تسجيل الدخول

مشاهدة النسخة كاملة : الحب الغير مشروع....شو بالنسبة الك؟؟؟

لولو اليبناوية
11-10-2006, 02:26 PM
حبيت افتح موضوع ....الحبيب او الحبيبة
للاسف هالايام مابتلاقو شب ما الو حبيبة...
او بنت ما الها حبيب.....
...الا نااااادر جدا ....
...وطبعا هاد الحب غير مشروع...
..وباعتقادهم انهم راح بجنو من هالحب:
...بايجادهم لشريك العمر او شريكة العمر المثالي...
...او يلهو وقتهم .... ويتسلو....
...وهون الخسارة اكبر...::
...في... السمعة سواء للشب او للبنت...
...ضياع الوقت بشي لا بقدم ولا باخر...
...وبالاخير...
...الجواز قسمة ونصيب...
...يعني حبينا ولا ما حبينا...
...وموتنا حالنا...
...غير نصيبنا ما بناخد...
شو رايكم.. بهالحب؟؟؟؟؟؟
...........
:icon9: :icon9:
خيـرَ أُمـة
11-10-2006, 03:08 PM
حبيت افتح موضوع ....الحبيب او الحبيبة
للاسف هالايام مابتلاقو شب ما الو حبيبة...
او بنت ما الها حبيب.....
...الا نااااادر جدا ....
...وطبعا هاد الحب غير مشروع...
..وباعتقادهم انهم راح بجنو من هالحب:
...بايجادهم لشريك العمر او شريكة العمر المثالي...
...او يلهو وقتهم .... ويتسلو....
...وهون الخسارة اكبر...::
...في... السمعة سواء للشب او للبنت...
...ضياع الوقت بشي لا بقدم ولا باخر...
...وبالاخير...
...الجواز قسمة ونصيب...
...يعني حبينا ولا ما حبينا...
...وموتنا حالنا...
...غير نصيبنا ما بناخد...
شو رايكم.. بهالحب؟؟؟؟؟؟
...........
:icon9: :icon9:

لولو انت بتعرفي نظرتي لهاد الموضوع .. كتبتها في المنتدى بيجي 100 مرة هههه ...

بس بالنسبة لطلاب الجامعة والله كنت اشفق عليهم ايام الجامعة.. وكنت اشوفهم ببكو دم مش دموع ..

الله يهدي الجميع ...
احلى رورو
11-10-2006, 04:38 PM
اولا هادا الحب مش مشروع شرعاا

تاني اشي هادا الحب تضيعة للوقت سواء للبنت او للشاب

تالت اشي مش راح يطلع من هادا الحب الا الكره والمصايب

ونادرا ما بتنجح قصص الحب وبتوصل اازواج

رابعا البنت والشاب راح يخسرو سمعتهم

وانا من نظري كلو الحب غلط بغلط بين البنت والشاب الا ازا كان حب مشروع ما بعد الزواج

يسلمووو حبيبتي
قسامي غزة
11-11-2006, 08:20 AM
صحيح كلامك والله يا لولو
هدا الحب الغير مشروع والحرام طبعا
بس يا اختي هاد سببه قلة الدين والبعد عن الاسلام
والشيطان هاد هيه شغلانته انوا يزين الحرام بالحلال وكتير من الشباب الي يعصوا ربنا
نسال الله لنا ولكم الستر في الدنيا والاخرة
وربنا يعغنينا بحلاله عن حرامه
مشكورة اختي
- أبوالوليد
11-11-2006, 08:34 AM
بس أنا أحب فلسطين وهادا اسم مؤنث شو رأيكو ياجماعة

ههههههههههههههه فلسطين بلدي وأمي ومحبوبتي وعشق قلبي

مش تفكروها بنت بعدين

أنا بحييكي أختي عالموضوع الحلو ............. بس يعني يالي شاركو بإنو حرام ما حدا بحب

طب بتحداهم ...........ههههههههههههههه
نور اليقين
11-12-2006, 01:11 AM
انا من راي ابو الوليد
كلامكم جميل جدا
متالي و على صواب
بس مش يا ترى ده كلام و مطبق على ارض الواقع ؟
مضنش
بكل بساطة عشان اللي قال الكلام ده عقلكم و اللي ادا اشرات لايديكم و صوابعكم عشان تطبعو
بردو عقلكم
بس اساس الموضوع و لبو
مش عقلكم اللي بيحكم فيه و لا بيقرر فيه
ده قلبكم
قلبكم اللي بيقلكو حبو ده او متحبوهوش
و قلبكم اللي بيديكم اشارات لدماغكم عشان تفكرو في ده او متفكروش
ده مش عيب
العيب انكم تكشفو اوراقكم و تبتدو تدو هنا للشيطان فرصة انو يتدخل بينكم
بس لو كل واحد حب و قفل على الحب ده في قلبو
ده لا عيب و لا حرام
الحرام اللي بييجي بعد المصارحة من كلام رقيق لكلام جريء لقلة ادب
يمكن قلة الادب مش كلام خليع بس كلام مبيتقلش
يا ريت فكرتي تكون وصلتلكو
و مشكووووووووووووور عالموضوع قسامي غزة
نور اليقين
11-12-2006, 01:14 AM
اه نسيت اقول
انا كمان بتحداهم يا ابو الوليد
بيســان
11-12-2006, 04:58 AM
حوار مميز عزيزتي لــولو

خليني اعطيكِ رأيي فيهـ

بالبداية الحب شي مهم واساسي في الدنيا

والحب ما باخد اذن صاحبه قبل ما يدق بابــه

بنلقى حالنا بنحب وبس بدونــ سبب وبدون مبرر

والحب احساس حلـــو .. حرام نحرم نفسنا منــهـ ...

هلأ بالنسبة لعلاقـــات الشباب والصبايــا ..

انا برفض تعميم الكذب والخداع فيهــا .. في بعضها بكونــ صادقـ

وبغرض الزواج ... وصارت وبتصير كتير بهــالدنيــا ..

مش غلط انهـ الانســــان يدور على شريك حياتهـ .. ومش غلط يحب وينحب ويحس بكينونتــهـ

بشرط انهـ ما يتعدى حدوده بهالحب .. وما ( يصيع ) بحجة الحب والارتبــــــــــاط ..

انا شخصياً ضد علاقات الشباب بالبنات اللي بلا هدف وبلا داعي واللي تندرج تحت مسمى الصداقـة

بس مش ضد علاقات الحب اللي رح يؤدي الى الارتبـــــاط والزواج ...

وبس هيك ...

كلــ الود لولو
.:.!دموع الرحيل!.:.
11-12-2006, 10:17 AM
الحب نفسو مش غلط ولا حرام

بس الحرمة في بتصير لما يستخدم بمعصية رب العالمين

وبالطريق غير الي رسمها اله رب العالمين

وفعلا متل ما حكتو نور اليقين وبيسان أنه الواحد مش بإرادتو بيحب او لا

بس كمان يا صبايا

الواحد يا بيفتح لنفسو المجال يا اما بسكر على هالموضوع من الأساس

والحب في اله مقدمات ..

مش يعني رح يصحى الواحد فجأة يلاقي حاله بحب

وهو ما معه خبر شي

وهاي المقدمات هي بحد ذاتها معاصي رب العالمين

حذرنا منها ....

وأولها النظر

لو ما تطلع فيها واتطلعت فيه ..

ما كان بدا الإعجاب كأول خطوة ..

ومنعرف انه رب العالمين أمرنا بغض النظر

لذلك الموضوع باطل من اوله

وبعد التظرة رح بيجي السلام والكلام

وطالما في اعجاب بيناتهم

ما رح يكون كلام عادي

ورح تتحرك مشاعر الطرفين

وبكل كلمة خارجه عن حدود الشرع فيها إثم ومعصية

يعني صحيح الواحد ما بإيدو يحب والحب بالقلب ولا إرادي

ومش بالعقل بس ...نحن الي منكون فتحنا البااااب من الأول

وسمحنا لهالحب يدخل قلبنا ...

من الخطوة الأولى الي هي بحد ذاتها محرمة ...



بس مش ضد علاقات الحب اللي رح يؤدي الى الارتبـــــاط والزواج ...

ويا بيسو حبيبتي

بتضل علاقة لو شو ماكان الهدف تاعينها

اي كلمة حكوها بوقتها ،، اي نظرة ،، اي طلعة سوا

حرام حرام حرام

وبعدين ما حدا بيعرف النصيب..

طالما انه هو لسى ما دق بيت أهلها معناه انو العلاقة لسى سطحيه جداً

ومجهولة المصير

ومسأله انو رح تؤدي الى الإرتباط

مش كلام أكيد

يمكن يبنو علاقه مع بعض وبالأخير لا هي تكون اله ولا هو الها

وهيك رح بتكون خدشت حيائها

والتنين عصوا ربهم باقل حركة صارت بيناتهم حتى النظرة ...

ومساوئ الحب قبل الزواج كتيرة

ونسبة بسيطة جداً من العلاقات الي قبل الزواج

بتأدي للزواج

أغلبو بيكون نتيجتو الإنفصال

وياما بعد ما يتزوجوا بيلاقو انهم مش مناسبين لبعض

الحب بهاي الطريقه

يؤدي إلى معصية فمعصية فمعصية

لذلك الأوجب علينا الإبتعاد عن هالأمر كله من الأول

وما نفتح لنفسنا الباب ابداً

بإنو لو حسينا مشاعرنا مالت بوقت من الأوقات

نحاول قدر الإمكان الإبتعاد عن هالمكان الي موجود في الشخص التاني

او تجنب اللقاء قدر الإمكان

لأنه نحن بالنهايه الإنسان كتلة مشاعر

وهو الي لازم يعرف كيف يحافظ على نفسو ويبعدها عن هيك معاصي

أسفه عالـإطاله

يعطيكم العافيه

ومشكورة لولوووووو
نسيم الروح
11-12-2006, 10:45 AM
انا من راي بيسان
اكيد الحب شي كتير حلو وبالنسبة للفلاسفة والشعراءبقولولك: "من لم يحب فلم يسعد او فقد نصف عمره"
وانا بصراحة مع الحب بس بحدود لانه ازا تعدى الحدود وقتها بسير غير مشروع
وميرسي الك رورو على طرح الموضوع الحلو
لولو اليبناوية
11-12-2006, 03:20 PM
يسلموو كلكم اغزائي للمرور
وبحي دموع الرحيل الي كفت ووفت في التعبير عن رايي
...
نور اليقين
11-12-2006, 03:33 PM
عايزين راي شباب
البنات اتكلمو كتير و كلامهم كان مختلف من حيت التعبير بس الراي واحد
دور الشباب جه
يتفضلو مشكورين
ههههههه
Abu Shadi
11-12-2006, 03:47 PM
حب ايه الي انتا جاي تقول عليه
انتا عارف معنى الحب ايه
هههههههههههههههه
والله انكم غلابه قال حب وقال صداقه وقال دنيا والكل خايف يموت ههههههههههه
ضحكتوني الدنيا مجرد كزبة وضحكة وانتو كلكم تايهين فيها الي مش تايه الي بس بنظر وبتمنا وبتعبد لله عز وجل
يعني كلام الدنيا كلو مجرد حكي وبطير
خيـرَ أُمـة
11-12-2006, 04:08 PM
مدام الموضوع طول ... وصار في حكي
اسمحولي

وتعـالو نتفـاهم

دائما لمـا أكتب وجهة نظري في الحب ولا حدا برد علي كلامي أو بحاول يقنعني بنظرتو
وأنـا واثق انو السبب انو ما بدو يقتنـع
اللـه يهدي الجمـيع

لكـن كلمة حق وحنسـأل عنها يوم القيامة


نعم في شيء اسمو حب

لكـن ديـنا وظفو في مكـانو الصح .. وهوي الحب في اللـه
حتى الكـره الي هوي نقيض الحب أمرنـا ديـنا ان نكره في الله

لكــن توظيف الحب في مكـانو الخطـأ بيـن الشـباب فهذا ابدا مـا كان من دينا..
هذا من دين المسلسلات العربية والأجنبية
بـأيا طرقة بدهم يقنعو الشب أو البنت انو لازم تحب واتحبي

وانو الي مـا بحب أو ما الو حبيب فهوي مش عـايش
وللأسف وصلو
لضعفل الديـن عند كثير من الشباب والبنـات
نسـأل اللـه لهم الهداية

مسـالة ثانية
وهي الي بغرض الخطبة والزواج

رابـط شرعي يجمع الطرين
كلام جميـل

لكن صدقوني ليـس الحب هو الذي سيجعل شـاب يقرر الارتباط بفتاة
ولا يمكن يكون وصل لمرحلة الحب بالنظر ولا حتى بالمعاملات البسيطة المعتادة مصل السلام او حتى الكلام في مواضيع عامة
المسـألة مسـألة اعجـاب

لكن بعد الزواج تتحول الى حب
لأنو الزواج مودة ورحمة وعطف .. هموم بتقاسموها.. وأحلام بشتركو فيها
وفيما بعد أولاد بطينو عيشتهم
من هنا بيجي الحب


والحب ما باخد اذن صاحبه قبل ما يدق بابــه

بنلقى حالنا بنحب وبس بدونــ سبب وبدون مبرر

أختي بيـسان كيـف بدون سبب أو مبرر .. وين الحب في اللـه ؟؟!!

لا يا اختي هاد مش حب
ولا يمكن يكون اسمو حب
هاد الاعجاب

واذا على الاعجاب فأنـا شخصيـاً معجب بكثير من البنات في المنتدى
لفكرهن و أخلاقهن فهل هذا معناه اني بحبهن كلهن ؟؟!!


انا برفض تعميم الكذب والخداع فيهــا .. في بعضها بكونــ صادقـ

وبغرض الزواج ... وصارت وبتصير كتير بهــالدنيــا ..

نعم أختي في صادقيـن وبكونو "معجبين" بالابنت لأخلاقها و دينها و و و .. بس الصادق بطرق البـاب .. مش بتشعبط من الشبـاك.. و 99.9% من العلاقات من الشباك مش الباب...

وعلى فكرة معظمـها بتفشل بعد الزواج .. مش لأسباب الثقة و بس لا..
السبب الرئيسي انو بنصدم بعد فترة وهي كمـان بتنصدم انو مش هاد الشخص الي كان متوقعو ..
هوي كان يجيها بأحلى منظر وهي كمـان :-) .. وغير هيك كانت 90% من جلساتهم نفاق وتجمل بالحكي والمظهر... فنعيمـاً لكلا الطرفين ..


مش غلط انهـ الانســــان يدور على شريك حياتهـ .. ومش غلط يحب وينحب ويحس بكينونتــهـ


أكيد مش غلط .. بس أنو يحب وينحب .. في علاقة شرعية ربنـا وضعها اسمهـا" زواج" وعلى فكرة الزواج مش مجرد اتـصال جنسي -سامحوني- بس بدنا نحكي بصراحة .. الجواز جواز عاطفي وفكري وروحي ... لذلك سمنـا جواز .. وما سمينا تزاوج زي الي بصير عند بعض الحيوانات .. رجائا خلونا انفرق بين الكلمتيـن ...

أمـا بالنسبة للكينونة .. كأن .. يكون .. كـائن .. ربنـا خلـقا لانسـان وخلقلو الشعور بهاي ال "كينـونة" صدقيني مش الحـب هوي الي بولـد هذا الشعور...
محمود
11-12-2006, 04:17 PM
الناس لحد اليوم مش قادرة تفرق بين الحب والعلاقة :)

ياناس ويا أحسن ناس ..

الحب عمره ما كان حرام ،، الحب حلو شعور عاطفة انخلق فيها الانسان ..

ما بقدر يتحكم فيها ،، وصعب يتخلص منهـــا ،،

لكن الاساءة تكمن في كونية العلاقة ..

يعني البنت بتحب شب لكن ما في بينهم اي علاقة (طلوع نزول تلفون ماسنجر ... الخ )

طبعا اشي طبيعي :) ،، يمكن تستغربوا من كلامي .. لكن الحب مش بايدها انها حبته

واعجبت في شخصيته .. وما بتقدر تتحكم في هاي العاطفة الي ربنا وهبها اياها ..

لكن بايديها انها ما تكون علاقة معاه والعكس بعيد عن التلميح ..

هون بنقدر نلوم الطرفين لانو ما حدا برضة لاخته هاي العلاقة ..

بهيك بكون فصلنا الحب بالمعلوم الصحيح عن العلاقة (الحب بالمفهوم العصري الخاطئ)

دمتم بخير ..

ما في شي اسمه حب غير مشروع كل الحب مشروع لكن العلاقة غير مشروعة..

كونو اصحاب عاطفة لا اصحاب علاقة حتى لا تلاموو ؛) .

تشكر ع الموضوع وبارك الله فيك
خيـرَ أُمـة
11-12-2006, 04:17 PM
ضاع نص الحكي منيح الي كنت مخزنو :-)
Twin
11-12-2006, 04:20 PM
انتووو بشووو اعدين بتتناقشووو ؟؟ هادا موضوع ناهي حالووو .. ما فينا نتناقش بشي غير مشروع .. يعني ربنا لما حرم الربا ما جاب معاه تفاصيلووو وكيف بيبيعوو وكيف بيشترووو اما البيع الحلال جاب معاه المقايضه وغيرها وغيرها .. يعني الي بدي اوصلووو انو الي حرموو ربنا خلص ما فيه نقاش .. اما الحلال الووو ميه وسيله ونقاش
خيـرَ أُمـة
11-12-2006, 04:25 PM
نعـم أخي محـمود لكن هذا هو الاعـجاب ...

مش غلط اليبنت تعجب بشب وتدعي ربـنا يكون من نصيبهـا .. بس غلط اتصرح ..
و مش غلط الشب يدعو ربنا انو بنت تكون من نصيبو و انو يبادر ويكلم أهلها .. لكن من وراهم غلط. ...

أنـا بدي اهدي هاي المحـاضرة للـجميع ...
لأنو فعـلا هاي الظاهرة صارت منتشرة ... حتى انا صرنا نسمع عن شـباب و بنـات 14 و 15 سنة بفكرو بهيك قصـص ..

http://www.emanway.com/play_droos.php?cid=2&id=1047

بتمنى الكـل يسمـعها لانها جدا مهمة ...
نور اليقين
11-12-2006, 04:50 PM
ما فتح الرابط معي
خيـرَ أُمـة
11-12-2006, 04:54 PM
ما فتح الرابط معي

خطـأ فني وعدلتو :-)

مستني تعليقك عل ىالمحاضرة :matrix:

سلامي الك نور ...
Twin
11-12-2006, 05:36 PM
يسلمووو ايديك احمدايكس هينا عم نسمع فيها .. جزاك الله كل خير ..
لولو اليبناوية
11-13-2006, 08:53 AM
[grade="FF1493 FF1493 FF1493 4169E1"اخي.... احمديكس الله يكتر من امثالك ...ويسلمو عالمحاضرة
ابن فلسطين... كن جميلا...ترى الوجود جميلا...
و يسلموو اعزائي عالمرور[/grade]