ستار أكادمي ؟؟ ماهو

[إئتلاف]

بسم الله الرحمن الرحيم
أخواني أخواتي اسلام عليكم ورحمة الله وبركاته بينما كنت أقلب قنوات التلفزيون وفجأة إكتشفت أنو بدأ
الموسم الجديد للبرنامج ستار أكادمي البرنامج الذي يقال أنه ثقافي رياضي فني ........
ولما بدأت أقرأب مسجات (msm) وجدت إقبال مش طبيعي على البرنامج والأعضاء وبصراحة أنا حاولت أهضم هذا البرنامج لكن ماهضمته ولرأيت أنو تافه جدا وما منم وراءه فايدة ولكن السؤال الذي أريد أن أسأله لكم أخواني ....
1 ) هل تتابع هاذا البرنامج
2) هل والدك في المنزل يشاهد مثل هذه البرامج أو يسمح بمشاهدتها
3) هل تستفيد من هذا البرنامج وماذا تستفيد


مع العلم أنو هذا البرنامج مقتبس من القنوات الغربية والأوروبية ومنقول إلينا للأسف
أنا لم أجرح بالبرنامج ولم أجرح بمن يشاهد البرنامج ولكن هذه وجهة نظري وشكرا .....
أرجو الإجابة على الأسئلة :icon9: :icon9:

[Twin]

أسأله لكم أخواني ....

1 ) هل تتابع هاذا البرنامج

لا حد الله بحياتي ما شفته غير بالصدف بس وبستحقرهم وبدير ..

2) هل والدك في المنزل يشاهد مثل هذه البرامج أو يسمح بمشاهدتها 3)

لسه مبارح اختي الزغيره بتحكي مجرد حكي انوو بلش ستار اكدمي والله اكلت اتله ..

هل تستفيد من هذا البرنامج وماذا تستفيد

هههههههههههههههههههههههههههههه ه
شو بدنا نستفيد !!! برنامج ساقط وفاشل ومخل بديننا الاسلالالامي .. مع انوو اغلب المشاركين مسلمين ..

------------------

شكرا الك اءتلاف

[بيســان]

1 ) هل تتابع هاذا البرنامج

لأ

2) هل والدك في المنزل يشاهد مثل هذه البرامج أو يسمح بمشاهدتها

الله يرحمه

3) هل تستفيد من هذا البرنامج وماذا تستفيد

لأ كمــان .. وشو بدي استفيد منهم وهم دعاة على ابواب جهنم هههههه افحمتكم بهالجملة ....

تسلم الأيادي ائتلاف

مع ودي

[احلى رورو]

برنامج ستار اكاديمي

راح احكي عنو بصراحة

انا تابعت الموسم الاول والموسم التاني

بس لقيتو برنامج اتفه من التافه ما الو معنى

شباب وبنات بنفس الاكديمية بياكلو وبنامو وبغنو و و و و مع بعض

وين شرع الله والمصيبة انو في مسلمين بينهم مش بس مسيحية

انا حضرت بس من الزهق مش اكتر بس هاي السنة مش ناوية احضرو ولا حتى لمحة زغيرة لانو قرفت منهم

وهادا تقليد لبرنامج نفسو للغرب وكمان واحد بالفرنسي

بس يعني بدي احكي انو كنت احضرو بدون ما حدا يعرررف

بالتلفزيون بغرفتي هههههههههههههههه

بس ازا شافني ابوي كان كسر التلفزيوووووون


وببدا اجاوب على اسئلتك ائتلاف

1 ) هل تتابع هاذا البرنامج

اه تابعت الموسم الاول والتاني
وقناه 24 24

2) هل والدك في المنزل يشاهد مثل هذه البرامج أو يسمح بمشاهدتها

مشاهدة ابدااااااا ما بحضر هيك اشي
وما بسمحلنا نحضر هيك اشياء

3) هل تستفيد من هذا البرنامج وماذا تستفيد

من تجربتي ولا 1 % استفدت بس اكتشفت اني ضيعت وقت على ولا اشي

ومشكوور ائتلاف عالموضوع اللي اجا بوقتوووو

[عاشق البندقية]

بدي اجاوب ع العنوان.

بصراحة هو عبارة عن مشروع اجنبي هادف وله نفاطة ومسوغاته .

واظن كل واحد بالغ عاقل مسلم ومؤمن بيعرف شي هي.

1 ) هل تتابع هاذا البرنامج


بي جوز شفت الاغنيه اللي عملوها تاعة بشارنو..

ههههههههههههههههه

اما صدقا هيك شغلات ما بتنحضر بالدار.

ولما اكون بالبيت ممنوع اغاني. :)

2) هل والدك في المنزل يشاهد مثل هذه البرامج أو يسمح بمشاهدتها

ابوي للاخبار بس.

^^

3) هل تستفيد من هذا البرنامج وماذا تستفيد


بس تفيد قلة الحياء والادب والدين.

وباحدلي شوية حضارة "ومودرن"



ومشكور ع الموضوع يا امير.

":s (43): "

[العيون السود]

شكرا الك على طرح هالموضوع
انا تابعتوا بس علشان اشوف لوين وصل الوضع عنا احنا العرب
انا بصراحة مش عايشة بالوطن العربي وكنت اتخيل شي تاني
بس للاسف تفاجأت بالمياصة والدلع والاخلاق للأسف
اما الاجابة..


السؤال الاول:
مش دايما بتابعه حسب

السؤال الثاني:
والدي ما بتابعه بس ما بيمنعنا

السؤال الثالث:
ما استفدت اشي لأنه بيضر ما بيفيد وهذا البرنامج كان احد الاسباب اللي ما خلتني انزل على بلدي
لأني ما بحب اتفاجأ

[أنين]

1 ) هل تتابع هاذا البرنامج

طبعا لاء برنامج بهل الساخفه ما بستهال انو اضيع وقتي عشانو

2) هل والدك في المنزل يشاهد مثل هذه البرامج أو يسمح بمشاهدتها

هههه والله من فتره ما ضحك هل ئد ... لاء

3) هل تستفيد من هذا البرنامج وماذا تستفيد

اكيد بستفيد شو هل الحكي هههههه
يعني اخي برنامج متل هيك شو الفايده منوووو

[إئتلاف]

السلام عليككم ورحمة الله وبركاته عن جد ردردكم أفرحتني وعجبتني
شكرا إلك أختي ومشرفتي توين على ردك ويعطيكي ألفين صحة وعافية
وشكرا مشرفتي الغالية بيسان عبى ردك الكوووول وتسلم إديكي على المرور
أحلى رور أشكرك على صراحتك الرائعة و الجميلة وشكرا ىعلى ردك ومرورك الكوووول
عاشق البندقية يسلمو إديك على الرد ويعطيك الف عافية
العيون السود للأسف لسا هدول صورة مصغرة عن العرب لسا الوضع العربي كل ماله بيرجع لورا والغرب بيتقدمو
للأسف المهم شكرا أختي على مرورك ويعطيكي ألف عافية
أنين هلا والله وغلا نورتي الموضوع بس أنا سألت ىالسؤال الأخير لأنو في ناس سألتهم قعدو يعدولي فوائد
وأنهم بستفيدو والناس أرائهم بتختلف ...... شكرا على مرورك وردك الكوووول ..... يعطيكي العافية
...................
بنتظار مزيد من الردود ...شكرا

[العيون السود]

العفو ائتلاف موضوعك جميل وبتمنى الكل يشارك

[القلب الطيب]

مشكور أخي ائتلاف على الموضوع المهم
طبعا ما بأحضر البرنامج
وايضا لا أحد في المنزل يتابع البرنامج
هو ما بيفيد بل بيضر
مضيعة للوقت ومضيعة للحسنات

[إئتلاف]

اعليون السود أشكرك على إهتمامك وإذا دل على إشي دل على حسن التربية شكرا على مرورك مرة ثانية
ويعطيكي ألف صحة وعافية ......
========
القلب الطيب يسلمو إديك على الرد الرائع ويعطيك ألف صحة وعافية نورت الموضوع ....... شكرا

[صامدوووون]

هل تتابع هاذا البرنامج
لا اتابع هذا لبرنامج
2) هل والدك في المنزل يشاهد مثل هذه البرامج أو يسمح بمشاهدتها
لا والدي لا يشاهد هذه البرامج
3) هل تستفيد من هذا البرنامج وماذا تستفيد
لا استفيد من هذه البرنامج

البرنامج هو عباره عن فكره اجنبيه يراد ابها مل عقول شعوبنا بالسخافات واشغالنا عن قضايانا وهمومنا وانتشار الفساد في بيوتنا بسبب ماتراه الاسر من سخافات واختلاط البنات بالشباب وعدم وعي للفن وتقديم الفن بصوره غير صحيحة لا اكثروزلا اقل من ذالك وببساطه شديده البرنامج مقدم للبيوت للتقليل الوازع الديني فيه والبرنامج ضد الاسلام والبيوت المحافظه على الدين والتعاليم الاسلامية الواضحة بصراحه البرنامج مستهدف ضد الدين الاسلامي

[إئتلاف]

يسلمو إديك أخوي صامدون ويعطيك ألف عافية وتعليق أكثر من رائع وشكرا على الرد
...............شكرا

[جيفارا*نابلس]

بصراحه انا كنت اتابعه بس حسيتو انو حكي فاضي
شكرا ائتلاف الك

[رأفت]

بسمع كثير عنو ....

و بسمع انهم بحطو بنات و شباب بنفس المكان لمدة معينة .... يعني شو الهدف من هيك برامج غير انها تخرب عقول الشباب ... الله يلعنهم و يلعن كل واحد بودي بنتو او ابنو على هيك اماكن و هيك برامج و يلعن كل القائمين عليه من المخرج لحد المراسل

و بنصحكو انكم ما تتابعو هيك اشياء لانها ما بتفيد غير انها بتدمر شبابنا و بناتنا ...

و تحياتي لصاحب الموضوع .......

[إئتلاف]

تسلملي والله أخوي رأفت وأشكرك على تعليقك وردك الرائع ويسلمو إديك وشكرا على المرور
يعطيك ألف عافية

[إئتلاف]

نظرا ل إبتداء الموسم الجديد لستار أكادمي حبيت أفعل هذا الموضوع وبنتظار الردود وشكرا .................

أخووووكم إئتلاف

[&نسيم الروح&]

1 ) هل تتابع هاذا البرنامج؟؟
لا ما بحضره "سخييييييييييييف"

2) هل والدك في المنزل يشاهد مثل هذه البرامج أو يسمح بمشاهدتها؟؟
اصلا بابا لما يبدا الموسم تاعه كان يلغي الـــ LBC والقناه الي بتجيبهم 2424 وزوجي اصلا ما بعرفها لانه اصلا عايش بكنده من هو ولد صغير

3) هل تستفيد من هذا البرنامج وماذا تستفيد
الي بستفيد اكيد بستفيد المسخره وبياخد دروس قله ادب سوري بالكلمه

[عسولة القدس]

اول شي يعتيك الف عافية ع المودوع

تاني شي

انا بالسنوات اللي فاتت كنت ما احدرو بس لئتات منو

بس هي السنة ولامرة شفتو غير شي ممكن لبرايم بس مرة حضرتو

لانو اسلا البرنامج كلو بزاتو حرام بحرام شباب وسبايا بياكلو مع بعد وبنامو مع بعد وكلشي مع بعد

وين الدين والاخلاء ..دايما هيك نحنا العرب بنشوف اي شي بنعملو متل الاجانب من غير منفكر ازا حرام او لا المهم انئلد وبس



ومرسي مرة تانية ع المودوع

تئبل مروري

[إئتلاف]

نسيم الروح يعطيكي ألف عافية وشكرا لمروووورك ويسلمو إديكي على الرد
وعسولة والله على راسي بس ليش هيك بتكتبي الصاد سين وحالتك حاله على العموم يسلمو إديكي على الرد ويعطيكي ألف عافية ......................... ولا تابعي البرايم :)


شكرا للمروور