كيف المنتدى بدون اهداءات أو رسائل خاصة

[محمود]

السلام عليكم ورحمة الله وبركاته ..

الموضوع باين من عنوانه ..

المهم سؤالي للجميع ،، ويمكن بتغالس شوي

بس اتحملوني لغاية ما في نفسي .

كيف المنتدى بدون اهداءات أو رسائل خاصة :b:

وياريت ما حدا يسألني ليش !!

لكن فقط تحط وجهة نظرك في الموضوع ..

ودمتم بخير ..

:s (43):

[7amood]

انا شايفو بيهبل

انا ما بتفرق معي
اللي بتشوفو اعملو

[ريما الفلسطينيه]

حلووووو

بصراحه ..الاهداءات ما الها داعي لانو كتار زودوها ...

بس الرسايل احيانا ضروريه بتكون ..

يلا ع خير .

[تـولين]

بدون الاهداءات احسن بكتير لانه بعض الاعضاء عملوه دردشة
اما الرسائل الخاصة فانا ضد ذلك لانه متل ما حكت ريما بتكون ضرورية ببعض الاوقات
و يعطيك العافية محمود و اعمل الى بتشوفه مناسب

[شهد الحياة]

عجييييب صراحه ولا أروع

انا بشوف انه ضرر الرسايل اكبر من فايدتها واللي يبغي شي يروح يسأل المدير

بس ياريت هالمره القرار يكون جدّي ،،

[Abu Shadi]

انا ما الي فيكم المهم ترجعلي الرسائل الخاصه وعندي مشكلة في مواضيع ما بشوفها بدي اعرف ليه رغم انو في اعضاء اخرين مش مشرفين بشوفوها

[قمر الخليل]

مممممممممممممممممممم

الاهداءات مش مشكلة محمود عادي بس الرسائل الخاصة ضرورية كتير

ويسلمووووووووووو كتير محمود

[بيســان]

الاهداءات واللي هي عبارة عن شات مالهـا داعي

اما الرسائل الخاصة فأنا وحدة من اللي بستخدموها بالشهر مرة .. لهيك أهميتها عندي مش كتير كتير

بس عندي طلب يا مسيو محمود

بلاها قصة كل يوم نحط الرسائل ونشيلهـــا ... يا في رسائل يا ما في

مش لعبة القصة كل يوم حطينا وشلنـــا ... رسونـــا على بر بليز

وبس هيك

يعطيكم العافية

[o0o عاشق الشهادة o0o]

بدناش اهداءات ولا رسائل خاصة وما بدنا غير مدير عام واحد بالمنتدى


ويا ريت الاهتمام

[Abu Shadi]

احلى اشي يا محمود اليوم اتصل علي ابو جمال فارس فلسطين بطلع الا هو رقم شركة جوال يعني فلسطيني
هي طيب محمد في مصر قلت ليكون معطي جوالو لاخوه ولا ابوه وبدو اشي
المهم رديت الا هو محمد الو كيفك شو وين انتا الي هو بقلي انا هيني مروح علي غزة بدي اعيد فيها وانا افرحت كثير وانبسطت
الا هو طلع قاعد علي المعبر رفح المصرية والارسال بوصل لهناك ههههههههههه مغصني

[Abu Shadi]

بدي كاسة شاي مطول ليأذن
المهم يا محمود الي بدوش الرسائل الخاصه والاهداءات بلاش بس انا بدي الرسائل الخاصه بتلزمني
وليه ما شفتك اليوم بالجامعه يا خاين باقي غاتس هههههههههههه

[شهد الحياة]

بدناش اهداءات ولا رسائل خاصة وما بدنا غير مدير عام واحد بالمنتدى


ويا ريت الاهتمام

لا مديرين بيكون أحسن وفجر مافي منها ومن يوم يومها قد المسؤولية ومافي اي احد بيجي مكانها

[فراشة]

عادي يعني ما بتفرء ... لا الاهداءات ولا الرسااائل ... بس احيانا بنستخدم الرسااائل لنحكي مع صحباتنا ... يعني ما تضيق الخناااق كتير محموووووووود .....

اعمل الي بتشوفه مناسب ... ال يعني مطيعين احنا

[قمر الخليل]

محود ابتلزم الرسايل لما ننقل الموضيع الاعضاء شو بدو يعرفهم وين حطيناه؟؟ يعني بدهم يقعدو يدورو؟؟

غلبناك كتير معانا

[Abu Shadi]

اشي اكيد يا شهد الحياه فعلا فجر الحياه من اصل المنتدى لانو في وقت كنا كلنا مشغولين كانت هي ماسكة الموقع كلو
ربنا يوفقها

[محمود]

راح اعلق على نقطة حكاها

عاشق الشهادة ..

انو بنريد مدير واحد للمنتدى ..

والواحد راح يكون ان شاء الله فجر الحياة ..

انا عن نفسي بتنازل عن الإدارة لو حبيتوا مدير واحد ،،

لانه فجر الحياة هيا المنتدى والمنتدى فجر الحياة ..

راح احكي بموضوعنا بس اشوف كل الردود

[قمر الخليل]

مزبوط محمود انتو الاتنين بتكملو المنتدى

لما ما تكون موجود والله فجر ما بتقصر وانت كمان برضو ما بتقصر

مديرين احسن لانو عنجد لما ينشغل الاول التاني بقوم بالواجب

[عاشق الحور]

No Comment

[محمود]

No Comment

ِِAs You Like

[دمـوع فلسـطين]

انا بصراحه بقول الاهدائات مالها داعي اولا

بس الرسائل الخاصه في بعض الاحيان بتكون ضروريه

<< اسكت انت لسه عضو جديد ما بتفهم شي

دمتم بخير حبايبي

[Abu Shadi]

يلا يا محمود شوف قصتي في الشكوى ولا بتهرب منها

[alaa_sabbah]

محمود
انا ارتفع ضغطي
انت بتعرف انه ايميلي انسرق
و بدي مساعدة من اي حد
الاهداءات يا سيدي بلاها
بس الرسائل الخاصة ليش وقفتها
يا زلمي بدي ابعت رسالة لأنوس ما اقدرت و في عندي مشكلة
و اضطريت ابعت الرسالة لايميله و ابصر ايمتا يفتحه
و يمكن هلا هو فاتح المنتدى بس مانو فاتح الايميل
يعني عرقلت امورنا يا محمود
بحياتك رجع الرسائل الخاصة
الاهداءات بنستغني عنها
بس الرسائل ضرورية
سلام محمود

[ريما الفلسطينيه]

:::عنــــــــــــــــدي اقتــــــــــرااااح:::

عشان ما نكون ظالمين حد ...
الرسايل تنمنع عن الاعضاء يلي بيستاهلو تنمنع عنهم ..بس يلي بيستخدموها للضروره لشو نشيلها عنهم ..

وانت يا محمود بتعرف كل واحد و شو غايتو من لرسايل ......

اما عن الاهداءات ..فبصراحه .. يلي عم بيصير فيها هاي الايام شي بيرفع الضغط فما في داعي الها فاحسن شي تنمنع عن الكل ...

[Twin]

محموووووووووووووود لاتديئها كتير .. يعني الاهدائات بتعمل جو .. وبنمسي عبعض .. وبنطمئن عبعض .. مش دايما بنستعمل الرسائل .. يعني انتى ازا شفتنا زودناها مره تانيه .. الك الحئ انك تبهدلنا .. بس هلاء سيبها .. والله انها عامله جو مرح للمنتدى والله ممل المنتدى من دونها ... والي بدك ايه اعمله .. ما راح نظغط عليك .. بس نحنى نتمنى

[صدى الصمت]

اخي محمود ،، سامحني على التفلسف بس يلا
اول شي الاهداءات كان لازم ما تكون من اساسو لانو انا بشوف واحنا ماخذينها كـ دردشة و كثير منتديات مافيها اهداءات وهيها منيحة كثير
اما الرسايل الخاصة انا ما احتجتها الا للمسابقة او للاشياء الضرورية كثير واللي ما بتتأجل
وشغلة مدير ما دير انتو الاثنين بتكملو بعض احيانا ما بتكوون موجود انتا فــ فجر هيي يلي بتقوم بدورك والعكس برضو
انا قلت رأيي والدور والباقي عليك

[-|| تقى ||-]

محمود ما تضل تغلب حالك ..

الرسائــــــــل الخاصــــه ما الها داعـــي

اذا المشرف بدو يخبر عضو بنقل موضوعه ممكن انو يترك وصله بالقسم ..

والتعرف وقصص الصحبـــــه ,,ما الهــــا ضروره نكتفي بالي عالمسنجر ..

اما الاهداءات ..فالمنتدى فيها وبلاها واحـــــــد

وقصه المديرين ما بتفرق ما دام الاثنين متفقين عالقوانين او عصوره سير المنتدى

وما في داعي واحد من محمود او فجر يتخلى عن الاداره

ويعطيك العافيه محمود ..والله يعينك عوجعة هالراس

[Twin]

والله محمووود ما تخاف ،، المنتدى متل ما هو بيهمك فهوه بيهمنا اكتر .. في عيونا والله .. وتأكد انووو ان شالله مارح نغلط .. واذا شفتنا غلطنا بالاهدائات ،، ان شالله ما هنكررها ..

[anos]

والله انا ما بعرف بكل القصة

بس بتــــ ــوقع
انو الغااء الرساائل الخااصة بس لفترة قليلة (ليكسر روس بعض ... بس )
والاهداائات ما بتوقع من ناحيتهاا شي


وانا من زماان مع ايقااف الرساائل الخااصة والاهدائاات

سلملمـ

[anos]

يا زلمي بدي ابعت رسالة لأنوس ما اقدرت و في عندي مشكلة
و اضطريت ابعت الرسالة لايميله و ابصر ايمتا يفتحه
و يمكن هلا هو فاتح المنتدى بس مانو فاتح الايميل



ضيفني على الهتميل او اليااهو من جديد

وايملاتي اللي دايما فااتحهم موجودات بالملف الشخصي

سلامـ حجّي :icon31:

[ABU-NOUR]

الاهدائات ما الها لازمة :::::::: >>>>> مضيعة للوقت وبتلهى الاعضاء عن المواضيع بيصيرو كل همهم يشوفو الاهدائات

الرسائل الخاصة انا من ناحيتي ما بدي اياها ما بتلزم في اخر اشي صار ازعلت انا ومحمود علشانها


بس هي الصراحة الرسائل الخاصة في اعضاء بتلزمهم الرسائل الخاصة وفي ما بتلزمهم بس الافضل لو تشغل الرسائل الخاصة عن الاعضاء المشتركين في المسابقة الي عاملتها هلون علشان يعرفو يرسلو الاجابات ..............










تحياتنا لكم من القوة التنفيذية ...

[مؤيد]

:::عنــــــــــــــــدي اقتــــــــــرااااح:::

عشان ما نكون ظالمين حد ...
الرسايل تنمنع عن الاعضاء يلي بيستاهلو تنمنع عنهم ..بس يلي بيستخدموها للضروره لشو نشيلها عنهم ..

وانت يا محمود بتعرف كل واحد و شو غايتو من لرسايل ......

اما عن الاهداءات ..فبصراحه .. يلي عم بيصير فيها هاي الايام شي بيرفع الضغط فما في داعي الها فاحسن شي تنمنع عن الكل ...
أنا أوافك الرأي ، وهذا اقتراح جيد ،، الأعضاء الي بستعملو الرسائل الخاصة عشان يتعرفوا على الجنس الآخر _ وغالبا ً هم أعضاء جدد - . فأقترح أن يشملهم المنع .

أما الأعضاء المحترمين حالهم وغيرهم ، وعم ببعثوا رسائل لبعض كي يعروفوا أخبار بعض أو يدعو بعض لمشاهدة موضوع ما ، أو طلب توقيع .... ، فأرى أن لا يشملهم المنع ، وغالبا ً هذه الفئة المحترمة تكون من - الأعضاء القدامى - ..

وبالنسبة للأخت فجر الحياة ،،، فأنا اقول بأننا لحاجة لمحمود ولفجر الحياة ، لإنو مرات محمود ما بكون ، ولازم المنتدى يضل مراقب 24 ساعة ،، والأخت فجر بتستاهل كل خير وأنا ضد نزع مرتبة المدير منها .

شكرا لمحمود وللإدارة .

[AnGeLa]

بجنن ..

[Twin]

يعني يا محموود انت بترضى انووو لو بدنا شي من اي حدا ناخد ايميله ؟؟!! اوكي بعد ازنك يعني .ز الرسائل الخاصه لاتعطيها غير للي مشاركاتهم كبيره .. مش للجداد ..

[m16]

انا ما بتفرق معي

[مؤيد]

مش قلقان عادي

الله يخلينا الإيميلات

[بنت الشرق]

السلام عليكم اخواني واخواتي ..
بالنسبة إلي الاهداءات ما بستعملها ابدا ..
أما الرسائل الخاصة استعملتها فقط في المسابقة اللي
عاملتها الاخت هيلين..وعدد محدود جدا لتوضيح بعض الامور الهامة فقط
وما بتفرق معي التغت او لا ..وما بعرف إذا كنت انا مقصودة بكلام
أخي مؤيد عن الاعضاء الجدد ..فأرجو أن لا تعمم الحكم أخي مؤيد
لاني لا أذكر انني اسأت بأي شكل سواء للمنتدى او للأعضاء أو
حتى لنفسي ..ارجو التوضيح...مع الشكر

[Eagle of Palestine]

خيو محمود انا رأيي بصراحة :-

ليش ما تلغي المنتديات بالمرة و خلص ، انت بتعمل عملتك و بعدين بتروح تسأل شو رأينا ، و بشو بيهمك يعني راح تتراجع عن الخطوة ياللي عملتها :36_1_56[1 :36_11_18[ :36_7_11[1 :amazed:

انا عن نفسي

ما بتفرق معي ، لا ده و لا ده

بس بحكي عن الأعضاء ياللي كمان شوي بدهم يترجوك ترجعلهم هالخاصية ، بس ما بتعرف يمكن ييجي وقت احتاج هالخدمة الله بعلم :s (61): :s (61): :s (61): :36_7_10[1


يعني بدل ما يكون هالموضوع : من شان تشوف اقتراحات الاعضاء من اجل تطوير المنتدى او اضافة اي خواص جديدة بتقوم بتشوف رايهم من حذف خواص قديمة

و بالأخير ............. بتمنى خيو ما تكمل و توصل لحد نشرة المنتدى و تروح و انت لاغيها من برنامجك الله يخليك مش لهالدرجة عاطلة بالعكس احسن شي فيك و في المنتدى ، حاكم بتهمني كنير ها

و بعدين كلهم قالو و انا بكررها ، هاد شغلك و المنتدى لأبوك اعمل ياللي بتشوفو و ياللي بتشوفو حصير لشو بتشاورنا :b: :36_13_1[1 :36_13_1[1 :sad:

اخي محمود أو حتى الأعضاء ، ما تواخذوني لأنو طريقة كلامي فيها شوية هيك شغلات متل التجاوزات بس انا معتبر الاخ محمود متل اخي الكبير و مش شايف غلط اذا بحاكي بهالطريقة الا اذا هو شايف شي تاني انا مستعد اغير مشاركتي راسا على عقب او اذا هو قرر فلا يشاورني و يعدلها او يحذفها بالمرة اصلا هي و قلتها بالسوا :s (43): :36_7_7[1] :36_7_7[1] :36_7_7[1] :36_6_2[1] :36_1_17[1 :sad: :36_1_53[1

و الله ولي التوفيق:s (43):

[** نُسُــــكْ **]

انا مع هذا القرار وبشدة .

[لولو اليبناوية]

الي بتشوفو محمود.......

[عاشق البندقية]

السلام عليكم ..
حبيبي يا محمود شوف ...
اولا ...
من جهة الاهدائات ..انا بصراحة بحسها روح المنتدى وبتعطي حركه وبدونها بحسه ساكت..ولالحد فيه..
بس على حكيكم .. انا ما كنت افوت كتير بالفتره الماضيه... وشكلو صاير شوية مشاكل ..

ومن ناحية الرسائل الخاضه..... الها لزمتها ... انك تدعو لموضوع لاشي ..

ع كل حال شوف يا حلو... اللي بريحك وبمصلحة المنتدى اعملو وايدي بايدك..
بس عندي اقتراح صغير ...
ليش مثلا ما تعمل المشاركه بالرسائل والاهدائات برصيد عالي يعني من 200 -500 مشاركه ...
ما بعرف برضو راجع لالك..

ثانيا...
بقصة المدراء العامين ...
ان كان محمود ولا فجر...
انا شايف التنين مكملين بعض...
والتنين ما شاء الله بقدر المسؤليه وما شاء الله عقلهم بوزن بلد ...
وانا برفض الاعتراض ع اي واحد منهم.....
وهاد اللي عندي ..


و...
صحيح ... ازا فجر ومحمود ما بدهم الاداره ..مش مشكله انا بستلمها...
:icon6: :showoff: :icon6:
هههههههههههههههههههههه

دمتم ..
اخوكم.

[محمود]

مش قلقان عادي

الله يخلينا الإيميلات

يخلف عليك يا مؤيد !!

ما أتوقع انو جواب مناسب في مكان مناسب ..

بارك الله فيك ..

[Abu Shadi]

اخي محمود انتا غلطان اصلا عارف ليه
لانك كل مره بتشيل وبترجع وبعدين بعرف انا الي بدو ياخد رأي الاعضاء قبل ما يتصرف بأي سلوك ياخد رأيهم ةبعدين يتصرف مش يتصرف وبعدين ياخد رأيهم انا والله كنت شايف الاهداءات معطيات جول للمنتدى ولكن انتا اخدت الجو وبتفكر حالك انك بهيك بتخلي المنتدى الو هيبة اصلا شو الي بخلي الاعضاء التانين او الزوار يسجلو انا اريحك مش الدعوة للمنتدى هي الي بتخليهم يسجلو لا خيو الدعوة بس بتوصلهم وهما بشوفو المنتدى والله ان ارتاحو بسجلو ما رتاحو ما بسجلو واكيد اغلب الاعضاء يالي سجلو شافو انو المنتدى مش معقد زي المنتديات التانيه ولا هو فري زي التانين لقاه جو مرح ترابط اسري مش اعضاء ومشرفين وبس وهذا كلو برجع لفضل الاعضاء مش لفضل المشرفين والادارين يعني يا اخ محمود بدي اجيبلك من الاخر لو انا اطلعت
وهذا طلع وكم عضو طلع ولقيت انو الي طلعو كلهم عملين بهجة فكرك انو المنتدى راح يستمر في الطريق زي ما كان اول
بتهيئلك اخي راح تلاقي انو الي بانيتو بنهدم حبة حبة
واكيد ما في عضو عاشر الاسرة هذه برضى هيك عارف ليه لانو اغلبية الاعضاء اخوه واصدقاء
فتجمعهم هذه الرابطة وليس فضل المنتدى عليهم
بدي اريحك اخي محمود انا من يوم ما سجلت هون فكرك شو استفدت من هالمنتدى بتعرف شو استفدت
ولا حاجة ولا اشي اخدت من هين نفعني الا في حالة نادره كانت تزبط معي
برامج اجي انزلها القيها يا مضروبة يا اما الرابط ملغي
يعني انا بشارك مش لاجل الاستفاده بشارك لاجل اني ملاقي اسره متحابه هون
وياريت يا اخ محمود احنا اخوه وصحبه وفاهمين بعض كويس
ياريت تشوف طلبات الاعضاء وتلبيها مش تلبي رغباتك وتكره الاعضاء علي اشي هما مش عايزينو لانك مدير
وان ظلتيك علي الموال صدق بأطردك من الادارة انتا والي بأيدك فاهم ولا يلا انهي وشوف طلباتهم ههههههههههههه

[محمود]

السلام عليكم ورحمة الله وبركاته

أسعد الله صباحكم ..

شوف يا عبد

وحكيتلك اياها مليون مرة ..

منتدى شباب فلسطين أو غيره من المنتديات الفلسطينية

هيا عبارة عن صورة عن فلسطين وذات فلسطين ..

واذا منتدى شباب فلسطين بدي أحسه انه بده بنحرف

لطريق غير اسلامي ، أو بريد يشوه اسم فلسطين !!!

ما بريده ، والهدم مش اني اهدم منتدى بحبه كثير ..

الهدم اني أهدم اسم بلدي يلي بحبها أكثر ..

المنتدى مش لعبة يا عبد ، مش مكان تسلاية

مثل ما بعض الناس بتفكر ،، المنتدى شامل لقضيتنا

وفينا نرفه عن حالنا فيه ،، لكن بحدود الأخلاق ...

انتا بتقــول ما استفدت من شباب فلسطين لأنك ما دورت على الإستفادة ..

لكن بالنسبة الي الحمد لله اكتسبت بحر من المعلومات من منتدى شباب فلسطين

وأظن انك بتعرف هذا الحكي اكثر مني ..

انا بالمناسبة وموضوع الرسائل الخاصة راح يتم فتحها

وراح تكون بإشراف الإدارة ...

يعني ما في رسالة بتفوت الا عن طريق الإدارة ،،

وتقولي خصوصياتي ،، ولحد الآن مش فاهم كلمة خصوصيات في الرسائل الخاصة

يعني شو بدها تتعدى انتقاد على موضوع معين في المنتدى و أمور تربوية بتخص المنتدى ..

ما في أكبر من هيك خصوصية ..

بعتقد انو المصحلة العامة أكبر من المصلحة الشخصية ،،

وفي أمان اللـــه ..

[فراشة]

اوكي هيك نحنا معك ... بموضووع الرسااائل .... طيب والاهداءات .. شو رأيك ؟؟؟؟

[ABU-NOUR]

كلامك محمود 100% بخصوص الرسائل

بس اوعك تنساني لحسن اطخك

[فينيسيا]

بدك رأيي بصراحة ..بدك تحذف رأيي احذفه

على كل حال أنا بالنسبة الي أجمل ما كان بالمنتدى الإهداءات لأنو الواحد بيقرب من الأعضاء وطريقة خفيفة دم لإلقاء التحية .. تعتبر توقيع حضور .. واذا في ناس بتحكي انها فتحوها دردشة هن أول شي كانو بالدردشة .. والكل كان يكتب يعني ما في داعي نجرح بأي حد ولا الواحد بشوف غيره ولا بشوف حاله

وبالنسبة لرسائل الخاصة يعني مش معقول نقلبها حلقة تعارف على الإيميلات .. ويصير المنتدى نقطة وصل على المسنجر .. والله اذا صار هيك الموضوع ما رح تلاقي حد خلال أسبوع بكتب بالمنتدى ولا كلمة .. خلص المسنجر أريح ..

وبالنسبة للادارة أنا شايفة كتروا الطباخين خربت الطبخة أنا مشتركة بأكتر من منتدى عمري ما لقيت أكتر من مدير عام واحد للمنتدى والباقي ادرايين أو مشرفين أقسام .. أو مساعد واحد لمدير عام .. يعني مو نلعب لعبة غيب يا قط العب يا فار .. في مشاكل بتنحل عن طريق الجماعة .. ومو كل يوم منلاقي قرار جديد ..

وهاي مشكلة تانية أنو لا زم تحدد عمر دخول الأعضاء الى المنتدى يعني اللي فوق العشرين ما يشاركوا ..
خليه بين فئة معينة من العمر للأنو الواحد بينغر لما يدخل منتدى مكتوب عليه منتدى شباب فلسطين ويلاقيه مراهقين فلسطين والكلام بعم الجميع وأولهم أختي .. يعني كل واحد بالمنتدى متخانق مع حد بتقوموا بتسكروا الرسائل الخاصة والاهداءات بصراحة هذا تصرف صبياني ..

وبعدين اسمه منتدى يعني المشاركة للجميع .. والرسائل الخاصة والإهداءات ملك لأي عضو وإذا بدك تتحكم فيهم تحت اسم مدير عام معناتو إلغي المنتدى لأنو بصراحة هذا تصرف أناني لما الأعضاء يشاركوك بمنتداك المفروض انت اتشاركهم برأيك لأنهم هم كمان شاركوك بآرائهم .. مو تلغي وبعدين تحكيلهم شو رايكم بالموضوع ...؟؟

وكل واحد يحاسب نفسه قبل ما يحاسب الآخرين .. وياريت نتصرف بطريقة أكثر حضارة وما داعي لقرارات ولاد صغار واتصرفوا مرة وحدة كناضجين ..نحنا صورة مصغرة لشعب الفلسطيني يا ريت نظهر بصورة طيبة .. وأنا بصراحة من فترة كنت بدعي أصدقاء النا يكتبوا معنا بالخواطر ..من المنتديات الأخرى الى منتدى شباب فلسطين شلكي رح ألغي الفكرة .. وأنضم معهم ..

أنا آسفة على صــراحتي بس كل واحد حر برأيه وهذا رأيي ..

[بيســان]

وأنا حابة اضيف هيك شغلة صغيرة يمكن تريح قلبك يا مسيو محمود

اظن اولاً انك منعت الرسائل الخاصة لانك حسيت انه من خلالها بتعرفوا البنات على الشباب ومتل ما قلت بتجه المنتدى لمنحى غير اسلامي

تاكد انه الرسائل الخاصة مش هي الوسيلة الوحيدة للتعارف بين الاعضاء ابداً

واللي حابب يتعرف والله بتعرف بالرسائل الخاصة وبلاهـــا

رح اضربلك مثل صغير .. في منتدى انا فيه من زمان كتير وحاملة اليوم مسئولية كبيرة فيه

الرسائل الخاصة ملغية لا بتنحط وبتنشال ولا شي .. ملغية من تلات سنين .. ومع هيك يا مسيو اي حدا بده يتعرف على حدا بتعرف عليه وعلى عايلته كمــان اذا بدك ...

عمر الرسائل الخاصة ما كانت بتحكم اخلاق الشخص ... اللي بده يغلط بغلط فيها وبلاها والعكس صحيح اللي ما بده يغلط مش لو تحط رسائل خاصة لو تسلمه ادارة المنتدى بما فيه ما بغلط ....

وتأكد من شغلة .. انت مش حامل ذنب حدا ومش مسئول عن تصرفات حدا .. ( واللي على دينه الله يعينه )

وبس هيك

تحياتي

[هلــون]

انا مع اختي بكل كلمة حكتها ...

يسلمو كتير

[ABU-NOUR]

بيعين الله يا جماعة معلش

ان شاء الله بتنحل المشكلة في اقرب وقت
بس بالنسبة للمدير
مش مشكلة لو كان في 2
لانو فجر الحياه كانت شايلة كل المنتدى لمن احنا تركناه
انا من أول ما فتح الموقع سجلت فيه وشاركت بعدين سيبتو ارجعتلو قبل سنة ونصف لقيت فجر ومحمود شايلين المنتدى شيل بعد ما نصف الأعضاء تركوه عملولو اعادة ترميم للمنتدى


يعني مش مشكلة لو كان في مديرين للمنتدى



تحياتنا

[anos]

انا بالمناسبة وموضوع الرسائل الخاصة راح يتم فتحها

وراح تكون بإشراف الإدارة ...

يعني ما في رسالة بتفوت الا عن طريق الإدارة ،،



100 % يااا عســـ ــل

----------------

تعليق بسيط للي بيحكي انو محمود بيعمل العملة وبعدين بيوخد الرأيي
(( هههههههههه الله يهديه اللي بيحكي هيكـ ..بـ ــس ))

وكمان شغلة
قصـ ــة انو يكون في تنين ادااريين ما تفـ ــتوا فيهاا
هاد الموضوع موضوع للاهدائات والرساائل الخااصة
مش موضوع لتحكوا عن المدرااء

[anos]

وكماان شغلة

نســــــ ـــيت اعلق على رد الاخت فينيساا .. ازا بتتحملني

والله يا اختــ ــي ردك فيه تنااقض لدرجة كبيرة

وبالنسبة انو بتحكي لازم تحدد الفئة العمرية ...
هاد ياا اختـ ــي غلط كتير كبير
في نااس بيكوون عمرهاا 15 سنة بتفهم اكتر من نااس عمرهاا 30 سنة

شبااب فلسطين المرااهقين اللي بتحكي عنهم همي اللي راافعين رااس فلسطين
شباب فلسطين المرااهقين الطف مرااهقين بالعالم
شبااب فلسطين المراهقين ما بيعرفوا شو هي المرااهقة
شباب فلسطين المراهقين مش عايشين حيااة متل اللي بتتصوريهاا

طبعاا انا بحكي عن شباب فلسطين بشكل عاام في كل فلسطين
مش عن عدد قليل بيفووت على المنتدى هااد

[لولو اليبناوية]

اختي فينيسا.........!!!!......!!
يكون حر لجميع الاعمار.........بالعكس حلو انا نشوف اراء جميع الفئات من الاعمار..!!
وبالعكس الي فوق العشرين مخهم بكون كامل النمو ....لهيك بعتقد انهم افضل المشاركات حتكون مشاركاتهم!!........مش معناتو اني بذم الي تحت العشرين لا؟؟

[مؤيد]

يخلف عليك يا مؤيد !!

ما أتوقع انو جواب مناسب في مكان مناسب ..

بارك الله فيك ..
آسف أخي محمود

بس التلميحات الي بقرأها من البعض ، بحسها بتقصدني

وفعلا ً يعني لو منعت الرسائل الخاصة ، راح يلجأ البعض للإيملات ..

عشان هيك أنا عارف إنو أنا مقصود من هذا المنع ، رغم أنني لم أفعل شيء خطأ ولا عمري ذكرت قصص حب ولا حبيت في الرسائل الخاصة ولا أي أمر من شأنه أن يكون سيء ..

شكرا لك مرة أخرى

ورجاء ما تفهم وجهة نظري بشكل سلبي

تحياتي لك محمود ،، كل الاحترام

[مؤيد]

انا بالمناسبة وموضوع الرسائل الخاصة راح يتم فتحها

وراح تكون بإشراف الإدارة ...

يعني ما في رسالة بتفوت الا عن طريق الإدارة ،،

..
أخي محمود .......

بصراحة ، لا جديد ، فأعتقد جازما ً أن كل الرسائل الخاصة تمر على الإدارة ... والإدارة بإمكانها الاطلاع على أي رسالة خاصة لأي عضو ، وهذا من حقكم طبعا ً أنا مش ضد ذلك ..

تحياتي

[عاشق الحرية]

فعلا شي حلو الي مسح الردود

عشان ما حد يعرف الامور على حقيقتها

الله معكو بس لو ضليتو هيك كمان شهرين ما بتلاقو غيركو اعضاء منتدى شباب ........

[فينيسيا]

وكماان شغلة

نســــــ ـــيت اعلق على رد الاخت فينيساا .. ازا بتتحملني

والله يا اختــ ــي ردك فيه تنااقض لدرجة كبيرة




طبعاا انا بحكي عن شباب فلسطين بشكل عاام في كل فلسطين
مش عن عدد قليل بيفووت على المنتدى هااد



مين المتناقض بحكيوا يا أنوس ..

أنا ما رح ادخل بنقاش عن المراهقة والفهم أنا بحكي عن واقع وظرف صار قبل بيوم .. وتصرف مراهقين

انا لو بدي أمدح شباب فلسطين بكفيني شرف انو شبابنا برفعوا الراس بس لما يقولوا أنا فلسطيني صغيرنا وكبيرنا وهدا للي بدنا نوصلوا لشباب اليوم وجيل بكرا .. نحنا بغربة وانجمعنا هون ، لنكسر الحواجز مو لنبعد فوق ما نحنا بعاد .. ولما دخلناوشاركنا دخلنا بهدف مو لنخلق مشاكل .. وانا ما بقلل من احترام طفل عمره 7 سنين لما بيحكي وفاهم شو بدوا وبنفس الوقت بحترم انو في ناس أكبر مني لو كنت بفهم أكتر منو هدا ما بمنع الإحترام ...وهدا اللي قصدتو بكل حكيي .. وياريت يا أنوس تفهم شو صار وبعدين تحكم ..

وانا بس بحب احكي شي الموضوع أخد أكبر من حجمه .. وكتر الحكي بقلل قيمة الموضوع وبفقد مصداقيته .. وكان السؤال ليش مافي رسائل خاصة ولا اهداءات .. والله المال مالكو وانتو حرين فيه ..

نحنا مجرد ضيوف وزيارتنا خلصت .. وسامحونا ان غلطنا فيكم ..

[aBo SaLeeM]

محمود بصراحة كمان انا رأيي من رأي الى حكو الرسائل الخاصة مهمه ومش لازم تتعطل

لكن الاهداءات ما الها داعي

والله يجيب الى فيه الخير

[أمير الأحزان]

اخي محمود
انا بأيد الاغلبية في قصة الاهداءات انها مش مهمة
لاكن الرسائل الخاصة مهمة جدا اخي
وتقبل فائق الاحترام والتقدير

[Twin]

اسمعووو مني : محمووووود بيتغلى ،،، عم بشوووف غلالالاوه المنتدى بالنسبه الكووو .. هوه كلووو يومين ويرجعها تاني ... هوي حكالي ..ههههههه :-)

[ريما الفلسطينيه]

معلش فينيسيا اتحملي صراحتي .^ ^
على كل حال أنا بالنسبة الي أجمل ما كان بالمنتدى الإهداءات لأنو الواحد بيقرب من الأعضاء وطريقة خفيفة دم لإلقاء التحية .. تعتبر توقيع حضور .. واذا في ناس بتحكي انها فتحوها دردشة هن أول شي كانو بالدردشة .. والكل كان يكتب يعني ما في داعي نجرح بأي حد ولا الواحد بشوف غيره ولا بشوف حاله

اما بالنسبه الي الاهداءات كانت مكان حلو ...بس صارت ....!! انتي كملي
يمكن متل ما بتحكي الاهداءات طول حياتها دردشه....بس بدي احكيلك شغله (دردشه عن دردشه بتفرق) !!

وبالنسبة لرسائل الخاصة يعني مش معقول نقلبها حلقة تعارف على الإيميلات .. ويصير المنتدى نقطة وصل على المسنجر .. والله اذا صار هيك الموضوع ما رح تلاقي حد خلال أسبوع بكتب بالمنتدى ولا كلمة .. خلص المسنجر أريح ..
بالنسبه للرسايل كتار صارو بيستخدموها غلط!!!

وبالنسبة للادارة أنا شايفة كتروا الطباخين خربت الطبخة أنا مشتركة بأكتر من منتدى عمري ما لقيت أكتر من مدير عام واحد للمنتدى والباقي ادرايين أو مشرفين أقسام .. أو مساعد واحد لمدير عام .. يعني مو نلعب لعبة غيب يا قط العب يا فار .. في مشاكل بتنحل عن طريق الجماعة .. ومو كل يوم منلاقي قرار جديد ..

بس مرات الواحد بيحتاج طباخين كتير عشان يقدرو يمسكو المطبخ ..
كتروا الطباخين خربت الطبخة...يمكن مزبوطه للطباخين بس..
(علفكره احنا مش بمطبخ احنا بمنتدى) للعلم فقط
بس عنا في المنتدى ..مسك المنتدى مديرين انعدل المنتدى..

وهاي مشكلة تانية أنو لا زم تحدد عمر دخول الأعضاء الى المنتدى يعني اللي فوق العشرين ما يشاركوا ..
خليه بين فئة معينة من العمر للأنو الواحد بينغر لما يدخل منتدى مكتوب عليه منتدى شباب فلسطين ويلاقيه مراهقين فلسطين والكلام بعم الجميع وأولهم أختي .. يعني كل واحد بالمنتدى متخانق مع حد بتقوموا بتسكروا الرسائل الخاصة والاهداءات بصراحة هذا تصرف صبياني ..

مراهقين !!!!...والله تصرفات بعض المراهقين في المنتدى احسن من تصرفات بعض الناضجين
و ما في داعي اعطيكي امثله.. ^ _ *

وبعدين اسمه منتدى يعني المشاركة للجميع .. والرسائل الخاصة والإهداءات ملك لأي عضو وإذا بدك تتحكم فيهم تحت اسم مدير عام معناتو إلغي المنتدى لأنو بصراحة هذا تصرف أناني لما الأعضاء يشاركوك بمنتداك المفروض انت اتشاركهم برأيك لأنهم هم كمان شاركوك بآرائهم .. مو تلغي وبعدين تحكيلهم شو رايكم بالموضوع ...؟؟

مرات الواحد بيضطر يتصرف تصرفات عشان يخرس بعض الناس ..

وكل واحد يحاسب نفسه قبل ما يحاسب الآخرين .. وياريت نتصرف بطريقة أكثر حضارة وما داعي لقرارات ولاد صغار واتصرفوا مرة وحدة كناضجين ....
ياريت ...خاصه التصرفات تكون حضاريه اكتر بالاهداءات ..لانو الاهداءات بالوجه
بالنسبه الي اشبعت من الحضاره يلي كنت عم شوفها في الاهداءات..

نحنا صورة مصغرة لشعب الفلسطيني يا ريت نظهر بصورة طيبة .. وأنا بصراحة من فترة كنت بدعي أصدقاء النا يكتبوا معنا بالخواطر ..من المنتديات الأخرى الى منتدى شباب فلسطين شلكي رح ألغي الفكرة .. وأنضم معهم
حلوه فكرتك عجبتني..^ ^
بس بدي احكيلك شغله ..وما تزعلي (ما حد ضربك عايدك و حكالك اشتركي في المنتدى)..



بتمنى مشاركتي ما تنحذف ... وازا انحذفت ياريت مشاركه فينيسيا تنحذف معي..
ومتل ما بيحكو حلوه الصراحه ازا ما فيها تجريح ..وانا والحمد لله ما اتعديت حدودي..

مع تحياتي::
ريما

[احلى رورو]

والله بالنسبة للاهدائات فانا بلاقيها بتعطي جو حلو للمنتدى

اما بالنسبة للرسائل الخاصة فبلاقي ما الها لزوم الا رسائل اللي بتجي من المشرفين اللي عن نقل موضوع وهيك

اما بالنسبة للمديرين فكمان اشي حلو انو يكون مديرين ازا غاب مدير يكون في مدير تاني موجود

وهادا رايي

[anos]

مين المتناقض بحكيوا يا أنوس ..

أنا ما رح ادخل بنقاش عن المراهقة والفهم أنا بحكي عن واقع وظرف صار قبل بيوم .. وتصرف مراهقين

انا لو بدي أمدح شباب فلسطين بكفيني شرف انو شبابنا برفعوا الراس بس لما يقولوا أنا فلسطيني صغيرنا وكبيرنا وهدا للي بدنا نوصلوا لشباب اليوم وجيل بكرا .. نحنا بغربة وانجمعنا هون ، لنكسر الحواجز مو لنبعد فوق ما نحنا بعاد .. ولما دخلناوشاركنا دخلنا بهدف مو لنخلق مشاكل .. وانا ما بقلل من احترام طفل عمره 7 سنين لما بيحكي وفاهم شو بدوا وبنفس الوقت بحترم انو في ناس أكبر مني لو كنت بفهم أكتر منو هدا ما بمنع الإحترام ...وهدا اللي قصدتو بكل حكيي .. وياريت يا أنوس تفهم شو صار وبعدين تحكم ..

وانا بس بحب احكي شي الموضوع أخد أكبر من حجمه .. وكتر الحكي بقلل قيمة الموضوع وبفقد مصداقيته .. وكان السؤال ليش مافي رسائل خاصة ولا اهداءات .. والله المال مالكو وانتو حرين فيه ..

نحنا مجرد ضيوف وزيارتنا خلصت .. وسامحونا ان غلطنا فيكم ..


قبل ما اعلق بدي احكيلك انو ما في بيني وبينك شي
وبعتبرك اخـــــ ـت كبيرة الي ،، وكل الاحتراام الك

وبتمنى منك كماان شغلة انو فكرة هااي تتركينا بتمنى تشيليهاا من رااسك
ما انفتح الموضوع لحداا يترك المنتدى انفتح الموضوع بس لنسمع ارآء الكل

اول شي بالنسبة انو انا منااقض حاالي
لا والله يا اختي انا ما ناقضت حاالي بشي
وبتمنى منك تحكيلي بشوو نااقضت حاالي ..
وانا مستعد احكيلك انتي في ردك بشو ناقضتي حاالك
وازا كاان قصدك عن الكلمتين اللي مقتبستيهم .. هدول
--- طبعاا انا بحكي عن شباب فلسطين بشكل عاام في كل فلسطين
مش عن عدد قليل بيفووت على المنتدى هااد ---
انا قااصد احكي هالكلمتين اختــ ـي
وما في اي تنااقض ورااح احكيلك ليش
انا قصدت انو ممكن واحد فلسطيني يفووت على المنتدى
يحكي حكي قليل ادب .. او يعمل شي مخاالف للعادات
او يعمل شي مش مرغووب فيه .. او .. او
فهاد مش معنااته كل شباااب فلسطين متل هالنووع
وانا لما حكيت عن عدد قليل (قصدي اعضااء بينعدوا على
الاصاابع بيفوتوا المنتدى وبيعملوا هيك شغلات مش كل اعضااء المنتدى)

انا مش فااهم شو هو التصرف اللي صاار لتعتبريه تصرف مرااهقين
(ممكن لو سمحتي تحكيلي اياه .. ؟؟!)

وبالنسبة انو افهم شو صاار
اختــ ــي والله انا فااهم كل شي
وفااهم كل شي صاار
وفااهم كل عضوو شو نيته وشو هدفه من هاد الاهدااء او من هااد الموضوع او من هاد الرد
وبتمنى منك انتي تفهمي ليش محمود وقف الرساائل الخااصة ( مش تحكي عنه تصرف مرااهقين)

وانا كماان متلك مجرد ضيف
والمنتدى هااد اعرفته متل ما انتي اعرفتيه
بس انا ضيف صاارلي سنة ونص .. وانتي يمكن ما صرلك شهر
وياماااااا مر عليي اعضااء ومشااكل متل هيك وصاارت بالمنتدى


وبتمنى زياارتك ما تخلص .. لانو ماا حداا ضاايقك او حداا وجهلك شي بيزعجك
واسف ازا كاان تعليقي على ردك مزعج لالك

سلامــــ ــز

[just-me]

انا بتصوري يا اخ محمود في حال صدور موقف خاطيء من شخص معين مش معناها الك يتعاقب " سياسة العقاب الجماعي" بقترح انه لما شخص يخطء تتوقف عضويته حسب نظام انذارات متفق علي
وشكرا على الاقتراح بس انا متحفظ على هيك قرار

[فينيسيا]

أنوس انت مو فاهم القصة .. وأنا مافي أي خلاف بيني وبينك ولا مع أي حد .. بالعكس ..

انت بتحكي انو أنا ما الي شهر بالمنتد صحيح بس أنا من وقت ما دخلت هيلن أختي وأنا متابعة معكو وكانت أختي تطلب مني المشاركة وأنا كنت أأجل انا بعرفكوا منيح فوق ما تتصوروا ..

الأنسة ريما بتحكي انو ما حد جبرني أدخل .. بما إنو صغار أنا لما دخلت ما تعاملت إلا مع فئة معينة والدليل من اول ما دخلت ما كانت الي مشاركات إلا بالنثر والخواطر .. يعني أنا كنت أتعامل مع جيلي ، نحنا انهنا يا أنوس انا وأختي وأبن الجليلي ... وانسب علينا بطريقة مو مؤدبة والموقف ما كان مستاهل بالعكس الموقف أتفه من أنو ينكتب وأنا ما بهدلت محمود باي كلمة ومحمود وصلوا الخبر .. والدليل محمود مارد علي .. وبالنسبة للانسحاب أنا بإسمي وبإسم أختي هيلين وابن الجليلي نحنا منسحبين من اليوم لأنو كلمة اسف ما قولتولنا بالعكس كل واحد كان عندو كلمة وما قصر فيها وشكرا للكل ..

[محمود]

الموضوع يتابع :)

وياريت الالتزام يا ريما في نص الموضوع ..

لانه المشكلة عند فينيسيا وفجر الحياة وابن الجليل وهيلن مش عندك ..

بدك احكي رايك بالكلام يلي حكيته وبس ..

في أمان الله الآن

[anos]

أنوس انت مو فاهم القصة .. وأنا مافي أي خلاف بيني وبينك ولا مع أي حد .. بالعكس ..




بصرااحة انا ما بعرف شوو صاار معكـ انتي وهلين وابن الجليل لهلأ

بس انا لما احكيلك فااهم كل شي
انا بحكي انو فااهم الرسائل الخااصة والاعضااء لشو بيستخدموهاا
وكماان فااهم كل وااحد لشو بيكتب بالاهدائاات
وفااهم ليش محمود سكرهاا

لانو الموضوع اصلا بيتحدث عن الرساائل الخااصة والاهداائات
ما بيتحدث عن المشااكل اللي صاارت معكم
وانا كاانت كل ردودي بالموضوع بالنسبة لعنوان الموضوع نفسه
مش لشي تااني

وبعتقد انك فهمتي ردودي غلط ( على اساس انتي فاهمة انو برد على اللي صاار معكم)






نحنا انهنا يا أنوس انا وأختي وأبن الجليلي ... وانسب علينا بطريقة مو مؤدبة والموقف ما كان مستاهل بالعكس الموقف أتفه من أنو ينكتب وأنا ما بهدلت محمود باي كلمة ومحمود وصلوا الخبر


حقكم على رااسي ازا الكم حق ..
.. يمكن انا ما اعني لحدا شي بس نظراا انو رديت عليكي بهااد الموضوع ،،




أنا لما دخلت ما تعاملت إلا مع فئة معينة والدليل من اول ما دخلت ما كانت الي مشاركات إلا بالنثر والخواطر .. يعني أنا كنت أتعامل مع جيلي ،




اوضحلك شغلة صغيرة
اللي بيكتبوا بالنثر والخواطر مش من الجيل النااضج (جيلك) اللي بتحكي عنهم فقط
كل وااحد بيكتب بالخوااطر ان كاان عمره 16 سنة او ان كاان عمره 25 سنة





وبالنسبة للانسحاب أنا بإسمي وبإسم أختي هيلين وابن الجليلي نحنا منسحبين من اليوم لأنو كلمة اسف ما قولتولنا بالعكس كل واحد كان عندو كلمة وما قصر فيها وشكرا للكل ..





بتمنى ترجعوا عن قراركم
وماا تجمعي كل الاعضااء بالاتهاام .. لانو ازا وااحد غلط بحقكم مش معناته انه كل المنتدى غلط
وانا بعد ما اعرفت انو صااير معكم شي (ما حداا خبرني بس استنتاج)
ازا حداا غلط بحقكم وازا الكم حق
انا بحكي عنه اســــ ــف



---------------------------------

حاابب احكيلك شغلة

كان ردك للموضوع على اساس المشكلة اللي صارت معك
والموضوع ما جااب سيلة هالمشكلة
ودخّلتي بردك كلام موّجه للي برأيك انهم غلطوا بحقك
بس كماان ازا اخدتي فكرة سيئة عن كم وااحد وبتعتبريهم من الجيل المرااهق
يمكن هااي الفكرة السيئة اللي اخدتيهاا ما تكوون صحيحة
وكماان ما تجمعي كل المرااهقين بفكرتك
وكنتي بردودك تحكيلي انتا مش فااهم شي ..
.. ( كنتي تقصدي انو مش فااهم شو اللي صاار معكم .. وبس) ،،

احتــــــ ــراامي الك وبتمنى ما تتركي المنتدى

[محمود]

اوكي ,,

موضوع الرسائل الخاصة انتهى ،،

موضوع اغلاق الاهداءات انتهى ،،

--

اما بخصوص المشكلة ،،

تحت النظـــر :)

في أمان الله

[محمود]

ابن الجليل && هيلن && فينيسيا ..


بنعتذر الكم على الي صار ،،

أما بكل يلي جرحــوا وما الهم علاقة في الموضوع ،،

في الاختين وابن الجليل بتمنى منهم يكتبو اعتذار كامل ...

اما موضوع ترككم للمنتدى .. موضوع مرفوض مطلقا :) ،،

والاعتراف بالخطأ فضيلة ..

ودمتم بخير ..

[~ | Mazaj]

السلام عليكم ورحمة الله وبركاته ..

بالنسبة اللي انا ما غلطت غير بحق اخي ابن الجليل ..

وانا بعتذر لالو .. واسفة يا اخي .. واكيد رح تزكر دايما فرق العمر يلي بين وبينك ..

والسـلام ختــام ^^

[عاشق الحور]

الله يهدي الجميع

ويا ريت نرجع متل زمان كلنا اخوة

والله كل ما افتكر انو شباب فلسطين هيك صار فيه


باقول انو فعلا اللي كانوا يحسدونا على هذا المنتدى وعلى روح الاخوة اللي بيننا فعلا

تحقق لهم مرادهم

الله يهدينا جميعا

وانا من جهتي اعتذر للجميع

بالرغم من اني ما غلطت في حق احد

بس لحتى يعرف الجميع انو كلمة اسف مش عيب بل فخر وتاج

والله يوفقنا ويوفقكم للنهوض بشباب فلسطين