تسجيل الدخول

مشاهدة النسخة كاملة : فلسطين ..بتقدر تغادرها نهائيا لشغله مصيريه

سالي بنت فلسطين
10-21-2006, 01:15 AM
بسم الله

لو خيرت على قرار مصيري ولازم تطلع برا فلسطين وما في مجال ترجع الها نهائيا الا هيك سد رد يومين وترجع وازا ما طلعت بتخسر خساره مصيريه انتا بتتوقع انها كتير مهمه بالنسبه الك ,,وما بتقدر تحققها هون


:icon9:




شو بتعمل بتطلع ؟؟


انا حابه اضيف وجهه نظري ..انا بحس انو فلسطين هواها غير كل الهوى اللي برا ولما الواحد بغادرها بنقصو اكسجين ولازم يرجع بالنسبه الي ما بقدر اغادرها مطلقا الا لبضعه ايام وارجع ..بس المشكله الخساره المصيريه متلا بدك تدرس شغله مش موجوده هون هندسه جينات متلا ..بس مش قادر تطلع من فلسطين لاربع خمس سنين ..
مش عارفه شو ارائكم !!
Abu Shadi
10-21-2006, 01:27 AM
صدقي
الغنى في الغربة بلدك والفقر في بلدك غربة

يعني ما بهمني وين اكون المهم اعيش حياتي وانا راضي عنها
سالي بنت فلسطين
10-21-2006, 01:34 AM
بس انا بقدرش حاولت جربت بس ع الفاضي يومين وبرجع شو الحل ؟؟

مشكور لمرورك
Abu Shadi
10-21-2006, 01:45 AM
انا اقلك
تنسي انو في الك بلد محدد هي كل القصة
سالي بنت فلسطين
10-21-2006, 01:47 AM
كههكهكهكه لا ولا مره فش امكانيه مطلقا

لو كانت بلد تانيه احتمال بس فلسطين لا والف لا
Abu Shadi
10-21-2006, 01:55 AM
ههههههههههههههه

ربنا يوفقك انتي وفلسطين
Twin
10-21-2006, 02:06 AM
اطلعي ،، ايش يعني .. هيك بتئدري تخدمي بلدك بس ترجعي ويستفيد منك بلدك ..

عادي يعني الموضوع هين ،، كلنا متغربين واخرتنا راجعين ان شالله ..
قمر الخليل
10-21-2006, 02:20 PM
لا اطلعي ادرسي الي بدك اياه وارجعي

اما ازا طلعة بلا رجعة

اووووووووووووووووووووعععععععععععععع عك اوووووووووووووووعععععععععععععع ععععك اووووووووووووووووووععععععععععع ععععك

الا هادي هلأ الي برا بدهم يرجعو اما ازا تدرسي وترجعي اه

وانا بفكر ادرس بالخليل بس مؤيد بحكيلي لاء

والله شغلة بتحير فعلا
سالي بنت فلسطين
10-21-2006, 11:40 PM
والله بعرف وصح بتحكو

بس مش قادره راح انجن من هالشغله

قمر انا لدراسه مش طالعه كيف بدون رجعه
احلى شب
11-03-2006, 09:25 PM
لا ما تطلعي

ضلك هون

هاذا ازا بدك نصيحتي
أمير الأحزان
11-04-2006, 01:17 AM
يصراحة بالنسبة الي ولا بتأثر عليه
انا اصلا بستنى اخلص جامعتى وعيب عليه اذا برجع
ارجع ليه ؟؟؟ عشان شو ؟؟؟؟
علشان يوم من الايام يوقف ابني قبال اخوه في معركة داخليه
علشان يوم من الايام يموت ابنى وهوة ماشي في الشارع بسبب بعض فصائل او بسبب بعض اناس يقاتلون بعض لرفع احزابهم
ماذا بقى في هذا الوطن
بدكو تقولي المقاومة ووووو .........
ريحو حالكو بيكفينا الي عشناه هنا والي شفناه
مش من حقنا نعيش متل الناس التانيين
مش من حق الاطفال يعيشو طفولتهم
بيكفينا هم وحزن وغم وموت ودمار بيكفي
اروح اطلع برة ارتاح نفسيا
تعبنا كتير بيكفي لهون
سالي اشكرك على موضوعك الجميل
تقبلي تحياتي
مؤيد
11-04-2006, 04:27 PM
ما بطلع منها

فلسطين أهم من كل شيء عندي

يسلمو سالي موضوعك رائع

بوركتِ
سالي بنت فلسطين
11-05-2006, 11:42 AM
اخ امير الاحزان انتا عم تحكي هيك بس صدقني فش واحد فلسطيني بقدر يطلع من بلدو وما يحنلها انتا بدك ايانا لمين نتركها ؟؟احنا شعب مش بسهوله نرضخ ونسلم للامر الواقع ولو كل واحد فكر بنفس تفكيرك كان قبل 58 سنه من اليوم فلسطين انمحت وصارت اسرائيل ..احنا عنا مشكلات داخليه بس قدام الاحتلال بنصير كلنا ايد وحده وخير متال اللي بدور ببيت حانون كل الفصائل توحدت من فتح للشعبيه لحماس ..كلنا هدفنا واحد وهو التحرير والانتصار ..يمكن ما في امكانيه لتحقيقو في الوقت الحاضر بس كلنا امل يتحقق في المستقبل القريب ..

ابو السوس مشكور لمرورك
مؤيد نور الموضوع بمرورك يا ريس وتاكدوا فلسطين اغلى عندي من كل اشي وما بطلع منها
أمير الأحزان
11-05-2006, 10:54 PM
سالي
خلينا في الواقع
قطاع غزة اصبح كالغابة ان لم تكن فيها اسدا فسوف تضيع
ان لم تكون انسانا معتديا ومتعديا على الناس وخيفا لهم فانت ضعيف يجب على الناس التعدي عليك
يا سالي لو انتي مكاني بتقولي اكتر من هيك
انا الي بشوفو كتتتتتتتتتتتتير
واللهي يمكن 10 حالات قتل قدامي
مشاكل اكتر مما تتوقعين
مناظر بشعة
فوضى
دمار
واللهي ان الغابة فيها حياة افضل من هنا
ماذا بقى لكي نبكي عليه
واللهي لا شي
بعدين الخلافات الداخلية مالها شو بتنحل عند دخول الاحتلال
غلطانة كتير
اقولك ليه لانو حتى الان وهم في بيت حانون وانا كنت في الجامعة واللهي مشكلتين على هوى بيت حانون
واحد بيقول كلو شهداء الاقصى وبينكر فعل ابناء القسام
والاخر يقول العكس
وبدأت المشكلة في كل يوم في الاجتياح في وقت هادء في كل الاوقات
بلدنا الان ان كنت فتح فأنت ضد حماس
وان كنت حماس فأنت ضد فتح
وان لم تكن فتح او حماس فانت ضد ال 2
طيب وبعدين
اروح اشوفلي موتة في البدري احسلي ولة شو اعمل
سالي بنت فلسطين
11-06-2006, 03:32 PM
هههههههه عداك العيب

بصراحه حكيك منطقي بس احنا اللي بنخلق المشاكل مش المشاكل بتنخلق لحالها لازم يزيد الوعي عند الشعب انو كلنا هدفنا واحد وهو دحر الاحتلال بس انا بصوره كتير بعيده يعني احنا بالقدس اكنا ببلد تانيه ولا كانا باللي عم بصير بالقطاع والضفه ..الله يزيل الهم ويعزز الاخوه
ان شا الله
بس صدقني فلسطين اغلى من اني اتركها عشان شعبها لانو في بعض ناس من الشعب اغبيا بالعربي هيك ما عندهم وعي بالمره بس بتصور في نسبه كبيره فاهمه شو بدنا وليش احنا هون وشو هدفنا وانك تطلع برا وتتغرب مش هو الحل.. الهروب عمرو ما كان حل هو مسكن لألم معين ومضاعف لالام صدقني
الطلعه برا فلسطين مشكله اكتر اولا انتا بتحس حالك مش بين اهلك وناسك بين اغراب وهاي بحد ذاتها مشكله كبيره وانا شايفه اللي بتغربو شو بصير فيهم وكيف شعورهم ببكوا بدهم يرجعو
وموفق بدراستك