موقف او حدث صار امامك ومستحيل تنسى ...اتفضل فوت وأكتبو

[بنت الرملة]

السلام عليكم ورحمه الله وبركاته....


طبعا مبين الموضوع من عنوانه :))))

إزا صار معك موقف


او شي صار معاك زمان

سواء معك او مع اهلك او احد أصدقائك و ضل عالق بذهنك ومستحيل تنسى!!!

ياريت تكتبو وتكتب شو شعورك كان في هالموقف

وليش ما رح تنسى هالموقف بحياتك

[حنووو اليبناوية]

شكرا ميمي على طرحك الموضوع الجميل موقف عمري ما بنسااه لما خيروني افوت علمي ولا ادبيي خخخخخخخخخ بالنسبه لإلي مأساوي ياريتني فتت ادبي انا شو كان بدي بوجع الراس (انا اسفه اصلو عارفه انو الموضوع هاد ما بيحمل مزح اصلو انا في اوقات المزح بعيط وفي اوقات الحزن بفرح)
معلش مصيركم تتعودو
بس حضل اقول حسبي الله ونعم الوكيل اه صحيح بنت الرمله حكينا لمحمد يضبت ساعته على التوقيت الشتوي بس يلا الله بعين اه صحيح اتزكرت موقف مأساوي هو فعلا مأساوي اخوي محجووووووز بغزه ومش عارف يطلع وضاعت عليه جامعتو وكل اشي وبتخيلو بالاخير جاي هو ومرتو وولادو خخخخخخخ ما علينا اتزكرت كمان موقف مأساوي لما ماما عيطت على ستي لما اتوفت لأني بعمري بحياتي ما شفت ماما بعيط بهادا الشكل يلا جماعة الخير طولت عليكم حاسه حالي حقيره المفروض احزن علشان ماما بس ستي الله يرحمها من اربع سنين متوفيه خلاص خلاص يلا مع السلامه

[لولو اليبناوية]

لما بنت اخوي الصغيرة كان عمرها 9 اشهر وماتت كانت مريضة........اجينا عالمستشفى لاقيناها ميتة منظرها مان مش طبيعي........ماساة مش امصدقة كنت انو في خد قدامي ميت....عنجد؟؟؟
ولما باليوم التاني ...كانت بالشيارة بدهم يدفنوها فميلو على البيت عشان انودعها ابوي قال لاخوي الي هوة بكون عمها (عبود) جيبها من الدبة ........اااااااااخ حموووت......اخوي صار يعيط بصووووت عاااالي!!!!
هاد الحكي الو 3_4 سنين.......الله يرحمك يا (عايشة)

[لولو اليبناوية]

وبتذكر كمان منظر ابوي لما وصلو خبر وفاة ستي من رفح ....
حط ايدو على خدووو.....مصددوووم....منظرو كان بقطع القلب.....اااااااااخ
بعدين راح على بيت حننوو عشان ايقول الام حنووو الي هي عمتي....

[Twin]

والله وجعتولي البي يا صبايا .... في موقف حصل لي ولما عرفتوووو اغمى علي ... هوه طويل شوي .. صار معي او بالاخص معي انا وفراشه ... ابل اسبوووع لسه ... والاصه انووو عندي صديقه عزيزه كتير على البنا .. واهلي كمان بيعرفووو اهلها وبنزووور بعض باستمرار ... والاصه انها كانت شوي مش مزبوووطه بس احنا كنا ننصحها وهيه ما تسمعلنا ... وبعدين بطلنا ننصحها فضلنا نسمع لها .. لانه لو ضلينا نحكيلها غلط ... عيب .. بتبطل تحكيلنا شو بيصير معها ... والي كان بمصلحتنا انو نحنا كل كبيره وصغيره بنحكيها لماما .... باختصار كانت تكلم شباب عالتيليفووون ... وبيوم حكتلنا انها شردت من البيت اعدت بره واهلها ما بيعرفووو شي عنها خمس ايام ... وكانت أعده في بيت شب ... نحنا .... الله لا يوريكي انصدمنا ... بعدين تاني يوووم اتصلت امها وصارت تحكيلي انت كنت تعرفي انو هند شارده وانها بتكلم ولالالاد ... سعيتها انا حكيتلها كل اشي وانها معها موبايل بالسر وانها مخبيه شريط دواااا ........ انتووو فاهمين ..... ولولا انووو نحنا حكين كل شي لماما كان ... ... بس الحمد لله وبعدها لما تيجي عنا بابا بياخدنا وبيطلعنا نلف شوي عبل ما تروح .... بس حبيت افضفضلكوووو ويارب ما اكووون زهئتكووو ... واختصرت اد ما اادر .... وشكرا عالموضوووع الحلووو ...

[Abu Shadi]

وانها مخبيه شريط دواااا

فهمتك خيتي لا حول ولا قوة الا بالله
الحق مش عليها الحق عليكم انتو طالما بتعرفو بالموضوع كان بلغتو من الاول

اخواني كثير مواقف صارت معي لو بدي احكي بدي كثير صفحات مش صفحة ولكن ححكي اكثر موقف حصل معى بصراحه افقدني وعي ما دريت عن حالي الا وانا علي قبر انسان
انسان ما دريت عنو الا بعد ما وعيت
هذا الانسان هو اعز انسان علي اعز من نفسي
اخواني مش راح احكي القصة وبس بدي تتخيلو المشهد لحتى تعرفو ليه انا متغير كليا عما كنت عليه يمكن انتو ما لحقتوني زمان ولكن لحقتوني وقت ما تغيرت
اخواني في يوم من الايام كنت انا وشب صاحبي والوضع هادي وما لا صوت طلق ولا شي قاعدين على جبل علي الحدود انا ما كانت مرعوب من الصهاينه بس اخي الي هو اعز اصحابي كان فيه الخوف
والصهاينه كانو مثل الكلاب بشمو الخوف وصاحبي كان في حدنا خزان كبير بطون بسموه حوز
كان كل اشوي يلف خلفو ويرجع يقعد عندي يلف ويرجع يقعد عندي كان خايف كثير وانا كنت مبسوط في المشهد علي المستوطنه وعند ما اجا صاحبي جنبي
عمل مسلسل علي وعمل انو انطخ ونام علي الارض صرت احرك فيه ما تحرك انا الصراحه انجنيت فبالاخر قام وصار يضحك علي اتزاعلت انا واياه ولمن قعد جنبي وصرنا نتحدث مع بعض ونجيب قصة تجيب قصة وعن الشهدا فجأة الشب بقلي نفسي استشهد وربنا سمع منو في لحظة طلق كان داخل من رقبتو وارتمى فكرتو بمثل علي فبقلو قوم وبكفي مسخره عاد المهم ما شفتو الا هو قام راسو عن الارض وحطو علي رجلي فبطلع مكان راسو كان كلو دم فبطلع فيه كان حامل ابتسامه صغيره وحلوه لليوم في بالي كان لسا في نفس فجاة صار الطخ علينا من كل ناحية فستنجدت في شباب قريبين منا حملوه معي ولكن وانا حاملو صار معي اشي مش راح احكيه بسببو وقعت علي الارض ولكن كان الاشي بسيط يومها كان اكثر يوم اكرهتو لكن بعدها حبيتو لاجل انو صاحبي تمناها
سبحان الخالق في لحظة الانسان بكون في مكان تاني انتا بتقدرش تصلو الا لمن المولى يختارك
اللهم احسن ختامنا
وانا اسف اخواني علي ذكر هذا الموقف اما موقف الطفل لساتو في ذاكرتي ولكن ذكرتلكم الموقف الي بحزني كثير جدا

[Twin]

فهمتك خيتي لا حول ولا قوة الا بالله
الحق مش عليها الحق عليكم انتو طالما بتعرفو بالموضوع كان بلغتو من الاول

لانه لو حكيناااا سعيتها بيطلعوووو بنتهم اشرف خلئ الله ونحنا الي بنتبلى عليها .... وبعدين البنت ما بتعرف انوووو شفنا شريط الدوااااا ...

نحنا عارفين انووو غلط... وفكرنا نطلع نحكي لاهلها من تلفووون الشارع بس والله خفناااا

[Twin]

يالله والله حزنت عبد ....... يالله الله يرحمووو ويصبر البك ... والله لو انا مكانك .... اظن اني اتعئدت نفسيااا ... لا تزعل حالك بكره بشفعلك يوووم القيااامه ... نياله

[Abu Shadi]

خيتي الي عملتو خوف صح بس خيتي كان افهمتي
الصراحه مش زعلان علي البنت زعلان علي اهلها
لانو البنت لا مبالاه عندها هي علي فكرة لو مكانك ببعد عنها
لانها مش حتجيبها للبر
ابعدي عنها افضل الك ولاختك مش مهم الصحبه المهم انك تعرفي مين تصاحبي
يعني من الممكن يكون في ممسك عليها ومقابل هالممسك توقع الي مثل هيك مش بعيد عنهم الكلام هذا
فانا بفضل تتصلي عليها وتقولي انسي الصحبه الي بينا

[Twin]

اصلا هيه صحبه اهل ..... بعدين صرنا كتير حبايب ... وانا مو من النوووع الي بتصل بحدا بيحكيلوووو انسي الصحبه ... لانها هيه امنت علينا وحكتلنا سرها ونحنا والله ما كنا بدنا نجيب سيره لولا خوفنا عليها ... حكينا لمامتها ... انت لو لاحظت انا كتبت انووو صار بابا يطلعنا كل ما تيجي عنا ... لو تعرف اديش عمرها ... هتنصدم ... لساتها 16 سنه ... الله يسترها .. شكرا لاهتمامك ...

[VIP.]

يمكن في منكم ما يسدقني ولاكن هذا حصل قدامي
ونحنا ماشيين بالطريق السريع بين ابوظبي و دبي الله لايوريكم هامنظر كان في سياره بتمشي بسرعه و احنا قادمنا شاحنه ضخمه جداالمهم السياره كانت بدها تتجاوز سيارتنا و هو سريييع سرعت البرق طبعن كان شاب اماراتي و سياره اخر موديل ولاكن ياحرام هو مر من جمبينا وربعديها انحرفت السياره تبعتو و نزلت تحت عجلات الشاحنه كنت انا وابوي واختي الصغيره طبعا السياره انمسحت عن وجه الارض وصار حطامها في كل مكان فورا بابا وقف السياره وتصل بالاسعاف و شرطة المرور و انصدمنا انو الشب الي كان بداخل السياره مش معروفلو ملامح يالله كان منظر مرعب و اختي الصغيره سافت لمن شافت الي صار
هاد هو الموقف الي مارح انساه لانو تبرمج بذاكرتي

الموضوع حلو
حلوه منك

[Twin]

يالله .... شو هادا !!!!!!!!!!! الله يعينك .....

يخرب بيتهم شو مجرمين بسوائه السيارات ... خصوصا الاماراتين ..ز كل شبرين تلائي سيارات بتسابئووو شووو هادا ؟؟؟؟ الله يكفينا شر سوائتهم ....

[Abu Shadi]

بصدقك لانو كثير بتصير حوادث عندكم بالامارات
وصارت لايام هي تخوف كثير بلدكم خاصه للبنات
اسمعت انو في ابو ظبى ظهر سفاح عندكم بقتل النسوان صحيح ولا لاء
رسمي الحكي هذا فعلا اجتلو فتره مش بس ابو ظبي في الامارات كلها

ولكن اختي توين بجد صدمتيني لساتها صغيره علي الكلام هذا كلو والله حرام عليها لو مكانك بقدر اقنعها
يعني انتي ليه ما تكلميها مكالمه ولا اقلك انسي الموضوع
ولكن ان في امكانيه ترسلي رقمها وراح احاول اقنعها وربنا يجيب الي فيه الخير رغم اني حخسر فلوس كثير ان بتحبي طبعا
لانو هي البنت ما راح يجيبها غير الشب لانها ممكن تفتكر البنت او صديقه الها بتضحك عليها لتسرق الي بايدها وهي هبلة مش دارية انو الشب مصاحبها بس لهيك شي وبعدين لمن يجي يتزوج حياخد غيرها هيك هما الشباب الايام هذه عشان هيك ما بأيد الحب كلو اصلا وخاصه علي النت والجوالات الا لمن يثتب انو شاري البنت في تقدمو لخطبتها

[Twin]

ههههههههههههههههههه والله خوفي عليك ... لاتعلئك انت كمان ... ابعد عن الشر وغنيله ... هاي بتوديك عالبحر وبتجيبك عطشان ..الله يهدي كل الناس ... لا تغلب حالك .. الي متلها خلص ... شو بدها في النصيحه بعد هيك .... والله الموت لسه اليل عليها ..

[خيـرَ أُمـة]

فهمتك خيتي لا حول ولا قوة الا بالله
الحق مش عليها الحق عليكم انتو طالما بتعرفو بالموضوع كان بلغتو من الاول

لانه لو حكيناااا سعيتها بيطلعوووو بنتهم اشرف خلئ الله ونحنا الي بنتبلى عليها .... وبعدين البنت ما بتعرف انوووو شفنا شريط الدوااااا ...

نحنا عارفين انووو غلط... وفكرنا نطلع نحكي لاهلها من تلفووون الشارع بس والله خفناااا

للأسف مزبوط..

على العموم هاي نبتتهم الي زرعوها .. لو اهتمو فيها كان انبتت ثمرة بترفع الراس .. بس للأسف..

[بنت الرملة]

...........

[حنووو اليبناوية]

يعني باختصار قضينا العيد عزااول يوم عيد وشفتو حكمة ربنا انو خلاها عايشه لآآآآآآخر يوم برمضان علشان تصوم الشهر كلو واخد روحها بعد رمضان بيوم شو فحكمة ربك الله يرحمها ياااااااااااااااااااااااااارب

[خيـرَ أُمـة]

الله يرحمها ويغفرلها ذنوبها.. ويوسع عليها القبر...
اميــن يا رب...اميــن يا رب...

[VIP.]

هههههههههههههههههههههههههه توين ابصر فهم عليكي ابن فلسطين ولا لا
بتوديك على البحر وبترجعك عطشان ههههههههههه
احكايت سفاح النساء حصلت بجد ولاكن بالشارقه و انمسك يعني ما تخافي توين

[Twin]

ههههههههههههههههههههههههههههههههههه هههههههههههههههه يوم ما صادف حكايه السفاح كنا رايحين رحله على برجمان بدبي وعلى مدينه الطفل بحديقه الخووور والنادي الثقافي بالشارئه .... كان الباص طبعا كلوووو بنات ... آمووو حكولنا انووو السفاح طليق في الشارئه .... ههههههههههههههههههه كلنا صرنا نسرخ .... وما رضينا ننزل من الباص ..... لزئنا بالمس كلنا .... ولما نزلنا كلنا ملزئيين ببعض .... شكلنا بضحك .... ههههههههههههههههههههههههههههههههههه هههه اسوء رحله اروحها بحياتي كانت رعب ....

[قسامي غزة]

مشكورة يا اختي علي طرح الموضوع
بس انا ما بدي اكتب شو صار معي والله يا اختي انا صارت قدامي مناظر تشيب لها شعر الراس والله يا اختي رايت مناظر شهداء يا الله مناظر لن انساها في حياتي ولكني لن اشرح التفاصيل التي رايتها لانه كل شهيد لايجوز ان نفصل منظره التي رايته ولكنه والله انه شرف كبير ان يشتشهد الشخص او المجاهد وهو لا تبقي قطعة لحم من جسمه قطعة كبيرة لانها كرامة اشهدء
اللهم ارقفني الشهادة والحقني بالشداء والصديقين

[الورده الحمراء]

كان اصعب يوم بحياتي واصعب موقف شفته هو يوم قصف بطياره ف16 بيت جنب بيتنا بيبعد يا دوب 50 متر..حسيت القيامه قامت..وبعدها بشوي نزلنا نشوف شو صار ..كان في 8 شهداء بالبيت وكانوا طبعا الله يرحمهم شقف ومحروقين لدرجه ما بتقدر تميز مين هم..وكان الدم بيسيل من ادام بيتنا..ما قدرت اتماسك حالي..وهم بيطلعوا الشهداء ال8 من البيت وكان من ضمنهم طفل عمره 7 سنوات..انصبت بحاله هستيريه..الله ما يعيد هداك اليوم فعلا بحياتي ما رح اقدر انساه..اسفه للموقف فعلا نفسي انساه ومش قادره..الله يرحمهم ويتقبلهم مع الشهداء..

[Twin]

امين يا ورده ... انتوو اللي بتشووفوو الحواادث هاي الله يعينكووو يا رب ...

[بنت الرملة]

:(((((((

يالله الله يعينك :((( والله موقف صعععععععععب مبعرف كيف بتتحملوا تشوفوا هيك

الله يكون بعونكم يارب

ومشكور اخي عالمشاركه

[صدى الصمت]

اول شي شكراً عالموضوع
وتاني شي
في كثير مواقف عندي ما بنساها
اول موقف<> البحرين
لما وصلنا من فلسطين خبر وفاة بنت خالتي
وثاني موقف <> فلسطين
شي ما بينوصف
عمتي ( عمة بابا) ماتت جنبي :|:|:|:|:|:|:|
الله يرحمها ويحسن الها
والله موقف ما بنساه بحياااتي كلها
ومن يومها صرت اخاف اقعد جنب حدا كبير بالسن
وثالث موقف <> فلسطين
كان يوم جمعة وفي الظهر
كنت بصلي الظهر بالغرفة الا واسمعلكو صوت ناس كثيييييييييييرة من تحت بتزعق وبتحكي حكي مو مفهووم المهم،،
خلصت بسرعة وطليت من الشبك والا بمنظر اول مرة اشوفو بحياتي من فوووووق
ولد صغييير يا ويلي عليه ،، حاملينو عكتافهم ولافينو بعلم فلسطين ووجهو امبين من فوق وعنيه مسكرات والله يومها ما عرفت انام واتورمو عنييي من كثر الصياح عليه
والله انو قطعلي قلبي وخصوصاً انو اول مرة بحياتي اشوف بيبي صغير ميت ومن فوق كمان
يلا ثقلت عليكو كثير
الله يكون مع جميع العباد
وشكراً

[بنت الرملة]

:؛(

شوووووو هاد يا صدى الصمت :؛(

عنجد الولد لصغير الميت إشي بجد حزنيييييييي ...عنجد الله يعينك عالمنظر


مشكوره على مرورك :؛( ...