عند الخطبة هل يهمك ماضي الشخص ..؟؟ [الأرشيف]

وليف الدمعة

12-05-2006, 09:13 PM

عند الخطبة هل يهمك ماضي الفتاة ..؟ وأنتي ايتها الفتاة..؟ ((دعوهـ للنقاش))

حبيت أسأل كل عضوو وعضـووه ، ويا ريت لو الكل يشارك .. ونسمع آراء الجميع
إذا خطبت وحدهـ .. وإكتشفت إنها كانت وكانت وكانت،بس تابت وصارت اخلاقها عال العال
هل ترضى تتزوجها ..؟؟ ولا شو بتكون ردة فـعـلك ..؟
ونفس الشي للبنات .. لو كان الشاب سيئ .. بس بالاخير تاب وصار شاب محترم ..
بصراحة شو راح تكون ردة فعلك ؟؟
بالعربي .. يهمك ماضي الشخص اللي بترتبط فيه ولا ..؟!

اتمني المشاركة من الجميع

مع خالص تحياتي لكم جميعا

حكيم فلسطين

12-05-2006, 09:43 PM

سالي بنت فلسطين

12-05-2006, 09:47 PM

طبعا ...

وليف الدمعة

12-05-2006, 11:09 PM

احبائي كل الاحترام لكم ولارائكم الطيبة

اشكركم كثير علي مروركم

تحياتي لكم

عاشق البندقية

12-06-2006, 11:28 AM

طبعا مش بدي اعيش معاه طول عمري ؟؟

واصلا ..

قبل ما الواحد يخطب ..

بروح عند الوالدة او الوالد وبتقلهم ."بديييي اتجووووووز"

اول شي بيعملوه.

بيروحو بيسالو وبيطأّسو عالشب وبيسالو عليه . والبنت نفس الشي ..

يعني هاد الاشي اساسي قبل الخطبة مش خيار من الخيارات.

ويسلمو بالنهاية.

نرمين

12-06-2006, 12:10 PM

اما بالنسبة الي فأكيد بيهمني اعرف ماضيه

لكن ازا تااااااااااب فليش لحتى ما اسامحه واعطيه فرصة تانية

يبين فيها صدق مشاعره واحاسيسه اتجاهي

وازا عادت ريما لعادتها القديمة فيقول اله انه بنات الناس مش لعبة بين ايديه

في اي لحظة بدو اياها وفي اي لحظة يتركها

ومشكورين على الموضوع القيم

ودمتم في حفظ المولى ورعايته

خليني عزابي احسن

12-06-2006, 12:47 PM

الماضي جزء من الانسان
والشب لو غلط مش مهم كتير
بس البنت لو غلطت وقعة سودة فوق راسها هي واهلها
طبعا الشب لازم تسامحه
اما البنت يسيبها على طول من غير نقاش
شكرا

فراشة

12-06-2006, 01:07 PM

طبعا بهمني .. لو عرفت عنو شي رح اضل متزكراه طول عمري حتى لو سامحتوو ... يعني الغلطات الزغيرة تغتفر وشكرا الك كتير

وليف الدمعة

12-06-2006, 06:12 PM

في الحقيقة اشكركم كثير علي ارائكم الرائعة
وكل الاحترم والتقدير لكم ولارائكم المميزة

مع خالص تحياتي لكم

samar

12-07-2006, 06:53 PM

والله بصراحة انا رأيي ازا الشب تاب و خلص و هلأ نيتو صافيا مو ناوي يرجع و هيك بقبلو ليش لاء؟؟
ويسلمو عالموضوع

نسرينا الفلسطينيه

12-07-2006, 09:29 PM

وأهم شي أنو تاب وما برجع يعمل غلطو،،

فليه انضل انحمل الشخص غلط عملو في الماضي ونضل انزكرو فيه؟؟،،

الله بغفر أحنا بشر ما رح نغفر يعني !!

((كل ابن آدم خطاء و خير الخطائين التوابون))

مؤيد

12-07-2006, 10:11 PM

كتيييييييييييير بهمني .

لإنو من شب على شيء ، شاب عليه .

شكرا عالموضوع

ريما الفلسطينيه

12-10-2006, 10:21 PM

انا عن نفسي بهمني اعرف ماضيه بس مش رح اعاتبه ولا على شي عملو ازا رجع عن غلطو و انعدل ..

وبالعكس يمكن اتمسك فيه اكتر ازا اعرفت انو يوم من الايام غلط ورجع عن غلطو وصار منيح ..

و بالنهايه بيهمني شو هوى هلأ وبس ...:) ,,,انا هاد رايي الشخصي..

الله الكبير بيغفر ...ليش انا مااسامحمو..!!!!!

كل البشر بيغلطو واتحدى ازا حد من يلي شاركو في الموضوع بيقدر يحكيلي انا ما اغلطت بحياتي ...

ادهم اللداوي

12-10-2006, 10:53 PM

كتير مهم خاصة للبنات
لو كان عندها سوابق معناها يلا يا روحي وريني كام بالضبط عرض كتافك

احلي ابتسامة فلسطينية

12-11-2006, 12:15 AM

انا بالنسبة الي بهمني

حسب شو هو الماضي بالضبط

في حاجات ما بقدر انساها وما بقبلها

وحاجات تانية ممكن الواحد ينساهها او يتناساها

وشغلة تانية حسب الشخص نفسو ومعزتو عندي

وكمان حســـــــــــــب عيونووو

من عيونوووووووو بقدر اعرف الي قدامي

هو تاب خلاص ولا جلدو بنمنمو

وعقلو مش مريحوووو

هههههههههههههههههههههههههههههه ههه

بايووووووووووووووووووووووو

ayman

12-11-2006, 01:00 PM

لكل شخص في الحياة تجاربه واخطائه ولا احد في هذه الدنيا معصوم عن الخطأ ..
لنجاح اي زواج عدم تذكر الماضي ..وعملية ارتباط اي شخصين ببعضهما تبدا من نقطة الصفر ( الخطبة ) ..
اذا كان الله تعالى يغفر ويتوب ويصفح ويقبل التوبة فلماذا لا نصفح عن اخطاء او عن تجارب الاخرين ..

وليف الدمعة

12-11-2006, 11:22 PM

احبائي الاعزاء .... في الواقع اشكركم كثير علي حسن مشاركتكم
وطيبة مروركم العطر الصحيح ردودكم كلها رائعة ومميزة
كل الاحترام لارائكم الطيبة

دومتم بود

مع خالص تحياتي لكم

جيفارا*نابلس

12-12-2006, 01:07 AM

مع احترامي لعاشق البندقيه في رايو ولكن الاهل بسألو صح ولكن هل الفتاه تترك الماضي مكشوف للاعين لمن اراد ان يعرف شيئا يجده امامه

اظن معظم نتائج الزواج عنا فاشله لانو بنطلع على هيك موضوع

انا بعرف ازا انا حبيت وحده وحبتني يجب ان ننسى كل الماضي ونفكر بالمستقبل كيف بدنا نصنعو ولا نلتفت لماضي لا يزيد شيئا بل يفسد الود بيننا

وشكر لهذا الموضوع

وردة حماه

12-12-2006, 08:47 AM

أنا برئيي و الله أهم شي شو بكون الإنسان بوقتها ... يعني ممكن يكون ماضيه مو كويس و بعدين بتوب و بيتغير و ربما يصير أحسن مني ... بس المشكلة في شغلات ما ببتغير بالشخص و هاد اللي بينخاف منو ..

وليف الدمعة

12-12-2006, 04:25 PM

اشكركم احبائي علي مرروكم ومشاركتكم لابداء ارئكم الطيبة

دمتم بود

تحياتي

سارة

12-12-2006, 04:36 PM

والله ما بهمي لانه الماضي مات وكل واحد الو ماضي

وليف الدمعة

12-12-2006, 11:47 PM

سارة ... اشكرك كثير علي ردك الحلو والمتواضع

دومت دائما ولا تحرمينا من مشاركتك

تحياتي لك

أبو يقين

12-13-2006, 12:16 PM

انا باعتقادي انو من اهم الاشياء اننو الواحد يسأل عن الشخص الذي سوف يرتبط معاه قبل الارتباط

لانو وكما يقول المثل البايخ - ديل الكلب عمرو ما بينعدل
لانو قد ما يتوب الشخص
الا ما يضل فيه اشياء من الماضي
واذا كانت الاشيء الماضية سيئة
فمن الممكن عند اي لحظة تزداد الرغبة القديمة
غير ذلك ايضا
انو من الممكن يجيب مشاكل مترتبة على الماضي

أنا موافق كلام الحكيم
انوا أنا لازم أعرف ماضي الى بدي أكون معها أو بالأصح الي بدي أرتبط معها
يعني ولو ضلت زي ماهيا
يعني أكرمكم الله يعني تكون كذا وكذا ماذا سيقول الناس
انها السمعة
وعندما نخلف شو كيف بدها تربي الأولا زى ما بقول المثل
اكفي القدرة على تمها تطلع البنت لأمها
وشكرا

وليف الدمعة

12-14-2006, 12:25 AM

مشكور الك كثير ابو يقين علي ردك ومرورك الرائع

كل احترامي لك

تحياتي

شمس العروبة

12-17-2006, 11:38 PM

موضوع مهم وحيوي وجدير بأن يناقش
ولاادري كيف فاتني طيلة هذه المدة

اخى وليف الدمعة

اعتقد ان الماضى يخص الانسان واذا كان هناك سؤال فيبدأ من يوم معرفتهم ببعض اى اتنين هايرتبطوا ببعض اما اذا كان هو او هى يريد البوح بماضيه فليس هناك مانع على ان لايكون حاجز يوتر المستقبل الذى يبنوه سوياً

واخيراً اقول عندما تكون هناك بذرة حب حقيقية فلن ننظر خلفنا فسننظر الى المستقبل الذى ينتظرنا

مع خالص التحيات وشكرا على هذا الموضوع الرائع

قسامي غزة

12-18-2006, 09:37 AM

مشكور اخي علي طرحك هاد الموضوع
اكيد يهمني ماضي البنت عند خطبتها لانوا اذا كانت عاملة اشياء كبيرة وغير مقبولة اجتماعيا لا اخطبها لانوا انا عايش بمجتمع ما بدي اروح اسكن بجزيرة ما عليها ناس حتي ما يحكوا عنها انا بعرف انوا الناس ما بتخلي حد من حالوا وبحكوا عليه وهاد موجود في المخيمات كتير
بقعدوا شلة نسوان علي باب الدار وبيصيروا يجيبوا في سيرة نسوان الحارة بيت بيت وطبعا ما بنسوا حد
اخي اكيد هناك اشياء اتغاضي عنها عند الخطبة ولكن ليست كل الاشياء
لانوا من شب علي شئ شاب عليه وصعب نغير في الشخص الذي تربي علي الغلط
وتحياتي الك

وليف الدمعة

12-18-2006, 12:17 PM

شمس العروبة
قسامي غزة

اشكركم كثير علي ارائكم الرائعة
مع كل الاحترام لارائكم الطيبة

تحياتي لكم

فلسطينيه

12-19-2006, 12:23 PM

بالنسبة الي بيهمني كتير

ولو كان عندو سوابق مش منيحة فليش ارتبط معاه!!

وانا بشوف انو لو قبل الزواج منيح فأكيد بيكون بعدو منيح

وازا كان قبل الخطبة مش منيح فأظن انو مارح يتغير الا اذا صار اشي وغيرو

تسلمي اختيـ على الموضوعـ

وليف الدمعة

12-19-2006, 04:23 PM

فلسطينية ... يسلموا كثير علي مرورك ورائيك الذي اكن لة كل الاحترام

مشكورة

تحياتي

العيون السود

12-22-2006, 07:07 PM

انا اكيد لازم اعرف عن ماضيه علشان اعرف كيف اتعامل معه
لأنو احنا بزمن للاسف الكل صار الو ماضي

شكرا لطرح هالموضوع

النمر الفلسطيني

12-23-2006, 03:15 PM

انا يا اخوان بحكي انو ما في حد ما الو ماضي وما في حد عدا عن عمر العشرين سنه الا ما كان الو ماضي منيح او مش منيح بس يلا بعين الله الكل بحب يعرفو انو انتي حبيتي قبل والا ما حبيتي قبلي وانتا حبيت قبلي والا ما حبيت قبلي كلهم بدهم يعرفو هادي المواضيع بس السؤال عن الماضي الو طريقه خاصه مش خبط لزق نسال لانو الطريقه الها معنى بعدينن الذكي الي بيعرف الماضي بطريقه غير مباشره يعني بدون اي تجري وبدو شوية ذكا لانو والله صعبه المهم في شي مهم بحب احكيه ابدا ابدا بنصحك لا تسال عن الماضي خلي العروس تسالك تحكيلك طيب انتا ما سألتني عن الماضي تاعي ساعيتها انتا احكيلها انا واثق فيكي ... والكلام بيجر كلام .

العيون السود

12-23-2006, 05:04 PM

يا عيني عليك يا النمر الفلسطيني
فهمان

وليف الدمعة

12-24-2006, 12:08 PM

العيون السود ...
النمر الفلسطيني ...
كل الاحترام لكم ولارائكم الرائعة
اشكركم كثير علي حسن مشاركتكم وطيبة مروركم الطيبة والعطرة

مع خالص تحياتي لكم