كــيـــــــف أحبــبــت فـلـسـطـين ؟

[.:.!دموع الرحيل!.:.]

السلام عليكم ورحمة الله

الموضوع موجه لجميع أحبابنا الي هون ،،

السؤال واضح بالعنوان ،،

لكن لكل مجموعه عندي نوع مختلف من بطريقة السؤال ..

يعني نبدا بإخواننا الي بداخل فلسطين ...

عادة العالم بيقلولنا نحن (( اللاجئين)) انه انتو متعلقين بفلسطين وبتحنولها بهالشكل لأنكم مش فيها

محرومين منها رغماً عنكم وما في وطن احتضنكم ...

سؤالي لأهلنا جوا فلسطين ،، كيف عشقت فلسطين ..

وكيف بتردو الكلام الي دايما بحكو النا انو نحن منحبها لأنه بعاد عنها ؟ ومحرومين منها

http://www.files.shabab.ps/vb/imagestore/1/8464.imgcache.gif (http://www.3z.cc/sml)

سؤالي للي برة فلسطين ،، سواء لاجئين او مهاجرين ..

كمان كيف أحببتها يـها وانت بعيدة عنها

وشو الي خلاك كِ تتعلقي فيها بهالشكل وتصري على متبعة أخبارها واخبار ابناء شعبك والى آخره؟


http://www.files.shabab.ps/vb/imagestore/1/8464.imgcache.gif (http://www.3z.cc/sml)

سؤالي هلأ لأحبابنا الي مش فلسطنيه ...

عنا أعضاء من المغرب ،، من مصر

ولاحظت منهم حبّا كبيراً لفلسطين

قد افتقده ببعض الفلسطنيه ..

كيف احببتو فلسطين ؟؟؟

---

موضوع خطر ببالي

لأني دايما بلاقي أنه حب فلسطين نعمه من عند رب العالمين

ما بينوجد في قلوب اي كان

وما شاء الله كلكم عشاق لفلسطين ،،

فحبيت اشوف شو هي العوامل الي بتزرع حبها بالقلوب بهالشكل ..

وانا كمان رح ارد عالموضوع ...

بانتظار ردودكم

:s (43):
/

[.:.!دموع الرحيل!.:.]

رح أبدأ بنفسي ،،

لأنه الموضوع بعتبره من اجمل الأشياء الي صارت بحياتي

بداية لعمر ال 20 سنة وانا ما بعرف شي عن فلسطين للأسف

غير الي بسمعه من ماما واهل ماما عن اهلنا الي بفلسطين بالقدس وعن مدى حبهم لفلسطين

بس ما كان كتير ينحكى بهالموضوع

يعني بابا من متابعين الشؤون اللبنانيه اكتر ووضع البلد هون وهيك ،،

وما كان في جو حواليي يخليني اقدر احب فلسطين متل ما لازم

خصوصا أنو نحن ساكنين بمنطقة عاديه وبين لبنانيه

فكان الإنخراط شبه تام

وما اعرف اي شي عن فلسطين

ولما اسمع عنها احسها غريبة عني

لحد ما دخلت الجامعه

واتعرفت على بنات فلسطنيات من صيدا ومن الجنوب

من مخيمات عين الحلوة ومن مخيم الرشيديه الي بصور

كنت دايما الاحظ عليهم كل حكيهم عن القضية وبصراحه ما اقدر افهم عليهم

وبنفس الوقت كانو ينقهرو مني لما يشوفوني لا مبالاة

لحد ما صار عندي شوق اني اسمع كلامهم واعرف شو سر حبهم لفلسطين بهالشكل

وشو هي هالقضية الي دايما بحكو عنها

صرت اسأل واتواجد معهم لأسمع وأعرف اكتر

واروح مع صاحبتي عالمخيم لأشوف الجو الفلسطيني

بعدها ركبنا النت ،،

أخدتو وسيلة للبحث عن كل شي ما بعرفو عن فلسطين

وشوي شوي لحد ما صارت فلسطين هي كل حياتي

يمكن حبي لوطني أجا متأخر لكن المهم اني عرفت هالكنز

والله ما يحرمني هالنعمه ابداً

هون حابه انبه لشغله ،،

اديش دور الأهل مهمـ، بزرع حب الوطن بقلوب الأبناء

وحثهم على التمسك بالقضية

وكمان اديش دور الرفقه والاصدقاء مهم جداً

وكيف إنو حبي لفلسطين

لازم انقلو لكل صحباتي

والواحد يمثل فلسطين بأخلاقه وتصرفاته

ويبين مدى أهمية القضية من خلال التمسك بالثوابت

ويترجم الواحد حبو لفلسطين لأعمال

حتى الي حواليه يتشوق يعرف شو هي فلسطين وشو هي القضية ....

وبس ..

طولت عليكم

بس هاي هي قصتي مع حبيبة عمري :)

[فراشة]

سؤالي للي برة فلسطين ....
كمان كيف أحببتها يـها وانت بعيدة عنها
وشو الي خلاك كِ تتعلقي فيها بهالشكل وتصري على متبعة أخبارها واخبار ابناء شعبك والى آخره؟
==================================
اول شي انا كتير معجبه بروحك الوطنيه وبتمنالك من كل ئلبي انك تروحي بلدك وتشوفيها ...
تاني شي انا فخوره انو انا فلسطينيه وما بتخيل حالي بجنسيه تانية بحس انو ربي فضلني كتير لاني فلسطينيه ومن ارض المحشر ومن ارض الاقصى ... شي طبيعي انو الواحد يكون عندوو انتماء لبلدوو حتى لو ما شافها ... والشي اللي خلاني احبها واتابع اخبارها ... انو انا منها وبروح عليها واهلي وشعبي الطيبين هوناك همه اللي بيعطو صوره حلوه وحقيقيه عنها همه اللي بيدافعوو عنها بروحهم ..وهمه الصوره الها فكيف ما بدي احبها وشعبها وناسها احسن ناس .. والله اول ما اعتب حدودها اني بصير ابكي واول ما اطلع منها لازم اخد شوي من ترابها ومية بحرها اللي بيفدوها اهلها بارواحهم .... طولت عليكوو بس والله اندمجت بالموضوع وما وصلت للاخر الا وبحكي امتى كتبتوو الحكي هادا ... تسلمي تسلمي يا عسوله والله انك رووعه

[قسامي غزة]

اجا دوري احكي انا
انا يا اختي ولدت سبحان الله وحب فلسطين في دمنا حتي اننا رضعنا مع الحليب حب فلسطين وتشربناه وتشبعناه اقلك يااختي في ناس جوا فلسطين بس بدفعوا نص عمرهم بس يسكنوا خارج فلسطين مساكين ما بعرفوا حاجة اسمها حب الوطن بس بدهم حب النفس والمال والسيارات
اختي نحن وبفضل الله في ارض الرباط وي ارض المحشر والمنشر واحمد الله انني فلسطيني لانني ادافع عن قضيتي وعن قدسنا الحبيب وهذا جهاد في سبيل الله
واحمد الله ان اكون احد المرابطين علي ثري الوطن الحبيب لان هذا اكبر شرف لنا
وزي ما حكيت الك في ناس ما بعترفوا في القدس بقولوا شو بدنا ف يالقدس احنا بدنا نعيش بس
وهؤلاء فلسطين منهم براء
ارجو ان تكون وصلتك فكرتي يا اختي
تحياتي لك

[لولو اليبناوية]

حبيبي نانا...... :(
والله يا نانا احنا صح هون بالامارات..
بس نص قرايبنا هون ونصهم بفلسطين...
وكلهم بصحلهم يدخلو فلسطين..
وقبل الانتفاضة كانت عائلتنا كل كم من سنة يتجمعو ويتزلو مع بعض...
طبعا امي وابي دايما عالاخبار..
واهتماماتهم فلسطينية...
وكلو...
صح اني نولدت بالامارات..
بس ما فرقت...انا نولدت على حب الوطن
ومن يوم ما نخلقت وانا بحبها...
وخاصة انو الامارات اكتييييير فيها فلسطينية
اكتييييييير اكتيييييييير
يسلمو يا احلى نانا...
:s (43):

[أبو يقين]

أنا والحمد لله ان ولدت فى قى الوطن
وأنا فى الصف الأول وما فوق كان الناس وأهلى وأقاربى يقولون فلسطين والتلفاز يقول فلسطين
فشوية شوية كبرت فلسطين فى عقلى وصرت أعرف قيمة الوطن والحمد لله
أنا أحببت فلسطين وطنى وطنى

palestine our land

[بو هبه]

كمان كيف أحببتها ؟؟



كيف لا احبها
وهي عرقي الثابت واصلي النابت وروحي ودمي وامي وابي

حييت من اجلها وسأموت لأجلها


وشو الي خلاك تتعلق فيها بهالشكل وتصر على متبعة أخبارها واخبار ابناء شعبك والى آخره؟

الشغله مش شغله تعليق يا حجه

يعني زي الصلاه هاد واجب عالانسان من السن العاشر
فبتلاقي الي عمرهم سنه وسنتين بصلا ليش لأنو تربوا عليها


ام الي زي حالتنا طالع من بطن امو وحامل همو هم بلادوا والشهاده مرادوا

مع اني عمري ما فتت ع فلسطين ولاكن والله ثم والله كلي شوق وحنين

وعن اهلي عنا بفلسطين الله يحميهم بس يعني علاقتنا مش قويه معهم

والحمد لله على كل حاال

وسلاامي

[فراشة]

انا مبسوطه وانا بقرا بردودكووو ... الله يخليلكوو بلادكوو واللي ما زارها يزورها

[بو هبه]

اجا دوري احكي انا
وتشبعناه اقلك يااختي في ناس جوا فلسطين بس بدفعوا نص عمرهم بس يسكنوا خارج فلسطين مساكين ما بعرفوا حاجة اسمها حب الوطن بس بدهم حب النفس والمال والسيارات
تحياتي لك

كما يقولون الموت على ارض الوطن جوعا ولا الفراق


في ناس بتغربوا لسبل اخرى غير الي انتا ذكرتها


ومين ما عندوا اشي مهم اسمو تحسين المعيشه


الحمد لله صرنا لاجئيين ولاكن ولائنا لمين غير فلسطين


ما تخلينا عن اصلا


وفي لاجئيين كتيير مخلصيين لبلدهم من ناس كتيير بفلسطيين


ويمكن انا ما فهمت عدل لأنك ما وضحت


سلاامي :s (43): :s (43):

[بو هبه]

انا مبسوطه وانا بقرا بردودكووو ... الله يخليلكوو بلادكوو واللي ما زارها يزورها


والله بدها دعوه يا حجه


وزايرها وطاحن للعدو

ورافع الراس ان شااء الله

وحتتزكروا كلامي لقداام شوي :showoff:

[قسامي غزة]

كما يقولون الموت على ارض الوطن جوعا ولا الفراق


في ناس بتغربوا لسبل اخرى غير الي انتا ذكرتها


ومين ما عندوا اشي مهم اسمو تحسين المعيشه


الحمد لله صرنا لاجئيين ولاكن ولائنا لمين غير فلسطين


ما تخلينا عن اصلا


وفي لاجئيين كتيير مخلصيين لبلدهم من ناس كتيير بفلسطيين


ويمكن انا ما فهمت عدل لأنك ما وضحت


سلاامي :s (43): :s (43):


انا معك اخي في ناس مخلصين جدا جدا جدا
وفي ناس ما عندهم معني الاخلاص
وعلي كلامك الحمد لله الي احنا لاجئين
لنا الاجر باذن الله

[نور اليقين]

نانا و الله موضوعك كتير حلو
انا عن نفسي بحب فلسطين و بعشقها و بموت فيها حتى
ليه ؟
عشان عرفت ناسها و عرفت جوهرهم و لما قارنتهم بغيرهم
لقيت ان جواهم نور و براءة و ليهم اراء و شخصيات
اي نعم مختلفه
بس كلها قوية
حبيت فلسطين من العداب اللي هي بتعيشو
ابتدا بفضول تجاه بلد عايشة حرب و دمار و ناسها بردو متشبتين بيها و عايشين فيها
بعدين انقلب رغبة اني اتعرف عليها اكتر و على ناسها
ازاي بيفكرو و ايه طموحاتهم
طموحات ناس حياتهم مش بايدهم
بيعيشو و هما مش ضامنين كام ساعة فضلالهم
حبي ليهم اجا من شهامتهم و نبل اخلاقهم
و الكل بيشهدلهم
عشان اي بلد تانية فيها ناس فاضية , ناش مش كويسة , ناس صايعه بمعنى اصح
الا فلسطين
ليه ؟
عشان معندهمش وقت للحجات دي
بالنسبالي فلسطين بلد ناسها كلهم اصحاب قضية ليهم فكرهم و ليهم كلمتهم
اخلاقهم عالية جدا
و بيعرفو ربنا
عشان ديما شايفين الموت قدامهم
حبيتها من ناسها
و من اللي بيحصلها
حبيتها عشان حلم اي واحد فيها الاستشهاد
حبيتها عشان الشغل الشاغل لاي فرد فيها ازاي يحرر بلدو
حبتها من صمودها رغم ضعفها
من تعلقها بقضيتها
مش عارفه
حجات كتيرة بتخلي اي حد يحب البلد دي
عشان هي بلد طاهرة
بدماء شهداءها
بلد بتحسي كل اهلها مستعدين يفدوها بارواحهم
فازاي ما احبهاش و انا بعيدة عنها و مش بعاني زيهم
البلد دي اتخلقت عشان تنحب
و دخلها اليهود عشان حب الناس ليها يكبر و يكبر
اختبار لاي قلب طاهر
و اله فيه كلام كتير يتقال عنها
من كترو مش لاقيه حاجة اقلها
بس لي عودة عشان بكل صراحة
بتمنى اني ازور فلسطين
حتى لو في عز حربها
بالعكس
هبقى اكبر مستفيدة

[.:.!دموع الرحيل!.:.]

سؤالي للي برة فلسطين ....
كمان كيف أحببتها يـها وانت بعيدة عنها
وشو الي خلاك كِ تتعلقي فيها بهالشكل وتصري على متبعة أخبارها واخبار ابناء شعبك والى آخره؟
==================================
اول شي انا كتير معجبه بروحك الوطنيه وبتمنالك من كل ئلبي انك تروحي بلدك وتشوفيها ...
تاني شي انا فخوره انو انا فلسطينيه وما بتخيل حالي بجنسيه تانية بحس انو ربي فضلني كتير لاني فلسطينيه ومن ارض المحشر ومن ارض الاقصى ... شي طبيعي انو الواحد يكون عندوو انتماء لبلدوو حتى لو ما شافها ... والشي اللي خلاني احبها واتابع اخبارها ... انو انا منها وبروح عليها واهلي وشعبي الطيبين هوناك همه اللي بيعطو صوره حلوه وحقيقيه عنها همه اللي بيدافعوو عنها بروحهم ..وهمه الصوره الها فكيف ما بدي احبها وشعبها وناسها احسن ناس .. والله اول ما اعتب حدودها اني بصير ابكي واول ما اطلع منها لازم اخد شوي من ترابها ومية بحرها اللي بيفدوها اهلها بارواحهم .... طولت عليكوو بس والله اندمجت بالموضوع وما وصلت للاخر الا وبحكي امتى كتبتوو الحكي هادا ... تسلمي تسلمي يا عسوله والله انك رووعه

تسلميلي على هالكلام ،،

وبس نحكي عن فلسطين

حبيبتنا منجود بالكلام وما منحس

كلامك كله حب وشوق للوطن

الله يسعدك يا قمر

[Twin]

سؤالي للي برة فلسطين ،، سواء لاجئين او مهاجرين ..
كمان كيف أحببتها يـها وانت بعيدة عنها
وشو الي خلاك كِ تتعلقي فيها بهالشكل وتصري على متبعة أخبارها واخبار ابناء شعبك والى آخره؟


انا مولوده بالانتفاضه يعني اصل المقاومه والحرب ما بظن اني ما انتمي للقوه والشجاعه الفلسطينيه ..
والله و بالنسبه الي فلسطين مش مجرد كلمات اعبر عن حبي الها وبصراحه الي جوايا ما اي حد بيقدر يوصفووو لانوو اجمل واكبر شعور لما تكون بتحن لوطنك ونفسك تشوفوو وتلمس ترابووو وشعور اكبر لما تحس حالك واقف بفخر بين الناس وبتحكي ( انا فلسطينيه ) والله اني بكون اسعد وحده بالكون لما حد يسالني شو جنسيتك واحكيلووو فلسطينيه ، بحس ربنا اعطاني هل وطن والي ميزنا فيه بكتير اشياء احسن من غيرنا .. وكمان بالنسبه لاخبارها ازا ماشفنا اخبار وطنا لشو حاجتنا الووو ولشو حاجتوو النا والله شاهد انوو لما اسمع خبر سيئ عنها انوو بعرفش انام الليل وانا ابكي وادعي عاليهون واقول ( وجعلنا من بين ايديهم سدا ومن خلفهم سدا فاغشيناهم فهم لايبصرون ) .. بس والله بحزن كتير لما اسمع حد بيحكي انو نحنا بره ما بنحس ببلدنا وبالناس الي عايشين جوا .. وربي لسه الي عايشين جوا ما بيهروو وبيفكروو متلنا .. وان شالله كل واحد بعيد عن وطنوو يرجعلها واولهم نانا الغاليه .. تسلمي عموضوعك المميز والله اني ما بعرف كيف كتبت ..

[.:.!دموع الرحيل!.:.]

اجا دوري احكي انا
انا يا اختي ولدت سبحان الله وحب فلسطين في دمنا حتي اننا رضعنا مع الحليب حب فلسطين وتشربناه وتشبعناه اقلك يااختي في ناس جوا فلسطين بس بدفعوا نص عمرهم بس يسكنوا خارج فلسطين مساكين ما بعرفوا حاجة اسمها حب الوطن بس بدهم حب النفس والمال والسيارات
اختي نحن وبفضل الله في ارض الرباط وي ارض المحشر والمنشر واحمد الله انني فلسطيني لانني ادافع عن قضيتي وعن قدسنا الحبيب وهذا جهاد في سبيل الله
واحمد الله ان اكون احد المرابطين علي ثري الوطن الحبيب لان هذا اكبر شرف لنا
وزي ما حكيت الك في ناس ما بعترفوا في القدس بقولوا شو بدنا ف يالقدس احنا بدنا نعيش بس
وهؤلاء فلسطين منهم براء
ارجو ان تكون وصلتك فكرتي يا اختي
تحياتي لك

والله كلامك كنوز

وصح كلامك بالنسبة للي بداخل فلسطين ومش عارفين قيمتها

حتى في برة فلسطين كمان والله متبريين من أصلهم مش مقدرين النعمه الي رب العالمين انعمها عليهم

وكلامك عن حب الوطن رائع

وإخواننا المرابطين داخل فلسطين

هم أملنا والله

ولو شو ما قدمنالهم مقصرين

ما منملك غير الدعاء

الحمدلله

الف شكر أخي عالرد الرائع


ودمتم حراس الأقصى الحبيب وفلسطيننا كلها

[.:.!دموع الرحيل!.:.]

حبيبي نانا...... :(
والله يا نانا احنا صح هون بالامارات..
بس نص قرايبنا هون ونصهم بفلسطين...
وكلهم بصحلهم يدخلو فلسطين..
وقبل الانتفاضة كانت عائلتنا كل كم من سنة يتجمعو ويتزلو مع بعض...
طبعا امي وابي دايما عالاخبار..
واهتماماتهم فلسطينية...
وكلو...
صح اني نولدت بالامارات..
بس ما فرقت...انا نولدت على حب الوطن
ومن يوم ما نخلقت وانا بحبها...
وخاصة انو الامارات اكتييييير فيها فلسطينية
اكتييييييير اكتيييييييير
يسلمو يا احلى نانا...
:s (43):


الحمدلله لولو حبيبتي

والله حب فلسطين نعمه

الله يقر عيننا فيها يا رب

مشكورة يا قمر يبنا عالمرور العسل

[.:.!دموع الرحيل!.:.]

أنا والحمد لله ان ولدت فى قى الوطن
وأنا فى الصف الأول وما فوق كان الناس وأهلى وأقاربى يقولون فلسطين والتلفاز يقول فلسطين
فشوية شوية كبرت فلسطين فى عقلى وصرت أعرف قيمة الوطن والحمد لله
أنا أحببت فلسطين وطنى وطنى

palestine our land


هايي هيي الأهل والجو المحيط بيأثر كتير

تسلم كتير أخي عالرد

وكلما أسرفوا في تدمير مدننا ووطنا سيعمر حبه في قلوبنا اكثر

نورت أخي

[.:.!دموع الرحيل!.:.]

كمان كيف أحببتها ؟؟



كيف لا احبها
وهي عرقي الثابت واصلي النابت وروحي ودمي وامي وابي

حييت من اجلها وسأموت لأجلها


وشو الي خلاك تتعلق فيها بهالشكل وتصر على متبعة أخبارها واخبار ابناء شعبك والى آخره؟

الشغله مش شغله تعليق يا حجه

يعني زي الصلاه هاد واجب عالانسان من السن العاشر
فبتلاقي الي عمرهم سنه وسنتين بصلا ليش لأنو تربوا عليها


ام الي زي حالتنا طالع من بطن امو وحامل همو هم بلادوا والشهاده مرادوا

مع اني عمري ما فتت ع فلسطين ولاكن والله ثم والله كلي شوق وحنين

وعن اهلي عنا بفلسطين الله يحميهم بس يعني علاقتنا مش قويه معهم

والحمد لله على كل حاال

وسلاامي

الشغله مش شغله تعليق يا حجه

طيب عمو بوهبه ليش معصب علييي :icon5: :icon5:

وكلامك كلو صح وعين العقل

لكن لابد انو مثلا أهلك لعبو دور ..

اصحابك ،، ساعدو على تنمية هالحب الي عندك لوطنك

عرفت شو قصدي

وما بقى تعصب عليي بخاف انا :icon15:

ههههههههههههه

بمزح بوهبه منور والله

ومشكور عالرد الجميل

[Abo Elwalid]

سؤالي هلأ لأحبابنا الي مش فلسطنيه ...

لاحظت منهم حبّا كبيراً لفلسطين

قد افتقده ببعض الفلسطنيه ..

كيف احببتو فلسطين ؟؟؟

=======================

اليوم صادف مروري بهذا القسم حيث انني أول مرة أدخله .. واذا عنوان الموضوع يشدني كأن السؤال موجه لي وحدي ..

ليس كل من يعرف فلسطين يستطيع أن يحبها .. وأكررها دايماً

قد يعجب البعض أن فلسطين لها النصيب الأكبر .. وأقصد ما أقول أن لها النصيب الأكبر من قلبي وحبي وعقلي وحتى

وقتي .. وقت الفراغ الذي امضيه في عمل تصاميم تخص القضية ..

قد أكون عربي الجنسية لكن فلسطيني الروح .. فلسطيني الدم .. فلسطيني التفكير .. فلسطيني بكل خطوة ..

رحمك الله يا محمد الدرة .. أشعلت بقلبي نار الغضب ونار الثأر لك ولكل شهيد وجريح ..

قد اعجز أن أجد كلمات أرتبها وأكتبها لك لأعبر ما يجول بخاطري .. لكن ما أستطيع تقديمه هو التصاميم التي تخرج جزء

بسيط .. بسيط جداً

نسأل الله النصر والثبات والوحدة للشعب المسكين

ومشاركتي بهذا المنتدى جزء من حبي لفلسطين وأتمنى من الله أن يرزقني من أتمنى وجودها معي ونكمل مسيرة حب فلسطين مع بعض وخدمة القضية مادياً ومعنوياً .. وأزرع حب فلسطين والثأر لها في قلوب أولادي ..

شكراً على الموضوع والذي أتاح لي مشاركتكم بحبي لأغلى الأوطان ..
اطيب تحية لك وللجميع

[.:.!دموع الرحيل!.:.]

نانا و الله موضوعك كتير حلو
انا عن نفسي بحب فلسطين و بعشقها و بموت فيها حتى
ليه ؟
عشان عرفت ناسها و عرفت جوهرهم و لما قارنتهم بغيرهم
لقيت ان جواهم نور و براءة و ليهم اراء و شخصيات
اي نعم مختلفه
بس كلها قوية
حبيت فلسطين من العداب اللي هي بتعيشو
ابتدا بفضول تجاه بلد عايشة حرب و دمار و ناسها بردو متشبتين بيها و عايشين فيها
بعدين انقلب رغبة اني اتعرف عليها اكتر و على ناسها
ازاي بيفكرو و ايه طموحاتهم
طموحات ناس حياتهم مش بايدهم
بيعيشو و هما مش ضامنين كام ساعة فضلالهم
حبي ليهم اجا من شهامتهم و نبل اخلاقهم
و الكل بيشهدلهم
عشان اي بلد تانية فيها ناس فاضية , ناش مش كويسة , ناس صايعه بمعنى اصح
الا فلسطين
ليه ؟
عشان معندهمش وقت للحجات دي
بالنسبالي فلسطين بلد ناسها كلهم اصحاب قضية ليهم فكرهم و ليهم كلمتهم
اخلاقهم عالية جدا
و بيعرفو ربنا
عشان ديما شايفين الموت قدامهم
حبيتها من ناسها
و من اللي بيحصلها
حبيتها عشان حلم اي واحد فيها الاستشهاد
حبيتها عشان الشغل الشاغل لاي فرد فيها ازاي يحرر بلدو
حبتها من صمودها رغم ضعفها
من تعلقها بقضيتها
مش عارفه
حجات كتيرة بتخلي اي حد يحب البلد دي
عشان هي بلد طاهرة
بدماء شهداءها
بلد بتحسي كل اهلها مستعدين يفدوها بارواحهم
فازاي ما احبهاش و انا بعيدة عنها و مش بعاني زيهم
البلد دي اتخلقت عشان تنحب
و دخلها اليهود عشان حب الناس ليها يكبر و يكبر
اختبار لاي قلب طاهر
و اله فيه كلام كتير يتقال عنها
من كترو مش لاقيه حاجة اقلها
بس لي عودة عشان بكل صراحة
بتمنى اني ازور فلسطين
حتى لو في عز حربها
بالعكس
هبقى اكبر مستفيدة


نور حبيبتي

حكتلك انك كنتي ببالي وانا بنزل الموضوع

بحيي فيكي حبك لفلسطين

أقف احتراما واجلالاً لكل موقف ولكل كلمة بتطلع منك

ودايما بحب اسمع عن فلسطين منك

بحس بالصدق

ويا رب بدعيلك من قلبي تزوريها

ونزورها كلنا سوا يا قمر

والله شرفتي الصفحه

والنا الشرف بوجودك بيننا يا عسل :s (43): :s (43):

[.:.!دموع الرحيل!.:.]

سؤالي للي برة فلسطين ،، سواء لاجئين او مهاجرين ..
كمان كيف أحببتها يـها وانت بعيدة عنها
وشو الي خلاك كِ تتعلقي فيها بهالشكل وتصري على متبعة أخبارها واخبار ابناء شعبك والى آخره؟


انا مولوده بالانتفاضه يعني اصل المقاومه والحرب ما بظن اني ما انتمي للقوه والشجاعه الفلسطينيه ..
والله و بالنسبه الي فلسطين مش مجرد كلمات اعبر عن حبي الها وبصراحه الي جوايا ما اي حد بيقدر يوصفووو لانوو اجمل واكبر شعور لما تكون بتحن لوطنك ونفسك تشوفوو وتلمس ترابووو وشعور اكبر لما تحس حالك واقف بفخر بين الناس وبتحكي ( انا فلسطينيه ) والله اني بكون اسعد وحده بالكون لما حد يسالني شو جنسيتك واحكيلووو فلسطينيه ، بحس ربنا اعطاني هل وطن والي ميزنا فيه بكتير اشياء احسن من غيرنا .. وكمان بالنسبه لاخبارها ازا ماشفنا اخبار وطنا لشو حاجتنا الووو ولشو حاجتوو النا والله شاهد انوو لما اسمع خبر سيئ عنها انوو بعرفش انام الليل وانا ابكي وادعي عاليهون واقول ( وجعلنا من بين ايديهم سدا ومن خلفهم سدا فاغشيناهم فهم لايبصرون ) .. بس والله بحزن كتير لما اسمع حد بيحكي انو نحنا بره ما بنحس ببلدنا وبالناس الي عايشين جوا .. وربي لسه الي عايشين جوا ما بيهروو وبيفكروو متلنا .. وان شالله كل واحد بعيد عن وطنوو يرجعلها واولهم نانا الغاليه .. تسلمي عموضوعك المميز والله اني ما بعرف كيف كتبت ..


ما شاء الله عنكــ

كلامك قشعر بدني بجد

وبيكفي اقولك انك حكيتي الي جواتي

يا نيالي اني بعرف ناس متلكم

الله يقر عيننا بوطننا

ويرجعنا كلنا يا توين إيد بإيد يا رب

فرحت بردك والله

الله يسعدك حبيبتي :s (43):

[ادهم اللداوي]

انا حبيتها لاني اسم العائلة بيذكرني فيها على طول بلادنا ما في زيها

[.:.!دموع الرحيل!.:.]

انا حبيتها لاني اسم العائلة بيذكرني فيها على طول بلادنا ما في زيها

اسمها فعلا مزروع بدمنا

ووجودنا كلو

مشكور أخي

نورت بمرورك

[بو هبه]

طيب عمو بوهبه ليش معصب علييي :icon5: :icon5:

وكلامك كلو صح وعين العقل

لكن لابد انو مثلا أهلك لعبو دور ..

اصحابك ،، ساعدو على تنمية هالحب الي عندك لوطنك

عرفت شو قصدي

وما بقى تعصب عليي بخاف انا :icon15:

ههههههههههههه

بمزح بوهبه منور والله

ومشكور عالرد الجميل


له له له يا حجه


والله ما عاش الي يعصب عليكي

بينكبر كبر الي بعصب عليكي

ولو يا حجه قال اعصب


واخر مره خلص خلص هههههههههه

[.:.!دموع الرحيل!.:.]

سؤالي هلأ لأحبابنا الي مش فلسطنيه ...

لاحظت منهم حبّا كبيراً لفلسطين

قد افتقده ببعض الفلسطنيه ..

كيف احببتو فلسطين ؟؟؟

=======================

اليوم صادف مروري بهذا القسم حيث انني أول مرة أدخله .. واذا عنوان الموضوع يشدني كأن السؤال موجه لي وحدي ..

ليس كل من يعرف فلسطين يستطيع أن يحبها .. وأكررها دايماً

قد يعجب البعض أن فلسطين لها النصيب الأكبر .. وأقصد ما أقول أن لها النصيب الأكبر من قلبي وحبي وعقلي وحتى

وقتي .. وقت الفراغ الذي امضيه في عمل تصاميم تخص القضية ..

قد أكون عربي الجنسية لكن فلسطيني الروح .. فلسطيني الدم .. فلسطيني التفكير .. فلسطيني بكل خطوة ..

رحمك الله يا محمد الدرة .. أشعلت بقلبي نار الغضب ونار الثأر لك ولكل شهيد وجريح ..

قد اعجز أن أجد كلمات أرتبها وأكتبها لك لأعبر ما يجول بخاطري .. لكن ما أستطيع تقديمه هو التصاميم التي تخرج جزء

بسيط .. بسيط جداً

نسأل الله النصر والثبات والوحدة للشعب المسكين

ومشاركتي بهذا المنتدى جزء من حبي لفلسطين وأتمنى من الله أن يرزقني من أتمنى وجودها معي ونكمل مسيرة حب فلسطين مع بعض وخدمة القضية مادياً ومعنوياً .. وأزرع حب فلسطين والثأر لها في قلوب أولادي ..

شكراً على الموضوع والذي أتاح لي مشاركتكم بحبي لأغلى الأوطان ..
اطيب تحية لك وللجميع


"انا رديت عليك مبارح بس ما بعرف وين طار :s"

على كلٍ سعدت بمشاركتك والكلام الي قلتو

والله يقر عيننا كلنا بهالوطن

ويعيننا نقدم اي شي في سبيل الحفاظ على قضيتنا

مشكور عالرد

نورت الله يعطيك العافيه

[.:.!دموع الرحيل!.:.]

ههههههههههههههههههههه

بووووووهبه

خلص سماح هالمرة ههههههه

تسلم والله

الله يسعدك

منور

[قمر الخليل]

كيف حبيتها؟؟

بتصدقي هالسؤال وا مرة خطر على بالي

انا انولدت وانا اسمع الضفة ودورا والخليل

ولما كبرت شويي وبابا عملي تصريح ونزلت عليها اول مرة كنت كتير زغيرة حبيت فلسطين لانو اعرفت فيها اهلي حبيتها عشان كنت العب تحت الخروووبة الي عالجبل انا وقرايبي

اكبرت شويي ونزلت للمرة التانية واتعلقت اكتر بقرايبي واهلي حبيتها لانو شفت ارضنا وشفت الارض الي بابا وهوي زغير كان يقول هون بدي ابني بيتي

ورحت بعدها وبعدها وزاد تعلقي فيها ... اهلي وارضي وناسي واحباي هناك ..

والي زاد حبي الها انو امنية بابا وهوي زغير اتحققت وبنا فعلا بيتو هناك

وصرنا نروووح ونيجي وقت ما بدنا

كيف حبيتها؟؟ حبيتها من كلام بابا عنها كيف كان يروح على الاردن ويرجع عالضفة بتاكسي زغير

حبيتها من وصف ماما لدار سيدها بقلقيلية ويافا ... حبيتها من اهلي الي هناك

هادي قصة حبي الها

وعيت على بيت وطني .. على اب وطني من وانا زغيرة عرفني تاريخ بلدي

وعيت على حبها من اول ما لمت ترابها

يسلمو دموووع

فتحتي الجرووووووووح

[روحي فلسطين]

كيف احببتُ فلسطين ؟؟


و هل هناك من لا يحب فلسطين ؟؟

انها قطعة منا .. كالدم تجري في الشرايين

و كالهواء الذي اذا انقطع نموت ..

آآه على فلسطين آآه

بداية انا اماراتية .. و لكن فلسطين موطني ايضاً

نشأتُ في بيت سياسي مهتم بالقضايا العربية - ولله الحمد-

و القضية الفلسطينية بالتأكيد أخذت الجزء الاكبر ..

ابي كان دائم الثورة و الهيجان لهذا الوضع المزري

و دائم الحديث عن فلسطين .. كيف اغتصبت ؟ و متى حدث ذلك ؟ و من كان وراء ذلك ؟

كان يريد ان تكون فلسطين قضيتنا .. جزء من وقتنا بل وقتنا كاملاً ..

و اذكر امي كيف كانت تبكي و لازالت عند رؤية الاطفال و النساء و الكهول و الشباب يستشهدون
في سبيل الله ثم في سبيل الوطن ..و اشاركها ذلك الان

و لهذا اهتتمتُ بفلسطين ..

و منذ سنة و نصف تقريبا .. اخذت فلسطين من وقتي الكثير

قرأت الكثير من الكتب و المقالات عنها .. كنت اصمم بطاقات و تصاميم عن فلسطين

و في المدرسة ألبس الكوفية الفلسطينة -شعاري-

و انظم المظاهرات في المدرسة ..

كل هذا جعل من فلسطين وطني ..

و روحي فلسطيني ..

و كل يوم اشعر بعظمة هذا الشعب المجاهد

انحني احتراما لكم .. من اصغركم لأكبركم

و حلم حياتي ان امشي على تراب فلسطين الطاهر

و اتنفس هواءها ..

... ... ... ...

اسمحي لي اختي العزيزة على الاطالة

[مؤيد]

أحببت فلسطين ، لإنها أرض مقدسة ، لإنها أرض بارك الله حولها ....... لإنها جزء من عقيدة الإسلام ...

لهذا أحببتها .................. باختصار

يسلمو دموع الرحيل على الموضوع الجميل

بوركتِ

[.:.!دموع الرحيل!.:.]

كيف حبيتها؟؟

بتصدقي هالسؤال وا مرة خطر على بالي

انا انولدت وانا اسمع الضفة ودورا والخليل

ولما كبرت شويي وبابا عملي تصريح ونزلت عليها اول مرة كنت كتير زغيرة حبيت فلسطين لانو اعرفت فيها اهلي حبيتها عشان كنت العب تحت الخروووبة الي عالجبل انا وقرايبي

اكبرت شويي ونزلت للمرة التانية واتعلقت اكتر بقرايبي واهلي حبيتها لانو شفت ارضنا وشفت الارض الي بابا وهوي زغير كان يقول هون بدي ابني بيتي

ورحت بعدها وبعدها وزاد تعلقي فيها ... اهلي وارضي وناسي واحباي هناك ..

والي زاد حبي الها انو امنية بابا وهوي زغير اتحققت وبنا فعلا بيتو هناك

وصرنا نروووح ونيجي وقت ما بدنا

كيف حبيتها؟؟ حبيتها من كلام بابا عنها كيف كان يروح على الاردن ويرجع عالضفة بتاكسي زغير

حبيتها من وصف ماما لدار سيدها بقلقيلية ويافا ... حبيتها من اهلي الي هناك

هادي قصة حبي الها

وعيت على بيت وطني .. على اب وطني من وانا زغيرة عرفني تاريخ بلدي

وعيت على حبها من اول ما لمت ترابها

يسلمو دموووع

فتحتي الجرووووووووح

والله الله يباركلك بهالعيله الوطنيه يا رب

واعتناء الأهل والمحافظة على القضية بيأثر على الولاد كتير

وبيزرع فيهم حب الوطن زرع

مشكورة حببيتي على الرد الحلو

الله يعطيكي الف عافيه

[.:.!دموع الرحيل!.:.]

كيف احببتُ فلسطين ؟؟


و هل هناك من لا يحب فلسطين ؟؟

انها قطعة منا .. كالدم تجري في الشرايين

و كالهواء الذي اذا انقطع نموت ..

آآه على فلسطين آآه

بداية انا اماراتية .. و لكن فلسطين موطني ايضاً

نشأتُ في بيت سياسي مهتم بالقضايا العربية - ولله الحمد-

و القضية الفلسطينية بالتأكيد أخذت الجزء الاكبر ..

ابي كان دائم الثورة و الهيجان لهذا الوضع المزري

و دائم الحديث عن فلسطين .. كيف اغتصبت ؟ و متى حدث ذلك ؟ و من كان وراء ذلك ؟

كان يريد ان تكون فلسطين قضيتنا .. جزء من وقتنا بل وقتنا كاملاً ..

و اذكر امي كيف كانت تبكي و لازالت عند رؤية الاطفال و النساء و الكهول و الشباب يستشهدون
في سبيل الله ثم في سبيل الوطن ..و اشاركها ذلك الان

و لهذا اهتتمتُ بفلسطين ..

و منذ سنة و نصف تقريبا .. اخذت فلسطين من وقتي الكثير

قرأت الكثير من الكتب و المقالات عنها .. كنت اصمم بطاقات و تصاميم عن فلسطين

و في المدرسة ألبس الكوفية الفلسطينة -شعاري-

و انظم المظاهرات في المدرسة ..

كل هذا جعل من فلسطين وطني ..

و روحي فلسطيني ..

و كل يوم اشعر بعظمة هذا الشعب المجاهد

انحني احتراما لكم .. من اصغركم لأكبركم

و حلم حياتي ان امشي على تراب فلسطين الطاهر

و اتنفس هواءها ..

... ... ... ...

اسمحي لي اختي العزيزة على الاطالة


عزيزتي

لست املك الكلمات التي أرد بها عليكِ

والتي تعبر عن مدى اعجابي بما تفضلتي به

وسأقف عن الكلام وقفة اجلال واحترام

لك ولعائلتك المباركة

واسأل الله تعالى ان يمن علينا جميعا بقرة عين بأوطاننا

عزيزتي سررت بمرورك وردك كثيرا

والله يكثر من أمثالك وامثال أهلك المباركين

لو انو كل العرب متلكم كان انتصرنا من زمان :)

نورتي والله :s (43): :s (43): وما تحرمينا

[.:.!دموع الرحيل!.:.]

أحببت فلسطين ، لإنها أرض مقدسة ، لإنها أرض بارك الله حولها ....... لإنها جزء من عقيدة الإسلام ...

لهذا أحببتها .................. باختصار

يسلمو دموع الرحيل على الموضوع الجميل

بوركتِ


الله يعزك اخي مؤيد

ولو أنه المسلمين بس عرفو يحبوها بس عشان هالشغله

كنا على غير هالحاله

الف شكر الك اخي عالمرور

نورت والله

[وردة حماه]

صحيح ماني فلسطينية بس أنا جارتكم و أنا بحب فلسطين كتييييييييييييييييير و بموت فيها ليش باى ؟
هي تابعة لإلكم لأني حبيت أهلها و ناسها و ضافوا بصمة حلوة و رائعة لحياتي حتى لدرجة اني بتمنى أكون فلسطينية .. و شو أحلى من هيك بلد و هيك نااااس
لك تؤبشني فلسطين و ناسها يارب
يسلمو نانا ع الموضوع

[بنت الرملة]

وتسلميلي شيموووووووووو ما أحلاكي

[.:.!دموع الرحيل!.:.]

صحيح ماني فلسطينية بس أنا جارتكم و أنا بحب فلسطين كتييييييييييييييييير و بموت فيها ليش باى ؟
هي تابعة لإلكم لأني حبيت أهلها و ناسها و ضافوا بصمة حلوة و رائعة لحياتي حتى لدرجة اني بتمنى أكون فلسطينية .. و شو أحلى من هيك بلد و هيك نااااس
لك تؤبشني فلسطين و ناسها يارب
يسلمو نانا ع الموضوع

دخيلك ما أحلاكي

والله شرفتينا يا قمر

أهل سوريا غاليين كتير

كان عندي شيخ القران من حماه

والله زينة الناس انتو

تسلميلي يا قمر

وما ننحرم مننك

نورتي والله :s (43): :s (43):

[ادهم اللداوي]

شكرااااااااااااااااا

[ابنة الشتات]

سؤالي للي برة فلسطين ،، سواء لاجئين او مهاجرين ..

كمان كيف أحببتها يـها وانت بعيدة عنها

وشو الي خلاك كِ تتعلقي فيها بهالشكل وتصري على متبعة أخبارها واخبار ابناء شعبك والى آخره؟


تقريبا انا متلك يا دمرع الرحيل وانت بتعرفي قصتي من اولها اآخرها

انا وحدة فلسطينية بالشتات
كنت بحب فلسطين بس اوكي عادي
واهلي مو كتير بخبرونا مع انو عندهم انتماء كبير

بيوم حسيت انو بدي احكي مع ناس بيحكو متلي نفس اللهجه
حسيت بالنقص وحاولت اعوض

صرت اتابع اخبار اشتركت بمنتديات فلسطينية
كتبت شعر عن فلسطين
وهلأ بتحدى ازا في حدا بحب فلسطين متلي
مستحييييييييييييل
وسابع المستحيلات

[.:.!دموع الرحيل!.:.]

العفو يا اخ أدهمـ

[.:.!دموع الرحيل!.:.]

سؤالي للي برة فلسطين ،، سواء لاجئين او مهاجرين ..

كمان كيف أحببتها يـها وانت بعيدة عنها

وشو الي خلاك كِ تتعلقي فيها بهالشكل وتصري على متبعة أخبارها واخبار ابناء شعبك والى آخره؟


تقريبا انا متلك يا دمرع الرحيل وانت بتعرفي قصتي من اولها اآخرها

انا وحدة فلسطينية بالشتات
كنت بحب فلسطين بس اوكي عادي
واهلي مو كتير بخبرونا مع انو عندهم انتماء كبير

بيوم حسيت انو بدي احكي مع ناس بيحكو متلي نفس اللهجه
حسيت بالنقص وحاولت اعوض

صرت اتابع اخبار اشتركت بمنتديات فلسطينية
كتبت شعر عن فلسطين
وهلأ بتحدى ازا في حدا بحب فلسطين متلي
مستحييييييييييييل
وسابع المستحيلات

ههههههههههههههههههههههههه

دخيل العسل يا ربي

ولييييي اانا بحبها اكتر ما انتي بتحبيها

بنتحر جد بنتحر لو حدا بحبها اكتر مني

ههههههههههههه

عسولة ،، الله يقر عيننا بوطننا الغالي

نورتي يا قمر

[نور اليقين]

ولييييي اانا بحبها اكتر ما انتي بتحبيها

بنتحر جد بنتحر لو حدا بحبها اكتر مني

ههههههههههههه
ايه ده
انتي لسة هنا ؟
و لا كلام عالفاضي
انا طلعت بحبها اكتر منك
حتى اسأليها
احنا اتفقنا عل كل حاجة
طلع شعور متبادل
اه و الله
هههههههههههه

[.:.!دموع الرحيل!.:.]

ههههههههههههههه

نور اليقين بضحي فيكي وبدبحك ساعتها

هههههههه

بمزح يا عسل

فلسطين حبي ،،

بعشقها وبعشق كل مين بيعشقها :)

نيالي نور عندي بالموضوع مرتين

مين أددي