الحـلقة الثـالثـة .. مشـروع احيـاء أمة ... "فتـيـات .. شـبـاب" [الأرشيف]

خيـرَ أُمـة

12-19-2006, 06:11 PM

اليـوم حيكـون عنـا موضوعيـن

واحد خاص بالشباب .. والاخر بالفتيات

الصبايا يسمعن اول اشي فتيات بعدين شباب :))

أما الشـباب -ان وجدو :b: - يسمعو اول اشي محاضرة شباب بعدين يسمعو فتيات

أول اشي فتيات ..

للتحميل بازر اليمين وحفظ باسم
>>> فتـيـات <<< (http://media.islamway.com/lessons/muredkallab//014-fatyat.rm)

أو من الموقع بشكـل مبـاشر
>>> فتيـات <<< (http://www.islamway.com/?iw_s=Lesson&iw_a=view&lesson_id=32853)

أما المحاضرة الخاصة بالشـباب

للتحميل بالزر الايمن وحفظ باسم
>>> شـباب <<< (http://media.islamway.com/lessons/muredkallab//014shabab.rm)

أو بشـكل مبـاشر من هنـا
>>> شـباب <<< (http://www.islamway.com/?iw_s=Lesson&iw_a=view&lesson_id=18347)

مدة المحاضرتين خمسة ايـام :showoff:

اللـه يوفقكم :s (43):

إسراء الفلسطينية

12-19-2006, 06:16 PM

شكرا اخيي
جاري التحميل!

خيـرَ أُمـة

12-19-2006, 07:09 PM

إسراء الفلسطينية

12-19-2006, 07:15 PM

حيا اللـه اسراء .. ولك انت جيل اختي 14 سنة :)))

بعدين استغلي الاجازة ماشي .. مش تئضيها بليستيشن :icon6:

انا حقيقة مبسوط منك وحاسس انك صورة مثالية النا بالغرب ..

وان شاء اللـه في احدى الحلقات حيكون النا محاضرة عن الغرب .. وعلى الاغلب المحاضرة الجاي ..

سلامي الـك ...

ههههههه هلا انا بدي اقديها بليستيشن هههه ظلمتني!
اه والله يا ريت تكون المحاضره الجاي لانو جد هل موضوع مهم كتيير

على كل حال انا سمعت اول محاضره و هلا بدي اسمع التانيه
جزاك الله كل خير

خيـرَ أُمـة

12-19-2006, 07:20 PM

في محاضرة للاستاذ عمرو خالد بألمانيا و الثانية بفرنسا ..

واتكلم فيها عن العرب الي بالغرب وحدد نوعين ..

واحد اندمج مع الغرب اندماج سيء .. فانسلخ عن اخلاقنا وقيمنا ودينا ..
والثاني تقوقع حولين نفسو وكان سلبي في المجتمع وكان سبب نظرة الغرب النا على انا انتهازيين جايين نوخد فلوس وبس ..

وفي نوع اخير والمفروض العرب الي في الغرب يكون مثلو وهدول قلة .. الي همي اندمجو اندماج ايجابي .. فكانو صورة حلوة للمسلم الي ما اتخلى عن الدين والقيم وكان دعوي بتعاملو مع الناس ..

محاضرة جدا رائعة ..

وان شاء الله حتكون الحلقة الجاي :))

سلامي للجميع ..

Twin

12-19-2006, 10:23 PM

كالعاده جننوني .. تعت الشباب نزلت وتعت الصبايا لالالا ... هلالالا بتحمل اعده .. شكرا الك احمدايكس ..

خيـرَ أُمـة

12-20-2006, 06:57 AM

اهلين تويــــن ....

أهم اشي تنزل خخخ

المحاضرة الجاي حتكون من موقع ثاني ان شاء اللـه ..
وحيكون التحميل سهل ..
الموقع هاد عليه زحمة :))

المهم يا اخواني -ان كان هناك- .. ويا أخواتي انا اليوم حنشغل عنكم كثير كثير فديرو بالكو على المشروع وانشروووا :))

نلتقي الليلية ان شاء الله :)

سلامي للجميع ..

خيـرَ أُمـة

12-20-2006, 01:02 PM

كان المفروض اني اليوم يكون عندي محاضرة طول النهار . بس للاسف يدوب اخدت ثلث ساعات وكانت جدا سيئة والي بعطيها مش عارف الخمسة من الطمسة ..

ما علينا ..

رجعت وان شاءا اللـه اليوم حنحاول نضرب امثلة خـارج الأمثلة الي تكلم عنها الدكتور مريد .. سوائا من الفتيات و من الشباب ..

حنحاول خلال الاياما الاربعة الضايلة نطرح امثلة أثرت على مجتمعها نضرح ناس غيرو في المجتمع وبسبب الي عملو صارو خالدين في ذاكرتنا ..

والباب مفتوح للجميع .. الي عندو مثال .. وانا ان شاء الله في جعبتي الكثير :))

سلامي للجميـع ..

فراشة

12-20-2006, 01:05 PM

هيني بسمعها ... عخير ان شاء الله

محمود

12-20-2006, 01:08 PM

Wait ..

DownLoading :::

^^

محمود

12-20-2006, 01:09 PM

مو شغال الرابطـ

خيـرَ أُمـة

12-20-2006, 01:14 PM

محمود جرب أكثر من مرة .. الموقع علي لود عالي ...

والا ما تزبط معـك ..

نور اليقين

12-20-2006, 01:23 PM

و الله حلوة الفكرة
شباب و بنات
كده اكيد لشباب هيشارك
المهم
انا بسمعها دلوقتي
بس بنات طبعا
الشباب لسة دورهم ماجاش
بس حلو المتال اللي عمبسمعو هلأ

إسراء الفلسطينية

12-20-2006, 01:54 PM

انا سمعت المحاضرتين و الصراحه كتير حلوين

محاضرة الفتيات كانت كتير حلوي خصوصا لانو بتحكي عن شجاعة المرأه و عن قيمة المرأة بالاسلام

عجبتني كتير قصة المره يلي استشهد جوزه بس ما رضيت انو تكون زوجة شهيد لا و ام شهيد كمان,,,جد قصه مؤثره جدا
المرأه مكرمه كتير بالاسلام,,بس هون بالدنمارك مجرد انو يشوفوا وحده متحجبه بقولوا ليش هيك الاسلام بيمنع حرية الفتيات
انا الصراحه كتير بواجه هل اسأله هاي ,,لاني كمان بروح بمدرسه دنمركيه,,,مره وحده دنمركيه من الصف بتقولي طيب انتي ليش ما بتلبسي نص كم و شورت ما شايفه انو الدنيا شوب
انا فقعت من الضحك تخيلت المنظر شورت و نص كوم و حجاب على راسي هههه بس طبعا جاوبته و قلتله انو الله امرنا بالحجاب و انو مكتوب بالقران و الى آخره,,,لحتى آخر شي اقتنعت

اما الشباب يا ويلي على مصايبن بالبلد هاي,,قليل ما تلاقي شباب بالمسجد او عم بيعملوا شي بينفع بس طبعا ما بقول انو ما في شباب ما شاء الله عليهن,,متدينين و بينشروا الدعوه في بلاد الغرب
كتير مرات بمشي بالشارع ما بلاقي الا واحد مسلم و عبطلي وحده دنمركيه بايدو و السجاره بالايد التانيه
ما بقول الا لا حول ولا قوة الا بالله,,

شكرا الك اخي اخي احمد و بارك الله فيك

~ | Mazaj

12-20-2006, 02:06 PM

هيني عم بسمع فيهــا ..

ان شاء الله لي رجعة ^^

بارك الله فيك اخي

خيـرَ أُمـة

12-20-2006, 02:09 PM

بارك اللـه فيكي اسراء ..

وانت مثل ما اتوقعناكي صورة حلوة النا بالغرب .. وان شاء الله بناتنا هناك يكونن مثلك ...

للاسف الي بتحكي صح عن شبابنا بالغرب .. والي بعملو .. لدرجة اني سمعت من واحد اوروبي حكالي كلمة صريحة -وهمي عادتهم الصراحة- حكالي منيح اني اسلمت قبل ما اعرف عرب في اروبا قصدو الشباب الي شافهم .. لانو لو شافهم كان أخد ضورة سيئة عن الدين .. شيء مؤسف ..

انا عند وعدي اسراء ان شاء الله المحاضرة الجاي حتكون خصوصي لاخوانا الي بالغرب وان شاء الله تنشريها على العرب والمسلمين الي بتعرفيهم .. او تدعيهم يشاركونا هنا :)) الدال على الخير كفاعله ..

بارك اللـه فيكي ..

فراشة

12-20-2006, 02:10 PM

وانا كمان خلصت المحاضرة تعت الصبايا ... بالاول الله يعينك يا اسراء زكرتيني بصديقتي هيي بفلسطين بس كتير عجبني تمسكها بدينها بتحكيلي مرة انو كنت بالمدرسة بحصة الرياضة وكلهم لابسين شورت وكت بنات واستاذ اللي بدرسهم الا انا بلبس تحت البلوزة الكت بكم طويل وبلبس بنطلون بيأعدو كلهم يتمسخروو عليي وانا ما بهتم الهم ... ديري بالك عحالك يا سروووءة والله يحميكي ...
------------------------------------------
هلا تعليقي عالمحاضرة انوو كتير حلوة وفيها عبر بنستفيد منها واللي لفت انتباهي غير القصص الرائعة انو كلامو عن انو البنت من واجبها انو تنصح وتنشر اللي عندها واللي بتعرفوا عن الدين .. تزكرت حالي انو فشلت اني انصح بنت كانت من غلاوة خواتي وحتى ما حاولت انصحها لاني كنت ضايعة وحاسة انو مهما نصحتها ما رح تسمعني وهلالا هية حالها ما يعلم في الا الله وانا كل ما اشوفها او تيجي سيرتها احس بتأنيب الضمير وانو بيوم لو اني نصحتها يمكن ما صار هيك .. بس برجع بحكي انو عند كل واحد عقل يميز في الصح من الغلط .. وهية لولا بعدها عن الله وتمسكها بالاغاني وبتحاول تقلد كل شيء حتى لو كان سيئ ما كان هيك حالها ... عكل حال الله يهدي كل البنات ويقدرنا ننشر اللي بنعرفو ونساعد الناس ..

خيـرَ أُمـة

12-20-2006, 02:19 PM

حياكي اللـه فجر .. ومستنين رجعتك :))

خيـرَ أُمـة

12-20-2006, 02:40 PM

فراشة قصة صاحبتك كثير انت متأثرة فيها وهاي ثاني مرة بتحكيها .. زمان حكيتي عنها انها كانت بدها تنتحر وانت طنشتيها فكرتيها بتمزح ... للأسف الي بعيد عن ربنا بكون عندو احساس باليأس وانها الحياه ما الها قيمية .. منهم بندلو على الدين وبلتزمو بشكل كبير ويمكن بافراط .. ومنهم بتجهو للاتجاه الي صار مع البنت الي حكيتي عنها .. اللـه يهديهم ..

بس الفكرة الاساسية انو لازم نكون ايجابيين بالمجتمع .. وكلمة "ما دخلنا" بدنا نلغيها من قاموسنا .. احنا كلنا في مركب واحد و ممكن يغرق فينا كلنا ..

ربنا ارسل جبريل عليه السلام على قوم عشان يهلكهم .. فجبريل اجاب ربنا انو في بينهم واحد عابد .. فربنا حكالو "به فابدأ" .. يعني ابدأ باهلاك هذا العابد .. والسبب انو صح كان عابد بس ما دعا الى الله كان سلبي ما حاول يصلح من المجتمع الي كان فيه ... وهدول بنسميهم "العباد الهلاك" ..

قبل ايام ذكرت قصة النملة الي حكت للنمل "ادخلو مساكنك لا يحطمنكم سليمان وجنوده" والدكتور مريد حكا عنها بصناعة الذات .. بموقفها الايجابي انقذت النمل ومش بس هيك .. انذكرت في القران .. نالت شرف انها تنذكر بالقران ..

وقصة القرية الي ربنا ارسلها ثلث رسل .. ثلاثة تصورو .. ومن بين أهل القرية طلع رجل وحكالهم" قال يا قوم اتبعو المرسلين" صدق الله العظيم ... ومش بس هيك .. الايات بتذكر انو اجا من اخر البلد .. يعني تعب عشان يوصلهم "وجاء من اقصى المدينة رجل يسعى قال يا قوم اتبعو المرسلين اتبعو من لا يسالكم اجرا وهم مهتدون" .. صدق الله العظيم ..
الغريب في الموضوع انو ربنا اتكلم في السورة الي هي سورة ياسين عن هذا الرجل أكثر ما تكلم عن الرسل الثلاثة .. كل هاد لأنو وقف موقف ايجابي ..

الامثلة كثيرة وهذا غيظ من فيض ..

بس من الان كونو ايجابين .. اياكم تفكرو تكونو على الهامش .. الانسان المسلم الاصل فيه يكون نور لغيرو من الناس ..

سلامي للجميع :))

المسلمممه

12-20-2006, 03:38 PM

الله يسامحك...............

قمر الخليل

12-20-2006, 03:38 PM

: (

احممممممممممد

بدي اسمممممممممممع

ياربييييييييي

والله جد بدي اسمععععععععععععععععععععععععععع

الله يفرجها على السماعات

نغوم

12-20-2006, 03:43 PM

ان شاء الله هلاء بسمعهم و بكتب راي فيهم
اليمره هاي جيت متأخرة
قمووووورة اذا بتحبي بفرغ المحاضرة و بتقرأيها شو رأيك

خيـرَ أُمـة

12-20-2006, 03:43 PM

الله يسامحك...............

أميــن يـارب ..

بس انا مصر انك نايمةةةةة :icon15:

انا متعود اشوفك أول وحدة .. يالله بدنا تسمعي وتحكي رايك واذا عندك قصص سمعينا اياها .. :icon31:

اللـه يرضى عليكي ..

عاشق الحرية

12-20-2006, 03:55 PM

أحمد انا شفت من قلة الزوء اني عالاقل ما ادخل واقول شكرا لمجهودك

رغم اني بالشغل وشوي ما بقدر اتابع بس رح اتابع ان شاء الله

بس يعطيك العافية وتستحق الثناء على مجهودك

والحمدلله

قمر الخليل

12-20-2006, 04:03 PM

اوك حبيبتي نغوووووووومي

تسلميلي ياربي

وما انحرم منك يا حقققققققققق

يا هيك الصاحبات يا بلا

خيـرَ أُمـة

12-20-2006, 04:14 PM

بارك اللـه فيك أخي ابن الجليل وحياك اللـه...

ويريت تشاركنا محتجين ناس مثلك بينـا :))

وا ن شاء الله بهمة الشباب والصبايا رح ننتج جيل يغير حالنا من حال الى حال ..

خيـرَ أُمـة

12-20-2006, 06:07 PM

هنـاك نسـاء قدمن خدمات جليلة للإنسانية والحضارة على مدار التاريخ. لذلك حفظ التاريخ لنا ذكراهم بكل الاحترام والتقدير اللائق بهم كمربيات وسياسيات وعالمات.. في الوقت الذي كرم اللـه فيه المراة وجعلها سيدة وجعل الجنة تحت قدميها وجعلها داعية لدين اللـه .. في هذا الوقت كان الغرب قد اختلف في جنس المراة فكانو يشكون اهي انسان ام حيوان .. تصوروا يا اخواني ويا أخواتي .. كانت المراة تورث كسلعة عندهم واللـه ما كان لها حقوق .. حتى انهم كانو يهدون بناتهم ويجعلونها مكافات كما حصل عندما عرض جورجا ابنته كجائزة لمن يأتيه براس عبدالله ابن ابي السرح فترة الفتوحات بعهد الخلفاء الراشدين .. هذا قدر المراة عندهم .. مش موضوعنا ..

انا وعدتكم بذكر بعض القصص لكن والله احترت .. لانها القصص كثيرة ..
احترت أتكلم عن قصة سارة وهاجر، وقصة بلقيس وقصة زوجة أيوب رحمهم الله وكيف صبرت ولا أتكلم عن قصة آسيا وزوجة موسى وأمه ومريم رحمهم الله ... ولا عن امهـات المؤمنين ... ولا عن بنات الرسول .. ولا ابعد شوي واتكلم عن أم البنين زوجة الوليد بن عبد الملك، وزبيدة زوجة هارون الرشيد رحمهم الله ... ولا عن زوجة قطز الي كان الها صرخة "وااااا اسلااااااامــــــاه" وكانت من اسباب انتصار المسلمين ... ولا أبعد شوي واتكلم عن أمثلة فذة موجودة بينا مثل خنسـاء فلسطين...

فعـلا أنا احترت عن ميـن بدي اتكلـم ولا عن ميـن ..

للأسف دور المراة في كثير من الاحيان مهمش .. وفي كثير من النواحي .. مع العلم ان عمر ابن الخطاب اتخذ وزيرة في حكومته وهذا شيء مغيب عن التاريخ للاسف .

على العموم حتكلم بشكل مش مرتب وان شاء الله في اخر الحلقة هاي حنرتب الافكار :))

وعن مواقف مش عن مجرد أفراد ..

وربنا يفقنا جميعاً...

خيـرَ أُمـة

12-20-2006, 06:35 PM

(ضرب اللـه مثلا للذين امنو امرات فرعون) .. صدق اللـه العظيم ..
ضرب اللـه لنا مثل يعني أحسن نموذج للمؤمنين .. تصورو اخواني وأخواتي ان اللـه ضرب لنا مثل امراة على أنها أحسن نموذج للمؤمنين ...

واسمحوا لي هذه رسالة لكل من قـال بأن الاسلام لم يحترم المراة .. وبأنه اهانها .. واللـه انهم جاهلين .. احفظوها اخواتي عشان تكون حجة الكن لكل واحد بحكي .. ناقصات عقل ودين .. وهو لا يدري معناها .. وان شاء اللـه سنتكلم عن معنـاها :))

ديننا يا اخوان القران الكريم عندما اراد ان يضرب لنا مثل لأحسن نموذج للانسان المؤمن كانت الشخصية امراة ..

(وضرب الله مثلاً للذين ءامنوا إمرأت فرعون إذ قالت رب ابن لي عندك بيتاً في الجنة ونجني من فرعون وعمله ونجني من القوم الظالمين) صدق اللـه العظيم ..
فكـانت نموذج ليعلم الرجال والنساء على السواء ..

خيـرَ أُمـة

12-20-2006, 06:59 PM

خديجة بنت خويلد ..

أول من أسلم في الارض بعد رسول اللـه .. بالاضافة انها أول من سجد لله بعد رسول اللـه .. وبالمناسبة لا يوجد شيء في ديننا او بسيرة الرسول الكريم حدث صدفة ..كل شيء عنده بمقدار .. وكل شيء مقصود وله هدف ..

بمعنى أخر اراد اللـه ان يكون أول من يسجد له بعد الرسول هو امراة وان أول من يسلم هو امراة ..

قصة عودة الرسول من الغار بعد ما نزل عليه الوحي لأول مرة وكان مرعوب ويرتجف .. فمن صبره وثبته الا زوجة صالحة مثل خديجة ..

والقصص كثيرة عنها وعن دعمها لرسول الله في رسالته ..

لكن خلونا نوصل لوفاتها رضي الله عنها .. وفاتها كانت فريدة من نوعها .. وحصل معهها شيء لم يحصل مع الصحابة ..
خديجة بنت خويلد توفيت في السنة العاشرة من بعثت رسول الله .. تصورو وهي تموت حصل شيء لم يحصل لاحد حيث نزل سيدنا جبريل من السماء وقال للرسول الكريم "يا محمد أبلغ خديجة أن اللـه يقرئها السلام" .. شايفين منزلة المراة في الاسلام .. وهذا لم يحصل مع رجل من الصحابة ..

شايفين منزلة المراة في الاسلام ..

لي عودة بس بدي أريح شوي .. :))

وبدي منكم قصص عن خالدات في ذواكرنـا :)) .. بس مش حدا يحكيلي الام تريزا بزعل منكم :))

سلامي للجميع

خيـرَ أُمـة

12-21-2006, 07:06 AM

تصورو ا اخواني وأخواتي أن أول شهيد في الاسلام امراة :icon6:

عذب الثلاثة سمية وزوجها ياسر وابنهما عمـار .. عذبو أشد تعذيب وكـان أكثر من صمد منهم سمية وأكثر من استفز الكفار بصموده كانت سمية فنالت شرف ان تكون أول شهيدة في الاسلام .. وطبعا الرسول لما شافهم بتعذبو قال كلمة "صبرا ال ياسر فان موعدكم الجنة" ..
وبالمناسبة ابنها شتم الرسول تحت التعذيب ما تحمل وهوي شب اما المراة صمدت :))
وكان عمرها ستين سنة وكانت نحيفة...

تصوروا كمان ان أول من فقد بصره في سبيل الله بسبب تعذيب الكفار هي امراة والي هي امية بنت خلف ..

حتى أول شهيد في اوروبا منا احنا المسلمين وكانت في عهد عثمان بن عفان كانت امراة اسمها ام حرام ...

~ | Mazaj

12-21-2006, 09:37 AM

السلام عليكم ورحمة الله ,,

الحلقة كتير حلوة ..

واستفدت اشيا كتيرة ..بس الصراحة سمعتها امبارح ... وطار كلو :)

يعطيك العافية .. وجزاك كل خير ..

ان شاء الله في ميزان حسناتك ^^

ربنا يوفقك

شهد الحياة

12-21-2006, 10:01 AM

الحين قاعده اسمعها ،، لي رجعه

خيـرَ أُمـة

12-21-2006, 10:14 AM

خلص فجر حطي رجل على رجل واحنا بنلخصها هههه
أهم اشي انها تكون فكرة انها المراة الها دور كبير في المجتمع .. وانا كتبت أمثلة حاولو تقراوها .. وان شاء الله حكتب ردود على كل الي بحكو عن المراة وانها دورها هامشي والي للاسف منهم ناس بتحجو بالدين .. وهاد اشي مش من الدين ...

شهد الحياة .. مستني رجعتك وان شاءا لله تكون المحاضرة بفايدة .. عندكم بالامارات المراة الها دور في بناء المجتمع لكن بدون ما يأثر عليها كأنثى .. وهاد الي بدنا اياه .. انها تساهم بدون ما يأثر عليها كأنثى او يأثر عليها كمربية اجيال ..

سلامي للجميع .. وان شاء الله لنا عودة ..

فراشة

12-21-2006, 01:55 PM

طبعا احمد المراه بالامارات وفرولها تفوت مجالات عديدة وكتير كبيرة بس في شي سيئ بلاحظوو انو بتركوو تربية ابناءهم للخدم وبقصروا ببيتهم اللي هوة احق فيها من الخادمة .. والامثلة اللي طرحتها كتير حلوة الله يجزاك كل خير ..

خيـرَ أُمـة

12-21-2006, 02:07 PM

اه واللـه فراشة معك حق راحت عن بالي .. لانو حتى بالمجتمع السعودي هاي الظاهرة منتشرة وهاد غلط كبير .. يعني جيل كامل حيصير تربية فلبينيات وخادمات من شرق اسيا ..

الموضوع هاد بدو توعية .. انا لما حكيت عن الامارات لاني شفت بعض الامثلة منهن وصلن مناصب ادارية منيحة بدون ما يأثر على كونهن اناث .. لكن انا ضد عمل المراة بالمجالات الي بتفقدها الانوثة .. او المجالات الي ممكن تأثر على عمل الرجل بانو ما يلاقي شغل

وهاد الي حاصل بمصر والاردن وكذا دولة عربية .. انو من اسباب العطالة عن العمل عند الشباب انهم اصحاب الاعمال بلاو بنت بدال الشب وبراتب أقل ..

فأنا ضد تكون مسوقة او سكرتيرة او او الوظائف الادارية .. لانها حتوخد مكان الشب في أغلب الاحيان .. + احتكاكها بما هب ودب من البشر وهاد الاشي ممكن يفقدها حيائها والي هي من المكونات الاساسية للانوثة ..

الموضوع معقد .. بس ما بدنا نغلط غلطة غلطوها اجدادنا والي هي تهميش دور المراة .. والي كان الو سبب كبير بانهيار مجتمعنا ..

لما العلماء الفهمانين لخصو اسباب انهيار الامة الاسلامية .. كان أحد الاسباب ومن الاسباب الرئيسية جهل المراة وتهميش دورها .. والي كان سببو رجال جهال ..

ان شاء الله حتكلم غدا عن أمثلة في بعهد الرسول عن جهاد المراة وكيف كان الها دور في الاسلام .. وحتكون مضافة على الامثلة الي ذكرتها من قبل ..

ويريت الي عندو مثال ما يقصر .. لانو باخر هاي الحلقة حنلم كل الامثلة ونرتبهم للقارئ ..

سلامي للجميع ..

بالمناسبة في شلشلة اشرطة ما لقيتها على النت للأسف :(( للدكتور طارق سويدان اسمها نساء خالدات حوالي 8 اشرطة فيهم قصص نساء عملن العمايل فحق للقران ذكرهم .. وللتاريخ تذكرهم ..

سلام

هلــون

12-21-2006, 03:19 PM

احمد يسلمو كتير ..

اسفه انا بسمعها بيوم .. وتاني يوم برد عليك ..

محاضرة روعه كتير ^^

يعطيك العافيه .. والله يهدي شبابنا وبناتنا .. ويهدينا كلنا يا رب

ننتظر الحلقه المقبله ..

نغوم

12-21-2006, 03:50 PM

تسمحولي اعلق على دور المراه
احنا بنعرف انه الاسلام رفع واعز مكانه المراة
لكن للاسف البعض بعتقد انه بكون للمراه منزله و مكانه اذا تساويت مع الرجل خصوصا في المجال المهني و غيره من المجالات.....
وعلى سبيل المثال هلاء بنعرف انه في المجال الصناعي للشباب و عنا في بيت لحم مدرسة صناعية للشباب وعم بتم التحضير لفتح فرع للفتيات
يعني تخيلو بنت تشتغل في مجال الميكانيكا بقلولك عادي و هاد مساوا
يعنى رفضو تكريم المراه و انها ما تشتغل بهيك مجالات وصار سعيهم ليتساو مع الرجل و اهملو تربية الاولاد

خيـرَ أُمـة

12-21-2006, 10:50 PM

احمد يسلمو كتير ..

اسفه انا بسمعها بيوم .. وتاني يوم برد عليك ..

محاضرة روعه كتير ^^

يعطيك العافيه .. والله يهدي شبابنا وبناتنا .. ويهدينا كلنا يا رب

ننتظر الحلقه المقبله ..

حي اللـه هيلين وقططهـا :))

ان شاء الله الحلقة الجاي حتكون مميزة ..

خيـرَ أُمـة

12-21-2006, 10:57 PM

مهوي يا نغم المشكلة انو دينا ما أمر بالمساواة .. لكنو أمر بالعدالة ..

المساواة مفهوم ماركسي شيوعي وهوي المساواة بين شرائح المجتمع كلها .. فبصفي عنا دولة مافيها اغنياء .. كلهم سواسية .. الي بتطلع على هاد الاشي ﻷأول مرة بشوفو اشي اكثير حلو .. لكن الي بتأمل بالموضوع بلاحظ انو هاد مضاد للفطرة البئرية وللسنة الاجتماعية انو في غني وفقير في امراة ورجل في ذكي وغبي ..

دينا أعطى المراة حقوق وطلب منها واجبات .. في الغرب أعطاهى حقوق زيادة نقصت من كرامتها كمراة ففقدت انوثتها وصارت سلعة لدرجة انهم ما بستطيعو يبيعو ابرة او شامبو او صبونة حتى الا وعليها صورة امراة .. صارت سلعة ..

انا في الجامعة شفت بنات دخلن ميكانيك وفعلا كنت انصدم منهن .. وبذكر لما أخدنا المشغل وكنا نعمل لحام بين الحديد وحدادة ونجارة وكان منظر البنات جدا سيء .. وفعلا طول سنين الجامعة وانا وغيري من الشباب ننظر الهن على انهن مش نساء .. لانهن فعلا فقدن الانوثة ..

نغوم

12-22-2006, 03:26 PM

بالفعل اخي احمد
صفت النظر للمراة انها تفقد كرمتها و انوثتها حتى تتساوا مع الرجل
سواء شيء غربي او عم بنتقل للمجتمع العربي

ورفضو تعزيز الاسلام للمراة
يعني بكفي انها المراة هي الي بتربي الاجيال و بتربي مجتمع باسره فا شو بدها احسن من هيك وظيفة

خيـرَ أُمـة

12-23-2006, 06:02 PM

واللـه يا نغوم اذا بدنا نحكي عن الغرب وكيف اتعامل مع المراة فالموضوع طويل .. بس الغرب بحديثهم عن المراة بنطبق المثل الشعبي الي بحكي "بحط السم بالعسل" .. فبنسمع منهم كلام كبير عن المراة وانها الها حقوق .. لدرجة انا بنصير نشعر انهم بتكلمو عن انسان محبوس بسجن أفظع من سجونهم بجوانتانامو ..

حنحاول نعملها حلقة خاصة عن المراة في الشرق والغرب ان شاء الله ...

خيـرَ أُمـة

12-23-2006, 06:05 PM

خيـرَ أُمـة

12-23-2006, 06:06 PM

بالمناسبة ... بكرة اخر يوم ان الله راد .. وبعد بكرة في محاضرة جديدة :))

سلام ..

Twin

12-23-2006, 06:48 PM

استنا استنا ... بدنا وئت .. كتير مستفيده من كلامكوووو .. اجلها للمحاضره شوي ...

احلى رورو

12-23-2006, 07:02 PM

طيب ما بتسمعن مرات من الشباب او حتى الشياب انها حوا سبب خروج ادم من الجنة وانها سبب وجودنا على الارض ... بدي تعتبرن الحكي موجه الكن .. فبشو ممكن تردن ؟؟؟

طيب شغلة ثانية .. حديث ناقصات عقل ودين ... شو حتردن لو واجهكن بيها حدا ؟؟

وحديث "شاوروهن وخالفوهن" .. لو حدا حكالكن الرسول قال هيك .. ايش الرد ..

مستني رد الصبايا .. لانو الموضوع بخصكن بشكل كبير ..

انا راح ادخل مداخلة بسيطة هون :)

وحعلق على اسئلتك يا احمد

طيب ما بتسمعن مرات من الشباب او حتى الشياب انها حوا سبب خروج ادم من الجنة وانها سبب وجودنا على الارض ... بدي تعتبرن الحكي موجه الكن .. فبشو ممكن تردن ؟؟؟

بسم الله الرحمن الرحيم (وقلنا يا ادمم اسكن انت وزوجك الجنة وكلا منها رغدا حيث شئتما ولا تقربا هذه الشجرة فتكونا من الظالمين . فأزلهما الشيطان عنها فأخرجهما مما كانا فيه وقلنا اهبطو بعضكم لبعض عدو ولكم في الارض مستقر ومتاع الى حين ) صدق الله الععظيم

غلط انو انقول انو حوا هي هي السبب بخروج ادم من الجنة والصح انو انقول انو ابليس هو السبب ابليس اغوا ادم وزوجتة واستخدم كل وسائل الاغواء حلف الهم انو هو ناصح الهم وانو الاكل من هاي الشجرة راح يخلدهم بالجنة فاستجااب ادم وزوجتة لاغواء ابليس وعصو ربهم واكلو من الشجرة و كان جزاؤهم خروجهم من الجنة اللى الارض اللي فيها الكد والعناء والعداوة والابتلاء

وعندي تعليق زغير انو القران ما قال انو زوجة ادم اسمها حواء وما في دليل انو اسمها حواء
وتانيا مش مذكور بالقران انو الشجرة الي اكلو منها هي التفاح مذكور بالقران انو شجرة بالجنة بس شجرة شو الله اعلم

احلى رورو

12-23-2006, 07:07 PM

تعليق تاني

وحديث "شاوروهن وخالفوهن" .. لو حدا حكالكن الرسول قال هيك .. ايش الرد ..

اولا هادا مش حديث عن الرسول لعدة اسباب اولها انو لم يثبت عن رسول الله عليييه الصلاة والسلام وهو مخالف لايه قرآنية عن الزوجين قال تعالى ( فان ارادا فصالا عن تراض منهما وتشاور فلا جناح عليهما ) صدق الله العظيم وكمان مخالف للثابت عن النبي انو شاور نساؤة واخذ بما اشرن به متل صلح الحديبية لما اشارت عليه زوجته ام سلمة ان يبدا بذبح هديه وحلق شعرو ليقتدي منو صحابتة
يعني من الاخر يا احمد هادا مش حديث :):)

Twin

12-23-2006, 07:10 PM

طيب ما بتسمعن مرات من الشباب او حتى الشياب انها حوا سبب خروج ادم من الجنة وانها سبب وجودنا على الارض ... بدي تعتبرن الحكي موجه الكن .. فبشو ممكن تردن ؟؟؟

طيب شغلة ثانية .. حديث ناقصات عقل ودين ... شو حتردن لو واجهكن بيها حدا ؟؟

وحديث "شاوروهن وخالفوهن" .. لو حدا حكالكن الرسول قال هيك .. ايش الرد ..

مستني رد الصبايا .. لانو الموضوع بخصكن بشكل كبير ..

احم احم .. بدي ادافع عنكووو يا صبايا ...

اول شي لو متل ما ذكرت حدى واجهني بحديث ( ناقصات عقل ودين ) رح رد عليه ب : انوو ناقصات عقل مش لانووو عقلنا زغير ، بل لانووو الله خلى شهاده الرجل بمرأتين ، كمان مش لانووو تقليل من شأنها بل لانوو المراه مش من اختصاصها الاعمال والشغل الي متل هيك وبيتطلب شهادات لانها بطبيعتها لبيتها واسرتها فممكن تنسى تفاصيل وازا نسيت التانيه بتذكرها ... وكمان عقل المرأه يغلبووو العاطفه .. ( عفكره اجى السؤال هادا بامتحان التوجيهي وجبت 100 من 100 بالتربيه الاسلاميه .. ابصر عندك هنجح ؟؟ :showoff: ..
-----------------------------

تاني شي : وحديث "شاوروهن وخالفوهن

الرسول عليه الصلاه والسلام لما نزل عليه جبريل عليه السلام لما روح عالبيت خايف لجأ لزوجته خديجه رضي الله عنها فقال : زملوني زملوني .. يعني لم يلجأ لاحد تاني ..
وكمان يوم الحديبه لجأ الرسول ص .. لزوجته ام سلمه وطلب مشورتها واخد فيها يعني ازا القدوه تعت المسلمين يشاور زوجته او المراه عامه .. نحنا بدنا نخالفه ؟؟
وهذا الحديث " شاوروهن وخالفوهن " لا أصل له عن النبي صلى الله عليه وسلم .
كما أن حديث : هلكت الرجال حين أطاعت النساء . حديث ضعيف .
-----------------------------

اما اخر شي عن حوا انها سبب نزول ادم فبرد عليهم انووو هاي المقوله لا اساس لها وهيه مأخوذه من النصارى والانجيل لانه الله قال بالقران الكريم بالتحديد بسوره البقره ..
(فأزلهما الشيطان عنها فأخرجهما مما كانا فيه)
وفي كتير ايات ذكرت هالشيئ بصراحه مش متذكره ..
يعني باختصار ازا الله بالقران ذكر انوو الشيطان السبب ليش بدكوو تلزقوها فينا ؟؟
----------------
خلص .. يارب اكون اقنعت الي ئدامي من غير ما ينتف شعراتووو ويعلن انسحابووو ..

Twin

12-23-2006, 07:12 PM

ييييييييييييي سبحان الله احلى رورو سبئتيني بس نفس الشي كلنا جاهز ردنا ما تخاف علينا احمدوووووو

احلى رورو

12-23-2006, 07:15 PM

هههههههههههههههههههههههههههههه ههه

والله انا رديت بس عشان نغووووم :):)

خيـرَ أُمـة

12-23-2006, 07:23 PM

السؤال الاول الاجابة في مش كاملة ... صح الشيطان هوي السبب بس ليش يسمعو كلامو .. هي اصرت عليه وهوي رد عليها :)) ... فشوفولكو جواب ثاني .. الجواب مش مقننننع ..
تصورو لو أخ وأخو دخل بينهم واحد وعمل مشكلة .. الاب المفروض يلوم الغريب ولا أولادو الي هوي منهم ..
مستني جواب مقنع على هاي النقطة خخخخ

السؤال الثاني ناقصات عقل ودين .. كلامكن 100% ما علي غبار .. المراة عندها العاطفة زايدة وهاد هوي السبب وناقصات دين لانو في أيام معفي عنها العبادات مثل الصلاة والصوم .. طبعا مش كل العبادات !!
فجواب السؤال مقبول وبتوخدو عليه فل مارك ههه

السؤال الثالث اللـه ينور عليكن .. كلام سليم هوي مش حديث أصلا بس مقولة وأبصر مين نسبها للرسول .. ما الها اصل من الصحة .. بس توينووو مش حديث ضعيف .. هاد بسمو حديث مكذوووووووب .. منو لله الي الفو هههه
يعني معقول الرسول يحكيلنا هيك .. طيب على الاقل "لا تشاوروهن" اما شاوروهن وخالفوهن .. شو يعني الهدف نجلطها ههههه
برضو جوابكن 100% لا غبار عليه ..

ضل السؤال الاول ؟؟؟؟؟

مستني الرد :))

خيـرَ أُمـة

12-23-2006, 07:25 PM

صح أحلى رورو ...

الرسول حكالنا عن امنا حوا .. احنا عنا منهجين القران الي هوي كلام اللـه والسنة الي هي كلام الرسول ...
مش شرط ينذكر في القران .. لكن الرسول ذكرلنا هاد الاشي ..

خيـرَ أُمـة

12-23-2006, 07:29 PM

شغلة ثانية ... القران لم يذكر اسم اي من النساء في القران الا مريم عليها السلام والسبب سامي وهوي بتمثل بقول الله تعالى (- ومريم ابنة عمران التي أحصنت فرجها -)

في حين أن الله سبحانه وتعالى تحدث في آيات كثيرة عن النساء ولكن لم يذكر أسماءهن

وهي في الآيات التاليـه

(( ضرب الله مثلا للذين كفروا أمرأة نوح وأمرأة لوط ))

(( تبت يدى أبى لهب وتب )) إلى قوله تعالى (( وأمرأته حمالة الحطب ))

أمرأة فرعون كانت مؤمنه ومع ذلك لم يذكر الله إسمها وذلك في قوله تعالى

(( و ضرب اللَّه مثلا للذين امنوا أمرأة فرعون ))

وأيضاً في قصة موسى عليه السلام حينما قال الله تعالى

(( وَوَجَدَ مِن دُونِهِمُ امْرَأتَيْنِ تَذُودَانِ قَالَ مَا خَطْبُكُمَا )) إلى قوله تعالى (( فَجَاءتْهُ إِحْدَاهُمَا تَمْشِي عَلَى اسْتِحْيَاء ))

وكذلك في قوله تعالى (( ولا تكونوا كالتي نقضت غزلها ))

وفي قصة يوسف مع زوجة العزيز

(( وَقَالَ نِسْوَةٌ فِي الْمَدِينَةِ امْرَأَةُ الْعَزِيزِ تُرَاوِدُ فَتَاهَا عَن نَّفْسِهِ ))

اسف على الاطالة .. لكن الاسماء ذكرها الرسول مثل ستنا حواء واسيا زوجة فرعون .. والمراة الي شكت للرسول عن زوجها ... وغيروووو

سلام

Twin

12-23-2006, 07:38 PM

ضل السؤال الاول ؟؟؟؟؟

مستني الرد :))

ههههههههه انت الي هيك بتعزبنا ...

المهم شي تاني :

لما خلق الله ادم قال لملائكته اني جاعل في الارض خليفة وما كان يقصد الجنة فمصير ادم وذريته النزول الى الارض .منه نستنتج انو نزول ادم وخروجه من الجنه مش بسبب حواء او غيرها بل هو اصل خلق ادم ليعبد الله هو وذريته على الارض..

وكمان بدي احكي شي بس ما تعتبروه بتفلسف ...

قال تعالى لمريم عليها السلام لما جائت تلد عند جزع النخلة:
"وهزي أليك بجزع النخلة يتساقط عليك رطبا جنيا"
سؤالي هون ...ما كان الله عز وجل قادر أنو يسقط عليها الرطب بدون أن تهز؟؟؟!!!
اكيد طبغا ...ولكن..متلما قال عز وجل...وجعلنا لكل شئ سببا
والتفاحة لآدم وحواء نفس الشي مجرد سبب .. وانت كمل احمدوووو ...

يارب هلا علامه كامله .. :b:

خيـرَ أُمـة

12-23-2006, 08:05 PM

قال تعالى لمريم عليها السلام لما جائت تلد عند جزع النخلة:
"وهزي أليك بجزع النخلة يتساقط عليك رطبا جنيا"
سؤالي هون ...ما كان الله عز وجل قادر أنو يسقط عليها الرطب بدون أن تهز؟؟؟!!!
اكيد طبغا ...ولكن..متلما قال عز وجل...وجعلنا لكل شئ سببا
والتفاحة لآدم وحواء نفس الشي مجرد سبب .. وانت كمل احمدوووو ...

يعني جاوبتي الي كنت ححكي .. كل اشي ربنا ارادو وعملو اسباب ..

يعني الي برتكب جريمة وبنيجي انعاقبو حيحكي مهوي وقدر ومكتوب .. بس برضو حنعاقبو :))

ليس هذا الجواب .. بس لفته حلوة منك موضوع انو هيك هيك كان في يوم حينزلو على الارض .. بس الي كان ضايل السبب .. وكان هاد هوي السبب ..

حنعطي فرصة وقت اطول عشان الي ما شاف الاسالة يشوفها ...
والي عندو حل ثاني يحكي ...

خيـرَ أُمـة

12-23-2006, 08:26 PM

هههههههههههههههههههههههههههه
ليش وين عقله ادم لما سمع منها:icon11:
اعتقد انه احنا مش ناس جاهلين حتى نقول هيك كلام
لان كل شي بيعمله الانسان او ممكن يعمله او حتي بيفكر فيه مكتوب لهيك شخص قبل ما ينولد او يعيش بالدنيا
وياى عمي لو كانت حوا سبب خروج ادم من الجنة لازم تعرف انه ابليس أغواها واعتقد انه ابليس " مذكر " مش مؤنث يعني بينتمي بشكل او بآخر لجنس ادم " المذكر " ولا كمان هالشغلة حوا لها دخل فيها :icon8:
ولو كلامك عن حوا مزبوط وانها سبب خروج ادم من الجنة تقدر تقلي ليش ربنا بيوعد ادم بانه له الحور العين بالجنة فمثلا الشهيد له 70 زوجة من الحور العين يعني لو ما كانت حوا سبب سعادة لادم ما كان ربنا خلقها ووعده فيها لما يكون مؤمن ومتقي وبيعمل بأوامر الله ويدخل الجنة
واحب اضيف شي تاني انه لو ابونا ادم غلط وسمع كلام حوا يا ريت اخوانا واهلنا من بني ادم يتعلمو ا من الغلط اللي عمله ابونا ادم لما سمع من امنا حوا ولا انتو ما بتستفيدو من اخطاء اللي سبقوكم
واللي بيقول انه حوا ناقصة عقل ودين احب اقوله انه في نساء الواحدة منهم بالف رجل وبشوارب كمان والادلة كتير واقربها نساء بيت حانون حوا قامت بحماية ادم ودافعت عنه ولا كمان هالشي ما عرفتوه:icon9:

تحياتي

لما تصيري مؤدبة في كلامك عن سيدنا ادم برد عليكي وقتها ..

لكن طريقتك في الكلام غير مؤدبة ..

لو كنت معنا من بداية المشروع كان عرفتي الهدف من الاسالة الي طرحتها وما كان اسلوبك بالحكي بهاي التفاهة ..
نعم في نساء خالدات وبنذكرن في التاريخ .. ويريتك قراتي مشاركاتي السابقة عن بعضهن .. لكن صدقيني انت مش منهن ..

كوني خلوقة بردك وتأدبي وانت بتحكي عن سيدنا ادم ..

سلام ..

خيـرَ أُمـة

12-23-2006, 08:34 PM

صح اضافة عشان ما يتخربط الجميع من الي ذكرتو الاخت طمطوم ...

الشيطان مش مذكر ... الشيطان ثلاثة أنواع انس و جن ودابة ..

خيـرَ أُمـة

12-23-2006, 08:39 PM

مستني حدا يرد على التسائلات ...

انا خايف يجي شب من برا ويرد ههه

نغوم

12-24-2006, 01:46 PM

السلام عليكم

بعد تفكير مطول ان شاء الله كون وصلت للاجابة
في ايه بتحكي انه الشيطان و سوس لهما للاسف مش حافظه الايه عشن هيك احتمال يكون ردي ضعيف
المهم
الشيطان وسوس لحوا ولكن ايضا وسوس لسيدنا ادم عليه السلام انه يرد على حوا
فبتالي السبب مش من حوا ولا من سيدنا ادم
السبب وسوست شوشو
وان شاء الله نكون وصلنا للاجابة الصحيحية
تحياتي
نغوم

خيـرَ أُمـة

12-24-2006, 07:03 PM

هههههههههههههههههههههههههههه
ليش وين عقله ادم لما سمع منها

بالله عليكي ايا حدا بقرا هاد الحكي ايش حيفهم ..

الهدف من الموضوع كان مش انا نتصارع او نعمل مشكلة بين البنات والشباب مثل ما بصير بارجاء المنتدى ... هنا الهدف انرجع للمراة مكانتها .. لانو من أسباب تخلفنا انها المراة بطلت ماخدي مكانها الصح .. الهدف كان مش نتقاتل ولو راحعتي اسلوبك كان تهجمي والسبب بسيط انك فتي بالغلط على الصفحة او حدا اعطاكي اللنك بدون ما تقراي الموضوع من الاول او تسمعي المحاضرة ..

احنا هنا مش عشان نتصارع ونرمي تهم على بعض ادم وحواء .. احنا هنا منشان نتكامل .. ونحكي انو الاسلام ما ظلم المراة .. وانو بالعكس الغرب همي الي ظلموها .. وفي النهاية بلومو دينا ..

الاسالة الي انا طرحتها كانت عشان يعرفن الصبايا انو في فهم مغلوط عن دينا عند الناس بتفسير الحكي .. مش كنت برميهن فيه وبتهمهمن ..

عل ىالعموم انا مش صاحب المنتدى ولا انا مشرف .. فانك تتركي المنتدى عشاني بتكوني ظلمتيهم للجماعة .. انا مش خسران اشي :))

سلامي الك وبتمنى تشاركي معنا من البداية بالمشروع .. وبكرة حنزل حلقة جديدة ومرتبة ..
--------

ها يا جماعة

حدا عرف الجواب ...

نعطي مجال أكمن ساعة هه

سلام ..

خيـرَ أُمـة

12-24-2006, 10:05 PM

فَوَسْوَسَ لَهُمَا الشَّيْطَانُ لِيُبْدِيَ لَهُمَا مَا وُورِيَ عَنْهُمَا مِن سَوْءَاتِهِمَا وَقَالَ مَا نَهَاكُمَا رَبُّكُمَا عَنْ هَذِهِ الشَّجَرَةِ إِلاَّ أَن تَكُونَا مَلَكَيْنِ أَوْ تَكُونَا مِنَ الْخَالِدِينَ {7/20} وَقَاسَمَهُمَا إِنِّي لَكُمَا لَمِنَ النَّاصِحِينَ {7/21} فَدَلاَّهُمَا بِغُرُورٍ فَلَمَّا ذَاقَا الشَّجَرَةَ بَدَتْ لَهُمَا سَوْءَاتُهُمَا وَطَفِقَا يَخْصِفَانِ عَلَيْهِمَا مِن وَرَقِ الْجَنَّةِ وَنَادَاهُمَا رَبُّهُمَا أَلَمْ أَنْهَكُمَا عَن تِلْكُمَا الشَّجَرَةِ وَأَقُل لَّكُمَا إِنَّ الشَّيْطَآنَ لَكُمَا عَدُوٌّ مُّبِينٌ {7/22} ....

جميع الايات تتكلم بصيغة المثنى ..

الا اية واحدة حملت المسؤولية على شخص واحد وهو :b: سيدنا ادم عليه السلام
((فعصى ادم ربه فغوى)) .. صدق اللـه العظيم ..

يعني في النهاية القران حمل سيدنا ادم المسأولية

هاد هوي الجواب انو القران حمل ادم المسأولية في النهاية .. صحيح انو الشيطان اشتغل عليهم الثنين لكن المسأولية اتحملها سيدنا ادم .. والقران واضح بهذا الشيء ..

Twin

12-24-2006, 10:10 PM

اه والله صح

!!!!!!!!

والله مبارح ما نمت الا وخلصت كل صفحات النت وانا ادور عليه :b:

شكرا عالجواب الله يجزيك كل خير ياربي ..

خيـرَ أُمـة

12-24-2006, 10:19 PM

انا خايف بكرة تصيرو انتو تلومونا على هالشغلة ههه

على العموم ان شاء الله كلنا حنرجع وحنلتقي بالجنة .. أمين يا رب :))

المسلمممه

12-24-2006, 10:50 PM

لما تصيري مؤدبة في كلامك عن سيدنا ادم برد عليكي وقتها ..

لكن طريقتك في الكلام غير مؤدبة ..

لو كنت معنا من بداية المشروع كان عرفتي الهدف من الاسالة الي طرحتها وما كان اسلوبك بالحكي بهاي التفاهة ..
نعم في نساء خالدات وبنذكرن في التاريخ .. ويريتك قراتي مشاركاتي السابقة عن بعضهن .. لكن صدقيني انت مش منهن ..

كوني خلوقة بردك وتأدبي وانت بتحكي عن سيدنا ادم ..

سلام ..

معليك منها احمد..اللي مايحترم الانبياء كيف راح يحترم الناس ...شكر ا احمد المحاضره روووووووووووووعه وحوارك الاروع .مشكوووووور.:s (43): :s (43): :s (43):

نور اليقين

12-25-2006, 12:12 AM

نغوم

12-25-2006, 12:39 PM

واذا بتسمحلي احمد ضيف فتوى بخصوص التساؤل الاول انه سبب خروج ادم من الجنه هو حوااء

السؤال:
هل هناك دليل في القرآن و السنة على أن حواء هي التي أكلت التفاحة و أغرت سيدنا آدم ليأكلها .

الفتوى:
الحمد لله والصلاة والسلام على رسول الله وعلى آله وصحبه أما بعد:

فإنه قد ثبت في صحيح مسلم من حديث أبي هريرة رضي الله عنه قال: قال رسول الله صلى الله عليه وسلم: لولا حواء لم تَخُن أنثى زوجها الدهر.
قال النووي رحمه الله: قال القاضي: ومعنى الحديث: أنها أم بنات آدم فأشبهنها ونزع العرق لما جرى لها في قصة الشجرة مع إبليس فزين لها أكل الشجرة فأغواها فأخبرت آدم بالشجرة فأكل منها. اهـ
وقال الحافط في الفتح: قوله: "لم تخن أنثى زوجها" فيه إشارة إلى ما وقع من حواء في تزيينها لآدم الأكل من الشجرة حتى وقع في ذلك، فمعنى خيانتها أنها قبلت ما زين لها إبليس حتى زينته لآدم، ولما كانت هي أم بنات آدم أشبهها بالولادة ونزع العرق، فلا تكاد امرأة تسلم من خيانة زوجها بالفعل أو بالقول، وليس المراد بالخيانة هناك ارتكاب الفواحش، حاشا وكلا، ولكن لما مالت إلى شهوة النفس من أكل الشجرة وحسنت ذلك لآدم، عد ذلك خيانة له، وأما من جاء بعدها من النساء، فخيانة كل واحدة منهن بحسبها، وقريب من هذا حديث جحد آدم فجحدت ذريته. اهـ.
وأما ما رود في السؤال من أن الشجرة التي أكلا منها هي التفاحة، فهذا ليس عليه دليل، وليس في كتاب الله أو سنة رسول الله الصحيحة شيء يعيِّن هذه الشجرة.
قال ابن كثير رحمه الله بعد أن نقل روايات في تعيين الشجرة التي أكل منها آدم وحواء: قال الإمام أبو جعفر بن جرير رحمه الله: والصواب في ذلك أن يقال إن الله عز وجل نهى آدم وزوجته عن أكل شجرة بعينها من أشجار الجنة دون سائر أشجارها، فأكلا منها، ولا علم عندنا بأي شجرة كانت على التعيين، لأن الله لم يضع لعباده دليلا على ذلك في القرآن والسنة الصحيحة.
والله أعلم.

خيـرَ أُمـة

12-25-2006, 01:28 PM

62 رد و مفيهمش و لا رد ليا ؟
سامحوني و الله
سامحني احمد و الله اني مقصرة كتير
مع نفسي اكتر من معكم
عشان في الاخر انتو مو خسرانين شي بس انا خسرانة افادة كتير كبيرة من الموضوع
ادعولي افضى و اكمل المحاضرتين

واللـه بالعكس يا نور احنا الي افتقدناكي معنا :b:

على العموم اليوم عنا محاضرة جديدة وبهمنا تكوني موجودة :))

خيـرَ أُمـة

12-25-2006, 02:16 PM

نغوم حتى الرجال أخذو بعض الصفات من سيدنا ادم مثل النسيان وغيره .. حتى انو يقال عن سيدنا ادم انوادم لما كان بحتضر خلاها تطلع من الغرفة لما اتذكر الموقف والشجرة ...

بس القران واضح وصريح بتحميل سيدنا ادم المسئولية لانه هو الرجل ...

خيـرَ أُمـة

12-25-2006, 06:12 PM

الحلقة الرابعة :))

http://www.shabab.ps/vb/showthread.php?p=406229#post406229

بين الاندماج والانغلاق :))

شهد الحياة

12-25-2006, 06:26 PM

سوري تأخرت بالرد النت قطع عندي من يومين

المهم أني استفدت من المحاضرة

والحلقات اللي مسويها واايد مفيدة ،،

جـــزاك الله خير أحمدكس ولا تحرمنا

خيـرَ أُمـة

12-25-2006, 06:28 PM

فعلا لاحظت انك مختفية عن المنتدى ..يالله الحمد الله على السلامة :))

نزلت الرابعة .. وهي مهمة حتى لاهل الامارات :))

شهد الحياة

12-25-2006, 06:36 PM

الله يسلمك ،،

اوك جاري الاستماع :D

نغوم

12-26-2006, 07:24 PM

بس حبت اضيف معلومة بالتسبة للتساؤل الاول الي انطرح

والعجيب أنك لو قرأت في بعض الكتب السماوية وغير السماوية في الديانات الاخرى
>>لوجدت النظرة الى حواء نظرة ظالمه_وآسف في الكلمه_بل تنظر إلى المرأه كأنها
>>ليست من جنس الانسان أي مرتبه أقل قليلا وأدنى من الرجال ، وهناك من ينظر الى
>>أنها السبب في معصية آدم، وأنها سبب نزول آدم الى الأرض وأكله من الشجرة ،لكن
>>الحقيقة
>>أن القرآن لم يقل هذا الكلام أبدا ، لكنه وضع الاثنين معاً في نفس الدرجة
>>ونفس المسئولية وأقرأ الآية "فوسوس لهما الشيطان ليبدي لهما ما ووري عنهما من
>>سوءاتهما"الاعراف 20
>>فالايات لم تتحدث أن ابليس وسوس إلى حواء أو خدعها هى فقط ، لكنه ازلهما
>>،ووسوس لهما معا ،فالمسئولية مشتركة، والاثنان اكلا من الشجرة فنزلا الى
>>الارض