هل من الضروري أن يكون صديقك مسلماً ..... ؟

[Twin]

أخواني الأعضاء ..... أحب أن أطرح عليكم السؤال التالي :

انا عندي صديقتين مسيحيات ودايما ماما تحكيلي ابعدي عنهم وما تكلميهم ..

هل من الضروري أن يكون صديقك مسلماً ؟ أو أنك لا تمانع أن يكون من بين أصدقائك أصدقاء

غير مسلمين ... إذا كانوا صادقين ومخلصين معك ؟

أرجو توضيح السبب .... في كل من الحالتين ؟

اريد رايكم حتى اعرف ان كنت على صواب ؟!


وتحياتي العطره :
:s (43): Twin :s (43):

[أمير الأحزان]

اختى Twin
انا من وجهة نظري انو مش من الضروري ان يكون مسلم بس يفضل انهم يكونو مسلمين
لانو(( الصاحب ساحب )) يعني امك لما بتحكيلك هيك علشان هية خايفة انك تتأثري بيهم
بديانتهم
تاخدي شي من اطباعهم
وانا لا اقول لكي ان تبعدي عنهم ولكن زيادة الاختلاط بهم في بعض الامور يكون منتقدا نوعا ما او انه يأثر سلبيا عليكي
اخي هاي وجهة نظري يعني ما بفرضها على احد
تقبلي تحياتي

[ابو جروح]

(الانسان على دينه خليله فل ينظر احدكم لمن يخالل)
هي الماما لما تحكيلك لاتمشي معهم على شان مصلحتكوبتكون خايفه عليكي يعني ما تزعلي منها هاي اول نقطه
اما بالنسبه للاصحاب من وجهة نظري عادي مو مشكله بس انك تكوني حريصه وما تتعلقي فيهم اكتير
مشكوره على الموضوع

[m16]

انا من وجهة نظري مش ضروري لانا احنا عيشين في مجتمع متخالط مسلمين ومسيحين حتى انو عندي كتير اصدقاء مسيحين

[لولو اليبناوية]

والله حبيبتي اتوين ......انا عني اتكون زميلة بس صعب انها اتكون صديقة مقربة لانو الصديق المقرب راح يكون يشبهك روحيا...بكل شي ...فما بالك انو ما يكون بنفس ديانتك؟؟؟...والله انا لا احبذ
ويسلموووو

[محمود]

شوفي اختي :)

صحيح الصاحب ساحب ،، والطبع غالب ...

انا عندي صاحب مسيحي في الجامعه ،،

عادي جدا هـ الانسان حتى ما بجيب

سيرة الأديان في الجامعه ،،

مرة مسكت دفتره وقعدت أقرى بكلام

من الانجيل ،، صراحة استغربت منه

لانو بعدني ما كنت اعرف انه مسيحي

وما كنت اعرف الكلام المكتوب شو بكون

بعد بشوي اجا صاحب الي بقولي هذا مسيحي ..

والآن عادي صاحب في الجامعه ،، وفي رمضان

قعد يقول (( كل عام وانتو بخير )) ورمضان كريم ..

حتى بتعامل معنا كأنه مسلم وما بحسسنا انو مسيحي

وبصراحة مش كل الناس واحد ،، هذا مثال

والحذر واجب ،، لانه في بعض الناس

بتفسد الاخلاق وبودي لطريق الانحراف


وفي امان الله واسمعي كلام امك احسن الك :)


دمت بخير ..

[Abu Shadi]

هل من الضروري أن يكون صديقك مسلماً ؟
لاء مش ضروري عمرو ما همني انو مسلم ولا غير مسلم لاني بعرف حالي وبعرف اختار اصحابي

أو أنك لا تمانع أن يكون من بين أصدقائك أصدقاء

غير مسلمين ... إذا كانوا صادقين ومخلصين معك ؟
انا ما عمري مانعت انو يكون بين اصدقائ غير المسلمين طالما اني واثق فيهم وطبعا في الي صديق مسيحي وعرفني علي معظم اصحابو المسيحين وكل كم من يوم بيجي علي وبروح عليهم
اسمو مهران
بس شب جدع
أرجو توضيح السبب .... في كل من الحالتين ؟
والله عمرو ما همني الجنسية ولا همتني الديانة المهم الي بهمني قلب الشخص والوفاء يالي عندو

اريد رايكم حتى اعرف ان كنت على صواب ؟!
اختي طالما هما اوفياء ضلك معهم ولكن ان لاحظتي انو في صديقة بدها تعرفك علي شخص ابعدي عنها لانو لو اتعرفتي علي شب مسيحي اعلمي انك حتلحقيهم في الديانة لذلك بتبعدي عنهم وبتظلك تحكي بس مواضيع دراسي مو اكثر لا تحكو بالدين لانو من الممكن انهم يقنعوكي
وتحيتي الك خيتو

[Abu Shadi]

علي فكرة المسيحي مستحيل مستحيل انو يفطر قدامنا لانهم بحترمونا في رمضان
لكن تعال المسلمين في رمضان بفطرو ههههههههههه بحكي عن الفشلة

[Abu Shadi]

في نقطة تانيه في مطعم بعيد عن الجامعة ابو 200 متر بتعرفي انو اصحابو مسيحية لكن الي بشتغلو فيه مسلمين هذول قرايب صاحبي بس والله انهم محترمين

[احلى رورو]

انا براايي انو مش شمكلة شو دين الصاحب

بس المهم انو ما نتعلق بدين غيرنا يعني كل واحد بدينو والصداقة مش بس بالدين يعني نسل او مسيحي

الصداقة انو حد تحكي معاه اتفضفضلو والخ بس انو يكون قدوتنا بالحياه هادا خطا كبير

يعني عادي لو كان عنا صديقات مسيحيات وانا كان عندي صديقة مسيحية وبالعكس كانت زي اختي

يسلموووو توين ^__^

[فراشة]

يعني انا بعرفهم ... والله احيانا في مسحيين محترمين اكتر من المسلمين ... يعني بس نكون ماشيين مع بعض بنفصل تماما بين الصداقه والدين .. والله انهم حافظين سورة الفاتحه والكوثر ... بحسهم عندهم فضوول يطلعوو عدينا ... لانا كتير طيوبين معهم وبنحترم دينهم وما بنجرح فيهم ..واحيانا بنعد سواا بمسك الانجيل وبتفرج .. بدوون ما اتمسخر ولا شي .. عشان هيك بيرتاحولنا .. وعفكره عندهم ولاء كتير للمسلمين ... ويوم الاعياد والمناسبات بهنوونا ... زي ما انا بهنيهم ... ..
بس ماما لما نجيب سيرتهم بتتعفرت ... انا عارفه انها خايفه علينا ... ولازم الواحد يكوون محاااسب واحنا واثقين من حالنااا الحمد لله

[نسيم الروح]

مو ضروري انه يكون مسلم
انا كان عندي صاحبة بالمدرسة مسيحية وكنا صحاب كتير يعني تحكيلي واحكيلها لدرجة انه كانت تزكرني بموعد الصلاة وازا صايمين غير رمضان كانت تقعد معنا وكانها صايمه يعني طول النهار بلا اكل
وصحبتنا لهلا والبنت ما شاء الله عليها من الناس المحافظين
وميرسي توين على طرحك لهاد الموضوع

[Twin]

والله انووو كلامكووو عجبني كتير وعلى عيني وراسي .. بس والله انهم محترمات ..وكل الي حكيتوووه عنهم صح .. صح بينخاف منهم شوي لانهم ما بيعرفووو الله .. ومش كل الكلام الي بينئال ادامهم يعني في حذر .. وفي حدود . لانه ممكن بكلمه اجرحهم وانا ما بعرف .. ويا ابن فلسطين ما حصلت انهم يقنعوووني ولو هادا دين مو اي كلام ..واذا شفت اي تصرف منهم ما اعتقد اني هسكت .. برضووو انا واعيه وبعرف الصح من الخطا .. وتسلموووو كلكوووو عكلالالامكووو الرائع وتنبيهاتكوو وانكووو خايفين علي ..

[احلى رورو]

ههههههه

شايفة يا تويييين

يا سلام حكم منحكي احنا

احم احم اللهم لا حسد

[Twin]

هههههههههههههههههههههه كلهم حكووو حكم الا انتي ... ما سمعتلك .. جكاره ..

[خيـرَ أُمـة]

انا شفت الموضوع متأخر للأسف

اول اشي تعالو نتفق انسميهم نصارى مش مسيحين لأنو ما بصير ننسبهم للمسيح عيسى عليه السلام... اتفقنا..

توين انا عندي اصحاب نصارى وأصحاب ما بامنو بربنا يعني ملحدين ما بامنو برب (كفار قريش بسميهم :icon11: )
لكن بفضل النصارى عليهم ومغرم اخاكَ لا بطل المسلمين قلة الي حولي بالشغل..
لكن هل انت مدطرة.. ما تعمق علاقتك معهم كوني صحبة عادية وكوني قدوة وصورة للأنسان المسلم الحقيقي مين عارف مش يمكن.... الله الهادي

فعلا مثل ما ذكر الشباب انهم مسالمين وما بطبو في حدى لكن ما تنسو انهم في قلة بينا.. طيب لو كانوا كثرة ايش ممكن يصير...
ما بنخاف منهم لكن بنخاف من رهبانهم ومن البابا يضللوهم لأنهم للأسف باشارة وحدة بسمعو كلامهم...
ما ننسى انو في جميع الحروب الصليبية اتعاونو مع أعداء الاسلام مع العلم انهم كانو عايشين في ظل الاسلام أحسن من عيشتهم في ظل الكنيسة...
هذا تاريخهم لذلك ما نأمنهم

لكن دينا دين العدالة... واحنا الي ربنا حيحاجج فينا الامم لذلك لازم انكون قدوة حسنة ونعاملهم بالحسنى واذا ظهر منهم عكس الي بنشوفوا حاليا وهذا متوقع في ايا وقت.. وقتها لكل حادث حديث

خلاصة الحكي نصيحة لتوين الي بهمنا امرها (ما شاء الله الموضوع أخد صفحتين نيالك يا توين)
توين صاحبيهم وكوني قدوة حسنة وصورة تعكس الصورة الحقيقية للانسان المسلم... لكن ما تتعمق فيهم هذا قول ربنا (قل لن ترضى عنك اليهود وولا النصارى حتى تتبع ملتهم) صدق الله العظيم... الاية ما حددت ايا نصارى ما حكت عن حكام ولا وزراء ولا عن رهبان... بل جمعتهم...

توين وثقة فينا وطرحة مسألة محيراها
شكرا توين على الثقة

سلام

[Twin]

توين وثقة فينا وطرحة مسألة محيراها
شكرا توين على الثقة

--------------------------------
والله انكووو اهل لهالثقه .. وانا كتير صرت احب اشوووف ردودكووو .. عن جد بتفائل وبستفيد .. وتعلمت منكووو شغلالالات والله اني حتى ما كنت اعرفها ...

(قل لن ترضى عنك اليهود وولا النصارى حتى تتبع ملتهم) والله هاي اقوى حجه .. ما كانت خاطرتلي ... ما شالله عليك احمدايكس .. كتير كلالامك بيقنعني ...
وشكرا لمروركووو الحلوو والمفيد

[Abu Shadi]

احمدكس كلامك بنقالش للمسيحية الي عنا عايشين بين المسلمين
بنحكى للعايشين لحالهم زي الامريكان وغيرهم
اما اخي المسيحية الي بينا اخدو طبعا
هلقيت هينا في رمضان عنا في واحد مسيحي والله وربنا بشهد انو لمن يعطش ما برضي يروح يشرب من المياه قدامنا
بقلنا بدي اصل مشوار لانو بحترمنا وبحترم انو في عنا رمضان واغلبية المسيحية الي بينا بعملو هيك مش بس هو
وانا والله طالما انو الاخ هذا والصديق الي مخلص ما بهمني شو هي ديانتو وكل واحد الو رأي ولعلمك
كان بينكم عضوة مسيحية وكنتم تحترموها
وتردو علي مواضيعها

[Twin]

ولعلمك
كان بينكم عضوة مسيحية وكنتم تحترموها
وتردو علي مواضيعها

-------------------------------------
ليش يعني لو مسيحيه مانرد عمواضيعها بالعكس لازم نناقشها ونعرفها عادات المسلمين ومحبتهم وكمان ابن فلسطين مو كلهم بيحترمونا ( انا بحكي عامه مو صديقاتي ) لما يكونوو بالجامعه ببئو يعايرووو في الطلبه ويحكولهم مش كفايه انكم مانعينا ناكل ... وببئو يشربووو .. وفي مسلمين بيبئالك الواحد ماشي وبكل فخر وبياكل ،، ولا كانه مسلم وهادا صار الاغلبيه خصوصا بدبي ...

[خيـرَ أُمـة]

أخي ابن فلسطين
احنا بنحكي عن العموم مش الخصوص وفي كل قاعدة شواذ
وانا حكيتلك بنحترمهم وبنعاملهم بالحسنى لكن ما نئمنهم لأنو التاريخ هيك بحكي...
انا معك انو لازم نحترمهم مش لشخصهم وانما لأن دينا أمرنا باحترام الاخر... لكن ما نئمن منهم.. وبالمنسبة دينا شرع دفع الجزية مقابل حمايتهم وعدم اشراك ابنائهم في ايا حرب لأنو ما بنأمن غدرهم هذا دينا ودائما كان صادق معنا... فترة الحروب الصليبية وقفو مع النصارى مش معنى .. سبحان الله ما ينطق عن الهوى ان هو الا وحي يوحى ... كل ما جاء في دينا عنهم تحقق...
لكن برجع وبحكيلك بنحترمهم وعمرنا ما كنا احنا المعتدي...

[فراشة]

هههههههههههه اليووم اجووو لعنا وفتحت النت انزللهم شغلات منه .... اجا فبالي اعمل حركة ندااله واوريهم ردوودكوووو ... بس خفت عمشااعرهم ههههههه

[Abu Shadi]

هلقيت اخي احمد بدي اريحك انا بحكي عن المسيحية الي في غزة كم سنه الهم عنا
كثير بتنكر هالكلام ما بتقدر تنكرو
ولكن اخي احمد لعلمك بدي احكي بخصوص سياسية عندك ايام انتخابات التشريعي بتنكر انو اصوات المسيحية كلها راحت لحماس ما بعتقد
عندك علي مستوى الضفه في انتخابات البلديات بعتقد انو كان في مسيحي مستقل مرشح حالو بتنكر انو حماس ساندتو واعطتو اصوات
اخي انتا معقد الدنيا انا والله عندي اصحاب مسيحية وبحبهم زي ما بحب اي صاحب الي مسلم وعمريش اعملت تفرقه بين هذا مين وهذا مين لعلمك اخي وربنا بشهد علي الحكي الي حصل بيني وبين صاحبي مهران في ايام ما الدنمارك عملو صور وقالو عنها صور الرسول
وهالكلام هذا الي حصل بتعرف انو مهران اتنكد ومسكين صار خجلان منا بتعرف اني بيني وبينو كان يحكيلي هدول اهل الدنمارك ما بتبعو طريقة المسيح وصار يغلط عليهم غلط بس بلاش نحكي لانو في كلام وسخ
يعني اخي مش كل اصابع ايدك واحد
هلقيت تعال احكيلي الموقع الي اخترقو الجنرال بتفتكر انو كل الي فيه مسيحية بدي اراهنك 200%انو اغلبيتهم مسلمين قلي هدول مش مسلمين هدول كفار باسم الاسلام لكن بظلهم محسوبين علي الاسلام
عندك اخي علي مستوى البرامج جورج قرداحي مسيحي وباعتراف الو بحكي انو ما بنام الا لمن يقرا سورة من المصحف وبقراها بصوت مسموع
عندك بردو في مذيع كان يقدم برنامج مع الفنانين انسيت اسمو علي ما اعتقد بردو جورج او مو زاكر اكويس المهم شب صغير وزوق كثير هذا بردو باعتراف الو اثناء مجادلة بينو وبين مغنية فحبو يتبادلو الادوار هي تقدم البرنامج وهو يكون تحت كرسي الاعتراف زي ما بتعملو هون في اعتراف الو حسب السؤال كيف شايف الدين الاسلامي فرد عليها الدين الاسلامي ممتع ولكني انا بتبع خطى سيدنا المسيح ولكن اقراء المصحف يومين بدل الانجيل التي تم تحريفه
هلقيت هدول مش بتحطهم بين عيونك ولا بتقول مسيحية بتامنوش
اخي احنا لازم قبل ما نحاسب الي قبالنا نحاسب انفسنا بدي انبهك لشغلة
هلقيت قلي شو ذنب هالشب انو طلع مسيحي واحنا اطلعنا مسلمين الحمد لله اني انا مسلم بس تعال راجع نفسك وشوف كيف تفكير اي شخص اخر بدي اريحك هذا المسيحي اعطيتو هدية مصحف وقلتلو اقراه وقلي شو رأيك في القرأن فتاني يوم اعطاني الانجيل وبقلي اقراه
قريت بعض الصفحات منو لاني كنت بين كل سطر والثاني القي كفر فاستغفر الله واقلب الصفحة وبالاخر ازهقت
فتاني يوم اخدت الانجيل معي علي الاذاعه وهذا الكلام كلو ايام ما كنت في الصحافه وقلتلو شكرا ولكن انا اسف ما بقرأ كتب فيها كفر وانا جرحتو يمكن في هالموضوع
ولكن شو ردو ما كان جايبلي القران بقلي بتعرف انو الكتاب تاعكم حلو كثير انا انبسطت لانو اعترف وهي لليوم بقرا منو
واحنا يا اخي الدين الاسلامي دين تسامح
ودين يسر مش عسر
وربنا يهدي الجميع ويجيب الي فيه الخير

[حكيم فلسطين]

انا بقترح انو الطيور على اشكالها تقع
وايضا الرجل على دين خليله
وتحشرون يوم القيامة معهم
اما اذا صاحبته لكي تدخله في الاسلام فانا اعتقد انه جائز وصحيح
والله اعلم

[خيـرَ أُمـة]

أخي ابن فلسطين

انا أتكلم بمنطلق ديني عقائدي وانت تتكلم بمنطلق عاطفي ولطالما أثبت الدين صحته ولطالما خذلتنا العاطفة

كما قلت لك لكل قاعدة شواذ ولعل القلة في غزة شواذ لكن لا نأمنهم جميعا

انا لم أقل بان نحاربهم بل على العكس ديننا دين الرحمة ولم يكن يوما معتدي وانما كان مدافعا عن اهله ... نعم نحترمهم ونحاورهم لكن لا نأمنهم هذا ديننا والتاريخ يثبت صحة نظرته لهم

أخي الكريم لماذا لا تستفيد من تجربة البوسنة والهيرسك فقد كان المسلم والنصراني جيران وفي يوم وليلة انقلب النصراني على المسلم ... لا أتكلم عن 100 سنة سبقت وانما هذا منذ اعوام قليلة... ولماذا لا نستفيد من التجربة الفلسطينية الم يكن اليهود جيرانا لنا وفجأة تمردو علينا
مشكلتنا اننا نمشي وراء عواطفنا ولا نقرا التاريخ ومشكلتنا الأكبر عدم ثقتنا بديننا وهو واضح وصريح في قوله فيهم

هناك الكثير من أمثلة العدالة الاسلامية التي أنصفت اليهود والنصاري وجميعنا يعرف قصة درع علي بن ابي طالب واليهودي وكيف حكم القاضي لليهودي وهناك الكثير من امثلة العدل الاسلامي... فكيف نستغرب من الاخوة في حماس وهم يتبنون نهج الاسلام ان يعاملوا النصارى معاملة حسنة وان يدعمو مرشحة في مجلس البلدية لعلمهم انها اهل للمسأولية
ديننا دين عدالة لكن اعود وأكرر لا نأمنهم
فقد أضلهم رهبانهم ورجال دينهم
لذلك لا نأمنهم في حرب ان يغدروا بنا لأن اوامر البابا كاوامر الله عندهم

لكن أعود وأقول لكل قاعدة شواذ ولا نحكم على الشواذ


مسألة اخرى مساواتك بين المسلم والنصراني
أخطأت هنا اخي فاذا كان الله يفضل المسلم وكرمه بنعمة الاسلام فكيف نحن نفضل النصراني عليه
الكافر ولو كان حسن الخلق فهو شر ما يمشي على وجه الأرض لأنه ترك أعظم حقوق الله عليه وهو عبادة الله وحده وتنزيهه عن مشابهة خلقه قال الله
تعالى: (إن شر الدواب عند الله الذين كفروا فهم لا يؤمنون)55 سورة الأنفال

حتى في مسألة الزواج قال تعالى "لأمة مؤمنة خير من مشركة ولو أعجبتكم" صدق الله العظيم

وهناك الكثير من الادلة على ذلك

لكن أعود وأذكرك لم نكن المعتدي يوما ولن نكون ومن احترمنا منهم نحترمه ويعيش بيننا بسلام


مسألة جورج قرداحي والرجل الاخر
لن اطيل لكن أقول
قمة الكفر ان تعلم الحق ولا تتبعه ... فهذا يسمى كبرا
وهذا يذكرنا بقصة الصحابة الذين ارسلهم الرسول لكسرى وكيف ان كسرى علم بصحة نبوة محمد عليه السلام لكن الكبر منعه ان يؤمن به
فأخي لا تفرح بهم فوالله هذا قمة الكفر ان تعرف الحق وتعرض عنه وصدقني كبار الرهبان والباباوات يعرفون هذا وما يمنعهم الا الكبر

اما بالنسبة لكون الشاب مسيحي وما ذنبه ان كان اهله كذلك
أخي الم تسمع بمن اسلمو منهم الم يستعملو عقولهم
كرم الله النفس البشريه بالعقل لتفكر وما أكثر من أسلمو في الغرب خصوصا بعد ما حصل من استهزاء بديننا ونبينا
فكانت دعاية مجانية لديننا
هذا في الغرب
فما بال نصارى الشرق وهم يعيشون بيننا ويرون الحق ولا يتبعون


في النهاية أذكرك أخي أننا لا نعاديهم ولكن نحذر منهم ومن غدرهم فلا دين لهم يمنعهم عن ذلك
واذكرك لم نكن معتدي يوما ولن نكون ونما نحن ندافع عن الحق ولا أرميهم الا بما فيهم ...لا أفتري عليهم


سلامي الك أخي

[نغوم]

حبيبتي توين

في البداية رح رد على عنوان موضوعك
لو ارجعنا الى زمن الرسول صلى الله عليه و سلم كنا بنلاقي انه اليهود كانوا جيران الرسول صلى الله علية و سلم و ما كان من الرسول سو الاحترام ومع انه ما كان مسلم
فقصدت انه لو اختلفت الديانات انه ما انعاديهم...

لكن من منطلق اصدقاء نصرانية
حبيبتي انا عايشة بمدينة نسبة كبيرة فيها نصرانية ولا بد من الاختلاط يعني جيران و اصحاب
بس كنت الاحظ انه بصدقو فرصة تيجي حتى يبرزو فيها لو ما في انه في مساوء للدين الاسلامي
عشان هيك توين ان تعاملتي معهم ابرزي كل الدين و الاحترام لدينك امامهم

و موفقة توين

[النجم الفضى]

السلام عليكم ورحمة الله وبركاته....اختى Twin ....
ليست مشكلة ان يكون لك اصدقاء مسيحيين ولكن المشكلة هو ان البعض يتخلون عن الكثير من مفردات دينهم حتى تستمر هذه الصداقة...مثلا ان تهنئى صديقتك المسيحية بعيدها.....او ان تذمى صديقة مسلمة امامها....او اى شىء من هذا القبيل ....ولقد قرأت فى احدى الصحف قصة رجل اعمى يقوده صديقه المسيحى للصلاة فى المسجد منذ ثلاثين عام......كما ان المرء على دين خليله فلينظر احدكم من يخالل.....

[Twin]

والله انكو حيرتوني هيك .. عنجد كل واحد بيحمل مفهوووم غريب ومقنع بنفس الوقت ... تسلمووو عآرئكووو الكتير مفيده ... استفدت منكووو