المساعد الشخصي الرقمي

مشاهدة النسخة كاملة : ماذا يوجد على طاولة كمبيوترك الأن ؟........وبصرااحة وأرجو من الجميع المشاركة

Twin
10-01-2006, 07:56 AM
--------------------------------------------------------------------------------

يلا كل واحد يقول بصراحة شو موجود على طاولة الكمبيوتر الأن يعنى هاى اللحظة اللى حتشاركو فيها ... بدون ذكر ملحقات الكمبيوتر متل الكام والسماعات ... الخ ....
أتمنى من الجميع المشااركة.....
Twin
10-01-2006, 08:01 AM
انا عن نفسي في عالطاوله عندي : بصراحه ... 1) كلينكس ... وموبايلي ومصحف ومشط ومرايه ... وبس ..
الورده الحمراء
10-01-2006, 08:02 AM
ههههههههههههههههه شو هالفضيحه توين...خدي شوفي..قلمين ومجموعه ورق..موبايل..تلفون..علبه كولا نصها ..وعلبه برنجلز رايحه ما تخلص خخخخخخ وسيديات....خلص لانو ما في وسعه لشي تاني..يسلمووو يا عسل على هالموضوع
خيـرَ أُمـة
10-01-2006, 08:03 AM
يا الله على هالفضول الي عندك يا توين
يعني لو حدى ما بعرفو ما كان رديت :icon11:
على العموم..في .الموبايل و صورة لخواتي الصغار :-) ... وكاسة فاضية من امبارح متكاسل اشيلها :icon11:
..
استني ادور اذا في اشي تاني.. يمكن في اشي طايح تحت الطاولة لحظة
.
.
.
.
.
طلعت روحي وانا بدور... مافي خلص همي هدول :icon6:

تحياتي الك توين...
Twin
10-01-2006, 08:13 AM
هههههههههههههههههههههههههههههه ههههه بدك تتحملني احمدكس ... يلالا طلع البلاوي الي تحت الطاوله ، فرصه تنضف .... بكسب فيكووو ثواااب .. كل واحد ينضف بعدين يكتب ( بلا فضايح ) انا عن نفسي هلاء رتبت وكتبت الموضوووع ( عشان ما اكذب ) ههههه
بيســان
10-01-2006, 08:55 AM
ممممممم قكرة نايس


انا على طاولة كمبيوتري في علبتين دوا شربت منهم قبل الاذان ولهلاً من فلاحتي ما شلتهم :icon5:

وفي ديوان شعر .. وبس

.
.



تسلمي ياقمر على هالفكرة النايس
مستحيل أنساك
10-01-2006, 01:58 PM
1- كتب الجامعة
2- الموبايل وكرتونة الموبايل (لسة اليوم شاريه)
3- مفاتيح السيارات
4- ورق وظروف رسايل وقلام ودباسة (مكبس) ومقص
5- ال Mp3 player
6- قرآن وكتاب المعلقات السبع
وبس:icon31:
ويسلمو على الموضوع الرائع
هلــون
10-01-2006, 02:32 PM
احم احم عد وراي

كوب كات

بسه صغنونه

وورق للشركة

وملفات ابصر لشو

وسيديهات تصاميم لشركة

وستيكرات صفرة بكل مكان

وستيكرات زرقا للمواعيد

ودفتر مواعيدي

وموبايلي

ولاب توب فاتحيته عم بطول منو معلومات

ومجلات بدي اطبع المقالات

علبه كلينكس

قراني فاتحيته على الجزء العاشر ..

اوووف منيح اني عارفه اكتب .. بس والله كلو مرتب .. يعني مش كتير

((( واع حياه شغل ))

يسلمووووووووو
babyface
10-01-2006, 02:46 PM
انا في هلا عالطاولة
اول اشي الشاشة والصندوق والكيبورد والماوس وتلفون ونضارات بابا
وسيديات والكيبل
وسماعات ومايك
وعلبة كبريت ومفك وقران صغير وكام...... شو ضل؟؟
نور اليقين
10-01-2006, 03:17 PM
يلا عدو معايا
فيه يا ست توين صوره لجدتي
علبة سيديهات
موبايل
كتب كمبيوتر
مصحف كبير وواحد صغير
الرحيق المختوم
حقيبه صغيره بتاعتي
كباية
اوراق فاتوره التيليفون * كاني انا اللي هدفعها و الله مش عارفه مين الشاطر اللي وضعها هنا *
مزهريه بيها ورد * و مدايقني كتير على فكره *
دبدوب صغير
اتنين مجسمات واحد بتاع نمر و التاني بتاع اسد * و بيبصولي كمان *
صورة اخويا الصغير
نضارات و الحقيبه بتاعتهم * على فكره دول لسه لقياهم يعني الموضوع ده نفعني *
فلاش * بس بايزه للاسف *
و ايه تاني و ايه تاني ؟ بصراحه فيه كتير يعني ملخبطه عالاخر
فيه علبه تانيه صغيره فيها حجاتي بردو
و في انا كمان
و بس
هههههه
فراشة
10-01-2006, 04:50 PM
يلا عدووو .. واحد .... كلينكس ومشط وبنادول وكاسة عصير ومجله وعلبة جل ما بعرف ايش جايبهااا .... وقلم فلوماستر وبس بكفي ....ايش بدك فينا يا توين ...
نهر الدموع
10-01-2006, 09:17 PM
اول شي
ماوس كيبورد طابعه
من ناحية الأكل
كاسة نسكافي وشوكولاته باونتي
حد بدو ؟؟؟؟
وموبايل
وكم سي دي
وبس
أمير الأحزان
10-02-2006, 12:28 AM
انا هلأ موجود
علبة كولا
علبة دخان
جوالي
قلم بس
Twin
10-02-2006, 02:05 AM
اي نهر بدي نسكافيه .. بحبوووو بس باونتي لالالالالالالالالالالالا ... اذا ممكن جالكسي او فليك
-------------------------------------------------------------------------------
والله ملاحظين كلكوووو حاطين موبايلاتكووووو ... في اشياء مشتركه ...ههههههه
RIKO_AQ
10-02-2006, 02:20 AM
انا بصرحة في عليها موبايلي وكاسة نسكافيه فاضيه ورزنامه وشوية وصولات للشغل
MaFiA ClIcK
10-02-2006, 07:11 AM
قاموس المتروني وكارد ريدر وبس

مشكور عالموضوع
alaa_sabbah
10-02-2006, 07:41 AM
في على الطاولة كمبيوتري و الكام و الهيدفون و الطابعة و التلفون
اما شو في على الطابعة تسالوش
خلوني اعد و اشوف بعد ما امسح الغبرة
اها
اول شي امبلش بعلبة السيديات المدورة طبعا لما شلتها انعمل محلها دائرة نظيفة
و في تاعت الباعوض يلي بتعمل يالكهربا صرلها شي شهرين بلا استخدام
و في علبة ورق مربع ابيض و في اكم من كرت لمحلات و ارقام تليفوناتهم
و في علبة دوا صرلها 3 شهور استعملها و تركتا لهلا
و في ورقة دوى شكلها طالعة من العلبة و مطيول منها اكم من حبة
و في اوراق فوق بعض من ضمنهم فواتير التلفون و كروت للمزود عشان اذا فصل الا اي دي اس ال اتصل بالمزود و اعرف السبب و في كمان فواتير شراء الموديم و ورقة عرض لانواع الموديم و اسعاره طبعا صرلها شي 5 شهور و في فوق مجموعة الاوراق هاد شياكل استنو اعدهم
15.5 شيكل و مفتاح السيارة و فوقيهم الهوية و قلم بجنبهم
و بدكم تعرفو شو في داخل الهوية
ييييييييي كان في مصاري ابصر وينتا صرفتهم و في مجموعة كروت منها رقم حساب بالبنك و بطاقة وظيفتي
و في كمان طبعا الموديم و عليه سي دي بعلبته المربعة و فوقه سي دي بلا علبة
في شغلة تحت علبة الدوا
هه ورقة تفاصيل انواع الموديمات بخط الايد مكتوبة
و في قرص دوا باعوض محروق عشان يعمل دخان و يطرد الباعوض هههههه
و في ورقة فيها لصقات لرموز الكيبورد استخدمت منها اكم من لزقة و حطيتها على الطابعة
طبعا كل اللي حكيتو على الطابعة مع انو في كاتالوج الطابعة مكتوب ممنوع وضع الاشياء على الطابعة ههههههههههه
موبايلي كان على الطابعة برضو بس شلتو عشان اشحنو لانو مداخل الكهربا عندي ثلات واحد للكمبيوتر وواحد للشاشة وواحد لمحول الموديم
هاد كل شيء
طولت عليكم صح
نسيم الروح
10-02-2006, 11:52 AM
اما انا فعليه اكم قلم وورق كتيرما اله فايدة ومكبس وخرامت ورق
ومبايل وطيعا الكمبيوتر كاستين وحدة كان فيها شاي والتانية نسكفيه وعلبة سجاير ومتكة واكم برواز صور الي وحوالي 20 سيدي ما الهم فايدة وبس
Abu Shadi
10-02-2006, 11:55 AM
كاميرا+مايك+سماعة+سماعت بلتوث+جوالي+شاشه+كيبورد+ماوس البكس طبعا تحت هههههههههههه
m16
10-02-2006, 11:55 AM
والله يا اخي على طاولة الكمبيوتر في كمبيوتر
Twin
10-02-2006, 07:34 PM
ول علاء كل هادا عكمبيوترك ... كيف الطاوله شيلاهم ؟؟؟ هههههههه
-------------------------------------------------------------
ابن فلسطين يا زكي انت وام ستاش ... غيره
ISSA
10-02-2006, 08:34 PM
يا الله منك يا توين شو بتحبي تعرفي كل شي ههههههههه
انا في على طاولتي هلاء موبايل + كاسه ضايل فيها شوية بيبسي .
صدى الصمت
10-02-2006, 08:45 PM
فايل الــ E
ودفتر العربي ( بحل الواجب مع صحباتي خخخخ)
والفلاش ميموري
وقلم بنسل
وورق طازا توي مطبوع
امممم شووووضل كمااان
استني اشوووف
لا بس خلص
خلصوو اغراضي خخخ
وثانكس عــ الموضوع
شـهيد
10-02-2006, 10:15 PM
شو في انا ما عندي كتير بلاوي....!! ::

طبعا موبايلي... والشاحن " يعني بس السلك مبين"...
مفاتيحي و مفتاح السيارة...
فلاش ميموري مش عارف لمين...!! شكلها لاخوي الصغير...

مممممممممم شو في كمان....؟؟!!

اااه
مكتة سجاير " يعني طفاية" طبعا مش لإلي...
و كاسة مي مسكينة من مبارح بالليل...

بـــــــــــــــــس !!!

يسلمو...
Twin
10-03-2006, 06:01 AM
يلا يلا طلعوووو البلاوي .... عيسوووووووووووووووووووووو بدي بيبسي ...
-----------------------------------------
فالحه يا صدى .. بتحلي الواجب عالنت .. انا اشطر منك .. كنت اخلي فراشه تحلووو وبعدين اغشووو منها ...
alaa_sabbah
10-03-2006, 07:28 AM
هههههههههههه يا توين
قمر المنتدى
10-03-2006, 08:47 AM
يلا نبلش
1_كاميرا تصوير عادية
2_صوري
3_شوية سيديات
4_كرارات خيطان
5_وشوية قصص
6-واقلام تلاوين

بكفي
حنين الارض
10-03-2006, 08:56 AM
انا في عالطاولة موبايلي ودسك وملف محاضرات و"شغلة رح تستغربو منها " مظلية umbrella
Twin
10-03-2006, 08:59 AM
شكلها بتشتي عنكوووووو ... نيالك .. ما شفت المطره من 3 سنين
احلى رورو
10-03-2006, 08:01 PM
انا هلاء هلاء في شاشة وماوس وكيبورد وكاسة نسكافية وموبايلي وشوكولاتة سنيكرز و صوور اللي وصاحبتي ورااق وسكانر كنت مشغلتو قبل شووي بنزل صوور رحلتي ^__^ امممم


استنو افتش هون وهوون


يييييييييه كتابي الانجليزي واع واع زكرتوني بالاختبار

يسلمووووووووووووووو يا فضولية هههههه
ABU-NOUR
10-03-2006, 08:11 PM
الموجود :
قلم
مايك
كاميرا
ماوس
كيبورد
سماعات
موبايلي
شريحتي التانية
ساعتي
هويتي
..
فراشة
10-03-2006, 08:12 PM
ولي رووحي ادرسي ....... انا هلا في .... كباية سفن فااضيه ومفاتيح سيارة بابا وموبايلي وتحفه وكلينكس وبس .... بس تحت الطاااوله ماافي شي زيكووووووو ....
فراشة
10-03-2006, 08:12 PM
ديربالك عهويتك يا فنعوووص عندك هويه ....
ABU-NOUR
10-07-2006, 07:58 PM
موبايلي
اسطوانات للوالد
اسطوانات برامج , العاب , قران , اناشيد و اغاني , هكـر ...
فلاش
كاميرا ( للكمبيوتر - كاميرا ديجيتال )
سماعات الاذان
كتكوتة عمان
10-07-2006, 08:15 PM
أقول بصراحة يا توين.................هي تقريبا شبه مزبلة.............................. ................... و الأفضل ما أكمل............................... .. علاشان............................. . ما تصدموا
كتكوتة عمان
10-07-2006, 08:19 PM
اوه نسيت أشكرك على الموضوع............................ ...... مشكووووووووووووووووووووووووووو وور لأني خلتني أفكر في موضوع ترتيب المزبلة
ابو جروح
10-07-2006, 09:10 PM
موجود شاشه
كبيبورت
ماوس
كميرا
جوالي
بكيت دخان وينستون لايت
قداحه
طفاية سجاير
كاسة قهوه
وعلبت جل للشعر
وصورتي
فراشة
10-07-2006, 09:25 PM
يلاااااااااااااااااااااااااااا اا كسبت توين فيكووووووووووووووووووووووو ثواااااااااااااااب ....شووووووو هاااادااا حراام عليكي كتكوووته ....
اليووم في عالطااوله .... انينة مي ... نضارة بابا .....مرايه .. كباية شاي ... ورد وتحف وابصرشو .... بس
محمود
10-07-2006, 09:40 PM
قران
سبحة
كتاب كلكولس 3
صور نشو
جوالي الباندا
علبة محارم
نظارتي وطاقيتي
طابعه بسكانر
سماعات
شاشة
فلاش ميموري
وصلتين بلوتوث
كاميرا ديجيتال
آلة حاسبة
وصلتين Usb
اسطوانات تعريف الجهاز
ورق طباعه
وفلوس $$ هههههههههه
كرت جوال
بطاريات كاميرا الديجيتال
وبس يمكن في اشياء مش شايفها P:

شكرا لصاحب الموضوع
شهد الحياة
10-07-2006, 09:48 PM
موبايلي ورقمي :p
شبس
مجلة
قلم
وع يميني نسرينا
وع شمالي رولينا
وقدامي سحر العيوون
لعبه ضفدع
-|| تقى ||-
10-07-2006, 09:53 PM
هوايه ..
سي ديـــــــــــــــــز..
ماوس وباقي الجهاز..
ورقه من مجله ..
ملقط شعر ..
هد فــــــونــــز..
كتب شي فني وشي بناتي وسلايدات ..
الموديم قدامي ..
وفي وصله يو اس بي ..
وفي كم دوسيه للاستاذ عاشق البندقيه ..

الي بشوف الردود بقول مخازن عطاولات الكمبيوتر

يسلمووو للموضوع
ABU-NOUR
10-07-2006, 10:11 PM
جوالي n70
كرت جوال 100 شيكل
دفتر مذكرات
ما تشتهي من اسطوانات شكل بأيدك
فلاش
ذاكرة الجوال الاصلية
سماعات
كتب ابن فلسطين
قداحة ابن فلسطين
شوكولاته
الشاشة
الماوس
الكيبورد
Twin
10-08-2006, 06:22 AM
ههههههههههههههههههه ولوو حد غريب دخل وشاف الموضوووع ايش يؤل عنا .. المنتدى منكوووش .. يلالالا رتبووو غراضكووو بسرعه ..
اما هلاء في عندي عالطاوله .. علبتين بيبسي وجالكسي ( بس مش آدره اكل لاني صايمه ) .. وااء
ولاعه وعلبه مارلبوروو .. طبعا مش الي .. لبابا ، وملئط الارجيله ،، مش عارفه شو جابوو هان .. وجدول موعد ادان الفطار .. ببص عليه كل دئيئه ...
بيســان
10-08-2006, 06:33 AM
مممم

جوالي

سي دي

سماعات

ديوان شعر

مقالات من مجلة

وصلة بلوتوث ( اموت واعرف مين شالها من الجهاز )

وبس هيك
ABU-NOUR
10-08-2006, 12:40 PM
بشوف كل المنتدى صار يحمل جوالات

طيب يلا بدنا نحط موضوع كل واحد يضع فيه رقم الجوال تبعه ...
بو هبه
10-08-2006, 12:44 PM
موجود عليها كمبيوتر الابت تووب التاني وسله السيديات وقرأن كريم وكريم ومجله سيارات وعلبه اقلاام
وبس


اه وانسييت ايدي التنتيين هههههههههه


سلملم ويسلموو توينووو
Twin
10-08-2006, 05:07 PM
بشوف كل المنتدى صار يحمل جوالات

طيب يلا بدنا نحط موضوع كل واحد يضع فيه رقم الجوال تبعه ...
----------------------------------------------------------------------------

اي ولو جنرااال .. يلا اجري عموضوع علالالاء حط صوره موبايلك ..
وبو هبووش : يييييييييييييييييييييي ايديك عالطاوله !!! اول مره بشوف حدا ايديه عالطاول
شو بيعملووو عالطاوله ؟؟ هههههههه
بو هبه
10-08-2006, 05:11 PM
كييف يعني نوعوه ولا شو .؟؟؟؟


شايفه بالله عليكي

ولو ابوي مش قاعد جنب الغرفه الي جنبي كاان اجري كماان ههههههههههه
Twin
10-08-2006, 05:16 PM
ههههههههههههههههههههههههههههههههههه ههههههههه لأ مبين عالولد محترم .. ال يعني ..
قمر الخليل
10-08-2006, 05:18 PM
هههههههههههههههههه

انا في عليه نوتات صيدلة لاختي مهي وين ما تروح الها نوتات وكتب الصيدلة

وفي صورة بابا وهوي عريس

وعلبتيييييييي تاعت اغراضي زهرييييييييييييييية
ممممممممممم

وسكانر وشنتة سيديات وكاميرا

وبس طيرو بكفي
بو هبه
10-08-2006, 05:21 PM
شو يما انا بستحي حدن يمدحني هههههههه



شايفه الادب


بس والله لو تشوفي شكلي بكوون رافع رجلي وجاعس حالي عالكرسي
ومره وحده ابوي يكبس علي

واال تعالي شوفي شكلي

بصيير اضيع الموضوع بقولوا


بابا بدك مي ولا احكيلهم يسوولك شااي هههههههههههههه
Twin
10-08-2006, 05:38 PM
لا شاطر ... فالح .. انا باجي بلائي بابا رافع رجلووو عالطاوله ... ههههههههههههههههههه .. بس المهم بينتبه عليك البابا ....