شباب الجل و الشيشا و الجوال

[gand]

قضية وله حكاية وله موال بصراحة جوعان ومش لاقى أكل وبحمل جوال ولما بيجوا أصحابي بضيفهم شيشا وبلبس أحسن من وزير ولما بروح على الجامعة بحط جل" شوفيني يا بنت خالتي " ولما تيجى المحاضرة بكون زهقان بقول لأصحابي تعالوا نروح على الكافي نشرب شيشا
أصلوا أنا ما نمت كويس كنت سهران على روتانا أفلام بصراحة ما كان عجبني الفيلم بس أنا كنت قرفان بس شو أسوى بهالبلد ما فيها شي بفتح النفس، أبويه أبصر من وين بدبر مصاريف الجامعة وأنا حامل همه ،ما فيش رواتب إلا انو أنا ما بستغني لا عن الجل ولا الشيشا والجوال هدوال حياتي.
معيش فلوس بس مكيف مره بتدبر وعشره لا ، بصراحة عايش ومش عايش بطلع على التلفزيون وبفتح النت بلاقي بنات برقصوا وناس عايشه وبتسافر وإحنا حتى ما عنا مدينة ملاهي زى الناس والخلق ، مرة بحكيلي صاحبي تعال تنروح على حديقة الحيوان قلتله هو فيه عنا حديقة حيوان قلى آه فيها أسد قلنا بالله بنروح بس أنت بتدفع الحساب أصلوا مفلس هالسنة ، دخلنا حديقة الحيوان بصراحة ما شوفت شي غير أكم من عصفور وجمل وقط ملون وحصان علشان أكون صادق.
القضية بعد ما نخرج وين راح أروح وأنا بقول ومقتنع انه ما فيه عيشه بهالبلد وانه أنا الصح وبس ، والحق على الحكومة وعلى الناس،وما في حدي مقدر مين أنا ، بفكر دايما بالهجرة سبيل للوصول للثروة وأتزوج بنت أجنبيه واخذ الجنسية واركب احلي عربية يعنى " سيارة يا محترم " ويكون عندي بيت" مجرد أحلام " سامحوني بس ما بقي للشباب إلا الأحلام .

عارفين مين أنا بكون ؟
……..
…..
…
..
.
أنا الفلسطيني !!!!!!
بدى منك ما تتعجب وتسال نفسك ليش إحنا وصلنا لهيك مرحلة ؟
ليش بمسك جوال وأنا جوعان ؟
ليش الشيشا صارت عادة عنا ؟
ليش نسبة الشباب في المجتمع الفلسطيني عالية وما بنستغل قدراتها ؟
وين أنا لما بدى أتخرج وين راح أروح ؟
ليش أنا بضيع نص ساعة وأنا بحط جل وما مستعد اخدم بلدي لو دقيقة؟
شو اللي صار نسينا قضيتنا وبنتذكر روتانا صرنا دخيل عليكوا أنا، اقفوا يا شباب امنعوا اللي بصير في هالبلد شوفوا شو بصير تحت المسجد الاقصي شوفوا شو محتاجه هالبلد، اجتهد واعمل وستكافأ، ولا تنسى انك فلسطيني عربيه الأصل.

بقلم / عبد الحميد عبد العاطى

[Twin]

--------------------------------------------------------------------------------

قضية وله حكاية وله موال بصراحة جوعان ومش لاقى أكل وبحمل جوال ولما بيجوا أصحابي بضيفهم شيشا وبلبس أحسن من وزير ولما بروح على الجامعة بحط جل" شوفيني يا بنت خالتي "

ههههههههههههههههههههههههههههههههههه هههههههههههههههههههههههههههههه هه ...

---------------------------------------------------------------
نبلش في الجد ...
اول شي .. هما مش من حئهم متلهم متل اي شب في اي بلد تاني . انهم يتشيكووو ويعيشووو شبابهم .. ولا لانهم فلسطينيه مكتوووب عليهم الغلب .. وما اظن اي واحد منهم لو كان عنده الامكانيات او الفرصه انووو يخدم بلده راح يئصر ...
.. انا الي بيعجبني فيهم انهم عايشين مهما كانت الظرووووف وبيفصلووو بين الالم والمظهر العام ... ..

تسلم اخي عالموضوووع الحلووو

[خيـرَ أُمـة]

--------------------------------------------------------------------------------

قضية وله حكاية وله موال بصراحة جوعان ومش لاقى أكل وبحمل جوال ولما بيجوا أصحابي بضيفهم شيشا وبلبس أحسن من وزير ولما بروح على الجامعة بحط جل" شوفيني يا بنت خالتي "

ههههههههههههههههههههههههههههههههههه هههههههههههههههههههههههههههههه هه ...

---------------------------------------------------------------
نبلش في الجد ...
اول شي .. هما مش من حئهم متلهم متل اي شب في اي بلد تاني . انهم يتشيكووو ويعيشووو شبابهم .. ولا لانهم فلسطينيه مكتوووب عليهم الغلب .. وما اظن اي واحد منهم لو كان عنده الامكانيات او الفرصه انووو يخدم بلده راح يئصر ...
.. انا الي بيعجبني فيهم انهم عايشين مهما كانت الظرووووف وبيفصلووو بين الالم والمظهر العام ... ..

تسلم اخي عالموضوووع الحلووو

أول اشي بدي أرد على عزيزتي توين
يعني يا توين اذا الي حولينا غلط.. نكون غلط مثلهم... هاي مش حجة.. بعدين مين قال انو الجل شياكة... اصلا الجل ما انعمل للشباب.. واذا مش مصدقاني اقرأي التعليمات على العلبة... حتلقيها بتخاطب بنت :-)

وبالنسبة لخدمت بلده .. طبعا المظهر الو دور وبأثر على نفسية الشب... يعني كثر التشيك مثل البنات بخلي ...



اما أخي صاحب الموضوع...
المشكلة على مستوى الوطن العربي وليست مشكلة فلسطينية ...
للأسف أخي الكريم الاعلام خدعنا... وفهمنا انو كل ما غيرت المبايل بتكون اكثر شيك.. وانو هيك البنات بعجبو فيك.. واذا بتلاحظ معظم الدعايات من هاذا النوع... فولدو جيل تافه -مش الكلطبعا- جيل على شكل شباب وصبايا ستار اكادمي...

للأسف البلاد تركت دينها و اعتنقت الرأسمالية... والي هي السبب في هذا... بدهم يبيعو وخلص.. بغض النظر.. وبالخداع وغش الناس... وفي النهاية تتفيه الشباب...

اسف على الاطالة..

أحمد

[Twin]

يعني احمدكس .. هوه خص بالموضوع شباب فلسطين ... ومش بالجل ، بشغلات تانيه .. متل الموبايل واللبس ... يعني لانه فلسطيني يطلع مشرتح وما معه موبايل .. هوه كل شباب الوطن العربي بده معالجه .. بس هوي خص الفلسطينيه ..ز

[خيـرَ أُمـة]

يعني احمدكس .. هوه خص بالموضوع شباب فلسطين ... ومش بالجل ، بشغلات تانيه .. متل الموبايل واللبس ... يعني لانه فلسطيني يطلع مشرتح وما معه موبايل .. هوه كل شباب الوطن العربي بده معالجه .. بس هوي خص الفلسطينيه ..ز

هوي ظلمنا بعرف..... بس أنا بحب اتحركش فيكي :icon15:

قرأتي عن علبة الجل... ولا ما عندك... اذا ما عندك بشوفلك علبتي هههه بمزح :-)

تحياتي الك توين..

أحمد

[Twin]

هههههههههههههههههههههههههههههه ه لا ولوووو اكيد عندي ... عيب السؤال هادا الي ...

مكتوووب بالانجلش .. الاصفر تثبيت قوي والاخضر لين والشفاف للتجعد ... هههههههههههههههه

[gand]

شوو بشوف صار فى تنافس الله يعطيكوا العافية
لكن صدقونى الموضوع اخطر من هيك بكتير
بتخدعنا المظاهر الكذابه ودايما بنحب نحلم والحلم يجى على كيفنا
ديروا بالكوا عحالكوا
والله يعطيكوا العافية :showoff:

[الورده الحمراء]

فعلا كلام صحيح..جاند قضيتنا الها علينا حق..وصار كل هم الشباب بالامور التافهه بس يعني الشباب الله يعينهم ببلادنا..رح يشوفوها من وين والا من وين...الهم وراهم وراهم وين ما يروحوا..بيحاولوا ينسوا وضعهم من خلال الاشياء الفاضيه...او الرحيل بلا عوده..وطبعا مش هادا الحل...الله المستعان..دمت بخير..

[Eagle of Palestine]

لا تقل يا رب لي هم كبير و لكن قل يا هم لي رب كبير !:b: :icon26: :icon31: :s (43):

و الله ولي التوفيق !

[أمير الأحزان]

خلينا واقعيين
يعني كمان على الجوال والشيشة والجل بدنا ندق
احنا محرومين من كل حاجة وكمان من هدول بدك تحرمنا
الواحد الهم الي فيه بيوزع على بلد
طبعا اي شب لما يشوف الناس برة عايشة ومرتاحة ومبسوطة بدو يعمل زيهم
لانو من حقو يدور ويشوف وين العيشة بتكون مريحة الو اكتر
شو يعني بدك ايانا نضل هنا قاعدين بلا شغل ولا شي علشان ندافع عن ارضنا طيب وحنموت على هالموال
خلينا نعيش زينا زي الناس بيكفينا والله عشنا حياة ما في حدا بيتحملها
اصلا اكبر اختبار من ربنا بالنسبة الي انا انو خلاني انولد واعيش بالهبلد
الواحد قرف والله حتى نفسو

[الورده الحمراء]

يا امير الاحزان خلص ولا تزعل حالك حط جل..واشرب شيشه وجيب احلى جوال بس رووووء
فعلا شبابنا اللي بيشوفوه اكبر من اي شيء ممكن تتخيلوه..بس الله كريم باذا الله بتفرج

[عاشق البندقية]

no comment

[aBo SaLeeM]

أنا رأيي من رأي امير الاحزان يعني على هادي الحاجات الواحد بدو ينق

طيب الواحد بيكفيه همه الى فيه

[gand]

مشتاق كتير لوطنى مشتاق كتير

[gand]

مشكرين علي المرور الاالشرعية
احنا بنحكي كلام واقعي لانه الشيشة بتجر بعدها البلاوي
وراحت عليك ياوطن مدام هيك

[قاهر الصعاب]

الاخ المحترم هلا بيك

موضوع واقعي


الجل : انا استعملته في فترة الجامعة لكن اضرارة الصحية كثيرة وعملي قشرة وحكة في الراس (ومن اضرارة تكون السرطان لمن يكثر منه وتساقط الشعر).

الشيشة : اجمع علماء العصر الحديث على حرمة التدخين . يعني الي بموت وهو يدخن مع انه بصلي بدخل النار 0كيف يقابل ربه مع المعصيه) وكمان الشيشة النفس الواحد عن عشر سجاير دخان . الله اكبر .
الارجيلة مدمرة للصحة والمال ومفسدة .

الجوال ما عندي مشكلة فيه ، لكن اتمنى ان لا يصبح صرعة بحيث كل 6 اشهر او سنة يغير موديل الجهاز .
واللبس من حق الشاب وكل شخص ان يتانق .
اما

محطات الافلام من روتانا سينما وميلودي افلام هي محطات لنشر الرذيلة والدعارة والشذوذ في اخلاق الشاب وللاسف هي تنشئ جيل هدفه فقط الحب والصياعة ومصاحبة البنات وتربي على الفساد والعادات السيئة (وحسب ما ارى تزرع الرغبة في الاغتصاب)

[اجمل احساس]

بعين الله !!
ايلي رجعة ان شاء الله

[دموع الغربة واشواق العودة]

مش لهدرجة يااااخي والله حرام عليك ظلمت الشباب الفلسطنية يعني في من هادا النوع بس مش الكل ..هادا بيكون راجع للبيئة والمجتمع الي هوا عايش او حتى الاسرة الي هوا عايش فيه .. في شباب بتمنى يكون منهم في الوطن العربي تنين وفي شباب بيكرهوك جنس الشباب ..التوعية التوعية ياااااجمااااعة المفروض يكون في توعية على مستوى الوطن العربي كلو ..الناس بتكبر وبتوصل المتوسط وهي بتعرفش صور المسجد الاقصى حتى ..شوفو لأي درجة انعدم التوعية عنا فالحين بس يدرسونا شو ساوا الملوك بحياتهم ..وكمان تاني عامل الي هو البيت الاهل ان ما وعو ولادهم وشافو مع مين رايحين ومع مين جاين رح يخسرو ولادهم ..يعني الي فالح يحط على راسو جل ولا كلام فااااضي بلدك اهم من اهم واحد رايح تشوفو مش هادا هو العالم مش هاي هي الدنيا ..انا عايش باحسن حااال وشعبي عم يتدمر ...قال شو قدر قال ..قدر اه فهمنا وعارفين بس بكرة يوم القيامة رح توقف قدام ربك ورح يسألك شو ساويت لأخوانك الي ما داقو طعم الراحة من 60 ســنــة ساعتها شو بدك تجاوب ..لازم نحضر جواب لهاي اللحظة زي ما حضرنا لغيرو ...على كل انا تعبت برجع بكمل ..الموضوع عن جد مميز ومن انامل واحد مبدع ..وقضية لازملها نقااااااش منوووور

[إيمـان]

انا رايي زي لولو دموع الغربه.... و

[اجمل احساس]

هلأ هاي الفئة من الشباب موجودة اكيد ومش بس بفلسطين لا بكل مكان وبكل بلد كمان بس مش كلهم ولا حتى الاغلبية لا بالعكس في شباب بفلسطين مقاومين وشهداء كتير وهدول هما ايلي لازم ينحط الضوء عليهم
اما بالنسبة للفئة المذكورة فوق هاي بدها توعية لانو السكينة سرقاهم زي ما بقولوا واهتمامهم كلو بأمور تافه وبصراحة هدول ما بعبوا العين ابدا بس ما نكون متشائمين لأنو رح يجي يوم ويوعوا فيه ويتمنو ايام شبابهم ترجع عشان يعملوا الكتير لبلدهم وان شاء الله تتحرر والنصر قريب بإذن الله

يعطيك العافية يارب ،،، تحياتي

[سيف الامه]

اي صحيح .. لانو البنات ماخدين عقول الشباب من البرستيج والسلكون والروج والموديول وريحة السكادا وصبغة الشعر .. عشان هيك ما الهم الشباب الا الجوال عشان يتصل فيهم ويتصلو فيه ويحط جل عشان شعروو يصير حلو ويوقف مثل النيص ويلحقوه البنات وبس يلحقوه ويلحقهم ببطل يدرس و ببطل يشتغل ومش ملحق فواتير جوالات ههههههههههههههههههههههههههههههههههه ههههه
اذا البنات المشكله مش الشباب

[دموع الغربة واشواق العودة]

اي صحيح .. لانو البنات ماخدين عقول الشباب من البرستيج والسلكون والروج والموديول وريحة السكادا وصبغة الشعر .. عشان هيك ما الهم الشباب الا الجوال عشان يتصل فيهم ويتصلو فيه ويحط جل عشان شعروو يصير حلو ويوقف مثل النيص ويلحقوه البنات وبس يلحقوه ويلحقهم ببطل يدرس و ببطل يشتغل ومش ملحق فواتير جوالات ههههههههههههههههههههههههههههههههههه ههههه



اذا البنات المشكله مش الشباب

ولك انت مالك اه مااالك ..حاطط عينك على البنات اه شووووو في بينك وبينهم ..احنا شوووو ساوينالك ..
حتى في هاي احنا السبب ..معناها انو احنا السبب في تهجير اللاجئين واحنا السبب في حرب غزة واحنا السبب في احتلال فلسطين ..صح ولا لا بس مالك كل اشي بتنط البنت فيه
آخرتي رافعة عليك قضية ه

[بيكاسو]

ااااااااااااااااااااااااااااااااخ ما بعرف شو بدي احكي