اين مصلحة الفتاة إكمال الدراسة أم الزواج ..!! ؟؟؟

[محمود-87]

الكثير من العائلات ترفض تزويج بناتها فى مرحلة الدراسة فالدراسة أولا ومن ثم


الزواج ..هل وجهة نظرهم صحيحة ؟؟


أم أن الدراسة لا تمثل عائقا لزواج الفتاه حيث انها تستطيع التوفيق بينهما ؟؟



هل الشهادة الدراسية أكثر ضمانا لمستقبل الفتاه من الزواج ؟؟



هل الزواج في سن مبكرة السبب لحالات الطلاق حيث يكون الزوجان غير مهيئين


لتحمل المسؤولية وحل المشاكل ،كذلك



انشغال الفتاه في الدراسة قد يلهيها عن واجباتها اتجاه زوجها وبيتها ،، فيحدث



الانفصال من أول مشكله أو خلاف..؟؟



فما هي وجهة نظركم؟؟؟؟؟
( ان شاء الله اجد بعض التفاعل مع الموضوع

[فراشة]

اولا الدراسه لضمان مستقبلها ...... وانا برأيي يعني لو هيه بتدرس ونخطبت او تزوجت عادي المهم تخلص دراستها وتكون معها شهاده تدعمها فالمستقبل ... وشكرا عالموضوع الحلووو

[هلــون]

طبعا الدراسه ..

لانو الزواج ما رح تعرف اذا رح تستمر فيه او لا .. او ما بتعرف بل المستقبل شو رح يصير معها ..

فلما يكون معها شهادة رح اتكون مرتاحة .. وممكن باي ساعه تقدمها وتشتغل وهي واثقة من حالها ..

واتكون ضامنه مستقبلها ..

[بنت الشرق]

طبعا الدراسة أولا ..لأن الزوج أو العريس قد يأتي في أي وقت
أما الدراسة ..فقد تكسل الفتاة بعد الزواج ومسؤوليات البيت عن
اتمامها وعندي أمثلة كثيرة ..
كما أن الفتاة عندما تكمل تعليمها تكون الفرص أن يأتيها
شخص متعلم أكثر وتكون فرص التفاهم ونجاح الحياة الزوجية
أكبر ...
ومشكور كثير أخي على هذا الموضوع المهم جدا

[alaa_sabbah]

شوفو يا صبايا
في وقتنا هاد
البنت الحلوة و الغنية بتهتم بالدراسة اولا
اما اذا كانت البنت مش حلوة و مش شاطرة اكتير و فقيرة ( حاشاكم ) فالزواج الها بكون اهم من الدراسة
اما اذا كان حال آخر متل انو البنت عليها نفس او البنت ما بدها الا شب مثقف متل صاحباتها او البنت ما بدها تتزوج او خايفة من الزواج او ما بتحب تسمع سيرة الزواج و بتحب اتضل بالبيت عند امها خاصة اذا كانت البنت مدللة ( يعني امها بتوفرلها كل شيء ) طبعا بتكون غلطانة اذا ضيعت عمرها بالدراسة لانه متل هيك صفات بالبنت بتكون اكتير مرفوضة من قبل الشباب

[سالي بنت فلسطين]

الدراسه طبعا

[مؤيد]

أنا لا رى هناك أي تعارض بين الزواج واكمال التعليم

لكن من يخلق العوائق والعقبات هو نحن

أما إذا كل وحدة نظمت وقتها بين الزواج والدراسة فستنجح بالتأكيد

وأستغرب لماذا البعض يحاول أن يقدم الزواج كأكبر عائق أمام حياة الفتاة

لا أرى تعارض بين الإثنين ، وأنا رأيت نماذج زاوجت بين التعليم والزواج بمسؤولياته

[Eagle of Palestine]

انا بقول تتزوج و بعديت تروح تتدرس في جامعة مفتوحة متل ياللي عنا في فلسطين ( القدس المفتوحة ، هيك ما بتعوقق دراستها و لا شغلها بالبيت او الاولاد او حتى زوجها في الأقوات الرسمية !!!!!!!!ههه)

ثم انو كلو الزوجات عنا برام الله هيك بعملوا و هيك بقولي ابي ياللي بيعمل محاضر فيها ( ييي قلتلكم اخبار سرية شخصية بس يلا مش هالأخبار - ياللي بسمعني بفكرني بسررب اخبار عسكرية ههههههههه - يلا مزحة بايخة عالواقف )

و الله ولي التوفيق!

[حبيبي]

هاي انتي حكيتيها يا بنت الشرق
حكيتي انو البنت تكسل بعد الزواج
شو قصدك البنت تكسل بعد الزواج
و شو يلي بخيليها تكسل
انت جربتي
انتي متزوجة
اصلا الزواج ما الو علاقة بالدراسة يا بنت الشرق
اطلبو العلم ولو بالصين يا بنت الشرق
سلام يا بنت الشرق

[بنت الشرق]

انا عندي أمثلة يا أخي ولكن لكل قاعدة شواذ ..
ولعلمك يا أخي أنا درست وانا متزوجة ..
وبنفس الوقت موظفة ..واستطعت أن ارتب اموري
بين الدراسة والبيت والعمل..
ولكن أعرف صبايا لم يستطعن ..فعلى من تجد بنفسها القدرة
وجاءها عريس كويس (يعني ما بتفوت)أوكي
أما بالنسبة لي انا افضل الدراسة اولا ثم الزواج..
وشكرا لك حبيبها ...

[خيـرَ أُمـة]

طبعا الدراسه ..

لانو الزواج ما رح تعرف اذا رح تستمر فيه او لا .. او ما بتعرف بل المستقبل شو رح يصير معها ..

فلما يكون معها شهادة رح اتكون مرتاحة .. وممكن باي ساعه تقدمها وتشتغل وهي واثقة من حالها ..

واتكون ضامنه مستقبلها ..

شو هالحكي ...

اختي هيلين ليش ما يستمر الزواج ... ليش التشاؤم... احنا بنتوقع الخير حتى يثبت العكس..

وحتى بالنسبة للشغل مثل ما هناك طلاق في الزواج هناك "فصل" في الشغل ... كوني متفائلة اختي..


اما وجهة نظري في الموضوع فأنا لا ارى مشكلة وما عندي مانع اني اتجوز من طالبة "جامعة" مش "مدرسة" وتدرس و يمكن اساعدها اذا بفهم بدروسها وين المشكلة .. وأيام الامتحانات بعملها شاي وسندويشات شو صار في الدنيا...

ما تعقدو الشغله...

(إن جاءكم من ترضون دينه وخلقه فزوجوه) صدق الصادق الأمين

شكرا اخي على طرح الموضوع...

تحياتي

[الورده الحمراء]

لا برأي الدراسه اولا لعده اسباب...اولها ان سن الزواج الامثل للبنت بيكون بين 22 و25 اي بعد انتهاء دراستها..كما ان الدراسه تفتح للبنت افاق بالتفكير ومعرفه العالم الحقيقي..لتستطيع بعدها مجاراه حياتها الزوجيه...والزوجه المتعلمه طبعا تكون اقدر على فهم متطلبات زوجها..وتربيه ابنائها بطريقه صحيحه...
وبالنسبه للدراسه اثناء الزواج هو امر صعب جدا اذا لم يكن هناك زوج متفهم..واكيد بيكون فيه تقصير للبيت والزوج والاولاد..فلم لا تستغل الدراسه بالبدايه..وبعدها يكون امامها فرص الاختيار اوسع...
يسلموو لطرح الموضوع المميز..تحياتي

[سارة]

انا براي انها ممكن تتزوج و تدرس بنفس الوقت
انا بعرف اكتير ناس خلصوا جامعه وهم متزوجين وبيدرسوا <ابيت ازواجهم>