هل تثق بمن تحدثهم عالنت؟؟

[الورده الحمراء]

بسم الله الرحمن الرحيم

عندي موضوع، واتمنى من كل الاعضاء ابداء رأيهم بكل صراحة ومن غير مجاملات
او
الاهتمام برأي احد غيرهم وارجو الا تكون الاراء لارضاء أحد وانما رأي صريح
شجاع من كل شخص هنا ،،،

كثير منا يدخل الى شبكة الانترنت ، من خلال المنتديات والمواقع يلتقي كل
منا بعدد ليس بقليل من الناس .. ويحدث بينهم كلام ،،،

محادثة بين شاب وفتاة

محادثة شاب مع شاب

محادثة فتاة مع فتاة أخرى

ولكن السؤال ... هل تثق بمن تحادثه على الانترنت ؟؟ هل تثق بأن من تحادثه
صادق ؟؟ هل تثق بأن من تحادثه لا يخدعك ؟؟

وسؤال يجر سؤال .... هل من الممكن أن تصل هذه الثقة لاقامة صداقة أو علاقة
ايا كانت ؟؟ (( لا أقصد علاقة محرمة طبعا )) .... هل من الممكن ان تصل بك

الثقة لاخبار الشخص الاخر بأمور شخصية عنك ؟؟


هل تصل الثقة لان تقابل من
تحادثه دون خوف ؟؟

ارجوا من الاعضاء التفاعل في هذا الموضوع

تحياتي:
الورده الحمـــــــــــــــــراء:s (43):

[Twin]

انا عن نفسي لالالالالالالالالالالالالالا ....

[الورده الحمراء]

واضح توين..يسلمووو عالمرور

[Twin]

0000

[Eagle of Palestine]

بصراحة انا ما بثق في الا اذا كان عندو مايك و ويب كام غير هيك انا مستعد اضحك عليه اذا حسيت انو عم بتمسخر او مستهين في ، و بعدها يا ويلو مني شو بصيرلو ، تعرفو جاهزي ببطل اسمة كمبيوتر بصير خرابة و انتو عارفين كيف بسوي هيك !

مشكووووووووووووورة يا وردة :s (43):

[مؤيد]

مشكلتي أحيانا ً أثق بمن أتحدث معه

لإنو بقول قد يكون هذا الإنسان فيه خير

بس المفروض الواحد ما يثق بشخص لا يعرفه عبر الإنترنت

[Twin]

انا مع مؤيد حماااس ( بس المفروض الواحد ما يثق بشخص لا يعرفه عبر الإنترنت )
وشكرا يا ورده عل الموضووع الحلو

[الورده الحمراء]

يسلموو جميعا عالمرور..ولكن برأي الشخصي..انا كنت اؤمن بالصداقات على النت لكن تعرضت لمواقف فعلا حسيت انها فيها كذب كتير..وخداع..يعني بعد تجربتي الشخصيه اعتقد ما في داعي للانسان يعيش باكذوبه الصداقه عالنت..ولو كان ممكن تصلح ولو 1%...
ايجل حتى الكام والمايك..ما بتأكدلك صدق او كذب المتحدث معه..ممكن بهذه الطريقه بس تتاكد من جنسه اما الامور التانيه......حرام تخرب كمبيوترك علشانو...ههههههههههه
تحياتي للجميع...

[wcs]

والله يعني مش كل واحد اثق به يعني لو شغل كام لو حكي مايك لو اعطاني رقمه واتاكدت مثلا انه فتاة او شاب وحسيت انه صادق يكون شيئ ثاني

[ISSA]

اول شي موضوع حلو كتير و بستاهل النقاش يسلمووو يا ورده
هاد الموضوع بالذات بطلب انه يكون الواحد حذر ولازم يكون جريء بنفس الوقت
وطبعا قليل من هذه الصدقات بتنجح و ذلك لانه ما بكون عند الواحد الجراءه الكافية او مصداقية في التعامل
و على النت انا بحكيها بكون مجنون الي بحكي شغلات خاصة فية لانة بكون صاحبك و اربع و عشرين ساعة مع بعض و عارفين بعض منيح و في اكتر الاحيان ما بتحكيلوو شغلات خاصة فيك فما بالك الي ما بتعرف عنة اي شي على النت ..
ولكن كيف الواحد ممكن يأمن لصديق على النت انة اتكونووو بتعرفوو بعض من مدة طويلة على النت
و ترتاح لهذا الشخص في هاي الحاله بصير سهل انك اتقابلة او اتطور صداقتك فية
وانا ماخد الامور ببساطه اكتر من اللازم و بحب يكون هناك علاقات طيبة على النت و لكن مستحيل احكي شي خاص الي...

[الورده الحمراء]

دمت بمرورك عيسى...يمكن من الجيد ان نتعلم من اخطائنا حتى ما نعيدها...وطبعا الامور الحساسه بحياه الانسان..لا يتكلم بها حتى لاقرب الاصدقاء اللي بيعرفهم بالواقع...فما بالك بالشبكه العنكبوتيه..التي تلم الكثيرين ولا تعرف عنهم الا الصوره التي يرسموها هم عن انفسهم...فعلا اتمنى من الجميع اخذ الحذر باختيار الاصدقاء..من النت..ودمتم بخير

[الورده الحمراء]

اهلا في wcs نورت بردك العطر..
(والله يعني مش كل واحد اثق به يعني لو شغل كام لو حكي مايك لو اعطاني رقمه واتاكدت مثلا انه فتاة او شاب وحسيت انه صادق يكون شيئ ثاني )...
حسيت....يعني بمعنى تاني انت اللي بتضع هادا الاحساس...الصدق او التكذيب...بينما الشخص المقابل بالنت..ممكن يكون عنده اساليب بالتعامل عالنت.وزرع الاحساس بالصدق..برأي بالنسبه لشاب لا تفرق معه كتير...ولكن بالنسبه لبنت اعتقد يجب توخي الحذر بالتعامل...تحياتي

[ISSA]

كلام سليم و يسلموو مره تانيه على الموضوع الرائع ..دمت بخير

[بنت الرملة]

انا بصراحه بثق يعني اجي احكي مع بنت وهيك بحسها احسن وحدي بالدنيا خخخخخخخخخخخخخخ


ومفروض بصرااااااااااحه ما نثق بأي حد عالنت لأنو بضل النت عالم مخييييييييف وغامض

[الورده الحمراء]

سلمت بمرورك مره اخرى عيسى...واهلا بكي بنت الرمله وبردك اللطيف..فعلا انه عالم مخيف..ويجب عدم فتح الباب على مصراعيه للصداقات عالنت...وتوخي الحذر باعطاء المعلومات الشخصيه...وان طيبه القلب والتعامل ببساطه بهذه الامور قد تقع اصحابها بمشاكل هم في غنى عنها...ودام الجميع بخير وابعد عنكم كل المشاكل..تحياتي..

[قمر الخليل]

انا عن نفسي

ازا كانو اعضاء المنتدى طبعا بوثق فيهم بس مش كلهم

وفي كتير اعضاء بعرفو عنني اشياء خاصة كتيرة وبعرفو كتييييييير عني وعن شخصيتي

وممكن توصل اني اقابل شخص ومثال عهيك شوفو المشطووووووب نشوووو ما بلحق يعرف انو العضو من غزة بطير طير يتعرف ويقابل
ههههههههههههههههههههههههههههههههههه ههههه

وبصراحة كنت بدي اقابل وحدة من المنتدى بفلسطين لكن الظروف ما سمحت للاسف

اما ازا كانو اشخاص غير هيك واول مرة بعرفهم طبعا الواحد مش لازم يوثق فيهم ابدا

يسلمو كتير

[ملاك العمر]

يسلمووو حبيبتي الورده الحمرا...
بس الواحد مش ضروري يحكي معهم ويفتح مواضيع مش لازم تنفتح ..
ويحكي كل شي صح ما في غلط ...
ما بيصير اي مشـــــــــــــــاكل..
وشكرا...

[منار إبراهيم]

والله انا شايفه ان النت فى احيان كتير بيفسد العلاقات الانسانيه

يعنى انت مش عارف يمكن وانت بتحكي امور شخصيه اللى انت بتكلمه معاه صحابه مثلا وبيتمألسوا على الواحد وحاجات من دي كتير

انا بكلم ناس فى اموري الشخصيه بس بكون اعرفهم كويس الاول ولون فى ناس الواحد بينخدع فيهم

وعن تجربه بجد يا جماعه احسن حاجه فى الدنيا ان الواحد يبعت عن الشات بين بنت وولد واللى مش عارف يحاول يبطل واحده واحده وكل واحد يكلم اللى من جنسه لان الثقه بتكون اكبر وخصوصا البنات لانهم بيموتوا فى الرغي و بيعرفوا يتكلموا فى كل واي حاجه

مشكوره على الموضوع الحلو ,,

[الورده الحمراء]

اهلا فيكم وبردودكم العطره...قمر الخليل..يمكن من خلال المنتدى فعلا نتعرف على ناس محترمين ونكسب صداقات جديده...ولكن بالطبع الحذر واجب...
ملاك العمر اهلا فيكي نورتي موضوعي...
ويا منار تحياتي الك...معك حق..يمكن الشات اللي بيسبب مشاكل اكتر بالتعارف...وبيكون بحر واسع ما بتعرف فيه الكويس من العاطل...ودام الجميع بخير..

[الحنونة]

اكيد بثق فيهم...

ليش؟؟؟ لاني بعرف مع مين احكي .. ومين ضايفة عندي.. وما بضيف حده غريب او شباب ...

يسلموو..

[الورده الحمراء]

اهلا فيكي يا حنونه..وبمرورك اللطيف...يمكن يختلف الوضع لو حكيتي مع ناس بتعرفيهم بالواقع..اما اذا كانت وسيله التعارف هي النت وبس؟؟اعتقد يختلف الموضوع...كنت احبذ لو ان اي من الاعضاء كانت له تجربه شخصيه تعرض فيها لموقف معين ان يذكره للعظه...سلمتي للمرور

[سالي بنت فلسطين]

انا ما بثق بحد ع الطبيعه كيف ع النت

يسلمو لطرح الفكره

[الورده الحمراء]

اهلا فيكي يا سالي نورتي موضوعي بردك العطر...باعتقادي ممكن نكون علاقات صداقه جميله عالنت ولكن دون البوح بالاشياء الشخصيه التى تدل عليك...بالنسبه لي انا افضل صداقات من دول اخرى حتى تزداد المعرفه.. بعادات الاخرين وطباعهم...وثقافاتهم...ودام الجميع بالف خير..

[leilafst]

مشكلتي ان كتير بصدق الانسان لان بعتبر ان الناس كلهم زينين بس دائما بنصدم

[الورده الحمراء]

اهلا فيكي يا ليلى معك حق...معظمنا البنات منتعامل مع الناس حسب طبيعتنا ومنصدق....ومش غلط اننا نصدق ونتعامل بصدق..ولكن الغلط اننا نعطي امور تدل على شخصيتنا..هذا برايي طبعا..ان يكون الانسان دائما على حذر بالتعامل...ودامت اطلالتلك العطره اختي ليلى...تحياتي لالك..

[محمود كلاب]

انا بصق بكل شي
بس مو دايمن

[مؤيد]

عنجد فعلا ً الإنسان بفكر كل الناس متله

إزا كان منيح بفكر كل الناس مناح

لذلك فالحذر مطلوب دائما

[الورده الحمراء]

اهلا بمرور الحلو محمود كلاب..فعلا هذه مشكلتنا الثقه اللي بغير محلها في بعض الاحيان..دمت بخير..
نورت موضوعي مؤيد حماس معاك حق ..من الاخر...الذر مطلوب دائما...تقبل تحياتي..

[احلى رورو]

ليش لااااء بالعكس انا بثق فيهم

يسلموووووووووووووووو يا احلى وردة حمراء

[الورده الحمراء]

اهلا بمرورك العطر يا احلى رورو نورتي الموضوع بردك الحلو..تحياتي لالك