المساعد الشخصي الرقمي

مشاهدة النسخة كاملة : هـل تـأثــرت حيــاتـك بالإنــتـرنــت )) .؟ دعوة للنقاش

احلى رورو
10-01-2006, 08:09 PM
السلام عليكم ورحمة الله وبركاته

لا احد منا يجهل دخول الانترنت لأغلب البيوت ان لم تكن كلها في عصرنا التكنولوجي

وما زال رواد الانترنت بالتزايد يوما عن يوم ...

ولكن السؤال هل الكل يقدر قيمة الانترنت ويستخدمه الاستخدام الصحيح ؟!!


أخواتي واخواني ..

موضوعي ليس مناقشة قضية الانترنت وتأثيرها على المجتمعات وبالذات مجتمعنا المسلم والمحافظ

ولكن ما اوده مناقشته هو تأثير الانترنت على الحياة الخاصه لكل واحده منا سواء بالسلب او الايجاب

من خلال بعض الاسئله ..



أخواني واخواتي ..


- منذ متى بدأت باستخدام النت؟

- ماذا شدك للنت هل هو مجرد فضول ام لزيادة الثقافه والمعرفه ام لصقل مواهب معينه تتمتع بها ؟

- هل تقبل الاهل لاستخدامك الانترنت فورا ام كان هناك تردد ؟

- هل تغيرت حياتك بشكل عام بعد دخولك عالم النت ؟

- هل كانت نظرتك للنت هي نفسها قبل استخدامه ام تغيرت؟

- هل وجدت ظالتك اللتي كنت تبحث عنها في النت ام لم تجدها حتى الان؟

- هل أثر النت على حياتك الاسريه والروابط العائليه سلبا ام لا؟

- هل جربت يوما ما الدخول الى غرف التشات وان جربتها هل صدمت من واقع شبابنا وبناتنا المؤسف

في تلك الغرف الفارغه .. وهل ندمت على دخولك لتلك المواقع؟

- ماهو رأيك بالمنتديات العربيه وتأثيرها ؟

- ماذا سيكون موقفك لو تم الغاء النت نهائيا في بلدك؟


تحـــياتــي للجـميـــع 00احلى رورو
نغوم
10-01-2006, 08:15 PM
انا تقريبا صرلي بستخدمه 7 سنين و بالفعل اثر علي كتير
بقدر اقول اجابا وسلبا
اجابي كان انه من خلاله بحصل على اش بدي من معلومات
و سلبي لانه لما اقعد قدام المنتدى مستحيل قوم ههههههههههه
يسلمو احلى رورو
احلى رورو
10-01-2006, 08:22 PM
يا 100 اهلا وسهلا نغوووووووووم


اووووووف 7 سنين ليش هو كان في نت هههههههههه


طيب انت نغوووم ادي عمرك؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نغوم
10-01-2006, 08:47 PM
عمري 17 و بلشت استعمله و عمري 10 سنين و كنت بديتها بالمدرسة عم بعلمونا عليه
7amood
10-01-2006, 09:05 PM
انا ما اثر عليي كثير لانو مابقعد الا في الاعياد ليش هوا حدا راضي يقعدني هههه
بس غيري بينتحر لو ما فات النت كل يوم ..عارف حالو اللي بينتحر
Twin
10-01-2006, 10:04 PM
- منذ متى بدأت باستخدام النت؟
بصراحه من الصف التاني اعدادي .. بس بطلع منه معلومات للمدرسه فقط ... لاكن بديت اعد عليه للتسليه من شهر اغسطس هاااد


- ماذا شدك للنت هل هو مجرد فضول ام لزيادة الثقافه والمعرفه ام لصقل مواهب معينه تتمتع بها ؟

استفاده وتسليه
- هل تقبل الاهل لاستخدامك الانترنت فورا ام كان هناك تردد ؟
عادي لما كبرت اما وانا بالمدرسه لالالالا

- هل تغيرت حياتك بشكل عام بعد دخولك عالم النت ؟
لالا .. بكلك ماوس بمسح كل عالم النت من حياتي

- هل كانت نظرتك للنت هي نفسها قبل استخدامه ام تغيرت؟
هيه هيه

- هل وجدت ظالتك اللتي كنت تبحث عنها في النت ام لم تجدها حتى الان؟

عادي بس بتسلي وبستفيد
- هل أثر النت على حياتك الاسريه والروابط العائليه سلبا ام لا؟
لالالا ما حصلت

- هل جربت يوما ما الدخول الى غرف التشات وان جربتها هل صدمت من واقع شبابنا وبناتنا المؤسف

في تلك الغرف الفارغه .. وهل ندمت على دخولك لتلك المواقع؟
لالالالالالالالالالالالا عمري ما فكرت افووت شات ولا هفووت ،

- ماهو رأيك بالمنتديات العربيه وتأثيرها ؟
بعضها سيئ وبعضها رائع .... وانا مابفووت غير هووون بس ... وبدور عمواضيع بجوجل

- ماذا سيكون موقفك لو تم الغاء النت نهائيا في بلدك؟
عادي ... اجت منهم مو مني


تسلمي روريتووووو
.:.!دموع الرحيل!.:.
10-02-2006, 05:05 AM
منذ متى بدأت باستخدام النت؟

من سنة ونص تقريباً



- ماذا شدك للنت هل هو مجرد فضول ام لزيادة الثقافه والمعرفه ام لصقل مواهب معينه تتمتع بها ؟


كان دخولي للنت بالبداية ، هو النواصل مع صديقاتي الي سافروا ،، لأنها كانت أهون طريقه

وما كنت متوقعه اني اخوض بعالم النت اكتر ،، بس مع الوقت صار الي صار وعلقت فيه :icon5:


- هل تقبل الاهل لاستخدامك الانترنت فورا ام كان هناك تردد ؟


ممممم ،، نص نص والله بس ما كان القبول 100% يعني ،، ولسة لهلأ بابا بيسمعني حكي عليه والله

ما كتير داخل راسو ،، بالنسبة الو كل النت بلا طعمه :b:


- هل تغيرت حياتك بشكل عام بعد دخولك عالم النت ؟


كتير تغيرت والله ... سلبا وايجابا

خصوصي ببداية استخدامي الو ،، ما كنت قادرة اعمل كنترول أبداً ،، بس حالياً الحمدلله

حددت أهدافي الي بدخل عشانها عالنت ،،


- هل كانت نظرتك للنت هي نفسها قبل استخدامه ام تغيرت؟


مممم ،، بصراحه ما كنت اعرف عنه شي ،، يعني ما كان في اي نظرة مسبقه لحتى تتغير

كل شي بالنت كان جديد بالنسبة الي .


- هل وجدت ظالتك اللتي كنت تبحث عنها في النت ام لم تجدها حتى الان؟


بما اني اصلا بداية استعمالي للنت عشان اتواصل مع رفقاتي ،، اكيد ساعدني كتير

وأكتر انو منتواصل مع عيلتنا بفلسطين ،، خصوصي انه نحن ممنوع نتصل عليهم من هون

بس بعد ما حددت أهداف تانيه غير قصة المواصله مع صحباتي وعيلتنا

بمجرد اني اتعرفت على منتدى شباب فلسطين

فاكيد والحمدلله وجدت ضالتي :)


- هل أثر النت على حياتك الاسريه والروابط العائليه سلبا ام لا؟


للأسف ايه ،، وبحاول كتير أقاوم وأحارب هالشي

بس للحقيقه بعدني عن أهلي والله

بس هلأ احسن من قبل والحمدلله



- هل جربت يوما ما الدخول الى غرف التشات وان جربتها هل صدمت من واقع شبابنا وبناتنا المؤسف

في تلك الغرف الفارغه .. وهل ندمت على دخولك لتلك المواقع؟



ايوة حاولت ،، وانصدمت كتييييييير مش شوي ،،

كنت اعرف انو في ناس فاضيه وبالها مالو عازة

وما في شي تعملو بحياتها ،، لكن مش لهاي الدرجه ..

الله يهدينا جميعا

وللحقيقه يعني نص نص

ندمت وما ندمت ،، ندمت لني بيوم من الأيام دخلت غرفة شات ( لكن الله يسامحني ،، وهو عالم فيني اني

كنت بجهل حقيقة شو معنى غرفة شات) ومتل ما قلتلك اني اساسا دخلت عالم النت كلو وأنا بجهلو كله

ومش ندمانه عشان كان لازم اعرف شو يعني غرفة شات اياً كانت ،، عشان احذر غيري منها .



- ماهو رأيك بالمنتديات العربيه وتأثيرها ؟

صدقي اني ما بلف كتير عالمنتديات ،،

قليل جداً يعني وقت كون بدور على بحث معين وبطلعلي رابط منتدى بس

اما ما عندي هوايه كتير باللف عالمنتديات

منتدى شباب فلسطين مستحوذ على كليتي :)

ومكفي وموفي

لكن خلينا نقول انو وجود المنتديات العربية

مهم جداً ،، خصوصي للي بيدخلوا نت كتير

عشان يكون في شي مفيد يعملو

يعني بستغرب من الي بستعملو نت للتسليه ولأوقات طويلة

وما بشتركوا بمنتدى !!!

ورأيي بالمنتديات العربية

ممم عادي ،، فيها المنيح وفيها الوسط وفيها السيء جداً

وكل ولفٍ على ولفه يلفي

والله يخليلنا منتدانا يا رب


- ماذا سيكون موقفك لو تم الغاء النت نهائيا في بلدك؟

بنتحر ،، بفقع ،، بجن ،، بموت

والا بالأحرى بموتك انتِ يا رورو عشان عمتفاولي هههههههههه

خلينا نحكي جد شوي ..

النت الحمدلله بيفدني كتير ،، لكن للحقيقة عندي تعلق فيه زايد

الله يشفيني ،، ادعيلي :icon5: :icon5: هههههه

رورو يا عسل

يعطيكِ الف عافيه

انا شوي وبيصير عندي ادمان على مواضيعك دربالك

اذا ادمنت على شغله مصيبة ههههه

يعطيكِ العافيه عسولة :s (43): :s (43):
نسيم الروح
10-03-2006, 12:14 PM
اكيد النت باثر على الشخص الي بتعامل معه
انا بالنسبة الي اثر علي كتير لاني من اول ما بديت اعد على النت كنت اعد على الاقل 78 وهلا كمان بس اخف من اول
المهم هو النقله لانه الواحد بلف العالم وهو بمكانه
نور اليقين
10-03-2006, 12:33 PM
- منذ متى بدأت باستخدام النت؟

من و انا في اولى اعدادي بس مش ادمان زي من سنتين هههههههههههههههههبس عشان قلتولي اتكلم بصراحه و الا مكنتش هستعمل كلمة ادمان دي ههههههههههههه
- ماذا شدك للنت هل هو مجرد فضول ام لزيادة الثقافه والمعرفه ام لصقل مواهب معينه تتمتع بها ؟

اكيد طبعا ابتدا بفضول و حب في المعرفه و بعدين الافاده اللي فيه و بعد كده التسليه و المتعه اللي بتحس فيها , بس كل دول قلبو عندي في الاخر تمضيه وقت سواء كان وقت فارغ او غير فارغ , المهم اقعد و خلاص حتى لو فتحت النت و مسكت كتاب تاني اقراه ههههههههههههههه
- هل تقبل الاهل لاستخدامك الانترنت فورا ام كان هناك تردد ؟

هما تقبلوه في البدايى عادي جدا بس السنا دي متلا الكل بيشتكي مني اني مبقمش ن عليه , فيه ايام من 10 الصبح ل 10 بالليل و انا قدامي
بفطر عادي بس بتغدا و بتعشا قدام الكمبيوترر , الحمد لله ان المكتب كبير و واسع بيقضيني ههههههههههههههه
- هل تغيرت حياتك بشكل عام بعد دخولك عالم النت ؟

مش هقدر اقول اه عشان انا هي انا , بس ضافتلي تجربه و تقافه اجتماعية اكتر ما هي علميه
- هل كانت نظرتك للنت هي نفسها قبل استخدامه ام تغيرت؟

خالص انا كنت بقول عليه لعب و تضييع وقت بس بعد كده هههههههههههه يجرب واحد يقول زي ما انا كنت بقول و يترحم على حالو ههههههه ال تضييع وقت ال ههههههههههه
- هل وجدت ظالتك اللتي كنت تبحث عنها في النت ام لم تجدها حتى الان؟

مش عرفه , اللي بعرفو اني لما بعوز حاجه مهمه بلاقيها عالنت , لو ده اللي انتي تقصديه , ايوه , سواء كانت الحاجه دي ماديه او معنويه
- هل أثر النت على حياتك الاسريه والروابط العائليه سلبا ام لا؟

و الله لما يكون فيه روابط هبقى ارد عليكي
- هل جربت يوما ما الدخول الى غرف التشات وان جربتها هل صدمت من واقع شبابنا وبناتنا المؤسف
في تلك الغرف الفارغه .. وهل ندمت على دخولك لتلك المواقع؟

كتير اوي بس مصدمتش و لا حاجه , يمكن ربنا بيحبني فملاقانيش مع الناس اللي تضلم , كل اللي شفتهم حلوين و مؤدبين
- ماهو رأيك بالمنتديات العربيه وتأثيرها ؟

انا مش بتاعت منتديات على فكره , بسجل اه بس مش بوواضب , يعني هتلاقي اسمي في منتديات لا تعد و لا تحصى بس مش هتلاقي فيها غير اشتراك او اتنين , دنا حتى نسيت عليهم , يعني بسجل مجاملة للي اداني المنتدى لا غير , بس المنتدى ده حاجه تانيه ههههههههههه
- ماذا سيكون موقفك لو تم الغاء النت نهائيا في بلدك؟
هبقى وصيهم يلغوني انا كمان معاه هههههههه
احلى رورو
10-03-2006, 04:28 PM
هههههههههههههههههههه


لالالالالالالالالالا اوعي يا دموع الرحيل تدمني على مواضيعي هههههه


اوعي تتهوري انا ما دخلني ازا بتدمني هههههه

بعدين يسلمووووو على مشاركاتكم

وانا اللي سنة او اقل شووي بستعمل النت

ويعني هو محطوط بغرفتي والكمبيوتر اللي لحالي يعني اتخاااااايلوو


24 24 شغااال النت

سواء قاعدة عليه او لاااء