نقطة هي الفرق بين العرب والغرب

[احلى شب]

http://www.files.shabab.ps/vb/imgcache/3358.imgcache.gif

الفرق بين العرب والغرب نقطة

شايف النقطة أديش صغيرة

بس يا أخي بصراحة مفعولها كتير كبير

شلون بقا هيك ، فهمني لشوف

رح أعطيك أمثلة

هلق هنن بيقولولهون غرب بس نحنا بيقولولنا عرب

والفرق بيناتنا نقطة

هنن صارو شعب الله المختار ، نحنا صفينا شعب الله المحتار

والفرق بيناتنا نقطة

هنن بيفكرو باستغلال الشعوب ونحنا منفكر باستقلال الشعوب

والفرق بيناتنا نقطة

يا سيدي هنن قدرو يعملو بين بعضون تحالف ، بس نحنا العرب عملنا بينات بعضنا تخالف

والفرق بيناتنا نقطة

هلق هنن عندون المواطن وضعو 100% مزبوط ، بس المواطن عنا وضعو 100% مربوط والفرق بيناتنا نقطة

أصلاً أنت بتعرف ليش وصلنا لهلحالة ؟

ليش ؟

لأنو هنن بيتفاهمو بينات بعضون بلغة الحوار ، بس نحنا منتفاهم بينات بعضنا بالخوار

والفرق بيناتنا نقطة و مواطنون وصل لمرحلة الحصانة ، بينما نحنا مواطنا لسعتو عم يعيش مرحلة الحضانة

والفرق بيناتنا نقطة

ونقطة على نقطة بتعمل قصة

[بيســان]

هي فعلاً نقطة صغيرة

ولكن .. خلينا نشوفـــ هالنقطة شو الها تأثير فظيع

سلمت يداك أخي ولا تحرمنا جديدك

دمت بخير

[Twin]

اي والله بتفرء بنئطه ... بس شو تأثير هالنئطه ...

تسلم شب على الموضوووع ويعطيك العافيه

[m16]

هي فعلا نقطة صغيرة بلكتابة فقط لكن مش في كل اشي

[.:.!دموع الرحيل!.:.]

والله صح الكلام

لا حول ولا قوة الا بالله

بس جاييهم يوم ان شاء الله

مشكور أخي

عالموضوع الجميل

[أمير الأحزان]

ههههههههههه
يسلم اديك احلى شاب على موضوعك المميز
وكلماتت الرائعة

[aBo SaLeeM]

والفرق بيناتنا نقطة

ونقطة على نقطة بتعمل قصة

موضوع كتير رائع

[احلى شب]

مشكورين يا احلى شباب وصبايا على المشاركة وباذن الله بتروح هالنقطة الي بيناتنا وبنتفوق عليهم