لماذا يعاير الناس الاجئين؟؟ ولماذا يخجلون منهم؟؟

[قمر الخليل]

http://rooosana.ps/uploading/20dc843260.gif

لاجىء لاجئة ... تركو اراضيهم .... ((مخيمجية بالعامية)) .. وغيرها من هذه المصطلحات

لماذا يخجل البعض من قولهم بأنهم لاجئين؟؟ ولماذا يحتقرهم الاخرون عندما يعلمون بذلك؟؟

هل السبب الخجل من الذي حصل بالماضي؟؟ ام هل هو ضريبة التخاذل العربي سنة 48 و 67؟؟

ام هل هو ألم نفسي يطارد الذين يعيشون خارج اواطانهم؟؟

لماذا يعايرونك بأنك تملك كرت للمؤن؟؟ لماذا يعايرونك بأن اجدا د اجدادك حتى تركو اراضيهم وفرو من الحرب؟؟

ما هو السبب؟؟ وما هو ذنب جيل اليوم في ذلك؟؟

اعذروني موضوع جريء شوي وبحترم كل الي هون وما بقصد منو اي اساءة لكن سبب وضعي لهذا الموضوع هو اني سمعت قصة فيها احتقار كبير للاجئين ولا اعرف ما هو السبب ... كلمات جرحتني كثيرا رغم انني لست من الاجئين لكنها تمس كرامة شعبي وكرامة اهل بلدي ...

ارجوكم اريد الجوااااااااااب الشاااااااااااااااااااااااافيh ttp://rooosana.ps/uploading/20dc843260.gif


اعذروني فهذه حقيقة لا نستطيع انكارها

تحياتي لكم

(( احرتمي للجميع وبدون زعل))

[خيـرَ أُمـة]

للأسف قمر الظلم انتشر في المجتمع
الاجىء لم يهرب وانما طرد من أرضه.. والتاريخ يشهد
لكن للأسف البعض يريد ان يعزي نفسه لتخاذله فيقول "هم باعوها هم هربو" لكن المسألة أكبر من ذلك
بربكم سمونا المُهجرين ولم يسمونا المهاجرين والفرق بين هذا وذاك كبير... صدقوني لو كان للتخاذل مكان لبيعت الارض والاوطان.. وبالمناسبة لحد الان ياتينا تجار الأرض من الخونة ليشترو حقنا في أرض فلسطين والمبلغ (25 الف دينار اردني) صدقوني هذا المبلغ في الاردن يسيل له اللعاب وبه ينجز الكثير لكن لم نسمع عن احد باع الا القليل القليل...

كما قلت هي مجرد مسألة تبرأة للضمير لكي لا يشعر بتأنيب الضمير فيضع اللوم على اهلنا الذين هُجرو من أرضهم...

على العموم با قمورة المسألة اصبحت منتشرة في الوطن العربي
ففي كل مكان يحتقر ابن المدينة ابن الريف.. وليست مسألة او اختراع فلسطيني لكن لا ننكر ما فينا.. الله يهدي الجميع

شكرا قمر على الموضوع المميز...

[محمود]

انت تسكن في مخيم

أنت لاجئ

أنت مهاجر

اذن أنت فلسطيني ..

المخيمجي اللاجئ المهاجر :: محمود مطر

[فراشة]

انت تسكن في مخيم

أنت لاجئ

أنت مهاجر

اذن أنت فلسطيني ..

المخيمجي اللاجئ المهاجر :: محمود مطر

تحية عربية فلسطينية مني الى كل لاجئ في كل بقاع الارض ...
انا عن نفسي ما في فرء بين اي واحد والتاني وكلنا فلسطينيه لشو لاجئ وما بعرف شو ...
وهم اكتر فئه من الفلسطينين بيئاسو اكتر من بقيه الشعب ... وانا حزنانه انوو في ناس عندهم هيك افكاار واعتقادات انهم تخلوو عن ارضهم وانهم ائئل منهم ... وهلا الاجئين مثلا بغزه ... بيفرطوو بحبه تراب منها ؟؟؟؟ مع انها مو مكانهم الاصلي بالعكس بيدافعوو عنها ... لو حكولي افدي حالك مشان غزه ما بئصر...

[قمر الخليل]

للأسف قمر الظلم انتشر في المجتمع
الاجىء لم يهرب وانما طرد من أرضه.. والتاريخ يشهد
لكن للأسف البعض يريد ان يعزي نفسه لتخاذله فيقول "هم باعوها هم هربو" لكن المسألة أكبر من ذلك
بربكم سمونا المُهجرين ولم يسمونا المهاجرين والفرق بين هذا وذاك كبير... صدقوني لو كان للتخاذل مكان لبيعت الارض والاوطان.. وبالمناسبة لحد الان ياتينا تجار الأرض من الخونة ليشترو حقنا في أرض فلسطين والمبلغ (25 الف دينار اردني) صدقوني هذا المبلغ في الاردن يسيل له اللعاب وبه ينجز الكثير لكن لم نسمع عن احد باع الا القليل القليل...

كما قلت هي مجرد مسألة تبرأة للضمير لكي لا يشعر بتأنيب الضمير فيضع اللوم على اهلنا الذين هُجرو من أرضهم...

على العموم با قمورة المسألة اصبحت منتشرة في الوطن العربي
ففي كل مكان يحتقر ابن المدينة ابن الريف.. وليست مسألة او اختراع فلسطيني لكن لا ننكر ما فينا.. الله يهدي الجميع

شكرا قمر على الموضوع المميز...

تحية الك احمدكس على جراءتك والله انا ما كتبت هالموضوع الا من قهري ومن قصة سمعتها ولانو في ناس عايرونا اننا فلسطينين

لكن والله هم ما باعو الارض وما الهم اي زنب هم زنبهم الوحيد انو الجيوش العربية اتخلت عنهم وانه ما كان عندهم سلاح

كانت الثورة معبية البلد سنة 48 لكن الخونة اتعاونو واخمدوها

الاجئين ما الهم زنب لكن للأسف بعرف ناس سوريين بحقدو عالاخر عالاجئين وللأسف برضو بضربو فيهم المثل بالفلتان مع انو هم ما الهم زنب غير انهم عايشين ببلد غير بلدهم

تحية لكل لاجيء على وجه الارض

يسلمو لمرورك الرائع

[قمر الخليل]

انت تسكن في مخيم

أنت لاجئ

أنت مهاجر

اذن أنت فلسطيني ..

المخيمجي اللاجئ المهاجر :: محمود مطر


بحكييك يا محمود على جرأتك وقوتك تحياتي الك

وهادا فخر كبير طبعا

وبكفي اون احنا فلسطينين وهادا كفاية علينا

يسلمو لمرورك

[قمر الخليل]

تحية عربية فلسطينية مني الى كل لاجئ في كل بقاع الارض ...
انا عن نفسي ما في فرء بين اي واحد والتاني وكلنا فلسطينيه لشو لاجئ وما بعرف شو ...
وهم اكتر فئه من الفلسطينين بيئاسو اكتر من بقيه الشعب ... وانا حزنانه انوو في ناس عندهم هيك افكاار واعتقادات انهم تخلوو عن ارضهم وانهم ائئل منهم ... وهلا الاجئين مثلا بغزه ... بيفرطوو بحبه تراب منها ؟؟؟؟ مع انها مو مكانهم الاصلي بالعكس بيدافعوو عنها ... لو حكولي افدي حالك مشان غزه ما بئصر...


يسمكن فراشة احنا ما حسينا بمتل معاناتكم لاكن صدقي انو انا بتعزب عالاخر وما بتفرق لاجىء اولأ المهم ابن فلسطين اكون

وللأسف نظرة المجتمع ما بترحم ابدا حتى الدول الي فيها الاجئين صارت تمنع دخول الي حامل الجواز الفلسطيني بحجة انو بكفينا لاجئين

هادا بسميه ضعف عربي وتخلف كمان لانهم مش مقدرين معنى كلمة فلسطيني

يسلمو على مرورك الرائع وعلى شجاعتك وتحية لاهل غزة كلهم

[فراشة]

حبيبتي قمووره ... الاجئيين موبس بره فلسطين كمان في لاجئيين بفلسطيت .. وللاسف في احيانا تفرقه وكلام جارح بيتوجهلهم .... وانا وحده من اللي سمعوو متل هيك حكي .... ياريت تنشاال الالقاب والتسمياات ونهتم لقضيتنا اكتر من اهتمامنا للاشياء التااافهه متل المعايره .....وتسلمي يا عسووله عطرح هالموضووع

[قمر الخليل]

اها فراشة وللأسف في ناس كتير بمنعو ولادهم انهم يلعبو مع الي عايشين بالمخيمات

عنجد حالنا صعبة والله مارح يحررلنا فلسطين طول ما احنا هيك

يسلمو حبيبتي عالمرور الرائع

[.:.!دموع الرحيل!.:.]

والله يا قمر

الي بعرفو

انو نحن شعب ،، وين ما رحنا منشرف المكان الي نزلنا فيه

شاؤوا ام أبو

بس لما نصير عاله عليهم هادا بسبب اهمالهم

الفلسطنيه لما اجوو هون شغلوا البلد

واشتغلت حركة التجارة وصارت نشطة

بس بدك مين يعترف

من فترة كان واحد يتحسر على ايام الفلسطنيه اول ما دخلوا هون

بس مش عارف انه الي بيسمعو فلسطنيه

ولو بيعرف ما كان حكى

البريستيج تاعهم ما بيسمح

وين ما كانوا يروحوا الفلسطنيه

خيراتهم تملا المكان

متل ما صار بالكويت ..



بس دايما هالشعب ماكلها

وان شاء الله نصيبه بالآخرة


عشان هيك ،،

مش مهم بدهم يسموني لاجئة فلسطنيه ؟؟

مهجرة فلسطينيه ؟؟

حتى ارهابيه فلسطنيه؟؟

مش مهم ... المهم اني بالنهايه فلسطنيه

هاي لحالها بتكفي


ورأيهم لا بيقدم ولا بيأخر

الي ما عرف يطلع صوتو بالحق ،،

والي ما عرفو يوقفو حدنا بقضيتنا

كلامهم علينا ما بيعنينا

مجرد كلام رح يرجع لصاحبه

ويكون حسرة وندامه عليه

وقت الي يعرفو هالشعب الي مش مملي عينهم

شو رح يقدم مش بس للعرب

للكون كله ..

وكيف انقلاب الكون كله ،، رح بيجعله رب العالمين من هالأرض المقدسة

راح الكتير وباقي القليل

ومش رح ننتطر هداك اليوم لحتى نرفع روسنا ونمشي بيناتهم

لا

من هلأ والله رافعينه

وانا والحمدلله وبكل جدارة فلسطنيه أمي فلسطنيه

ونهجي فلسطيني

وحياتي فلسطنيه

واحلامي وامنياتي فلسطنيه

ونهايتي بإذن الله فلسطنيه

لاجئة فلسطنيه

وبكل فخر

وكل ما جرحوني عشان انتمائي اكتر

يتأكدوا انهم بيكونو عمبيعمقوا عشقي لوطني أكتر

والحمدلله على شرف جنسيتي

الي هي تاني أكبر نعمه انعمها عليي رب العالمين بعد الاسلام

الحمدلله


يمكن كان كلامي قاسي شوي

بس الواحد فينا ،، ما عاد عندو مكان للكلام المعسول

وما عاد في مكان داخلنا للمجاملات

اكلناها وصبرنا كتير

بس خلص ،، راح الوقت

الي كان فيه الباطل يعلى بالصوت

والحق ما يلاقي مين يسمعو

والله يجيب الي فيه الخير

بس كمان أغلى وأرقى تحيه ،، لكل انسان على وجه الأرض

عرف وقدر شو هو الانسان الفلسطيني

الدنيا ما بتخلى

- - -

مشكورة قمر

يعطيكِ العافيه

واسفه عالإطاله

[نسرينا الفلسطينيه]

انا فلسطينيه لاجئه ومهاجره وبفتخر

[فراشة]

والله انكووو بترفعوو الرااس وبتبيضوو الوش ... يعني ماتخيلتكوو هيك تردووو ....

[Abu Shadi]

والله بفتخر اني لاجئ
ولكن في نفس الوقت زعلان جدا لاني لاجئ
عرب ال48 هما الي طلعو جدعان فعلا لانهم ظلهم في ارضيهم
وما تخلو عنها واحنا الي اكلنا هوا في طلعت اجدادنا لو ظلينا مثلهم علي الاقل بنظل في بلادنا الاصلية بس ربنا بريد هيك
تعالو اهل غزة لمن بسؤلوني من وين انتا وين ساكن بقللهم بجباليا بستغربو
عارفين ليه مش عشان الاجئين لاء عشان اهل جباليا الاصلين الي هما الجبالية الي خربو ديار الاجئين

بلاقي عندكم شاي؟؟

[بنت الرملة]

بصراحه انا لما قرأت العنوان حكيت لااازم ادخل


موضوع في قمه الروعه ...

انا لاجئه بس من لاجئين قطاع غزة يعني انا من الرمله وهاجرة على غزة وللأسففف للأسف الشديد

انو في وحدي عايرتني اني لاجئه عندهم والله والله والله انو للأن الشغله مأثره فيه رغم انو صار إلها مده

والبنت فلسطينيه زي زيها وبتعيرني :(

قمر فعلا موضوعك مميز

[Abu Shadi]

قوليلي وين هي يا بنت الرملة صدقي لغير اطخلك اياه كفوف اخليها تيجي تقلك يا الله ما احلاهم الاجئين ههههههههههههههههههههه

[قمر الخليل]

والله انا ما بعرف شو احكيلكم

والله ردودكم روعة

انا مش لاجئة لكن اتعايرت انني فلسطينية وللأسف الي عايرونا ما بقدرو قيمة فلسطين ودايما بتمسخرو عليي لانني وطنية ودايما بحكي عن بلدي وما بعترف الا بجنسيتي الفلسطينية ما بحكي اردنية مع انو جوازي اردني

يسلمو لمروركم

بنت الرملة وابن فلسطين وكل الاجئين انتو ما الكم زنب باللي صار بالماضي بس المهم هلأ انو نتمسك اكتر بأراضينا

وان شالله ما بروح من ارضنا شبر واحد
يسلمو كلكم عالمرور الرائع

(( بدي شااااااااااااااااي هههههههههههههههههه))

[Twin]

مره وحده صاحبتي وهيه من السكان الاصليين للامارات .. بتحكيلي انا ما بحبكووو يالفلسطينيه .. بغض النظر عني انا .. بس ما بحب شعبكووو ،، بحسكووو انتوو الي شردتووو من ارضكووو وتخليتووو عن دياركووو ... وانتوو ساكتين عوضعكوووو .. سعيتها انا انحرئ دمي بس ما بينتلها ... كان نفسي ادخلها منتدانا تشوووف الفلسطينيه كيف ... صرت احكيلها بهدوء واشرحلها .. ما سبتها الا لما فهمتها كل شي .. صارت لما تتصل تحكيلي كل يوم صرت افتح اخبار فلسطين واشووف اوضاعها ... غيرتلها فكرتها تماما ... ومره وحده تانيه بتحكيلي انتوو في عندكوو بفلسطين بيوت ولا لسه بالخيم ... هاي عاد شرشحتها مزبووط وحكتلها بيوتنا احلا من بيوتكووو لولا الاوضاع .. وضليت ابهدل فيها عبل ما الت حئي برئبتي ...

والله اني مش زعلانه عشاني بغزه .. بس بنفس الوئت نفسي ارجع لمكاني الاصلي .. انا كمان لاجئه بس جوا فلسطين يعني بغزه .. بسافر كل سنتين هوناك .. وبفتخر ... تسلمي يا عسوله عموضوعك المميز متلك ... ولا تحرمينا من ابداعاتك ... وشكرا

[بنت الرملة]

والله كان زين تمسكها تخلص عليها خخخخخخخخخخخ

بس ما تخاف انا قمت بالواجب وعطيتها طلقين بنص راسها ههههههههههههههههههههه

((انا مابدي شاي ...انا قاعده بشرب شاي تفضلوووووووووو قمر & ابن فلسطين))

[قمر الخليل]

سلمو كلكم عالمرور

خلينا نحط ايدينا بايدين بعض عشان نغير هالفكرة

تحياتي الكم والله انتو المميزين مش انا

وبنت الرملة وابن فلسطين روحو اشربو شاي برا لانو انا بدي نسكافييييييييييييييييه يا دبب

ومؤيد الدبدوب وينو عن هالموضوع؟؟

[شـهيد]

والله يا اختي قمر فعلا جبت موضوع بصراحة و إلو وصف إلا انو شي مؤلم ...
يعني همي اللاجئين او المهاجرين تهجرو بكيفهم... وليش هاد شي يعني مخزي..!!
لا ابدا هدول ناس تعبو و داقو يمكن امتر من الباقي... لنا واحد من الناس اللي الحمد لله ما بحب قصة انك تنادي واحد بلاجيء فهوي فلسطيني و بس و رح يضل فلسطيني..
بس في نقطة ما بعرف ازا انذكرت وهي انو مرات بتلاقي بينا احنا الفلسطينية بنفرق بهالموضوع و بيطالعو على الاجئين بنظرة غريبة و مرات وانا اسف لهاي الكلمة بيستحو فيهم ..!! هاد الشي واقع وانا شايف هالحكي بيصير..
لازم فعلا تتغير النظرة الغريبة لان هدول اهلنا...
يسلمو يا قمر هلى هاد الموضوع ... بس اسمحيلي اشكر اختي دموع الرحيل ردها كان في غاية الروعة..
و نيال فلسطين فيها وفي الكل...
تحياتي

[قسامي غزة]

مشكورة يا اخت قمر علي طرح الموضوع
بس يا اختي انا اعارضك في كلامك ممكن انتي يكون كلامك صحيح عندكم بس عندنا انا مري ما شعرت بهاداالشعور اني اكون خجلان من كوني لاجئ او انوا اجاني هاد التفكير يوما ما ممكن كوني انس ساكن في مخيم وكلنا لاجئين ما نحكي في هاد الموضوع انوا نخجل من كوننا لاجتين
بس يا اختي ممكن يكون عندكم الوضع يختلف وانكم تخجلم من انكم لاجئين
بس انا في وجهة نظري الواحدلازم يعتز انوا فلسطيني وما يخجل

[Abu Shadi]

طيب حدا يتبرع يقوم يعملي شاي يا ام نص كم

[قمر الخليل]

اهلين شهيد يسلمو على ردك وان شالله بترجع البلد متل اول

هلا قسامي غزة
منور الموضوع والله

انا مش لاجئة وحتى لو كنت لاجئة ما رح استحي واخجل بس ما بعرف ليش هيك الناس يعني حتى بعض من اهل اممي بقولو دشرك منو لاجئ

شو مالو الاجيء؟؟ وليش بعايروه؟؟ هادا بس الي بدي افهمو

يسلمو لمرورك الطيب

ابن فلسطين طير اشرب شاي برا قلتلك انا مش كافيه هون روح دورك على محمود بلكي يعملك شاي

[Abu Shadi]

ولك اعمليلي حرام عليكي
بدي ادوقها من تحت دياتك

[قمر الخليل]

ههههههههههههههههههههههههههههه

قلتلك يوم عرسي بوزع شاااااااااااااااااااااااي
ههههههههههههههههههههههه ما رح اعملك طير يلا ارحم حالك

[Abu Shadi]

ولك حرام عليكي عزبتيني بدي شاي

[مؤيد]

ما بعرف ليش فعلا ً ،،،، لكن التمييز شيء زرعة الإحتلال فينا ... تحت فكرة " فرق تسد " ....

بالنسبة لي لا أرى في أن يكون الإنسان الفلسطيني لاجئا ً ، لإنه لم يلجأ طوعا ً بل كرها ً بسبب الاحتلال .. فلا ذنب له هو ..

ميزان التمميز عندنا هو " إن أكرمكم عند الله أتقاكم "

يسلمو قمر الخليل على موضوعك وآسف كتير لإني اتأخرت كتير في الرد على موضوعك

[عاشق البندقية]

شوفي يا قمر انا اللي بحكيلك ..

هون بنابلس..

لما تشوفي اشي حلو عاملته البلدية مكسر ومحطم..
فانتي بتسالي مين اللي عمل هيك؟؟؟

فاللي جنبك بيجاوبك..
" شباب المخيم "

يمكن عنا بنابلس غير لانو التخريب والتكسير و الزعرنه لزقت فيهم ...

وصارت من صفاتهم..

مع انو في شباب من المخيم والله مثل الفل..


ويسلمو ع الموضوع الجميل..
^_^

[قمر الخليل]

يسلمو مؤيد على مرورك الطيب مع انو رح افريك لانك اتأخرت

عاشق البندقية اه والله كتير هيك عندكم بنابلس ومدن الشمال يمكن لانو احنا بالجنوب ما عننا لاجئين كتير

بس اكتر شي بمدن الشمال حتى اهل امي لانهم من قلقيلية هيك بقولو عن الاجئين ما بعرف ليش لزقت فيهم هالصفات

معلش انا مش قصدي اجرح حدا او ازعل حدا

يسلمو لمرورك يا حج قصدي يا دب (( وصلتك القدرة الخليلية والا لأ مع نوارة؟؟))