المساعد الشخصي الرقمي

مشاهدة النسخة كاملة : لشباب وبنات سؤال

نسيم الروح
10-09-2006, 02:11 PM
مرحبا شباب وصبايا ان شاء الله تكونوا بخير
just-me هي فكرتك مو مني
والسؤال للكل وخصوصا الشباب
وهو:
شو اكتر شي بعجب الشب في البنت؟
هل هو شكلها... ضحكتها........ صراحتها............. شخصيتها............. طريقتها بالكلام
أو كرهها الك......... أو حتى اهمالها؟
هاد سؤال يا ريت تجاوبوا عليه بصرااااااااحة بدون حرج...:s (43):
.:.!دموع الرحيل!.:.
10-09-2006, 03:12 PM
هههههههه

والله انك عسل

ايوة هيك ،،

يعطيكِ العافيه يا رب
نسيم الروح
10-09-2006, 03:13 PM
الله يعافيكي يا دموع الرحيل
وميرسي على المرور:s (43):
مؤيد
10-09-2006, 04:11 PM
طيب أنا حابب أكون أول شب بشارك هون ..

أنا بالنسبة إلي الدين والجمال هما الشرطين الوحيدين عندي ... كلاهما مهمان لي ..

والدين بشمل الأخلاق طبعا ً والثقافة وغيره ،، عشان هيك الأخلاق جزء من الدين ...

وطبعا ً لازم تكون مؤيدة لحماس ومتعلمة ...


شكرا الك كتير حنين فلسطين ، يسلمو على موضوعك اللطيف
روعة
10-09-2006, 04:48 PM
لازم تكون مؤيدة لحماس؟؟؟؟

لشو هادا الشرط؟؟

ههههههههههه بمزح طبعا

يسلمووو حنين
Hani2002
10-09-2006, 05:19 PM
الدين شيء اساسي والاخلاق شي اساسي اما الشكل ممكن تعجب ببنت شكلها ملكة جمال في يوم وليلة ربنا لا سمح الله يصيبها بمصيبة تغير شكلها كامل والشخصية تلعب دور مثل ما بقول وراء كل رجل عظيم امراة

ومشكورر على الموضوع
ISSA
10-09-2006, 06:58 PM
تكون اخلاقها عالية تاني شي تكون البنت على طبيعتها من كل النواحي وتالت شي تكون شحصيتها قوية طبعا ...
Twin
10-09-2006, 07:01 PM
اول مره اشوف متلك عيسى ... بدك شخصيتها ئويه ؟؟؟؟ يا ويلك ....

يلا اجى دوركوووو شباب .. احكووو بصراحه وبلا دبلوماسيه ....
مؤيد
10-09-2006, 10:02 PM
لازم تكون مؤيدة لحماس؟؟؟؟

لشو هادا الشرط؟؟

ههههههههههه بمزح طبعا

يسلمووو حنين
أنا ما بدي وحدة أتقاتل معها ، بدي وحدة يكون بيني وبينها تفاهم مش صراع أفكار

أنا لاحظ ما قلت حمساوية ، قلت مؤيدة لحماس ،

وامزح متل ما بدك ، هلا فيك
شـهيد
10-09-2006, 10:11 PM
طبعا وشي اكيد متل ما قالو الشباب..الدين والاخلاق اهم شي و بالاصح هاي الشغلات اللي بتلفت نظري...
بعدين مستحيل قصة ضحكتها وشكلها ومشيتها هاد مجرد حكي ...وقت الجد الشب دايما بيطلع على الاخلاق وبالنسبة لإلي الدين كمان....وانا مع عيسى حلو يكون إلها شخصية قوية طبعا بنكون متفاهمين..شخصية قوية يعني قد حالها...وفي كمان شغلة مهمة وهي انها تكون متعلمة طبعا عشان يكون في تفاهم و عشان تكون قادرة على ترباية ولادها...
يسلمو على الموضوع....
ابو جروح
10-09-2006, 10:20 PM
ولا اشي انا بيعجبني في البنات هههههههه
البنات آآآآآآآآآآآآآآآخخخخخخ
خيـرَ أُمـة
10-09-2006, 10:22 PM
تكون بتخاف ربنا وعلى أخلاق... لأانو هاد الي حيبقى مهما كبرت...

تكون معدلة الجمال... ما بدي ملكة جمال الكل يطلع عليها ولا -غير- جميلة أخاف منها...

بدي تكون معتدلة الثقافة.. ما بدي تكون مهوسة باشي معين اتجنيني ولا تكون جاهلي وكمان اتجنيني

بدي تكون بتعرف معنا بيت وأسرة و زوج و أولاد و حقوق و واجبات...

بدي اياها اتكون انثى... مش شبه انثى...

تكون مرحة.. مش بليدة...

بدي وحدة ما تخاف بالله لومة لائم.. لو أغلط في يوم تحكيلي وما توقف معي على شر.. بدي تنصحني....

والله يا جماعة في شغلات كثيرة.. لكن كلها بتندرج تحت الدين والأخلاق

بختصار تكون بتخاف ربنا وخلوووووووقة...

شكرا أختي على السؤال ..
alaa_sabbah
10-09-2006, 10:45 PM
اللي افهمتو من الموضوع انو البنت بدها تعرف عشو الشب بركز فيها
علشان تحاول تزبط و تصلح الشيء اللي الشب بيهتم فيه
يعني متلا اذا الشب بركز على مشيتها بتصير تزبط بالمشية
اذا......................... على جمالها..............بتتمكيج
اذا...............على خجلها.................بتعمل حالها مستحية
اذا................ على ثقافتها...................بتتث قف
اذا.................على كلامها...................دورة بالمحادثة و حسن الخطاب
اذا ....................على لبسها.................بتفصل و بتلمس آخر موضه
اذا ...................على تخصصها...............بتختار التخصص يلي بحبوه الشباب للبنت
اذا .. ................ على طبخها....................بتشتر ي كتاب الشيف رمزي
و هلم جر
و انا ما بدي احكي
و ما بدي البنت تصطنع الشيء المرغوب اصطناعا
كل شيء طبيعي احلا
و بنفس الوقت ما بدنا الشباب ينغشو
سلام
أبو يقين
10-09-2006, 11:03 PM
بدى أخلاقها تكون أخلاقا رفاقية ودينية وثقافية عالية وجميلة وتستحمل التعب اذا حصل بيننا نصيب ههههههههههه طبعا من دون حرج لا حياء فى الدين يا ولد ولا كيف مؤيد حماس
نور اليقين
10-09-2006, 11:33 PM
اممممممممممم
و الله اجوبتكم كلها جميله و معقوله
بتنم عن نضجكم
يعني المنتدى بجد فيه رجاله مش ولاد صغار
بهنيكم على تفكيركم لو كان شعاركم و مبدأكم بجد مش مجرد كلام
مهو الكل بيحترف الكلام بس الفعل حاجه تانيه خالص
بس اتحفتموني و الله
ayman
10-10-2006, 12:30 AM
المراة المثالية ضالة الرجل في كل مكان وزمان.. يجد في البحث عنها ..وينشد

الطرق التي توصله اليها.. فهي التي تملك ان تجعله في وفاق مع نفسه، ومع الحياة، ومع الكون كله.

ولكن من هي تلك المراة التي يمكنها ان تمنحه: حبا وحنانا وعبقرية ونجاحا وتواؤما مع الكون والحياة ؟

انها المراة المثالية ...

المراه المثالية كما يراها الرسول- صلى اللّه عليه وسلم- :

- النظره التكاملية الى المراة.
- الجمال وحسن المظهر.
- الموافقه والتوافق.
- روح التدين واستقامة الاخلاق.
- التواد والحب.
- البكارة والانجاب.
- اجادة تربية الاطفال.
- حسن التدبير والرعاية.

نلاحظ بصفه عامة ان الانسان كلما زادت درجة تطوره الفكري والحضاري،فإنه لا ينظر للمراة

من بعد واحد فقط، كأن ينظر اليها من جهة جمالها او اخلاقها او عقلها فقط وهكذا...وانما ينظر

اليها نظرة تكاملية من مختلف زوايا التقييم: العقل، الاخلاق، الروح الدينية....

وتظهر تلك التكاملية بوضوح في احاديث الرسول(صلى الله علية وسلم)،فعندما سئل: اي النساء خير ؟

قال التي تسره اذا نظر.. وتطيعه اذا امر.. ولا تخالفه في نفسها ولا ماله بما يكره.

ففي هذا الحديث يقدم الرسول (صلى الله علية وسلم) وجهة نظر متكاملة الى المراة لا ترجح جانبا على جانب..

فكل جانب له اهميته وله وزنه
نسيم الروح
10-10-2006, 10:34 AM
:s (43): ميرسي الكم كلكم

alaa_sabbah
twin
hani2002
issa
ayman
جيفارا رفح
مؤيد
الشهيد
روعة
أبو الجروح
دموع الرحيل
ونور اليقين
على مروركم وردودكم
بس بحب اعلق على كلام كم واحد منكم:
ابو الجروح مالهم البنات والله اغلبهم كويسات بس بدك مين يقدر.
alaa_sabbah انا ما قصدت انه البنت بتعمل اي شي لترضي الشب بالعكس في بنات لما تشوف شب بتكون على الشوي بدها تموت طبعا من القرف مو من الحب، بس هاد مو حال كل البنات انا معك انه في هيك بس مو الكل.
اما ayman بس حبيت اقلك انه ما في حد كامل ان كان بنت او شب والكمال لله وحده:s (43):
just-me
10-10-2006, 10:46 PM
تكونة خاوفقة وعلى قدر معقول من الجمال وتحترم انوثتها وما تكوني سطحية وغبية
وتكون عسولة متلك
بــروق نــجـد
10-11-2006, 09:52 AM
حنين ما كتبتي من موضوع فهو هام جدا طرحة
وهوة رأي الشاب في البنت

وبصراااحة من ناحيتي انا

احب((( شخصيتها)))
نسيم الروح
10-11-2006, 09:53 AM
ميرسي just-me على ردك
وبحب اقلك انه اغبى بنت اذكى من اذكى شب:s (43):
ويا سيدي يا رب تلاقي وحدة ذكية
نسيم الروح
10-11-2006, 09:55 AM
ميرسي الك بروق نجد على مرورك:s (43):
ابنة الشتات
10-11-2006, 11:25 AM
مع احترامي للكل شباب وبنات
خصوصا شباب
مافي ولا شي بالشب بيعجبني كل(تلات ارباع) الشباب عوووج ما الهم فايدة
نسيم الروح
10-11-2006, 02:49 PM
ميرسي على ردك ابنه الشتات
ورايك على عيني وراسي بس الواحد لازم يتنازل شوي
وانا كنت من رايك زمان بس هلا مو ضده
ابومصعب
10-12-2006, 03:21 PM
السلام عليكم
قبل ما اخوش في الموضوع حاب ارد علي الاخت الي اسمه ابنة الشتات هاد مو اسلوب في الكلام عندك اشي كويس احكي وادا ما عندك ماتحكي
اما بنسب لموضوعك اخت حنين فانا البنت الي بدي اياه تكون فيها المواصفات الي قال عنها سيدنا محمد
(ص) وهي الدين والجمال والحسب واهم اشي الدين وما فائدة الجمال من غير الدين وانا تكون مؤيدة لحركة الاسلامية
تحياتي اخوكي ابومصعب
قمر الخليل
10-12-2006, 06:27 PM
أنا بالنسبة إلي الدين والجمال هما الشرطين الوحيدين عندي ... كلاهما مهمان لي ..

والدين بشمل الأخلاق طبعا ً والثقافة وغيره ،، عشان هيك الأخلاق جزء من الدين ...

وطبعا ً لازم تكون مؤيدة لحماس ومتعلمة ...


هههههههههههههههههههههههههههههههه

الله يجوزك اياها يا مؤيد والله وباقي تحلم بالجيزة يا شطب


يلا كمان اجوبة يا شباب
قمر الشام
10-13-2006, 03:34 PM
اكيد كل الحكوا الشباب صحيح انو الدين والاخلاق اهم شي بس انا بحب اضيف انوا الشخصية كمان مهمة وهية الي بتلفت الانتباه ونظر .....
ومشكورة اختي على هدا الموضوع
احلى رورو
10-13-2006, 04:40 PM
بعجبني بالشاب


احم احم

شخصيتــــــــــــو ^__^
نسيم الروح
10-14-2006, 11:40 AM
ميرسي الكم

قمر الشام
قمر الخليل
ابو مصعب
واحلى رورو
:s (43): :s (43): :s (43): :s (43):
خيـرَ أُمـة
10-14-2006, 02:50 PM
مع احترامي للكل شباب وبنات
خصوصا شباب
مافي ولا شي بالشب بيعجبني كل(تلات ارباع) الشباب عوووج ما الهم فايدة

لله يصلحك...

أختي السؤال كان ما يعجبك في الشباب ... يعني زوج المستقبل كيف تتأملي مواصفاته... ولم يكن رأيك بشباب هذه الأيام... اقراي صح...

أختي دائما هناك السيء والطيب... الخير والشر... الأبيض والأسود... ويبقى ان نميز بينهما..

على العموم ربنا يوفقك ويهديكِ..