المساعد الشخصي الرقمي

مشاهدة النسخة كاملة : مواسرجي صايم....اعووذ بالله مين قال انو شحاد؟؟

ملاك العمر
10-03-2006, 11:36 AM
مواسرجي صائم(والله مش شحاد)

--------------------------------------------------------------------------------



كنت طالع بسيارتي على الشغل الصبح ....على فكره سيارتي مكحكحه وعايفه التنكه

ووقفنا عند اشاره ..وشفت عدد كبير من الشحادين...بنات وشباب واولاد وختياريه

كل سياره بتيجي.. بروحوا عندها وببلشوا زن عراس اللي فيها لما يعطيهم اللي فيه النصيب

وفي صبيه بتشحد شكلها حلوه...انا قلت اذا بتيجي عندي راح اعطيها بريزه....راحت على اول

سياره والتانيه ولما وصلت سيارتي فشقت عنها وراحت للي بعدها.الحقيقه انا احبطت

طيب ليش ما اجت تشحد مني... وفي كمان واحد برضه لف على كل السيارات الا سيارتي

المهم ضوت الاشاره خضرا ومشينا ...طبعا عمان الاشارات الضوئيه فيها اكترمن البني ادمين

وقفنا عالاشاره اللي بعدها وكانت برضه مليانه شحادين وبياعين علكه ومعوقين على كراسي

عجلات ..منظر دمار ........بجنن للسياحه...وبرضه على هاي الاشاره ما حد اجا يشحد مني

انا صرت بدي افهم الموضوع...في ولد زغير لابس (بدي ) فانيلا وسخه زي تبعون الميكانيكيه

وبرابيره نازلات وناشفات على تمه .ناديت عليه وقلتله تعا وله ..انت ليش بتشحد من كل الناس

ومني ما شحدت....قاللي يا زلمه رووووح ...والله انا الي خاطر اعطيك بريزه ... روح يا عمي شفلك

اشاره تانيه اشحد عليها.......

ابن اللذيييييييين ولك انا شكلي شحاد ؟؟؟حتى وانا بالسياره؟؟؟

المهم مشينا بالسياره وبعد شوي طراااااااااخ اجا واحد خبطلي السياره من ورا وخبط راسي

بالستيرنج..انسطلت سطل وشفت نجوم الظهر زي ما بقولوا......طبعا اجا اكتر من 100 واحد يتفرج

عالحادث واجوا ناس نزلوني من السياره وقعدوني جنب دكان ...ومحسوبكم زي التايه ..
.صاحي ومش صاحي ...شايف ومش شايف.. وطبعا الناس مليانه حوالي كل واحد بسأل شو في ؟؟

وسمعت واحد بقول هدا شكله شحاد ومسكين ....شفته ..الولد الزغير ابو البرابير الناشفه هو

اللي حكى هيك

وبعديها صاروا الناس يرموا علي برايز ...واللي يرمي شلن ...والولد الزغير واقف جنبي وبلم

بالمصاري وبقولهم الله يعطيكم ...الله يخليكم....صار يشحد علي ابن الحرام وانا شبه مسطول

شوي ولا اجت الشرطه وشافوني هيك قالولي شو بتساوي هون ...؟ الحقيقه انا ما كنت قادر ارد

عليهم ....قالولي بتشحد؟ ....... قلتلهم امممم ااااااااااااااه اااااه ااااااااممممممم

الشرطي قاللي يا عيني عليك وشكلك سكران كمان ...يللا يا حبيبي ...تفضل عنا عشان تكمل

صيامك

اللهم اني صائم



انتظر ردودكم..
ISSA
10-03-2006, 11:43 AM
هههههههههههههه ههههههه الله يعينه راح يعيد عند الشرطة
بس اكل مقلب مرتب من الشحادين هههههه يسلمووو على القصة الحلوة يا ملاك العمر
الباشا عبوود
10-03-2006, 11:45 AM
هههههه
يسلمة اخوووي
ملاك العمر
10-03-2006, 11:49 AM
يسلمووو للمرور عيسى..
اهلا وسهلا فيك الباشا عبود.
aBo SaLeeM
10-06-2006, 01:04 PM
قصة حلوووة
ملاك العمر
10-19-2006, 02:59 PM
يسلمووو لمرورك.
9ada al 2lam
10-23-2006, 10:38 AM
يسلموووووووووووو
قمر الخليل
10-23-2006, 10:51 AM
ههههههههههههههههههههههههههههههههههه هههههههههههههههههههههههههههههه ههههه

ولك شو هادا
طبعا عمان الاشارات الضوئيه فيها اكترمن البني ادمين

وقفنا عالاشاره اللي بعدها وكانت برضه مليانه شحادين وبياعين علكه ومعوقين على كراسي

عجلات ..منظر دمار ........بجنن للسياحه

ههههههههههههههههههههههههههههههههههه ههههههههههههههههههههههههههههه

والله معك حق بهادي بس هادي بس الحمد لله منطقتنا ما فيها هيييييييييييييك ابدااااااااااااااااااااااااااا مليانة شررررطة ما بسترجو يعملو هيك

والله ضحكتيني اكتر شي اللهجة فقعتني ضحك

يسلموووووووووووووووو
ملاك العمر
10-24-2006, 07:34 PM
يسلمووو حبيبتي صدى الالم لمرورك العسل..
هلا حبيبتي قمر منوره والله انك قمر..