تصويت لاستصدار قانون جديد في المنتدى

[مؤيد]

الاستطلاع فوق ، صوتو بنعم أؤيد .......
===========

تحية لكل الأعضاء ..

بصراحة أغلبية المنتديات تسمع للعضو بطرح 3 مواضيع فقط لنفس القسم .......... أما منتدى شباب فلسطين يسمح للعضو بطرح عدد كبير من المواضيع في نفس القسم أو الفرع .مما يسبب بعض الإزعاج .

فمثلا ً : قسم المنتدى العام ، يجب أن يسمح بـ 3 مواضيع لنفس العضو ، وهكذا لكل قسم .

فنرجو التوصيت لصالح تحديد عدد المواضيع لكل عضو بـ 3 مواضيع لكل قسم .

=============

ملاحظة يا إخواني وأخواتي : صوتك أمانة ، فلا تخون الأمانة ، هههههههههه

ونشأت " عاشق الحور " بدفع فلوس لأي عضو مستعد يصوت بلا " أؤيد القانون " ....

=================

والصوت أمانة يا ناخب ، وكونوا مع مؤيد حماس لدعم مسيرة الإصلاح والتغيير في هذا المنتدى

صوتي أماني لا ما تخون ، صوت لمؤيد حماسي

[هلــون]

انا هاي الصلاحية حاطيتها بمنتداي .. وبالقوانين موجودة ..

انا اكتر من 3 مواضيع للعضو باليوم ما بسمح ...

كل موضوع زيادة بحذفوا .. وبتوصلوا رساله بالقوانين ...

يسلمو مؤيد

[سالي بنت فلسطين]

تم التصويت

مشكور لاهتمامك بالمصلحه العامه

[مؤيد]

أخت هيلين ، هذا الصح ، ويا ريت يتم تطبيق هذا القانون على كل المنتدى بأقاسامه كلها

أخت سالي شكرا لك ولصوتك

[عاشق الحور]

انا لا اؤيد

لانو المفروض يكون في حرية للشخص

انا ممكن اقعد اسبوع بدون مواضيع

ويجي يوم انزل فيه 3 او 4 مواضيع

على العموم انا ما عمري نزلت اكتر من 5 مواضيع

بس كلهم بيكونو تواقيع

يعني مش مشكلة التوقيع يتأخر يوم مش مشكلة

بس دور على حالك

[لمسة وردة]

يسلمو انا بأيد هشي
وانا كنت من قبل مقترحة هالشي بس حسيت انوا شوي الي عجبهم الاقتراح
عن جد انا بايد

[مؤيد]

عاشق الحور ، انته مشرف وبتقدر تضع مواضيع قد ما بدك ، دائما ً ضدي يعني .... ولك أنا إذا نزلت انتخابات ضدك بفوز ...

المشرفة لمسة وردة ، شكرا لك


==========

وبقل لنشأت راح أفوز بالتصويت " بنعم أؤيد " ، وإذا انت بتدفع فلوس للأعضاء عشان يضعوا " لا أؤيد " هذا برجع لضعفك ولتخوفك من رأي الشارع الفلسطيني

[حبيبي]

هاي مؤيد حماس
شو شكلك من يوم ما استلمت الحكم و انت نازل تص بقوانين اجديد
اي يا زلمي القوانين القديمة احلا
ولا شو رايك يا عاشق الحور
المهم هلا فكرو بالرواتب
يعني انا موظف و بستنى بالراتب تانية بتانية
شو رايكو يا اعضاء
مين الاولى
نسن قوانين
ولا نقبض الموظفين
صوتو لشوف
باي حبايبي

[مؤيد]

هاي مؤيد حماس
شو شكلك من يوم ما استلمت الحكم و انت نازل تص بقوانين اجديد
اي يا زلمي القوانين القديمة احلا
ولا شو رايك يا عاشق الحور
المهم هلا فكرو بالرواتب
يعني انا موظف و بستنى بالراتب تانية بتانية
شو رايكو يا اعضاء
مين الاولى
نسن قوانين
ولا نقبض الموظفين
صوتو لشوف
باي حبايبي
شو هاي هذه ، من وين جايبها

اسمع أخي ما بدنا نغير الموضوع ونفتح سيرة الرواتب ، صوت وبس ، وأنا عارف إنو عاشق الحور دفعلك عشان توقف معه ، ههههههههههههههههههههههههههههههههههه ، اوعك تزعل

[حبيبي]

هاد تاني مسبة
انا مرتشي اه
بتحكي عني مرتشي اه
شاهدييييييييييييين
الله اكبر بيتهمني بالرشوة و انا اليوم اعرفت عاشق الحور
لسا هلا اعرفتو بعد ما اعرفت الاخ مؤيد حماس
الله اكبر
الله اكبر
باي

[حنووو اليبناوية]

ما بعرف بس برده يللي حكاه عاشق الحور منطقي
يعني انا مثلا ما بفوت غير اخر كل اسبوووع وبحقلي كل ما افووت انزل 4او5 مواضييييع
وشكرا مؤيد على طرحك الموضوع وما تزعل مني
حنوووو

[مؤيد]

هاد تاني مسبة
انا مرتشي اه
بتحكي عني مرتشي اه
شاهدييييييييييييين
الله اكبر بيتهمني بالرشوة و انا اليوم اعرفت عاشق الحور
لسا هلا اعرفتو بعد ما اعرفت الاخ مؤيد حماس
الله اكبر
الله اكبر
باي
يا زلمة ما انته عارف إني بمزح معك

[مؤيد]

ما بعرف بس برده يللي حكاه عاشق الحور منطقي
يعني انا مثلا ما بفوت غير اخر كل اسبوووع وبحقلي كل ما افووت انزل 4او5 مواضييييع
وشكرا مؤيد على طرحك الموضوع وما تزعل مني
حنوووو
طيب بس لا تصوتي بـ " لا أؤيد "

امتنعي عن التصويت

هههههه

رجاء ً ، بدي أفوز في التصويت والانتخابات

[abu hanood]

معك قلبا وقالبا
من اجل الاصلاح والتغيير
ههههههههه

[حنووو اليبناوية]

ايش في

[عاشق الحور]

ابو الهنود :(

[abu hanood]

ابو الهنود :(
نعم عاشق الحور
تفضل
اي شي انا جاهز

[شـهيد]

و الله انا معك.. لانو احيانا ما بتلحق تنزل موضوع إلا تلاقيه صار بالصفحة التانية من كتر ما في اعضاء بنزلو اكتر من مشاركة....وكمان شغلة عشان لو بتحدد المواضيع بنعطي حق الموضوع انو ينقرأ....

تسلم يا مؤيد...
والله شكلك راح تفوز..!!! يلا يا نشأت خيرها بغيرها..ههههه..

[شـهيد]

ايش في


عن جد ايش فيه..!!!

[مؤيد]

و الله انا معك.. لانو احيانا ما بتلحق تنزل موضوع إلا تلاقيه صار بالصفحة التانية من كتر ما في اعضاء بنزلو اكتر من مشاركة....وكمان شغلة عشان لو بتحدد المواضيع بنعطي حق الموضوع انو ينقرأ....

تسلم يا مؤيد...
والله شكلك راح تفوز..!!! يلا يا نشأت خيرها بغيرها..ههههه..
أخي شهيد شكرا الك

بس أنا بدي صوتك ، لأو عامل استطلاع انا في أول الموضوع

انا ما بدي مشاركات يا عالم ، انا بدي أصوات


بالعربي بدي أفوز بدي كرسي ،هههههههههه


ورجاء لباقي الأعضاء ما بدنا مواضيع جانبية ، خلينا في صلب الموضوع .

[abu hanood]

شو يعني ابو الهنود
ليش مو ابو الباكستانية يعني
ههههههه
الا تعرف من هوه ابو الهنود؟؟؟

[مؤيد]

الله أكبر مؤيد حماس يتقدم على المعارضة المتآمرة والمتواطئة مع الأعداء
ههههههههه

[شـهيد]

صوتنا يا عم لااااااااااا تخاف...

[abu hanood]

الله أكبر مؤيد حماس يتقدم على المعارضة المتآمرة والمتواطئة مع الأعداء
ههههههههه
طيب يلا جهز الحلوان
دير بالك انا ما بحب الا النابلسية
وشوف الشباب شو بدهم
زمان ما تحلينا

[مؤيد]

شباب
ولعت
في ايشي اسمه رسائل خاصة
صح
و كل اشوي رسالة خاصة
و من مين
بنات
اكلت هوى
تحقيق معي
شو اعمل
ساعدوني
انا جديد
بلاش اخبص بالحكي
باي
أخي " حبيبي "
يا ريت ما نطلع عن صلب الموضوع
وشكرا
بجد يعني

[عاشق الحور]

ممنوع مؤيد يستخدم دعايات ممنوعة

وللاسف وقع معي بالغلط

ولا كيف مؤيد

ما بتقدر تنكر


عععععععععععع

[مؤيد]

طيب يلا جهز الحلوان
دير بالك انا ما بحب الا النابلسية
وشوف الشباب شو بدهم
زمان ما تحلينا
يا حبيبي ، هاي ما فكرنا فيها ، الكنافة

يا عمي أقلكم

بطلت بدي أفوز ، بدي أتنازل عن المنصب لعاشق الحور لأهبل

..........


عم بمزح طبعا ً حياكم الله

[صدى الصمت]

http://www.shabab.ps/vb/showthread.php?t=3406&page=8

طرحت هالفكرة من قبل بس النتيجة كانت ،،
تطنيش من قبل الكل
فانا كمان طنشت الموضوع

بس انا موافقة

[مؤيد]

http://www.shabab.ps/vb/showthread.php?t=3406&page=8

طرحت هالفكرة من قبل بس النتيجة كانت ،،
تطنيش من قبل الكل
فانا كمان طنشت الموضوع

بس انا موافقة
ما بعرف ما انتبهت على اقتراحك

بس شكرا الك ولمرورك

وكوني مع الحق " كتلة مؤيد حماس الإسلامية ، هههه "

عاشق الحور المعارض خسران من هلأ بقول لكم

[abu hanood]

خبر عاجل/
النتائج الاولية تشير الي تقدم كتلة (مؤيد حماس) علي كتله (عاشق الحور)

[abu hanood]

الفائز حتى الان هو مؤيد حماس

[Twin]

لا اايد بالمره ..

[مغرمة فلسطين]

انا بدي اعطي رايي فياريت ما حد يزعل

الصراحة انا كمشرفة هادا الموضوع بأييدووو كتير لأنو في اعضاء بيحطو بال6 او 10 مواضيع في القسم باليوم و اذا انا حطيت موضوع ماحد بيشوفوا و بلاقيه بالصفحة التانية

و بالنسبة لعاشق انا احيانا بيصير معي هالموقف و عن بنحتاجو و يعني معك حق

بس بالأول و الأخير الصراحة الصراحة انا بأيد القرار و بشدة

و امانة امانة ماحد يزعل و نشو ما تزعل يلا بدي اشوفك طاير طيير

سلملم

[قمر الخليل]

نععععععععععم اؤيد يا مؤيد

اكييييييييييد انا معك بدون شك

وما تهتم بنشووو ولك هادا دايما ضدي انا كمان وعاملي حالو ابو العريف

قال ايش قال شايفلي حالو بتواقيعوو

هههههههههههههههههههههههههههههه

بأبدك ونص كمان

طير يا نشوووو بعيد

[النجم الفضى]

السلام عليكم ورحمة الله وبركاته.......
هل المقصود هو الا يضع العضو أكثر من ثلاث مواضيع فى نفس القسم خلال يوم واحد ام خلال الايام كلها؟

[مؤيد]

انا بدي اعطي رايي فياريت ما حد يزعل

الصراحة انا كمشرفة هادا الموضوع بأييدووو كتير لأنو في اعضاء بيحطو بال6 او 10 مواضيع في القسم باليوم و اذا انا حطيت موضوع ماحد بيشوفوا و بلاقيه بالصفحة التانية

و بالنسبة لعاشق انا احيانا بيصير معي هالموقف و عن بنحتاجو و يعني معك حق

بس بالأول و الأخير الصراحة الصراحة انا بأيد القرار و بشدة

و امانة امانة ماحد يزعل و نشو ما تزعل يلا بدي اشوفك طاير طيير

سلملم
هذا هو الرأي الصائب والتفكير العقلاني الذي ينبغي أن يوجد مثله في هذا المنتدى .

سلمت يدالك على صوتك ، هههههههه

وشكرا الك كتير وعالآخر كمان يا مغرمة فلسطين

[مؤيد]

نععععععععععم اؤيد يا مؤيد

اكييييييييييد انا معك بدون شك

وما تهتم بنشووو ولك هادا دايما ضدي انا كمان وعاملي حالو ابو العريف

قال ايش قال شايفلي حالو بتواقيعوو

هههههههههههههههههههههههههههههه

بأبدك ونص كمان

طير يا نشوووو بعيد
ههههههههههههه

آه لو بس نشأت يشوف ردك ، شكلو هيو شاف ردك وطلع من النت كله

خليه يتعلم تاني مرة يوقف ضدي ، لإنه هيك هو بعمل انشقاق داخلي للحلف الذي كان بيني وبينه سابق ، بس هو ما بيجري إلا وراء المناصب ،ههههههههه

لو القانون ما اتطبق راح أزعل شوي ، بس المهم أنا صاحب أعلى أصوات وفزت أنا وكتلتي في الانتخابات

وبحييك على رأيك وصوتك ووقوفك الشجاع لجانبي

[مؤيد]

السلام عليكم ورحمة الله وبركاته.......
هل المقصود هو الا يضع العضو أكثر من ثلاث مواضيع فى نفس القسم خلال يوم واحد ام خلال الايام كلها؟
لأ في اليوم الواحد طبعا ًبس لازم يكون مسموح له 3 مشاركات

وبدعوك لتصوتي لكتلة " مؤيد حماس " ،" نعم أؤيد " ، الصوت أمانة ، ههههه

[الورده الحمراء]

ههههههههههههه مؤيد انا صوتت معاك اذا بتدفعلي اكتر من نشأت خخخخخخخخخخخ
بمزح ...معك حق.. انا مع القرار...يلا والكنافه النابلسيه من عنا...بس على حسابك مؤيد...شكلك رح تفلس...تحياتي..

[مؤيد]

ههههههههههههه مؤيد انا صوتت معاك اذا بتدفعلي اكتر من نشأت خخخخخخخخخخخ
بمزح ...معك حق.. انا مع القرار...يلا والكنافه النابلسيه من عنا...بس على حسابك مؤيد...شكلك رح تفلس...تحياتي..
هههههههههه

بتعرفي بلشت أحس إنو ثمن الفوز غالي ، كم كيلو كنافة هلأ بصير علي ؟؟؟؟

ربنا يستر ما يزيد عدد الأعصاء المؤيدين إلي ، راح تكتر الكنافة والتكاليف

[النجم الفضى]

السلام عليكم ورحمة الله وبركاته.......
بصراحة هى فكرة حلوة لانها بتعطى للاعضاء الاخرين الفرصة فى عرض مواضيعه....... ومشكور اخى على هذه الفكرة

[مؤيد]

راح أخليكو تغنوا كلكو :



وين الكنافة ، فش فش



ههههههههههههههههه :icon15: :icon15:

[مؤيد]

السلام عليكم ورحمة الله وبركاته.......
بصراحة هى فكرة حلوة لانها بتعطى للاعضاء الاخرين الفرصة فى عرض مواضيعه....... ومشكور اخى على هذه الفكرة
يا أخي على المستوى الشخصي أصلا ً أحسن الي عدم تطبيق هذا القرار رقم 1702 ههههههههه

أما على صعيد مصلحة كل الأعضاء ، فالقرار أنفع للمصلحة الوطنية العليا

شكرا

[الورده الحمراء]

هههههههههههههه وين الكنافه فش فش..؟؟؟له له بديت تألف مؤيد خلص ولو الكنافه علينا..احنا النوابلسه اهلها..بس طبعا الفوز غالي..الله يعينك بليت حالك...بس قرارك بجد مفيد..للمصلحه الوطنيه...وتساعد الشارع الفلسطيني في تطبيق القرارات...ال يعني انت خطير بقراراتك...هههههه

[مؤيد]

هههههههههههههه وين الكنافه فش فش..؟؟؟له له بديت تألف مؤيد خلص ولو الكنافه علينا..احنا النوابلسه اهلها..بس طبعا الفوز غالي..الله يعينك بليت حالك...بس قرارك بجد مفيد..للمصلحه الوطنيه...وتساعد الشارع الفلسطيني في تطبيق القرارات...ال يعني انت خطير بقراراتك...هههههه
لأ ما انتي عارفة اني بمزح ، مش أكتر

هههههههههه

شكرا الك كمان مرة

[.:.!دموع الرحيل!.:.]

لا اليوم وبعد إذنك يا نشو
مضطرة اكون ضدك

وأنا معك أخي مؤيد 100%
لأن في اعضاء بيعملوا اجتياح مواضيع
والله ما الواحد ما بيعود مركز
وما بتاخد باقي المواضيع حقها

يعني موضوع واحد يستفيد منو الواحد
أحسن من عشرة الواحد ما يلحق يقرأهم
هدفنا الأول والأخير الإفادة والإستفادة

ويا ريت يتطبق 000
يعطيكوو العافيه
مشكوور أخي مؤيد
الله يعطيك الف عافيه

وهارد لاك يا نشوو
خيرها بغيرها ان شاء الله :>

[مؤيد]

لا اليوم وبعد إذنك يا نشو
مضطرة اكون ضدك

وأنا معك أخي مؤيد 100%
لأن في اعضاء بيعملوا اجتياح مواضيع
والله ما الواحد ما بيعود مركز
وما بتاخد باقي المواضيع حقها

يعني موضوع واحد يستفيد منو الواحد
أحسن من عشرة الواحد ما يلحق يقرأهم
هدفنا الأول والأخير الإفادة والإستفادة

ويا ريت يتطبق 000
يعطيكوو العافيه
مشكوور أخي مؤيد
الله يعطيك الف عافيه

وهارد لاك يا نشوو
خيرها بغيرها ان شاء الله :>
تسلمي على مرورك الرائع

فعلا ً الواحد ما بيلحق يضع موضوعه ، كمان شوي بلاقيه صار صفحة 10

هذا مزعج

وقراري هذا يجعل العضو ملزم بوضع المواضيع الهامة فقط ، أما المواضيع التافهة الزيادة مش راح يحطها

شكرا مرة تانية وأهلا بك دموع الرحيل

[.:.!دموع الرحيل!.:.]

شو هادا !!!!
بلاش الغلط لو سمحت

[مؤيد]

شو هادا !!!!
بلاش الغلط لو سمحت
سيبك منه ، مش ملاحظة انو رد على موضوعي 20 مشاركة ، وأنا مطنشو ، ههههههه

المشلكة هو مش حاسس انو أنا مطنشه ، وقلت له ما ترد على مواضيعي

هو الحقد لا أكثر

[لولو اليبناوية]

ان مش فاهمة؟؟؟ في حدا منضر من التصويت بلا؟؟؟؟
وشو دخل عاشق الحر حينضر؟؟؟؟.........لا سمح الله

[.:.!دموع الرحيل!.:.]

اوك أخي مؤيد
بس كل شي الو حدود كمان

يالا الله يعطيك العافيه

[مؤيد]

ان مش فاهمة؟؟؟ في حدا منضر من التصويت بلا؟؟؟؟
وشو دخل عاشق الحر حينضر؟؟؟؟.........لا سمح الله
هو بمزح ، ما انتي عارفتيه

[لولو اليبناوية]

خلص هوة بصراحة اقتراح رائع وبالنسبة لعاشق زي ما قلت هو مشرف بحقلو ينزل مواضيع قد ما بدو بتهيالي....فهيك بصوت انا بنعم اؤيد

[مؤيد]

خلص هوة بصراحة اقتراح رائع وبالنسبة لعاشق زي ما قلت هو مشرف بحقلو ينزل مواضيع قد ما بدو بتهيالي....فهيك بصوت انا بنعم اؤيد
شكرا الك

خلي نشأت تولع معه ، ههههههه

[مؤيد]

حل حل