بحتاج مساعدة كل بنات المنتدى والشباب إذا بدهم ضروووري كتير !!!! [الأرشيف]

إئتلاف

11-15-2006, 08:17 PM

بسم الله الرحمن الرحيم
الموضووووووع وما فيه أنا طالب في كلية الهندسة و أنا عايش عزابي لحالي (( مسكين )) ..........
وبصراحة زهئة :wacko: من أكل المطاعم إلي سملي بدني وكمان زهئة من إشي إسمو معلبات طلعة من عني:icon6: .....
وأنا وبصراحة كمان غبي :b: بالطبخ وبما أنو المنتدى أنعمل للفائدة وتبادل الأفكار بدي .........
من كل بنت معدلة أو شب مش مشكلة هيك طريقة عمل طبخة ويسميلي إسمها عشان أطبخ أنا بالبيت بدل أكل المطاعم هاد وأرجو التفاعل معي بلييييز وشكرا
_______________
تقبلو تحياتي أنا
إ
ئ
ت
لا
ف

إئتلاف

11-15-2006, 09:26 PM

بنتضار طبخاتكمك .....ههههههه
:icon15: :icon15: :icon15: :icon9:

ABU-NOUR

11-15-2006, 09:41 PM

ههههههههههههه
الله يوفقك

في طبخة موجودة في السوبر ماركت الي تحت غرفتك

اسمها هكرز كو

إئتلاف

11-15-2006, 09:45 PM

هههههههههههههههههه
مهكر الشب على العموم يعطيك العافية نورت الموضوع حبيبي وشكرا على الرد يسلمو إديك .....
بس بدنا طبخات حقيقية هههههههه
....................
وشكرا

هلــون

11-15-2006, 09:51 PM

مممممممم

اعرفت مين تسأل هلون الطباخة . ..

اوك انا الي رح اجبلك احلا وصفات . .بس يمكن تنحرء ما الي دعوة ...... استحمل يعني

لا جد بسالك ماما عكم طبخة لعزابي مهندس.. وبحطلك اياهم :)

Twin

11-15-2006, 09:52 PM

ييييييييي لليش الاحراج هادا .. بعرفش اعمل غير شوربه نودلز .. بتنفع ؟؟
بس ولا يهمك هلاء بجيبلك وصفات بس احكي بدك وصفات فلسطيني ولا صيني ؟؟؟

إئتلاف

11-15-2006, 10:00 PM

وااااااااااااو مشرفتي هيلين يالله بسرعة شكرا على مرووورك نورتي الموضوع .... بنتضارك ومش مشكلة المرة الأولى تنحرق الثانية بتزبط يالله ...... ههههههه
تويييييييييين هاي نورتي الموضوع كل شي منك حلو المهم المبدأ ........ بنتضارك هههههههههه
ولو يكون فلسطيني أحسن أو صيني مش مشكلة المهم أنا أطبخ ...... خخخخخخخ
شكرا على المرور ....
.........
أخوووكم / إئتلاف

نور اليقين

11-15-2006, 10:01 PM

و الله انا اوعدك اخ ائتلاف اني هدعيلك من كل قلبي
اه و الله
من كل قلبي
ان ربنا يوفقك
و يحنن قلب البنات الشطورات اللي في المنتدى
و يدولك كام وصفة
و ساعتها الافادة هتعم
ههههههههههههههه

إئتلاف

11-15-2006, 10:06 PM

ههههههههههههههههههههههه
صح كلامك أختي نور اليقين هيك الفايدة بتعم وشكرا على مروووك نورتي الموضوع ..... يسلمو إديكي على الرد أختي ........
وتقبلي خالص شكري ومتناني

القوة التنفيذية

11-15-2006, 10:14 PM

أنا بطبخ في البيت وبدك بأوصفك
أكلة زاكية كتير إسمها زربيحة ما يغرك الإسم
ومكوناتها ... بتجيب شوية حبلق .. و3 روس زرايق وراس بصل وشوية سمنة
وبتحطهم عالنار .. وبتحلوسهن .. مع معلقة ملح ...
بعد هيك بتجيب الزربيحة وبتغسلها وبتقطعها وبتحطها في طنجرة تانيق عالنار مع كاسة عطايا
وبعد ساعة بتحطهن على بعض وبتحركهن كويس ... مايغرك المسميات الأكلة مرتبة
وبعد هيك بتجيب رغفين بالضبط ومعلقة وحبة أكمول
وبتتصل على واحد من اصحابك يجي يشاركك الأكل واتفرج إيش بدو يصير فيه
خلي الجوال عندك يمكن تتصل في الأسغاف.........!!!!!!!!!
خليييييك كول ... ونصيحة خليك اتفرج ومتاكلش ......ههههههههههه

قمر الخليل

11-15-2006, 10:15 PM

ممممممممممممم

اوك رح اجيبلك وصفة ان شالله استنانييييييييي

الله يعينك يلا احسن عشان تتعلم الطبخ للمستقبل بلكي ساعدت مرتك

ههههههههههههههههه

احلى شي توقيعك بضحكني شو دخل المي؟؟

قمر الخليل

11-15-2006, 10:20 PM

بتجيب شوية حبلق .. و3 روس زرايق وراس بصل وشوية سمنة
وبتحطهم عالنار .. وبتحلوسهن .. مع معلقة ملح ...

ترجمةةةةةةةةةةة ترجمةةةةةةةةةةةةةةةة

شو يعني هالكلام؟؟

شو هوي الحبلق وشو بتحلوسهن؟؟

شو يعنيييييييييييييييييي

اخي انت من وين؟؟ من اي بلد؟؟

إئتلاف

11-15-2006, 10:22 PM

هاي مشرفتي قمر الخليل شكرا على مروورك المميز والله لا يحرمني مروورك وردودك .......
يالله بستناكي ممممممممم شكلي حسمن 100 كيلو يالله مش مشكلة .......ههههههههه
أما التوقيع فهاذ سر المهنة المي بتدل على الكوووووووووووووووووووول وذا عندك توقيع أحلى مش غلط عطينا هههههههههه .......... بنتضارك قمووورة
______________
أخوووكم / إئتلاف

إئتلاف

11-15-2006, 10:26 PM

ترجمةةةةةةةةةةة ترجمةةةةةةةةةةةةةةةة

شو يعني هالكلام؟؟

شو هوي الحبلق وشو بتحلوسهن؟؟

شو يعنيييييييييييييييييي

اخي انت من وين؟؟ من اي بلد؟؟

صح والله شو هاد

إئتلاف

11-15-2006, 10:28 PM

على العموم شكرا أخوي القوة التنفيذية على الطبخة صحيح مافهمت شي بس يالله يسلمووو إديك ......ههههههههه شكلك نهفة أخوي شكرا
وخلييك دوما كوووووووول هههههههههههههههه
_____________
شكرا على مرورك نورت الموضوع أخوي

زهرة النجاح

11-15-2006, 10:29 PM

والله كنا زينا زيك . بس هلا بنطبخ لانو حياة السكنات مش حلوة بلا عجايب الطبيخ اللي مستحيل يكون زي طبخ الماما
عكل اذا بدك بدلك عالمعكرونة مع اني متاكد انك بتعرفها موووووووووووووو

إئتلاف

11-15-2006, 10:32 PM

زهرة النجاح أنا ساكن في بيت ملك إلنا وكل شي متوفر بس أنا ما بعرف أطبخ ,,,,,,ههههه
مش مشكلة مكرونا مكرونا هات لشوف ........
وشكرا على مرورك حبيبي نورت الموضوع يسلمو إديك .... بنتضارك

القوة التنفيذية

11-15-2006, 10:43 PM

:ياقمر الخليل بالراحة علي ... وأنا من فلسطين ... ... وحبيت أمازح أخو إئتلاف بس مش أكتر
وإن كان ردي زعلك هدول كلمات ما إلهن معنى يعني للمسخرة بس:icon28:

إئتلاف

11-15-2006, 10:50 PM

لا بالعكس أخوي القوة التنفيذية كلامك عسل على قلبي ومبينه مزحة يا زلمة لا تشيل هم وبعدين قمر الخليل طيبة وما بتزعل من حدا ,,,,,,,,, ههههههههههه
شكرا حبيبي على ردك وعادي خلي الوضع كوووول
______________________________ ههههه

إئتلاف

11-16-2006, 11:27 AM

مرحبا وينكم وين طبخاتكم حكيت لحالي يالله اليوم منتغدى زي الناس واااااااااااااااااوووووااااااا ااااا
يالله مش مشكلة ,,,,,,,,,,,, بنتظاركم

فراشة

11-16-2006, 01:03 PM

راح عنا موعد الغدا بس يلا بنوصفك لبكره ...

نوصفك طبخه سهله كتير ...
بس بدك تستحملنا لو خبصنا شوي ...بس بتجربها مو تتعبنا عالفاضي ...

1) فيك تقلي سمك مثلا ... اسهل شي ..
2) بدي اوصفك طبخه الدجاج بالخضار ..... بتمسك الدجاجايه وبتغسلها وبتحطها بكيس حراري وبتأطع عليها بطاطا وبصل وخضروات شرايح حسب زووئك ... وحطها بالفرن ... واوعى تنسى الملح والفلفل ..وبالهنا وبالشفا .... يلا كل يوم بدنا نوصفك وصفه ...

إئتلاف

11-16-2006, 01:09 PM

أيوا هاي الأوصاف الحلوة إلي بتفتح النفسس وسهل الواحد يسويها
شكرا فراشة نورتي الموضوع بس خلينا بعاد عن السمك أحسن ههههههههههههه
يسلمو إديكي على الطبخة ويعطيكي العافية

_____________

إ
ئ
ت
لا
ف

قمر الخليل

11-16-2006, 01:44 PM

لالالالا اخي ما زعلت بالمرررررررررررة ابدا ابدا

انا بمزح والله بس هالكلمات ضحكتني كتير كتير

طيب خيي بدي احكيلك هالوصفة الحلوة ما بعرف ازا حتعجبك انا كتير بحبها وازا ما عجبتك مش مشكلة بجيبلك وحدة تانية

مممممممممم ازا بتعرف تعمل عجين طبعا العجين بدوش اشي سوية مي وطحين وخميرة ورشة ملح

بتيجي بتجيب نقانق لو بتحبها يعني وبتسلقها وبعدين بتجيب قعطة من العجين وبتحط نص اصبع النقانق فيه طبعا بتلف العجين حوالينها بعدين بتحطها بالفرن

وازا بتحب اتحمصها اشوي ممكن تقليها شوي

وممكن تسلق خضار جمبها واتحطو شويي بالفرن بعد هيك بالهنا والشفا

بعرف ما رح تعجبك بس يلا رح اجيبلك وحدة تانية المسا

إئتلاف

11-17-2006, 12:47 PM

يسلمو إديكي مشرفتي قمر الخليل بدك الصراحة أنا ما بحب النقانق عشان هيك حستنى طبخت المسا بستناكي قمرررر ,,,,,,,,,,,,,,,,هههههههه يعطيكي ألف عافية غلبتك معاي ,,,,,,,,,,,,,,, شكرا كتير إلك
وعلى فكرة فراشة سويت أكلتك على عشا صح طلعت شوي خبيصة ووسخت المطبخ بس طلعت إشي ألف
على الأقل إشي أنا سويته شكرا إلك فراشة غلبتك معاي وذا في إش كمان ماعندي مشكلة ومنكم نستفيد
______________________________
شكرا

نغوم

11-17-2006, 01:00 PM

انا شفت هون عن المعكرون رح اكتبلك وصفتها و بعدها اي شي اكتبلي اسم الطبخة و ببعتلك وصفتها
اي طبخة كانت

هلاء المعكرونة:
اول شي بتجيب بكيت واحد او قدم ما بدك و بتكسر المعكرون و بعدها بتحطها على النار في طنجرة و مع معي حتى تنسلق
و بس تنسلق صفيها من المي لحد هون تمام؟؟؟
هلاء في ناس بتسويها بعده اشكال ببندورة بلبن وغيرها
اذا بدك ببندورة وزع عليها شقف لحمة و حط سلسطة البندورة و حطها بالغاز و هيك صحتين وهنا
واذا بالبن حط عليها لبن مع شقف لحمة و بثلاجة و بس تبرد صحتين وهنا

وان شاء الله تزبط معك

ريما الفلسطينيه

11-17-2006, 01:02 PM

ما عندي فكره عن الطبخ

اسفه ما بقدر اساعدك ...

إئتلاف

11-17-2006, 01:11 PM

مممممممممممم ,,,,,,,,,,,,,,,,,,,,,,
شكرا أختي نغوووووووووووووووووم على الوصفة بكرة راح أسويها وبردلك خبرها بس شكلها سهلة بدهاش إشي
يسلمووووووووووو إديكي نغوووووووووم على المكروووونة ويعطيكي ألف عافية وأشكرك على المبادرة الطيبة
................
مشرفتي الغالية ريما مرورك بحد ذاته بكفيني شكرا على المرور ويعطيكي ألف عافية على الرد

نور اليقين

11-17-2006, 01:16 PM

ما شاء الله على بنات المنتدى
شطورات
مش قلتلك هدعيلك يا اخ ائتلاف
ادي نتيجة دعايا معاك
ههههههههههههههههههه

إئتلاف

11-17-2006, 01:22 PM

تسلمي على الدعاء أختي نور اليقين وضلك إدعي إذا بجيب دعاكي نتيجة
ههههههههههه شكرا نور اليقين نورتي الموضوع وبعدين وين طبختك ؟؟؟؟؟
يالله إبعتي طبخة أحسلك أوكييي ,,,,, ههههههههههه
شكرا على المرور

نغوم

11-17-2006, 03:12 PM

صحيحي اخي إئتلاف انسي شي بطبخه هههههههههههه
شقف اللحمه قبل ما تحطها على المعكرونة بتحطها بالمقلايه مع معلقة صغير زيت زيتون و بصل و شوية ملح و بس تستوي بتحطها على المعكرونة

واي اكله بدك اياها ابعتلي اسمها و ببعتلك الوصفة بس ما الي علاقة كله رح يكون على الطريقة النبلسية هههههههههه

فراشة

11-17-2006, 03:28 PM

والله جربتها ..طيب منيح هيك بتشجعنا نكتبلك وصفات ..

طيب نوصفك صنية الكفته ...

جيبلك من السنتر صحن كفته واعملها اصابع وحطها بالصنيه تعت الفرن .. واشويها شوي وبعدين طلعها مش تفحمها اشويها نص شويه .... وبعدين اطع بصل وحط طحينيه ومي واطع طماطم وملح وفلفل وبهارات وارجع حطها بالفرن تاني واعمل حدها رز .... وبالهنا والشفاا

عفكره مو من شطارتي عم اكتب في ايدي خفيه عم بتنألني الوصفه ... يلا جربها واحكيلنا

نور اليقين

11-17-2006, 03:48 PM

هههههههههههههههههه
لا انا شاطرة اقلك الاكل ده حلو و لا لأ
يعني زوئي في الاكل حلو
بس اطبخ
مبعرفش بصراحة
الصراحة راحة
ههههههههههههههههههههه

فراشة

11-17-2006, 03:52 PM

يعني انا اللي بعرف اطبخ يانوور ... بس حرام خطي سالنالو ماما ... وبعدين ناويه اتعلم عشان شكلي حيصيرلي زي ااتلاف ... وسعتها ارجع لوصفاتي اللي كتبتهم لاتلاف اتعلم منهم ....

نغوم

11-17-2006, 03:57 PM

يلا فراشة خلص بعلمك بس طبخات نبلسية

قمر الخليل

11-17-2006, 04:48 PM

هههههههههههههههههههههههههه

ولكم انا بروح وبسأل ماما وباجي اكتب هههههههههههههه مش من شطارتي

طيب رح اوصفلك صينية الدجاج بالتوم

اول شي بتيجب الجاجة وبتنضفها طبعا اوك وبتجهزها على جهة بعدين بتجيب شوية بقدونس وبتبشر عليهم تومة ونتفة كمون وبهارات وابتعصر عليهم ليمون بس كتر ليمون لانو الاكلة كتير بدها ليمون وكتير زاكية فيه

المهم بتجيب الجاج طبعا لا اتشيل الجاد عنووو وبتحشي التتبيلة هادي جوا الجلد طيب ولا اتخلص الحشوة كلها بعدين بتقلي شوية بطاطا اصابع وبتحطهم بالقلاية مع الجاج وبعدين بتحط باقي التتبيلة عليهم واتركها عالنار من نص ساعة لساعة الا ربع وهيي مغطية وكل ما تنشف زودها مي

وبالهنا والشفا ياربي واتضلك دايما كووووووووووووووول هههههههههههههههه

فراشة

11-17-2006, 05:09 PM

هههههههههههههههههههههه كنت بدي اوصفلو اياها قمووره .. وبعدين كلنا بالهوا سواا ..مش من فلاحتنا يعني ..بنروح نسال ماما ... يارب يكون ااتلاف بيستفيد منا ...

إئتلاف

11-17-2006, 11:07 PM

مرحبا نغووووووووووووم شكرا على التنبيه يالله مش مشكلة كويس إني قررت بكرة أسويها وبعدين هاد إلي بدي إياه الوصفات النابلسية هههههههههه
_______________
فراشة طبخة ثانية كمان شكرا إلك بس شكلو هاي أسهل بس كيف أسويهم أصابع ؟؟؟ ما بعرف كيف
وشكرا مرة ثانية إلك ولأمك ويسلمو إديكم غلبناكي
_______________
مممممممم شكرا قموررررة على الطبخة وشكلها تحفة حسويها بعد بعد بعد بكرة لأنو حيكون عندي متحان فما حفضا ههههههه لأنو بكرة مكرووونة شكرا إلك غلبتك معاي يسلمو إديكي مشرفتي العزيزة وأشكرك على إهتمامك وشكرا لأمك كمان ههههههه
_________
نور اليقين شكرا لمرورك الرائع والمميز وزووووئك الحلو
_________
شكرا للجميع والله خجلتوني معكم ومش عارف كيف حردلكم الجميل هاد

قمر الخليل

11-17-2006, 11:18 PM

لا ولا ايهمك عقولة النابلسية كل يوم تعال

هههههههههههههههههههه

الله يسلمك يارب

إئتلاف

11-17-2006, 11:22 PM

والله الله يخليكي بتعرفي أنا من نابلس وبحب الأكل النابلسي
وشكرا مشرفتي قمووورة على الإهتمام والمرور والرد الرائع هههه
_________

أمير الأحزان

11-17-2006, 11:30 PM

لا تمام والله كفو ووفو
من الاخر يعني اشتري جاهز لانو حيطلعو عينك ومش حتستفيد منهم
لا شباب ولا بنات
الله يوفقك يا رب

إئتلاف

11-17-2006, 11:38 PM

ههههههههههههههههه
يسلمو إديك أخوي أمير الأحزان نورت الموضوع
شكرا لمرورك حبيب ألبي .....

عسولة الأقصى

11-18-2006, 09:42 AM

عاااااااااااااااااااال..العاااااااا اااااااال..شو رأيك أجيبلك زعترات ستي..و ملوخيات خالتي..
لأ بمزح..
بس بما انك عزابي..روح اشتريلك كيلو بندورة..
و ربع كيلو لحمة مفرومة..
و بصلتين..
و بيضتين..
و كيلو بطاطا..
و هيك فيك تطبخ ثلاث طبخات ( أو وجبات يعني أكل على كل حال)
الطبخة الأولى:
أول شي قطع بصلة (الله بيعينك) ..
و حطها في (الطنجرة) مع شوية زيت قلي..
و حركهم منيح..لحد ما يبدا البصل يدبل و يصير لونو نحاسي..
و بعدين حط عليه اللحمة و وطي الغاز..
حط عليها بهارات زي الفلفل الأسود و ملح ..و لا تنسى تحركها منيح مع البصل..
و غطي الطنجرة..و اصبر عليها عشر دقايق..و دوق اللحمة استوت و لا لأ..
هلأ المفرض انك تكون قطعت شي أربع أو خمس حبات بندورة على شكل مربعات ..لما كانت اللحمة على النار..
اذا استوت اللحمة حط عليها البندورة و غطي الطنجرة..و لما تصير البندورة زي الشوربة.. يعني الطبخة استوت..
و هاي الطبخة أنا كتييير بحبها و انت ان شاء الله بتحبها..
(اسمها بندورة و لحمة) .. أكيد بتعرف..
هه هه هه هه هه هه هه هه هه هه هخ.....
لسه..
.
.
.
.
.
.
.
.
.

عسولة الأقصى

11-18-2006, 10:01 AM

انا بحكيلك انو هدول مش طبخات(مش "زفر" يعني).. بس لما تكون جوعان اعملهم ..بسرعة بيخلصو..
الوجبة التانية..
(بطاطا و بيض)
أكيد بتعرف تعملها.. نسيت أسألك ازا بتتقبل البصل في الطبيخ ولا لأ.؟؟؟؟؟.
المهم ..قطع البطاطا زي السلطة بس أكبر شوي..و انقعها بمي و شوية ملح..لمدة خمس دقايق..
و في هالوقت حط الزيت على النار ..و خليه يحمى شوي بس..
و اقلي البطاطا.. بس لا تخليها تستوي منيح ..و طلعها.. و اصبرعليها شي دقيقتين لتبرد..و بهالدقيقتين
اخفق شي بيضتين في صحن على جنب..
هلأ رجع البطاطا علي النار و خليها حتى يصير لو نها دهبي(مش أسود.. تروح تحرقها و تخرب الطبخة..هه هه)
في طنجرة على جنب حط بصلة و "حوسها" مع شوية زيت..ليصير لو نها دهبي..و بعدين حط عليها البطاطا و حركهم منيح....حط عليهم البيضتين و حركهم لحد ما يستوي البيض..
ويعطيك العافية .. و صحة و هنا ..
اسمع..سووووووووري .. لازم أروح عندي محاضرة..
انشاء الله بعدين بكتبلك و صفاتي الشهية..هه هه هه هه هه هه..

قسامي غزة

11-18-2006, 11:42 AM

اسمع اقلك
انا كنت ساكن في فترة في شقة لوحدي مش لوحدي يعني قصدي كلنا شباب وما حد بعرف يعمل طبيخ طبعا هادد الكلام في فترة من فترات الدراسة
مالاك الا تعمل مثلي انك لوحدك تتعلم
انا خليت اختي تكتبلي اكم طبخة علي الدفتر وكنت اعملهم بس بعد فترة صرت اعمل معظم الطبيخ بدون مساعدة احد
الطبيخ سهل بس المشكلة كيف الطعم يكون
هههههههههههههههه
بجنن
بعدين شكل البنات الي هان ما بيعرفوا يطبخوا
بس بعرفوا يقعدوا علي النت بس

abo_wesam

11-18-2006, 12:06 PM

مـــــــــــــــــشــــــــــــكـــ ــــــــــــــو و و و و و و و و ر

نسيم الروح

11-18-2006, 12:44 PM

اول شي حد بطلع من عند امه وهو ما بيعرف يعمل شي ياكله
والله انك نهفه بس بسيطه في اكله انا من اول ما طلعت من عندها وانا بعملها وكتييييييير طيبه
وهي عبارة عن معكرونه صيني بس ما تقول لحد اني ما بعرف اعمل غيرها
ههههههههههه
بدك تعملها جيب فليفله حلوة وملونه وجزر بالتلت الون وجيب بهارات حارة
وبتجيب فطر مقطع اريحلك ومعكرونه طبعا لا تنساها
هههههههههههههه
تكون حلزونية وبتاطع بندورة حمرة بس حبتين او تلاته بالكتير وبتجيب صويا صوص بس ما بتحطها معه على النار ما بيسير
بعدين بتجيب جاج مسحب ازا بدك يعني مو شرط وبتاطعه مكعبات صغيرة وبتالبهم على النار طبعا مع شوية ملح ورشت فلفل اسود مو تكتر لانه بتخربه
وبعدين بتاطع بصله وبتقلبها على النار مع شويه زيت بس لا تنساها بس تشار شيلها عن النار وبتكون مقطع الفلفل الحلو كله بتحطه على البصل وبس تحس انه ستوى بتحط الجزر بعد ما تقطعه وبضل واقف عنده لحتى ما يحترق بعرفكم انتوا الشباب بتغيبوا وبتنسوا وبس ترجعوا بتقولوا يا ريت ما بعدنا
هههههههههههه
بعدين اغلي مي وحط فيها ملعة ملح كبيرة وزيت وبس تألب حط المعكرونه بس اصحك تغسلها قبل ما تنسلق بتخرب
هههههههههههههههه اسال مجرب
وبس تحس انها ستوت شيلها وكب المي وغسلها تركها
لحد ما تستوي الخلطة الي ما تنسى تحط فيها البندورة وملح وبها بحرق اطيب
وبعد ما تحط المعكرونه عليهم بتتركهم شوي بعد ما تالبهم بس 10 دقايق لربع ساعة وبعدين بس تسكم حط الصويا بتعطي نكهة وبس
وصح وعافية وبس تعملها وتكون زابطة ابعتلي صحن
هههههههههههههههههه
على فكرة انا ما بعرف اعمل غيرها هي والبشمل فدير بالك وانت بتطبخ ازا خربت بتكون ما بتعرف مع انه كتاب ابله حنين قدامك
ههههههههههههههه
سعيدة بقى

haya

11-18-2006, 12:52 PM

ما الــــــــــــــك الا معكرونه انــــــــــــــــدومــــــــي كتيييييير طيبه بتلائيها باي سوبر ماركت وادعيلي
على فكره ما بدها شطااره طريقه عملها موجود عليها وصحه وعاافيه

نغوم

11-18-2006, 01:58 PM

و هي بستنى تقلي شو اخبار المعكرونة معك اليوم

قمر الخليل

11-18-2006, 02:01 PM

هههههههههههههههههههههههههههههه ههه

الله يعينك اكتب اكتب كل يوم رح توكل اشي شكل مين قدك

ههههههههههههههههههه

طيب انا بدي وصفة الكنافة النابلسية اموووووووووووووت واكلها

فراشة

11-18-2006, 02:04 PM

طيب يا قسامي ... مالك علينا مهينا اعدين بنوصف فيه .. الله يسامحك ...

بس تخلص ائتلاف الوصفات اللي عندك بنرجع نكملك واه صح الكفته ما بتعرف كيف تعملها اصابع .... اسمع بايدك اعملها اصابع او كورها بس حتت صغيره ... وسلام

haya

11-18-2006, 02:14 PM

شو هادا بجد يا ائتلاف الله بعتلك بنات منتدى غير شكل بطبخوا مزبووط وااااو انا عم بتعلم منهم يسلمو على الوصفات

إئتلاف

11-18-2006, 03:07 PM

وااااااااااو عسولة الأقصى شكرا على الطبخات والله إنو بنات المنتدى بيرفعو الراس طلعو معدلات والله
عسولة الأقصى تابعي الموضوع وححكيلك خبر طبخاتك هههههههههه
_________________
مرحبا قسامي بس لا خواتي ولا أمي ولا أحد من الشباب عندي وحكيك صح بس شو بدك تسوي شوي شوي منتعلم شكرا على مرورك حبي ....
__________________
نسيم الروح بجد أكلة كوووووول واليوم سويت زيها أو قريبة منها (( تبعت نغووووم )) ههههه وكانت طيبه
بس ححاول أسوي تبعتك كمان ههههههه شكرا كتير إلك نسيم الروح غلبتك معاي شكرا ...
_________________
أبو وسام شكرا على مرورك المميز نورت ...
____________
هيا هاي والله هاي نورتي الموضوع أما بالنسبة للأندومي فأنا معلم أندومي طفشتها من كثر ما سويتها شكرا إلك هيوووش .....
___________
أوووووو نغووووووم والله دعيتلك اليوم لقلت بس مكرووونة على كيف كيفك صح طلعت مالحة شوي بس لزيزة
وعلى فكرة صورتلك إياها وححاول أنزلها على الموضوع اليوم هههههههه حتى شكلها تحفة والله يا نغووووم
إنك روووعة ههههه شكرا كتير لإلك غلبتك معاي
____________
قمووورة هاي ومرحبا والله نورتي الموضوع مش مشكلة منكتب أما الكنافة فعندي ححاول أجبلك إياها ولا يهمك
بدنا خدمة هههههه شكرا إلك مشرفتي الروووعة قمووورة ....
___________
مراحب أختي فراشة ما عليكي من قسامي خليه على جنب والكفتة حسويها يعني حسويها وبنات المنتدى كلهم معدلات ويسلمووو إديكي وأول ما أسوي الكفتة بحكيلك ههههههه
________
شكرا للجميع خجلتوني والله ههههه

نغوم

11-18-2006, 04:23 PM

صحه وهنا
طيب اش بتحب اليوم اكتبلك وصفة اكله؟؟؟؟

احلى رورو

11-18-2006, 05:53 PM

هههههههههههههههه

انا بعرف اعمل نسكافيه

راح احكيلك كيف هههههههههههههه

بتغلي حليب عالنااار وبعدين بتحطو بكاسة وبتحط سكر ونسكافيه

وهاااااي ازكى اشي من احلى رورو

^_^ بس والله جد ما بعرف اقلي بيضة يعني سووري مش راح افيدك بخاف احكيلك عن طبخات تطلع غلط واتحمل انا خطيتها ههههههههههههههههههههههه

نور اليقين

11-18-2006, 05:58 PM

بعدين شكل البنات الي هان ما بيعرفوا يطبخوا
بس بعرفوا يقعدوا علي النت بس

انت متحول للتحقيق اخ قسامي غزة
بتهمة القدف العلني
و اهانة عضوات اتناء جلوسهم عالنت لمزاولة المهام المنوطة بيهم كعضوات في منتدى شباب فلسطين
من كتابة مواضيع و كتابة ردود و تصفح كل اقسام المنتدى
من حقك توكل محامي عنك
انتهى الكلام

منار إبراهيم

11-18-2006, 05:59 PM

والله ما اعرف حاجه كنت قلت لك بس انا برده مليش فى الطبخ ده

بس باكل

نور اليقين

11-18-2006, 06:01 PM

يعني انا اللي بعرف اطبخ يانوور
طمنتيني
هههههههههههههه

إئتلاف

11-18-2006, 11:04 PM

مرحبا نغوووووم والله حاولت أنزل الصورة ما رضية تنزل ليش ما بعرف علموووني كيف
______________________
أحلى رورو أحلى كاسة نسكافيه شكرا ويعطيكي العافية مرورك بكفي شكرا إلك
_____________________
منار إبراهيم شكرا نورتي الموضوع مجرد مرورك بكفي يعطيكي 100000 عافية ويسلمو إديكي على الرد
______________________
نور اليقين لازم تسوي طوشة بكل موضوع خلص ما انا دافعت عنكم هههههههه شكرا إلك نورتي الموضوع
وردردك أسعدتني شكرا جزيلا

dody

11-18-2006, 11:25 PM

ولك ما بدها اشتري مكعب ماجي بكون مكتوب عليها وصفة اطبخها ولا ايش ...؟؟؟

هههههههه

او اشتري اندومي ولا شوربة ماجي

إئتلاف

11-18-2006, 11:34 PM

هههههههههههههههههه شكرا أختي دودي بس إنا بدي أتعلم طبخاتنا إحنا أهل فلسطين
وشكرا على مرورك المميز والروووعة

نغوم

11-19-2006, 04:47 PM

السلاااااااااااااااااااااااام عليكم

إئتلاف في هاد الموقع بتنزل منه الصورة على الانترنت من جهازك
http://www.0zz0.com/index.php?pz=69071

Twin

11-19-2006, 06:29 PM

هههههه ما شالله والله واختي شاطره بالطبخ هههههههههههههه والله يا فراشه ،، طيب يختي اتشطري وورينا مواهبك بالبيت بدل ما انتي بتعرفيش تعملي سلطه .. ههههه ائتلاف بتعرف تعمل سلطه و لا اخلي فراشه تعلمك

احلى رورو

11-19-2006, 06:37 PM

انا ما بعرررررررف :) توين

- أبوالوليد

11-19-2006, 06:55 PM

اسمع بدك أسهل طبخة :
أنا زيك مهندس ولحالي مستأجر بعيد عن الأهل

- أسهل طبخة تخلط زعتر وزيت هههههههههههههه
- ياأخي طق بيضة وإزا ما ابتكفي تنتين ياأخي
- أقولك ايش تعمل عن جد أنا بحبها بس مش عارف كيف انت تشوفها :

اسمها طبخة أبوالوليد
وكوناتها شوية بنادورة وبصل مقطع وشوية كفتة لحمة (لحمة مخروطة ) وقرن فلفل
وشوية زيت ........ وقلاية وشوية ملح --- وإزا بتحب الحداق شوية لمون

أول حاجة تحط الزيت في القلاية وتولع عليها الغاز
بعد مايحمى الزيت حط البص المقطع على الزيت
قلب البصل لحتي يبدا يصير لون البصل شفاف بتحط الكفتة وقرن الفلفل وشوية ملح
طبعا لحتي تستوي الكفتة حط البنادورة المقطعة فوق الأبصر شو اسمو وشوية ملح واللمون ازا بتحب
وقلبه شوية وبعدين غطي القلاية وسيبه لحتي يستوي

دوق وصحتين وعافية ----------- تنساش انو أنا شب مش بنت
يعني لو ما عجبتك أنا هاي امكانياتي
بس حابيت أشارك

وتقبل تحياتي

- أبوالوليد

11-19-2006, 06:58 PM

وين البنات ما بشاركو
شو كل البنات هيك
يعني بدي بكرة أتجوز وحدة ماتعرف تطبخ
وليش أنا جايبها
بديش اتجوز في هالزمن
بدي القرن الجاي يمكن يكونو أحسن
ههههههههههههههههههه

وتقبلو تحياتي

نغوم

11-19-2006, 09:15 PM

شو يا ابو الوليد البنات بس لبطبخ؟؟؟؟ليش الواحد بتجوز عشان الاكل هههههه

إئتلاف

11-20-2006, 10:13 AM

http://www.files.shabab.ps/vb/imagestore/1/8285.imgcache.jpg
بهدي طريقة عمل الكنافة لمشرفتي قمر الخليل أول هههههه
: المكونات

100جم سمن بلدى

500جم كنافة شعر طازجة

500جم قشدة حليب طازجة

100جم فسدق مفرى و محمص

250جم شربات معقود

,,,,,,,,,,,,,,,,,,,,,,,,,,,,,

:خطوات العمل

يوضع السمن فى وعاء عميق على النار ثم يضاف اليه الكنافة ويقلب تقليب دائم حتى تحمر

الكنافة ونحذر من ان تحرق

وبعد توضع داخل مصفاه حتى تتخلص من السمن الزاد ان وجد

يضاف عليها الشربات المعقود ويقلب جيدا

,,,,,,,,,,,,,,,,,,,,,,,,,,,,,
:الديكور

تقسم كمية الكنافة الى نصفين يوضع النصف الاول فى طبق مناسب للكمية ويفرد عليها القشدة

بالتساوى ثم يفرد النصف

الثانى ثم يرش عليها الفسدق المفرى وقليل من الشربات المتبقى

وتقدم بالهناء والشفاء
,,,,,,,,,,,,,,,,,,,,,,,,,,,,,,,,
هاي طريقة عمل الكنافة غشيتلك إياها من النت ههههههه :icon11: :icon11:
بهديها لقمووورة ولكل أعضاء المنتدى وشكرا هههههه

إئتلاف

11-20-2006, 10:23 AM

مرحبا نغووووم أنا هلا بالجامعة لما أروووح على البيت ببعتلك الصورة وشكرا على إهتمامك ومروورك المميز والرائع ................ شكرا
,,,,,,,,,,,,,,,,,,,,,,,,,
توين هاي نورتي الموضوع والله شكرا على ردك أما السلطة بدهاش شي سهلة إنشاء الله خلي فراشة ترتاح ههههههه شكرا على مروورك ويسلمو إديكي على الرد توين .........
,,,,,,,,,,,,,,,,,,,,,,
يا سلام عليك يا أبو الوليد والله إنك معدل شو هالوصفات هاي هههههه يعطيك ألف عافية وشكرا على طبخة
أبو الوليد الكوووول كتير هههههه يسلمو إديك حبيبي وشو ما طلعت الطبخة حلوة منك لأنك شب ههههههه
وبعدين حرااام عليك أبو الوليد والله البنات ما قصروووو سووو إلي عليهم وخجلوني معهم من مكرونا على كفتة على ماجي على نسكافيه وووووو لو بدي أعد ما بخلص وبعدين مرورهم بكفيني هههههه وبعدين تخفش تزوج أحسلك بناتنا مافي منهم هههههه هلأ ما بتطبخ بعدين بتسير تطبخ وبعدين أنتا متزوجها عشان أكلها هههه مش كل إشي الأكل أخوي صح كلام نغوووم ........... وشكرا
,,,,,,,,,,,,,,,,,,,,,,,,
أحلى رورو شكرا على الرد ومرورك الحلو والمميز ههههه

abo_wesam

11-20-2006, 10:25 AM

شكرا على الموضوع الجميل ده

http://www.3rbcard.com/card/kl-alq9ayd.gif

إئتلاف

11-20-2006, 10:35 AM

الله يسلمك حبيبي على المرور الأجمل ده يعطيك 10000 عافية

abo_wesam

11-20-2006, 10:39 AM

شكرا على الموضوع

http://www.3rbcard.com/card/kl-alq9ayd.gif

إئتلاف

11-20-2006, 10:43 AM

العفو مرة ثانية أخوي وشكرا على المرور

نغوم

11-20-2006, 08:41 PM

السلام عليكم
إئتلاف اليوم جبتلك اكله فلاحيه
وسهلة على الطلاب بس ان شاء الله تكون بتحب المجدره

المهم
المقادير
قديش انت بحاجة يعني كاسة عدس و كاسة رز بدك اكتر 2 كاس 2كاس رز
و ملح و كون و فلفل اسمر و بصل اذا بتحب

الطريقة بتصلق العدس يعني بتحط عليه مي وحد ما تنشف المي ويستوي
و بعدها بتحط معلقة صغير ملح و كمون و فلفل اسمر و اذا حتيط كاسة عدس حط كاسة وربع ماء و خلي بس يغلي حط الرز و ستنى تيستوي وصحتين وهنا
و طبعا اذا بتحب اضيفه بصل اول شي بتقليه في المقلاة و بضيفة على المجدرة

و صحتين وهنا

لولو اليبناوية

11-20-2006, 09:04 PM

مرحبا اخي ائتلاف...
هاد نوع من الحلويات...
عبارة عن فطيرة بالقرفة...
ومعها صوص جبنة او شوكولاه...
روووعة صراحة ازا ابتعرفو اسمو (سينابون)
انا دايما بعملو...
ونزلت طريقتو بمنتدى حوا قبل فترى ..وهي الرابط

http://www.shabab.ps/vb/showthread.php?p=269723#post269723

بس دير بالك... بدو شطارة
:showoff:

قمر الخليل

11-20-2006, 11:09 PM

إئتلاف

11-21-2006, 02:53 PM

http://www.files.shabab.ps/vb/imagestore/1/8387.imgcache.jpg
هاي صووورة المكروووونة نغووووووم ههههههه
شو رايكم في طبعا تعليمات نغووووم هاي
شكرا أكلتها كلها ههههههه

إئتلاف

11-21-2006, 03:00 PM

أهلا نغوووم طبخة جديدة كمان لا هييك بتخجليني ههههههه شكرا إلك ونشاالله تزبط زي المكرووونة شكرا على المجدرة أختي نغوووم هههههههه ,,,,,,,,,د
,,,,,,,,,,,,,,,,,,,,
أنا صاحب السينابوووون هههه كل يوم بشتري وحدة من محل سينابووون بعينه على العموم مش غلط نتعلم وخلي بنات المنتدى كمان يتعلمو هههههه شكرا إلك لولو والله إنك جيتي على الوجع شكرا ويسلمو إديكي على السينابوون وشكلو بشهي ههههه
,,,,,,,,,,,,,,,,,
واو مشرفتي قموووررة مرحبا هاي هي النابلسية أتوقع هههه بس كيف وأنا معك هههههه جبتها شايفة أما من إدي فهاي صعبة شوي هههههه خلينا هلا على الخفيف والله يسلمك وشكرا على الرد المميز و الرائع إلي بجد أسعدني يعطيكي 1000000 عافية ....شكرا
,,,,,,,,,,,,,,
أرجو المعذرة على تأخر ردودي لأنو عندي متحانات وشكرا للجميع

إئتلاف

11-21-2006, 03:27 PM

أه صحيح بنات أنا من مجانين البيتزا فممكن أغلبكم طريقة عملها
وشكرا للجميع

Twin

11-21-2006, 03:54 PM

ههههههههههههههههههههه والله روعه هل وصفات .. نغوووم كان نفسي اجرب المجدره نحنا ما بنعملها بنعمل الكشري .. بس خلص را نجربها ان شالله ..والله ئتلاف كنت من الاول بدي اكتبلك البيتزا بس صعبه عليك ...

قمر الخليل

11-21-2006, 04:09 PM

نععععععععععم

توينو شو كشري

انتو مصريين؟؟

بحس الغزاويين كتير قريبين من اكلات المصريين وكلامهم

ههههههههههههههههههههههه

يسلمو خيي ائتلاف على هالرد الحلو

وان شالله بجربها وبصورلكم اياها كمان

ههههههههههههههههه

بس لاخلص انا التانية امتحانات

وان شالله بجيبلك وصفات كمان وكمان

Twin

11-21-2006, 04:35 PM

طيب تنيلي انتي شو جابنا للمصريين .. بعدين بحكيلك الئصه (-:
بجد ائتلاف عندك عزيمه ما شالله عليك شكل الاكله بيشهيي .. يا هيك الشباب يا بلا ...

إئتلاف

11-22-2006, 09:24 AM

مرحبا مشرفتي قموووورة وأشكرك على الرد الرائع والمميز ومرورك الكوووول هاد ههههههههه فشكرا وشكرا
هاي توين نورتي الموضوع والله وأشكرك على إهتمامك وبعدين هاتي وصفة البيتزا مش مشكلة حتى لو كانت صعبة ......................... شكرا

إئتلاف

11-24-2006, 09:18 PM

بنات طريقة عمل البيتزا بلاش هس أبدا أخبص ههههههههههه
لو سمحتو يعني

Twin

11-24-2006, 09:28 PM

اول شي اخى بتعجن العجينة وعبارة عن 3كوب طحين ونص معلقة صغيرة ملح + نص معلئة صغيرة خميرة+نصف كوب زيت قلي+بيضة+معلئتين حليب+ زرة سكر وتعجنهم مع بعض حتى تصبح عجينة طرية ... وتسيبها ترتاح ساعة ..
هاى العجينى ---------------------

هلا الخلطة يلي فوء اسمعني منيح وافتح ودانك كويس

بعد ماتخمر افردها في صنية الفرن واخرمها بلشوكة كم خرمة....
رش عليها شوية زعتر
افرم بصلة صغيرة وحبة طماطم ومعلئة صلصة وشوية ملح وفلفل اسود واخلطهم كويس وافردهم على العجينة..

رش شوية زيتون مقطع ابيض واسود..
رش عليها نقانق مقطعة او مرتدلا مقطعة..
واذا في مشروم رش برضووو..
وقطع فليفلة حلئات ورصها عليها ..
دخلها الفرن لبيل تستوى من تحت وفوء..
رش الجبنة الموزارلا عليها الي بتسيح وسيبها لبيل تسيح بس اوعه تحمر بتخرب الجبنة خليك شاطر وبيض وشي..
وصحتين على البك... وصورها نشوفها..

مع تحيات ام توين ..

إئتلاف

11-24-2006, 09:34 PM

واااو شكرا أختي توين على وصفة البيتزا ماشاء الله على السريع جبتيها هههههه شكرا إلك ولإمك توين
ونشاء الله بكرة أو بعدوو بتكون الصورة نازلة بالموضوع ولا تزعلي توووين هههههه شكرا كتييير
يعطيكي 1000000 عافية ويسلمو إديكي ..............

Twin

11-24-2006, 09:46 PM

ههههههههه ولوو هادا واجبنا .. بس شفت طلبك .. جبت ماما واعدتها حكتلها اكتبيلووو الوصفه حرام ...

إئتلاف

11-24-2006, 09:49 PM

ههههههههههههههههه ... شكرا إلك توين والله ماقصرتي لا أنتي ولا أمك والله خجلتيني بس على الله تزبط معي
ويعطيكي ألف صحة وعافية ويسلمووو إديكي وإدين أمك يارب ..
شكرا بمعنى كلمة شكرا توين هههههه

إئتلاف

12-12-2006, 09:38 PM

مرحبا مشرفتي هلا توين ومبرووووك صرتي مشرفة هههههه يالله عقبال الأعلى
المهم سويت البتزا طلعت خبيصة على كيف كيفك خبصت الدنيا كلها
فستحيت أصورها وكبيت كل إشي لأنو شكلها كان بقرف هههههههه
وسويت بدالها دجاج فيليه زبط معي وصورتو كمان شوي ببعتها هههه
......
شكرا وأعتذر عن تأخر الرد
بسبب حادث بسيط بالسيارة هههههه