لماذا تصمت الفتاة عند التحرش بها ؟؟؟؟؟

[نرمين]

السلام عليكم ورحمة اللة وبركاتة
((لمــــــاذا تصمـــت الفتـــــــاة عنـــد التحـــرش بهــــــا؟؟))


ســــؤال يحتــــــاج إلــــى إجـــــابـــــــــة
ســــؤال .. تبـــــــادر إلــى ذهــــن الجميـــــــع .. وتســــاءلــوا حقــــــــاً .. لمـــــاذا تصمـــــــت..؟!!
.
.
قصـــص كثيــــــــرة .. تــوضــــح صحـــــة هــذا الأمـــــر
ومهمـــــا كـان نـوع التحــرش .. فـ إن الصمــــت يـكـــون سيــد المــوقـــــــف..!!
.
.
هــل خـــــوف .. أم ضعــــــف .. أم رضــــــا..؟!!!
.
.
فتـــــــاة تحـــــرش بهــــا ابن عمها .. فـ رفضـــــت إخبـــــار أهلهــــــــا بـ الأمــــــر..!!
.
.
وأخــــرى تـــأتيهـــــا مكــــالمــــــات ورســـائــل مــن شخــص لا تعـــــرفـــــهـ .. فـ رفضـــــــت إخبــــــــار أحـــد بـ الأمــــــر
.
.
فتــــــاة تعــــرضـــــت لـ الاغتصـــــــاب .. ولـــم تخبـــــر أحـــــد .. فـ ضــــــاع مستقبلهــــــــا.. وضـــاعــــــت حيـــــاتهـــــــا
ولجــــــأت إلـــــى الانتحــــــــار .. لـكــن كــل محــــاولاتهـــــــا بـــاءت بـ الفشـــــــل..!!
.
.
ســـــؤالــــــي هنـــــــــا
..
.
مـــــا الــذي يــدفــع الفتــــــــاة لـ الصمــــــت
عنــــد التحـــــرش بهــــــــا..؟!!!
.
..
هـــــل هـــــو الخـــــــوف..؟!!
أم
الضعـــــــــف..؟!!
أم
الـــــرضــــــــــا..؟!!
.
أتــــــــرك الإجــــــــابــــــة لـ مــن يعـــــرف الأسبـــــــاب

[منار إبراهيم]

موضوع يستحق التوقف

اظن ان السبب ان ثقافتنا فى المجتمعات الشرقيه ان البنت هى اللى غلطانه فى كل حاجه

يعنى اتعاكست علشان كانت لابسه اوفر

حد دايقها علشان هى متساهله مع الناس

على كل حال اظن ان الصمت بيكون افضل للفتاه

[نرمين]

مشكورة اختي منار ابراهيم على مرورك اللطيف

لكل منا له وجهة نظر وانا احترمها

كتبت الموضوع عشان اشوف تفاعلكم معاي في الموضوع

دمت بود وسلام

[منار إبراهيم]

نرمين انا عايزه اعرف رأييك ايه ؟

[نسيم الروح]

انا من راي منار وكمان البنت بتخاف
انه ازا حكت ينقال لها الحق عليكي اكيد اني اعطيتي مجال لهيك
وميرسي نيرمين على السؤال.....

[الحنّون]

أنا معكن بس بالمقابل هادالكلام خطأ فادح في مجتمعاتنا الشرقية وهاد الشي لازم يتغير
لأنه مهما ضليتي ساكتة إلا ما ييجي يوم وينفضح الموضوع وبكل الحالات رح يكون الحق على البنت ليش ما تاخدها من قصيرها وتروح تخبر أهلها بالي صار أو عم بيصير لحتى يشوفوا حل لأنه مهما كان الاهل حازمين وشديدين عليها هاد ما بيكون غير لأول وهلة أنا لسة من يومين شاهدت هيك موقف وانحريت عليها للبنت وغلطها كان إنها ما خبرت أهلها باللي بيصير وهون نحنا عم بنرجع الموضوع لثقة الأهل أو بالأحرى للعلاقة القائمة بين الأهل وبناتهم.....
طولت عليكم صح هاد بالنسبة إلي....

تحياتي :s (43):

[نرمين]

مشكورين على المرور اللطيف

واللي بدو يعرف راي راح أقوله لكم لكن بالأول اوضح لكم شئ

وهو انه انا ولله الحمد ماصار معاي اي شيء من الكلام السابق

انا ياجماعة راي

انه البنت المحترمة والمتربية انها ما تخون الثقة اللي اعطوها الأهل لبنتهم

ولا حتى تسمح انها تعطي فرصة لأي مخلوق انه يتحرش بها

بهادي الصفات بتنعرف البنت المحترمة

[منار إبراهيم]

مشكورين على المرور اللطيف

واللي بدو يعرف راي راح أقوله لكم لكن بالأول اوضح لكم شئ

وهو انه انا ولله الحمد ماصار معاي اي شيء من الكلام السابق

انا ياجماعة راي

انه البنت المحترمة والمتربية انها ما تخون الثقة اللي اعطوها الأهل لبنتهم

ولا حتى تسمح انها تعطي فرصة لأي مخلوق انه يتحرش بها

بهادي الصفات بتنعرف البنت المحترمة
انا اعترض معاكي يا نرمين
اسمحى لى الم تجدي اي فتاه محترمه وتعرضت للتحرش او الاغتصاب ..

اختى احيانا يتعمد الرجال قليلوا الاحترام يختاروا الفتاه التى تبدو مهذبه او ترتدي الزي الاسلامي لانه يعرف انها ستخاف من الكلام او من الاعتراض لان شكلها محترم وهاديء

وانا سعيده بالنقاش معك ....

دمتى بود

[لولو اليبناوية]

مرحبا اختي........
موضوع جميل للنقاش....
انا باعتقادي انو البنت لما سكوت البنت....هو خوف سواء من المتحرش او من المجتمع

[aBo SaLeeM]

والله يمكن الرضا والخوف بنفس الوقت

لأنه المفروض أول ما يصير بها تحرش بأي نوع

انها تبلغ اهلها على طول واذا ما بلغت فهادا يعني انها راضية

او انها خايفه من اهلها

[نور اليقين]

اي بنت في الدنيا دي ملهاش غير صمعتها
تصورو لو الصمعه دي اتشوهت , هتبقى حياتها ازاي ؟
عشان كده لما البنت بتتعرض لاي تحرش ايا كان بتسكت عنو
مش عشان اي حاجه غير انها
اولا مكسوفه من اهلها , طب هتقلهم ايه ؟ هتوصفلهم ايه؟ هتشرحلهم ايه؟
صدقوني ده موقف البنت بتتمنا فيه الموت و لا انها توقف وقفة خزي و عار و تجيب راس اهلها الارض و تمرمط بكرامتهم قدام اللي يسوا و اللي ما يسواش
فمابالك لو كانت مضلومة
و اكيد هي مضلومة و الا مكنش اسمو تحرش و اعتداء و كان اسمو حاجه تانية
و بعدين البنت مش غلطانة
يعني تلبس اللي هي لبساه
ان شاء الله تلبس مش لابسه
الذنب عالولد
لو كان محترم و بيغض البصر فمش هيهمو هي مين و لا هي ايه و ان كانت تستاهل و لا لأ !
بالعكس , لو كان محترم و شايف انها بتعمل حاجه عيب , فالافضل انو يروح يهديها او يكلم بنت تانية تهديها
بس تقولو ان البنت هي الغلطانة ؟ ده غلط
مهو لو كان كلامكم صح كان بس البنات الوحشات الي هيتعرضو للاعتداء ده
و ساعتها نسبة التحرش هتقل
بس للاسف اكتر البنات الضحايا بيكون , مش هقول ملتزمات , بس خليها محترمين نفسهم
و عموما انا بتفق مع منار حبيبة قلبي في كل كلمة قالتها
عشان رايها عاجبني
و بقلها وحشتيني موووووووووووووووووت
هههههههههههههههههههههههههه

[نرمين]

مشكورين على المرور

لكن وين باقي الأعضاء

انا حطيت الموضوع عشان ارى راي الجميع

على العموم

الشب اللي ما بيخاف الله راح يلجأ الى انه يتحرش بفتاة محترمة لنفسها اولا ومحترمة امانة وثقة اهلها ثانيا

انا بس حابة اقول شغلة للشباب اللذين يلجأون الى متل هيك تحرشات بالبنات

انه الشب اللي بيعمل هيك مع بنات الناس يزكر انه في يوم من الأيام راح يتحرش بأخته متل ما هو بيتحرش في بنات الناس

يعني على قول المتل العربي( كما تدين تدان) وهناك متل اخر يقول( الدهر يومان ___ يوم لك ويوم عليك)

ارجو انه ما اكون طولت عليكم براي

اختي منار النقاش لا يفسد القضية اليس كذلك

سعيدة بالنقاش معك

دمتم بود وسلام

[أبو معاذ]

بإعتقادي أنو الشباب لما يشوفوا البنات منخرسات وما بيحكين بيفكروهن موافقات على الأعمال اللي بتصير من حولهم

مشكووووورة أختي الكريمة

[فراشة]

طيب مين حكالكوو انو كل البنااات بيصمتووو ....
انا رح احكيلكووو اصه حصلت معي مره وانتوو احكموو اذا بنصمت او لا ....
لما كنت بالمدرسه .. واحنا مروحين انا وصحباتي ..كان كل يوم واحد يوئفلنا عالبلكوونه ويئعد يحكي ويرمي كلام بايخ زيه .... وانا اروح عالبيت واحكي لماما .... تئلي طنشي .... في مره لئيت الاخ نزللنا عالشااارع وبيستنانا .... لما مرينا حكالي تفضلووو ... حكيتله لحظه شوي ورااجعه .... روحت عالبيت جراي وحكيت لبابا ... اخدني من ايدي ووريتوو البيت .... وطبعا تخيلوو انتوو ايش بابا عمل بالمأسووف عشبااابووو ..... هج المسكين بليل ما في امر .....بعدها صار يشووف العمى ولا يشوووفني .... ها احنا بنلعب ... ال اصمت ال
تسلمي يا عسل عطرح الموضووع الحلوووو

[نرمين]

الشباب هيك بدهم

انه الواحدة منا تسكت اله وتخضع للي بدو اياه الشب

على العموم مشكورين على المرور العطر

لكن وين راي باقي الأعضاء

[قمر الخليل]

نظرة المجتمع الشرقي الها هيي السبب

الشرقيين للأسف بنظرهم انو البنت هيي الغلطاني دااااااااااااااايما حتى لو كانو الاهل متعلمين ومثقفين لكن بالنهاية بتلاقيهم تفكيرهم شرقي عالاخر حتى لو غلط

طبعا الشب بستغل هالشي وهو عارف انو البنت رح تسكت ومارح تحكي لاهلها خوف من نظرة الناس وخوف من اهلها انهم يبهدلوها وهيي مش غلطاني

والمشكلة انو لازم الناس تحط اللوم على الشب والبنت ازا صار شي مش على البنت لوحدها لانو اشب برضو غلطان وهوي كمان برفع اسم عيلتو او بنزلها

وطبعا مادام في ثقة اكيد البنت ما رح تخون الثقة ورح تكون قد المسؤولية وهون ببرز دور الاهل بأنهم يحسسو بناتهم انهم همي الامان لإلهم وانهم يعودوهم على حكي كل شي بدون خوف او تحفظ وطبعا صداقة الام لبنتها من اهم العوامل الي بتساعد البنت على الثقة بنفسها وانها ما بتعمل شي غلط

يسلمو كتير عالموضوه

[نرمين]

مشكورة اختي قمر الخليل على مرورك العطر

كلام جميل واسلوب رااااااااائع وجذاااااااااااااب

دمت بود وسعادة وسلام دااااااااااااااااااااااااائم

[الحنّون]

بإعتقادي أنو الشباب لما يشوفوا البنات منخرسات وما بيحكين بيفكروهن موافقات على الأعمال اللي بتصير من حولهم

مشكووووورة أختي الكريمة

أول شي مس مستاهلة تعصب لهادرجة بعدين خيو أنا مش معك بهاي النقطة لأنه البنت ما بإيدها تعمل شي لا بإيدها تضربه ولا تسبه ولا تعمله شي لأنها أول عن آخر بنت بمعنى آخر حيائها ما بيسمحلها تعمل أي شيء من اللي ذكرته ..... صعبة خيا بعدين تعا لهون انت لو بنت ضربتك أو سبتك بالله عليك بتسكتلها ؟؟؟؟ حلفتك بالله ومش لحالك كل الشباب بشكل عام ......
عفوا من الجميع بس السكوت هو أفضل حل لحظي بس لما توصل البنت لبيتها تخبر أهلها وهم يتصرفوا وقتها على راحتهم وعلى طريقتهم ......
على فكرة هادي وجهة نظري أنا

تحياتي خيا:s (43):

[خيـرَ أُمـة]

الموضوع مش واضح

البعض جاوب على اساس "اغتصاب" وهنا السكوت مصيبة
وعلى فكرة الاغتصاب يعتبر ارهاب و فساد في الارض شرعا وهاي عقوبتها القتل واهدار دم المفسد

http://islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528618742


لقوله سبحانه وتعالى: (إِنَّمَا جَزَاء الَّذِينَ يُحَارِبُونَ اللّهَ وَرَسُولَهُ وَيَسْعَوْنَ فِي الأَرْضِ فَسَادًا أَن يُقَتَّلُواْ أَوْ يُصَلَّبُواْ أَوْ تُقَطَّعَ أَيْدِيهِمْ وَأَرْجُلُهُم مِّنْ خِلافٍ أَوْ يُنفَوْاْ مِنَ الأَرْضِ ذَلِكَ لَهُمْ خِزْيٌ فِي الدُّنْيَا وَلَهُمْ فِي الآخِرَةِ عَذَابٌ عَظِيمٌ )سورة المائدة (33).

اما ان كان المقصود التحرش بالحكي الفاضي ورمي الكلمات من البلكونات مثل ما حصل مع فراشة

في البداية انا راي انها اتطنش وتكون سلبية لأنو ممكن يترتب على هذا الشيء مشاكل... تخيلي يا فراشة ابوكي ضربو هواي قتلتو :wacko: وقتها بنصير بمشكلة أكبر

لكن ان زاد الامر عن حدو تبلغ اهلها لانو وقتها بصير في خطر..

اما الطرف من البنات -الله يهديهن- الي بستمتعن بهيك موضوع فهدول الي بنخاف منهم و عليهم...

شكرا على الموضوع أختي

[فراشة]

لا مش لدرجة الضرب ... بس عمل الازم .... وهدوول اللي زي هيك ما بينفع معهم السكوووت ... ما بئلك نزل وصار يحكيلنا تفضلووو وبدك ايااني اسكت ...

[خيـرَ أُمـة]

لكن ان زاد الامر عن حدو تبلغ اهلها لانو وقتها بصير في خط

هوي زودها فعلا...

المشكلة فعلا احيانا مافي مجال وبلاقي الواحد حالو في مشكلة وهوي كاره للمشاكل..
لما كنت في الاردن كان في شب مترصد لبنت عمتي وزودها تا ليوم رحنا وبهدلنا وراح هوي من طرفو لم أصحابو -بجتمعو على باطل- وصار الدم للركب... ورحنا المشرطة ومضونا على تعهدات كلنا -الحق بعمان ضايع- ... تخيلو يا جماعة أحمدكس رد سجون هههههه وماخد تعهد بعمان هههههه

انا ما قصدتك فراشة بالموضوع لأنو فعلا زودها لكن لأنك ضربتي مثال انا كملت عليه نفسو ...
بعدين صح وين توين عنك اتبهدلو هههه

تحياتي للجميع

[قمر الخليل]

ههههههههههههههه اول شي صلح الاقتباس

وتاني شي ولك انت تطلع تبع طوشات ومواس

هههههههههههههههههههههههههههه

اخ منك طيب انا برضو كنت مع ان عممي واختي واجا واحد ولطشنا اكمن كلمة طبعا هادا بالجبيهة بالملاهي اجا ابن عممي شلح السير عن بنطلونو وصار بدو ينزل فيه ههههههههههههههههههههه

قال يعني زلمة

والله هناك الشرطة نفسها بتلطش يا احمد واكبر دليل شرطة الجاردنز انت بس تعال هناك ورح توقع ضحك

[خيـرَ أُمـة]

شكرا قمر على التعديل ((((((مش لو بعتيها على الخاص احسن ... ماشي)))))))))

انا كنت بدور على حل لسؤال في المنتدى عن سبب تسمة الاشعة الحمراء بس ما لقيت..
--------

نرجع لموضوعنا... هوي انا كرهت عمان من قليل.. بس عجبتني فكة الحزام ههههههه زلمة والله
بعدين وينك من مات دون عرضه فهو شهيد :-)

اما بالنسبة لشرطة في عمان فهمي يدوب بعرفو يقراو ويكتبو والي بلطش فيهم لو ينت... -مقص الرقابة- على وجهو بسكت وما بنسمعلو حس
بس في الجاردنز البنات سلامتك انا كنت هناك شغال والله لا يعيدها من ايام..

[قمر الخليل]

بديش ابعتها عالخاص احسن
هههههههههههههههههه
اه والله كلها عراقية كمان بس حتى لو ولك واحد قد ولادي قال بقعد يتمشالك بنص الليل هوي وصاحبو وبوقفو مع هالشباب وطق حنك هات خلص وقال شرطة ولا مكتوب عليها الصاعقة كمان هههههههههه والله واحد اجا حكا معي كلمة انني كنت بدي ابهدلو وافضحو كمان ادام كل العالم (( ادام السهل الاخضر هالحكي)) المهم بس ما حبيت لانو انا بنت مش حلوة بحقي يعني وعلى شرطي كمان والحمد لله احنا كل جيراننا فلسطينية واغلبهم خلايلة

[Twin]

هوي زودها فعلا...

المشكلة فعلا احيانا مافي مجال وبلاقي الواحد حالو في مشكلة وهوي كاره للمشاكل..
لما كنت في الاردن كان في شب مترصد لبنت عمتي وزودها تا ليوم رحنا وبهدلنا وراح هوي من طرفو لم أصحابو -بجتمعو على باطل- وصار الدم للركب... ورحنا المشرطة ومضونا على تعهدات كلنا -الحق بعمان ضايع- ... تخيلو يا جماعة أحمدكس رد سجون هههههه وماخد تعهد بعمان هههههه

انا ما قصدتك فراشة بالموضوع لأنو فعلا زودها لكن لأنك ضربتي مثال انا كملت عليه نفسو ...
بعدين صح وين توين عنك اتبهدلو هههه
-----------------------------------------------------------


سجن حته وحده ... بس رجال والله ...هههههههه

وين توين .. ال توين ال .. ما انا كنت معها .. ومره تانيه كنت راجعه انا وياها من المدرسه وكان عز دين الشوب ومش شايفه الفضا ادامي ... عادتا احنا بنمشي عالرصيف .. فمره كنا ما شيين عالشارع .. الا سمعنا صوت سياااره جايه من بعيد مسرعه كتير .. علطول لا اراديا طلعنا عالرصيف .. فالاخ مر من جنبنا بالكروزر وبعز دين قوته ولطشني عظهري هوايه وئعت عالارض والله انملعت منها ... سعتها انا ما ادركت شو صار .. خفت كتير .. وما لحئت اخد رقم السياره ... بس بهدا الموقف ما حكيت لماما ولا بابا ... شو الفايده غير اني هحرء دمهم عالفاضي .. وهيصير يعكل همنا .. والله ينتئم منه بس ... الله لايجبره بس ..

[خيـرَ أُمـة]

سجن حته وحده ... بس رجال والله ...هههههههه

وين توين .. ال توين ال .. ما انا كنت معها .. ومره تانيه كنت راجعه انا وياها من المدرسه وكان عز دين الشوب ومش شايفه الفضا ادامي ... عادتا احنا بنمشي عالرصيف .. فمره كنا ما شيين عالشارع .. الا سمعنا صوت سياااره جايه من بعيد مسرعه كتير .. علطول لا اراديا طلعنا عالرصيف .. فالاخ مر من جنبنا بالكروزر وبعز دين قوته ولطشني عظهري هوايه وئعت عالارض والله انملعت منها ... سعتها انا ما ادركت شو صار .. خفت كتير .. وما لحئت اخد رقم السياره ... بس بهدا الموقف ما حكيت لماما ولا بابا ... شو الفايده غير اني هحرء دمهم عالفاضي .. وهيصير يعكل همنا .. والله ينتئم منه بس ... الله لايجبره بس ..
---------------------------------------------------------------------

الله ينتقم منو

فعلا في ناس واطية

بتعرفو انا مع انها البنت تتعلم كراتيه او ايا لعبة دفاع عن النفس.. خصوصا بهيك زمن وهيك بلاد

[Twin]

ههههههههههههه كراتيه شووو .. جنب هدووول .. استغفر الله

[خيـرَ أُمـة]

ههههههههههههه كراتيه شووو .. جنب هدووول .. استغفر الله

جنب مين ما فهمت؟؟؟

على علمي في نوادي خاصة للبنات بعدين ما قصدت كراتيه انو تستمر لا
الي قصدتو انو في دورات بتصير مدتها شهر او اثنين

بعدين فرصة اذا زوج المستقبل زعلك يوكل كتلة :icon11: :icon11: :icon11:

[Twin]

ولي اطعميه اتله ... هههههههههه بدك تدمر مستأبلي ..

اصدك اتعلم كراتيه وادافع عن حالي .. والله لو حد حكا معي كلمه بعيط .. بدك اياني اضربووو كمان ..

[خيـرَ أُمـة]

في بلاد برة من كثر ما كثرت هاي الاشياء عندهم خصوصا اغتصاب الاطفال
صارو يعلموهم كيف يتصرفو مثلا بعلمو الاطفال انهم "يرجعو" -الله يكرمكو- في حالة اذا حدا حاول يعمل معاه اشي عشان يخلي يقرف.. وبعلمو البنات يضربن في مناطق معينة من الجسم..

الموضوع مهم ومحتاج نقاش..

شكرا للي فتحت الموضوع..
تحياتي

[العاشق الحزين]

نرمين ليش ما تقولى أنة من الممكن أنة التحرش هاى قصدة خير أى يريد أن يعرف ما هوة ردها فى مسأله الزواج او الخطوبة مثلا صح لاكن انا معك انة فى أكتير من التحرشات الى أسووأ من هيك هاى الى مرفوضة طبعا لا كن الكلام معها على اساس أنة يعرف رأيها بلنسبة اله فهذا ما رأيك بية كبنت ممكن تجوبينى
؟؟؟؟؟؟؟؟؟؟

[lo0o0ol]

السلام عليكم :
التحرش الو مفهوم واحد وما ممكن نلعب في الالفاظ انو نغير معناه ....
التحرش هو محاولة اعتداء ومس الكرامة للشخص الثاني سواء كان بنت او شب ...
بس في هدا الموضوع انو اذا البنت سكتت فعلا ممكن انا تكون راضية ومبسوطة على هيك تحرش وهدا بكون نتيجة نقص عندها....
بس ممكن انو كمان يكون طبيعة العلاقات الاجتماعية في مجتمعنا الشرقي هو السبب في انو بيمنع البنت من الكلام اذا تعرضت لمتل هاي الاحداث....طبعا وهدا الاشي بكون نتيجة ضعف في الشخصية عند البنت ...

التوقيع :

http://www.files.shabab.ps/vb/imgcaches/5035.imgcache.jpg

[العاشق الحزين]

مساء الخير أخوتى

انا اعتقد انة لو البنت سكتت ممكن تكون شىء من ثلاثة
اول شى انة ممكن تكون المتحرش والبنت بيحبة بعض من زمان فهوة الى لازم يبدى الكلام معها هذا لو كان قصدة الزواج فقط
ثانى شى ممكن تكون البنت خايفة من الفضيحة
ثالث شى ممكن تكون البنت هيا البدها هيك وهاى الحالة نادرة عنا بشعبنا والحمد لله

[نرمين]

مشكورين على المرور

انا اللي بعرفه عن موضوع التحرش انه

لو بنت حكت مع شب بتكون قليلة ادب مع احترامي للجميع

بس هيك تربينا من وحنا صغار

مشان هيك انا بكره موضوع التحرش لكن حطيت الموضوع هاااااااان عشان اشوف ارائكم بس

وتفاعلكم مع الموضوع

ودمتم بود وسلام

[قسامي غزة]

انا برايي سكوت الفتاة عن الشغلة هاي ممكن يرجع الي عدة اسباب ومنها
اول شي الخجل موجود في طبيعة البنات يعني البنت تخجل انها تحكي انوا احد تحرش بها
وتاني شغلة خوف الفتاة من الفضيحة ولان مجتمعاتنا العربية لا تتقبل ان تقول مثلا لابيها انها اغتصبت سوف تبقي وصمة عار في العائلة ليوم الممات وبتكون هاي البنت عالة علي البيت او يفكر الاهل انوا التخلص منها افضل طريقة
وبعدين عندما تغتصب البنت حياتها تنقلب الي جحيم وتفضل الموت علي الحياةوبتفكيرها تقول لا قيمة لها بعد ذلك

[امورة]

اكيد هو خوف وخصوصي بمجتمعنا الي ما بيتقبل اي شىء على البنت حتى ولو كانت مظلومة
شكرا نرمين موضوعك مهم