من غير زعل

[احلي ابتسامة فلسطينية]

مرحبـــــــــــــا

كيفكم يا حلوووين

انا حابة احكيلكم كبشة حاجات بصراحة

وما بدي حدا يزعل مني

انا في كبشة حاجات شايفاها بالمنتدي هادا

طبعا في حاجات حلووة كتيييير

وحاجات ما بتعجبني من بين الحاجات الي ما بتعجبني

انو ما في روح التعاون والمحبة بين الاعضاء

كل واحد هوووون بدور علي حالو وبس

شغلة تانية

هوووون عاملين زي العصابات

يعني بتحكموا علي الموضوع من اسم صاحبو بس

وبدوروا علي بعض

والي جاي جديد هون ما بلاقي حتي رد علي مواضيعو

ازا بيكون صاحب الموضوع مشهور هون وبتعرفوه كلكم بتجروا تردوا

علي موضوعوو حتي لو كان الموضوع تافه

وبعدين كل واحد هون فيكم بس بدو يقول رايوو ما بكلف حالو

حتي يقرا راي غيرو بالموضوع او حتي يناقشو ا

الا نادر

يعني اكتر موضوع اعجبني موضوع الاختلاط لانو الاعضاء كانو يناقشوا بعض فيه رغم وجود مشاكل فيه

حتي بمنتدي الالعاب روح المرح مش موجودة بين الاعضاء

ما بعرف انا هيك كانت ملاحظاتي

يا ترا انتم معي ولا لا

يا ريت تناقشوني بهادا الموضوع

بس من غير زعل

بايوووووووووووووووووو

احلي ابتسامة فلسطينية

[Twin]

انو ما في روح التعاون والمحبة بين الاعضاء

-----------------

له له .. والله انك غلطانه حبيبتي .. الا هل شغلات ،، انتي بس لانك جديده ولسه ما متعوده علينا .. بس انتي حاولي حبيبنا وشوفي كيف كلنا معك هنكون ... شكرا لصراحتك .. وانا اول صديقاتك ياعسل

[نجمة الغروب]

انا معك فى الموضوع برضو وربنا معنا


صح كلامك فى اعضاء جداد احيانا ما بيرضوا الى على الشخص الى بيعرفوا وبس





اما فى منتدى النقاش لا فى حماسه كتير والكل بيرد عليه



مشكورة على الموضوع

[عاشق البندقية]

اختي اكيد انتي فاهمة شي غلط..

بالنسبة للتعاون وما تعاون..

ليش بالك اللخة هادي كلها عشان محمود..

خيتي انتي صحيح جديدة وما تعرفنا عليكي مليح ..

ويمكن ما كان على مواضيعك اقبال .. وما اعطيناعي حقك .. برضو هاد علينا..

بس انتي خيتي نرجع للواقع ..

انتي ما صرلك هالمدة لتتفاعلي مع الاعضاء وتتعرفي عليهم مليح..

والله طيبين ومالنا..^^

احكيلك شغلة..

هدول اول موضوعين نزلتهم بالمنتدى..

http://www.shabab.ps/vb/showthread.php?t=11966

http://www.shabab.ps/vb/showthread.php?t=12212

انا بعرف انو كلامك صح ..

والاعضاء بيركدو ع مواضيع الشباب اللي بيعرفوهم..

بس عشان تبني صداقة وثقة بينك وبين الععضاء. بيلزم صبر..

وتعرفي كيف تكسبي صداقتهم وثقتهم..

وكل الود..

[قسامي غزة]

مساء الخير اختي
بدي احكيلك انتي كلامك في منو صح وفي منو غلط طبعا هاد بوجهة نظري
طبعا قصة التعاون انا بلاقيها موجودة بين الاعضاء عمري ما حسيت انوا في حد ما بحب يساعد كلهم بيحبوا يساعدوا بعض
بعدين قصة انوا في ناس ما بردوا هاد اشي اكيد انا كانت الي تجربة بهاد الموضوع بس تعرفي انا حطيت اكم موضوع لقيت الرد عليه قليل
وطبعا استنتجت لحالي السبب وعرفت كيف بدي اخليهم يردوا علي مواضيعي طبعا نجحت في ذلك وطبعا انتي يمكن شفتي القصة هاي او لاحظتي
يعني انتي اعرفي شو المواضيع الي برتد عليها او لا بس القصة مش قصة جداد او قدام
بعدين بالنسبة لقصة منتدي الالعاب انا يمكن مرات قلال الي دخلتوا لاني ما بحب الالعاب الالعاب مش للكبار يعني انا بحس الالعاب حاجة ما بهتم الها
ارجو ان تكوني قد فهمتي كلامي

[مؤيد]

احنا اول ما جينا عالمنتدى كنا متلك

قليل الي بردو على مواضيعي ..

[بنت الرملة]

وانا حكي متل مؤيد احنا هيك كنا...


بس انتي عاد وشطارتك بعدين...

[احلى رورو]

اسمعي يا حلوة

اكيد انت غلطانة بتلات ارباع اللي قلتيه

وفي ربع صح اللي هو انو ما بقرئو اوقات ردود بعض

بس مش دايما

يعني حسب الموضوع

بس هاي العنصرية بالمنتدى ابدا مش موجودة

بما معناه انو في تعاون وفي محبة بين الاعضاء كل هاااادا ومش عاجبك :)

يا شيخة هاي انا اول ما دخلت المنتدى عملت شوية اضطرابات ههههه

بس يعني خلص الواحد بتعود

وانا كتير هلاء اتعلقت بالمنتدى

وبموت ازا يوم ما بدخلوه هههههههه

وخلص يا حلوة روقي ومش ضروري اتكبري الموضوع

وهادا رايك واحنا هيني عم نعطي راينا برايك

وما زعلنا منك وبالعكس كلامك على عينا وراسنا

ونورتينا وشرفتينا خيتو

[العمر ماشي]

أختي احلى ابتسامه انا معك بكل كلمه قلتيها
انا من متى بالمنتدى ... من زمااااااان بس والله كأني من مبارح فيه
يعني انا اول ما سجلت في المنتدى كنت متحمسه ومتشجعه واحط مواضيع ..... بس ما حدكان برد ... وبعدين بطلت
يعني بصراحه انا بحس المنتدى لناس معينه ... يعني بس موضيعهم الي بنرد عليها وبتناقش فيها
حتى لدرجه انو الواحد احيانا بحس انو ما ئلو مكان .. :icon5:

احلى ابتسامه.... بصراحه انتي حكيتي الي من زمان نفسي احكي:icon30:

[أبو يقين]

بالنسبة لتعاون في المنتدى
انتى غلطانة انتي لسا جديدة شويا شويا رح تتعودجي على المنتدى وعلى الأعضاء
شكرا لكي أخطي على طرحكي هذا

[وليف الدمعة]

الصحيح يا اختي كل بداية صعب ويجب ان نعطي فرصة للجميع الاعضاء
لكي يتسني للجميع المشاركة مع اي عضو بغض النظر شو هو ومنصبة
يوجد تقصير بعض الاحيان لكي هذا ليس شيئا مقصودا كل الاعضاء هنا
علي قلب رجل واحد وهذا الشئ راخ تلمسية بنفسك بعد ان تتاقلمي معنا

اشكرك كثير علي صراحتك وجرائتك لنكن معا وسويا دائما

دومت بود

تحياتي لك

[فراشة]

انتي شاعرة بالوحدة لانك لسة جديدة هون وتاكدي تماما انو لو احتجتي لاي حدا هون ما رح يقصروا معك ..بس طولي بالك وبالنسبة للالعاب هون ما كتير بحبوها وفي كتير ما بأيدو هالقسم فكيف بدك يكون في مرح هناك .. وكمان عسيرة انو ما بتنقرا ردودكوو اعترفلك انو انا برد عالموضوع وبعدين بقرا ردودكوو عشان ما اتأثر برد حد معين .. والمواضيع اللي بتعجبنا بنفوت بنرد فيها من غير ما نبص عالكاتب حتى ... فطوليلي بالك وما تزعلي كلنا هون خواتك وصحباتك ...