( سفر الفتاه للدراسه وحدها )

[Twin]

السلام عليكم ..


بعون الله أبدأ


الموضوع هو ... دراسه البنت خارج بلدها ..؟


بصراحة الموضوع هدا حبيت اخذ رايكم فيه واتمنى من حضراتكم
اخذ الموضوع بفكر واعي وعدم تعصب
وأن لا ننسى أن .. النقاش لا يفسد للود قضية ..!


والان اعزائي ...

ما هي وجهة نظر كل شخص لهذه القضية ؟
لماذا يوجد من بعض الاسر لا توافق لدراسة البنت خارج بلدها
عكس دراسة الشاب .. ( وكل منهما يود الدراسة والتفوق )
ونجد الشاب يجد القبول بكل رحابة صدر
والفتاة لا للاسف عكس الشاب تماما ...!؟؟؟
أتمنى أن أرى آرائكم بروح عالية وتفكير ناضج !!


لكم تحياتي القلبية.... Twin :s (43):
دمتم بخير

[خيـرَ أُمـة]

ما هي وجهة نظر كل شخص لهذه القضية ؟
لماذا يوجد من بعض الاسر لا توافق لدراسة البنت خارج بلدها
عكس دراسة الشاب .. ( وكل منهما يود الدراسة والتفوق )
ونجد الشاب يجد القبول بكل رحابة صدر
والفتاة لا للاسف عكس الشاب تماما ...!؟؟؟
أتمنى أن أرى آرائكم بروح عالية وتفكير ناضج !!


ما بصير تسافر بدون محرم :icon31:

دينا بدو يحافظ عليها .. شايفها جوخرة وما بدو تكون بدون حماية :))

الدليل قول الرسول الكريم "سلام ( لا يحل لامراة تؤمن بالله واليوم الآخر ان تسافر فوق ثلاث الاّ مع ذي محرم "

وفي كثير فتاوى بس بدك مين يطبق :(

هاي وحدة منهى ونصها

........بسم الله، والحمد لله، والصلاة والسلام على رسول الله، وبعد..
فقد شجَّع الإسلام على العلم وتحصله للرجل والمرأة، وأيضا نهيُّ رسول الله صلى الله عليه وسلم عن سفر المسلمة بغير محرم واضح مشهور، وهو يبين أن المسلمة عليها أن تتحرى الأمان، وهذا حتى لا تتعرض إلى ما يوقعها في العنت، فإذا أرادت السفر لاستكمال الدراسة في الخارج فعليها بأن تصطحب معها أحد محارمها. وإلا فلتمكث في بيتها في دارها آمنة على نفسها من الشرور.
وهذا لأنَّ الإسلام فرق بين الأمور الواجبة والأمور الكمالية ، فالأمور الواجبة مثل الخروج للحج الفريضة أو من أجل العلاج فهذه ضروريات لا يمنع الإسلام المرأة من السفر من أجلها بل يشترط الرفقة المأمونة ، أما الأمور التكميلية مثل طلب العلم أو التفوق الدراسي فهذه أمور تحسينية لا تسافر المرأة لهذه البلاد إلا بمحرم، وإذا سافرت لوحدها تكون قد ارتكبت أمرا محرما، وفرطت في حق الحفاظ على نفسها.

وإلى هذا خرج قرار مجلس مجمع الفقه الإسلامي المنعقد في دورة مؤتمره الثالث بعمان عاصمة المملكة الأردنية الهاشمية من 8-13 صفر 1407هـ /11 – 16 تشرين الأول (أكتوبر ) 1986م حيث قرّر: أنه لا يجوز للمرأة المسلمة أن تقيم وحدها شرعاً في بلاد الغربة .
والله أعلم.....
انتهى النص

http://www.islamonline.net/livefatwa/arabic/Browse.asp?hGuestID=6lYyzv

والي بتدرس ما اظن بدها أقل من اربع شهور تا ترجع لأهلها .. يعني مش ثلث ايام :)

وعلى فكرة معظم الي بسافرن .. بخبصن الا من رحم ربي .. لذلك وجود المحرم ضروري ..

الله يهدي الجميع ..

[وليف الدمعة]

انا برائي البنت تختلف اختلف كلي عن الشاب للدراسة الي الخارج
البنت مهما كانت محافظة وشخصيتها قوية ومثل ما بقولوا برتكن عليها
الا انة غلط تتدرس الي الخارج لوحدها اليوم بالذات الجامعات متوفرة في كل مكان
يعني لا حجة لاي بنت ان تنوي الدراسة الي الخارج

وشكرا للطرح هذا الموضوع

تحياتي لك

[عاشقة فلسطين]

اولا شكرا للموضوع المهم جدا للنقاش
ثانيا و بصراحة انا وحدة اكنت بدي ادرس برة ، و كنت مصرة لاسباب عدة يعني ( تخصص - شهادة اكفأ....)
بس الحمد لله و الشكر له
ما سافرت لانه اهلي كانو معارضين ( مش معنى معارضين معارضين بس كانو بيفضلوا انه ادرس عندهم)
و الحمد لله ما سافرت و حمدت ربي اني ما سافرت لانه صار اشياء كثير خلتني اتأكد انه هاي في مصلحتي و انه لو سافرت كنت راح اتندم .
فمن وجهة نظري
لو كان بالامكان تحت اي ظروووف انها تدرس عند اهلها فليش لا
اما اذا كان طمووح كبير وو ما في تخصص ممكن انه يلبي طموحها فتسافر و اذا امكن انه يكون معها حدا اخوها او ابوها او حتى امها ممكن.
ثانكس كمان مرة

[strawberry]

انا برايي انه سفر البنت مهم جدا اكتر حتى من سفر الشباب لان سفر البنت هو فرصة مهمة حتى تقوي شخصيتها و تبدا تعتمد على حالها و تبدا تواجه الحياة باشراف اهلها طبعا و كمان هي فرصة حتى يبين معدن البنت و اصلها بس بشرط واحد انه تسافر على بلد ينسمع فيها الاذان مو تسافر على بلد الله يعلم باحوالها و سفر البنت اهم من سفرالشب لان الشب بمجتمعنا بيتعلم المسؤولية كل يوم بحياته...

و شكرا عالموضوع

[خيـرَ أُمـة]

انا برايي انه سفر البنت مهم جدا اكتر حتى من سفر الشباب لان سفر البنت هو فرصة مهمة حتى تقوي شخصيتها و تبدا تعتمد على حالها و تبدا تواجه الحياة باشراف اهلها طبعا و كمان هي فرصة حتى يبين معدن البنت و اصلها بس بشرط واحد انه تسافر على بلد ينسمع فيها الاذان مو تسافر على بلد الله يعلم باحوالها و سفر البنت اهم من سفرالشب لان الشب بمجتمعنا بيتعلم المسؤولية كل يوم بحياته...

و شكرا عالموضوع

ما أغرب كلامك :)

اولا لا يوجد بلد لا يوجد فيها مسجد في العالم .. ان كان قصدك يسمع الاذان كناية عن وجود مساجد وصلاة وعبادة ..

أما قولك بأنه ليبان معدنها .. لو عندك جوهرة هل تكسرها لتتأكد من صلابتها .. ان فعلت فقد خسرت نصف ثمنها وربما أكثر ..

وهذا ما يحصل مع الفتاه التي تخرج .. فهي تخسر الكثير ...

والقصص كثيرة .. "ولكم في القصص حياة يا اولي الالباب" .. يعني يا أصحاب العقول فارجو ان نكون منهم ...

[Twin]

بصراحه انا مع سفر البنت لتتعلم بس تكون معها اخوها او تسافر عند حد من اهلها .. يعني مش تروح لوحدها .. لانوو الله يعلم شوو طبيعه اهل هل بلد والناس الي فيه .. والله بعرف بنات كانوو في قمه الاخلاق والتدين وبس سافرووو وكمان عند حد من اهلهم يعني مش لوحدهم ، وابصر كيف صار حالهم .. تبدلووو 360 درجه .. والي بنتين عمي راحتو درسووو 6 سنين في روسيا لوحدهم وهيهم ماشالله عليهم رجعووو بشهادات عاليه .. وشكرا الكووو عرئيكووو

[قسامي غزة]

انا برايي انه سفر البنت مهم جدا اكتر حتى من سفر الشباب لان سفر البنت هو فرصة مهمة حتى تقوي شخصيتها و تبدا تعتمد على حالها و تبدا تواجه الحياة باشراف اهلها طبعا و كمان هي فرصة حتى يبين معدن البنت و اصلها بس بشرط واحد انه تسافر على بلد ينسمع فيها الاذان مو تسافر على بلد الله يعلم باحوالها و سفر البنت اهم من سفرالشب لان الشب بمجتمعنا بيتعلم المسؤولية كل يوم بحياته...

و شكرا عالموضوع



يا اختي انتي وين عايشة شو سفر البنت يعطيها الثقة
اختي الدنيا مليئ بالفساد و المفسدين وين بدك اياها تروح لوحدها تكسب الخبرة
حياة ايش الي تواجها
اختي ما بيصير هيك الدين الاسلامي منع سفر المراة بدون محرم
طيب المراه ممنوع تروح الحج بدون محرم والحج الناس بيروحوا للعبادة وبيرجعوا في غضون شهر فما بالك ان تسافر اربع سنوات لوحدها وخبرة ايش الي بدها تتعلمها
انا اعارض بشدة سفر البنت لوحدها اوكي بدها تسافر تسافر هي واخوها او ابوها او عيلتها
هاد الي بيصير اما تقليلي تروح تكتسب الخبرة
هاد مش منطق
تحياتي الك

[- أبوالوليد]

صحيح أخي قسامي أنا معك

ومشكورة أختي توين عالموضوع

[أمير الأحزان]

والله انا ما ضل الي كلام
احمد قال بما فيه الكفاية
وبتهيألي الي بيقرأ كلامو وبيفهوا ما بيضللو سبب او حجة
تسلم اديكي اختي على الموضوع الجيد الواقعي

[عاشق البندقية]

ما بصير تسافر بدون محرم

دينا بدو يحافظ عليها .. شايفها جوخرة وما بدو تكون بدون حماية :))

الدليل قول الرسول الكريم "سلام ( لا يحل لامراة تؤمن بالله واليوم الآخر ان تسافر فوق ثلاث الاّ مع ذي محرم "

وفي كثير فتاوى بس بدك مين يطبق :(

بصرحه انا بأيد هاد الزلمه.

ومن جهتي لو بنفس البلاد متلا وحده من غزه تيجي عنابلس او الخليل.

ما اظن هالاشي الكبير..

بس لمكان تاني غير فلسطين ولو بدوله عربيه ,, ما برضاها لاختي.

ويسلمو توين وضوع حلو.

^^

[ابنة الشتات]

السلام عليكم

أنا برأي بهاد الموضوع ما في فرق بين الشب والبنت كتير
لانو الاسلتم ما فرق بين الرجل والمرأة الا بالقوامه

أذا اذا تحقق ضرر على البنت رح يتحقق بالمقابل ضرر على الشب
بس انتو بدكم نحكي عن البنات

أنا عن نفسي ساكنه بالبحجرين طبعا مع أهلي
بحلم كل يوم وكل ساعة اني ادرس بالاردن
صح أمي وابوي ما رح يكونو معي
بس في سيدي وعمامي
وازا درست الله كتبلي وجرست هناك ما رح أكون لحالي
رح اون مع مجموعة بنات متلي بعرفهم منذ صغري

..........................

اما انو البنت تسافر على بلد أجنبي لا أكيد لا الا ازا معها محرم .....
بعدين تدرس الجامعه بالبلد الي هي فيه ودراسات عليا ازا بدها تكمل بره
......



أخيرا ... متل ما قلت أول شي الضرر رح يتحقق على الشب والبنت على حد سواء بس بمجتمعنا الشب ما بينحكالو شي لأنو ما رح يخسر شي بس البنت بينحكلالها كل شي لأنها رح تخسر كل شي....
الحمد لله على نعمة الاسلام وعلى التكريم الي كرمه لالسلام للمرأه

[خيـرَ أُمـة]

أنا برأي بهاد الموضوع ما في فرق بين الشب والبنت كتير
لانو الاسلتم ما فرق بين الرجل والمرأة الا بالقوا

ابنة الشتات .. أختي الغالية ..
بلاش نضحك على بعض :)

الفرق موجود .. والشب أقدر على انو يحفظ نفسو . خصوصا اذا كان الدين موجود ..

بعدين دينا امرنا نطلب العلم ولو بالصين وما الزم الشب بمحرم :))


اذا حكينا مافي فرق فهاد معنا واحد من اثنين .. يا اما البنت شب .. يا اما الشب بنت .. وهذا معنا كبيـر .. لأنو الرسول الكريم لعن المتشبهين من الرجال بالنساء والمتشبهات من النساء بالرجال .. بالاضافة انها البنت الي بتصير مثل الشباب بتفقد شيء غالي وهوي الانوثة :)

البنت عاطفتها بتحكمـها .. لذلك من الشهل انها ينضحك عليها خصوصا اذا كان الدين مش موجود .. وللأسف معظم بناتنا بنات المسلمين الدين مغيب عنهن ...

صحيح انهم الشباب برضو معظمهم بعاد عن الدين .. لكن على الاقل العاطفة ما بتحكمو ...

الرجل من طبعو يسعى ورا البنت .. لذلك دينا بدو يحميكن وبدو اياكن محميات .. يا ستي اعتبري المحرم بدي جارد .. ومش حيدايقك :)) لأنو مش ملازم الك .. لكن على الاقل وجودو بيحسس البنت بالامان .. وبحسسها بأنو في رقيب عليها .. طبعا ربنا رقيب علينا . بس الدين مغيب :(

على فكرة هاي سنة الحياة .. لما نزل سيدنا ادم وستنا حوا على الارض . سيدنا ادم نزل في الهند .. وستنا حوا نزلت في جدة (السعودية) .. والتقو ويــــن :))) بمكة أو بالاصحي منطقة بين مكة والطائف ناسي اسمها ... بس يعني مين سعى ورا مين .. مين ركد ورا ميــن :))) الشغلة واضحة ..

فكيـف يا أختي بدك نتركك في المجتمع .. والمجتمع صار غابة فيها الصالح والطالح .. كيف نتركك بدون حمـاية ..

حتحكيلي ينعدلو الشباب ؟؟
أختي كل واحد بقوم بدورو .. وأكبر غلط نرمي على بعض المسئوليات .. كل واحد يعمل الي عليه .. وفي النهاية ربنا بوفقنا ..

موفقة اختي ..

[خيـرَ أُمـة]

رد على ابنة الشتات كون البنت مثل الشب من موقع طريق الاسلام
-------

بين الرجل والمرأة فوارق جسدية ، وفوارق معنوية ، هذه الفوارق ثابتة قدرا وحسا وعقلا ومن ثم شرعا .
فبموجب هذا الاختلاف في القوى، والقُدرات الجسدية، والعقلية، والفكرية، والعاطفية ، والإرادية ، وفي العمل والأداء ، والكفاية ، خصَّ سبحانه الرجال ببعض الأحكام ، التي تلائم خلقتهم وتكوينهم، وتركيب بنيتهم، وخصائص تركيبها، وأهليتهم، وكفايتهم في الأداء، وصبرهم وَجَلدهم ، وجملة وظيفتهم خارج البيت، والسعي والإنفاق على من في البيت .
وخص سبحانه النساء ببعض الأحكام التي تلائم خلقتهن وتكوينهن، وتركيب بنيتهن، وخصائصهن، وأهليتهن، وأداءهن، وضعف تحملهن ، وجملة وظيفتهن ومهمتهن في البيت، والقيام بشؤون البيت، وتربية من فيه من جيل الأمة المقبل.وذكر الله عن امرأة قولها : { وليس الذكر كالأنثى } [آل عمران: 36] ، وسبحانه من له الخلق والأمر والحكم والتشريع: { ألا له الخلق والأمر تبارك الله رب العالمين } [الأعراف: 54] .

فما نفهمه هو أن العلاقة بينهما علاقة تكامل لا علاقة تضاد ، مع قوامة أحدهما على الآخر كي تسير الحياة .
وهي مسلمة عقلية ، ضرورية لسير الحياة ، فماذا لو كان الذكر كالأنثى ؟!
وقد نهى الله عباده المؤمنين عن تمني ما فضل الله به بعض خلقه على بعض فقال سبحانه { وَلا تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَى بَعْضٍ لِلرِّجَالِ نَصِيبٌ مِمَّا اكْتَسَبُوا وَلِلنِّسَاءِ نَصِيبٌ مِمَّا اكْتَسَبْنَ وَاسْأَلُوا اللَّهَ مِنْ فَضْلِهِ إِنَّ اللَّهَ كَانَ بِكُلِّ شَيْءٍ عَلِيماً } [ النساء:32 ]
-------

بالتوفيق..

[سارة]

انا براي انو البنت لا يمكن ان تذهب للدراسه بالاخارج بعيد عن اهلها

[العيون السود]

انا بدرس خارج بلدي ومحجبة وحافظة على ديني ونفسي
في البداية الجميع عارض
لكنهم اقتنعوا
والحمدلله الاّن الكل يتحدث عن احترامي لثقة اهلي

[خيـرَ أُمـة]

انا بدرس خارج بلدي ومحجبة وحافظة على ديني ونفسي
في البداية الجميع عارض
لكنهم اقتنعوا
والحمدلله الاّن الكل يتحدث عن احترامي لثقة اهلي

طيب اسألك باللـه

كل البنات او بلاش كل خلينا نحكي 50% من البنات الي مثلك واتغربن عن أهلن هل ضلن على الاخلاق مثلك ...

انا درست بالاردن وعارف البير وغطاه ..

اللـه يهدي الجميع ..

صح في مثلك .. لكن الاغلبية لا ..

[لمسة وردة]

انا مع انوا البنت تدرس برا
انا بايد الشباب الي ردو ع هالموضوع في اشياء و بخالفهم باشياء وفي الاخر كلها اراء ...
فمثلا الي حكو انوا لازم يكون معها محرم فانا من رايي انوا مش لازم في حالة تكون دراستها في بلد عربي اذا كانت هالبنت قادرة حفظ اخلاقها و وقادرة ع الاعتماد ع نفسها .... وموافقة ع وجود المحرم في بلد اجنبي وبعيد عن بلدها الحالي........ وبعارض غيري الي بيمنع البنت من انوا تدرس بالخارج بس يعني ليش هي ناقصة ايد ولا رجل ولا مش من حقها تتعلم و تشوف مستقبلها و تبنيلها شي تكمل عليه حياتها ولا الولد في شو احسن من البنت عشان يدرس برا انا بحكي انوا متل ما في للولد حقوق فللبنت الها حقوق والها حق انها تدرس برة.... طيب ونفرض انوا ما فيتخصص بدها تدرسها في بلدها شو تعمل اكيد تتغرب الله قال " اسعى يا عبد وانا اسعى معاك"

متلي انا ...انا في البحرين ما في عندنا تخصص طب اسنان ... وانا بدي ادرسو .. فعشان هيك انا راح ادرس برا يمكن في الامارات لانوا عمي موجود هناك او في الاردن مع اني ما بعرف حد او السعودية او ...... بس المهم بلد عربي .... والظروف ما بتسمح لتواجد محرم معي... وانا مش مهم عندي المحرم لاني واثقة من نفسي و رح اعمل اي شي عشان مستقبلي....

و في آخر كل واحد الوا رايو

تسلمي توين ع الموضوع الحلو

[ابنة الشتات]

أخي الكريم ahmadix
قبل ما أبلش.... (أي خطأ قابل للتصحيح ورأيك صح قابل للتخطيئ) والعكس صحيح

والله كلامك صح مليون بالميه وبحطه فوق راسي لشباب رح ينعدلوا ما أعتقد بس الواحد عليه بحاله قال تعالى(لايغير الله ما بقوم حتى يغيروا ما بأنفسهم)


أخي ....
أنا ضد رأيك الي بيحكي حتى حدى يحمي حاله لا زم يغير جنسه
لانو بالنهايه الرجل رجل والمرأة مرأه
ولما أنا قلت انو دينا ما فرق بين الرجل والمرأة الا بالقوامه كنت أقصد انو الحقوق الواجبه على الرجل هي نفسها الحقوق الواجبه على المرأه .....

أما انو بنت تصير شب أو شب يصير بنت هاد شي مستحيل لا انا بقبله ولا انت بتقبله لانو لا انا بتخلى عن انوثتي ولا انت بالمقابل بتتخلى عن رجولتك..


................
بس يا أخي والله الطموح اشي كتير حلو
انا لو كنت في بلدغير هون ما كان بدي ادرس بره بس جاعات هون ما بتحققلي ولا أي جزء من طموحاتي حتى الصغير منها وانا انسانه كتير بؤمن انو لازم كل طموح الي لازم يتحقق
هلأ أكيد طموحي مو شرط بالدراسه بره بس مجرد اني ادرس بره جزء من طموحي

...........
وبالنهايه الامر بيرجع لأهلي ازا رح يرضو ادرس بره او لأ

الله يهديني والجميع

[خيـرَ أُمـة]

انا مع انوا البنت تدرس برا
انا بايد الشباب الي ردو ع هالموضوع في اشياء و بخالفهم باشياء وفي الاخر كلها اراء ...
فمثلا الي حكو انوا لازم يكون معها محرم فانا من رايي انوا مش لازم في حالة تكون دراستها في بلد عربي اذا كانت هالبنت قادرة حفظ اخلاقها و وقادرة ع الاعتماد ع نفسها .... وموافقة ع وجود المحرم في بلد اجنبي وبعيد عن بلدها الحالي........ وبعارض غيري الي بيمنع البنت من انوا تدرس بالخارج بس يعني ليش هي ناقصة ايد ولا رجل ولا مش من حقها تتعلم و تشوف مستقبلها و تبنيلها شي تكمل عليه حياتها ولا الولد في شو احسن من البنت عشان يدرس برا انا بحكي انوا متل ما في للولد حقوق فللبنت الها حقوق والها حق انها تدرس برة.... طيب ونفرض انوا ما فيتخصص بدها تدرسها في بلدها شو تعمل اكيد تتغرب الله قال " اسعى يا عبد وانا اسعى معاك"

متلي انا ...انا في البحرين ما في عندنا تخصص طب اسنان ... وانا بدي ادرسو .. فعشان هيك انا راح ادرس برا يمكن في الامارات لانوا عمي موجود هناك او في الاردن مع اني ما بعرف حد او السعودية او ...... بس المهم بلد عربي .... والظروف ما بتسمح لتواجد محرم معي... وانا مش مهم عندي المحرم لاني واثقة من نفسي و رح اعمل اي شي عشان مستقبلي....

و في آخر كل واحد الوا رايو

تسلمي توين ع الموضوع الحلو

هلا ربنا حكى " اسعى يا عبد وانا اسعى معاك"
لا اختي مش مزبوط .. هاي مقولة بحكوها بالمسليلات الي بتحضريها .. لكنها مش صحيحة :)

انا حكيت أدلة .. وبعدين دينا واضح بتحريم انها المراة تسافر لحالها بدون محرم

أختي الدليل واضح وطموحاتك مش حتغير شيء منو ..

سفر المراة بدون محرم يكون معها في البلد حرام .. واذا هاد الحكم مش مقنع فدبريلك دين ثاني ..
هاد دينا والحكم واضح ..

وبالنسبة للأفضلية .. ما سمعنا عن بنت كانت رسول أو نبي .. وهذا مش تنقيص من مكانتها .. لكن لأنها مش قد المشقات والمتاعب ..

دينا بدو اياكي تكوني محفوظة ومصانة .. وانت بدك تكوني غير هيك بهنيكي ..

واللـه لو كتبتي كلامك قبل ما أكتب كلامي السابق كان عذرتك ..

دينا واضح .. ورجائا ما اتدوري على كلام وتنسبي لربنا ..

[خيـرَ أُمـة]

أخي الكريم ahmadix
قبل ما أبلش.... (أي خطأ قابل للتصحيح ورأيك صح قابل للتخطيئ) والعكس صحيح

والله كلامك صح مليون بالميه وبحطه فوق راسي لشباب رح ينعدلوا ما أعتقد بس الواحد عليه بحاله قال تعالى(لايغير الله ما بقوم حتى يغيروا ما بأنفسهم)


أخي ....
أنا ضد رأيك الي بيحكي حتى حدى يحمي حاله لا زم يغير جنسه
لانو بالنهايه الرجل رجل والمرأة مرأه
ولما أنا قلت انو دينا ما فرق بين الرجل والمرأة الا بالقوامه كنت أقصد انو الحقوق الواجبه على الرجل هي نفسها الحقوق الواجبه على المرأه .....

أما انو بنت تصير شب أو شب يصير بنت هاد شي مستحيل لا انا بقبله ولا انت بتقبله لانو لا انا بتخلى عن انوثتي ولا انت بالمقابل بتتخلى عن رجولتك..


................
بس يا أخي والله الطموح اشي كتير حلو
انا لو كنت في بلدغير هون ما كان بدي ادرس بره بس جاعات هون ما بتحققلي ولا أي جزء من طموحاتي حتى الصغير منها وانا انسانه كتير بؤمن انو لازم كل طموح الي لازم يتحقق
هلأ أكيد طموحي مو شرط بالدراسه بره بس مجرد اني ادرس بره جزء من طموحي

...........
وبالنهايه الامر بيرجع لأهلي ازا رح يرضو ادرس بره او لأ

الله يهديني والجميع


انت حكيتي انو عمك هناك على ما أذكر ..

طيب معمك محرم يا شاطرة :))

سلام

[خيـرَ أُمـة]

ابنة الشتات انا ما حكيت ما تسافري للدراسة

بالعكس احنا محتاجين ناس تدرس وتتعلم وتنتج

بس القصد ما تسافري على بلد مافي اليك محرم

والاردن الك شيدك وعمامك وهدول محارم :))

ربنا يوفقك وان شاء الله يوافقو أهلك ..

اذا ما اقتنعو احكيلي وأنا بقنعهم :))

سلامي للجميع ..

[بنت اسدود]

والله يا حج قسامي انت عايش

بالعصر الحجري

يعني من عقلك

ي بنت راح تسافر من غير محرم


ايه هاد والله لو كانت شو ما تكون


بعدين لو كان معها محرم


شو المانع انها تسافر اه


يعني سكان السعودية اللي بييجوا يدرسوا وبيرجعوا يجدددوا الاقامة

شو رايك

بدي اعرف

سلامممممممممممممم


بنت اسدود

[ابنة الشتات]

بابا موافق ....................مامالأ

الله يوفق الجميع

[خيـرَ أُمـة]

بابا موافق ....................مامالأ

الله يوفق الجميع

الام بتحب يضلن بناتها حوليها :))

قلب الام :icon26:

بس انت حاولي تقنعيها تنزل معك .. عشان ابوكي يصير :icon5:


اللـه يجيب الي فيه الخير ..

بس في بالبحرين العربية المفتوحة بحكو انها ممتازة ... وغير هيك موجودة في كل مكان . انا أخوي سجلنا فيها وبلش دراسة هاد الفصل بس مش بالبحرين طبعا ..

[ابنة الشتات]

أكيد قلب الام مافي متله بعدين انا البنت الوحيدة والصغيرة

أما بالنسبة للجامعة العربية الفتوحة مو موجودة فيها الدراسة او التخصص الي بدي اياه وحتى لو موجودة انا هاي الجامعة كلها مو مقتنعة فيها ....(خالي بيشتغل وبدرس فيها) .....
بس أصلا المحاضرات فيها بس يوم واحد بالاسبوع
وكل السعودييين الله وكيلك بيدرسوا فيها

[لمسة وردة]

هلا ربنا حكى " اسعى يا عبد وانا اسعى معاك"
لا اختي مش مزبوط .. هاي مقولة بحكوها بالمسليلات الي بتحضريها .. لكنها مش صحيحة :)

طيب اذا مش مزبوط انا اسفة لاني كتبتها بس ما احضرتها من المسلسلات نفس ما حضرتك بتحكي... اهل منطقتنا بيحكوها وانا اسمعتها منهم اوك

انا حكيت أدلة .. وبعدين دينا واضح بتحريم انها المراة تسافر لحالها بدون محرم

أختي الدليل واضح وطموحاتك مش حتغير شيء منو ..

سفر المراة بدون محرم يكون معها في البلد حرام ..
كلامك صح... خيو انا ما راح اتفلسف بس الي بعرفو انوا الشيوخ هما الي بيفتوا في امور الدين... وحتى لو عندك ادلة فالشيوخ هما وحدهم الي بيفسروهم وبيفتو فيهم
واذا هاد الحكم مش مقنع فدبريلك دين ثاني ..

خيو لطالما احترمتك وحسيت انك مثال للشباب مثقف ومتدين بس هالجملة انصدمت منها بالمرة ما حسيتها تطلع من شب متلك انت ...المهم شكرا خيو ما بدي حد يدبرلي دين من عندو انا عندي ديني ومعتزة فيه....وما بحب حد يهزه مني بهطريقة الصراحة انتي دايقتني كتير بهالجملة و حسيت انك مستعد تبيع دين اسلام ....يمكن انا اكون جاهلة وغلطانة او ما بعرف كتير في الدين متل كتير من الناس بس خيو ..... ما بعرف شو احكي

وبالنسبة للأفضلية .. ما سمعنا عن بنت كانت رسول أو نبي .. وهذا مش تنقيص من مكانتها .. لكن لأنها مش قد المشقات والمتاعب ..

دينا بدو اياكي تكوني محفوظة ومصانة .. وانت بدك تكوني غير هيك بهنيكي ..

بايد كلامك خيو..
واللـه لو كتبتي كلامك قبل ما أكتب كلامي السابق كان عذرتك ..
والله ما انتبهت للي كتبتو قرات بس شوي من الي كتبتو توين في البداية و قرات بعض الاراء

دينا واضح .. ورجائا ما اتدوري على كلام وتنسبي لربنا ..

شكرا خيو ع ردك علي وانا حكيتلك ليش كتبت هديك الجملة وانا ما نسبت شي لربنا الا اني سمعتهم كتير برددوها......
عفوا خيو بس واذا هاد الحكم مش مقنع فدبريلك دين ثاني ..

هاي الجملة للحين مش مستصيغاها

انا بعرف انوا ردودوك حلوة و مقنعة
ما فيها سخرية من الناس

مع العلم اني عصبت لما قرات ردك بس احترمتك لانك عضو محترم ومثالي

الله يسامحك خيو

ولكل واحد رايو مش لازم الغير يفرض آراو ع الناس

تسلم خيو على ردك

[خيـرَ أُمـة]

لمسة ورد

حقك علي ..

واللـه الي بنشوفو بالاخبار بخلي الواحد يضيع :))

منك السماح أختي

[العيون السود]

يا احمد انت سألتني بالله بصراحة وللأسف اغلب العربيات هون ما بتميزهن عن الاجنبيات

لا حجاب ولا دينوما شاء الله عن boy freinds

الله يهديهم

[ادهم اللداوي]

تروح تسافر بس لازم تكون تحت مسؤلية حد من الاهل اما لحالها لا والف لا

[جيفارا*نابلس]

اذا كانت البنت فلسطينيه مو مشكله تسافر لانو ما بينخاف عليها

وغير هيك لاء
موضوع كتيير حلوو يستحق المرور

[خيـرَ أُمـة]

يا احمد انت سألتني بالله بصراحة وللأسف اغلب العربيات هون ما بتميزهن عن الاجنبيات

لا حجاب ولا دينوما شاء الله عن boy freinds

الله يهديهم

واللـه بعرف أختي

بس حبيت الشهادة تطلع من بنت ... عشان يصدقن الصبايا :b:

[العيون السود]

يا احمد للاسف والله اني بكره اطلع عالجامعة من المناظر المخزية اللي بشوفها من العربيات هون
يعني مش عارف
والمشكلة انو احنا هون المفروض نكون قدوة قدام الاجانب
بتيجي تحكيلهم هيك بيحكولك this is america

[خيـرَ أُمـة]

يا احمد للاسف والله اني بكره اطلع عالجامعة من المناظر المخزية اللي بشوفها من العربيات هون
يعني مش عارف
والمشكلة انو احنا هون المفروض نكون قدوة قدام الاجانب
بتيجي تحكيلهم هيك بيحكولك this is america

اللـه يهديـم.

[Twin]

ديري بالك عحالك حبيبتي .. ان شالله بتكوني انتي قدوتهم وتكوني نموذج حلوو للفتاه العربيه عندهم ..

[العيون السود]

الله يخليك توين وادعولهم بالهداية

[ماري]

0099cc

[ماري]

براي انو سفر البنت لوحدها غلط لان الاسلام حرم انو البنت تسافر اكتر من81 لوحدها الامع محرو بس العلماء حديثا حللوها بس للحج مع مجموعة من النساء والسبب التاني بس الانحطاط الي وصلو المجتمع
الوحدة ما بتامن تكون باب دارها لوحدها