البنت لابن عمها ؟

[احلى رورو]

هذا الموضوع يتكرر دائماً وأبداً

عندما يقرر الأهل منذ ولادة أطفالهم وأحياناً قبل الولادة بأن ابنة أخي لابني والعكس صحيح

و يكبر الأبناء ...

البعض منهم يرضى بنصيبه ....

والبعض الآخر لا يرضى بذلك .... لكنه يفرض عليه فرضاً

وقصص كثيرة نسمعها من هنا وهناك .... عن الحجز منذ الصغر

وتزويج الأطفال مع وقف التنفيذ !!!

والآن أختي أخي مارأيكم بزواج الأقارب ؟؟

هل أنتِِ/ أنت مع أم ضد؟؟ مع ذكر أسباب تأييدك أو اعتراضك !!

أرجوا المشاركة من الجميع

وانا بقول راي بعد سماع ارئكم ....

تحياتي للجميع

[**LuLu**]

انا برأيي
انو مش عدل و لا حلوو
ينحكم ع البنت أو الصبي بشريك حياتو من قبل ما ينولد او حتى و هو صغير
وقت الأهل يفرضو متل هيك شغلات ع اولادهم
رح يصير كتيير مشاكل ما رح تنتهي
يا انو يكون ما في توافق بين الاتنين الي ربطوهم ببعض
أو انو مثلا البنت ما بدها تتجوز بهيك مرحلة من حياتها و حابة تكمل دراستها
وقتها بينفرض ع الطرفين اشيا ما بدهم اياها
و هيك حتى بعد ما يتجوزو ممكن تفشل علاقتهم و هاد الغالب
و بعرف كتييير رفقاتي صار فيهم نفس الشي و اغلبهم ما كملو سنة و اتطلقو
وقتها وين رح تروح البنت و مين رح يقدر شعورها ...!!
و رح تتسمى مطلقة و هي بتكون ياادووب ما صار عمرها 20

بجد شي بدوو لحظاات تفكير
لأنوو حرام تروح حياة عالم بهيك اشيا

شكرا
أحلى رورو ع فتح النقاش

[العيون السود]

انا ضد زواج الاقارب لأنه الاقارب عقارب على رأي ستي
وبيكون في احتمال كبير للأمراض الوراثية
والمشاكل اللي ما بتخلص

شكرا للموضوع

[سمارة]

شو هال الحكي
انا مثلا بنت عمتي مو حلوة
وانا مو مجبور اجوزها
اي والله انك مزبوطة منيح الي ذكرتيني
بدي روح احكي لابوي انو ما يجبلي سيرة بنات عمتي بالمرة

[AnGeLa]

أنا كمان ضد هاي الفكــــــرة ..

لأنو الرسول امرنا انو نبتعد عن زواج الاقارب

لأنو من كتروا بسبب امراض بالتوارث وشغلات

وهادا مش مستحب عنا بعيلتنا ..

يعني مش لازم ^^

[لمسة وردة]

انا ضد الفكرة
لانوا كل شب وصبية من حقهم انهم يختارو شريك حياتهم بنفسهم مش حق غيرهم يختار الهم هالشريك
وزواج الاقارب فيه احتمالات كبيرة للامراض والوراثية الي بتسبب بمعانات الاتنين اذا جابوا اطفال مصابين...يعني حرام انهم يتغلبو هيك و ينحرق قلبهم على اطفالهم....... وغير الامراض بيكون في كتير اشياء يستحسن انهم ما يتزوجو عشانها
تسلمي خيتو ع الموضوع الحلو^^
هاي هو رايي

[قمر الخليل]

لااااااااااااا

انا ضدهاااااااااا تماما

شووووووو ولاد عمك 24 سيعة بخلئتك ومتل خواتك وتروحي اتعيشي معو طول عمرك كمان

نووووووووو لالالالا


والله كاااااااانت رح اتسير قصة متل هادي بعيلتنا بس طبعا ماما بدهاش بالمرة من القرايب وعلى طول عارضت الفكرة

انا مع انو يكون الزواج من الغربا لانو زواج الاقارب بجيب امراض للولاد بعدين

وبعدين حلووو يكون واحد مش من عيلتك ولا بقربلك

يسلمووووووووووو احلى رورو والله

[احلى رورو]

يثلموووووووووووووووووووووووو ايديكم على مروركم

يلا يلا وين الباقي يعطونا رايهم :)

[هلــون]

ههههههه بس ابن عمي ما بضبط ابن خالتي ولا ابن خالي ..

والله يا رورو حسب ..

ولاد عمي صغنونين ,., يعني الفكرة ملغيه ..

بس والله انا عندي اخد قريبي ولا اخد واحد ما بعرفوا ,,

شو اخدنا من الغريب غير البهدله ^^

انا مع فكرة الاقارب ..

وخاصه لما يكون حلووووووووو ^^

[فراشة]

اي يعني يكون بارادة الشخص متلا انا بكون بدي ابن عمي مش غصب عني يفرضو ه علية ..... وانا من رايي انو العادة هاي صارت قليلة بايامنا هاي .. ومن جهة الامراض بعتقد انو بس يكون تشابك بين العيلتين زي ابن خالتك متجوز بنت خالك وبنت خالك اصلا بنت عمو وهوة ابن خالها .. والله الشجرة هاي بيطلعوا ابناءهم معاقين بعيد عنكوو وامراض وراثية ...

[احلى رورو]

يييييييييييييييييه

بالعكس عنا بفلسطين كتير بزوجو البنت لابن عمها او ابن خالتهاا



كتير كتيرررررررررر


وخصوصا بالقدددددددس كتيرررررررررررررررررررر

وفي عيل كتير مشهورة عنا بس بجوزو الاقارب

وما بياخدو غرب

بدون ذكر اسماء عيل :)

بس كتيررررررررررر في عنا هاي الظاهرة

مثلا انا بصفي في 8 بنات خاطبين ولاد عمهم وخالهم

^_*

[قسامي غزة]

انا طبعا ضد الفكرة هاد يمكن في نقطة راحت عن بالكم بس بدي ازكركم فيها
طبعا الدين الاسلامي طلب التباعد في النسل وانوا الرسول حث علي التباعد في النسل والزواج وطبعا الدين مش من فراغ حكي هيك النقطة الي بدي احكيها انوا اذا سالتوا او الي بعرف اكتر ناس عندهم اعاقات ومعوقين طبعا كل شئ بارادة ربنا بس من اهم الاسباب الي تؤدي الي الاعاقة زواج الاقارب اول شئ يساله الدكتور المختص بهاد الشغلة هوا سؤال اذا كانوا الزوجين اقارب او لا
يعني الواحد يفضل انوا ينوع وما يوخد الاقارب او يتزوج منهم طبعا هاد لمصلحتهم ولمصلحة اولادهم

[احلى رورو]

مشكوورين على مروركم:)

[فلسطينى رافع الراس]

مارأيكم بزواج الأقارب ؟

انا مع الزواج بشكل دة ومش معها فى نفس الوقت

معه لو كانو الاتنين وخدين بعض عن حب وتفاهم ويكونو بيحبو بعض فعلاً

ومش معه لو هم طبعاً متزرجياً غصب عنهم

هل أنتِِ / أنت مع أم ضد؟؟ مع ذكر أسباب تأييدك أو اعتراضك

اظن ان انا فى الوضع دة لا مع ولة على الزواج على ها الطريقة

[أبـ ـو أسـ ـا مـ ـة]

السلام عليكم ورحمة الله وبركاته

بداية اشكرك اختي احلى رورو على طرحك للموضوع

هو بالفعل هذا الكلام مووجود ومش غلط الكلام هذا

يعني لمن يكون الشب لبنت عمه او زي هذا الحكي مش غلط

الا اذا اكنو هم مش موافقين وقتها راح تكون حياتهم جحيم والجواز مش اشي بسيط وهبل كل واحد بيعمل من الاهل الي بده اياه

وطبعا بيقلك انه جواز القرايب بيسبب امراض ومن هذا الكلام

وانا من جهتي ما بصدقة لانه ولله الحمد ابويا قريب لامي ومع ذلك الحمد لله ما في ولا واحد من اخواني فيه شي

وغير انه لو رجعنا ايام الرسول صلى الله عليه وسلم زوج فاطمة لعلي رضي الله عنه وهم كانو قرايب بس نسيت الصله بينهم والله

وطبعا كل هذا بيرجع على رضى الطرفين وبرضو كاني سامع مثل بيقول

صرمايت القريبه بتسوى ميت بعيده هههههههههه

على العموم عارف حالي بحب احكي كثير بس ما بحكي الا على الموضوع الي بيعجبني كثير

والف شكر للغوالي

تحيه طيبه

[صامدوووون]

والآن أختي أخي مارأيكم بزواج الأقارب ؟؟
ماينفع زواج الاقارب بأي شكل من الاشكال خليك بعيد حبك يزيد

هل أنتِِ/ أنت مع أم ضد؟؟ مع ذكر أسباب تأييدك أو اعتراضك
انا ضد زواج الاقارب بسبب الحياة الزوجيه ماهي محتاجه مشاكل اضافيه بتدخل احد من الاقارب في حياة المتزوجين بحكم القرابة الحياة الزوجيه حياه المسؤول فيها عنها الزوجين فقط وفي حال زواج الاقارب احتمال كبير تدخل الاقارب في امورهم اليومية او الشخصيه مهم جداً ان الزواج يكون بعيد عن الاقارب لتجنب المشاكل اكيد لا يوجد عائله من عائلات الدنيا وخصوصاًُ الاقارب الا ولازم يكون هنالك مشكله ولاختصار الوقت ريح نفسك وتزوج بوحده ماتكون من العائلة وشكراً

[سارة]

انا ضد زواج الاقارب
انا اهلي اقارب بس لما تصير مخانقه بين دار جدي الله لا يورجيكم احنا بنبطل نعرف مع مين لازم انكون

[نجمة الغروب]

انا ضد

يمكن يكونوا الاولاد بيحبوش بعض

ولانو هدا كمان ظلم

وكل واحد الو حريتو

[احلى رورو]

مشكورين على مروركمممممممم

[احلى رورو]

موضوع حلو وين تفاعلكم ؟؟؟