موضوع محير [الأرشيف] - منتديات شباب فلسطين

مشاهدة النسخة كاملة : موضوع محير

العاشق الحزين

10-20-2006, 04:40 PM

السلام عليكم جميعا

هل الزواج على الانتر نت ممكن ان يكون ناجحا

؟؟؟؟:b: :b: :b: :b: :b: :b: :b: :icon6: :icon6: :icon9: :icon9: :icon9: :icon9: :wacko:

فراشة

10-20-2006, 05:00 PM

يعني هوو دايما بيكوون ما كتير ناجح لانوو برايي لما يتزوجوو ماهيكوون هناك ثقه بينهم وهيضلهم يشكوو ببعض ... هاد رايي

خيـرَ أُمـة

10-20-2006, 05:29 PM

مممم

فراشة اسمحيلي أختلف معك شوي هون...

لو قابلها و عرفها في منتدى سيء او دبر ايميلها من مكان شبهة -ما بعرف كيف بصراحة- وقتها بنحكي انو أخطأ الاختيار... وقتها وكأنو وجدها في حفلة راس السنة او ايا حفلة سيئة بالحياة الواقعية...

لكن لو عرفها بمنتدى محترم او عن طريق شغل حصل بينهم على النت وحاليا كل الشركات شغلها على النت وقتها حيكون عرفها من مكان محترم.. وقتها وكأنو عرفها بملتقى ثقافي وفكري مثل منتدى يلا شباب او حماة المستقبل او صناع الحياة...

المسألة بتعتمد على البيئة بغض النظر عن الطريقة كانت على النت او في الحياة الواقعية...

أهم اشي انو اذا و يكون كل شيء رسمي وامام الأهل.. وبصراحة عندي اصدقاء اتجوزو من خلال النت وما شاء الله عليهم...

لكن مهم انها البنت تحذر من الكذابين على النت... وما اتطول في الموضوع... الي بدو اشي الباب مفتوح بفوت جمل يجي يحكي مع اهل البنت...

الشب المتربي والي بخاف ربنا ما برضى غير انو يكون على النور ... اما الشب السيء هوي الي بلف وبدور

سلامي للجميع...

فراشة

10-20-2006, 05:35 PM

لكن مهم انها البنت تحذر من الكذابين على النت... وما اتطول في الموضوع... الي بدو اشي الباب مفتوح بفوت جمل يجي يحكي مع اهل البنت...

الشب المتربي والي بخاف ربنا ما برضى غير انو يكون على النور ... اما الشب السيء هوي الي بلف وبدور
------------------------------------------------------------
وكيف بدها تعرف انوو الشب هادا من اول نيته سليمه ... مو لازم من الاول ما تعرض حالها لهيك مواااقف .... وحتى لو تزوجوو رح يضل يفكر ويوسوس انوو زي ما كلمته بتكلم غيره ....

هلــون

10-20-2006, 05:44 PM

الشب المتربي والي بخاف ربنا ما برضى غير انو يكون على النور ... اما الشب السيء هوي الي بلف وبدور

عجبتني هالجملة ..

لانو فعلا لازم كل شب ملتزم . . ما بلف ولا بدور .. بفكر بطريقه سليمة من الاول

عشان يكون جواز سليم .. والله يباركلوا بجوازوا ..

اما الي بدأ من الاول بطريقه غلط .. رح يلائي عقبات بحياتو ..

وما ننر في مواقع للجواز .. بس كلها حكي فاضي ,,

لانوا مبدأهم يتعرفوا علا بعض .. وبعد فترة يمكن ما يعجبها او تعجبوا ..

وما رح ستفيدوا شي .. وما خسرت البنت الا حكت عن حالها كل شي ..

وما بتعرف ازا الي حكت معو .. حكاها بصراحة ... ولا كزب من ورا شاشه ..

يسلمو موضوع حلو

خيـرَ أُمـة

10-20-2006, 05:44 PM

اول مرة بختلف مع فراشة بموضوع... لذلك اما مكيف ههههههه بمزح طبعاً...

فراااااااااااااااااشة يا فرااااااااااااااااااشة

كل البنات معهن موبايلات... انا شو بضمني اذا كانت تحكي مع غريب ولا لاء...
لذلك ما النا غير نتوكل على الله والنا بالظاهر حتى يثبت العكس...

وانا ما بحكي بالمطلق... انا بحكي بحالات الي بكون نيتو الزواج مثل ما سألت الأخت...
وما تنسي اني حددت اماكن معينة في النت .. ما تركت الموضوع بالمطلق انو من ايا مكان في النت...

ما بدي أحكي بمثاليات انو بدي وحدة ما شافت الشمس على راي بعض الشباب... البنت فاتت الجامعة ويمكن اشتغلت اتعرفت على ناس ويمكن شغلها كان الو علاقة بالنت مثلي... مش حوقف عند هاي النقاط...
طيب انا ممكن اعدلك هنا في المنتدى مجموعة كبيرة من الشباب الي بثق فيهم ومجموعة أكبر من البنات الي بثق فيهن...
وبنسبة للي بكذب وبتجمل لاغراض سيئة هوي مكشوف الا للبنت الي بتدور على شيء مثلو وقتها بلاقو بعض..

سلامي للجميع.. والموضوع مفتوح للحوار وهاي هيلين جوا الصفحة ابصر كتبت ولا بتقرأ..

خيـرَ أُمـة

10-20-2006, 05:47 PM

عجبتني هالجملة ..

لانو فعلا لازم كل شب ملتزم . . ما بلف ولا بدور .. بفكر بطريقه سليمة من الاول

عشان يكون جواز سليم .. والله يباركلوا بجوازوا ..

اما الي بدأ من الاول بطريقه غلط .. رح يلائي عقبات بحياتو ..

وما ننر في مواقع للجواز .. بس كلها حكي فاضي ,,

لانوا مبدأهم يتعرفوا علا بعض .. وبعد فترة يمكن ما يعجبها او تعجبوا ..

وما رح ستفيدوا شي .. وما خسرت البنت الا حكت عن حالها كل شي ..

وما بتعرف ازا الي حكت معو .. حكاها بصراحة ... ولا كزب من ورا شاشه ..

يسلمو موضوع حلو

فعلا هيلين مواقع الزواج نفسي أفهم مبداها... اي انا شب بخجل احط معلوماتي والمواصفات الي بدي اياها بفتاة أحلامي ... فكيف البنت بترضى تكتب عن حالها...
وبحس كمان اهدافهم شكلية مثل المجلات ما غيرو اشي على النت.... بيضاء حسنة المظهر طويلة ... الخ الخ الخ..
وكأنها الحياة الزوجية مقتصرة على .... -مقص الرقابة- ...

سلامي للجميع...

هلــون

10-20-2006, 05:54 PM

مرة دخلت وما بنكر موقع للزواج .. عم بشوف شو بحكوا عنو ..

بس فعلا ضحكت من كل قلبي ..

سجلت باسم شاب .. وبحكي خليني اشوف ..

وفعلا بعد يوم وصلتني رساله من بنت اسمها مريم ..

حكيت يلا انشوف المريم .. ومريم حاطه مواصفات خيالية ..

طبعا انا حكيتها كاني شب ..

بعد ما حكيت معها واتعرفنا ..

احزروا شو صار؟؟

طلعت شب هي ؟؟ يعني كل النت كزب بكزب ..

وما تستغربوا من هالحكي الفاضي ..

جد يوميتها فئعت ضحك . . وما علئت .. لانو الاساس غلط ..

شو تتوقعوا النتيجة ..

خيـرَ أُمـة

10-20-2006, 06:01 PM

ههههههههههههههه هههههههههههههههههه

والله مش طبيعي...

انا فعلا ما بثق بهيك مواقع وما بفوتها ... لكن كنت اشوف المجلات زمان وما أظن انها بتختلف...

بس هلا بتصور صار في وعي أكبر... يعني عنا مقلا في المنتدى ما عندي شك بأي عضو في المنتدى من الي بعرفهم كونو شب او بنت...
شوي اتطورت الامور وصار في وعي...

بس جد قصتك قصة... لا والأخ مختار اسم مرتب عشان يعجب الشباب...

الله يهدي الشباب

لما كنت في الجامعة أخوي عجبتو بنت طبعا هوي اكبر مني بسنة وكان سنة رابعة ... فحترنا شو نعمل اخر اشي حكينا مع اخوها هههههه ما كان غيرو لأنو أهلها مغتربين.... مع انو أخوي كان طالب لكن ولا انو يحس انو بيعمل غلط... وعشان نكون على النور...
طبعا لو شفتو منظري وانا بحكي مع أخوها هههههه شيخ عرب هههههههه

فراشة

10-20-2006, 06:04 PM

ههههههههههههههههههههههههههه والله منتي هينه هلووووووووون .... والله انا بعترف اني ما بعرف شي بعالم النت ... بس الي بعرفوو انو ما نثق باي حد وما اعطي ايميلي لاي شب وما احكي معاااه ..وعفكره انا بحكي لماما كل شي واحيانا بتاعد جنبي و بتشاركني بابدااء رايي ..
وانت يا احمدكس بدل ما تحكيلي ديري بالك وما تثقي بحد اعد بتبرر ... والله انا اختلف معك وبشده ....

هلــون

10-20-2006, 06:06 PM

وكيف بدها تعرف انوو الشب هادا من اول نيته سليمه ... مو لازم من الاول ما تعرض حالها لهيك مواااقف .... وحتى لو تزوجوو رح يضل يفكر ويوسوس انوو زي ما كلمته بتكلم غيره ....

صح فراشة كلامك .. وهاي الظاهرة موجودة ..

الشك بظل بعد الجواز وبؤدي للمشاكل ..

لشو تعرض حالها للمشاكل .. وبعدين الله خلئ كل بنت .. وحاط نصيبها بطريئها

مش ضروري العوج .. وبعدين نحكي نصيبي هيك كان ..

احمد .. ما عرفتك وانت خطاب هههههه

فراشة

10-20-2006, 06:07 PM

خيـرَ أُمـة

10-20-2006, 06:09 PM

خيـرَ أُمـة

10-20-2006, 06:13 PM

احمد .. ما عرفتك وانت خطاب هههههه

ههههههههه

النهفة انو لما طلب يفكر وكانو معترضين عشان همي سوريين رحت حكيتلو
"هاي ابنا عنا ... وبنتكو عندكو ... والله يجيب الي فيه الخير.. ومستنين تلفون"

ههههههههههه

طبعا مقتبسها من مسلسل سوري حدرتو ايام المدرسة هههههههه

بس طبعا ما صار نصيب بسبب امها :-)

وبيني وبينك كنت حابب لأخوي فلسطينية منا وفينا... بس كل الناس خير وبركة..

سلامي لكن..

خيـرَ أُمـة

10-20-2006, 06:16 PM

طبعا لو شفتو منظري وانا بحكي مع أخوها هههههه شيخ عرب هههههههه

ههههههههههههههههههههههههههههههههههه هههههههههههههههه احمد

والله وانا ما عندي شك واحد بالميه منكووو وبحسكوو صادقين باراءكووو بس يارب ما اكوون غلطانه

ما اشطرها فراشة

بتكذبني بأسلوب مؤدب ...

هههههههه

طيب ماشي ماشي...

انا حكيتلك قبل احنا النا الظاهر حتى يثبت العكس.. الباطن ربنا هوي الي بعرف فيه...

فراشة

10-20-2006, 10:01 PM

ليش هيك بتؤل والله مو اصدي .. نحنا معانا حئ .. بدك يانا نأمن لعالم النت .. يعني لليش نخلي حياتنا نت وبس .. اصدي بلاش نتعمق بحياتنا الشخصيه .. يعني الواحد بيفوت بتثقف وبيتسلى وبيطلع ...

فراشة

10-20-2006, 10:10 PM

بالعكس يا فراشة ديري بالك وبشدة "مقتبس من فراشة"

بس انا بحكيلك انو في خير وفي شر

لكن كوني حذرة.. مش ايا منتدى بنفات.. طيب شو رايك انو مش ايا منتدى ممكن اتسجلي فيه كمان لأنو صاحبو حيكون مطلع على ايميلك :-) ومش كل اصحاب المنتديات مثل محمود... لذلك احذري احذري احذري...

بعدين اشي كويس اها تكون امك مطلعة على كل اشي عشان ما تحسي انك بتعملي اشي من وراهم وكمان كلنا بنحتاج النصيحة واهلنا أكبر منا وأدرى بالحياة... انا مرات برجع لوالدي وباخد استشارته.. مهما كبرنا بنضل كتكيت صغار...

والله معك حئ .. مره سجلت بمنتدى فلسطيني برده ( من دون ذكر اسماء ) لحتى اخد منووو مواضيع حلوه .. لسه ما صارلي ساعه مسجله فيه .. الا مدير المنتدى بحاله بعتلي دعوه اضافه عالمسنجر .. انا عملت الغاء الاضافه طبعا .. الا هوه رجع عمللي دعوه تاني رجعت عملت الغاء .. الا هوه بعتلي رساله عالاميل يؤلي : ممكن نصير اصدقاء وليش بتعملي رفض وما بعرف شو وانا هعطيكي اشرااف .. انا سعتها استحقرته استحقااااااار وما رجعت فت هل المنتدى ... فصرت اقارن بين محمود وبينه ( بين الثرى والثريا ) فمعاك حئ احمدكس لازم نحاسب .. حرمت اسجل باي منتدى غير هادا .. وسيب ماما الله يخليك

هلــون

10-20-2006, 11:11 PM

شو صار معكم باخر النقاش ؟؟

هههههههههههه

نور اليقين

10-21-2006, 12:08 AM

Twin

10-21-2006, 12:58 AM

اي والله سدئتي نوور .. جيت ارد ،، لئيت اختي خابصه الدنيا .. بس طبعا لو كنت بدي اعلق كان رديت متل ردها بالزبط .. تسلم العاشق عالموضوع الرائع ..

منار إبراهيم

10-21-2006, 04:44 AM

مش عارفه هو الموضوع ده منتشر لان النقاش مفتوح فيه كتير ولا احنا بنتكلم كده علشان بنتعامل بالانترنت على طول

على كل حال انا ضده ميه فى الميه ومنصحش اي حد فيه عموما العمليه محيره وغريبه

الواحد لما يخطب واحده يمسك ايديها ده لو حب واحده حيكتبلها على كيبورد ويخلفوا لاب توب على راي اللى قال

خيـرَ أُمـة

10-21-2006, 11:58 AM

ليش هيك بتؤل والله مو اصدي .. نحنا معانا حئ .. بدك يانا نأمن لعالم النت .. يعني لليش نخلي حياتنا نت وبس .. اصدي بلاش نتعمق بحياتنا الشخصيه .. يعني الواحد بيفوت بتثقف وبيتسلى وبيطلع ...

بالعكس اياك تأمن للنت...

ومين المغفل الى حكا تخلي حياتك نت...

النت سلاح ذو حدين خدي الي بنفعك والباقي اتركي...

للحديث بقية..

خيـرَ أُمـة

10-21-2006, 12:02 PM

موضوع حلو و نقاش احلى
ما اضنش ان فيه كلام ينقال بعد اللي شفتو ده
ربنا يباركلكو بعقلقو يا فراشة و يا احمد اكس
مع ان كل واحد ليه رايوو المختلف عن التاني
بس في نقط مشتركة بين الرايين
و لو اتبعناها هي بس , هنبقى في السليم
و ربنا بيعمل اللي فيه الخير
مشكور عالموضوع يا العاشق الحزين
و عالنقاش يا فراشة و يا احمد اكس و يا هيلين كمان
ههههههههههههههههههه

صحيح

انا بتمنى كل بنت تكون حريصة مثل فراشة... النت ما الو امان
لكن ما بدي تكون الفكرة السائدة عن النت انو كلو سيئ.. بدليل انا هينا هون بنتناقش نقاش ايجابي.. وفي منتدى ايجابي..

لما اناقش قضية المفروض انكون منصفين... نذكر السلبي والايجابي حتى لو كان السلبي غالب...

للحديث بقية..

خيـرَ أُمـة

10-21-2006, 12:03 PM

اي والله سدئتي نوور .. جيت ارد ،، لئيت اختي خابصه الدنيا .. بس طبعا لو كنت بدي اعلق كان رديت متل ردها بالزبط .. تسلم العاشق عالموضوع الرائع ..

طبعا ... مغاوزة لفراشة والسبب واضح... بمزح.. :icon15:

خيـرَ أُمـة

10-21-2006, 12:25 PM

قبل يومين كنت في نقاش بمنتدى عمر خالد بموضوع المسينجر...

كانت احدى الاخوات عاملة موضوع بحكي عن مسيجر بدون اختلاط... وحكت فيه كل المشاكل الي ممكن تحصل..
ولما واجهتها بأنو في دعوة عن طريق المسينجر كان ردها انو لا شباب لشباب وبنات لبنات..

انا شخصيا بشوف انو الدعوة مش مقيدة ... نكون واقعين.. ما بدنا نحكي بمثالية.. احنا بمجتمعات علمانية شئنا او ابينا والمراة صارت في كل مكان.. هل اروح اتخبى في البيت عبين ما ينصلح المجتمع ولا الصح اني أشارك بالمجتمع رغم ما فيه من مساوء وأكون قدوة حسنة ومثال للشاب المسلم...

المسألة معقدة على فكرة... انواجه الغلط بغلط أقل منو ولا ما انواجه الغلط ابدا ... مافي شيء بيجي بيوم وليلة.. فقط ربنا الي ان اراد شيئا يقول كن فيون... اما احنا لاء...

انا الي عجبني بحكي بحكومة حماس انهم عقلانين... لما استلمو الحكم اذا بتتذكرو سألت بنت صحفية نصرانية انو شو حيكون الوضع.. هل حيعزلو كل الغير محجبات مثلا او يجبروهم على الحجايب وأشياء من هذا القبيل... فكان رد الدكتور الرمحي يومها -الله يفك اسرو- انو حنكون قدوة حسنة الهم وكل شيء بيجي بالتدريج ... قمة العقلانية خصوصاانا وصلنا للي احنا فيه الان ب 70 سنة ... 70 سنة واهمي يبنو بالعلمانية تا وصلنا للي وصلنالو....

ونفس الشيء بالنسبة للنت... الي بيدو يعمل خير ما يقصر وما يوفر.. خصوصا انو 90% من العرب الي بفوتو النت بفوتو لأغراض سيئة ويمكن أكثر... يعني الدعوة لازم اتكون موجودة...

جانب ثاني وهوي الدعوة للدين... موجودة ولا لاء طبعا موجودة وشهريا بسلم في امريكا المئات من خلال مواقع متخصصة واذا تابعتو في برنامج سمعت عنو على الم بي سي جبو خلال رمضان بحكي عن الي اسلمو كيف كانو يستعملو النت عشان يعرفو الدين ومنو المحادثات الفورية... يعني في خير....

خلاصة الكلام...
لما اناقش قضية لازم ندرسها من كل الجوانب... اليجابية والسلبية... وفي النهاية الحذر واجب..

فراشة اتكلمت عن الي هي شايفا وهوي شباب بحكو معها ومعها حق ولازم اتدير بالها...
لكن بالنسبة الي بشوف في النت شغل ودعوة وارتباط اسري واصدقاء في الخارج... وبركز على جانب الدعوة خصوصا انا في زمن وصلنا في لجيل ما يعلم بي غير ربنا.... وبتصور الخير لازم يكون موجود...

في الفترة الاخيرة انتقد بعض المنتقدين بعض المشايخ انهم طلعو على قناة لا ل بي سي اللبنانية... لكن بالنسبة الي بحيهم وبعتبرهم واعيين لأنهم بحاربو شر موجود... لازم الخير يكون موجود وما يترك الساحة للشر...
مش بنحكي اذا جائت الملائكة هربت الشياطين... والعكس مش صح... فليش انطبق العكس..

فراشة انا اسف اني بعتلك رسالة خاصة... بس فكرت قصدك تكذيبي... اما بالنسبة لأمك فهي مثل امي...

سلامي للكل..

نسيم الروح

10-21-2006, 12:49 PM

هاد النوع ممكن يكون ناجح بس 1% يمكن لانه زواج غلط ومتل ما قالت هلين كله كزب بكزب ولما حد يتزوح بهي الطريقة رح يبقى يشك فيها من مبدأ الي اله احمداكس شو بيضمنلي انها كون ما حكت مع غرب وخد منها وخدي منه اساله على الطالعة والنازلة لانه الموضوع ما حيكون زواج حيكون عزاب اما الي نجحوا بهيك زواج هدول اكيد حاله نادرة يعني طفرة
وميرسي الك العاشق الحزين

فراشة

10-21-2006, 10:08 PM

خيـرَ أُمـة

10-21-2006, 10:15 PM

خلص احمدكس سكت الكلااام من بعد ردك ..... ماشالله عليك افحمتني ..... ايش بدي ارد بعد اللي حكيتووو ... اللي بفووت معك بنقاااش بطلع خسراان مع مرتبة الشرف ..... بس والله كلامك مزبوووط ...وعين العئل .... تسلم

اذا انا افحمتك انت دمرتيني...

لو اتدقيقي في ردودنا رح اتلاقي انا متفقين والي انا ضفتو في ماضيعع انت ما شفتيها.... وما مرت عليك.. مثل الشغل وغيرو...

انا اسف اني دعيتك لهون في الاهدائات.. اسف على الازعاج...

سلامي الك... على راي الادارة الموضوع مغلق...

بتعرفي فراشة شو بزعلني.. واسف اني حكتبها علانية وبعتزر من الادارة... بس لو موضوع فارط كان لقينا صفحات الو اما لأنو موضوع مهم وبمس المجتمع يدوب صفحتين و من مين ثلاث ا واربع أعضاء...

سلامي للجميع...

فراشة

10-21-2006, 10:20 PM

انا قرات رايك من زمان بس حكيت انووو ما بئدر اناقشه بعد اللي كتبه ... وبخصووص انوو ماحد اهتم للموضووع مو ضروروري المهم طلع ولو واحد مستفيد من هالنقاااش ...بالعكس انا كتير استفدت من هالنقاااش وبارك الله فيك . ولا ايش رايك ..... وتسلم احمد

خيـرَ أُمـة

10-21-2006, 10:25 PM

الله يسلمك فراشة... بعرف انك من الي بدورو على الفائدة عل ىالنت مش بس التسلية وانت من البنات المميزات هون...

تعالي شوفي الموضوع الي هنا الي بمس مستقبل الشباب وأولهم انا هههههههه

http://www.shabab.ps/vb/showthread.php?p=343505#post343505

سلامي الك....

نور اليقين

10-22-2006, 04:06 PM

انا كمان استفدت من النقاش اللي دار بينكم و ان لم يكن لي اي دورتدخل فيه

عاشق عيونك

10-22-2006, 04:18 PM

السلام عليكم ورحمة الله مشكورين جميع الاخوة على الموضوعات المطروحة نظرة بدائية لموضوعاتكم انها اكتير عاجبتني واتمنى انكم تعطوني اشوية وقت لمراجعة جميع الموضوعات لاني اول مرة اكون بهالمنتدى وارجوا ان تقبلوني بيناتكم اخوكم أمــجــد

عاشق عيونك

10-22-2006, 04:21 PM

[ كل عام وانتم بالف الف خير شباب وصبايا وارجوا الله ان يعاد علينا وعليكم هذا الشهر وهذا العيد باليمن والبركات

بنت القسام

10-22-2006, 04:29 PM

بسم الله الرحمن الرحيم
رأيى إنو الزواج على النت مرفوض تماما البنت إلى بدها تتزوج على الإنترنت شو ضمنها شو طبع هذا الشاب ممكن يكون بيكذب عليها أما بالنسبة للشب قال رسولنا الكريم صلى الله عليه وسلم
"تنكح المرأة لأربع لحسبها ونسبها وجمالها فإظفر بذات الدين "
صدق رسولنا الكريم
هذا رأيى والله أعلم

نور اليقين

10-22-2006, 06:02 PM

عاشق عينيك
اهلا بيك معانا عضو جديد في منتدانا و ان شاء الله هتلاقي نفسك وسط عيلتك
و كل الوقت ليك
في انتضار ردك عالموضوع