هجرة الشباب لوطنهم

[نغوم]

اعضاء المنتدى الاعزاء
اود طرح موضوع الهجرة للنقاش
ففي هذه الايام نرى الكثير من الشباب و الفتيات يفكرن في هجرة وطنهم
و هذه الفكرة تنمو معهم منذو نعومة اظفارهم

فان هاجر عماد الوطن من يكون مستقبل الوطن؟
فلماذا الهجرة؟
وكيف يمكن ان نحد منها؟

[مؤيد]

ليس في هذه الأيام فقط ، بل في الماضي أيضا ًً كان الكثير من الناس يودون ترك الوطن ...

ولقد مر الشعب الفلسطيني عبر التاريخ بهجرات ، خصوصا ً سنة 48 ، الذي شهد أكبر عدد من الهجرة للفلسطينين ..

لذلك فالهجرة للخارج ليست وليدة اللحظة ، أو بالأحرى ليس بسبب الحكومة الفلسطينية ، بل بسبب الاحتلال الصهيوني .. وأنا عارف إنو هلأ راح يكون فيه ناس يقولوا الحكومة هي السبب ,,
لكن حين يقولون أن الحكومة هي السبب ، أستغرب أنهم يتهمون الحكومة المحاصرة ، ويبرؤون إسرائيل من ظلمها وحصارها هي وأمريكا ...

طبعا ً هذه فلسطين غالية علينا ، الي بدو يتركها عشان المال ورفاهية العيش ، هو حر ... بس فلسطين بحاجة لناس شرفاء يصمدون ويتحملون الشدة والقهر والظلم حتى يعيشوا فيها .
وتذكروا أننا في رباط إلى يوم القيامة على هذه الأرض ، لذلك كل التعب والظلم الذي نعيشه ، لنا فيه أجر عند الله إذا كانت نيتنا لوجه الله ..

ومن الطبيعي أن يكون شعب فلسطين شعب يعيش الشقاء والشدة والعسرة ، فنه ببساطة تحت الإحتلال الصهيوني اللعين ..

وما في شعب على مدار التاريخ عاش مرتاح وهو يرزخ تحت الإحتلال ...

ويسلمو نغوم عالموضوع الرائع

[عاشقة فلسطين]

اول شي شكرا على الموضوع المهم
ثاني شي
انا ضد هاي الفكرة
انا متاكدة انه الشباب الي بدهم يسافرو برة فلسطين بيكونو مظطرين ......
يعني الحالة بتكون ضعيفة فبيعتقد انه السفر الى الخارج ممكن انه يجب نتيجة لرفع المستوى
انا ما بلومهم بس بقول وانا وحدة من ابناء فلسطين ، انه دايما راح يكون فكره و باله مع اهله و راح يكون
( كالسمكة خارج البحر ) هاي في البداية بس راح يتأقلم على الجو بعدين . العيش خارج فلسطين مؤلم و جداااا كمان . انه الوطن ...!

تقبلي مروري

[Twin]

مممممممم المفروووض الخبرات هاي نحنا اولى فيها .. بس الشباب بعتقد بيهاجرووو بسبب قسوه الحياه .. وبيسافروو ليحسنوو اوضاعهم الماديه .. بس والله لو وطن الشخص وفرلووو ظروووف مناسبه وفرص العمل واستغل قدراتهم وخبراتهم .. كان ما في دافع الوو يترك بلدوو ويهاجر ..

شكرا الك نغوومي عالموضوع الحلووو ..

[نغوم]

ليس في هذه الأيام فقط ، بل في الماضي أيضا ًً كان الكثير من الناس يودون ترك الوطن ...

ولقد مر الشعب الفلسطيني عبر التاريخ بهجرات ، خصوصا ً سنة 48 ، الذي شهد أكبر عدد من الهجرة للفلسطينين ..

هاي الهجرة بتكون قسرية و مجبرة على الانسان مش باختياره لكن الهجرة الي بتكون برضاه و بتخطيط منه


لذلك فالهجرة للخارج ليست وليدة اللحظة ، أو بالأحرى ليس بسبب الحكومة الفلسطينية ، بل بسبب الاحتلال الصهيوني .. وأنا عارف إنو هلأ راح يكون فيه ناس يقولوا الحكومة هي السبب ,,
لكن حين يقولون أن الحكومة هي السبب ، أستغرب أنهم يتهمون الحكومة المحاصرة ، ويبرؤون إسرائيل من ظلمها وحصارها هي وأمريكا ...

وبالفعل الي بفكروا بالهجرة عم باخدوا الحصار حجة و لكن متل ما قلت السبب في الحصار مش الحكومة بل اسرائيل و امريكا الي بتهدف للحصار حتى تدفع الشعب يترك بلاده



طبعا ً هذه فلسطين غالية علينا ، الي بدو يتركها عشان المال ورفاهية العيش ، هو حر ... بس فلسطين بحاجة لناس شرفاء يصمدون ويتحملون الشدة والقهر والظلم حتى يعيشوا فيها .
وتذكروا أننا في رباط إلى يوم القيامة على هذه الأرض ، لذلك كل التعب والظلم الذي نعيشه ، لنا فيه أجر عند الله إذا كانت نيتنا لوجه الله .....



فما الغربه الى وراء لقمة العيش


والوطن هو من تربيت به واكلت من خيره و نشئت به


فليس المهم الغربه والبحث على الرزق

الاهم هو الانتماء والامان في الاوطان





تقبل تحياتي

[نغوم]

اول شي شكرا على الموضوع المهم
ثاني شي
انا ضد هاي الفكرة
انا متاكدة انه الشباب الي بدهم يسافرو برة فلسطين بيكونو مظطرين ......
يعني الحالة بتكون ضعيفة فبيعتقد انه السفر الى الخارج ممكن انه يجب نتيجة لرفع المستوى
انا ما بلومهم بس بقول وانا وحدة من ابناء فلسطين ، انه دايما راح يكون فكره و باله مع اهله و راح يكون
( كالسمكة خارج البحر ) هاي في البداية بس راح يتأقلم على الجو بعدين . العيش خارج فلسطين مؤلم و جداااا كمان . انه الوطن ...!

تقبلي مروري

بالفعل عاشقة الواحد بكون مضطر لكن كتير بعتقدوا انه الهجرة احسن و بتغير حياتهم للاحسن لكن في معظم الاوقات بتكون للاسواء
1) فالهجرة بتمسح هوية المهاجر
2)والهجرة تلغي من تقاليد وعادات المهاجر تصل الى المساس بالدين غالبا وخصوصا اذا كان لدول اوروبية


نورتي الموضوع:icon15:

[نغوم]

مممممممم المفروووض الخبرات هاي نحنا اولى فيها .. بس الشباب بعتقد بيهاجرووو بسبب قسوه الحياه .. وبيسافروو ليحسنوو اوضاعهم الماديه .. بس والله لو وطن الشخص وفرلووو ظروووف مناسبه وفرص العمل واستغل قدراتهم وخبراتهم .. كان ما في دافع الوو يترك بلدوو ويهاجر ..

شكرا الك نغوومي عالموضوع الحلووو ..

هلا بيكي توين
معك حق لكن اذا كل شخص بسعى ليحقق ذاته في الخارج الي احتمال ينذل و يعاني اكتر من بلده هيك البلد بتفقد قدرات و خبرات شبابها الي من خلالهم ممكن توفر للجيل القادم الفرص المناسبه لاستغلال هاي القدرات
وكتير ناس بحكو بنكون ذاتنا و بنرجع بنعمر بالدنا لكن للاسف ما برجعوا و بتستغل قدراتهم الدول الاوروبية

[tamtoom]

موضوع حلو كتير نغوم مشكورة كتير عليه
انا ما بشحع الهجرة لخرج الوطن ولكن احيانا الانسان بيكون مضطر لسبب او اخر انه يهاجر ويترك احلى شي بحياته ومتل ما قلتلك بيكون مضطر وفي هيك احوال ما بنقدر نقول شي بس في ناس بتهاجر عشان تعمل فلوس وتحسن دخلها وبعدين تقرر اذا ترجع ولا لا وفي هيك حالات اكيد الوطن اولى شي بأبناؤه وعلمهم ومواهبهم
وبنرجع ونقول كل شي نصيب بالدنيا والانسان وين ما يكون ربنا كاتبله انه يعيش او يشتغل هتلاقيه
وتسلم دياتك نغوم وهيني بس عشان خاطرك رجعت اشارك بالمنتدى

[نغوم]

تسلمي حبيبتي طمطوم نورتي و الله

معك حق الواحد بكون مضطر بس المضطر برجع مش بكون حالة و برفض الرجع و للاسف كتر بنشوف هيك اناس الا اذا كان مضطر قسريا لحرب او لغيره
و شكرا لمشاركتك و رايك

[ابنة الشتات]

بسم الله الرحمنا الرحيم

أختي نغوم...

بالنسبة للهجرة ما في مشكلة انر الانسان يطلع بره يشوف رزق... بس الأحسن والأفضل والأولى إنو يعيش في بلده لأنو المثل بيحكي ( الي ما في خير لأهله ما فيخير للناس) وفي مثل كمان(من خرج من داره قل مقداره) يعني لو شو ما كانت عيشة الانسان سيئة في بلده أكيد أحسنله من حياة هانئة براة وطنه...

(هاد الكلام عهموماً لكل الناس وكل الشعوب على وجه الأرض)


أما بالنسبة ألنا الفلسطينية ال هاجرنا ب48 وغيرها من السنين ما كانت الشغلة بايدنا بالعكس كنا مرفمين ومجبرين وما فيب فلسطيني ما بتنمى يرجع لبلده حتى لو بعد هالهجرة حمل جنسيه غير جنسيته الأصلية والافلسطينيين (اللاجئين) وضعهم غير اني بتعرف هاد الكلام وانا بعرفه كل فلسطيني بيعرف وبقدر وضع اللاجئين..

أما بالنسبة للعادات والتقايد والدين .. الانسان أكيد رح يتأثر بالمجتمع الي عايش فيه وهاي طبيعة بشرية بي يا اختي الكريمة مافي حدا رح يتخلى عن دينه ولا في حدا رح يتخلى عن عاداته وتقاليده الصيلة لانو هاي جزء من كيانه ...


كل التحية

[خيـرَ أُمـة]

انا انولدت مهاجر ...

فصارت الشغلة بدمي :((

لكن بنام وبحلم باليوم الي أرجع فيه على بلدي ..

بس من ناحية ثانية .. مرات بحسبها ان كل وطن عربي مسلم هو بلدي .. ما بقيد نفسي ببلد أجدادي ..

لكن فكرة الهجرة للغرب .. كنت متشجع الها ولم أجت الفرصة تركتها عشان أهلي .. والحمد للـه ربنا عوضني احسن منها "من ترك شيئا للـه عوضه اللـه خيرا منه" ..

لكن الي ربنا ابتلى بهيك شغلة .. ممكن يستثمرها لخدمة الدين بانو يكون صورة للاسلام في الغرب .. ويكون داعية بطريقة معاملتو وحتى بالحوار ان كان متمكن ..

اللـه يهدي سرنـا ..

[نغوم]

أما بالنسبة ألنا الفلسطينية ال هاجرنا ب48 وغيرها من السنين ما كانت الشغلة بايدنا بالعكس كنا مرفمين ومجبرين وما فيب فلسطيني ما بتنمى يرجع لبلده حتى لو بعد هالهجرة حمل جنسيه غير جنسيته الأصلية والافلسطينيين (اللاجئين) وضعهم غير اني بتعرف هاد الكلام وانا بعرفه كل فلسطيني بيعرف وبقدر وضع اللاجئين..

هلا بيكي ابنت الشتات في البداية هاي هجرة كانت مجبرة على الشعب و ليس باختيارهم و ان شاء الله بترجع الاراضي و برجعوا اصحابها




أما بالنسبة للعادات والتقايد والدين .. الانسان أكيد رح يتأثر بالمجتمع الي عايش فيه وهاي طبيعة بشرية بي يا اختي الكريمة مافي حدا رح يتخلى عن دينه ولا في حدا رح يتخلى عن عاداته وتقاليده الصيلة لانو هاي جزء من كيانه ...

مش شرط عزيزتي هون بتحكي عن المغروس فيهم الدين بطريقة صحيحة لكن للاسف معظم البهاجروا على الدول الاوروبية بالتحديد بغريهم التحرر و بنسوى دينهم و همه ذات النفوس الضعيفة


و تقبلي تحياتي على مرورك اللطيف و ردك الجميل

[نغوم]

انا انولدت مهاجر ...

فصارت الشغلة بدمي :((

لكن بنام وبحلم باليوم الي أرجع فيه على بلدي ..

بس من ناحية ثانية .. مرات بحسبها ان كل وطن عربي مسلم هو بلدي .. ما بقيد نفسي ببلد أجدادي ..

لكن فكرة الهجرة للغرب .. كنت متشجع الها ولم أجت الفرصة تركتها عشان أهلي .. والحمد للـه ربنا عوضني احسن منها "من ترك شيئا للـه عوضه اللـه خيرا منه" ..

لكن الي ربنا ابتلى بهيك شغلة .. ممكن يستثمرها لخدمة الدين بانو يكون صورة للاسلام في الغرب .. ويكون داعية بطريقة معاملتو وحتى بالحوار ان كان متمكن ..


..


هلا بيك اخي احمد
وان شاء الله بترجع لبلادك
بس بالفعل متل ما انت زكرت الهجرة الحقيقية بتكون للغرب الي هي بتكون لبلد تقاليد بتختلف تمام الاختلاف عن مجتمعاتنا الاسلامية

و الي بكون مضطر و ظروف الحياة اجبرته انه ما يتأثر بل ايأثر
تقبل تحياتي

[جيفارا*نابلس]

والله بالنسبه للهجره فانا فعلا قريبا مهاجر

بس ما اظن في مغريات رح تخليني اضل

رح نحكي عن حب الوطن

حب الوطن بالقلب
والانسان الناجح يجب ان يتخلى عن عواطفه

[خيـرَ أُمـة]

هلا بيكي ابنت الشتات في البداية هاي هجرة كانت مجبرة على الشعب و ليس باختيارهم و ان شاء الله بترجع الاراضي و برجعوا اصحابها


فعلا الشعب اتهجر .. ما هاجر .. في فرق بين مهجَر .. و مهـاجر ..

[العيون السود]

شكرا الك عالموضوع
انا مغتربة من زمان وبتمنى ارجع لبلدي اللي عمري ما شفتها
الا على التلفزيون
ممكن تكون الغربة مفيدة بشغلة وحدة انو بتخلينا نحن لبلدنا اكثر
الله يفرجها

[Twin]

اي والله معك حئ .. بحس اغلب الي بره بيحبوو بلدهم وبحنولها اكتر من الي عايشين فيها .. والله لما يكون في قصف متلا في فلسطين ونتصل نطمئن عليهم ما بيكونووو قلقانين وخايفين ئدنا احنا الي بره .. بنصير نهري عليهم ... ان شالله نرجع كلنا لبلالالادنا يارب ..

[نغوم]

بس ما اظن في مغريات رح تخليني اضل

نحنا كفلسطينية عايشين في وضع سياسي و اقتصادي صعب (تحت الحصار)
لكن مش الحل نحكي انه ما في مغريات تخلينا نبقى في البلد وتكون دافعنا للهجرة
فمين سباب هاد الحصار طبعا اليهود حتى يوصلونا الي الهجرة و هذا الي عم تنجح فيه اسرائيل اكثر شي و انها تخلي الشباب الفلسطيني بارادتهم يتركوا بلادهم
بالاضافة انت لما تهاجر رح تعتبر غريب عن الدولة الي هاجرتلها و ما رح تتمتع بحقوق متل حقوق مواطنيها يعني احتمال تواجه معناه اكتر من لو انك بقيت في بلادك

و مشكور اخي جيفارا نابلس على مرورك
تقبل تحياتي
نغوم

[نغوم]

شكرا الك عالموضوع
انا مغتربة من زمان وبتمنى ارجع لبلدي اللي عمري ما شفتها
الا على التلفزيون
ممكن تكون الغربة مفيدة بشغلة وحدة انو بتخلينا نحن لبلدنا اكثر
الله يفرجها


بالفعل احتمال تكون هي الجابية الوحيد في الهجرة
وان شاء الله تعودوا قريبا للبلاد و تعمر بيكم

[نغوم]

اي والله معك حئ .. بحس اغلب الي بره بيحبوو بلدهم وبحنولها اكتر من الي عايشين فيها .. والله لما يكون في قصف متلا في فلسطين ونتصل نطمئن عليهم ما بيكونووو قلقانين وخايفين ئدنا احنا الي بره .. بنصير نهري عليهم ... ان شالله نرجع كلنا لبلالالادنا يارب ..

يا هلا بتلوين
معك حق فترة ما كان في قصف و اشتياحات ما كنا خايفين و قلاقانين قد اهلنا الي بره كانوا كل يوم يتصلوا يطمنوا
فابلفعل الي برا بقلل اكتر
ويا رب ترجعوا و تنوروا البلاد

[خيـرَ أُمـة]

نحنا كفلسطينية عايشين في وضع سياسي و اقتصادي صعب (تحت الحصار)
لكن مش الحل نحكي انه ما في مغريات تخلينا نبقى في البلد وتكون دافعنا للهجرة
فمين سباب هاد الحصار طبعا اليهود حتى يوصلونا الي الهجرة و هذا الي عم تنجح فيه اسرائيل اكثر شي و انها تخلي الشباب الفلسطيني بارادتهم يتركوا بلادهم
بالاضافة انت لما تهاجر رح تعتبر غريب عن الدولة الي هاجرتلها و ما رح تتمتع بحقوق متل حقوق مواطنيها يعني احتمال تواجه معناه اكتر من لو انك بقيت في بلادك

و مشكور اخي جيفارا نابلس على مرورك
تقبل تحياتي
نغوم

اللـه ينور عليكي نغوم ..

[سارة]

والله الغربه الها محاسن ومساوء

[لطفي الياسيني]

فكر بموتك في ارض نشأت بها واترك كقبرك ارضا طولها باع


اسوء شئ في الحياة هو هجرة الاوطان

[خيـرَ أُمـة]

فكر بموتك في ارض نشأت بها واترك كقبرك ارضا طولها باع


اسوء شئ في الحياة هو هجرة الاوطان

بلاد العرب أوطاني ههههه

واللـه معك حق يا جدي ..

اللـه يهونهـا علينا ونرجع ونلتقي ..

[سارة]

انا بصراحه عندي مخطط اهاجر على امريكا بس لاخلص دراسه الجامعه

[خيـرَ أُمـة]

انا بصراحه عندي مخطط اهاجر على امريكا بس لاخلص دراسه الجامعه

احنا اولا فيكي منهم يا سارة :))

انا صحلي اروح اشتغل برا بس اخر اشي بطلت :)) والحمد لله ربنا عوضني خير ..

من ترك شيئا للـه عوضه اللـه خيرا منه ..

ما تفكرو أمريكا بالجمال والحرية الي بصوروها .. واللـه الي عايشين هناك من العرب والمسلمين بعانو ..