هل يمكن ان تكره من احببت ؟؟؟

[قمر الشام]

لو أحببت إنسان وهذا الإنسان لم يبادلك نفس الشعور.. أو تلاعب بعواطفك.. أو جرحك.. هل من المعقول أن تكره هذا الإنسان ؟ !


أو على الأقل تنساه وتعيد برمجة نظام حياتك من غيره؟! هل تستطيع أن تشطب أسمه من حياتك؟؟

ربما تستطيع فعل ذلك.. لكن أن تشطب أسمه من قلبك..؟ فباعتقادي هذا محال..


وإذا حصل ذلك فهذا يعني أنك لم تعطيه الإحساس بالحب الصادق.. لكن أليس من حق نفسك وقلبك أن تريحهما بالنسيان !أليس من حقك أن تعيش حياتك بدون جراح بعيدا عن الذكريات المؤلمة..


أشعر بالنقيضين يسريان في دم كل شخص قد مر بمثل هذه التجربة.. هل النسيان هو الحل..؟

والقلب ينبض بالحنين.. ؟


وقد انتهى هذا الحب بالفراق الحتمي ..........

رأيكم هل يمـكن أن تكره من أحببت ؟؟

[ابو جروح]

والله اذا كان بحبها فلازم يتمنالها الخير لانه هدفه انها تكون سعيده معاه او مع غيره المهم انها تكون سعيده في حياتها هاد في حال انه كان بحبها من الاساس وهي كمان بتحبه انا مريت في هاي التجربه وبعدين لهسه بتألم منها وهيه هس خاطبه الله يستر عليها وبتمنالها كل خير من كل قلبي بس هاد ما بيعني اني مش مجروح بداخلي بس في الاخر هي من طريق وانت من طريق وكل شي قسمه ونصيب وبتصعب على الشخص الي كان يحبها وبتستحق يعني انك تحزن وتنجرح على شانها بس اذا كانت بتتلاعب بشعورك وبتكذب عليك الله معها ومش رح احزن بالعكس رح افرح لأني كشفتها
الله يعطيكي العافيه ويسلمو على هذا الموضوع

[نور اليقين]

انا بتوصر اني ساعتها لو حصلتلي هنسا و يمكن ينقلب كره بس في حالة لو مقدرش انسا
بس لو ربنا قدرني و نسي
مش هكره و لا هحب و لا هحن
لانو خلاص
هيبقى ماضي و انتهى

[.:.!دموع الرحيل!.:.]

ما أظن أنو الي يحب بيكره

يعني لو كان حب صادق

سواء كان هالحب لصديقه ،،

أو شريك ،،

لو كان بحبو بجد

فالمفروض انه ما حبو إلا بعد ما خبرو

وتأكد أنو هالشخص بيستاهل هالحب

ويمكن صارت ظروف واضطروا يبتعدوا عن بعض

أظن انو اول شي يصير نفور تأثرأً بالظروف الي مر فيها

لكن بعدين رح بيتمنالو كل خير لو هالشخص التاني بقيت صورتو متل ما هي

أنو انسان بيستاهل المحبة

أما لو كان السبب الي بعدهم عن بعض وخلى المشاعر تتغير وتتبدل

هو انه اكتشف انو وضع حبو في المكان الخطأ

وأنو هالشخص التاني استغل طيب مشاعرو لنفسو

وجرح فيها الطرف الآخر

واكتشف ان ذاك الإنسان الذي كان يراه ملاكاً

اتضح انه شيطانا من الإنس

وأنه ضره بدل ان ينفعه

ممكن يتحول هالكم من الحب

إلى كتلة من الكراهيه والحقد

ما بعرف

على كل حال

لكل مقام مقال

والواحد ما بيقدر مزبوط الا اذا هو جرب

والله أعلمـ

والله لا يفتننا

مشكورة حبيبتي

يعطيكِ الف عافيه

[فراشة]

انا برأيي لو كان مخلص وبحبه بصدق ... بعدين غدر او خااان ... رح تنقلب مشااعر الحب لكره وحقد ... و اعتقد انا لوحد غدر فيي رح اضل اندم واحكي كيف انا وثقت وحبيت حد مو اهل للثقه .... ورح اكره واكره .....

تسلمي يا قمر

[نسيم الروح]

مستحيل الانسان ينسى الي حبه لو مهما عمل
وحتى لو كان جرح كبير وما بشفى الا بالنسيان وتاكدي انه رح يبقى يقول
هاد الانسان حبيب مو كان حبيب
وكمان انه لو نسي او حتى حب غيره فهو ما كان يحبه من الاصل
وحتى لو تناسى الانسان فهو ما بنسى واسم حبيبه ببقى محفور بقلبه علامة
ما بمحيها لا الزمان ولا النسيان
ويا قمر الشام في بيت شعر بقول ما الحب الا للحبيب الاولي، ولو فكر
يحب مئة مرة حيبقى يقارن بين الحبيب الاول والشخص التاني.

[ابومصعب]

السلام عليكم
انا اولا يا اخت قمر ما بحب ادخل في هيك مواضيع بس حاب اقولك انوا الحب من طرف واحد دايما يودي الي الفشل لانوا حب ناقص والواحد لما يحب وحده ما بيروح يقلها انوا انا بحبك ونفسي اتعرف عليكي لا هدا اسموا علاقة غير شرعية انا لما بدي وحده بروح علي اهلها بطلب الزواج منها هيك اتعلمنا من سيرة سيدنا محمد (ص) واصحابه رضي الله عنهم اجمعين وغير هيك كلها علاقة غير شرعية لانوا كتير من الشباب بستغلو هيك علاقات وبكدب علي البنت ويعشمها بالزواج ولما يزهك منها بيتركه علي شان هيك بقول انها علاقة غير شرعية وهدا هو رائي بالحب من طرف واحد
تحياتي اخوكي ابومصعب

[قمر الشام]

تسلموووووووووو على ردودكون الحلوى وانا بوافقكون الراي

[مارلين برلو]

انا بعتقد انو الى بحب مستحييييييييييل يكره واو مو معقول تكون تحب شخص وبعدين تسير تكرهو ما بتصور انى ممكن اعمل هيك