة و الهدامة لعنا .. على الاقل من باب الحريات الشخصية الي بتدعوها ..

انا بذكر كان في فلم وثائقي عن بداية ما بدا تطبيق قانون منع الحجاب في تركيا .. وكيف بدأو يطبقو .. جدا مؤثر وبصراحة الي بشوفو وفي قلبو شوية ايمان والله حيبكي على المناظر .. انا حبحث عنو واحاول انزلو هنا ..

[خيـرَ أُمـة]

طيب وفي هاي الحاله شو ممكن البت تعمل ؟؟

قبل اشهر كانت بنت تشكي في منتدى عمرو خالد ..

قررت تتحجب .. و زوجها وأهلها وقفو في وجها ... لدرجة انو زوجها هددها بالطلاق واهلها فهموها انو ممنوع تفوت البيت بالحجاب عندهم بمعنى اخر ما رح يستقبلوها.. حاولنا انساعدها .. سألناها من اياي بلد انت .. لكن انقطعت الاخبار ...

كلماتها كانت بتوصف المعاناة الي كانت فيها .. بين أهل علمانيين بنظرو للحجاب نظرة تخلف .. ورجعية .. قال يعني الاخوة متقدمين ..
للاسف مثل هكذا عقول موجودة بينا لكنها قليلة الان ..

على العموم هيك عقليات ظهرت في بداية القوميت ..

وبدايتها كانت في مصر في بايات القرن الماضي وكان سعد زغلول الوعيم المصري من كبار الي دعمو هاي الظاهرة ..

اياميها كان في كتاب ما بعرف اذا درسوكو عنو انا في التوجيهي كلمونا عنو .. كتاب لواحد اسمو قاسم امين بدعو للسفور اسمو "تحرير المراة" .. وكتابي ثاني اسم "المراة الجديدة او المعاصرة" .. وللاسف الكتب هاي دعمها زعماء في مصر مثل سعد زغلول وغيرو .. حتى يقال والله أعلم انو في تجمع نسائي وع سعد زغلول انو نزع حجاب احدى الفتيات المشرفات على الجمعية النسائية والي كانت جديدة .. وباقي المتجمهرات اقتدن بها .. والله أعلم ..

الي بدي أوصلو ظاهرة فك الحجاب اخذت سنوات وسنوات من العمل من الغرب وأذنابهم الي عنا ... فلا مانع ان تاخذ الظاهرة سنوات وسنوات للعودة الى الحق ..
همي تعبو واجتهدو لنشر الرذيلة .. فمعليش نتعب في نشر الحق ..

[خيـرَ أُمـة]

لا طاعة لمخلوق في معصية الخالق

الاهل على الراس و العين .. لكن "وان جاهداك على ان تشرك بي ماليس لك به علم فلا تطعهما و صاحبهما في الدنيا معروفا"

هادا رايي

الاية في الاشراك .. ما بتصور الحجاب بندرج تحت الحكم .. والله أعلم

بس المشكلة يا نور .. ما بدنا انها المسألة توصل لترك البيت .. وتجد البنت نفسها بالشارع ..

وقتها من مشكلة كبيرة الى مشكلة اكبر ..

تبقى معهم ان كانت مدطرة لكن تحط في بالها بأقرب فرصة وان جائت الفرصة تبتعد عن المجتمع الي هم فيه .. سوائا بالزواج او الدراسة او العمل ..

حطي نفسك مكان ايا بنت من هذه البنات .. الحمد لله ربنا معطيكي عائلة بتخاف ربنا .. لكن حطي نفسك مكانها .. الحجاب او ترك البيت والتشرد .. هل بامكانك تدبري امورك ..

انا من راي انو اذا كان الاهل من هذا النوع اتضل البنت حاطة في بالها الحجاب ويضل في النية وتدعي ربنا يهدي اهلها .. وتبتعد عنهم بدون قطيعة في اقرب فرصة ..

والله أعلم ..

[نور الهدى]

الاية في الاشراك .. ما بتصور الحجاب بندرج تحت الحكم .. والله أعلم

بس المشكلة يا نور .. ما بدنا انها المسألة توصل لترك البيت .. وتجد البنت نفسها بالشارع ..

وقتها من مشكلة كبيرة الى مشكلة اكبر ..

تبقى معهم ان كانت مدطرة لكن تحط في بالها بأقرب فرصة وان جائت الفرصة تبتعد عن المجتمع الي هم فيه .. سوائا بالزواج او الدراسة او العمل ..

حطي نفسك مكان ايا بنت من هذه البنات .. الحمد لله ربنا معطيكي عائلة بتخاف ربنا .. لكن حطي نفسك مكانها .. الحجاب او ترك البيت والتشرد .. هل بامكانك تدبري امورك ..

انا من راي انو اذا كان الاهل من هذا النوع اتضل البنت حاطة في بالها الحجاب ويضل في النية وتدعي ربنا يهدي اهلها .. وتبتعد عنهم بدون قطيعة في اقرب فرصة ..

والله أعلم ..


اخي ما بتصور انه في اهل ممكن يطردوا بنتهم للشارع
و ان هددوها المفروض انها تحاول بكل الطرق و بكل السائل .. مش انها تتخلى عن مبداها لمجرد تهديد

و ان وصل الحال للتشرد ففي هاي الحالة الله اعلم ما بدي ادخل في الفتاوى لكن "اسالوا اهل الذكر ان كنتم لا تعلمون "

اما بالنسبة للايه

في شرك اسمه شرك الطاعة .. و هي بمعنى الحديث .. "لا طاعة لمخلوق في معصية الخالق"

و الحديث واضح

تاتي بعدها القاعدة الي بتقول " الضرورات تبيح المحذورات" .. لكن المشكلة الى اي مدى اوصل الضرورات ؟

عشان هيك من رايي انه البنت الي بتتعرض لهيك موقف عليها ان تسال شيخ رباني و اؤكد "رباني" لانه في هالايام كثر ادعياء المشيخة <<<< هادا موضوع طويل عريض ما في داعي ندخل فيه

و الله اعلم

[خيـرَ أُمـة]

في شرك اسمه شرك الطاعة .. و هي بمعنى الحديث .. "لا طاعة لمخلوق في معصية الخالق

معك حق فاتتني :))

[أبو المهند]

مشكووووور كتيررر اخ احمد على المحاظرة الرائعة

انا كونت ما بدى اسمعها بس فى ناس الله يجزيها الخير خلتني اسمعها

[خيـرَ أُمـة]

حياك اللـه أخي ابو المهند ..

الحلقات السابقة كمان رائعة يريت ترجعلها بالذات اول حلقتين :))

والحلقة الجاي ان شاء الله حتكون عن مشكلة بتواجه اكثير من الشباب ولفتياة .. مشكلة الحـب !!

فيريت يا اخواني ياب اخواتي تترقبونا .. الحلقة حتنزل بكرة ان شاء الله ...

ربنا يوفقكم ..

[خيـرَ أُمـة]

مش مبين معي ملف الفيديو عن الحجاب في تركيا للاسف ...

على العموم هوي ملف تقريبا ثلث ساعة بلخص فيه الي صار وكيف كانو يمنعوهم من الجامعة .. لدرجة انه الطالبات الي خلصن او كانن سنة اخيرة بالجامعة يعني قبل التخرج وقبل خروج القرار رفضو انهم يسمحولهن يحضرن حفل التخرج .. مع انهن كانن من الاوائل ..
بصراحة كانت مناظر جدا فظيعة بتدل على حقد دفين من العلمانيين والي وراهم ..

الله يعين ..

[اسلام]

بسم الله

سلام عليكم
ماشاء الله المحاضرة كتير حلوة

نزلتها واستمعتلها بتجنن

بارك الله فيك
وبانتظار المزيد

[خيـرَ أُمـة]

الله يخليكي يا اسلام ..

ويريت يا جماعة ننشر المحاضرة ..

خصوصا على الاخوات الي مش محجبات .. الله يهديهن يا رب ..

[خيـرَ أُمـة]

نظرا لظروف الامتحانات ..

ومراعاة لكون الكثير من الاعضاء والمشاركين حيتغيبو في الايام القادمة لظروف الدراسة ..
حنأجل محاضرة "الحب" الي كنت وعدتكم بيها .. وحنحط بدالها محاضرة ثانية اليلة حختارها خلال الساعات القليلة القادمة ..

ربنا يوفق الجميع ..

أخوكم أحمد ..

[احلى رورو]

مشكووووووووور عالمحاضرة الحلوة

الحجاب كالجوهرة ......

وفعلا هو بميز الفتاه المسلمة من الفتاة غير المسلمة

بخلي الكل ينظر اليها نظرة احترام واجلال

والمحاضرة كتير حلوة وانا كنت سامعتها قبل

بس سمعتها كمان مراا

بارك الله فيك عمموو ^ ^

[خيـرَ أُمـة]

الله يخليكي أحلى رورو

ولو اني كنت برجو انو يأثر على توقيعك :))

وحدة بمثلك وبمثل اخلاقك العالية الي بنعرفها عنك مثل هيك توقيع بسيء الك ..

[خيـرَ أُمـة]

الحـلقة الـسـابـعـة. مشـروع احيـاء أمة ... "قـصـة حــب"
http://www.shabab.ps/vb/showthread.php?t=33176

[ملكة الإحساس]

السلام عليكم ورحمة الله وبركاته
محاضرة رائعة .. اختيار موفق
...
حروف .. وكلمات .. تحمل بين طياتها .. دعوة للتأمل .. والوقوف
من عبق المحاضرة ......

*أول تطبيق من تطبيقات الحياء .. حياء المرأة .."الحجاب "
*لو استقامت المرأة لستقاام المجتمع
*أعداء الإسلام مدخلهم للهدم يبدأ من المرأة
*أعظم نقطة حياء للمرأة .. الحجاب
*أعظم ما تمتلك المرأة
..
*ألا يستحق اغلى شئ ان يحافظ عليه ..؟!!!
..
*جمال المشاعر .. جمال الاخلاق .. هي اهم شئ في القيم الانسانية
..
*" يا أيها النبي قل لأزواجك وبناتك ونساء المؤمنين يدنين عليهم من جلابيبهن ذلك أدنى أن يعرفن فلا يؤذين "
..
*الموضوع الوحيد الذي فصل تفصيلا في القران لبس المرأة
..
*الكلام موجة لكل المؤمنات
..
*" وتوبوا إلى الله جميعا أيها المؤمنون لعلكم تفلحون"
..

*سبحان الله
"ما منهن امرأة إلا وخرجت للصلاة التالية
وعليها خمارها"
..
*قال الرسول عليه الصلاة والسلام
*خير نسائكم .. الودود .. الولود.. المواسية ..اذا اتقيت الله
وشر نسائكم .. المتبرجات .. المتخيلات .."
*ويقول عليه الصلاة والسلام :
" صنفان من أهل النار لم أرهما ..
قوم معهم أسياط كأذناب البقر يضربون بها الناس
ونساء كاسيات عاريات مائلات مميلات رؤوسهن كأسنمة البخت
لا يدخلون الجنة .. ولا يجدون رائحتها .. وان رائحتها لتشم على مسيرة خمسين سنة "
...
*الحياء والإيمان قرناء جميعا
..
*رمز كلمة الإسلام
...
*يقول النبي صلى الله عليه وسلم :" لا يقوم بهذا الدين إلا من حافظو من جميع جوانبه "
..
*" أتؤمنون ببعضكم وتكفرون ببعض"
...
*" قل نار جهنم أشد حرا "
*ويقول النبي :"حفة النار بالشهوات.. وحفة الجنة بالمكارم"
..
*"إن الله لا يغير ما بقوم حتى يغيروا ما بأنفسهم"
..
*مين اللي احترم المرأة ومن اللي أهانها
..
*الصحبة الصالحة
*دروس العلم
*والدعاء
...
*" يا مقلب القلوب .. تبث قلوبنا على دينك"
..
*يقول الرسول عليه الصلاة والسلام: " من أرضى الله بسخط الناس..رضي الله عنه وأرضى عنه الناس ومن أرضى الناس بسخط الله .. سخط الله عليه وأسخط عليه الناس "
..
*ويقول عليه الصلاة والسلام
" لا يكن أحدكم إمعة .. يقول: إن أحسن الناس أحسنت وان أساءوا أسأت
ولكن وصنو أنفسكم .. فإذا أحسن الناس فأحسنوا وإن أساءوا فلا تظلموا "
...

*شروط الحجاب
..
*غض البصر
...
*"من ترك شيئا لله عوضه الله خيرا عنه"
..
*" العينان زناهما النظر .. والأذنان زناهما السماع .. واليدان زناهما البطش
والقدمان زناهما المشي .. واللسان زناه الكلام .. والقلب يشتهي ويتمنى..
والفرج يصدق ذلك أو يكذبه "
...
*يقول النبي صلى الله عليه وسلم " ثلاث لا يدخلون الجنة ولا ينظر الله اليهم يوم القيامة .. منهم
الرجل الديون "
...
*

سبحانك اللهم وبحمدك .. أشهد أن لا اله إلا أنت
أستغفرك وأتوب اليك.

[خيـرَ أُمـة]

بارك الله فيكي ملكة الاحساس

طرح جميل

يعطيكي الف عافية ..

[~ | Mazaj]

والله النت عندي زفـــــت ..

نزل من المحاضرة بـس 10 دقايق :(

بس عندي كتب كتير عن الحجاب ..

والحمد لله يارب على الهداية كنت من وانا زغيرة بحب الحجاب ..

يعني بديت البسو بصف خامس .. والتزمت ع الاخر بصف سادس ..

والحمــــد لله حجـاب كـامل ..

جلباب ويا شيلة مش شفافة والوان عادية :)

ويالله قد ما انصدمت ببنات المدرسة يوم الشهادات

عنجد عيونو طلعو لبرا من كتر الصدمة

مع انهن كانن بيجين ع المدرسة بجلباب وشيلة !

اجن ببلاطين وشيلات شفافة (( الشيخ بيحكي عنها كيس بصل :icon11: ))

وفعلا البنت بالحجاب زي اللؤلؤة

وان شاء الله يكونو بنات المسلمين لأالئ في البلاد العربية والاجنبية

فعلت موضوع المحاضرة لانو شوفت موضوع النقاش ..

واستغربت منو كتير ..

يعطيك العافية اخي