لشباب فقط لماذا انت تحب واختك لا

[احلى رورو]

السلام عليكم ورحمة الله وبركاتة




شباب في ظاهرة متشره في مجتمعنا



لماذا تسمح لنفسك أن تحب ... وأختك لا


لماذا تسمح لنفسك أن تحب ... وأختك لا .. وألف لا ؟؟؟؟؟

سؤال....... ......


هل الحب خيانة للاهل

فعندما تحب الفتاة . شئ طبيعي ان يكون اول الحب من خلف الاهل ، لانه لايمكن لاي فتاة ان تقول

لاهلها.

انما بالنسبة للشباب فممكن يقول هذا لابيه ولوالدته بدون خجل

اما الفتاة فسوف تقوم قيامتها اذا قالت لابيها او لاخونها مثل هذا الكلام


لماذا هذا مسموح للشباب وممنوع للفتاة

ايها الشاب قد تكون صريحا مع اختك وتقول لها انا احب فلانه

ولكنك لا تقبل ان تقول هي لك انا احب فلان

من يملك من الجرأة والصراحه

ويجيب على سؤالي

لماذا هذه الانانية

واقعنا الذي نعيش فيه ملئ بمثل هذه القصص

ولكني اطلب التفسير لهذا التناقض

هل عاداتنا تسمح للرجل ان يحب

ولا تسمح للمراة ان تحب

لماذا هذا الفرق . اليس هذا الامر نوع من الانانية ؟

للعلم انا لحين مادخلت اي وحده في حياتي بس

حبيت اطرح هذي المشكله لعلى وعسى نحصل حل


عاد شباب لاتخيبون ضني فيكم

رورووووووووووووووو ^__^

[Abu Shadi]

خيتي انا ما الي خوات غير اخت ومتزوجه
ولكن كل فتاه بتقابلني سواء علي النت ولا في الشارع والقيها واقعه بالغلط ببهدلها وبمنعها وبنصحها وبقنعها واغلبية البنات اقتنعو مني لانهم عارفيني شو كنت
وفي فتاه في الجامعة ارملة اتزوجت وعمرها 16 واترملت الله يرحم زوجها فبتحب شب من الشغل الي بتشتغل فيه وطبعا بتشتغل في تلفزيون فلسطين ودايما بتطلب اي جوال زميل الها وبترن عليه وبرجعلها
فلمن لاحظة الكلام اطريت اني امشي معاها مسافه كبيرة حوالي 1500 متر لحتى انصحها وفعلا البنت اقتنعت وفهمت كلامي وصارت تحكيلي كل اشي اول بأول انا ببحب مش ما بحب والبنت مش في فلسطين خارج فلسطين وانا رايحلها رايحلها ونيتي الزواج ولكن طبعا ما بلغتها اني بحبها لاني بخاف اعلقها والبنت وما يحصل النصيب واروحلها
افهمتي خيتي الحب مش عيب لا عند الشاب ولا البنت
الشاي اهم من كل اشي
تسلمي علي مواضيعك الي بتسرقيهم بس روعه

[احلى رورو]

ههههههههههههههههه


فعلااااااا الشاي اهم اشي عمو ابن فلسطين

يلا الله يوفقك

[Abu Shadi]

يلا انتي ايدتيني واهلي طلعو من البيت واخواني عليهم امتحانات يبقا ما في غيرك يعملي شاي
ههههههههههههههههههههههههه

[روعة]

فعلا ظاهرة موجودة

وينكم شباب ؟؟؟؟؟

يلا ردوا

يسلموووووووو رورو

[بنت القسام]

بسم الله الرحمن الرحيم
الحب مش حرام لأن الله منحها لكل إنسان ولكن الحب الشريف والطاهر هو الذى يكون ناجح وهذا يكون بالحلال فمثلا أيحب شاب بنت يتقدم لخطبتها إذا كان قادرا وإذا لم يقدر يحفظ هذا فى نفسه لحين يكون نفسه
هذا رأى والله أعلم

[أمير الأحزان]

احلى رورو
لما اتوقع عند دخولي للموضوع ان يكون هذا
انا بدي اقلك شي
اختى العزيزة خواتي العزيزات
انا لو اعرف انو اي انسان حب اختي حب شريف طاهر واضح معالمه ظاهر للجميع لن امنعها
عندما اجده يكن لها حبا كمثل الذا اكنه انا وبنفس الطهارة وللحدود المسموحة لن امنعها
ولكن عندما احب انا اعتبر ان حبي شريف وانا ايضا اعي ما اقول لكن لا اكون متاكدا ولا اكون مرتاحا عندما تحب اختي
لانني ساكون خائف عليها على سمعتها فممكن انو يطلع الشب الي هية بتحبو ابن حرام والعياذ بالله
اضيع مستقبل اختي
بس انا بدي اقلك شي اي بنت مهما كانت الحواجز والضغوطات عليها تستطيع فعل ما ترد ما ترد
مهما كانت الضغوطات
ولكن اعيدها للمرة التانية لا املك لا انا ولا غيري الرد المباشر على كلماتك
انني اعلم الرد جيدا
لكن لا استطيع التعبير لكي عنه لا انا ولا غيري
وتذكري ان خوف الشباب على خواتهم من اشياء يرونها خارج البيت
وفي قصص يسمعونها ايضا
اختى احلى رورو
اشكرك على موضوعك الرائع المميز
تقبلي تحياتي

[نسيم الروح]

عنا يا رورو نظرة المجتمع الشرقي للبنت على انها متل ما بقولوا متل القزاز ازا نكسر ما برجع والبنت ما الها غير البيت وغيرها من التعابير المتخلفة
ويمكن يكون معهم حق لانه متل ما قال امير الاحزان انه الشب من كتر ما بسمع قصص وبشوف شوفات بتصير هي نظرته وبصير الشك عنوانه، بس البنت شو ما كانت بالنسبة الهم مو من حقها تحب
لانه ازا حبت ممكن تغلط
اما من وجهة نظري ورح احكي عن تجربه انه الحب اسمى المشاعر والبنت العائلة حتى لو حبت بتقدر تحافظ على حالها، وبعرف ناس حبوا وحاربوا الدنيا لياخدوا الي حبوا وهيهم عايشين، والاب او الام او حتى الاخوان ازا حبت بنتهم بصيروا يتبعوا معاها اساليب قاسية لتعدل عن هاد الحب فكرهم انه هو بايدها
وبصير الحل الوحيد انهم يزوجوها بفكرة انه الي بتتزوج بتنسى ومو عارفين انه ما رح تنسى وهيك بجنوا على بنتهم وعلى زوجها لانه ممكن ما تكون عندها القدرة على النسيان او عدم التفكير بالتالي رح تكون دايما بحالة خوف من انه زوجها ياخد خبر او يحس فبتكون بحالة رعب وتفكير دائم
وممكن يناديها فيتغير لونها فكرها انه عرف شي.
واخيرا ميرسي الك رورو على الموضوع الحلو

[احلى رورو]

يسلموووووو فردا فردا على ردودكم

غلبتكم مععي ^__*

[تـولين]

ببساطة لانه نحنا فى مجتمع فلسطينى لا يقبل هاى الافعال

[احلى رورو]

يسلمووووووووو


يومكن مش شرط مجتمع فلسطيني

يمكن حسب اللي انا بشوفو كل المجتمعات العربية او بالاحرى المسلمة بترفض هادا الاشي

وكل الشي بعود لاجواء الاسرة وتربية االوالدين

[احلى رورو]

^__^

[هلــون]

والله الاغلبية الرد للشباب .. مش للبنات

بس فعلا لانو المجتمع الاسلامي عنا هدا مرفوض ,,

[حنووو اليبناوية]

انا يا شباب بمشاركتي حبيت اشارك بقصه صغيره لكن حقولها بما معناه لأنو مش زاكره القصه بحزافيرها
القصه بتحكي انو في رجال هو وبنتو كانو بدهم يسافرو فإجا الرجال علشان يودع ابنو فقلو ((استر عرض اختك)) ما فهم عليه ابنو ... وسافر الرجال هو وبنتو بعد شهر اجا الرجال على بنتو لقى واحد بتعرضلها بالطريق فلما رجعو من السفر قال لإبنو شو اعملت بهاي الليله بالوقت الفلاني قلو كنت في بيت جارتنا فعرف الرجال
المغزى من كل هاي القصه يا شباب استرو عرضكم لأنو ما بتعرفو شو بصير وشوي شوي على بنات الناس لأنو اتوقع انو تكون اختك بهاد الموقف وانا اسفه جدا على الاطاااااله
وتسلمي رورو على الموضوع الجميل

[بنت الرملة]

جووووووووووووووووو جوووووووووو حنوووووووووو كلامك صحيح 100%

[خيـرَ أُمـة]

انا راي حكيت بأكثر من موضوع ... وللأسف الموضيع بتكرر نفس الافكار لكن عنوين جديدة...

هذا كان ردي في موضوع ثاني...

قالها صلى الله عليه وسلم ( كيفما تكونو يولى عليكم )... وحكاها كبارنا وختيريتنا ((كما تدين تدان))

الي بضحك على بنات الناس وبلعب في عقولهن وقلوبهن... ربنا حيبعتلو الي يلعب بعقل أختو او بنتو ...

ربنا ما بنسى حدى أختي...



بس خلوني أضيف مثال ضربو الأخ الاستاذ عمرو خالد بالجامعة الأمريكية بالشارقة على ما أعتقد...

فيقول
"تخيلي لما تكوني معاه بالسيارة... وكنتم واقفين عند اشارة.. وفجأة احكيلو أختك في السيارة الي امامنا مع شب.. تخيلي موقفو.......
واحد من اثنين...

1- اما انه سيتركك ويهج على السيارة ليخلص اخته ويتشاجر مع الشب .... وقتها اعرفي قدرك عندو..

او

2-حيحكيلك مش مهم عادي ... وقتها اعرفي قدرو...

مافي غير هدول الحلين... يعني في الحالة الاولى هو مستحقر الفتاة... وفي الحالة الثانية هو حقير...

اسف على الاطالة...

سلام

[احلى رورو]

يسلمو احمدكس