فوز حركة فتح في نقابة الصيادلة

[aBo SaLeeM]

فوز كتلة الشهيد ياسر عرفات في انتخابات نقابة الصيادلة ب8 مقاعد مقابل 3 مقاعد لحركة حماس مبروك لحركة فتح هذا النصر الكبير في نقابة الصيادلة وبأذن الله من نصر الى نصر

من نصر الى نصر انها ثورة حتى
النصر
النصر
النصر
مبروك لكتلة الشهيد الخالد
ابا عمار

[مؤيد]

طيب بقلكم مبروك ، لإنو نحن لسنا عنصريين ونحب لكم الخير دائما ً .

===================
شو هذا يا ابن فتح أبو سليم ،شو نصر ومش عارف ايش

يا أخي احنا مش يهود تقول مبروك النصر ، احنا إخوانكم في الدم ، حرام عليك واتق الله
==================


بس على شو كل هذا أخي ، اي لو هي انتخبات تشريعي كان قلنا تفرحوا كل هيك

كل هالفرحة والضجة على فوز في نقابة صغيرة في غزة تضم 1176 موظف ؟؟؟؟؟؟؟ والي انتخب منهم 996 حسب وكالة معا ً الفتحاوية ؟

مش مستاهلة

ومبروك مرة ثانية

================

[abu hanood]

اولا ابارك الفوز لكم
ولكن هذا الفوز ليس مؤشر مهم علي تقدم حركه فتح علي حماس
لان نقابة الصيادلة نقابة صغيرة ليس كنقابة المحاسبين
وكذلك اغلب الصيادلة لا يعملون في الوظائف الحكوميه

[خيـرَ أُمـة]

الله اكبر
الله اكبر
الله اكبر
الفوز الرائع
الله اكبر
الله اكبر
ها هم ابناء الفتح الابطال
بداية الخير
انهضو و هبو
الله اكبر
في الاتحاد قوة
الله اكبر
الفوز الكاسح
الله اكبر

اخي حبيبي
هذا فوز في انتخابات مش في حربنا مع اليهود :) لسا ما رمينا اليهود في البحر - ميثاق فتح سابقا -

أخي ابو سليم
مبارك لكم هذا الفوز .. لكن مثل ما قال مؤدي حماس 1200 عضو تابع للنقابة فلو قلنا ان من انتخبو هم 1200 وهذا شيء مستحيل فان فتح حصلت على 800 صوت على اعلى تقدير .. فأي نصر هذا..

تمخض الجبل فولد فأرا

على العموم مبروك ...

[abu hanood]

الله اكبر
الله اكبر
الله اكبر
الفوز الرائع
الله اكبر
الله اكبر
ها هم ابناء الفتح الابطال
بداية الخير
انهضو و هبو
الله اكبر
في الاتحاد قوة
الله اكبر
الفوز الكاسح
الله اكبر
هل نسيت نقابة المهندسين ؟
فقط احببت ان اذكرك

[خيـرَ أُمـة]

انا لم اصف فتح بالفئران لكن هذا مثل يقال عندما تكون النتيجة لا تذكر ..

لكن يبدو انك لا تفهم لغة الأمثال ...

[خيـرَ أُمـة]

انا لم اصف فتح بالفئران لكن هذا مثل يقال عندما تكون النتيجة لا تذكر ..

لكن يبدو انك لا تفهم لغة الأمثال ...

[خيـرَ أُمـة]

انا ما بدأت
انت اللي بدأت
و انا ما قصدي انشر الفتن لانها مش من عادتي
و هاد عادة نشر الفتن مش من ابناء فتح و ما علمتنا فتح ننشر فتن
و اذا بدك تلعن ما تلعن ابن بلدك روح العن اليهود يا كبير العقل
و بما انك مطلع و فهمان بامور السياسة و الحركات و الانجازات
خلص روح ابحث عن انجازات فتح و بعدين احكي
و الله يسامحك
و متل ما قال المثل
ضربني و بكى و سبقني و اشتكى

عزيزي في ناس من فتح لعنتهم فتح نفسها ولن اذكر اسماء لاـنهم معروفون ... اما بالنسبة لانجازات فتح فعلا هناك انجازات لفتح لكن طغت وغطت عليها تخازلات فتح ... بدئا من اوسلو واتفاقيات الاستسلام وانتهائا بما نمر به الان والذي سببه السرقات الواضحة التي فام بها "بعض" رجالات فتح والمحسوبين عليها ... هذا هو الواقع شأت ام ابيت ..
للاسف انت وامثالك يتغنون بالماضي وبانتصارات مزيفة ... فتقولون "اسطورة الصمود في بيروت" فأقول لكم اي اسطورة لقد هزمنا هناك ومن لا يعترف بذلك اما اعمى او مجنون...

وتقولون بأنكم باتفاقياتكم مع الصهاينة واعترافكم باليهود اعدتم لنا حقنا فعن اي حق تتكلمون حقنا بان ناخذ الفتات 2% من ارض فلسطين التاريخية ... واين حقنا باراضي 48 واين حقنا بالقدس والتي هي اساس الخلاف ...

للأسف عزيزي قاموسكم مغلوط وما انزل الله به من سلطان ... فتسمون الاستسلام سلام ... والانهزام نصر .. وتنسبون بعض البطولات لأنفسكم .. اهذا هو النصر الذي وعدتونا به .. وفي النهاية سرقة ونصب .. هذا هو نصر فتح نعم عزيزي هذا هو النصر الذي تتغنى به ...

ارجو من الأخ ابو سليم ان لا يحزف مشاركتي كما فعل قبل ذلك مرتين ... فردي هنا هو رد فعل على تهجم لست انا البادئ فيه

دمتم بخير

[Abu Shadi]

يعني كلو داخل ليستفز ويعمل مشكلة
طيب بدناش تبريكم خلي الشباب ينسبطو انتو ايش الكم عندهم
يا بتباركو وبتدخلو محترمين يا الله معكم بلزمناش تبريكم
وبعدين اخي شو بتقول عن الصيدلة يا مؤيد حماس غير مهم بدي اريحك
هلقيت لمن انتا تنجرح وجرح بدو تغريز وين بتروح علي مهندس ولا علي دكتور عظام ولا دكتور سنان
قلولي هي شغله

ايام الاحداث الي بتحصل اغلبية الصيادلة بعملو في المستشفيات في الوقت الحالي
صح ولا غلط
طيب بشتغلو بالاسعافات الاوليه
يعني هدول لو ما نزلو في المستشفيات وصارت احداث اظن راح تلاقو ازمه كبيره ولا بتقلي انتا غير هيك بيجو ملائكة من عندكم واحنا الشياطين تعتنا بتهرب
ولعلمك من معظم ما خريجين الصيدلة اشتغلو في الجامعات تدريس والي قريب وصاحب اخي بشتغلو وطبعا مش صغار بالعمر
لذلك اخواني يا بتفوتو لتباركو فاهلا وسهلا ياما بدكم تعملو مشكلة فالله معكم بلزمش تبريكم الناس

الف مبروك شباب عقبال ما تردو الحكومه

[هلــون]

مبروك لفتح

ان شاء الله من نصر لنصر

وحماس كمان ..

احنا شعب فلسطيني لازم نفرح للجهتين ...

بالاخر احنا شعب واحد ..

مبروك مرة تانية .. ويسلمو ابو سالم

[Abu Shadi]

اشي اكيد هذا اختي بنحكيلهم بدهمش الا يستفزو بعض يعني لازم الاستفزاز طيب ان بلاقي اي واحد بستفز التاني يعلم اني راح يكون اخر يوم الو بالمنتدى مين ما يكون يكون سواء من فتح او حماس
طالما في مناسبات مثل هيك ما حدا يدخل بالتاني يفرحو علي كيفهم يا بتدخلو تباركو يلا ما تباركو الي ما بعجبو موضوع مو لازم ردو

[خيـرَ أُمـة]

ابن فلسطين شوف ردود المسمى "حبيبي" وبتعرف سبب الأنفعال الي صار ... هوي الي وصف الحركات الأخرى بالقزمة ... وهذا افتراء منو ... لأنو الحركة الي وصفها بالقزمة ماخدة 60% من الناس في البلد ... يعني هوي قزم شعبنا وهذا اشي ما بنرضى...

على العموم باركنا ومصرين على مباركتنا ...

سلام

[قمر الخليل]

يا جماعة يا جماعة

شو كل هادا مؤيد دخيلك انا شو قلتلك قبل

واحمد دخيلك خليه يحكي متل ما بدو هو حر يحكي متل ما بدو بس بدون غلط على الحركات التانية لانو في ناس هون بتأيدها وهادا تجريح الهم

اخي حبيبي ياريت تحسن من طريقة كلامك لانو هادا المنتدى مش للقتال ولا عشان تثبت انو حركتك هيي الاهم هادا للاخبار وبس

ويظهر انك جديد وما حضرت المشاكل الي صارت هون وانطرد بسببها الاعضاء

عنجد خلص ولو سمحتو انا رح اطلب من عاشق الحور يحزف الردود ان زاد الامر عن حدو

ومبروك لفتح بالفوز وعقبال ما نهني بالوحدة الوطنية

[مؤيد]

أختي قمر الخليل ، انا لا تهجمت ولا شيء

أنا قلت لهم مبروك لكل احترام ، بس حبيت أوضح من أكتر

أي صدقيني لو انها انتخابات تشريعي أو بلدية لقلنا خليهم يفرحوا ، ههههههه

[قمر الخليل]

مؤيد حماس والله بعرف وانا عارفاك منيح

اخ حبيبي لو سمحت لا تخلينا نضطر نوخد اجراء تاني

[هلــون]

ما هوي واحد من الاتنين ..

لا نفرح كلنا .. لا خلص ما حدا يعلئ ..

كل موضوع فتح وحماس لازم يكون فيها خناء ونخسر اعضاء ..

خلص قمر هدي .. الاعضاء بعرفوا مصلحتهم منيح .. هههههههه اخ حبيبي .. خلص هديها شوي ..

بصراحة امبين عليه مبسوط .. شو نعمل .. ممنوع حدا يفرح زيادة عن اللزوم هههههه ..

يلا حلوها .. ومبروك مرة تانية

[syef]

مبروك الفوز يا شباب

[محمود]

مبروك الفوز

ان شاء الله بتكون قدر المسئولية لانها كبيرة

وما بدنا تكرار لأخطاء ماضية ..

[محمود]

السلام عليكم ورحمة الله وبركاته ،،

الموضوع مغلـــق ،،

بعدين احنا هون مش بحرب بين فتح وحماس ..

الف مبرو لفتح ، ومش لازم نعلق على كل كلمة انحكت ..

لأنو لما يفوز تنظيم آخر ،، بتصير حفــلات مشان الفوز ،،

فحقهمــ الفرحــة بفوزهمـ !!

أما تدخيل طرف تاني (حماس ) في الموضوع ما كان اله لازمة من الاصل ..

واتمنى من الأخوة الالتزام وعدم صنع موقف عنصري في المنتدى لدوام الأخوة ...

فمنتدى شباب فلسطين ،، لن ينقلب ليحيز جهـــة معينـــة ،، كلنا فلسطين بعيدا عن الاحزاب السياسية .. ..